سلوكيات مرفوضة ....

[تحفه]

على طاري الجمعيه ..

بيذبحوني الي يخلون عيالهم يسوقون الجواري .. كله يدعمونا .. والله ما اظهر من الجمعيه إلا ونا مكسره .. المصيبه اني قمت احس اني مستهدفه يوم اسير الجمعيه من كثر ما اندعم :negab:

وعلى طاري الجمعيه بعد .. هالزلاماتيه الي يشتغلون في قسم الخضرا وايد يلوعون الجبد .. يوم ماعندهم شغل ييلسون يقرضون الناس عيني عينك .. يبالهم حد يربيهم ويسنعهم .. عيل انا هاذاكي اليوم تمو يتناقشون اذا انا زلمه ولا لا؟ ونا وحليلي زي الاطرش في الزفه إلين ما ربيعتي الي في التيلفون خبرتني :nono: .. :narr: . .بس يمكن لاني كنت ارمس ربيعتي بالانجليزي في التلفون :narr: :narr:

الموهيم

على طاري السلوكيات المرفوضه .. لازم يعاقبون كل الهنود الي يسوقون وينزلون الدريشه و(يتفلون) عزكم الله .. والله مب حاله .. لوعو جبودنا خسهم ألله

وبس .. للحين ها كل الي في خاطري اقوله وقلته

[لمّــاح]

عدنا ..
اختي لبن مثلج، الفرق بين دبي و ابوظبي دقيقتين ..
معقوله يكون الفرق بين الشارجه و عيمان ربع ساعة ؟؟
هذا يعتبر جهل من الاوقاف الي عندهم، لنه بعض الناس كلموهم بخصوص هذا الشان و كان ردهم كالتالي: نحن في امارة غير عن الشارجه و توقيتنا يختلف، عشان جيه الاذان يتأخر ..
انا بفهم و هالرمسه بدش مخي اذا كنا نتكلم عن دبي و الدوحة، او دبي و مكان بعيد .. لكن نحن نتكلم عن امارتين بينهم كمن كيلو متر !
و لاتنظرين لهالمسأله على انها مشكلة صغيره، وايد ناس في ارمضان يتلخبطون و يفطرون أو يمسكون على أذان غير أذان امارتهم و تصير مشاكل حتى اضني اتكلمو عن هالشي في البث المباشر .. !

--

عن السلوكيات المرفوضه، احترام قوانين السـير .. !
لو يبنولنا جسور، على شارع فيه 10 سيدات بدال 5، و يخلون البلاد كلها جسور و شوارع مابتنتهي أزمة الازدحام !
لأن الناس و خصوصا الهنود و الآسيوين، ماعندهم احترام للدولة و قوانينها و اتحصلينه يناحس في الشارع ... الخ من هالمخالفات ( ما اخصص، لكن هاذي هي اكثر فئة اتخالف ) و شي بعد مواطنين و اجانب و من الجنسيات العربية يخالفون ..
و الي يقهرني، ان معظم الناس الي اتخالف في البلاد عندنا لو سافرت لبلاد ثانيه او لبلاد اوروبيه مستحيل اتخالف و بتشوفونهم يحترمون القانون .. !