يوميـاتكم

[تحفه]

الـسـلام عليـكم


شخباركم ان شاء الله مستانسين

طبعا " الموضوع باين من عنوانو " .. كل عضو يدخل يكتب يومياته و اهم الاشياء الي صادفته

وعااااااااد إن شاء الله الموضوع ما يتصكر وينعق في سلة المهملات ..

[تحفه]

• نـشيـت الساعه ست ونص الصبح معنّه ما عندي دوام

• تميييت لين الساعه ثمان ونص في الشبريه ما أبا أقووووممم

• نشيت صليت وتريقت وتميت اقرا جرايد و اتطالع تلفزيوووون إلين الساعه 11

• الساعه حدش ونص يت كوتش اختيه اونه مسوين جمناستك في بيتنا ويلست العب وياهم رياضه لين1 .. طبعا انا ابنجر كل اشويه .. والله يسوون حركات صعبه .. والبشاكير اخر شي قامو يلعبون ويانا كان اكبر مصخره

• من الساعه هنتين لين الساعه ثلاث كنت يالسه اتغدى واسولف وي بابا

• الساعه ثلاث الظهر إستوا حدث مهم ألا وهو حطيت دهن في شعري :narr: :cop: :narr:

• تمو اخواني يتحرطمون لايعه جبودهم من الدهااااااان جان انعزل ويلست اقرى مجلات :sadwalk:( تميت اقرى مجلات قارتنها من زماان )

• و الساعه اربع ونص لين خمس وربع غسلون شعري .. كنت احس ان الدهن ماخاز استهلكت شامبو كامل وعلى فكره للحين اشم ريحة دهن .. شكلها ما علقت في شعري .. علقت في خشمي

• والحين يالسه على النت

• تعشيت من lentore.. كان خاطري اسير هناك اتعشى بس مشغوووووووووله

• من الساعه سبع إلين الحين تقريبا 12 ونا يالسه على بروجكت >> عليه 30% و تسليمه باجر الساعه وحده.. لازم اكتب 2000 كلمة ونا الحين واصله 996 .. ماحب اسهر احس عمري بدوخ :nono:

تصبحون على خير .. بنش الفير اكمل شغلي ابرك لي إحوليت لول

[صدى جوفي]

موضوعج حلو كفكــرة ولكــن ينقصــه هــدف ..

الأعمــــــار بيد اللــــه ولكن اعتقد أنه عمــره قصير!

- وعيت من الصبح وع الساعة سبع سرت الدوام. (اسعى يا عبد وأنا أسعى معاك)
- رديت الساعة وحدة ، تغديت وقعدت ع الواحات.
- عالعصر ساروا عني معرض الوظايف وأنا خبر خير. (يمكن كنا نقدر نضيف نقاط لموضوع الحساس)
- أخذت قيلولتي العــصر مع أحمداني - أمه فدبي وأنا البديل-
- من ساعة تقريباً ناشة وحدرت الواحات. (ما نستغنى)
- اللي أعــرفه أن وراي شغل ولازم أخلصه!

فســرد يوميــاتنــا .. هل عطينــا حق لأنفسنــا ، شغلنــا وأهلنــا ؟ أم أن هنــاك خلــل..
هــل كل يوم يمــر علينــا نحقق فيه ولو جزء بسيط من انجازاتنا؟ أم أن شريط الأحداث كفيل بأن يوضح لنــا ما حصدتــه أيدينــا..

تسلمــين الغاليــة ع المــوضوع

[قرموشة]

نــايس واللــه ..

- الساعــه 6 وعيـت من النــوم .. وصليت .. وبعدهــا اتريقت وسرت الجـــامــعه ..
- من الساعه 8 الين 12 وانــا في محاظراتــي .. وبعــدين يلست شويــه مع البنــــــــــات .. (دق سواااااالف )

- رديت البيت وتغــديت .. وعــلى طــول عـ النت (واحــات بن دبي ) :ice:
- امممم .. يلست أكمــل برزنتيـــشن الفيزيــاء ..
- سرت الســـــــوق .. من الساعــه 4 الــين 6.. وفصلــت لي عــباه ..
- رديت .. ووحدرت الواحــــات again .. وكمــلت برنتيشــن الفيزياء .. وتونــي مخــلصــه ..
- ومازلـت أتحوط في ربــوع الواحــــــــــــــــــــ ات .. وأرمــس ربيعتي عـ المسن .. :ttmasha:


وهـــــــــــــذا يوم الاحـــد .. 24-4-2006

[راعي الزعـامه]

الأحــد : 23 - 4 - 2006

1. وعيت من الرقاد الســاعة 9 ونص
2. سرت معرض الوظـــايف من الساعه 12 لين 2
3. بعد المــعرض سرنا مول الإمـــارات واتغدينا حتى الساعه 4
4. رديت البــيت تعبان فرقدت لين الساعه 8
5. قمت وكــان عندي امتحان ماث فذاكرت لين 11
6. يلست عالنت لين الساعه 4 الفجر
7. ردقت

[تحفه]

فســرد يوميــاتنــا .. هل عطينــا حق لأنفسنــا ، شغلنــا وأهلنــا ؟ أم أن هنــاك خلــل..
هــل كل يوم يمــر علينــا نحقق فيه ولو جزء بسيط من انجازاتنا؟ أم أن شريط الأحداث كفيل بأن يوضح لنــا ما حصدتــه أيدينــا..

تسلمــين الغاليــة ع المــوضوع

امممم .. لكل ماسبق الغاليه

[منــاوي]

يوم الاحد 23-4-2006

- قمت من الرقاد الساعه 9 ونص واتريقت وسرت الجامعه ..
- من الساعه 10 لين 12 عندي كلاسات ...
- وبعدين من 12 لين 2 عندي بريك ...يلست شويه سوالف ويا رباعتي وعقب اتغدينا وسرنا عند السير شويه ...
- ومن الساعه 2 لين 4 ردينا للارف
- وصلت البيت الساعه 4 ونص وسيييييده رقدت ..
- قمت الساعه 7 وكلت لاني كنت ميته من اليووع وعقب يلست اذاكر
- خلصت الساعه 10 وعقب يلست عن النت ليييييين 4 لان اليوم اجازه ما عنا شي
- وعقب رقدت

[الـيـاه]

1 - نشيت الساعه 7 الصبح عسب ادرس بس تميت لين 8 احوط فالبيت :ice:

2- بديت ادرس من الساعه 8 لين 12 وبينهم كم دقيقه بريك عقب تغديت ( سلطه بس لول )

3 - يلست اسولف ويا قوم امي وجي واتطالع التلفزيون

4 - العصر سرت اسوي بوكيه عند ألوها عقب سرت السمتشفى اسلم على ام ربيعتيه مسويه عمليه
ما طولت رديت البيت بسرعه عسب ادرس

5 - ردقت ساعه ونص يمكن ورديت ادرس لين فليل وعقب تعشيت

6 - واحين ومادري شو مسهرني brgll: قلت بشوف احوال المسن والواحات من 4 ايام ماحدرت

وثااانكس ع الموضوع الحلوو

.
.
.

[دمعة شوق]

الـسـلام عليـكم ورحمة الله وبركـاتـه

ياحي هالمواضيع الغاويه
:kcl:
شـكرا ً يـ أم خدود
’’

امم يومياتيه لـ
اليوم : الثـلاثـاء
الموافـق : 25\5\2006 م
السـاعـة : 3:07 pm

* نشـيـت سـاعه 15 : 7 وبالغصـب ،، راجعت شويه التاريخ ورحت المدرسه.
* السـاعـة الثامنـة صـبـاحـا ً امتـحـنت امتحان تاريخ كان سهل بس يباله تركيز ، عقب ماخلصت كملت رقاديه لين ما خلصت الحـصـة .
* الساعه عشر وخمسة عشر دقيقه رحنـا لحضور محاضرة وكانت عن الاعـاقة السمعية في الامارات
كانت حلوه بس هب مرتبـه .
* السـاعـه الواحدة ظهرا ً انا هنيه خلاص سطلت وغفيت طشونه ونشيت على صوت المعلمه
:nono: .
* الساعة الثانية ظهرا ً رديت من المدرسـة وصليت ودشيت الواحات والحينه بسير أقـيل طشونه لين العصر .

’’

وبكمل إذا الله أعـطانا عمر بأذن الله
السمووحووو

[دمعة شوق]

الحمدالله

’’’

اممم رديت أكمـل يوميـاتـيـه
:kcl:
* نـشـيت الساعه السـادسـة والسابعة والخمسون مساء ٍ وعقب رحت السوق من
السـاعـة الثـامنـة مساء ٍ .

* ردينـا البيت الساعه العاشرة مساء ٍ ، قعدت ويأ الأهل طشونه وتعشينا وقعدت وسولفت ويأ شيبتيه .
* قعدت في الواحات ، وبسـير أرقـد فيه رقااااااد ، ورايه يوم حافـل .
’’
تــصـبـحـون على خيـر

[طير الغرام]

موضوع حلو
.
.

اليوم بعده مابدا عندي brgll:

يوم الثلاثا 25/4

-صليت الفير ورديت رقدت

-قمت الصبح 7:25
عقب غيرت رايي وقلت طاف اول حصه >> وجودنا كعدمه الصراحه
>> ومن حظي انه الدكتور كان غايب ههههه

المهم رقدت مال ساعه إلا ربع زياده
وعقب قمت ع الساعه 8 وربع

-اتزهبت وشليت كتبيه ونزلت تحت اتريا الباص
دقايق وانا ف الجامعه

-الساعه 9 كان عندي لاب خلصته ع الساعه 11
11 ونص رديت السكن

- زهبت شنطتيه وحطيت أغراضي >> لنه برد بوظبي >> الأربعا عندي أوف
ريوق + غدا >> تو إن ون

قعدت اجوف التلفزيون اشوي
وخبصت ف الفوتوشوب عن خاطريه :smartass:

- ومن 2 وشي رقدت لين 4 وشي

- الباص كان ع الساعه 5 وشي
درب ممل وطويل بس يوم اربيعتيه اتكون معايه ما احس بالملل

- وصلنا بوظبي ع المغرب وأبويه كان يترياني اهناك

- وصلت البيت >> قعدت مع أهليه
مر الوقت بسرعه واتعشيت

- حدرت النت جيكت ايميلي وحدرت الواحات

- 3 ييت برقد ماياني ارقاد ورديت حدرت الواحات لين هالوقت

ههههه جني قلت قصة حياتي >> شكلها افيوزاتي ضاربه يبالي أرقد

[تحفه]

انا البارحه نشيت الساعه 7 .. تلبست وجي و الساعه ثمان ونص ظهرت سرت الجامعه
رديت البيت خمس ونص .. رقدت من الساعه ست ونص الين اليوم الساعه ست الا ربع والحين الساعه ست وعشرين دقيقه .. ولاذاكرت هيومانتيز ولاشي .. عندي امتحان طوووووويييييييللللل الساعه وحده .. اففففففف

[شمعة أمل]

- نشيت 6:10
-طلعت من البيت 6:47 ورقدت في السياره
-وصلنا المدرسه 7:09 وانقهرت من الشرطيه يعني محد ورانا ليش لازم نجدم السياره افففف
- دشيت وسلمت وتميت اسولف لين وصلت ربيعتي وطلعت برع اقولها شيييييي
- 7 : 35 بدينا الحصص
-8:15 عندي امتحان
- 9:15 بريك كلت ومشيت تحت احصل علامتي مال عربي فاينل سويت اوكي
- 9:30 - :3010 بزنس
- بعين كان عندي فري لين اخر اليوم صدق ملللللللللل بس وناسه في نفس الوقت
- رديت البيت
-رقدت لساعه
- نشيت سرت كلاس بلاتييس مال رياضه
- الحين اجوف فلم
- بعدين بطلع اتصور وبتعشا وهمممممممم ماعرف

[قلوب دبي]

طوط طوط .. طوط طوط
ام سعيد موعتني الصبح ..

ياأحلى صباح ^_^

نشيت بعد الشور تريقت ..

و ظهرت حليلي سرت الدختر عندي جراحه جلع ضرس ههههه
وصلت 9.30 ز تميت يالس اتريا و جان القى ريال اعرفه و تميت اهذرب معاه ..

يا دوري و دخلت و جان اتقول الدكتوره وين الاشعه وقلت الها اويه نسيته في البيت
ذكي وايد شو امودنك عيل دام انته ناسنه ..

ممم سويت اشعه و ييت مره ثانيه ..

دخلت غرفه و يت و ضربتني ابره و عقبها الثانيه ..
و كل ما اتحرك ويع و يع ايني و ضربتني الثالثه ..
كانت مواطنه و زاغت و زقرت دكتور غيره
ياني هذاك و ممرضتين وكلهم واجفين ع راسي
ساير متعصم ادري مافيه بالسفر والعقال عسب اتبهدل ..

و تموا يتضاربون ويا ضرسي يبون يجلعونه
و هالدكتور تم يبا يجلعه ايعورنه اقوله وقف وقف ..
وشويه تم يقولي حق الدكتوره قصه عيوز في لبنان
وانا مدمج معاه في القصه .. :shock: عجيبه كانت العيوز
في القصه و مره وحده ير الضرس و بقمت مره وحده
و عقب تم يعورني وانا اضحك هههههه لانه قص عليه ..

قالي يا قلوب ما ينفع معاك الا السرقه ..

و عقب يا الدكتور الثالث لانه ها ما قدر
و ثلاثتهم داروا عليه و جلعوه ..
الثالث قصاب انا اصارخ و هو ما عنده رحمه
بس الحمد الله افتكيت منه ..

الساعه 12.30 رديت البيت
و صليت و يلست عالفوتو شوب

و عقب ما صليت العصر رقدت و خلاف نشيت عالساعه 6 تقريبا

و كلت ايسكريم ويلست ويا ام سعيد .. :ice:

و عقب المغرب رديت يلست عالنت

والحينه بسير باسكن روبنز الدكتور نصحني
اونه اتعلث فيه
:harhar1:

---
:kkk: ليش يومياتكم قصيره ويوميتي طويله
سين سؤال ذكي شويه ..
هل لازم اليوميه اتكون عناوين بدون تفاصيل
خخخخخخ

[نور الإيمان]

دخلت غرفه و يت و ضربتني ابره و عقبها الثانيه ..
و كل ما اتحرك ويع و يع ايني و ضربتني الثالثه ..
كانت مواطنه و زاغت و زقرت دكتور غيره
ياني هذاك و ممرضتين وكلهم واجفين ع راسي
ساير متعصم ادري مافيه بالسفر والعقال عسب اتبهدل ..

و تموا يتضاربون ويا ضرسي يبون يجلعونه
و هالدكتور تم يبا يجلعه ايعورنه اقوله وقف وقف ..
وشويه تم يقولي حق الدكتوره قصه عيوز في لبنان
وانا مدمج معاه في القصه .. عجيبه كانت العيوز
في القصه و مره وحده ير الضرس و بقمت مره وحده
و عقب تم يعورني وانا اضحك هههههه لانه قص عليه ..

قالي يا قلوب ما ينفع معاك الا السرقه ..

و عقب يا الدكتور الثالث لانه ها ما قدر
و ثلاثتهم داروا عليه و جلعوه ..
الثالث قصاب انا اصارخ و هو ما عنده رحمه
بس الحمد الله افتكيت منه ..

قلوب دبي brgll: يحليلك .. :sad4: