مــــــــــــــــاااااا أبــا واحــد مطــوع .. !!!!!

[ألـم]

صــدقـج ياقــرموشــه نحــن من تبـدأ الدوامات أنشـوف العـجب من البــنات ..
هاي اللي ما تبــى مطــوع أنســـانه مزاجــيه كل اللي في راسها تبى أتسـويه لانها هي محطيه فكره في بــالها أنه المطــوع بيتحكم فيها وما بيخليها على مزاجها ..
في بنات محطين فكره في بالهم أنه المطوع ما يخلي حرمته تشتغل ترى هالفكره خاطــئـه مب شـرط أن ما يخليها انا أعرف وايد مطاوعه يخلون حريمهم يـشــتغلــون ويـتشــتغلون عند ريـايـل بعد ..
أصلا يوم بيقولي لا تــشــغليــن بـستانس بريح راسي من العوار ..
ومــنو قص عليهم وقالهم المطوع يظرب حرمته يمكن مرة سمعوا واحد مطوع ضرب حرمته قالوا كل المطاوعه يضربون حريمهم ،، عيل يوم جي السالفه ولا مطوع بيعرس بيكونون عزاب .. لــول
وأنا بـنظري انه الريال المطوع هوه اللي يقدر يــسعد حرمته لانه بترتاح آخر راحه في التربيه و....الخ
أما اللي مش مديــن عادي يروح يــلعب عليها ويــشك فيها ......الخ
وانا عادي أرضى بواحد مدين ان شو ما يكون ..

[العتيج]

السلام عليكم ..

ماعرفنا .. شو معني .. مابيخلني ع راحتي .. شو الراحة إلى تباها يعني ..

سيارة وخليناهن يسوقن .. ولبس وألبسن .. وطلعه واطلعن متى مايبن .. والسينما مزروها .. والأسواق مزروها ..

شو بعد ع راحتي ..

ابن اّدم ما يمزر عيونه إلا تراب .. brgll: ..

[فنجان قهوة]

السلام عليكم و رحمة الله و بركاته

هلا و غلا بالقرموشه

و تسلمين على الطرح

تبين الصدق انا بعد استغرب من هاي العبارة يوم نتقال

و لا شو يقولون ابغي واعد عادي ,,, يعني لا مطوعه و لا مصروع

لما افكر في الموضوع احس ان البنات الي يقولون هاي الرمكسه يشوفون المطاوعه اللي ما يستوولهم

فيتحرون ان المطاوعه مع اهلهم بعد جذه

ع قولت ربيعتي بلاهم المطاوعه ,, المطوع يوصل حرمته وين ما تبا و ما يوصلها مكان الى وهو مطمن عليها

و عن رايي انا المطاوعه في بيتهم غير عن يوم نشوفهم في الاماكن العامه

و الله انا خوالي كلهم مطاوعه يوم يسولفون ويانا و يلعبون ويانا و يطلعون ويانا ما انحس انهم مطاوعه

بس يوم يغارون علينا و يحاتونا نستانس صح لو كانوا فري بيخلونه نطلع كاسيات عاريات بس شونبابه الحمدلله ع نعمة الستر

و الحمدلله ان الوالد و اخواني ملتزمين و ما يرضون علينا

اظن جان اخوي فري بيكون ما عندة غارية علينا ,,, و شوتبا البنت بالديوث

البنات ما يعرفون ان الانسان العادي الي يبونه بيكون عندة وايد اشياء عادي

يعني العادي ما تكون عندة مبادء قويه متمسك فيها

يعني عادي يرقد عن الصلاه

و عادي يتعامل مع البنوك الربويه

و عادي يتدين

و عادي يكون ربيعه فري و يسوي و يسوي ,,, ترى الصاحب ساحب


و مع تحياتي

مرحبا
أم السانين

[الملهم]

افضل كلمة " ملتزمة " على كلمة " مطوعه "

طبعا اكيد اوافق على الملتزمة دينيا .. واتكون فرفوشة وغير متشدده .. او اهلها متشددين .. لان صدق لو الاهل متشددين صعب بعيش مع البنت .. ما بيخلونا في حالنا .. ليش الريال يسير سنما .. لاو خذنا بنتنا معاه .. حرام وبدعة ..

ابا اسمع اغنية رومنسية وبغيت جو رومانسي معاها .. بعد اشوي يتصلون اهلها ويحرجون علي ويكدرون ويقولون حرام وغلط ..

هذا رأيي .. مجرد راي فقط ^__^

[اخت اختي]

السلام عليكم..
بكل صراحة.. أنا نفس الشيء.. ما با مطوع.. يعني.. ما أبا إنسان لحيته لين الركب والكندورة قافطة.. لا بصراحة مب حكم.. أنا أتمنى إييني إنسان ملتزم، يعني يصلي يصوم ويخاف ربه.. ما عنده سوالف الحرام.. ويحترم المرأة..
أبا إنسان يثق فية.. يخليني أسوق وأشتغل.. ما أبا إنسان يضغط علية.. لأني إنسانة متربية وأعرف الأصول وأعرف واجباتي كزوجة..
لكن أبداً مش مستعدة آخذ إنسان علة عقلبي.. لا تسيرين، لاتسوقين، لا تطلعين.. ولا واحد بخيل!!
أتم في بيت ابويه وايد أبرك..

والسموحة..

[تحفه]

بالعكس لو تفكرون فيها ,,

سمعت حديث ما اتذكره بالظبط ..

بس بما معناه .. إن الانسان الجريب من ألله .. يطلب من ألله يوم القيامه إنه يشوف الناس العزيزين على قلبه لو مثلا كانو في جنه اقل منه درجه .. فـ الله يرفعهم له ..

صراحه الخبلان الي بايعين المطاوعه

( ارمس عن المطاوعه الزينين .. مب الـي خبركم )


:ice:

[قرموشة]

كـح كـححح كححححح

الله .. هـ الموضووع مـن ويين ناظريينــه ..
اممم مسوي لكم أزمـه لووول ..
خلاص بخطف عليييه أgــيين عشان أرد علييكـم .. لا تحـااتووون ..
وجوودكـم يشررفني الصراحـه .. وردوودكـم تخـجلني .. لا هنتوا :)