تجميــل الأسنــان الأمـاميــة

[المزوحي]

السلام عليكم

من مده كنت أبغي نصيحة لتقويم أسنان .. وطبعا كل واحد قال لي وين أسير .. وانا سرت عند طبيبين ..
وكان كلامهم بأثنينتهم نفس الشي .. إني ما احتاج لتقويم لأسباب ........

بس الحين نباجي شي واحد وكنت أبغي أسويه عقب ما أخلص تقويم .. وهو أسوي فــنيير للأسنان
الامامية .. والحين بعد أبغي طبيب مختص للفنيير ..

[العجيبة]

اسمحلي أخـوي ، ما عندي شي مفيـد

بس أبـا أعرف شو يعني فنييـر ؟! شو يسوون للضروس ؟ وشو النتيجة ؟

[المزوحي]

What is a veneer?

Porcelain veneers are ultra-thin shells of ceramics, which are bonded to the front of teeth. Increasingly popular since the late 1980's, porcelain veneers have been used to improve the appearance of the front teeth.

[قرموشة]

اها ,.. يعني مثل تلبيس الضرس ؟

[أنشودة المطر]

عليكم السلام

الصـراحة ما اعرف حد متخصـص في الفنيـر

بس انا في رايي،،،

اذا ما كنت محتاجنه ضروري احسن لك لا تحطه عشان تتفادى الآثار الجانبية

اللي اعرفه انه اذا بتحط الفنير لازم طبقة العاج الأمامية تنشل عشان يحطون الفنير مكانها
و هذا يضعف الضرس طبعا مب مثل نسيج الضرس الطبيعي

"خلقة رب العالمين ما تتعوض"



أتمنى اني اكون افدتك

بس بعد الموضوع راجع لك و انته ادرى بحالتك

تحياتي

[المزوحي]

انشودة المطر .. ماعرف عيل شو أسوي ..! لأنه لون السن متغير .. بسبب إنه العصب ميت ..
فشو الحل غير إني أسوي فنيير ؟

[ولد الحكومة]

والله شيخي ماعندي أي فكرة وخلفيه عن الموضوع

اذا دكتورنا الحساس بيسمع ان شاء الله ما بيقصر وياك وبيخبرك

والسموووحه

[المزوحي]

الحساس .. هممم ..

للتوضيح للفنيير

قــبل



بــعد

[أنشودة المطر]

أهلا المزوحي

اخويه إذا كان العصب ميت و لون الضرس متغير يعني بتحتاج علاج لتغيير اللون

و اللي أعرفه أنه أحين شي وايد طرق لتغيير لون الضرس لو تراجع حد متخصص في الموضوع

أعرف دكتورة عالجت وحده أعرفها ضرسها الأمامي انكسر فسحبتلها العصب و عدلت شكله
بس صراحة ما أعرف شو المادة اللي استعملتها

الدكتورة موجودة في المركز الطبي الملكي

و إذا تبغي معلومات أكثر عنها حاظرين

[المزوحي]

أنشودة المطر .. شكرا لج على الرد .. وطبعا بعد أنا ما سألت واايد عن تقويم الأسنان في البداية ..
اتضح لي في النهاية إنه ما اسوي تقويم لأسبااب .. لكن بجى أمر وهو مثل ماوضحت تغير لون السن والسبب ضربة قوية يت عليه والعصب ميت طبعا .. مع العلم إنه العصب .. تنظف .. من فترة .. لكن أحس بألم بين فترة والثانية .. وماشي حل غير فنيرس .. اللي هي المادة مثل القشر .. يسحتون السن 5 م وبعدين يركبون المادة ..
فسأليها إن أمكن عن المادة .. إن كانت نفسها وإلا مب هي ..

[أنشودة المطر]

عدنا :bow:

المادة اللي استخدمتها لها هي الـ Porcelain نفس اللي انته ذكرته

بس قالتلي أنها خيرتها بين كمن طريقة

هو يعتمد على الحالة عشان جيه أنصحك تسيرلها و تاخذ رايها أحسن

ترا أنا مب قصدي أسويلها دعاية
بس أخبرك عنها لأنه شغلها نظيف و مجرب

و أتمنى أني أكون أفدتك

[المزوحي]

أنشودة المطر وين مكان المركز الطبي الملكي ؟؟؟

[أنشودة المطر]

على شارع الوصل عند دوار الضيافة بو النوافير

عدال مركز محبوبي لطب الأسنان

بطرشلك رقمهم على الخاص

[المزوحي]

هيه هيه عرفت محبوبي مكانه .. خلاص .. وشكرا لج ..

[عذبة الروح]

وعليكم السلام والرحمه

قبل تقريبا ساعتين ونص شفت موضوعك
وقلت بـ ارد عليك بعد محاضرتي
وبعد المحاضره .. يا عـ بالي اسال الدكتور عن سؤالك
وسرت وسالتها

وجاوبتني
انه في الاغلب والمنتشر هني انه حالات الـ veneer اللي تستوي
هي بسبب Damage في الاسنان الاماميه او انه السن يكون غير حي Not Vital
وانا كنت احسب انه يغطي السن كامل
لكن الدكتور وضحت لي ..
وقالت انها طبقه رقيقه تغطي السن من الجهه الاماميه بس وما تغطي جهات السن الثانيه

وقالت لي اما لو كان السن راكب على سن Overlaping
ما ياخذون هـ الاجراء وفـ الاغلب يسوون تقويم

وسالتها لو تعرف Clinic مختص بـ هـ الشي
قالت هني ما في .. ويمكن حتى برى ما تحصلين
بس لو بغيتي .. لازم تراجعين المختص نفسه
هو مختص بـ restoration dentistry
لكن ما في مركز او مشفى مختص بـ هـ الشي

ما ادري لو قدرت افيدك بـ شي يا خوي
وانا الحينه قريت ردود الاعضاء ... وشفت ردك مع الاخت انشوده المطر
وان شا الله تلاقي العلاج اللي تطلبه حالتك
والسموحه

اختك
عـذ الـروح بـة