×× مـنـقــود عـند عيال القـبـايـل ××

[دمعة شوق]

الـســلام عليــكم ورحـمـة الله وبـركــاتــه

يـ مرحبا السـاع والله
وشحالكم شعلومكم ربكم بخــير
ياحيكم والله

’’’

لاحـظت ظـاهـرة منـتـشـرة وبالقو بعد مادري كيف جيه عادي عندهم.!!
لاحظت ناس إن عادي بناتهم يظهرون عند
ريـل اختـهـا
وعادي تظهر وياه وادق سوالف وياه
ولا تتغشى عنه

هيه هيه لا اطالعونيه جيه أدق سوالف وياه
وعادي عندها
’’’

خلوه هذا
في شي ثاني

عيـال العم أو العم أو الخال أو الخـاله

بعد نفس الشي عادي ادق سوالف وياه ،، وتظهر جدامه
انا استغربت فـ سألت وحده عادي عندها قتلها كيف جيه تظهرين جدامهم
قالت عادي ألا ولد عميه ونحن ربينا عند بعض
:puppyeyes:
انزين هذ نفسه نفس أي ريال ثاني
يمكن بالباجر ياخذج وانتي جيه وياه مظهره شعرج وياه وتسولفين وياه
والله تراه منقوود عند العرب
’’’

بتكلـم عن نفسيـه

انا رياييل خواتيه مااعرفهم ولا اسلم عليهم اللهم إلا من ورا الباب بس هذا حدي
وأمـا
عن عيــال العـم ،، والله وهاي حلفه ان لو واحد منهم شفته في مكان والله ما بعرفه
بس وإذا سلمنا عليهم بالغشوه ولا من ورا الباب
’’’

فأستغرب عن البنات اللي يقعدون يسولفون ويضحكوون جدامهم
كيف جيه يا بنت العرب
تــراه
منقووود عند القبايــــــــــــل

’’

هذا موضوعيه وأتمنى تشاركونيه رأيكم
والسموحو منكو جانه متلخبط
’’

ويـا مـرحبــاني

[الهيثــم]

وعلــيكم الـــسلام والرحـــمة

المـــوضــوع خطيــر يا جمـــاعة
ودمعــة شـــوق معصبــــة . . وانا يالس أشووف الدخــان :cop:

إلحقــــوا ...

الله يسلــمج إختــي ... :ice:
للأســف هـ الشي منتـــشر بـ شكل كبيــر ..

يعني بعطيــج مثــال ..

اتــلاقيـن ريل الإخت غــريب عن العــايلة ..
بس اخواات الحرمة يتيلسن ويــاه ويدقن ويا سواالف .. ولا جنــه

ومن ناحيــة أخرى ( عيبتني هاي )

عيـــال عمــهن أو خــالهن .. إذا شــافوهم .. ما يسلــمون عليــهم بــعــد

بـ ذمتــج شو الفــرق !
ترا ها ريــال وهــاك ريــال ..

وبـــعــد أحب أقــول

إنه إذا البنــية محشمــه عمــرها .. ومتحجبــة .. ما فيهــا شي
بـ شرط إنه ما يكونون روااحهــم طبــعا
والكــلام ما يتــعدى حدود الإحتـــرام

وإذا بـ تقولين إنه الكــلام عيب ووو الخ

ترا حتــى الهنــدي حــرام اترمسوونه .. والخياط .. والدريول ..
ولا يعني الهنــدي والباكستــاني مب ريــاييل ...

لكن كل شي بـ حدوود الإحتــرام والستــر والأدب

وموضــوعج جميــل إختـــي .. واعصــابج
أهــم شي الأعصـــاب في هالمواضيــــع :cop:

^__^

[دمعة شوق]

يامرحبا الساع والله
ياحيك يابوك يوم رديتي عليه
هب شرات البقيه

’’’
الموهيم
انزين هذا اللي اقوله انه عادي عندهن يدقن سوالف وياه ولا جنه ريال غريب عليهن

يـ خـطـّـاب
أنا مااقول لا يسلمن عليهم اوكيه يسلمن عليهم بس بحدود
يعني لا ادقين سوالف وياه وتتصاقعين جدامه
:puppyeyes:
أوكيـه البنت محتشمه ومتحجبه عقولتك بس تسلم عليه وتاخذ علومه
هب شرط اطول شو حايتها تقعد وياه .؟!!
’’’
وعلى سالفة الهندي والدريول والخياط ومادري شوه
صح إن كلهم رياييل بس نفس ماقلت كل شي بحدود
ومابـ اليد حيـله
:no0:
’’’

مشكور يـاخوي على رأيك
ومهما كان احترمه
واحترم شخصك الكريـم
:)
والسموحو منك طويل العمـر

[قرموشة]

:mar7aba:

امممم .. موضــوعج حــلو وفنــان ..
وبــدخل فيــه سيييده امرره ..

كــوني انا البجــر .. وما عنديه خوات معرســات ... ما جد جربت هـ الشي ..

بس اللي أشوفــه .. انه .. امــيه عادي تظــهر جدام ريــل اختــها .. وتسلــم عليه .. بس أكيد بالعباه والشيــله . يعني حاشمــه عمرهــا . ونفــس الشي عماتــي .. يعنــي .. مب دق ســوالف وخربطــان .. وكونهم عــيال عم وعمــات .. فمـن الطبيعــي انهــم يتشاوفون .. ويسلمــون على بعــض .. وخـاصـه انها كــل وحــده منهن عندهــا ريلها وعيالها ..

وبالنسبــه لعيال عمي .. وخالاتي .. أشــوفهم .. وأسلم عليــهم .. بس أكيد حاشمــه عمري ..
صح اني رابيــه وياهــم .. بس هــذا هب معناتــه اني أفصــخ الحيا يدامهــم .. .:nono: . أو ما أحسب لهــم حساب .. تراهم رياييل شرات باقي الرياييل ..

واذا سلمنــا عليــهم .. أو سألنا عن أحوالهـم مب معناتــه انا ما نعرف الاصول .. الا نعــرفهــا زين ..

ونعــرف الحدود ..

والسمــوحــه .. واختلاف الراي لايفسد للود قضيــه ..

قرمــوشــة

[دمعة شوق]

قـرموشة بنت قريميش

يامرحبابج السـاع
اممم شفيكم فهمتوا السالفه غلط
:narr:
أنا ما أقول لا يسلمن عليهم وينخشن عنهم
واللي حاشمه عمرها ما عليها رمسه
أنا أرمس عن اللي ماتحشم عمرها وعقولتج تفصخ الحيا جدامهم
وعن رد الحال مافيه نقاش
’’’
وكل حد وعاداته أنا مااظهر جدامهم جيه ماتعودت اظهر بس اسلم عليهم
بس مااعرف اشكالهم
brgll:
بس من بينا سلام ورد الحـال
مافيها شي بس بحدود
أنا أعني اللي متعديات الحدود
’’’

مشكوره طويلة العمر
والسموحو منج
:)

[دمعة شوق]

أحبــائــي الأعـضــاء

لاتفهمونيه غـلـط أنا أقـصد اللي مره فاصخه الحيا جدام عيال العم أو ريل الاخت
مثـلا ً أحيـد بـنـات يـقولليـه عـادي
إنه نظهر شعورنا جدام عيال العم
وعادي نلبس بجامات قصار جدامهم

’’
أنا أرمس عن هالـفـئـة من البـنـات

[الهيثــم]

طــال عمــرج نحــن فــاهميــن شو قصــدج

بس نحن انــوضح النقــاط المهمـة في الموضــوع
يعني ما ننتقــدج طــال عمـــرج

ونــرمس بـ شكل عـــام .. ومثل ما قلــتي كل واحد وعاداتــه

يعني لا تفهميـــنه غـــلط .. ^__^

وعن الي فــاصخــات الحيــا

هااييــل عــاد .. شي ثــاني
مب بس ويا ريااييل اخوااتهم ..

حتى ويا الغــريب .. يعني اتوقعي منهم أي شي ..

والسمووحــة

[قرموشة]

لالالا .. عنبووه .. هااااي اللي تفصـــخ الحيا امرره وين تبــا .. تراه ولــد عمها ريال شرا باقي الريايـــل ..
لا وبــجامـــات قصــيره .. لا اسمــحيليــه .. هاي مضــيعه المـــذهب امبونــها ..

[دمعة شوق]

خــطــّـاب

يالله لاتتخبر عنهن صدق يبالهن ذيج العصا على راسهن
عسب يصطلبن ويعرفن السنع
:qor9anah:
يااالله لو يسلموهن أليه اسميهن بيشوفن
يالله الله يهديهن بس
’’’
يالله مشكور طال عمرك على التوضيح
وماتقصر
:)

[دمعة شوق]

قرموشـه

واايه فقتهن
الا جان مضيعات المذهب اسميهن مضيعاتنه
وعاقاتنه بحر بعد
:no0:
الله يهديهن ويصلح بالهن
’’

شـكـرا ً الغاليـه
:)

[أليمه]

لي عوده...

[فركوشه]

السلام عليكم..

الصراحه نحن عادي ويانا اذا انسلم على رياييل خالاتنا( ماعندي خوات متزوجات)..وعيال عمنا.. وانسولف وانكت وياهم..

بس من الأدب والدين.. انج ما تسلمين عليهم بالايد.. ولا تسولفين وياهم..

يعني انا الصراحه ما امد ايدي واسلم على ولد عميي.. بس هو لما ايمد ايده جدام الخلق شو بتسوين..

ومره واحد اربيع العايله دش وسلم علينا جان ايمد ايده حقي.. وانا ويهي قافط..

وعـ فكره.. نحن عشنا ولازلناعايشين فبيئه.. من هب ودب يسلم عليج..

لا ولما تحتجين.. يقولولج عادي ولد عمج.. ولا شرات ابوج..

[دمعة شوق]

ألـيمــه

أتـرقـب عودتـج عزيـزتي


’’’

فركـوشــه

وعليـكم السـلام والرحمه
يامرحبا الساع

امممم ترا كل حد وعاداته
اممم وعلى السلام باليد
إذا ماتبين عادي سوي شراتيه يوم حد يمد ايده
استحي إذا كان ريال كبير في السن ،، فـ ارد عليه و احـط الشيله على ايدي واسلـم عليه
فـ اتـفـادى الأمـر مهما كـان
:smartass:

بس الأفضـل يـختي انج ماتسلمين عليه دامج ماتعرفينه
يعني مالج أي صله به ،،بس سوي نفس ماقتلج
وعادي تراه لو ماامديتي ايدج هو بيعرف وبيستحي على عمره
ومره ثانيه ما بيمد ايده
’’

وشـاكـره لج مرورج الطيب
وأبداء رأيج اللي ااحترمه
:)
شـكرا ً

[أمواج]

وعليــكم الســلام والرحمــة . . .
اوووه ام الــ . . . معصــبة و شابــة ضو . . .
الله يستـــر . . .
خلني ادخل في صــلب الموضــوع >> احلى تعبيــر
امممممم انا عن نفســي أشــوف هالشي عادي . .
يعني أنا عادي اظهر جدام رياييل خواتي واسوولف وياهم وضحك ومصخره . . عادي يعني مافيها شي . . .
يعني انا عادتنهم شرات اخواااني عشان جيه اشووف هالشي عااادي . .

اما عن شباب العيــله فأشوفها شوي صعبــة . . .
يعني انا عادي ويا عيال خالتي لانه رابيــن وياااهم . . اما عيال خالي فمستحيــل نطلع جدامهم >> استحي p:

لي عوده عشان اكمل تعقيــبي . . .
السمــوووحه يا أم . . . .

[دمعة شوق]

لي رجعه لج يـ أم ...

بشـوف شيبتيه شو يـبا
:kcl: