سوق الجمعة (الحمرية)

[لبن مثلج]

السلام عليكم..

امنو فيكم رايح سوق الجمعة قبل؟؟؟ :cop:

والله ممكن ممتع ... بس صوب الماكولات الشعبية...

انا اسير كل جمعة ايلس هناك واكل .. احس بعمري يالسة في سوق نايف :hist: (ايام زمان)

اتحسون بالبساطة والوناسة لانه مكان مفتوح وشعبي .. :mar7aba: (مع انه الهنود على افا من يشيل) بس عادي اتعودنا عليهم .. حبايبنا

شورايكم اتسيرون باجر واتخبروني عن انطباعاتكم ؟؟؟؟

[الحساس]

خاطري اسير له وين موقعه ؟

[المزوحي]

الحساس ... السوق المركزي اللي في الحمرية .. وين جمعية الاتحاد والدكاكين الثانية .. وبنك دبي الوطني .. هناك في هالمنطقة يبرزوون ..

[قرموشة]

احــم .. انتو أي سوق تقصدووون ؟؟
سوق الجمــعه اللي بعد الذيد وين ما يبيعون ذره وشعر بنات وسجــاد .. ولا واحـد ثاني ؟؟

[الحساس]

تسلم يالمزوحي

بس من متى يفتحون لي متى؟

[المزوحي]

مادري بهم الصراحة .. بس انته سر عقب المغرب .. لأنه العصر حر

[لمّــاح]

قرموشة، في الحمرية، عند جمعية الاتحاد في المواقف ..

الحساس، يفتحون عالعصر تقريبا لكن مثل ماقال اخويه المزوحي سير المغرب لأنه حر العصر ..

[صريح]

لبن مثلج: ولا مره سرت له لـلاسـف .. بس من كلامج خليتي اتحمس عسب اسير له :no0:


لمــــاحكو يبـالك نودينـــي :harhar1:

[مزن هتان]

رحته مره وحده قبل 9 شهور تقريبا

حلو المكان بس المهنده مخربين يالله مكثرهم

نصيحه من أختكم للشباب يتلثموا والبنات يتغشن :negab: <<<< الريحه ما تنطاق

[هزاايم]

^^^^^ صح كلامج خخخخخ حتى الغشوه مافادت
انا ارووح له كل مايقول الحشكوول ابغي صوص ويوم نكون قريب من هنااك عسب نااكل جباب ونطمش

بس حلو و ونااسه
ولي يجز واايد الله يعينه من المهنده :no0:

[المزوحي]

عــيل هـاتوا لــنا .. لــقيمات وكــشري .. وإلا الأكــل مــش نــظيف ؟

[شاي كرك]

رقاق . جباب .. لقيمات .. كشري .. ورق عنب .. ملفوف .. مرقوقة

والأهم ( شاي الكرك ) .. اتصدقون مغلينه هالأسبوع مخلينه بدرهمين .. منتهى الإستغلال

خسارة ما يبعون لبن مثلج في كلاسات شرات قبل .. ولكني شفت الأصل لبن مثلج الواحات

وتشرفت بهالمعرفة الحلوة .... واستانست مع ديج الفريج وعياله الحلوين .... والله وناسة

[كشره]

اسميه سوق ............ عجيب

والحلو فيه (ورق العنب)

[لبن مثلج]

د. حساس،،، والصريح وقرموشة

السوق بيتدي العصر لي عقب العشا ..

ومثل ماقالوا الجماعة في سوق الحمرية المركزي و بتحصلون زحمة هنود من برع :waa:

لكن صوب الاكل ماشاءالله زحمة مواطنين ،، وشكيت في بنات الواحات لاني كنت يالسة عند شلة بنات وحسيت انهن من الواحات؟؟؟؟؟؟؟؟؟؟؟؟؟ :kkk:

والي فاته هالاسبوع لايفوته الاسبوع الياي

[لبن مثلج]

مزوحي:: الاكل لذيذ ،، واللذيذ فيه عدم النظافة :hist:

يعني مابتمرضون ،، المفروض انكم اتعودتوا من اكل الكانتينات والهنود ...

منااااااااااااااااااااااا ااعة :harhar1:

شاي كرك:: صدفة سعيدة :ice: