تجربة تعديل الصورة بالفوتوشوب...!!

[الحاضر الغايب]

هذه الصورة صورتها في الفجيرة ...



انا بالعادة ما العب بالصور في الفوتوشوب الا اذا بغمجها شوي لانه يوم احمض الصور عندي الصورة تطلع افتح شوي

هالمرة كنت اشوف الصور الجديمة ... فحاولت اعدل على صورة ... وهذا اللي وياي ...



شو رايكم ...؟؟
بإنتظار إنتقاداتكم ...

والسموحه ...

[قرموشة]

نااايس والله .. مبينه جنهــا في بلاد برع ..
تسلم يـ الحاضر الغايب ..

[طير الغرام]

ماشاءالله ظاهره واااايد حلوه
عرفت اتنقي الجزء الأحلى
وبإبداعك قدرت اتخليها جيه

موفق دووم إن شاءالله ^_^

[الحاضر الغايب]

قرموشة

الله يسلمج اختي ... هيه ماشاء الله على بلادنا اكيد احلى
مشكوورة على ردج

طير الغرام
لا وين اي ابداع انتوا مبدعين الفوتوشوب ماشاء الله عليكم
الف شكر على التواجد الجميل ...

والسموحه ...

[منــاوي]

ما شاء الله ظهرت الصوره وااايد حلوه يوم عدلتها ...

تسلم اخويه الحاضر الغايب عالصوره ^__^

[صريح]

الحاضر الغايب

تسلم الانــامل ... شغل عدل والله

بس كنت اتمنى لو خليت الصوره كاامله و لونت الرمل اللي تحت بعد
احس بتطلع روعه
:smartass:


و السمـــوحـه

[لمّــاح]

مرحبا ..

حلو تعديلك للصورة، بصراحه مايبين ان هناك تعديل او تغيير في الالوان و هذا يدل على مهارتك في ضبط الالوان و التعديل ..

كنت اتمنى لو حطيت الخطوات عشان انعرف شو اتبعت من خطوات في التعديل عشان توصل لهالنتيجة الحلوه :)

[دمعة شوق]

يـا مــرحــبا الســـــــــــــــاع والله

الله الله شو هالصوره الغاويه
حلوه والألوان بعد حلوه
بس لو خليتها كامله بتظهر احلى
بس حتى لو ما يخرب
:kcl:
’’’

امم أتـسائـل
وين هالمـكـان .؟!
:kkk:
’’’

شـكــرا ً يـ الحاضـر

[الحاضر الغايب]

منــاوي

الله يسلمج اختي ... والحمد لله ان الصورة عيبتج
الف شكر على التعقيب ...

صريح
الله يسلمك اخوي ... انا جربت اسويه بس خبرتي في الفوتوشوب ما سمحتلي :sadwalk: ... فإضطريت اقصها عن اني اخربها .... اذا تعرف تسويها بعطيك الصورة جربها عندك وخبرني ...

مشكووور على التواجد اخوي

لماح
الله يسلمك موضوعها جداً بسيط في خطوتين بس ... افتح الصورة وسير على image وعقب adjusments واختار بعدها curves وغير الRGB الى red ونزل المنحنى ماله شوي تحت بيخضر المكان عندك

وعقب قصيت لصورة وزدت مساحة السما

لا تحرمنا من تواجدك عزيزي ...

دمعة شوق
حاولت اسويها كاملة بس المكان الفاضي ما ساعدني وما عرفت شو اسويبه حاولت احط الزرع مكانه ما رمت :no0: ...

المكان الله يسلمج في الفجيرة ... صوب الميناء وين يسوون بحيرة ...

الف شكر على التواجد اختي ... واسعدني تعقيبج ...

[العجيبة]

شغـل جميــل ومـرتب ..

نتمنـى نشوف تجـارب أكثـر ،

[خيال الحب]

ياسلام عليـــك.. شغل ترتوووووب


تسلم الايادي

[صريح]

الحــاضر يلست اعدلهــا و هاللي طلع ويايه ....
الصراحه ما عيبي التعديل وايد :no0:

انتوا شو رايـكم ؟




و السمــــوحـه

[الحاضر الغايب]

العجيبة ...

مشكورة على ردج وان شاء الله اذا حصلت فرصة بجرب اكثر ...

خيال الحب

الله يسلمك اخوي وهذا من ذوقك :kcl:
الف شكر على التواجد ...


صريح ...

اممممم اللون الازق فيها زياده ...
لو كنت خاف اللون شويه ... بتطلع حلوة اتوقع ...
تسلم على مجهودك عزيزي ...

والسموحه ,,,

[شوق الصحارى]

ما شاء الله عليج ابدعن في التعديل....

[أمطار]

ما شــاء الله عليـــك ياخــوي ،،
بــدّعــت ربيه يحفظك . . .!