هممم هاي خاطره كتبتها العـااام فـ حفل تخرج الدفعه الي قبلنـا

عاااد انتي اقريها وطاعي جان بتعيبج وبتنفعـج ..

واسمحي لي بس هاي الي عندي ..

تذكرين ؟! لما كنا نلعب بأوراق السنين
تذكرين ؟؟ تذكرين طفولتنا ؟
تذكرين القلم والدفتـر ورسمتنا
لما كنا نردد "انا في الروضة ويا صحابي"
ولما كنا نشخبـط انا وانتي على كتابي ؟؟
تذكرين برائتنا والحلم الصغير؟ لما ذيج الأبلة سألت
وش هو حلمـج يا عبير؟؟
بكل براءة نطقنـا
أنا ودي أصير أبلة .. وانا أبي أصير دكتورة ..
ولما تزاعلنا .. أنا وانتي من نورة ؟
وغيرهــا كثيــر !!
يا ترى .. تذكرين؟؟
انثري كل الذكريات ..واعبثي بكل الصور
استرجعي كل اللحظات..ادرسي كل العبر
هذي الدنيا مشت..وذيج الاحلام كبرت
العمر ألغى الطفولة..اكسري البسمة الخجولة
واعبري هذي الحياة..امضي في طريقك وروحي
ابتدي دنيا الحقيقة ..حولي احلامك .. حقيقة
اكسري كل الحواجز..واعبري الدنيا صــراع
هذا حنا كبرنا .. وصرنا ربان السفينة
جفي لاهدافج وروحي .. لا تهمج أمـواج الزمان
حققي أهدافج يالله ..وازهري الصـحرا ورود
أرعدي الدنيا ابتسامة .. وارعشي كل الجمود
هالوطن يبقى "احنا"..واحنا معنى هالوطن
خلي سلاحـج بعلمج .. وبالشهاده نبني الوطن
حققي حلم زايد .. كوني أكثر من عضو نافع
يخدم بلاده في سعاده
وأدري بكل الحقيقة.. لو تباعدنا .. يا صديقة
كل منا بعد هالعشرة .. راح يشعر بضيقة
بس هذي الدنيا تلاقي ثم بعاد ثم تلاقي ثم بعاد
وبعدها كلن بيلقى رفيقه .. بعد العنا وبعد السهر
بعد الشهادة وفرحـة هالعمر
باختصار أقدر أقول
قلم ودفتر صورة .. بداية رحتلي وياج
دمعة وبسمة وذكرى .. وطالت رحلتي وياج