ليش ستويت جي ؟ عاد ألا هالسنه =(

[الـيـاه]

سلااام

أكره عمري وانا جي ؟
والله مادري بلاني احس اني بقول شي فيه ( سواد ويه )


فديت امي وابويه دومهم رافعين راسهم بمستواي الدراسي
كنت دوم اتقارن ويا بنات العايله اني انا اشطر عنهم مع اني كنت اعتمد على عمري
وماحب حد يذاكرلي ابـد ألا يوم صدق ما اكون فاهمه ..

وكانت علاماتي حمدالله تشّرف
ليـن العام وانا تمام


لكــن

هالسنه وهي اهم سنه لازم اييب نسبة زينه وكلهم مستاسين اني خلاص بخلص
وانا خاذلتنهم وبروحي مستغربه من عمري شمعنى هالسنه

من افتح لكتاب افره وارقد
وكله لعب فـ لعب وفي لكلاس راقده ومب منتبهه لشي !!

اشوف علاماتي وانصدم ؟ لييييش ياربي ليييش
لهالدرجـه انا مهملة لهالدرجـه وصلت لمستوى استحي ارمس حد عنه ..


انزين عينت من الله خــير وقلت خلاص بدرس يعني بدرس لكن ماشي فايده
( والله من ازخ أي كتاب ) احس اني ماااااقدر اقرا شي , راسي يتم يعورني وانش ارررررررقد
وان قريت شي أو حفظته عقب دقايق انساااااه


حاولت ارد انا الياه القبليه
بس مب رايمه والله مادري شو فيني لدرجة اني اخر الدوام انسى شو خذت اوله
وفالبيت اللي يشوفني بيقول هاي مريضه لاني طول اليوم يا راقده
يا طايحه ع الكنبه فالصاله وان نشيت احس عمري خلاص بطيح

:sadwalk:
وعلى هاي الحاله كل يوم
لاعت جبدي والله لااااااااااااااعت جبدي

محد قادر يرمسني من اهلي من كثر ما نفسيتي متغيره
لاني صدق متنرفزه من عمري وكاااااااااارهه هالحاله الخايسه اللي انا فيها :no0: ..


.
.
.

[المزوحي]

هم أكيد فاهمين سبب نرفزتج لأنه آخر سنة .. وأنا كنت في آخر سنة افتح الكتاب واتثاوب ..
صدقيني من الشيطان .. يعني لو رصيت على عمري .. وأدرس .. بخلص بسرعة ..
بس هالحالة تمر علينا كلنا ...
مانبغي ندرس ونحس بعمارنا بننبط ..
المهم
اقري المعوذات ... وابتدي ذاكري .. وقولي لااااااا أنا مب جيه

[هزاايم]

مايحسك فيك إلا من يعيش مثلك

انا معااج خويتي
شرايج فيني من شهر ومش مترقعه بالدواام وهلإسبوع:no0: مانعين عنيه روحت المدرسه

يااإختيه
العيب مش فيج ولاقصوور
العيب في الظروف والجو إلي انتي فرضتي على نفسج
يعني انا شرااتج ايود كتاب وانخمد عليه مااحس غير يو ابويه يقولي تلحفي ونامي واشوف الساعه:shock:

حاولي تقسمين يومج يعني بعد الصلاة العصر خذيلج رااحه ونامي وعقب صلاة المغرب اقعدي وجابلي المواد وحاولي كثر ماتقدرين تغيرين الأمااكن إلي تذاكرين بها يعني ادنوج انتي هزاايم مره شايله بقشارها وشياييلها ورايحه خوانيج رااد البيت ويدي متقطعه من بعووض كل ما اشوف يدي اتذكر وش درست إهنااك وش وحفظت


مابقى شي خلاص إلا كم شهر ورااح نكوون:smartass: بعدين محدن يرمسناااااا:hist:
ربي يوفقج وذكري ربج وقبضي الكتاب بااجر وراج دواام وهزاايم وراها مراجعه:harhar1: ياحيج

[الـيـاه]

المزوحي

المشكله مب اني مابا .. أو مب حابه اذاكر
بالعكس ابا لاني صدق ابا اييب نسبه حلوه لكن مب قاادره ....

لدرجة اني للحين مب حافظه ولاااااااااااااااا شي :no0: بمعنى ولا شي

[المزوحي]

من جيه أقول تعوذي .. على أساس تقدرين تبتدين ..

[قلوب دبي]

:)

خلي ايمانج بالله قوي
وان شاء الله راح اتعدين هالفتره
وبتتبشرينا بالنتيجه الحلوه و بتبيضين الويه
يطولي بعمرج الشيطان يحاول ايضايق و يحاول ايوسوس
الخوف من الامتحان روحه حرب نفسيه و صراع بين
النجاح والرسوب بين النسبه و عدم تحقيقها ...
اذكري الله دايمن و الادعيه المصاحبه لا تنسينها فهي صدقيني
راح اتيسر عليج كل الامور ..

(( شكوت وكيعا سوء حفظي فأرشدني الى ترك المعاصي ، و اخبرني
بأن العلم نور و نور الله لا يؤتى لعاصي ))

حاولي تقرين الماده اول مره و اتخلصين و ردي مره ثانيه
فالمراجعه اتبت المعلومه ..

احس بالموقف لاني السنه الماضيه شرات
هالايام كنت عاني في امتحانات الدراسات العليا ..

الله يوفقكم جميعا و يسهل اموركم




قلوب دبي

[منــاوي]

لا ماعليه فديتج نحن في هالفتره بالذات كلنا حسينا بهالاحساس
لان كل شي يستوي بسرعه وانتي مب عارفه اتلحقين على شو ولا شو بالضبط ..

انتي حاولي اتنظمين وقتج واتحطيلج جدول حق هالشهر لان هالشي الصراحه واااايد وايد استفدت منه يوم نظمت وقتي حسيت صدق اني واااايد مرتاحه ...وان شاء الله انتي بعد تستفيدين منه

وبعد لا اتحاولين واااايد تضغطين على عمرج لان هذا وايد بيأثر عليج
حاولي تتجنبين هالشي ..يعني لو حسيتي بعمرج مااترومين اذاكرين هالماده ودريها وذاكري اي شي ثاني مب شرط اتكملينها كلها على حسب الجدول او على حسب اللي انتي حاطتنه في بالج ...

والله يوفقكم ياربي ويسهل عليكم

واتبشرينا بالنسبه الحلوه مثلج ^___^

[الملهم]

مراحب ..

اولا ادعي ربج انه يعينج على المذكرة ..
وبعدين اهم شيء التركيز .. خلي مخج مركز على شيء واحد بس..
وهي المذاكره .. ومثل ما قالت الاخت "مناوي" سوي لج جدول تتبعين فيه ..
صدقيني بتحسين انج ما ضيعيتي اي شيء .. بالعكس بتحسين انج لاحقه على كل المواد ..

ربي يعينج ..

[حبوبه دبي]

هذا الشيطـــان لاعب بـراسج ،،

اتعــوذي من الشيطــان ومــاعليج منــه حبيــبتي

نحـن بعد مـرينـا بهـالمـوقف والحمدلله عدت ع خيـــر ،،

ركــزي عدل ورتبــي وقتج ،،



ولا تنســين الدعــاء

وربــي يـوفقج ان شالله ،،

[كشره]

هذا يسمونه احباط

شعور عادي يصيب كل طالب لانه مضغوط (مثل الدرام) :hist:

بس مشيها كلها شهر وبتفتكين وبتضحكين على عمرج عقب :smartass:

[تحفه]

انتي شكلج وياي على الخط

هالسنه سنة تزفيت من خاطر .. ألله يســتر

[الحساس]

الحل بسيط..

اعكسي الامور كلها..
(بشرط انج تكوني قانعه بالي تسوينه واذا بتسوينه وهب قانعه لا تسوينه)..

اتبعي الاتي:
لا تدرسين ، ولا تيودين الكتاب موووووووول ( الا اذا حبيتي ومن خاطرج انج تفتحينه وتقرينه) غير جي لا تفتحينه مول..
فرفشي عمرج واستانسي..

النتيجه بتكون كالاتي:

- نفسيتج بترتاح
- بتوصلين لحد بتحسين فيه انج مشتاقه للدراسه ووقتها بتدرسين بنفس مفتوحه واستيعابج بيكون مضاعف عن الحين!!

.......

اذا استمريتي الحين بوضعج الحالي .. بتخسرين من الصوبين .. الصوب الاول دراستج والصوب الثاني انج خسرتي الوقت في راحتج وسعادتج..

......

من كلامج ان شاطره وتفهمين بسرعه.. وبالتالي هب اكثر عن شهر تحتايين للثانويه العامه اذا كانت عندج ثانويه عامه .. يكفيج مراجعه هب دراسه!!!


تحياتي

[خيال الحب]

السلام عليــــكم..



ايام الثانويـــه... صدقينـــي انها احلى الايااااااااااااااااااااا اااااااام عندي.. ومستحيل انساهاااااا.. ياسلام كشخه والله...


خلاص انتي الحين لازم تنعزلين عن الناااااااااااااااااااااس كلهم..

الموبايل والنت وهالخرابيط كلها فريها بحررر..

ونصيحه مني.. اغلقي الموبايل ولا تفكرين تفتحينه الا لما تخلصين الامتحاناااااااات >>>نصيحه اخويه<<<


وانا مسوي جدول مذاكره حق اخووووي لو تبينه بطرشه لج.. او اي حد يباه بطرشه له..

بس مافي وقت لازم تبدين من الحيــــن...

وودري عنج النت نصييييييييييييييييييييييي يييييحه...

وخلي عمرج فرفووشه.. يوم بتحسين بضيج اطلعي برع بالحوي شمي هوااا وارجعي كملي مذاكره..

حبي شي اسمه مذاكره.. استمتعي ..

اول شي ذاكري المواد الي تحبينه... وبعدين ابدي بالصعب شوي شوي ...


والله يوفقج ان شاء الله
وان بغيتي اي شي انا حاضر وفي الخدمه من عيوني :)

[راعي الزعـامه]

فترة الشهر اللي عطونا للمذاكره كانت احلى فترة معنه كل يوم كان أسوأ عن الثاني
حاولي تتعوذين من الشيطان و بالدعاء بيخوز عنج الضيج وان شاء الله نفسج بتنفتح للمذاكره
وانصحج بعد بعدم السهر لانه موووول مايفيد .. واي شي اتذاكرينه وانتي سهرانه مابيدش مخج
وخاصه لو قبل الامتحان بيوم ..
صدقيني هالفترة مابتنسينها طول حياتج لانها احلى فترة ... استغيلها في المذاكره
وان شاء الله شهر وتفتكون .. وانباركلم بالنسب الحلوه اللي ترفع الراس
والله يوفقكم ويكون فعونكم ..

[شمعة أمل]

مريت في هالحاله العام

أول شي .. انتي وايد ادشين النت هالايام اكثر من قبل والمصيبه العوده اذا عندكم الوايرلس ف شو الحل عطي امج لابتوبج تخشه عندها وكل كمن يوم تعطيج اياه لساعه حق النت

بعدين لاتدرسين في حجرتج .. دوري امل غرفه عندكم في البيت *من ناحيتي انا يكون الميلس او المطعم:harhar1: * وادرسي ... هالطريقه بتحسين انج تبين تدرسين لانه الغرفه وااااااااايد ملل والدراسه ارحم من الملل الى بتحسين فيه ... وطبعااااااااااا لازم تخلين موبايلج فوق في الحجره!!
وكل ساعه او ساعتين خذي بريك .. اذا كل ساعه خذي بريك 15 دقيقه واذا كل ساعتين خذي بريك 30 دقيقه

يوم تكتبين notes استخدمي الوان عشان يساعد .. ودوم اشربي ماي ومن فتره لفتره طلعي تمشي برع ولو حر بس على قل عشان تحصلين على اكسجين لعقلج


واليوم في ال pse تمو يرمسونا عن brain gym وحركات ترومين تسوينها عشان يساعد مخج على انه يتذكر اشيا
يقولولج يوم تدرسين اذا تكتبين وتقرين وتسمعين وتسوين الشغل يتم في عقلج 95%
واذا بس تقرين الشغل بيتم في راسج 30%

ويقولون لو تيودين ذنينج من فوق وجي تجلبين hal curvy thing من فوق الاذن لين تحت يطرش مسجات لمخج ويساعدج تتذكرين اشيا

وزين يوم تتثاوبين لانه يدخل اكسجين لمخج

وبععععععععععد تعرفين هالحركه الى نسويها بايدناااااا *والياه تدخل المسنجر< قلتلج وايد تدخلين هالايام!* المهم تعرفين يوم تيبين ايديج على جدام وتيودينهم بعدين تلفينه وتعكسينه على داخل < يقولولج يوم تسوين هذا وبعد cross ur legs في نفس الوقت يساعد على مادري شو حق المخ



بسج رقااااااد تراج بتنتفخين وويهج بينترس حبوب وبكتريا وبتستوين غبيهbrgll: عادي عادي بطرشلج مسج بحشرج كل يوم تدرسين :kcl: