يـــلحق وإلا مــا يلحق ( الورث ) ؟

**المزوحي** · 18-04-06 ||, 05:59 PM

نعرف يوم الآدمي يتوفى وله أملاك وأموال اللي لهم صله فيه يورث ... طبعا هذا قانون وشرع في القرآن ومب شي من عندنا .. والمحكمة ممكن تساعدنا بــهذا الشي .. وتوزيع الورث ومن اللي يستحقه

ممكن تكون لأحدكم فكرة ...

إن كان المتوفي ماعنده عيال يورث اللي بعده الأخ - الأخت أو حتى شخص أبعد تقريبا ... لهم صله طبعا

خلنا نقووول

عوشة بنت محمد وعندها ولد ( عيسى بن أحمد ) وبنتها فاطمة

بنت أحمد ..

توفى الأبن ... قبل الأم ( عوشة )

عوشة عندها ولد أخ ( سالم بن سعيد )

توفت عوشة بنت محمد وورثتها ابنتها فاطمة بنت أحمد .. والسؤال هل ولد أخوها

( سالم بن سعيد ) يلحق وإلا لا ؟؟

ملاحظة: الأسماء مش حقيقية
وهذا مش لغز ..

**أليمه** · 18-04-06 ||, 06:17 PM

:no0: ماعندي علم

**المزوحي** · 18-04-06 ||, 06:20 PM

واحد يخبرني من مده إنه ورث من عمته اللي ماعندها عيال بالمره .. على العموم أليمه يسعدني تواصلج وأشوف رد الأخوة

**الحساس** · 18-04-06 ||, 06:46 PM

مادري بس اظن دام عندها بنت ترث كل شي

واذا اخوها موجود يرث بعد بس اذا هب موجود بس البنت ترث

هذا توقعي..

اسال دايرة الاوقاف

**المزوحي** · 18-04-06 ||, 06:48 PM

الحساس ... البنت أكيد تورث والسؤال هو إنه هو يورث ؟؟؟ ولد أخوها المتوفي
وبعد ولدها توفى قبلها ....

**ولد الحكومة** · 18-04-06 ||, 07:11 PM

سلام عليكم

:kkk: والله يا طووويل العمر ماعندي أية فكرة عن الورث ومافيني اتفلسف لانه هذا حق، يعني لو حد من الاعضاء عنده فكره ان شاء الله ما بيقصر ويااااك ....

تسلم الغالي واسمحلي ما جاوبتك

ولد حكومتك

**المزوحي** · 18-04-06 ||, 10:39 PM

ولد الحكومة

شكراً لمرورك هنا

**هزاايم** · 19-04-06 ||, 12:06 AM

بنت الثنويه وصلت:smartass:

حسب ماحفظنا وعرفنا وخذينا بكتااب الدين في درس الإرث من الصفحه 139 لين 142

يحدد لك انواع الإرث
يعني البنت ترث على اساس انها بالفرض وولد الأخو حسب إلي فهمته:kkk: مايرث لأنه مش داخل مجال إرث ذوي الأرحاام

هذا والله اعلم لوتريد الكتااب يفدااك ذاكره وامتحن بدالي الثنويه:kcl: تسوي خير بدنيااك:hist:
والسمووحه

**لبن مثلج** · 19-04-06 ||, 01:57 AM

مكن تسال اهل الذكر لان سالفة الارث هاي شويه صعبة (عليك باوقاف الشارجة - اتصل الصبح واسال المشايخ هناك)

او انك اترد لبعض السور القرانيه الي فيها ايات الارث

او انك ترد للمراجع الفقهية ( ممكن ابن الخطاب يساعدك فيها)

**المزوحي** · 19-04-06 ||, 03:00 PM

هزايم لا مابمتحن كل هااا عسب سألت .. خلاص ما أبغي ..

لبن مثلج .. أنا قلت بطرح الموضوع وبشوف ..

**قلوب دبي** · 19-04-06 ||, 03:17 PM

السلام عليكم عزيزي المزوحي

امسح ردي لاني مب متأكد منه ..

السموحه

**إسهر معي ليله** · 19-04-06 ||, 03:22 PM

أخوي،، تقدر تتصل في دائرة الأوقاف،، او تسأل اي محامي وبيسويلك ورقة بالأرقام والحسابات فيها الورث كامل،،

هذا اذا كنت بحاجه لمعرفة الورث الحقيقي،، لأنك اذا بتاخذ راينا فـ كل واحد فينا بيقول راي وهـ المسأله ما تحتمل آراء،، فيها حقوق ناس و جواب واحد هوه الصح

والسموحه

**قلوب دبي** · 19-04-06 ||, 04:00 PM

يا خويه شرات ما قالوا الاخوان هاي مسأله وايد دقيقه فأتمنى انك تلجأ لاحد المشايخ او تتصل بالاوقاف بيعطونك الجواب الكافي ,, لانه فيها حقوق لارواح ..

واذا كنت تريد تعرف امور المواريث و تتثقف فعندك كتب كثيره ..
وانا من كتبت ردي الاولي طلعت سرت و ادور في المكتبه اللي عندي و يالس اتصفح كتاب ..
( نظام المواريث في الشريعه الاسلاميه ) دراسه مقارنه بين مشروق القانون الاتحادي لدوله الامارات و مشروع القانون العربي الموجد لمجلس وزراء العدل العرب . تأليف الاستاذ دكتور محمود الطنطاوي