احنا وراكم وراكم يالمعاكسين . . .

[صريح]

ليــش عــــاد



انــا ضد القـرار و السبـب ذكره لمـــاح


الصـراحه لا تعليـــق

[الملهم]

صح مالتفت لها النقطة ..

لو يطبقون القرار للبنات احسن ..
لان في بنات مثل ما قالوا يتبلون على الشباب ..
وبعض البنات يوم يشوفون واحد حليله ماله خص في الدنيا ..
يتمشى ابروحه قاموا لعوزوه واذا حرج وزعل اشتكوا عليه ..

صدق الله يعينا .. بمعنى اخر " المرأة ملكة الشوارع "

[ولد الحكومة]

وعليكم السلام والرحمه

بحر الموده ..:sad4:
تسلم الغالي عالرد وعلى مشاركتك الطيبه ،،،،

الـيـاه ..
هلا والله ، وين هالغيبه الطووويلة ، من زمان ما شفناج brgll:
انا الي سمعته انهم يحطوووون صورهم وبياناتهم كاملة في الجرايد ، وابالاضافه الى تعهد خطي.
وأشكرج عالتواصل ،،،


نبراس الليل ..
بالفعل القرار سليم جداً ، بس انا من وجهة نظري لو يطبق على البنت بعد بيكووون أحسن ، وأشكرك عالتواصل وعالمشاركه الطيبه ،،،


هزاايم ..
والله أنا تفق معاج أختي هزايم ، لو يصدر قرار صارم يطبق أيظاً على البنت بيكون أحسن وأعدل.
شكرا هزايم عالتواصل وعالمشاركه الطيبه ،، :negab:

كـلـكـلـووش ..
الغالي دام ان القرار صادر من وزير الداخليه ان شاء الله ما يكووون فيه واسطة.
وشكرا عالتواصل ،،، :smartass:

لمّــاح ..
:kkk: أنزين ليش معصب يالماحووووه !!!
طووويل العمر ، أنا أحترم وجهة نظرك وانا معاك الغالي في كلامك لكن المسؤولين لهم وجهة نظر غير عن وجهة نظرك ، صحيح القرار صارم على الشباب أكثر ، ومثل ما اتفضلت ان اكثر المشاكل من البنات وهم والي يتحرشووون في الشباب ، خاصه اذا الولد حلو :kcl: وعنده موتر كشخه ...
اشكرك عالتواصل :bow:

[ذنـيـنـي]

أوييييييييييييه

وين بنسير نغازل الحين


:harhar1:
الله يعين الشباب

[نور الإيمان]

بسم الله الرحمن الرحيم

السلام عليكم و رحمة الله و بركاته اما بعد ..

صراحة ً .. كنتُ نوعا ما مشفقة على الشباب !! ..

بحيث الملاحظة الآن معاكسة البنات للشباب و استفادتهن من هذه القوانين في تسهيل عملية المعاكسة لديهن!!

و لكن ..

كيف لمثل هذا الموضوع ان يطبق على البنات؟!!! .. هل برأيكم انه مجدي في ان توضع البنت في السجن لمدة شهر لأنها عاكست!!! .. اممم ..

المسألة تحتاج إلى تفكير عميق و بحث .. كي نسد مثل هذه الثغرات الغير سليمة في نفوس الشباب و البنات على حدٍ سواء ..

لريما سأعود للمناقشة ..

جزيتم خيراً

[نبراس الليل]

اللؤلؤ المكنون ..

إن سجن الشاب سيفصل عن عمله ولن يحصل على شهادة حسن السيرة والسلوك إذا البطالة ومن ثم الفساد وعلى الدنيا السلام

لو كانت المرأة مشتكية ولها أدله وشهود فهذا أمر آخر

أما مجرد قولها للشرطة هذا تحرش فيني ...هذا مالانقبله

[نور الإيمان]

بسم الله الرحمن الرحيم

السلام عليكم و رحمة الله و بركاته اما بعد ..

اخي الباز ..

نعم لا ارضاه لكم ابدا .. و لا لأي من الشباب .. بل ان ردي كان انني رأيت و بأم عيناي .. فتيات يعاكسن شبابا !! .. استنكرت الموقف للمرة الأولى .. و لكنني رأيتهن يتمادين اكثر و اكثر ..

لذا .. القانون يحتاج إلى تعديل .. و تعديل السلوكيات تحتاج إلى توعية فكرية .. و الفساد منتشر الآن إلى ابعد الحدود .. و هي فضيحة للشاب نفسه ان تبلت عليه احدى البنات .. مكر البنات لا يوصف .. و لديهن تكتيك لكل امر .. و قد يستغلين مثل هذه القوانين لإيذاء الشباب ... سبحانك ..

صراحة افكر في الموضوع .. لعلني اجد حلا للبنات .. ايضا .. و اتمنى ردع سلوكياتهن المشينة ..

الله كريم ..

جزيتم خيراً

[حبوبه دبي]

قــرار سليــم

مــب كــل البنـــات لا تجمعـــون !!!

طبعــًاا الشــاب هـو اللي يجنــي ع عمــره فـ هالمـواقف حتــى لــو اتحـرشت فيـه البنــت لازم مــايسـويلها ســالفه ،،

الا اذا كــان امغــازلجــي فـ يستــاهـــل :cop:

يعنــي اذا البنـت حــاشمه عمــرهــا وتمشــي فـ دربهــااا وواحد اتحــرش فيهــاا !!
يكــون القــرار للاثنيــن !! لا طبعــًااا :kkk:

كيــف بيعــرفــون انــهــا مـال حركـات ولاا !!

والممــزر مــب مكــان مشبــوه :no0:
فـ الويكنــد بــس الزحمــه !!

مــب اي وحده ســارت الممــزر رمسـوو عنهـاا !!

والسمــوحه

[نور الإيمان]

بسم الله الرحمن الرحيم

يحليلج والله يا حبوبة دبي .. :sad4:

اممم ... نعم لا نجمع ان جميع البنات من الصنف المذكور .. ولا ان كل الذكور من الصنف المذكور .. لكن .. الذي اراه - رأي شخصي - انه لم - يطاوع الشاب - معاكسة الفتاة له .. لربما - وهي نسبة قد تصل إلى 70 % - ستسبب له المشكلات مع الأمن ... و نحن اعلم بغدر البنات .. :ttmasha:

اما من ناحية الممزر ، اذهب مع عائلتي إليها .. لكن المنكرات موجودة في كل مكان .. الله كريم ..

اما من ناحية القرار ... اممم .. يباله تفكير

جزيتم خيراً

[نبراس الليل]

قــرار سليــم


طبعــًاا الشــاب هـو اللي يجنــي ع عمــره فـ هالمـواقف حتــى لــو اتحـرشت فيـه البنــت لازم مــايسـويلها ســالفه ،،


والسمــوحه

اقتربت الساعة والله

صار امر عادي البنت تتحرش في الرجل .....انقلبت الموازين

أيجب على الرجل ان يتهرب من التحرشات ..سبحانك يارب

واحب اقول لك يااختي الكريمة

عندما اخرج لاارى ماتسمينهن بالمحتشمات الا بنسبة 1%

وهذا الامر تعلمين به وانا اعلم به وكلنا يعلم به

أولا خروج المرأة للتسوق من غير محرم مكروه

وثانيا عليهن لبس الحجاب وليس الشيلة التي تكون ذات نقوش جميلة وصور رائعة

ثالثا عليهن ان يغطن وجوههن إن كن يرين ان جمالهن يفتن

اتبعوا شرع الله ومافرضه عليكن وستحل كل تلك المشكلات التي أتت من كيد النساء العظيم

وشكرا لغيرتك على الإناث

طارق

[بهجة الروح]

:: ولـــد الحكــومه ::

تسلم أخويـــه على طرح هذا القرار

ورأيـــي من راي أخويـــه :: لمـــاح :: حرام ناس تنظلم

[لمّــاح]

الـسلام عليكم ..

عدنا ..

الاخت الؤلؤ المكنون . .

خليهن ينسجنن، ترا البنات يطالبن بالمساواة مع الرجل فــي كل شـي، حتى وصلت للبعض انهن يطلبن المساواة مع الرجل في الشـرع ( يعني يحللون لهم ماحرمه الله على الحريم و حلله على الرياييل ) و يوم ييت على الشي الي هم مايحبونه، قالو والله نحن حريم ولازم تعاملونا غير ؟؟عالعموم موضوع المساواة مب موضوعنا ..

بخصوص الحريم، هناك شرطيات شغلتهن انهن يوقفن هالنوع من البنات لكن المشكلة ان هالشرطيات يتواجدن في اماكن محدودة جدا و مب كل يوم، اما عن الشرطة و التحريات ف هم موجودين 24 ساعة و في كل مكان ( هذا الفرق ) ،، و اذا قلنا انه عيب البنت تنسجن، على الأقل يزيدون عدد الشرطيات و يخلونهن في الاماكن المشبوهة و الي تكثر فيها سوالف المغازل ( مثل بحر الممزر و جميرا و ال russian beach و المرسى و و و و و ) عشان يوقفون هالمهزلة، و اذا شافو بنيه اتسوي حركات اييودونها و يدخلونها المكتب (مكتب الشرطة اذا كان عندهم مكتب في المكان الي هم فيه، مثل مكتب الشرطة الي في الستي سنتر في المواقف ) و يتصلون بولي أمرها ايي يستلمها من المكان الي هي فيه و يكتبونهم تعهد ( هي و الابو ) ان البنت ماتعيد هالحركات لأنها اذا ردت و عادت الحركات الي هي تسويها بتعرض نفسها للمسائلة القانونية .. هذا حل من الحلول، صح ولا ؟؟
لكن الي نشوفه هو العكس، البنات لارقيب ولا حسيب عليهن ..


حبوبة دبــي . .

عفوا لكن كلامج غلط، اولا بخصوص الممزر، انتي متأكدة من انه مكان مب مشبوه !!

أشكال غريبه اشوفها بعيني والله العظيم اني أيود راسي من كثر الاشيا الي اشوفها .. !

بنت، تسوق سيارتها، متنقبه ولابسة كـــاب و منزله الجامات و الشباب وراها، بنت بعباتها والشيله طايحه و الشباب وراها ( ويا كثر هالاشكال ) طبعا هاذيلا شويه من الموجودين .. و التحريات 24 ساعة في هاك المكان عسب المصايب الي تستوي هذا غير بنات بعض الجامعات و الكليات الي قريبة من الممزر، اوقات البريك و يوم يخلص دوامهن مطيحات هناك ..!

طبعــًاا الشــاب هـو اللي يجنــي ع عمــره فـ هالمـواقف حتــى لــو اتحـرشت فيـه البنــت لازم مــايسـويلها ســالفه ،،

الا اذا كــان امغــازلجــي فـ يستــاهـــل

عفوا، لكن كلامج غلط بعد ..
انا الي خلاني ارد على هالموضوع هو موقف صارلي قبل فترة، كنت طالع من مكان و شفت سيارة عليها نفس رقم سيارتنا، فطلعت تيلفوني و خذت صورة لرقم السيارة و روحت .. عقب ربع ساعة ياني اتصال من مركز الشرطة اوني مطلوب ولازم اييهم المركز الحين .. طبعا ضبطت اموري قبل لا اسير و عقبها سرت، و الملازم الي كان ماسك الموضوع اربيعي .. المهم طلعت وحده مشتكية عليه أوني مصورنها !! :puppyeyes:
يابنت الحلال غيري بدلي، انا ماصورتج، صورت السيارة ( و للعلم هي كانت تمشي ورا السيارة و اناماكنت ادري، و اصلا هي ماتبين في الصورة لأني بس مصور الرقم و ماصورت شي ثاني غير الرقم ) طبعا هي راكبة راسها اني انا مصورنها يعني مصورنها و عطيتها تيلفوني خليتها تتأكد، جذبتني و قالتلي انته من الزيغه مسحت الصورة و تمت تعق عليه رمسة ..
المهم قلتلها بما انج متأكدة 100%، الشرطة يقدرون يعرفون اذا انا مصورنج أو لا، عندهم اجهزة و كل شي يقدرون يطلعون الصور كلها حتى الصور الممسوحة، و طبعا في حال اذا طلعتي متبلية عليه بيكون لي تصرف ثاني وياج و برفع عليج قضية ... الخ ( تهديد بس :harhar1: )

المهم عقب مازيغتها شويه قالتلي والله اسمحلي ياخويه انا شفتك اتصور ف اتحريتك اتصورني، كان المفروض انتبه انك ماكنت موجه التيلفون صوبي، كان صوب الرقم !! :nono: ( توه الناس ) ..

و عقب ماروحت، بنفسه اربيعي كلمني و قال لي ان هالنوع من البنات دووم في المراكز، دوم تمر عليه هالاشكال، بنت مشتكية على ولد ..
للأسف، الي ايده مب في النار مب مثل الي ايده في النار و تحترق !!!

[حبوبه دبي]

عدنــاا من جديـــــــد



اللـــي قلتــووه مــاعليـه خلاااف وانــا ويـاكم بالمصــايب اللي تستــوي
يمكــن فهمتــوني غلــط انــا مـاقصــد انـي ويــاا البنــات اللي يتحرشــون !!

لا طبعـًاا ،،

انا قلــت اذا الوحده سـوت حركااات ليش الواحد يسويلها سـالفه !!

صح مـب حلــوه سالفه السجــن ،، وكلاام لمــٌااح عن الشــرطيـات لـو يزيدونهـم يســوون خيـــر

صح كلاامك وانــا ويــاك ،،

وعــن الممــزر مــا شــفت هالسـوالف !! :puppyeyes:

واسمحـــولي ان قلــت شــي زعلــكم ،،

[كشره]

لمـــــــــــــــــــــــ ــــــاح::

تعجبني انت في ردود ...

زيد الله يزيدك

[نور الإيمان]

هههههههه .. يحليلك لماح مشتط .. :)

ما عليه .. أنا نوعا ما كان عندي تحفظ عن الموضوع .. لأن لدي وجهة نظر مختلفة حول البنات و الشباب .. و ان فتح لي المجال .. بإذن الله لي ان اتحدث عما اراه .. :)

ستكون لي رجعة ان شاء الله ..