احنا وراكم وراكم يالمعاكسين . . .

[ولد الحكومة]

السلام عليكم و رحمة الله وبركاته

اشحالكم يالربع .. ربكم بخير !!!

موضوع مهم جداً ، وحبيت اطرح هالموضوع للنقاش وانشاء الله ينال رضا الجميع وابنتظار ردودكم الطيبه

و الموضوع الا وهو بشان المعاكسين .. وعن القرار اللي اصدره الشيخ سيف بن زايد وزير الداخلية وهو سجن شهر للمعاكسين الشباب المواطنين والوافدين تسفيرهم الى خارج الدولة في امارة بوظبي .

وانهم خلال اسبوعين تم القبض على حوالي 24 معاكس من المواطنين في ابوظبي و تم تطبيق القرار عليهم ( والخبر نشر في جريدة الامارات اليوم ) قبل اسبوع تقريباً .

وأتمنى ان يطبق هذا القرار على باقي الامارات الاخرى . . .

والله يهديهم انشالله

تحياتي /
اخوكم المخلص ولد الحكومة :kcl:

[الملهم]

زين ها الشيء ..
عساهم يطبقونه على باقي امارات الدولة ..
بس حتى لو جذه .. الشباب ما يسكتون بيدورون على طرق ثانيه للمعاكسة ..
ربي يحفظنا بس ^__^

شكرا على الموضوع

[دانة حتا]

يستاااهلوون
وان شاء الله يطبق

[كـلـكـلـووش]

الله يــبــشرك بالــخـــير

عـــشرطـــعــش شــخص دخــل الموضــوع و محــد رد . .

شــو مب عــايــبنكم القــرار ؟ :harhar1:

يالله الحمــدلله ان القرار اطبــق و كبــداية في العــاصمــه . .
و إن شــاء الله يســري عــلى كــل امارات الــدولــه . .

والله يسـتــر عليــنا و عــلى المســلمين اجــمع

ســلام
كـلـكـلـووش

[أم خالد]

قرار موفق .. و ننتظر أن يطبق في باقي إمارات الدولة علّ و عسى

شكرا أخي ولد الحكومة على الخبر



تقديري

[قرموشة]

أبــا هــ القرار يتطبق على درب المدينــه الجامــعيه .. :daleel:


قرموشة :puppyeyes:

[ولد الحكومة]

وعليكم السلام والرحمة ،،،،

الحمدالله ... اشوووف فيه تجاوب من الاعضاء، ومشكورين كلكم عالردود الطيبه

الملهم ..
صدق الغالي المعاكسين عندهم ألف طريقه وطريقة في فن المعاكسه ، بس ان شاء الله هالقرار يحد منهم ويتجاوبون معه. ومشكور الغالي عالرد الطيب.

دانة حتا ..
تسلمين عالمشاركه الطيبه ،،، ويعطيج ألف عافيه

كـلـكـلـووش ..
اضاهر ما عيبهم الموضوع :smartass: ، الله يسمع منك اخوي وإن شاء الله يطبق عن قريب في باقي الامارات الاخرى ، ومشكووور الغالي عالرد ويعطيك الف عافيه

أم خالد ..
ان شاء الله يأختي يطبق عن قريب ، ومشكورة عالتواصل ويعطيج الف عافيه :ttmasha:

قرموشة ..
:kkk: بل بعد وصلوا هناك ؟؟؟ هاي مصيبه كبيرة ، واتمنى اتكون هناك دوريات على الدرب لكي انحد من خطورتهم. ومشكورة أختي عالتواصل .

ولد حكومتكم

[بحر الموده]

وعليكم السلام والرحمه

اخوى ولد الحكومه

اشكرك على الموضوع والصراحه القرار وايد طيب

وان شاء الله يطبق على كل المعموره من اولها لين اخرهااااا

يعطيك العافيه وماقصرت

[الـيـاه]

شي جميل
لو يحطون صورهم بعد فالجرايد زيـن ( نذالــه ) :harhar1:

[نبراس الليل]

قرار أساسه صالح وسليم

لكن من سيبنيه هذا هو الأهم !!!!

بعد هذا القرار ستصبح المرأة ملكة الشارع والمدن

اعانكم الله ياشباب

[هزاايم]

ونعم القرار
بعد خلهم يصدروون قرار يرقابوون البناات وتصرفااتهم مش دووم الشباب البادي بالمعااكس انا شو اقول
المهم
عقبااال باقي الإمارات
والله يهدي الجميع
brgll: اليااه خخخخخخ انا معاج خلهم عظه وعبره لمن اتعظ:harhar1:

[لمّــاح]

أنـــا ضـــد القــرار !!

اذا كان القرار ينطبق على البنت و الولد، ماعندي خلاف، لكن على الولد بس احس الاولاد بينظلمون !!

معظم حركات المغازل تكون بسبب البنت، يا انها في مكان مشبوه ( مثل بحر جميرا، الممزر، المراكز التجارية في اوقات تجمع الشباب و اتحصلونها تتمشى و اتسويلهم حركات ) و يوم اييها الولد يبغي يغازلها طبو عليه مال التحريات .. !
و ساعات تصير مواقف و تتبلى البنت على الريــال، و طبعا في النهاية هو الي بيتشرشح ..

ويــاما صــادفتنا هالمواقف ان البنت تتبلى ، لكن منو يسمع ؟؟
بيروحون فيها الشباب و بيكبر راس البنـــات الي مافيهن مذهب ..

[كـلـكـلـووش]

بــس ان شــاء الله ما تــدخل فيــها واســـطات . . كالعــاده يعــني !

[نبراس الليل]

مثل ماقلت يالماح قبل هذا الرد

أعانكم الله ياشباب

[راعي الزعـامه]

كلام لماح هو عين الصواب
واتمنى يتم تطبيق القرار ومع محاسبة البنات ايضا ..