المشاركة الأصلية كتبت بواسطة لمّــاح
الــسلام عـليكم ..
زواج المسـيار هو حل لكل المشكلات التــالـية:
1- شـــاب في مقتبل العمر (22-23) اراد ان يتزوج، لكن عادات و تقاليد قبيلته تمنعه من الزواج ببنت من قبيلة غير قبيلته، هذا معناته يا بنت عمه يـا مايعرس.. طبعا تكثر المحاولات لكن مــاشي فايده، كثر الدق مايفج اللحام ويا هالعايله .. يحاول و يحاول و يحاول و تمر السنه الاولى، السنة الثانيه، الثالثه ... الى ان وصــل سن ال 26 و هو بعده ماعرس !!
فماشي حل غير زواج المسيار عشان يستر على عمره ..
(وليه مايتزوج زواج عادي ويستر على عمره ليه يلجأ للمسيار يستطيع انه يتزوج لكن من دون تنازل المراة عن حقوقها إن كان يريد ان يستر على عمره مثل ماافدت )
2- شـــاب من الشباب عرس و عاش هو و حرمته احلى عيشه في أول شهر لكن عقب هالشهر بدت المشاكل بينهم .. بعد مرور سنة وصلت المشاكل لحد مستحيل أي انسان يطيقه و الحل الوحيد هو الطلاق لكن مبلغ المؤخر كبير جدا بحيث انه صعب يدفعه، او حرمته حامل و بتربي فخاف ان الولد يعيش في عايلة مشتته !!
فكرفي حل غير الطلاق، ماحصل حل غير الحرمة الثانيه لكن الحرمة الثانيه اذا اهله و حرمته الحــالية عرفو انه معرس في احتمال انهم يكبرون المشكلة و تصير مشكلة بين العايلتين ..
(أولا قلت يخاف ان الولد يتشتت تخيل حرمته الثانية اللي تزوجها عن طريق المسيار حملت وانجبت مش في هي الحاله الولد يبيتشتت لانه ابوه بعيد عنه ومايعترف فيه جدام البشر ..وعن خوفه ان حرمته واهله يعرفون وتصير مشكلة وهل بيظل طول عمره يخفي هالسر اكيد بينكشف فيوم و بتصير مشكلة )
الريال بين نارين، يا يعيش حياة تعيسة أو ياخذله حرمة ثانيه بالدس يعيش وياها حياة زينه؟؟
3- ريال معرس كمل حوالي 15 سنة و عنده 3 اولاد .. طبعا الحرمة مشغولة واااااااااااااااااااااااا ااااااااااااايد بالعزايم و الأعراس و التيلفون بحيث ان مايكون عندها وقت حتى عشان اتجابل ريلها و يمكن آخر مرة الريال كل من ايدها قبل كمن سنة و كل الاكل من طبيخ البشكارة، تربية اليهال عالبشكارة، لوازم و تدبير البيت عالبشكارة (ساعات حتى يشك، يمكن عيال البشكارة و هومايدري:puppyeyes:
)
و مــا أبــالغ اذا قلتلكم ان البشكارة ساعات هي الي اتواعي الريال حق الدوام إذا اتأخــر:kkk: !!
طبعا الريال مل من هالعيشه و فكر انه ياخذ حرمه ثانيه بدون مايطلق الاولى عشان عياله يعيشون حياة طبيعية ..
(إذا هذا الريال ماقدر يتحمل مسؤولية الاولى فمستحيل يقدر يتحمل مسؤولية الثانية والريال يقدر يحكم حرمته والا انا غلطان؟؟)---
أولا، كل الامثلة الي فوق امثلة حقيقية ..:no0:
ثانيــاً، أشــجع زواج المسيار في الحالات الي فوق فقـط بشرط انه مايضلم لا الحرمة الاولى ولا الثانية في هالزواج :)
((كيف مايظلم الثانية واهو جبرها تتنازل عن حقوقها ومايبيت عندها ربما لايام واسابيع ولاينفق على اولاده من الثانية مثل ماينفق على الأولى ))
ثــــالثــاً، هالزواج ينفع كتهديد للحرمة اذا الريال حس انها قامت تخورها شـويّــه :harhar1: وبصراحه في ناس جربوها و من عقبها الحرمة اصطلبت !!
رد مع اقتباس
مواقع النشر (المفضلة)