واسته
يا مرحبا بكم أخواني وخواتي الأعضاء وكل من حدر الموضوع عسب يعرف شو سالفة الواسته ^^
كنا الله يسلمكم يالسين في كلاس الجلوبال يعني العولمه بالعربي :afaker: ,, في هالكلاس ندرس كل شي يتعلق بالسياسه وسو أوون
,, مرت دقيقه ,, دقيقتين,, ثلاث,, قلنا خلاص المس غايبه غايبه
لانها دوم تحضر قبل الوقت باربع او ثلاث دقايق.. ما جت حضرت عالوقت لازم قبل الوقت وهالمره هي مب حاضره ع الوقت لا ومتأخره بعد:shock: ,, طرنا من الفرحه ورقصت اساريرنا طربا
,, ويااا فرحه ما أكتملت
,, المس يايه مغبره المكان وتربع:negab: ,, دشت الكلاس وحالتها حاله الفايل بأيد وشنطة الاب توب بأيد والكشه كشه :qor9anah: عاد لو اتجوفون كشة المس الله لا يراويكم من بورتريكا عجييبه ,,
سوووووري بنااااات ,,:crosseyed اتقول بناات بعد ترطل عربي( أيرموووه) ,, قلنا لها لا عادي مسس كل يوم تعالي ^^:harhar1: ,, جان أسألها ليش متأخره مس واهت أز يور أكسكيووز هااا عاد بدون هااا سألتها أنا
,,
قالت المس بصوت عالي ايفري ثينك هيير واااااااسته واااااااااااسته ,, أي أنه كل شي هنا أي في الامارات وااااسطه واااااسطه بالطاء وليس التاء ولكن كما تعرفون اللكنه
^^ ,, قلنا لها ليش مس شو استوى ,, اتقول انه سيارتها خرباانه وفي الوكاله ,, من أمس وقالوا لها ان اليوم بتخلص ,, اتقول انها من الصبح تتصل فيهم ما يردون عليها حرقت تيلفونهم ما شي ما يردون ومره ما ادري مرتين ردووه ,, يقولون لها بعده وبعد شوي ,, والظهر كان عندها كلاس وتمت اتقول مشكلتها حق بنات الكلاس وحده من بنات الكلاس أظني ابوها أو عمها في الوكاله قالت للمس افاااااااا عليج مس حاضرين نحن:m7tar: الحين بتصل في ابوي وبقوله عن موترج وان شاء الله ع العصر يكونون مخلصينه ,, اتقول المس ما قلت لها لا ولا تكلفين على عمرج ( ابدويه المس هب بورتريكيهbrgll: ) قلت والله بتنقذيني تأذيت معاهم أنا غربلوني الله يغربل أبليسهم (عاد ترجمتها انا بالعربي
) ,, وأتصلت البنت وواسطة البنت صدق سوت ,:daleel: , المس اتقول هم اللي اتصلوا فيني ,, وقالوا لي ,, يس مادام ومادام ومادام وموترج بيخلص العصر وتعالي وخذيه واي خدمه ثانيه أني ثينق أيلس يعني بالشوفه نحن طلباتج أوامر مادام ^^ ,, أتقولنا المس وصح لسانها من مس ,, اتقول أيرمووه ,, أن كل شي أهنه بالواسته والواسته لاعبه دوور كبير في كل شي من معاملات من خدماات ,, أتقول ان الامارات بشكل عاام بلد متطور بشكل كببيير وكل شي فيه يعجبني الا شيئين ,, الترافيك والواااسته ,,, وفجأه انتبهت المس ع الساعه ولا اتـجوف انه نص وقت الكلاس راح وهي يالسه تتناقش معانا عن الواسطه ,, قااالت ويييه
جانكم اتغربلتن من بنات ضيعتوه وقت الكلاس قلنا لها مس لا عادي هذا مظهر من مظاهر الجلوباليزيشن
,, وهاي مشكله لازم نتكلم عنها ونجوف لها حل ^^ , , قالت نو نو يالله بعطيكم كوييز في الدرس اللي طاف
نحن مس أي كوييز ما خبريتينه من قبل ,, هي عاد المس شكلها محرجه عاد حطت حرتها فينه ولا هي قبل ما تعطي كويز اتخبرنا قلنا لها مس دخيلج ما ذاكرنا ولا شيات
قالت ما شي كويز يعن كويز ,, شو أنسو بعد أمرنا لله فرغنا كل ما في جعبتنا من انفورميشن ^^ ,, وخلص الكلاس والاجوبه ما خلصت ,, الله يستر بس أن شاء الله بس انطوف هالكويز ب A + ,, وايد متفائله الاخت ,, *_*
اذا أحبائي أشقائي اعضاء واحات بن دبي الكرام ^^ ,, اشووو رايكم بالهموقف الصراحه يعني انجوف كيف ان هالمظهر استوى شي سلبي على بلادنا حتى االاجانب قاموه يتشكون منه ,, الين متى وفي أيد منو الحد أوالتقليل من الوااسته ؟؟ ما نبى هالشي يأثر على سمعة االبلاد أو أن السياح حتى قاموه يتشكون منه ,,
وأشوو رايكم يعني فالاساتذه اللي يعطون كويزات مفاجئه الصراحه ظلم وتعسف وقعر وعدوان ^^ ,
كل الود
تنينه
رد مع اقتباس
..لهدرجه أغمض 
,, الف شكر لك ع الرد والتعقيب ,, 
بس شرات ما قال غريشيب It's nOt whO You Are It's whO You KnoW 
مواقع النشر (المفضلة)