هجين ..

[لمّــاح]

السـلام عليكم ..

هالموضوع بالذات احس انه منتشر بين الحـريم وايـــد ، نحن الشــباب ياما صـــادفنــا شباب مثلنا، لكن امهاتهم من دول ثانيه أو من دول أجنبـية لكن عـــادي ويانا و مانحس انه شي فـرق بيننا ..

يمكن في بعض الاوقات اتصادف هالشخص مشاكل،نحن ما نقدر نتحكم في تصرفات الغير و بعض الناس للأسف مايستحون و يجرحون مشاعر هالفئة من الناس بكلمة .. !

انا عن عمري، الشخص الي ارابعه، ارابعه عشان ذاته و شخصيته، مب عشان اصله و فصله و الحمدلله دايما اتوفق في اختيار الربع و ما اخفي عليج ان بعض من اعز اصدقائي امهاتهم مب من البلاد !!

و الحلو بعد انج يوم اتسافرين وياهم يخلصولج شغلج بسرعه :harhar1: اذكر مره سرت لبنان و كان ويايه واحد امه لبنــانيــه و ضاري على ســفرة لبنان لازم كل شهر يسيرلها كذا مره لأن امه هناك عايشه .. ف حلو هالشي كأنها بلاده الثـانيه ..

اختيه، هناك مثل نمشي عليه: واثق الخطة يمشى ملكاً
و اكمل هالمثل بمثل ثاني مشابه له: إمشي مستقيماً يحتار فيك اعدائك !!

انتي المفروض انج تبينين للناس انج غـير، و اتحاولين تغيرين الفكرة الي ماخذينها في بالهم عن هالفئة من المجتمع و حطي في بالج سبحان الله الي يعاير النــاس هو أول انسان اتحصلين فيه نواقص ..!