السلام عليكم والرحمه
اشحالكم .. وعلومكم ؟
عساكم بخير .. وسهاله
.. .. .. ..
الصور هـ المره غير شوي
ما ادري ليش ولا مره طرت على بالي اني اسويها
مع اني تقريبا على هـ الحال من 4 سنوات
الصور وياكم .. بين درب عيمان وبوظي
هي من الكورس اللي طاف .. يعني جديمه بس شوي مب وايد :harhar1:
على ايام يوم الاتحاد .. يعني جريب شهر ديسمبر
كان وقت المغرب .. وكنا مجابل السكن
وشفت السما لونها عجيب
وقلت لازم اصورها
هني كنا مجابل ساحه السكن
وصلنا جريب مسيد الشيخ زايد - الله يرحمه
هـ المكان كل ما اشوفه يطمني واحس بـ راحه نفسيه
وما امر عليه الا بـ الاسبوع مرتين للــ أسف أو أقل
لانه احيانا .. اتم في السكن وما انزل بوظبي :no0:
وبــ النسبه لي .. أشوفهن احلى الصور
][ الله أكبر .. الله أكبر ][
بدى الملل يطل .. وطول الدرب وانا ميوده حبيبتي
هي اللي تحس فيني .. والونيس الوحيد لـ وحدتي
عيبتني الليتات في الشوارع
واللقطه اللي اخذتها .. طلعت جي بعد مية صوره وصوره
هـ الليتات من درب دبي .. وين ما ادري :kkk:
Night Light Triangle
من تعب الدرب .. قررنا نريّـح شوي
نزلنا فــ ..... واشتريت ذره
وايد يعيبني .. فيه جبن وفلفل وليمون .. ودونتس طبعاً
وهذا برغر اختي
طاعوا شكل المايونيز
تمت تعصر الجيس .. ويطلع منه شوي ورفيع وااااااايد
عيبني شكله
وصلنا بوظبي
والوالد .. خذالنا لفه
هذي نافوره من نوافير بوظبي .. اي وحده ووين ؟
ما ادري والله
وشفنا الزينه اللي مسوينها في الشوراع عسب عيد الاتحاد
وايد عيبتني هـ الزينه
لكن بـ النظر والواقع أحلى .. ولمعتها مميزه ولاحظتها من بعيد
... + ... + ...
وهذي كوليكشن صغير وبسيط
حق صور لـ مطعم صيني .. سرناه ويا الاهل
مع العلم اني ما احب الاكل الصيني .. لكن سرناه .. عسب ما اكسر خاطر اختي
ترى هـ المشوار على شرفها
موجود تحت ريولنا .. ترى ارضية المطعم من زجاج
ان شا الله عيبكم الموضوع .. الا هو انتاج الملل :no0:
والسموحه لو قصرنا وياكم
اختكم
عـذ الـروح بـة
رد مع اقتباس
يـــم يــــم 
مواقع النشر (المفضلة)