<font color='#000080'>السلام عليكم ..
<span style='color:royalblue'>الصراحه .. ملينا من الشكاوي .. الواحات ممله .. المواضيع سخيفه و ممله .. و ماشي مواضيع حلوه ..</span>
حبيت اني اكون اول واحد يوقف من التذمر .. و ابتدي بشي ..
<span style='color:crimson'>اعضاء الواحات ماشاءالله عليهم .. كل يوم عن يوم يزيدون .. و عدد الاعضاء اليداد قام يزيد .. و حبيت اني اساعد الاعضاء اليداد في طريقة الكتابه .. و حبيت انه اعطيهم افكار عسب يتشجون في الكتابه .. و طبعا هذا كله بيكون ويا مشاركه من بعض الاعضاء الي بيساعدوني .. و بتعرفون اساميهم تحت ..</span>
اول شي .. بنتكلم عن <span style='color:red'>المواضيع المنقوله</span>
<span style='color:darkred'>طبعا انا ضد المواضيع المنقوله .. لكن الفكره هي انه العضو .. بدال ما انه ينقل الموضوع حرفيا .. يقرا الموضوع .. و ينقل الفكره و يكتب الموضوع بطريقته الخاصه في الواحات .. و بذالك ما يكون نقل الموضوع .. لكن نقل الفكره .. و هنيه الواحد يقدر يقيم كتابة العضو ..</span>
ثاني شي .. بنتكلم عن <span style='color:red'>الكتابه .. او التعبير</span>
<span style='color:darkred'>طبعا كلنا درسنا في المدرسه كيفيه الكتابه و التعبير .. و انا ما اطلب انكم تطبقون كل شي .. الي اطلبه .. انكم بس تسوون ثلاث اشيا :
المقدمه
الموضوع
الخاتمه</span>
و انه تكون هناك طريقة حلوه للسرد .. عشان يكون الموضوع حلو و يحمس الواحد للقراءة .. و عشان انشوف ردود وايد .. و عسب انشوف هاك الضرف <span style='color:red'>الاحمر</span> حذا المواضيع .. <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>
[/color]
ثالث شي بنتكلم عنه .. <span style='color:red'>الافكار ..</span>
طبعا بتسألوني .. عن شو نكتب ؟؟ نحن ما عندنا افكار ..
<span style='color:darkred'>مثل ما نحن تطلعنا افكار .. انتو بعد بتطلعكلكم افكار .. يعني الواحد يقدر يكتب عن ميوله الخاص .. هوايته الخاصه و يعرف الناس فيها .. افكار يديده .. قضايا سياسيه .. قضايا محليه .. مواضيع دينيه .. مواضيع تاريخيه .. و الكثير الكثير .. و انا بكون موجود لأي استفسار عن طريق الرسايل الخاصه .. او الردود في الموضوع .. و طبعا تقدرون تسألوني او تسألون حد من الاعضاء الي بيتعاونون ويايه .. و بنقدر نعطيكم افكار يديده .. و تقدرون تكتبون الموضوع و يكون بداية مواضيعكم .. و تطرشون الموضوع لنا عن طريق الرسايل الخاصه .. نشوفه و انعدله و انرده عليكم و اتضيفونه في الواحه بأسمكم .. بهالطريقة ان شاءالله يعني بتقدرون تطورون مهارتكم في الكتابه .. و فوق كل هذا بتكون المواضيع يديده و قابله للنقاش .. و بهالطريقة بتنحل مشكلتين :
المواضيع الممله و الغير قابله للنقاش ..
ندره المواضيع الهادفه و كثرة المواضيع المنقوله ..</span>
<span style='color:red'>اتمنى الموضوع ينال على اعجابكم و اتمنى انكم تاخذونه بجديه شويه .. و هذا كله لمصلحة العضو ( لأنه بينمي قدراته ) و لمصلحة الواحه .. و هالموضوع ما بيقتصر على الواحه المفتوحه .. بيكون لمعظم الواحات الي تحتاي مواضيع للنقاش و مواضيع تعتمد على التعبير و الكتابه ..</span>
<span style='font-size:8pt;line-height:100%'>للحين .. بالتعاون مع المنحوس و محد ويايه ..</span></font>
رد مع اقتباس
مواقع النشر (المفضلة)