أجمــل / أســوأ.. صفات موبايــلك..

[ذنـيـنـي]

تيلفوني الحالي هو نوكيا n70 خذته من بعد ما بدلت اربع تيلفونات في اسبوع واحد


ببدأ بتيلفوني الأولي نوكيا 6230 i ممتاز و عملي و مافيه شي مب عايبني و غيرته لأني حصلت تيلفون غيره

من اسبوعين وصلني هدية كروم 8800 لكني مووووووووووووول ما احب هالتيلفون,, احس اني بستوي خقاق يوم بستخدمه :harhar1: فـ فضلت اني ابيعه و هو يدييييييييد و غير مستخدم

عقبه خذت نوكيا 6270 و كان حلو و فنان,, بس ما ارتحتله لأنه مرات يعلق

اليوم الي عقبه رجعته و اشتريت سوني اريكسون شرات الي عند الياه و عيبني لكن مثل ما قالت صاحبة الموضوع
(( - أماكن الحروف بالعربي يختلفووووون عن النوكيا.. و هذي قمة المأساه للي حافظ الحروف بطريقة النوكيا ! )) :nono:

تغربلت وياه يوم واحد و عقب رجعته و خذت نوكيا N70 و مرتاااااااااااااااح منه

طبعا الوالده كرهتني في البيت لأني كل ما ادخل عليها تحصل في ايدي تيلفون يديد,, و في كل عملية تبديل اخسر 100 درهم من سعر التيلفون

[راعي الزعـامه]

أنا موبايلي هو Nokia 9300 ووايد مرتاح منه
اولا الموابايل هذا يعطيك شخصيه يوم تمسكه

وثاني شي انه الميموري فيه كبير وفيه بعد برامج الاوفيس والقاموس السهل الاستخدام
وللي يستخدم المسجات فالموبايل زين لاحتوائه على كيبورد كامل
وموبايلي كيبورده عربي وحلو وتكتب المسج اي شي تباه بسرعه



وبعد بعض المميزات هو الدخول الى مواقع الانترنت بشكل سريع لو عندك خدمة الواي فاي وبالاضافه الى واير ليس في البيت ..
وتقدر اتبرمج الموابايل على البرنتر الخاص فيك .. وتطبع من خلال التلفون

والشي الوحيد السلبي هو عدم احتوائه على الكيمرا .. و يوم يدش فخاطرك اتصور شي ماتقدر
فلهذا السبب انا أملك موبايل ثاني اخذه ويايه بس اذا احتجت اصور شي .. وهو موابايلي الجديم Nokia 7610

ومشكوره اختي عالموضوع