بسم الله الرحمن الرحيم
نظراً لكثرة التحرشات و المضايقات اللي صارت في الآونة الأخيرة .. قرر والد كل من علوه كيرم و عبود تيله ( اخوي ) بفتح باب الجهاد ضد الطياطير .. و قال لنا كل راس بـ 5 دراهم .. ومن هنا بدأنا
و بما ان الحين اول الشهر قلنا بنسوي شوبيق انا و عبود ( الله و الشوبيق الحين .. 2 جالكسي بو درهم و واحد برينقلز صغير و 1 بيبسي ( البيبسي بنصبه في قلاصين ) ) :harhar1: .. المهم لمحت بو شمة واقف على كندورتي و انا أطالعه جي.. هذا اهبل ؟؟ يستهبل ؟؟ شو موضوعه الحين !! ( المشكلة هو شيبة و مكحكح :wheelchair: ) .. و القهر واقف على كندورتي الألماني .. لو على الختم مب مشكلة .. البشكارة ( نورتينيا ) طلعت البف باف من تحت طاولة الأوتي وعطته لـ عبود و بصراحة ما قصر فيه .. سبحه بالبف باف و النعم فيه .. و انا طلعت نعالي الكحيان من صندقة النعل :negab: .. قلت بسم الله و فريت نعالي عليه بس للأسف ضربت ريل عبود
عبود : آآآآخ .. يالأحول دور على نظارتك :narr:
علوه : هدي هدي يا ريال .. ما صار إلا كل خير :sadwalk:
عبود : أي خير و انته بضيع علينا الخمس .. وابوي عليك جوفني كيف بذبحه ..
و فر النعال بس للأسف ضرب ريل البشكارة
نورتينيا : أوه أبود .. قريزي :negab:
عبود : سوري الشيخة ما جفتج brgll:
و الطيطار تخبل .. كل شوي يقول الحين بموت .. الحين بموت
علوه : عندي فكرة جهنمية .. شرايك نضربه انا و انت مع بعض :sad4:
عبود : هيه والله .. فكرة حلوة
علوه و عبود : بسم الله و الله أكبر
طرخ طاخ طاخ :hist:
عبود : ها مات ؟
علوه : طبعاً
و هذي بعض الصور
:
:
:
:
هذا نعالي الكحيان .. أحلى ألدو لأحلى طيطار
:
:
شوفوا عاليمين بعض مخلفات الطيطار .. انقصت ريله اليمنى و ذيله .. حليله طلعنا عيونه من الضرب
:
:
و مطلع لسانه بعد .. يابن الوسخة
و الوالد الله يحفظه ما قصر .. عطانا 5 دراهم كل واحد .. و كان هالطيطار درس لأخوانه الطياطير .. عشان ما يدخلون بيوت الناس و يخوفون البنات .. والأهم من ها كله الأجر من رب العالمين ان شاء الله
و بس :bye0:
رد مع اقتباس
اييه ياحزن كبدي..!!
مواقع النشر (المفضلة)