:: الميدان ! ::

[غرشوب]

السلام عليكم

بعد ستار اكاديمي ونجوم الخليج ..... التي تعرض وتحث على التعري و الانحطاط وصلنا الميدان ....
برنامج الميدان يأتينا من بوابة التراث وهو بالحقيقة لا يمت بصلة لـ تراثنا بشيء . .
هو برنامج اقل ما يقال عنه فاشل يتبع منهج واسلوب ستار اكاديمي و بقية البرامج الهابطة الي تبحث عن الربح بطرق اغوائيه و بالمنكر المعروف لدى الكثير من ضعاف النفوس بمصطلح الانفتاح والتطور. .
من متى اصبح فن اليوله نعش و رقص !؟
احيد قبل تكون اليوله برشاش مب بقطعه خشب و الي احيده انه بدون اغاني ميحد حمد !
قمة الانحطاط و ادنى مستوى الاخلاق يوم يكون ضمن الميدان بنات يتفدن المشتركين و يهزن ع الوحده ونص !


والاغرب انه أغلب المؤيدين لـ هذا البرنامج الهابط هم من الجنس الناعم "البنات" من ليس لهم علاقة او معرفة بـ فن اليوله :kkk: . .
رشحوا وصوتوا بنشوف لين وين بنوصل مع ميدان ......

{ من رأى منكم منكرا فليغيره بيده، فإن لم يستطع فبلسانه، فإن لم يستطع فبقلبه وذلك أضعف الإيمان }

قالوا احياء للتراث . . .
الله يرحمك يا زايد



غرشوب بن غريشيب

[المزوحي]

القصد أحياء التراث وليس احلال الفساد بطريقة ما نحس بها .. فكل واحد له طريقة في التعبير ..
حشيم عن تبع المدانيس لي ما يبيع الطبع بفـــلوس ..
وإن كان قصدك الجنس الناعم الوافدين علينا .. شي آخر ..
وأقووول وحده منهن صرفت آلاف بسبب تصويت لليويل ..

[راعي الزعـامه]

شو بنقول غير ..
الله يهديهم بس !!

[قرموشة]

غرشوب حياك الله يالشيـــخ ..

وانا وياكم في كــل كلمــه .. اليولــه مال زمــان أول غــير .. وألحينه هـ الخربطان اللي نشوفــه غيــر ..

وسوالم ..
لي عــوده بعد قراءه الردود ..

قرموشة بنت قرييمييش

[هزاايم]

أحلى غرشووب محلاتك والله من انتريا حد يعاارض فكره البث المبااشر للمسابقه لكن وين نلقى على قولتلك الكل مؤيد والمشكله كلهن بناات

يعني المساابقه من نظمه من فتره لاباس فيها لكن يوم انعرضت اظني صااار فيها بعض النوايا :nono:
ولي يقول نبغي نحاافظ على جيل ونريده جيل واعي ونريده جيل متمسك بالعادات والتقاليد عاارف الماضي وحتى يتمكن من الآتي...إلخ
داام هذا اسلووب لمعرفة الماضي والتمسك بالعادات والتقاليد فانا اقول على الدنيا السلام
والبيزااات ببلاش هذي الأيام ترى ...والبعض يقول ترى ما ننئثم لو صوتنا لهم...وهم يستاهلون التصويت بدل عن البرااامج التاليه...ولي يقهرني الوحده فيهن يوم تريد تصوت مش عسب اليوله>>إلي شبيهة اليوله مش اليوله المعرووفه<<إنما عسب الشكل brgll: ...خلاص اي جمييل رااح يفوز ولي شكله على قده الله يعينه من النقد و من التحبيط حتى لو يولته عشره على عشره
بخاطريه الكثير فتحت لنا المجال
لكن وش نسوي
نستمسح منكم ونستأذنكم على الرد
والسموحه
سلمت يالشيخ ولاهنت عسااك أزود

[الملهم]

اولا اعارض على تصوير البنات ..
لييييش ؟؟ من متى صاروا النبات عرضة في التلفزيونات ..
ولا ارى اي تراث في هذا البرنامج .. حتى سمعت من بعض الناس ان حتى مقدم البرنامج
لا يعرف التراث .. فعلينا المطالبة برفع قضية على المصور الذي لا يعرف الحشمة ..

حسبي الله .. شوهوا تراثنا .. لا ارى الا شباب يكحلوا عيونهم ويسرحوا شعرهم حتى يجذبوا البنات فقط .. لا عجبا في ان اسمع من طلاب الكلية وقهرهم بان يشتركوا السنة القادمة في اليولة حتى يحصوا على اكبر قدر من المعجبات !!!!!!!

اين تراثنا .. من يحيه..

اشكرك اخي على الموضوع ..
جزيت خيرا على غيرتك " السكوت عن الحق شيطان اخرس" " من راى منكم منكر فلـ...... "

[سمو الامير]

بارك الله فيك ياكاتب الموضوع وبارك الله في الي شاركوا بأ رائهم وعساهم عالقوة ونحن نتمنى برفع الامر الى راعي المسابقه سمو الشيخ حمدان بن محمد (فزاع) حفاضا على التراث والسلوك
من بعض المندسين فيه والانتباه لما يرغبونه الشيوخ من نشر لتراث والمحافظه عليه وتعليم الاجيال ذلك التراث بجماله وعبقه وليس بمايحدث الان فمارايكم بكتابة ندا لراعي البرنامج وجزاكم الله كل خير
وحفظ لنا شيوخنا الكرام الى مايحبون وحفظهم للخير كل الخير وأبعدهم عن كل شر ومكروه أمين

[صريح]

غرشوب



وينك يـا ريـــال .. لونق تــايم نو ســـي :sad4:

الميــدان !!

من وجهة نظري البطوله مالهــا اي ايجابيــات و كلها سلبيـات x سلبيــات :kkk:

اليوله :
من بطلنــا عيوناا على هااي الدنيــا تعلمنا و عرفنا عن اليوله و هي يولة لوليين الله يرحم برحمته بدون اغاني و خربطان ..

سمــا دبي :
لـلاســف همهــا الوحييد زيــادة المشـاهدين بتسليط الكيمرات علـى البنــات من اجل الكسب المــادي ..
و بهذا الشي رمت بعرض الحــائط كل القيم الاسلاميه و عاداتنــا الاصيله ...

البنــات:
سوري بــس هن اللي اييبن الشبهه لعمارهن.. الميك اب حدث و لا حرج اللي يشوفها يقول عروس و بيزفونها
و اللي كل دقيقتين تعق الشيله و تعدلهــا ( مــال اول هالحركاات ) و غيــر البنــات "الفيـري" الله يهديهن ...
من بعد اول حلقه للميدان كل حد شااف كيف كان تصوير البناتو التركيز عليهن
و معا هذا كل خمييس من كثرهن ما يحصلن مكان ( لو محاضره دينيه محد بيعبرها ) ...
و اللي تقول احنا ما يخصنا و هم اللي يصورونا .. اقولها يـا بنت النـاس عندج بيــت و تلفزيون و مــا بيطييح نصج اذا ما سرتي !!


مــرات الواحد يحس انه يتــابع بطــوله النعـاشــات هـب بطوله لليـوله !!! ...
قهر

الله يرحمــك يــا بو خليفه من بعد عينك لبــلاد بدت اتضيــع
:no0:

و السمــوحه
صـــــــــــريـــــــح

[الدلووووعة]

تسلم اخويه عالموضوع

انا عن نفسي اوني اشجع فلان ولا فلان لاكن عمريه مافكرت اني اصوت شو مينونه انا

وبعدين رد على رمست اخويه الملهم

اعارض على تصوير البنات ..

باخويه اصلا الغلط من البنات روحهن هب من المصور
يعني ليش هن من الاساس يسيرن مكان هب مكانهن
يعني انا ماشوف له لزمة انه البنت تسير تطالع البرنامج مباشر
يعني اذا تبا تشوفه طالعة عالتلفزيون شو فرقت ولا هن يبن يطالعن مباشر

يعني المصور شاف بنات بيصور هب إلا فها البرنامج فكل البرامج تقريبا



شباب يكحلوا عيونهم ويسرحوا شعرهم

ياخويه انا اللي اعرفه من عادات العرب انه الشباب يتجحلون ويطول شعروهم
يعني ها الشي عادي

والسموحة منكم

[حبوبه دبي]

انــتــه عجيـــب وتعجبنـــــي ،،



كلااامك فـ محلـــه ،،

يــوم عــن يــوم الدنيــا تختــــرب :sadwalk:
بــس شــو بنقـــول !!

:no0:

الله يهديـــهم بـــس ،،

[أمواج]

التلفزيـــون فيــه الزيــن والشيـــن . . .
واللي مايعيبـــكم لاتشــوفونه . . وتنحل الازمــه . . .
وبعديــن ما أقدر أ نكــر إنه هذي مب يووله . . . حتى لو كانت فيها حركــات يديــده . . بس إظــل يولــه . .
وإذا هذي مب يــوله على قولتكــم . . عطوني شخص إيــول مثل قبــل ويعجبـــكم . . .
وعلى طــاري البنــات مافي داعي تتكلمــون عنهن . . .لأنه في موضوع سبق وطرح عن البنــات وفي الاخيــر إنغلق
للعــلم انا ماشوف هالبرنــامج إلا بالصدفــة . . . أدري بتقولون كيف هذي تتكــلم وهيه أصلا ماشافت شي من اللي صايــر . . .
أنا ماشوف في هالمســابقه شي . . . بإستثنــاء حضــور البنات في الميــدان . . . وبعديــن لو ما إقبــال النــاس على هالمســابقه جان ماعرضــوها كل سنـه . . . وهالسنــة خلوها على الاعــلام المرئــي . . . anyway النــاس وجهــات نظــر . . .
صــريــح : المســابقه فيها إجابيــات وهيه 300 ألف وسياره ومن غير الهديــه اللي وصلتهم . . بهالبيزات بيعرس بهــن . . لووول . .
خلــوكم relaX لإن مافي شي يســـتاهل . . .

[لمّــاح]

الـــســلام عــلــيكم . .

فــكرة الــبــرنامج فكــرة جدا ممتازة و أشــكر الشـيخ حمدان بن محمد على طرحه لهذه الفـكرة.

الـهدف من الموضوع، إحــياء التــراث من أول و يديــد، و بصراحه كلهم مشكورين على جهودهم لكن سبحان الله مافي شي كــامل !!

الفكرة ممتازة و كل شي حلو، لكن المنكر الي استوا من فــئة من النــاس هـو الي خــرب سمعــة البـرنامج و شـوه صـورته ..

على سـبيل المــثــال، واحد من اليـويله كان يهـز اجتــوفه، متى استوى الــهز جـزء من اليــوله !!
و مثال آخر، البــنات و حركاتهن (من كثــر هالـحركات مابــغي ارمس) ..

المنكر الــزايد هــذا، هـو الي شوه سمعة البرنامج لكن البرنامج كبرنامج ابدا ماعليــه كلام.

بخصوص المصـورين و مخرج البرنامج، هاذيلا يقومون بشلغهم و عندهم مجموعة كيمرات حول المكان لازم يشغلونهم و يلتقطون لقطــات لبثها في القـناة فالواحد لازم مايعترض عليهم، لازم يعترض على البـنت الي رضت انها اتسير و تتصـور ..
تخيل هالـموقف، دشــيت مــطعم يـبيع خــمر و الويترس يــابلك مينيو البــار، بتعترض و بتشتكي عليــه ليش انه يابلك المنيو ؟؟
هو شو دراه انك ماتشرب، أكيد حط فباله دام انك ييت للمكان هذا بتــكون عــارف شـو يـبيــع ..
نفس الكلام ينطبق عليهم، شـو دراهم ان هالبنات لازم مايصورهم المصـور، خصوصا عقب الاغراءات الي تطلع منهم ؟؟

اخويه صـريح، بخصوص سما دبـي و قـنوات دبــي بشــكل عــام، من احسن القــنوات عندي لكثرة البرامج و تنوعهــا، اتمنى انك ماتحكم على الشـي من منضور واحد الا وهو برنامج الـميدان، لأن بالمقابل هناك الكثير من البرامج الممتازة، على سـبيل المثال يعرض الآن على قناة سما دبـي برنامج يتكلم عن الديـون و آثارها السـلبيـة على المجتمع، هالبرنامج لو اكتب مزاياه و امدحه من اليـوم لين باجر مابخلص خصوصا اننا نعيش وسط معمعة الديـون ...الخ !
و نضرتي الشـخصية لقناة سمـا دبـي و قنوات دبـي بشـكل عــام، انها تحترم و تقـدر المشــاهد الي يفرغلها جزء من وقته الخــاص ليشاهد برامجها، و لو تلاحظ معظم برامجهم مفيده و مشوقه :)

[أمواج]

لمــــاح . . .
أشكــر فنــك والله . . .

[الملهم]

الدلوووعة ..

انزين يمكن يكون كلامج في محله .. عادات الناس انهم يجحلون ويطولون شعورهم ..
بس ليش يوم يسيرون المولات يجحلون ويبينون شعورهم .. مرة شفتي واحد دش المسيد الجمعه ويجحل عيونه .. بالعقل يعني مش لها الدرجة حنا فينا سذاجة وانقول انهم يجحلون عيونهم ومش بس يطولون شعورهم .. يسرحون وما ادري شو يحطون .. بالعقل اكيد عشان غرض ثاني مش عادات ..

حنا شباب نعرف ^___^
و.... هيه صح ما اقصد الكل .. البعض فقط .. ما اعمم ^__^

هذا رايي .. مجرد راي

[غرشوب]

المزوحي

احياء ... و ربطه بالتراث مرفوض بالمرة. .
تسلم ع التواجد


عاشق القلم
الله يهديهم ويهدي الجميع
امين
وشكرا ع الحضور


قرموشة

هذي مب يوله والبرنامج مايخصه بتراثنا . .
ويا مرحبابج اي وقت


هزاايم

هذا تشويه لتراث . . تراثنا ارقى و اسمى من هالخربطان و لو يبون يحيون التراث عندهم مليون طريقة احسن بعيدا ً عن الهز و الرقص . . لو صدق كانوا يبون يحيون التراث و يعلمونه للاجيال القادمه بطريقه صحيحه جان كانت البطولة بدون اغاني و بنات و بلا مكالمات مايعه وسخيفه و خلوا التصويت للجنة تعرف اصول اليوله مب للجمهور الي يتحرى برنامج اختيار ملك جمال الدوله !
ردج عيبني . .
كل الود


الملهم

انته تعارض تصوير البنات و انا اقول اعارض وجود البنات هناك و البرنامج.... بكبره !
كل الود


سمو الامير

ان شاء الله يوصل رفض الجمهور الواعي المدرك لقيمة تراثه لاصحاب الشأن ولو بعد حين . .
كل التقدير لتواجدك


صريح

سلبيات في سلبيات . . .......
ما بقى لا عادات ولا قيم ولا اخلاق في البرنامج . . كلها راحت ع الوحده ونص !
يخبروني انه كل واحد من المشتركين سفرته طاحت ع الارض الا واحد منهم :kkk: كنت افكر ليش اخر شي طلع السبب انه شعره قصير و مب حرير مثل الباقيين ههههه :harhar1: . .
ردك منطقي وغاوي مثلك . .


الدلووووعه

شوفي وقارني بين يوله الاوليين و الي في الميدان . . بتعرفين الفرق الكبير وماظن بتشجعين حد !
و بخصوص البنات الله يهديهم شوهوا صورتنا . .
كل الود


حبوبة دبي

الخراب كان بعيد عنا قبل و الحين بيينا ونحن نطبل و نصفق له !
الله يعين . .
تقديري لج


المتفيزرة عالعرقوووب

مايخصه التلفزيون انا اتكلم عن الميدان و شو يصير هناك . .
الي ما يعيبني برمس وبقول مب عايبني . . دامه برنامج منحط و هابط فـ بقول راي فيه واتحدى اي شخص يقول غير هالكلام لاني مستعد اتناقش وياه نقطة نقطة واثبت وجهة نظري . .و هالموضوع انا ما ناقشته وحتى لو مناقشينه ترى الله قال (( فذكر ان الذكرى تنفع المؤمنين )) . . بعدين تعتبرين البيزات ايجابيه في سبيل الاخلاق والدين ! حضور البنات و اتصالات البنات و طريقة اليوله المحرفه والتصويت الغير واقعي غير المصاخه الي تستوي كلها سلبيات
كل الود



لماح

صح الكمال لله بس لو استثنينا طريقة اختيار الفايز و تواجد البنات و الرقص ع الانغام و المنكر الي يصير و التصوير و المكالمات الماصخه الي يتلقاها المشتركين شو بيبقى ؟ حتى اليوله تكون غلط فـ شو بقى من احياء التراث ! ولا شي ... راح التراث و تشوه
شكرا ع ابداء الرأي