ما أظن من الشيطان

**المزوحي** · 07-04-06 ||, 02:21 PM

والله حبيت أقول إنه تمر بموقف في حياتك اللي تعيشها وعقبها تندم أشد الندم ومع هذا تعرف إنه اللي وياك سامحك .. يمكن يكون كلامي غير واضح بعض الشي .. بس الإنسان مش معصوم من الخطأ ..
لكن هذا مايعطينا دافع إنه نغلط ونرد على الشيطان .. يعني نحن لازم بعد نحكم عمارنا !!

لكن لو يينا بتكلم عن شخصي أنا .. إني لو مع أي شخص من الواحات خلونا ناخذ .. غلطت عليه بكلمه
بحركه بالرغم إني كنت وياه انسان يضربون عليه المثل .. لكن بعد هالموقف " طحت من عين "
اللي ماخذ عني فكره طيبه .. شو موقفه معايه من عقب ما صار اللي صار ؟!!

هل في بادرة بأنه يسامحني .. هل في بادرة إنه يعطيني فرصة .. هل ممكن يحط لي عذر بسبب تصرفي
بهالموقف ..

بس فعلا .. عطوني فرصة ثانية تعرفون من أنا .. لأنه بوضح لكم شغلة .. يمكن مجرم .. ماتعرفه إنه مجرم .. واليوم عرفته إنه انسان طيب، وطبعا مثل ماقلت لك ماعرفته إنه مجرم .. كيف بتتعامل وياه ؟!
بتتعامل على إنه انسان طيب .. مثل ماخذت عنه فكره بنفسك .. لكن بمجرد ما تعرف إنه مجرم بيتغير كل شي .. صح ..

فأنا إن غلطت على أي حد منكم سامحوني .. الانسان معّرض للزله ..

**قرموشة** · 07-04-06 ||, 02:52 PM

المزوحــي طال عمــرك ..
انت انــسان طيب ,, والنعـم فيــك .. والله يشــهد انــك ما غلط عليــنا بكلمــه ..
وانت امبونــك انسان محتــرم وحشيم .. ولو في يــوم سمعنــا عنــك رمــسة مب زيــنه .. تأكــد
انه وجــهه النظر فيــك ما بتتغــر ..
ولــو حصــل .. وتكلمت عن الغــير .. وقلــت كلام .. أو سويــت حركــه تضايق بالنــاس .. هــذا .. أبدا ما يعنــي انهــا أطباعك تغيرت !! أو نحـن بالمقــابل بنغيــرتعــاملنا صوبــك .. ليــش ؟ لان الانــسان مثل ما تفضلــت وقلــت مش معصــوم .. ويمكن يقع في ذات الغلــط مرة ومرتين وغيره ..

فتــأكد .. انه الانسان بطبعــه سموح .. وخاصه لو انــه الغلط من أعز وأقرب ناســه ..
ولا تحط فــي خاطرك .. ولا تشيل الهــم .. وتطمن ..
وربــي يحفظك ..

..
قرمــوشة

**المزوحي** · 07-04-06 ||, 03:00 PM

أولا شكرا لصراحتج أختي قرموشة، وأتمنى إنه كلامج مايكون إرضاء لي دون ما تتعرضين بموقف مني شخصيا .. لأنه مثل ماقلت قبل .. إنه الفكرة ممكن تتغير بعد موقف واحد بالضبط ..
وأنا بعطيج مثال ... بموقف جديم صار له 3 سنوات تقريبا .. بيني وبين ربيعي .. وهالموقف أنا اللي بديت فيه دون قصد وخذته على سبيل المزحة والطرف اللي قام بالرد علـيّه هو " ربــيعه "
اللي اليوم اتصل بي يطلب مني خدمه ..
وفعلا استغربت ..

**قرموشة** · 07-04-06 ||, 03:37 PM

أخويه المــزوحي .. أنا لمــا حطيـت الــرد .. صحيح انه الكلام كــان موجه لك .. كونــك متعرض لهـا الموقف من قبــل .. لكــن ..
كلــنا في الحقيقه تعرضنــا لهـاي المواقف .. وانــا ما أنكر اني شفت عــلى ربعــي أشياء ..أو حتــى هــم شافوهـا علي .. يعني يا ما سويـنا أشيــاء المفروض انــها تغير التعامــل امبينــا لكن الحمدلــله .. كـل وحده عــارفه طبايع الثــانيه وعــارفه عوايدهــا .. فأكــيد بتكون غلطت .. والمسامح كريــم ..

فأكيــد يعنــي لو غلطت .. أو كنت ما خذ الغلــطه على سبيل المزاح .. وغيرك فهموهــا بطريقــه ثانيه ..
أكيد مــع الايام بيعرفون انــك ما كنت تقصدهــا .. والدليل اتصال ربيعــك فيــك ..

والسمــوحة ..

**المزوحي** · 07-04-06 ||, 03:58 PM

أشكر تواجدج مره ثانية والرد على كلامي .. لكن بوضح لج إنه المتصل ربيع ربيعي .. اللي كان
ماخذ فكره عني، ومايبغي ربيعي يكلمني ...
على العموم ... شكرا : )

**الجنيه** · 09-04-06 ||, 12:03 AM

السلام عليكم ورحمة الله وبركاته ...

أشحالك يا خوي المزوحي ,,, اتمنى اتكون بخير وسهاله ...

عن رأيي الشخصي أقولك أنت انسان والنعم فيك أخ عزيز وغالي وما جد شفنا منك شي ... وبالنسبه للي صار في كثير من الأحيان نخطأ بحق ناس وينخطي بحقنا ويمكن ناحذ موقف من الشخص الثاني احيانا يكون موقف ايجابي وفي كثير من الأحيان سلبي ...

يمكن يكون تأثير هالموقف علينا شديد ونظر بحكم على صاحبه بحكم مبدأي قاسي على حسب الي صار بس بعد فتره من معاشره الشخص ومعرفه طينته تتغير النظره وفي مجال كبيرأنه تتغير النظره من السلبيه للإيجابيه ويمكن هالشي هو الي صار ويا ربيع ربيعك ...

خلك واثق من نفسك واذا صار موقف وحسيت بأنك بالغت فيه أو تماديت تقدر دايما تعتذر وما بيصير الا كل خير ...

الله يوفقك