بقـدرة قادر .. أبت مياه الخليج أن تبتلعني

[طير الغرام]

الحمدالله ع سلامتج ختيه

وصدق الواحد يوم يعيش الحدث غير عن اللي يسمعه

وأنا أذكر من كمن سنه استوالي هالموقف بعد
وأنا أجوف كل من حولي يصارخ
>> صدق حسيت الدنيا صغرت بعيوني لدرجة
إني قمت أتذكر أحلى أيامي مع هلي وناسي

سلمت امري لربي واعيوني غرقت بدمعها

ولولا ختيه جان أنا الحينه ...................!!

حسيت باللي حسيتيبه
والحمدالله ع كل حال

دنيــــــــــــا عجيبــــــــه في تجــــاربهـــــــا

[لمّــاح]

الــسلام علـيكم . .

أولا، أدري اني متأخر وايد، لكن هذا مايمنع من اني ارد و أسجل اعجابي الشديد بإسلوبج في الطرح ..
الحمدلله على السلامة، عمر يديد و حياة يديده عل و عسى ان نضرتج للحياة تتغير :)

تذكرت حتى موقف صارلي، الحادث الي سويته، أول مافتحت عيني شفت اربيعي مغمى عليه و طايح على رقبته في الوهلة الاولى اتحريته ميت .. حاولت اطلع من السيارة، أول ماطلعت اغمى عليه و ماوعيت الا بأصوات الناس و الي يزقرني بإسمي و صوت سيارات الشرطة..

احساس غريب يحسه هالانسان الي عطاه الله فرصة يديدة في العمر عشان يعيش، و عليه انه يستغل هالفرصة في كل مايرضي الله و ضميره ..
تسلمين على الموضوع و الحمدلله على سلامتج و سلامة هلج :)