منزل الاشباح في راس الخيمه..صور

[مجرد أحساس]

بني هذا المنزل منذ سنوات عديده
ولكن للاسف لم يستطع صاحبه السكن به حتى الان
كثرت القصص والروايات عن هذا المنزل
واكثر القصص كان تدور حول الجن والاشباح الذين سكنوا هذا البيت ويقومون باللعب في اثاث المنزل وتغيير مكانه

هل فعلا هم جن
ام ان هناك من يدخل المنزل ويقوم بذلك؟؟

على فكره المنزل مليء باللوحات الفنيه


والرسومات



فهل هذا هو السبب
فكلنا يعرف حرمة تعليق الصور بالمنزل وان الملائكه لا تدخله
وفي النهايه اترككم في حفظ الخالق

[الحساس]

الله يعافينا منهم..

اول ماشفت البيت من برع .. تذكرت بيت شرشبيل!!!;)

[شرجاوي]

متأكدين من هالشي ؟؟؟

[مجرد أحساس]

هههههههههههههههاي
والله ضحكتني انا روحي ازيغ من شرشبيل
وتسلم الحساس على المشاركه ^_^

اخوي الشرجاوي اول شي تسلم على المشاركه
وانا اكيد متأكده ولا ما بعرض الموضوع
والسموحه

[قرموشة]

البيت حلــو من برع ..
من داخل بعد حلو .. وخاصه الرسومات اللي فيه .. والايدار كله رخام..
بس غمضتني الحجرة اللي فيــها كراسي مغبره ومكسورة ..
يعني هم أهل البيت سكنوا فيه .. وبعدين ظهروا منه ؟ والا شو السالفه بالضبط ؟؟

[الشحية]

أمــــــــــــيــــــه هاه البيت يــــزيـــغ ..
أنا بعد سمعت عنه .. بس منو هاه اللي خاطر بحــيــاته ودش وصور ,, زيغه ..
شرجاوي ..
ويوم أشووفه من برع يبــيــن أنه هاه الــبــيت محد يســكــنه ويوم أنطوف أحذاله فليل اللــيــتات مسكره .. يعني مستحيل أهل البيت بيكوونون موجودين والليتات كلها امبنده ..
فيدل انه محد ساكننه ..
وانا أسمع انه في أشبااح وهاه السوالف بس ما ادري الصراحــه ..
والعالم الله ..
وهاه موجود في راس الخيمه وبالتحديد في ( الظيت ** )

[مجموعة إنسان]

هذا البيت مكانه في رأس الخيمة وتحديدا في الظيت .. وهو قريب بيت عمي
وهذا البيت انا دخلته ، معلقين في البيت صور وتماثيل الأبراج( الحمل الجوزاء .....الخ)
البيت كبيير وايد ومحد سكن فيه .. بس فيه حارس هندي ..
بصرااحة انا دخلته الظهر ( أخاف من الجن ههههه)
...

[بلوة حلوة]

هيييي هااا اللي فـ الخراااان اظنيـيييه

احيد قبل على أيام خبااالي .. كان خاطري ادخله

بس الحين قمـت اخاااف شوي ههه:smartass:

[أمواج]

البيــت مب من شي مسكــون وفيه جــن . . . من هالصــور واللوحــات اللي فيــه . . .

[نبراس الليل]

عرفت البيت ...

يبيلنا نجتمع نحن اعضاء الواحات وندخله شرايكم ؟؟؟

[شرجاوي]

الباز بندخله بالليل ... بنشوف منو الردي و منو قلبه حديد هههههههههههههههههه

[الملهم]

انا مستعد وياكم ^___^
احم احم ما ازيغ ^__^

بس البيت شكله غاوي ووايد كبير ..
شكرا على الموضوع

[المقاتل]

:: .. البـــــــــاز انا ويـّـــاكم .. لووول .. ::

شكرا على الموضوع الرائــــــــع

اجمل التحايا

.. المقاتل ..

[عيون الليل]

صدق يخوف .،.،
لكن اعتقد مثل ما قالت أختيه المتفيزره ع العرقوب .،.، أنه هالاشياء يت من التماثيل الي تارسه البيت .،.،

حرام خسروا عليـه شكلهم وايد .،.،

شكراً على الموضوع الي يخووووووف

[شمه]

هالبيــــت..

اتذكر مره طفت من صوبه(من زود ما اسير راس الخيمه الا هم مرتين ) انزين و شفت هالبيت و عيبني الصراحــــه كان غير ..مب عيبني بس يبين انه مدفوع فيه بيزات..

عيل طلعت جي السالفــــــــه..
بس الرسومات وايد حلووووه..

انزين يعني حتى صور الورد حرااام؟؟

هواجيس مشتاق..
انزين هالحارس الهندي ع قولتك.. يمكن يكون ينــــي و الصبح هندي؟؟!!!!