روح رياضـــية لا حرب كلامـــية

[نور الإيمان]

بسم الله الرحمن الرحيم

شو السالفة!! ..

عيال ديرة وحدة و انتهت المباراة و الحمدلله على كل حال :sad4:

جزيتم خيراً

[كـلـكـلـووش]

محــب الشــيخيــن

طرحـــك جـــدا جـــدا جـــدا جمـــيل
و الفــكره وصــلت 100 % و كــلامك في الصــميم يا خــوي ..
بس ممــكن انفهمت سالفــة موضــوع بس للزعــيم بطريــقه خــاطئــه ..
و حــلاة الكــره يا خــوك لــما تخــسر و تــرد ع الفــايز و يســتـوي نقــاش بيــنك و بيــنه .. بما لا يتعــدى الحــدود و الاحــتــرام و الروح الريــاضيــه
فـ انا اول شــخص قال لكل العـيناويه اســتـهالتو الفــوز .. و مــن حـق الفــايز ان يــداعب الخــاسر و يحــط تعليــقات ( الكره من استوت جي يا خوك .. )
و ع فكــره هالــشي الحيــن صــار مب بس عــند كلكلووش و عاشق قلم و ذنيني و غيرهم .. تـرى رؤساء الروابط الحين يعلقــون و يطلــعون شـعارات و لا .. يتمضــخرون على جمهور الفــريق الآخــر فــ ما بالك بـ الجماهير نفسها دام اللــي يقــود هالكتيــبه هو خــلق هالــجو ! أكيــد الجــو هــذا راح ينتقــل للجمــهور ..

و ع فــكره يا خوي .. الحـرب الكــلاميه + الروح الريــاضيه لو اجتــمعت راح تــكون من احلى ما يــكون .. الحــرب الكــلاميه تعتبـر حــرب نفــسيه و هــذا حق مشــروع في عــالم كرة القــدم .. لــكن ما نبــى شي يتعــدى شــي .. الاحــتـرام واجــب و الاخــلاق واجــبه و الروح الريــاضيه إلزاميــه ..
و ع فـكــره ما في شي يشــجع الجمـهور ع المتــابعه غــير الكــلام اللي يســبق المبــاراه .. هو يــكون اكبــر حــافز للمــتــابعه ,,

الــيوم انا نزلت موضوع عــن نــادي الشــارجه و اتحــدى فيه العيــن و خسـرت .. حق مشــروع للعيــناويه انهم ينــزلون موضوع يفــرحون للفــوز و من حقــهم انهم يــطلعون سلبيــات الخــصم و من حقــهم ايــضـا انهــم يتمــصخرون ع الخــاسر ( ليش ) ؟ لإن الكــره استوت جــذه .. لكن بالمقــابل من حــق الخســران الــرد ع الفــائز و اظــهـار مبــررات ..

أعــطيك مثــال .. حريــه .. وهو اكــبر راس جمــاهيري في الــدوله .. قال إذا اتانا الكاس فـ هو منا و فينا و إذا لم يأتنا فـهو زكاة عن الذي عـنـدنا .. رد عليه العمده و قـال .. بنــكسر قـاعدة ان الشارجه يفوز في النهائي و بناكلهم اكل الرمانه و بنخلي الشارجه حيرانه ..
هالتصريحات خلقت جو من الحماس لـدى الجماهير .. لكن هل العمـده ما يرمس حريه و حريه ما يرمس العـمده ؟ أبدا لأ !
الكــره شي و املــعب شي و برع المـلعب شي آخر ..
نحــن اخــوان .. لي فريقك و لك فريقي .. امزح معــاك و اسولف وياك .. و لما تتعـدى ع فريقي ارد عليك ( بحدود العقل طبعا ) و يوم نرد البيت ناكل و نسولف و نشرب و نلعب مع بعض .. و ننسى المباراه ..

و يا خوي عن الفرحه المبالغ فيها .. هذي لـك عليها شوي .. انا انسـان احب .. و انت انسان تحب .. بس حبك يفرق عن حبي .. و حبي يفرق حن حبك .. لكل منا مقـدار .. ساعات نحن نسمع ان فلان اغمى عليه عشان فريقه فاز في المباراه .. ما اقدر الومه و اقول ما عنده سالفه .. لإنه هذا اللي هو يشعر فيه من داخله و يعبر فيه عن طريق جوارحه ..
مثلا المعلق علي سعيد الكعبي .. اللي انتقل لقناة الجزيره .. لما كان في ابوظبي الرياضيه .. كان يعلق و كان يبين تحيزه لفريق العين .. لكن هل تقدر انك تلومه ؟ لأ .. ليش ؟ .. لإنه يعشق العين و عندك ايضا معلق قناة الشارجه لما يعلق للشارجه يبين تحيزه للشارجه .. لكن هل تقدر تلومه ؟ لأ .. ليش ؟ لإنه يعشق الشارجه .. مع اني ما أأيد انهم يحطون معلق يشجع فريق و يعلق له في المباراه ( عموما ما نبى ندخل بسالفه ثانيه )

محــب الشيــخين ..
الصــراحه موضــوعك جـــدا جميـــل و أشكــرك و اثــني علــى المواضيـع اللي تكون مثــل مواضيــعك .. لإنها فــعـلا تثــقف الشــارع الريــاضي عـنــدنا و تثــقف جمــاهيرنـــا .. كــل الشـكر و كــل الود لــك اخــي العــزيز و كــلامك يــدل على حرصــك اخي الكريــم ..

يثــــبــــــت

ســلام
كـلـكـلـووش