وين هذيج السوالف .....

[رووح العين]

<font color='#000000'><span style='color:red'>السلام عليكم ورحمة الله وبركاته</span>

<span style='color:darkblue'>مرحبا جميعا ... اشحالكم عساكم الا بخير

حبيت اكمل لكم موضوع يوميات محيله .... بس المره غير شوي

يعني ما بسألكم ... واللي يبي يسأل عن كلمة ما عرف شو معناها

ترى انا حاضره فاي مفرده صعبه عليكم ... وان شاء الله تستمتعون</span>

<span style='color:darkred'>غشابه هي المنطقة اللي يعيش فيها قوم محمد بن علي واللي هم .. حرمته محيله
واولاده سعيد و علي وبنته غبيشه ، وجيرانهم قوم سلطان بن سيف واللي هم حرمته مريوم
وولده سيف وبنته حمده ....
وهذي المنطقة توجد على أطراف مدينة العين ....
وهالمنطقه كلها رمال وعراقيب و سيوح .....</span>

<span style='color:darkblue'>وكان من زمااااااااااااااااااان ......
محمد بن علي عنده مزرعه اسمها ( النقاله ) ... وكانت هالأيام أيام جفاف والأمطار من فتره طويله ما نزلت
وكان محمد يالس ويا جاره سلطان وهم يسولفون .....

أبوسعيد : الله يرحمنا برحمته ... القيض هالسنه شديد
أبوسيف : هيه والله يا بوسعيد ... ان شاء الله تنزل أمطار الرحمة وتشرب الأرض ...
أبوسعيد : ان شاء الله ... يا سلام عاد يوم تنزل الأمطار وترتوي الأرض وتحيا مره ثانيه ...
شوف وانا اخوك كيف صارت الأرض محيله ... لا عشب ولا شي غاديه غبره ملحه
أبوسيف : الا على طاري الغبره ... شو اخبار النقاله ويا هالمحل
أبوسعيد : الله يعينا ... النخل والحمد لله عايش بس اذا ما نزل المطر ما اظن انه بيثمر زين هالسنه ..
أبوسيف : أن شاء الله بيثمر زين ... وأن شاء الله هالمزون اللي رتفعت تكون بشارة خير
أبوسعيد : أن شاء الله يا بوسيف .....
</span> <span style='color:indigo'>على غشابه ارتفعت مزون ... ياللي طلب الأمطار تييه .... يسند على ولم السليلي ...
يعل النقاله تازم بحور .... وتازم بالعذج الثجيلي .....</span>

<span style='color:darkblue'>أبوسيف : الله يسمع منك ... يالله اسمحلي وأنا أخوك بحدر صوب البيت
أبوسعيد : يا حيك .... سلم على الأهل
أبوسيف : يبلغ سلامك</span>

<span style='color:darkred'>كان اليوم دور غبيشه في الرعي ... ويوم شافت المزون ارتفعت قررت اترد البيت لا اييها المطر وهي ترعى ...
بس الظاهر أن الأمطار نزلت قبل ما توصل غبيشه البيت ... وقامت غبيشه واتذرت تحت سمره هي
وهوشها لين ما يخف المطر ... بس الظاهر أن المطر ما خف بالعكس يزيد ويزيد ... والظلام قرب ...
فقررت ترجع البيت تحت هالمطر ...</span>

<span style='color:darkblue'>فالليل كان المطر ديماني .... وكان الريايل متجمعين في بيت الشعر
مال محمد بن علي وكان هالريال ريال كريم معروف عند العرب بالشهامه والنخوه ....
وكانت خيمته هي دوم عامره بالناس وتسمع سوالف من كل صوب .......

أبوسعيد : يا مرحبا بالعرب ... ويا حيكم الله ..
ابوسالم : الله يحييك .... دام عزك
ابومحمد : ها بومصبح شو اخر علومك واخر سوالفك ....
ابو مصبح : والله يا عرب عندي سالفة ... خبرني واحد اياها وانا طارش الدمام ... من كم شهر
ابوسعيد : شو هالسالفه ....
ابومصبح : السالفه تقولكم .... انه اثنين من العرب رايحين على البعير وفي هالسيوح وهم ضاويين ...
شافوا عيوز غبره تلحقهم ... والاخوان ما عبروها ... ولا كنهم شافوها ... وكان تسرع ولحقتهم ...
وعاتبتهم لانهم ما وقفوا لها ... وبعدين خبرتهم انها بتسير وياهم ... ورحبوبها وسارت معاهم فهالليل ....
وبعد ما مشوا شوي .. طلبت منهم انهم يوقفو ..
وقالت : بسير ورا هالعرقوب وبرجع ... اتريوني
وتأخرت عليهم العيوز ... واستبطوها ...
وقال الاخو لخويه : ترا هالحرمه بطت ... بسير اشوفها شو سالفتها
وراح الاخو يشوف العيوز ...
بس الاخو تأخر عليه بعد ... وقرر انه يروح يطمن على اخوه .... ويوم راح

الله لا راواكم شو شاف ... شاف العيب وشاف شي يشيب له الراس

ابومحمد : شو شاف خبرنا ....</span>

والبقية طبعا يايه .... وان شاء الله عيبكم

والكلمات غير المعروفه <img src="http://oasis.bindubai.com/emoticons/suspect.gif" border="0" valign="absmiddle" alt=':sus:'> <img src="http://oasis.bindubai.com/emoticons/suspect.gif" border="0" valign="absmiddle" alt=':sus:'> جوابها عندنا

<span style='color:indigo'>تقبلوا تحياتي .....

أختكم ... رووح العين</span></font>

[منصوري الدوله]

<font color='#000000'><img src="http://oasis.bindubai.com/emoticons/crazy.gif" border="0" valign="absmiddle" alt=':cra:'> &nbsp;انزيـــن خبرينـــي شو شـــــــاف &nbsp;<img src="http://oasis.bindubai.com/emoticons/crazy.gif" border="0" valign="absmiddle" alt=':cra:'> &nbsp;

وعندي سوال اخـــتي الفاضلــه ...

شـــو يعنـــي ( يسند على ولم السليلي ) ... ؟؟

وتسلميــــن والله بصــراحــه الواحد يقرا الموضوع وهو منزل راســه خجلا
لانه مـــا يقدر يجــاريــــج .. &nbsp;<img src="http://oasis.bindubai.com/emoticons/down.gif" border="0" valign="absmiddle" alt=':dd:'></font>

[لمّــاح]

<font color='#000080'>السلام عليكم ..

اختيه روح العين .. تسلمين على موضوعج الحلو ..

اممم ابصراحه .. في بعض الكلمات صعبه شويه .. و في بعض الكلمات مرت عليه لكن نسيت معانيها ..

يعني اذا ممكن انج اتحطين عقب كل مفرده من المفردات الصعبه معنى الكلمه و يكون المعنى بين قوسين بدال ما نسألج عن المعاني في ردودنا ..

و الموضوع ماشاءالله وايد حلو .. و تسلمين على جهودج و تعبج ..

الله يوفقج اختيه <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>

[رووح العين]

<font color='#000000'><span style='color:red'>مرحبا اخوي ... منصوري الدوله</span>

<span style='color:darkblue'>مشكور الصراحه على هالكلمات المشجعه

وعن اللي شافه الريال ... ياينك ويتعرفه ... والله يستر

وبالنسبه لسؤالك ......</span>

<span style='color:red'>يسند على ولم السليلي :</span> ولم السليلي اسم مكان ... ويسند يعني يصعد ...
&nbsp; &nbsp; &nbsp; &nbsp; &nbsp;يعني يصعد على ولم السليلي

<span style='color:indigo'>اختك ... رووح العين</span></font>

[رووح العين]

<font color='#000000'><span style='color:red'>هـــلا اخوي .... المنحوس</span>

<span style='color:darkblue'>شكرا لك .... بصراحه انا فكرت فالشي اللي قلته

وهو اني احط معنى الكلمه الصعبه بين قوسين ... وبسويها ان شاء الله

بس يمكن في كلمات انا اشوفها سهله والبعض ما يعرفها وفي هالحاله

يعني انا ما بكتبها بين قوسين ... يعني ممكن الواحد يسأل</span>

وتسلم اخوي ....

<span style='color:indigo'>اختك ... رووح العين</span></font>

[فتى البدوع]

<font color='#000000'>مشكووووره ما قصرتي</font>

[رووح العين]

<font color='#000000'><span style='color:red'>السلام عليكم ورحمة الله وبركاته</span>

<span style='color:darkblue'>ابوسعيد : يالله خبرنا ....
ابومصبح : كانت ليله قماري ( القمر كامل ) ... حس الاخو ان روحه بتطلع
وقلبه بيوقف من اللي شافه ... وما مصدق عيونه ... العيوز تأكل جبد اخوه ...
عرف انها ينيه ... رجع عند بعيره قبل لا تشوفه ... وخذ نفسه وحاول يكون
عادي .... ويت صوبه ...
العيوز : ها بطيت عليك ....
الريال : شوي ما يضر ...
لاحظت العيوز ان شكل الريال متغير ... من عوق ما شاف
... ويقول في خاطره ... يا رب تكون ما شافتني .... والا بلحق بخويه .....
العيوز : اشفيك مصفر ..
الريال : لا ما فيني شي .... بس بسألج لو حد ظلمج شو بتسوين له ...
العيوز : إذا حد ظلمني ... بدعي دعاء المظلوم ...
الريال : دعاء المظلوم .... زين سمحيلي شوي ... بسير اقضي حايه وبرد
العيوز : زين بس لا تبطي علي ...
الريال : أن شاء الله ...
راح الريال ورا العرقوب وصلى ركعتين ... ورفع ايديه لرب العباد
... يشكي ما صابه للسميع العليم وهو أعلم بحال خلقه ....</span>
<span style='color:darkred'>" اللهم إليك اشكو ضعف قوتي ، وقلة حيليتي ، وهواني على الناس
يا ارحم الرحمين أنت رب المستضعفين وأنت ربي ، إلى من تكلني؟
إلى بعيد يتجهمني ، أم إلى عدو ملكته أمري ؟ إن لم يكن بك علي
غضب فلا أبالي ، ولكن عافيتك هي أوسع لي ، أعوذ بنور وجهك الذي
أشرقت له الظلمات ، وصلح عليه أمر الدنيا والآخره من أن تنزل بي
غضبك ، أو يحل علي صخطك ، لك العتبى حتى ترضى ، لا حول ولا قوة إلا بك"</span>
<span style='color:darkblue'>وسبحان الله اللي قادر على كل شي ... وفي ساعتها نزل نور من السما
ومن وسط هالنور طلع سيف ابيض .... ضرب العيوز على رأسها واختفت
ولا بقى لها أي اثر ...
ورجع هالريال لهله بدون خويه .... بس هذا المقدر والمكتوب ....

أبوسعيد : سبحان الله القادر على كل شي .... ترى يقولون الخوف
من الين هب زين ... والواحد يوم يخاف منهم ايونه .....
أبوسيف : هيه والله .... ايخبرنا بن رشود عن سالفته ...
والله انه ريال رزين وعاقل وعارف بعلوم الدنيا ...
ابومحمد : الله يعطيه من نعيمه ... بن رشود راعي غويل ( اسم مكان )
أبوسيف : هيه هوه ما غيره .... ايخبرنا انه كان ساير بهاليالي
السود على بعيره .... وهو يمشي حس ان حد ركب وراه على البعير ....
وخلا الرحمن في قلبه ولا خاف .... وشاف يدايل طويله تنزل على جتوفه ....
عرف انها ينيه ... ولا اهتزت له شعره ....
قال : يا حافظ على العقص الذليل ...
ورديت عليه وقالت : يا حافظ على هالعقل الثجيل ....
وراحت عنه وودرته في حاله ... عرفت ان هالريال مؤمن بالله ....
أبوسعيد : صدق والله يا حافظ على عقله ...
أبومحمد : خلونا من سوالف الين ... شنبابهم الحين ... ما فينا ايونا بعد ...
أبوسعيد : شو تخاف بومحمد ....
أبومحمد : مب خوف بس اتحذر ...
أبوسيف : الحذر من يسوي شي للمقدر ... والمكتوب مكتوب ....
أبومحمد : خلونا من هالسوالف .... ( وهو يطالع سعيد ) سعيد سمعنا
شي من قصيدك وانا عمك ...
سعيد : فالك طيب عمي بومحمد ... حاضرين باللي تبون ...</span>
<span style='color:indigo'> " البارحه ونيت من كثر السهر .... خرت دموعي على وجني نثور
قل شوفي وقل مني النظر .... وقل سمعي وانا في أمرك صبور
صابر لك يا إلهي فالأمر .... طايع لك خاضع لك يا غفور
تغفر ذنوبي من أيام الصغر .... نحسب الدنيا نعايمها اسرور
عثرها الدنيا تقودك للسفر .... تروح منها يا بن آدم يا مغرور
وكم شرينا من خديوي ومن وكر .... وكم لعى في عرس مهضوم لخصور
وكم رقينا يبال ضلكات ووعر .... وكم ضربنا من وعل ومن نمور
وكم سرينا في ليالي بلا قمر .... مظلمه وقلوبنا مثل الصخور
لا نخاف الموت ولا نخاف البشر .... نخاف م المعبود على عبده غيور
وصلاة ربي ع النبي سيد البشر .... يشفع إلنا يوم بتقل الأمور"*</span>

<span style='color:darkblue'>وسلامتكم .....
الجميع : اللهم صلى وسلم على النبي
أبوسيف : ما قصرت بوعسكور .... كفيت ووفيت
سعيد : تسلم عمي ....
وتموا يسولفون لين وقت متأخر ... بعدين كل واحد راح بيته ....

سعيد أكبر عيال محمد بن علي وعمره 18سنه ... وكان شاب رزين
وعاقل ويعرف في امور هالدنيا ... لانه ايرافق ابوه في كل طلعاته ...
وتعلم من ابوه كيف يصرف ويدبر عمره وغير هذا كان شاعر ويقصد
في خيمة أبوه للعرب .... عكس أخوه علوه صح أن علوه صغير
عمره 9 سنوات ... بس كان طاغي ( مشاغب ) ولا منه الفايده غير
عوار الراس وشكاوي الناس ... وعلى كثر ما طاحت الزوره في ظهره ...
بس ماشي فايده .... وأبوه ما مقصر فيه ....

قبل ما تطلع الشمس ومن الفير قامت محيله بتبدأ شغلها اليومي ...
حلبت البقر وبعدين حلبت المعز وطعمت الدبش ... ونشت غبيشه بتساعد
أمها بس حست عمرها مب صاحيه ... بس لازم اتعاون أمها ....
حقنت ( صبت ) الروب فالسقا ويلست اتخض .... وكانت هالأيام
لا هي أيام برد ولا هي أيام حر ... والصيف مقرب ....
محيله : شو فيج غبشوه ... كنج اتعيبينه ...
غبيشه : شوي ... يمكن من المطر البارحه وانا راده من الرعي
محيله : انزين امايه سيري ارتاحي ... وبسوي لج دوا
غبيشه : لا امايه ما يحتاي ... الا شويه
محيله : على راحتج .... انا بسير اوصل الهوش في
هالغليل ( وادي صغير وتنمو فيه الاعشاب بعد تجمع المياه فيه )
اشوف الدنيا راده ( مغيمه ) ... ان شاء الله بتنزل الامطار ...

وطلعت محيله ويا هوشها يرعن ولا سارت بهن بعيد عشان شكلها
بتمطر مره ثانيه ... والامطار اللي نزلت البارحه ما كانت كافيه انها
اتسيل الوديان ... فراحت بهن الوادي القريب من البيت ....

وفي هالوقت وبعد ما طلعت الشمس شوي من ورا السحب ...
كان بوسعيد وسعيد في النقاله ( المزرعه ) يشوفون شو استوى فيها ...
ويطمنون على زراعتهم .... أما علوه ومن أصبح الصبح وهو ويا
ربيعه يموع من سيح لسيح وايدز العسو ( عذج النخل بعد ما يكون
يابس وطبعا بدون تمر وتكون المسكه مالته طويله – موترات لول عند اليهال ) ....
علوه : يموع شوف العسو مالي ... ايغبر اكثر من عسوك
يموع : منو قال ... تعال بنتزامط ( نتسابق ) لبيتكم ...
ومنو يوصل أول وبنشوف الغبار
علوه : زين ... بس ما بنسيربيتنا ...
يموع : عيل وين بنسير ....
علوه : شو رايك نوصل عند السمره مال بن سعود
يموع : لا ما فينا ... هذا الريال شديد ... اتحيد يوم ايفرنا بالحصى
علوه : هههههه تتذكر ... علشان جي بنروح له ..
يموع : شو ناوي تسوي ... تردها له ....
علوه : اذا لحقتني بخبرك ...

وراح علوه مسرع بالعسو ماله ولحق به يموع ... لين ما وصلو
قريب من بيت بن سعود ... ووقف علوه يطالع ويتأكد أنه محد يشوفه
ويموع وراه طبعا ....
يموع : ها شو ناوي تسوي ...
علوه : اتشوف الحمار اللي مربوط ...
يموع : هيه شو فيه ....
علوه : تراه حمار بن سعود .... يالله عليه ...
وقام علوه ومسك زوره وعطا يموع زوره ... وطاحو فالحمار ضرب
وهو مربوط ما يقدر يشرد عنهم ... وهم هاتوا ضرب فيه ... والحمار
محتشر .... ومن حظهم كان بن سعود راجع من طلعته وشافهم ....
وعلوه ويموع ايضربوا فهالحمار المسكين .... وانتبه يموع لبن سعود
وهو ياي وشرد ... أما علوه خبر خير ما درا الا بالضربه في ظهره ...
والشرده عاد ... وهو يقول في خاطره ما عليك يموع بتشوف دواك
يمسود الويه يالنذل ... تشرد ولا تخبرني ...</span>

والبقيه تأتي ......
* كلمات الشاعر ... جمعه بن مشروم

<span style='color:indigo'>تحياتي لكم ....
أختكم ... رووح العين</span></font>

[بو كشه]

<font color='#000000'><span style='color:blue'>السلام عليكم ورحمة الله وبركاته</span>

مشكورين على هذه اليوميات وانتريا المزيد .. <img src="http://oasis.bindubai.com/emoticons/smile.gif" border="0" valign="absmiddle" alt=':)'>



... : بو كشه &nbsp;<img src="http://oasis.bindubai.com/emoticons/wink.gif" border="0" valign="absmiddle" alt=':;):'></font>

[رووح العين]

<font color='#000000'><span style='color:red'>مرحبــــا جميعـــــا</span>

<span style='color:royalblue'>فتى البدوع ....</span>

العفـــــو أخـــــوي &nbsp;<img src="http://oasis.bindubai.com/emoticons/smile.gif" border="0" valign="absmiddle" alt=':)'>

<span style='color:royalblue'>بوكشــــه ....</span>

هلا أخوي ... العفو

وان شاء الله بنشوف المزيد &nbsp;<img src="http://oasis.bindubai.com/emoticons/smile.gif" border="0" valign="absmiddle" alt=':)'>

<span style='color:indigo'>أختكم .....
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;رووح العين</span></font>

[رووح العين]

<font color='#000000'><span style='color:red'>السلام عليكم ورحمة الله وبركاته</span>

<span style='color:royalblue'>اشحالكم ... عساكم بخير ...</span> &nbsp;<img src="http://oasis.bindubai.com/emoticons/smile.gif" border="0" valign="absmiddle" alt=':)'> &nbsp; <img src="http://oasis.bindubai.com/emoticons/smile.gif" border="0" valign="absmiddle" alt=':)'>


<span style='color:darkblue'>شرد علوه وهو يتوعد يأدب يموع على حركة النذاله اللي سواها
وتم ايدوره في كل مكان ... راح صوب بيت يموع بس ما حصله
وهو مصر الا ينتقم .....

بعد ما خلصت غبيشه من الخضاض ( خض السقا ) وشافت أن
الدهانه ( الزبده ) جهزت .. صبت اللبن في وعا علشان تفصل
الدهانه عن اللبن ، وبعد ما فصلته عن بعض خذت الدهانه وحطتها
في وعا ثاني ورفعتها في الشت ( مصنوع من الخوص ومعلق
بأربع حبال في مكان مرتفع شوي يهبه البراد علشان الزبده ما تذوب )
وخذت شوي من اللبن للشرب ، والجزء الثاني سخنته على الضو
علشان يتحول إلى جامي .....

في هالفتره كان بوسعيد وسعيد بعدهم في النقاله ...
بوسعيد : الحمد لله أنا الأسبوع اللي خطف حصدنا الحنطه ، والبِّــر ( القمح ) والذرة والدخن ...
سعيد : هي والله ... اشوف المزون مشتله ... أن شاء الله ينزل المطر
بوسعيد : أمطار هالوقت اتم بالأسابيع والعلم عند الله ...
سعيد : ان شاء الله ... عسى الأرض ترتوي &nbsp;بدل هالمحل ...
بوسعيد : ياينا شغل قبل ما ايي القيض ( الصيف ) .... وهذا علوه ما منه فايده ...
سعيد : يوم الشغل بيشتغل غصبا عنه ....

في هالوقت علوه بعده ايدور يموع , واخيرا حصله .....
علوه ناوي على شر وهمه انه ينتقم من ربيعه ... أما يموع
ولا كان على باله ... على نياته ما يا في باله أن علوه بينتقم .....
علوه : ها يموع اشوفك هني ... وينك قاعد ادورك ....
يموع : يعني ما تعرفني اني دوم ايي هني .... الا شو سوابك بن سعود ...
علوه : بعد شو سوابي .... كم ضربه بذيج الخيزرانه .... الا انت شردت عني
يموع : يوم أسلم أنا وناقتي وش عليه من رفاقتي .... عادي تراك متعود على الضرب ....
علوه : شو نسوي بعد تراهم ما عندهم شغله غير ضربي ....
يموع : الا من كثر ما تسوي مشاكل ....
علوه : اللي يسمعك الحين ما يقول انك ربيعي .... الا ما ادل حبل ...
يموع : شو تبا الحبل ....
علوه : عندي لعبه غاويه .... بتعيبك
يموع : شي حبل ... صبر بسير اييبه ...
وراح يموع وياب الحبل ... وقام علوه وربط الحبل في
ايدين يموع ... واللي على باله أن هذي هي لعبه من اختراع علوه ...
وبعدين ربطه في السمره ....
علوه : الحين اذا انت ولد ابوك بطل الحبل ...
يموع : علوه هذي مب لعبه ...
علوه : ههههههه والله انك مسكين ... ايلس مربوط تحت
&nbsp; &nbsp; &nbsp; &nbsp; هالسمره علشان تأدب مره ثانيه ما تشرد عني واتخليني
&nbsp; &nbsp; &nbsp; &nbsp; &nbsp;انضرب ... وهذا بدل ضرب بن سعود
يموع : علوه عن النذاله .... تراك بتروح فيها ....
راح علوه عن يموع وخلاه مربوط في السمره ، ولا على باله
شو بيستوي لو درى أبوه ...

رجع بوسعيد وسعيد من النقاله على الضحى تقريبا ، يوم وصلوا
البيت كانت محيله بعدها ما ردت من الرعي ... وشربوا اللبن
وكلوا من الجامي ... وبدأ المطر ينزل بشكل خفيف وبعد شوي
رجعت محيله ييابه الهوش ودخلتهن فالزريبه ، ويا علوه ودخل عليهم وسلم ...
بوسعيد : وين كنت من فير الله ..
علوه : كنت ويا يموع نلعب بالعساوه ....
بوسعيد : خل عنك هاللعب ترا يايينا شغل ....
علوه : أن شاء الله ابويه ...
سعيد : ها غبشوه شو بلاج ... شكلج مب صاحيه
محيله : غبشوه امايه ... شو زاد عليج التعب ... شكلج مصفر
غبيشه : تعبانه شوي ... احس بحراره في جسمي
محيله : سيري ارتاحي ...
غبيشه : أن شاء الله ..

زاد المطر ونزل بشكل قوي وعاصف ... والمسكين يموع
مربوط في سمرته ولا حد يدريبه تحت هالمطر .... والمطر
من شدته كان يضرب يموع من كل الجهات .... وتم يصارخ
علشان حد يسمعه ويبطله من هالربطه جنه عنز ... وبعد شوي
وصل أخوه اللي كان يدوره يوم سمع الصراخ .... كان يتنافض
من البرد .... وبطله ورجعوا البيت ....

استمر المطر طول اليوم وفي الليل كان يخف شوي ويزيد ...
لحد الصبح والمطر ينزل .... وبطلعت الشمس الصبح كان المطر
موقف وانقشع الغيم .... وبدات الحياه من يديد وطلع كل الناس
من بيوتهم كل واحد يطمن على حلاله ... بعد هالمطر سيلت
الوديان ويرت الغدران وشربت الأرض وارتوت ولله الحمد ....</span>

<span style='color:indigo'>أختكم ... رووح العين</span> <img src="http://oasis.bindubai.com/emoticons/inlove.gif" border="0" valign="absmiddle" alt=':lov:'> &nbsp;<img src="http://oasis.bindubai.com/emoticons/inlove.gif" border="0" valign="absmiddle" alt=':lov:'></font>

[بن دبي]

<font color='#000000'><span style='color:royalblue'>مرحبا الغاليه .... اشحالج عساج بخير ...

يالله عاد كملي .... ابي اعرف شو بيستوي لعلوه الخبل ...

هذا يذكرني بأخوي .... نفسه خريش ...

تحياتي ... يدوووتج

عيوز خطيره</span><img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>

[بنت الساحل]

<font color='#000000'><span style='color:red'>تسلمين الغالية روح العين على هاليوميات الغاوية ..

&nbsp; &nbsp; &nbsp; &nbsp; &nbsp; &nbsp; ويلا ننتظر منج المزيد ..</span></font>

[رووح العين]

<font color='#000000'><span style='color:red'>عيوز خطيره ....</span>

<span style='color:darkblue'>مشكوره الغاليه على مرورج ...

وهذا اخوج متى بيعقل .... الله يهديه ..</span><img src="http://oasis.bindubai.com/emoticons/down.gif" border="0" valign="absmiddle" alt=':dd:'>

<span style='color:red'>بنت الساحل .....</span>

<span style='color:darkblue'>هلا فيج ... وشكرا على المرور

وان شاء الله بكملها ....</span>

<img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>

[رووح العين]

<font color='#000000'><span style='color:red'>السلام عليكم ورحمة الله وبركاته</span>

<span style='color:royalblue'>اشحالكم عساكم بخير وعافيه ....</span>

<span style='color:darkblue'>بعد مطر الرحمه اللي نزل على عرب شمال غشابه في هالوقت من هالسنه ... وارتوت الأرض بعد المحل اللي صابهم .... وطلعوا الناس كل واحد لشغله ويترزق رزقه .....

ومن الصبح قامت محيله لشغلها وراحت تتطمن على بنتها غبيشه ... لانها تحيدها من البارحه مب صاحيه ...
محيله : ها غبشوه ... شو الهبات اليوم ...
غبيشه : الحمد لله ... بس راسي يعورني واحس بحراره في جسمي
محيله : هذا الزكام من هالجو .... بسوي لج اليـَـله ( نوع من البخور وهو عباره عن حرمل وصخبر والصخبر نوع من النباتات الجبليه ) ...

قامت محيله ويابت ورق الحرمل ( نبات صحراوي طعمه مر وله رائحه عطريه ) والصخبر وحطته في المبخره ...
محيله : يالله غبشوه شمي هالدخون زين .... حطي راسج على المبخره وبلحف عليج بلحاف ....
غبيشه : جيه بختنق ... ريحته مب حلوه ...
محيله : وابويه عليج بعد ... تريد دوا ريحته حلوه ... يالله شميه علشان تصحي ...

وادخنت غبيشه من هالدخون ... عسى فيه الشفا وتصح من الزكام .... وطلعت محيله ورا هوشها بعد ما عالجت بنتها ....

أما بوسعيد وسعيد طلعوا من البيت رايحين صوب النقاله ... وفي طريقهم للمزرعه حصلوا بومحمد ( ابو يمعه ) ... سلم عليهم وتخبرهم وين رايحين ....

بوسعيد : بنسير صوب النقاله بنشوف الفلايه لا يكون زفنت ( طفرت ) ....
بومحمد : زين وانا اخوك واذا بغيتوا أي مساعده ترانا حاضرين ...
بوسعيد : ما تقصر يا بو محمد ... الا شخبار عيالك محمد ويموع ....
بومحمد : الحمد لله على كل حال ... محمد راح يساعد عيال عمه في زفانة الدعون ( صف زور النخل اليابس وربطها بالحبال علشان تكون متماسكه وتستوي سطح يتحطى عليه السح أو يبنى به العريش ) .... اما يموع فأنا ياي اخبرك شو مسوي فيه ولدك علوه ...
بوسعيد : شو مسوي علوه ....
بومحمد : اسمع وانا اخوك ... اعرف ان يموع وعلوه ربع ودومهم ويا بعض ... بس انه يربطه في السمره تحت هالمطر ... واحنا ندوره من مكان لمكان لين ما حصلنا يتنافض من البرد وملابسه كله خرسانه ( مبلله ) ماي ... والحين طايح فالفراش ...
بوسعيد ( وهو متفشل من اللي سواه ولده ) : اسمحلنا وانا اخوك تعرفهم يهال مخبل ... وهذا علوه بيشوف أدبه زين .... ولا تزعل من لعب هاليهال ...
بومحمد : لا افا عليك ... تراهم مخبل مثل ما قلت ... الله يهديهم

وراح بومحمد عن بوسعيد وسعيد ... وكملوا طريقهم للنقاله وبوسعيد معصب على علوه اللي سود ويهه بهالسالفه ... والناس دوم يتشكون منه ... ما يعرف شو يسوي ويا هالولد اللي مطلع روحه .....

وقبل الظهر بشوي رجع بوسعيد للبيت أما سعيد فسار صوب ربيعه سيف ولد جيرانهم ... وكانت محيله راده للبيت بعد ما حطت هوشها ويا هوش مريوم لان غبيشه تعبانه ولا بتروم على شغل البيت كله ... وصل بوسعيد وحطت له القهوه ....

بوسعيد : ها اشوفج اليوم عاطنه ( راده ) من وقت ...
محيله : حطيت الهوش عند مريوم وقلت ارد البيت ... ترا غبشوه تعيبينه ...
بوسعيد : وشو اخبار غبشوه الحين ... عساها احسن ...
محيله : الحمد لله ... دخنتها الصبح بالحرمل والصخبر ...
بوسعيد : زين .... الا بغيت اقولج سيري بعدين واتعذري من ام محمد .... ترا ولدج علوه مسود الويه رابط ولدهم في السمره تحت هالمطر ... والحين الولد طايح عليهم مريض ..
محيله : استغفر الله من هالولد دومه امفشلنا ... ان شاء الله قبل سلم الشمس بروح لها ...
بوسعيد : ما عليه خليه ايي انا براويه كيف الشغل ...
محيله : يا بوسعيد .... اللي ما يهديه الرب ما يهديه القب ....
بوسعيد : وانا عييت من هالولد ... لا شغله ولا مشغله ... كبير اللقمه قليل الخدمه ...

ويا علوه وسلم على ابوه وامه .... والابو يحاول يمسك اعصابه ....

بوسعيد : وين كنت ؟؟؟
علوه : العب بالعسو ...
بوسعيد : انت ما عند غير اللعب .... طولك طول النخله وعقلك عقل الصخله ... وشو مسوي بيموع ...
علوه ( ولا كأنه مسوي شي ) : يموع .... شو فيه ...
بوسعيد : ايقولوا رابطنه امس فالسمره تحت هالمطر ....
علوه : أنا ... لا يا بوي هذا يموع ربيعي ولا اضره بشي ...
بوسعيد : ابوه خبرني ويقول انه مريض ...
علوه : أبوي .... لا انت ولا ابوه شفتوني.... وعين ما شافت ما لامت ...
بوسعيد ( وهو معصب ) : وبعد يقول أمثال ... شو قصدك ان بومحمد جذاب ....
علوه : يمكن فاهم السالفه غلط ...

بوسعيد يعرف أن ولده يجذب عليه ... وهو يحاول يتهرب من العقاب اللي بييه من ابوه ...

بوسعيد ( وهو ماسك الزروه يبي يضرب علوه ) : انت ما تستحي تقول هالكلام ... اسمع ما اريد اشوف شيفتك وعلشان تتأدب لا غدا ولا عشا اليوم ....

وضربه ضربه ... وقبل ما توصل الضربه الثانيه على ظهره ... علوه شل بعمره واختفى من جدام ابوه .....

وفي هالوقت كان سعيد عند ربيعه سيف .... وسعيد حس ان ربيعه سيف متغير عليه ... لانه ترحيبه كان غير مب مثل كل مره .... ولانه ما شافه من فتره تقريبا من اسبوع لان سعيد مشغول ويا أبوه في هالمزرعه .....

سعيد ( وهو يقصد ) :</span>لـــول أحيـــدك مــرحبـــانــي .... تبســـم ولــــو متكـــدر البــــال .... واليـــوم أشـــوفــــك ما تبـــانـــي .... عسن مـــا ســـوولك اســــوال .... حســـاد وولاد الحـــرامــي .... وسمعـــت فيـــه قــــول من قـــــال ...<span style='color:indigo'></span>*

<span style='color:darkblue'>سيف : لا يا سعود ما سمعت فيك قول اولاد الحرام .... الا انت اللي نسيتنا ولا تسأل عنا ... عنبوه اخطف وسلم ... قول عندك ربيع تشوفه يمكن حي والا ميت ...
سعيد : افا يا سويف ... انت دوم على بالي ... بس شو اسوي اتعرف مشاغل المزرعه ولازم اساعد ابويه ... وانت مشغول بعد ...
سيف ( وهو يتنهد ) : اييييييييييه يا سعود ... ما دريت شو صاب أخوك ...
سعيد : شو ورا هالتنهيده ... لا يكون مصيوب بعين غرشوب ...
سيف : خلها على الله ...
سعيد : يالله قول شو بلاك ...
سيف ( وهو يقصد ) :</span>في ســـدرة المطـــلاع يا سعيـــد ... مريــــت لن الراعبـــي ينـــــوح ... إيـــون ونـــات معـــاديـــد ... وأنـــا بونينــــه صــرت مجــــروح ... قتلـــه عـــلامــك قـــال بي ضــــيق ... قتلــــه طريــــق الجو مفتــــوح ... إن كـــان خايـــف راعــــي الصيـــد ... أنت وحــي وجناحـــك ايشــــوح ... عن لا تـــذاير م الزواعيـــق ... عينـــك عليــــه اليعــــرف ايتـــوح ... لي من نشــــر بيضــــوي الصيــــد ... هــذاك منه دار للـــــروح ... ســـافر وخـــل أبـــلاده أتغيـــب ... امكتبـــه لرزاق في اللــــوح .... ** <span style='color:indigo'></span>

<span style='color:darkblue'>سعيد : بعدك ما قلت كل اللي فيك .... وانا اعرفك زين ...
سيف : بيي يوم وبتعرف وانا اخوك ... والحين خبرني شو اخبارك ...
سعيد : الحمد لله ...

وتموا يسولفوا لين الظهر ... وصلوا وبعدين راح سعيد للبيت ... علشان يتغدا ويعرف شو اخر علوم علوه وشو العقاب اللي حصله من ابوه .... ويا سعيد صوب أمه يتخبرها عن علوه ... وخبرته أن أبوه منع عنه الغدا والعشا اليوم ....

سعيد : يستاهل ... خليه يمكن يتأدب ... مفضحنا عند العرب ..
محيله : يا سعيد ما يصير هذا اخوك بعد ..
سعيد : اخوي على العين والراس ... اما يسوي هالسوايا ... تراها ما ترضي حد ...

وتغدوا وعلوه ما يا طبعا على الغدا ... لأنه اذا يا أكيد بينضرب وهو ما فيه على الضرب لو انه شي عادي عنده ... بس يالله قال نستحمل ولا نتغدا ... بس ابوي هذا لازم اراويه .. عيل انا ما اتغدا وانا ميت يوع ... وتم علوه بيوعه وهو يريد ينتقم من ابوه اللي امنعه من الغدا ... لا وبعد ايقوله ما شي عشا .... وتم علوه مختفي محد يعرفه وين ....

وعند صلاة المغرب كان الابو يصلي .... ويا علوه بالعسو ماله عند ابوه ... الا بو طبعا ما يقدر يسوي شي لانه يصلي ... عاد علوه استغل هالفرصه علشان ينتقم .... ولف له كم دوره على أبوه وهو واقف يصلي ... يحاول ايسوي اغبار عليه على قد ما يقدر ... وبعد ما غبر ... راح صوب الجدر اللي مسواي فيه العشا ... وشله ورقى فوق اليبل يريد ياكل العشا عنهم ... لانه ما تغدا وهم تغدوا عنه ... وخلص الأبو من الصلاه وهو واصل حده من هالولد ... ويتوعد يقتله بعد اللي سواه ....</span>

والبقيه تأتي ....

* الشاعر سعيد بن علي
** بن عبيدان

<span style='color:indigo'>اختكم ...
رووح العين</span></font>

[رووح العين]

<font color='#000000'><span style='color:red'>السلام عليكم ورحمة الله مبركاته</span>

<span style='color:royalblue'>اشحالكم ... عساكم بخير وعافيه ...</span>

<span style='color:darkblue'>بعد ما رقى علوه فوق اليبل وكل العشا وهو يشوف ابوه قاعد يطالعه ... وعلوه عاطي أبو بو لباس ... ويوم نظف الجدر من العيش فره من فوق ... والأبو يطالع الجدر وهو يدربح ... وفي داخله نار تغلي ...

بوسعيد ( وهو يصارخ ) : ما عليك يا علوه .. ما بتنزل يعني وين بتشرد الا أأدبك الليله ...
علوه ( وهو يكلم عمره ) : يا ويلي شكلي بروح فيها الليله ... شو سويت أنا ... طالع من خب طايح في طوي ... وهذا أبوي ما يرحم حد .... بروح عنه لين ما يهدى وبعدين بتفاهم وياه ... وشكلها الزوره لازم تشخط على ظهري ... يالله شو نسوي بعد ...

تعب الأبو وهو يريده ينزل .. بس علوه مطنش ابوه ولا طايع ينزل ... وبعد محاولات تعب الابو منه وما شي فايده ... قال اسير ارقد احسن لي ... ومن اصبح افلح ... وهذا الولد بيي يومه ...

علوه يوم شاف ابوه روح عنه ارتاح وقرر ينزل ... ودخل البيت وهو يطالع ويتأكد أنه محد يشوفه وأنهم كلهم رقود ... ويوم تأكد راح ورقد عند أخوه ... سعيد انتبه أن علوه دخل يبي يرقد ... بس ما قاله شي على أساس أن ابوه يتوعد له ...

الصبح قاموا كلهم محيله وغبيشه وبوسعيد وسعيد ... الا علوه بعد مراكض امس ما طاع ينش وهو ناسي سالفة أبوه ... والأبو يفكر في حل لهالولد اللي مطفر له عيشته وعيز عنه ....

بوسعيد : والله اني تعبت من هالولد ... لا النزاعه نفعت ... ولا الضرب نفع ...
محيله : يا بوسعيد صبرك على الولد هو صح انه خريش ... بيي يوم وبيعقل ...
بوسعيد : يام سعيد هذا ما بينفع في شي ... والحين هو مب ياهل .. والحين انا واخوه نشتغل وسادين .. وترى محد يدوم لحد بيي يوم ما بيكون غيره فالبيت ... انا اريد اخلي عندكن ريال اقدر اتكل عليه ...
سعيد : ابوي انا من رايي نطرشه عند عمي راشد ... محد بيعرف له غيره ...
بوسعيد : عمك راشد ما عنده اولاد ... اللي عنده بنتين ... وبعدين عمك راعي بوش .. واخوك ما يعرف وين الله حاطه ... أخافه يأذي عمك ...
سعيد : لا ما عليك ... علوه بيستحي من عمي وبيحشمه ...
بوسعيد : أن شاء الله ....
محيله : يالله بالستر شو اطرش ولدك عند عمه ...
سعيد : هيه امي ما تقدر اتفارق ولدها ...
بوسعيد : يأم سعيد اذا تمينا خايفين عليه ودوم انحاتيه ما بيصير ريال ... وان شاء الله كل فتره بيي هني ... والعيد ما بقى عنه شي الا كم اسبوع ....

قام علوه من رقاده ... ومسوي عمره متلوم من اللي سواه البارحه... واول ما قام راح وحب راس ابوه واستسمح منه ... والابو سامحه بعد ما حط في راسه انه يودي علوه عند عمه .... وقال لعلوه انه بيوديه عند عمه راشد ....
علوه : لا يا ابوي ... ما اريد اسير هناك ... انا متعود على هالمكان ولا اقدر افارقكم ..
بوسعيد : خل عنك هالخرابيط ... وبعدين حد شاورك انت اذا بتسير والا لا ... بتسير غصبا عنك ... يالله روح زهب قشارك ... ( وطلع الابو عنهم )...
سعيد : علوه احسن لك عند عمي راشد ... هو طيب ولا عنده اولاد يعني بيبزيك على كيف كيفك ولا حد بيقولك شي وبتحصل اللي تباه ...
علوه : هيه انت تبي الفكه مني ... ما يالس على راسك زين .. وبعدين لا ادخل عصك في شيء ما يخصك ....
سعيد : بعد يزاتي ابي راحتك ... بس انت محد يسوي فيك خير ...

وطلع سعيد عن علوه ولحق ابوه ... علشان يروح يساعده في شغل المزرعه ... لانهم في هالوقت ينبتون النخل ( عملية تلقيح النخيل ) ...

الضحى رد الأبو من المزرعه للبيت علشان يودي علوه عند عمه ... وسعيد تم في المزرعه معاه ربيعه سيف اللي ياي يساعده في الشغل .... ويوم وصل الأبو للبيت حصل علوه مزهب قشاره للسيره وهو لاوي بوزه ما يبي يسير بس شو يسوي مغصوب ...

بوسعيد : اشفيك لا يكون ما عايبنك بعد ...
علوه : لا افا عليك ابوي .... بس اللي يطلع من داره يقل مقداره ...
بوسيعد : جيه انت وين بتروح الا عند عمك ... وعمك مب غريب ...
علوه : خلاص زين يا ابوي ...
بوسعيد : عاد لا تغث عمك واطفره ... انا بوديك عنده علشان تستفيد وتتعلم وتقدر تعتمد على عمرك ... اريدك تصير ريال مثل هالرياييل ...
علوه : وانا الحين مب ريال ...
بوسعيد : ريال بس خريش ومطفوق ..

ودعت محيله ولدها اللي سار مع ابوه صوب عمه راشد ... راشد أخو بوسعيد الصغير ... وراشد الله ما رزقه بأولاد وما عنده غير بنتين وضحى وترفه ... وكان معروف عند العرب مثل أخوه محمد .... ويسكن راشد في غشابه بعد بس من الصوب الغربي ...
الصوب الشرقي واللي يسكن فيه محمد بن علي ... كان عباره عن سيوح ويبال لانهم في اطراف غشابه من الشرق ....
أما الصوب الغربي واللي يسكن فيه راشد بن علي ... كان عباره عن عراقيب واللي يسكنون هناك أهل نوق وعزب ....</span>

<span style='color:indigo'>اختكم ...
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; رووح العين</span></font>