ذنيني انت وينك !

[ألم ترى]

بسم الله الرحمن الرحيم
السلام عليكم
اشحالك غناتي ؟
عاد انته تدري بسوالف اهل راس الخيمة كله طيش ف طيش واهم شيء يكون عندك موتر محترم والثاني مال اخر الليل
:harhar1:
حبوب بغيت اسآلك عن الموستنغ موديل 93 بحاله جيده كم يسوى ؟
ابي موستنغ ومتخادي بالسعر فمنهم يقول رخيص ومنهم يقول غالي وانا محصل واحد اييب موستنقات من امريكا فما ادري كم سعره بالضبط لئني خايف يقص علي

اترياك واذا الاعضاء بينفعوني حياهم ترى البيت بيتكم
:harhar1:
بحفظ الرحمن

[مسافرللجفا]

ما اظن يكون غالي وايد ،

بس ما ادري كم سعره بالضبط وخاصة الموديلات الجديمه ،

بس انا حصلت موستينغ من امريكا

موديل 2006 على شي و 60 تقريبا ،


بس ها الي اعرفه ،

وسعره مب وايد ، خاصة انه امريكي



اسمحلي اخوي ع القصور
يمكن غيري يفيدك اكثر
:kcl:

[ألم ترى]

اول الغيث قطره

هي صح هو مب غالي لكن من الناس يرفعون السعر يعني اذا كان سعره وهو نظيف 10 فبيقول لك اونه 15 انزين شو السالفه انته ياي تقص علي او شو !!
:narr:
وسالفة الموستغ اليديد فلا تذبحني واتذكرني فيه فديت طوايف الموستنغ والكزس

كل الود عزيزي بو مايد لحضورك وتعقيبك

[مسافرللجفا]

في ناس يا بوعبدالرحمن يرفعون السعر اشوي عن السعر الي حاطين في بالهم

يعني مثلا حاطين 10 في بالهم بس يقولولك ب 15 عسب انته تنزله واتقول لا ابا 10
و هو يقولك 11 ( واونه امسوي خير لك )

بس خلك اذكى عنهم يوم بيقولولك ب 15 قولهم ابا ب 5 عسب هو يقولك ب 9


الله يوفقك اخوي

حاسب على عمرك من السرعه و الطيش

:cop:
مع تحيات
شرطة واحات بن دبي

[ذنـيـنـي]

محب الشيخين

ان شاء الله بسألك عن الاسعار لأنه ما عندي خبرة عن اسعار الموستينج لأني "واااااااايد احب الموستينج"
خخخخخخخ

و برد عليك خير قريبا
==========

بو مايد

ليش تقلدني

:cop:

[ألم ترى]

بسم الله الرحمن الرحيم
.
.
بو مايد
جي السالفه عيل ها !

ماعليهم بشوف شو الترتيب اللحين وبخبركم بعون الله
كل الود عزيزي


نصور
انت وينك تسآل الأشجار عنك ! عن ربيعك وصيفك
انته وينك هذا بوكك هذا مشطك هذا عطرك هذا صورتك يوم طاحت من ايدي اتكسرت !
:kkk:
هلا والله بالبوس
خلاص حبوب لا تعذب اعمرك حصلت واحد يدلني عليهم وبرخص بعد

يزاك الله خير
.
.
بحفظ الرحمن

[ألم ترى]

بسم الله الرحمن الرحيم
.
.
بو مايد
جي السالفه عيل ها !

ماعليه بشوف شو الترتيب اللحين وبخبركم بعون الله
كل الود عزيزي


نصور
انت وينك تسآل الأشجار عنك ! عن ربيعك وصيفك
انته وينك هذا بوكك هذا مشطك هذا عطرك هذي صورتك يوم طاحت من ايدي اتكسرت !
:kkk:
هلا والله بالبوس
خلاص حبوب لا تعذب عمرك حصلت واحد يدلني عليهم وبرخص بعد

يزاك الله خير
.
.
بحفظ الرحمن

[شرجاوي]

برز بويهي .. اسعار الموستنغ 93 من 8 آلاف - 10 آلاف ... و وارد اليابان اكثر ب ألف او الفين

طبعاً هذي اسعار ال6 سلندر و ال8 يمكن 10 - 13 الف

[ألم ترى]

بسم الله الرحمن الرحيم ..

هلا والله بالشرجاوي ..

معلومات بستفيد منها وتسلم لي هالمرور حبوب ..

ربي يحفظك ..