استويت ما أحب أسير الدوام

[المزوحي]

ما أكبر المواضيع ... بس اسمعوني .. تراني ما أحب أمدح نفسي ولا أنا أول واحد حاطيني في الزاوية لكن بعد برجع أقووول أحب أفضفض عندكم كالعادة .. وللحين شكلكم مافهمتوا شو السالفة !!
لكن ببدأ كلامي بمتى وليش .. ولا أريد أعترض .. لكن بما إني كملت فوق 6 سنوات أشتغل في دائرة حكومية واللي من حقي أحصل فيها على ترقية تلقائية بعد ست سنوات شغل ... إلا إنه كل شي توقف
وبغض النظر عن أدائي السنوي ( أقصد التقييم ) المهم مابقول إني أنا الوحيد اللي وقفه أموره وترقيته وحتى العلاوة الدورية وقفها .. يعني من دخلنا يناير 2006 ماشي .. على أساس يرتبون أمور في شهر 7 وإن شاء الله الشيخ محمد بن راشد مابيقصر ويعيد النظر في تعديل الهيكل الوظيفي وأتمنى إنه يرفعنا لفوق .. ومع هذا بقول إني حصلت على تقييم ممتاز .. ولكن كل شي موقوف على أمر من الديوان لحد شهر 7 .. والمشكلة إني أنا انحبطت .. أحس ما أحب أداوم ... أدائي كبير بالنسبة للمسمى الوظيفي ..

[فركوشه]

غمضتنيييييييييييييييييييي يييييييييي.. حليلك والله..

خلاص بسويلك واسطه..

[قرموشة]

الله يعينك يالمزوحـــي ..
وربـي يوفقك ..

السموحــة ما أعرف شي عن هـ الاشياء ,, بس الله يكون في عونكــــم ..

[وردة روز]

شكلك تداوم في البلدية ...!

أخوي كل مكان جذه ،، وأنت مب أول واحد

ثلاث سنوات متتالية بدرجة الامتياز ، اقتراحات بالهبل ، تميز وظيفي ، أفكار ابداعية ، تنظيم إداري ، وأمور كثيرة .

وصلت لأعلى معدل في الراتب (نهاية المربوط) ، بل تعديت راتب الدرجة اللي فوقي ، وإلى الآن إصرار على عدم الترقية .

صابني احباط ، ولكن ومع هذا مازلت أقوم بمهامي الإدارية والفنية وعلى أكمل وجه ، وتم تحديد وقت لهم لين شهر سبعة السنة القادمة .

فإما الترقية وإما الاستقالة .

وبعطيك فكرة حاول تطبقها .

إذا كانوا الجماعة فعلا محتاجينك .

قدم مكان ثاني ، كذا مكان ، وإذا جتك الموافقة ، قدم استقالة من عملك الحالي ، أو اعرض عليهم : إما البقاء مع الترقية وإما الذهاب .

حركة مجربة :)

اسأل مجرب ولا تسأل خبير .

[محـــــــارة]

الله يعطيك العافية من كلامك فهمت إنك اتحب شغلك وااااايد بس المشكلة كلها الترقية

ما عليك الصبر مفتاح الفرج وباجر بتدخل المنتدى وبتكون مستانس على الترقية الله ما يضيع عبدة وانت ما شاء الله عليك ما قصرت على القوة دوم إن شاءالله

الله يجازيك خير على هذا الصبر ومدامك صبرت كل هاي الفترة ما بقى شي والله يكون في عونك
بس ما انصحك ما اتودر المكان الي انته فية بعد تعب 6 سنوات ...

[المزوحي]

أحس إنهم محتاجيني وااااايد وعندهم استغراب من مواطن يشتغل بهالصورة ( على قولتهم )
أول مره نشوف مواطن جيه !! لكن مادري يقولون جيه يستهبلووون أو إنه عسب ينفخون ريشي ؟!
لكن بقولكم إنه أنا قدمت وماظهر لي شغل لحد الآن ومن سنتين وأنا أقدم وأراجعهم بعد ...
ووو ... وأنا قلت بشوف بعد شهر 7 شو مخبين لنا ... لكن فعلا كرهت الدوام ...

[وعد]

خلني ساكته يا المزوحي
والله اني كرهت الدوام لانه قهر بقهر
صار لي مشتغله ثلاث سنين ما اجذب عليك الحمدالله حصلت الترقيه وجذي
بس كنت دايم اقول لمسؤلي العمل الي اسوية تافه وممكن يستفدون مني بقسم ثاني بالاداره اكثر اهمية من قسمنا
وهو يقول اكيد ان شاء وكله خرطي بخرطي
تصدق انه جابوا موظف اصغر مني بسنوات الخبرة كان يشتغل بذاك القسم
وخلوة مسؤل علي
ودي اصيح من القهر
وحتي يوم الاربعاء من كثر ماهو هذا الموظف يالس يخرط علي راسنا وشلون المدير معطية الاشارة الخضرة بكل شئ
استذنت وتركت الدوام ويلست علي البحر اسب فيه وفي المسؤل
يعني اسفه عورت راسك
بس الي ابي اقوله لا تحس روحك بروحك
وياما بالسجن مظاليم

[المزوحي]

كلنا سوى ... واللي فهمني ويحس بمعاناتي .. وأدري .. إنه الكثير يقول " يالمزوحي " أحمد ربك
ترى غيرك مب لاقي شغل .. فلاتتذمر !! نــعم أنا أقول الحمدلله ...
بس صدقوني أنا أحب أعطي .. عطيت وعطيت وبعطي لكن وين التقدير ..!!
اللي يخليني أكره الدوام تعامل البشر .. وترهيبنا بالمسؤولين .. وأنا ما أخاف حد ..
ليش هالأسلوب الغير حضاري .. نحن نؤدي عملنا، فليش هالرمسة .. ترى المسؤول بيشوفك لو بتقوم
من على الكرسي .. ليش ؟؟ خلونا أرقى من هالأسلوب ... طالما نحن نسوي اللي علينا ..
شو المانع إنه الواحد منا ياخذ فرصة خمس دقايق يقدر عقبها يكمل الشغل اللي عنده أو يشرب فيهم كوب ماااي ..

[الجنيه]

السلام عليكم ورحمة الله وبركاته ....

الله يعينك يالمزوحي فعلاً حاسه بمعاناتك والي انت اتمر فيه...

الصراحه أنا أسلوب الترهيب ما اطيقه خير شر ... مثل ما انتوا عارفين الحلوه الأموره الجنيه مستقيله من فتره اربع شهور والحمدلله التحقت بمكان ثاني مرتاحه فيه بس في شي منكد عليه اللي هو المدير الهندي يا راسه يتحرا عمره شي يحاول يروعني من اول ما داومت وانا مستويه جنيه ما يروعني شي بس الصراحه يرفع ضغطي احيانا ويوم رديت عليه مره من الغيض عرف ان لساني طويل ومب ساكته عن حقي لأني على طول اسير للراس العود الي اكبر منه ...

بس هذا ما يمنعه انه يمارس التهديد والترهيب ويايه ...

المزوحي شو رايك نتبادل الأماكن ؟؟؟!!!!


الله يعينك وان شاء الله شهر 7 يكون فيه تغييرات لللأحسن

[رحيل]

الله يكون في عونك أخوي..وأنشاءالله ..الله يعطيك ع قد نيتــــــــــــــك ..
السموحة ..
رحيــــــــــــل

[عيون الليل]

ما عليـــه يا اخويـــه
مابقى شي ع شهر سبعه .،.،.،
وإن شالله بيكون خيـــر عليـــك .،.، شد حيلك ولا اتخلي شي يخرب عليــك .،.، واصل ف العطاء .،.، ولا تتكاسل
والله يوفقك إن شالله

[المزوحي]

الجنية تمي مكانج أحسن .. لأنه أنا بعد مسؤولي هندي ( وبغض النظر ) عن الجنسية بس واايد يكبروون الأمور وأونه عااااد يقول جيه وجيه .. لا .. ومرات يبالهم فعلا تردين عليهم عسب يسكتون ..
يعني يالجنية مب دووم .. مثلي أنا اسكت وأكون اوكيييه ومره وحده افر عليه قنبلة ..

[المزوحي]

عيون الليل .. فعلا عطيت خلال السنوات اللي مضت .. ومن بداية السنة متوحش الصراحة ..
حتى ما أبغي أهمل ... وأتمنى يسون لنا شي طيب ...

[دانة حتا]

ما عرف شو اقوولك
والله مسكين
الله يعينك ويصير كل اللي فبالك ان شاء الله

[المزوحي]

مكشورة دانة حتا ... وإن شاء الله خير