علم الإجـتــمــاع ،، أكــبـر دبـاســه .!!

[دمعة شوق]

الـسـلام عليـكم ورحمـة اللـه وبـركـاتـه


،،،
يـقـولـون بـاجـر امـتـحان اجتـمـاع ،،
بأول الأمـر انصـدمـت ،،، انصـعقـت ،، هـل وكيـف علم اجتـماع .؟!!
مـادروا انيه مره مادانيه ولا اطيـقـه بعيشـة الله .!!

اتقـبـلت الأمـر وقـلت ماعليـه بـنـحـاول نـدرس
** مـا دروا إنـا مـا نعـرف شـو في الكـتـاب **

بعـد قـلت ماعليـه بـنـحـاول نـبـرشـم
** بـس ما دروا إن الامتـحـان من ص 71 إلى 100 **
وكـل صـفـحـة تـقـول بـرشـمـيـنـي أنـا قـبـل ،،،
:daleel:
،،،

فـجـيـت الـكتـاب ودرسـت أول درس وهـو
!! الأسـرة !!
ومن حبـيـه لـهـدرس درستـه بإمتـحـانـات نص الـسـنـة ( بالغلـط )
وبنـدرسـه الـحيـنـه بـعـد ،، وإذا حـد تفـيج وسألـنـيـه كـيف بـقولـه : ما خلصـنـاه الـفصـل الأول
وبنـكـمـله الحينه ( وهـو مب داخل في الفصل الـثـاني )
يـوم أقـولـكـم إن هالـكـتـاب
دبـــــــــــــــــــــــ ــــــــاســـــــــــــــ ـــــــــه
:narr:
،،،

مـا قـدرت أتـحمـل هالـكـتـاب ،، رحـت حـق خـتـيه قـلتـهـا : لحقـيـني ما أروم أدرس
قـالـت : مشـكـلـتـج .!!
:sadwalk:
رحـت دقـيت حق ربيـعـتـيه : هاا شو الهمـه ،، قـالـت : وحـيـاتـج عـقـيه بـحر .. شـراتـيه .!!
قـتـلهـا : انتي أكــــــــــبـــــر دبـــــاســه وداعة الرحمـن
:narr:
،،،

هـنـيه أنـا يأســت
مالــقــيت غـير أكـــــــرم ( صاحب مكتبة زاخـر ) ،، دقـيــتـله : هاا أكرم عندك تلخيص اجتماع .!!
أكـرم : والله بصراحه خلصت النسخـه ( في خاطريه افف شـو هالـنـحاسـه ) بس ماعليـكي بجيبلك اياها،، عطيني نص سـاعـه ،، أنـا : ماعليه الموهيم ابا التلخيص الـيـوم ،، زهبـهـا وبيـخـطـفـون عليـك يشـلونـها .!!

،،،

والحيـنه ظاربـنـيه يأس وإحبــاط من هالنفشــه
واتريا الأوراق والله يعين شو بسوي
كيف بـدرس .؟!! بس أبـا انـجـح


،،،

والسـمــوحــه منـكم ع هـ الفـضفـضـه الاجتمـاعـيه
:mar7aba:

[أمواج]

وعليــــكم الســلام والرحمــة . .
والله كاســره خاطري . .ذكرتيني بأيــام الثانويه
وعقدتــي ويا الاحيــاء . .
الله يعينــج . .
وبعدين الغلط منج ليش ماتدرسين أول بأول . .

يالله شدي حليج و خلي يأكرم يستعيــل ويبلج المذكــره . .

بالتوفيــج . .

[دمعة شوق]

وأنـتـي بتـتخبرين يخـتـي
مادانيـه ،، ومـاعـرف شـو ادرس منه مره مايدش العـقـل
:nono:
،،
وماعليج أكـرم شاد حيـله وراحوا ايبونهـا
ومشـكوره غناتيه
...

مرحـبـاني

[العجيبة]

عيل يقولون حلو علم الاجتمـاع > يخلي الناس يتخبـلون ، ولا هذاك علم النفس خخخ ؟

ذاكــري ، احفظـي بدل اليلسة ع النـت ، ذاكـري وانتي مستانسه مب وانتي تقولين افف وافف .. ما ينفع !

[قرموشة]

الله يعينج والله .. يقوولوون انه صعب ..

الله يعينكم يا طلاب الادبي .. منهجكم بكبره صععععععب

ذااكري وشدي حييييييييلج ...
ووان شاء الله خييير

[الهيثــم]

:mar7aba:
أنا طول الوقـــت أتحرا دمعــة شوق طــالبـة جـامعيـة
عيــل طلــعتي من عيــال المــدارس

الله يعيــــنج والله . .

بس ذكــرتيــني بـ أيــام الثــانوية
وأنــا أحلى مــادة كانت عنــدي ( علــم النفــس )
لأن استـــاذنــا كــان عجيــب وشرحــه حلــو ، وملخــصه عجيب

وبـ النسبــة لـ علم الاجتمـــاع فـ أنا ما درستـــه
لأني كـــنت ثــاني علـــمي .. ( أوني بتفلـــسف )
وثـــالث حــولت أدبــــي

عــ العمـــوم الله يعيــــنج ... ويسهــل عليــــج
ولا اتعـــوريـــن راســــج وايــــد

ترا إللي إييب 60 ناجــح .. وإلي إييب 90 بعد نــاجح

ومثــل ما قـالهــا خالي الله يقــومه بالســلامه ..

إللي نسبتــه خمسيــن وإلي نسبــته 90 في الكليــة يالسيـــن عنــد بعــض
مــا شي فــرق ... إلا إذا نــاويه على منـــحه وبعــثـــه . . شدي حيــلج والله يوفقــج

. . .

والسم ــوح ــة

[دانة حتا]

يـــــــــــــــــــاحليل ج والله
اسمــــــــــــــــــــــ ـيج فقيره
الادبي زفت عشان جيه الواحد يدخل علمي

ما عليه ترااه حفظ احفظيه احنا علمي مشينا امورنا
وانتي شااطره وترومينها الا مااده

واللي قاله خطاب صح المهم النجااح حاليا

بالتوفيج ان شاء الله

[دمعة شوق]

دانـة حـتـا
:narr:
طـاع هاي تسبنيه وأنا هنيه
دانوووه ياحليل الياعـده هب انـا خخخخ
:puppyeyes:
والله يختي هذا ميوليه شو اسوي
احب احفـظ بس هب الاجتـماع
:nono:

،،،
ومـاعليـش أنا قـدهـا وقـدود وإن شاءالله علامه كـامـله ولا يـهـمش

تسـلميـن علنـي فـداش على الرد الغاوي
وماتقصرين
السموحووو

///

يامـرحبــــــــــــــــــ ـانــــــــــــــي

[حبوبه دبي]

الله يعيـــنج

شدي حيــلج انتـــي بــس وربــي يــوفقج ان شالله ،،

حببــي لنفســج المــاده وانتــي تدرسينهــا وبتحسيــن بالفــرق صدقيــني :sad4:

ذكــرتيــني بـأيــام الثــانــويه



والسمــوحه

[هزاايم]

اسمع الصفقه فوووووووق <<اسمحيلي صفقتيه مش شراات الناس إيدي اليسرى منتفخه من قرصة البعووضه..

سوي شراات هالآدميه إلي جدامج ..متفلسفه امس وراااريحه خوانيج عسب ادرس امحق درااسه
تريدين طريجه ذاكري ألحين وإنتي عالنت طريجه عسب تفتكين وتحفظين اشياءات وتربيطينها بالنت


:sad4: سمعي كلامي إلا ثنويه >>>مدري ثاني ولاثالث
المهم ثنويه وتعدي
ربي يوفقج انا عنديه امتحاان كيميا الحمدلله يقولون حافظه شكل الغلاف الحمدلله<<يمدحوون التخبيصه بثالث

[المقاتل]

:ice: ها ها ها .. لوووول علم الاجتمـــاع عمري وحياتي ما ذاكرت من لكتــــاب .. ( :hist: << كيف متخرج أصلا ) .. الاستاذ فديته كان يكتبلنا كله ملخص في الدفتر .. وبس :smartass: نتفتين .. وخبص في الامتحان .. وييب على الحافه ( في الشهاده 54 درجة علم الاجتماع ) ومشينـــــا يالله الحياه كووول وتستمر .. لا تعقدين نفســج هالكثر .. !!

الله يوفقج إن شاء الله ،، هيهي ولا يهمج انتي ذاكري عادي اهم شي وعقب بتشوفين نفسج حفظتي .

.. المقاتل ..

[دمعة شوق]

المـقـاتـل
أو هيهيهي
،،،


بتـخبـرك كـيف نـجـحـت .؟!!

يـاخوووي انته على الاقـل المعلم يكتبلكم تلخيص
نحــن امــحــق معلمـه لا تلخيص ولا شرح ولا هم يحزنون
ولو لا أكــرم وتـلخـيـصـاتـه مادري شو سوينـا
ولا الكـتـاب مرره ما يتـشـاهـد
:narr:
،،،

وعـ طـاري الدرجــات خخخخ والله بضحكون لو اقولكم
في التقويمـي علاماتـيه كلــهن في الـ 90 أذكـر آخر تقـويم
يـبـت فيه 99 كيف يبتـهن مادري.؟!!
:hist:
بــس تـعالـوا للشـهـادة آخر السـنـه يب فـيـها
65
:nono:
والله شــخــصــية هالـمـادة خخخ

،،،

يالله ماعليك بشد حيليه
و
مشـكور وماتقـصر يا هيهيهي
:hist:
،،،

يامـرحــبــاني

[دمعة شوق]

هـزايـــم

خخخخ اسمـيش ضحكتيـنـيه أنتي وايدش ولبعوضـه
لا لا حلفي انتي بـس هههه تبيني ادرس وأنا على النت
عـز الله رسـبـت وكلـه منـش
:hist:
وانـتـي شـو مـودنـش خوانيـج هناكي ووراش دراسـه هااا؟
:narr:
امممم امم عيل اسميه ثالث يباله ولا ثـانـي طماشـه ولعب
،،،

المووهيم مشكووره هزومه على الرد الغاوي
وماتقصرين علني فداش
ويامرحبــاني

[دمعة شوق]

حبـوبـة دبــي

يـعـين الجـمـيع إن شاءالله
ماعليـش شـديت حيليه وسويت اللي عليه
اممم
والله يختي أحاول بس ماشي امـل يأسـت
:waa:
،،،
الله يـعـيـنـش على الـذكــرى
وماتقصرين على هالرد الكريـم
والسموحوو منش
,,,

يامرحــبــاني

[راعي الزعـامه]

الحمدلله ماشفت ولاعرفت شي اسمه علم اجتماع
كنت علمي ويمكن الاحياء كانت العقدة هناك

الحمدلله افتكينا من صدعة الراس والكتب اللي مهما درست منها ما بتخلص
الله يعينكم .. واذا ناوين تدخلون جامعة او كلية حكومية فــ 60 تكفي
أما البعثات والسوالف هاذي 90
والله يعينكم بعونه ويوفقكم ان شاء الله
وبعون الله انتوا من الاوائل ..

تحياتي ،،،