**مجنون ساره**

[دموع العاشقين]

بالجزء السابع والاربعيــيــن







بعد ما اشواق ردت البيت وهي مستانسه وايد لانها خذت رقم فهد طبعا فاطمه ماتعرف .. لانها كانت ويا ساره ..

اشواق بتحاول قد ما تقدر تخلي فهد لها ..

#########################

فهد يدق الباب على ساره بالغرفه الثانيه عسب يكلمها
ساره وهي لابسه بجامه تبى تنام : هذا انته خير يا فهد
فهد بكل ادب : ساره يمكن اكلمج
ساره واقفه عند باب غرفتها : اسمحلي ابي انام باجر عندي دوام ومب متفجيه اكلم حد
فهد : بس دقايق
ساره : اوكي بس بسرعه
فهد دخل غرفتها
ساره واقفه تشوفه مستغربه شو اللي يباه
فهد رفع راسه : ساره شو رايج نغير الجو واوديج فجيره او بوظبي هناك انتم كم يوم ونرد ترى عندي لج مناطق حلوه
ساره رافعه حواجبها مستغربه :والله ترمس صدق ولا تتغشمر
فهد : لا والله ارمس صدق ..
ساره مربعه ايدنيها : طبعا لا نسيت ان عندي دوام هذا اولا ثانيا مب متفيجه اروح لاي مكان
فهد : بس كم يوم عسب تغيرين جو


ساره : انت قصدك عسب اتغير صح .. لو وديتني لاخر الدنيا بعاملك نفس الشي .. وما شي فايده يا فهد باللي تسويه صدقني
فهد يأشر بصبعه : مااكون فهد اذا ماعرفت شو سبب تغيرج..

فهد طلع من الغرفه وهو معصب ومنفعل ..
ساره يوم طلع فهد ماقدرت تقول شي ... وماتعرف شو اللي يقصده


فهد فهد ما قدر ينام بهاليوم وهو يفكر كيف يعرف تغير ساره المفاجئ لانها قبل كانت وايد زينه ويايه وصح ما كانت تحبه بس كانت تحترمه وتقدره..
فهد وهو متساند على السريريكلم عمره: لازم اعرف شو سبب تغيرج يا ساره لازم ..


ساره ردت شغلها وهي مستانسه على هاليوم لانها صدق مشتاقه للشغل ولرباعتها ..
ميثاء ربيعة ساره بالشغل : هلا والله بساره
ميثاء وساره يتوايهون ( يحبون بعض )
ساره : هلا فيج شحالج عساج بخير
ميثاء : بخير مدام شفتج وينج طولتي الغيبه ماصار شهر العسل
ساره ابتسمت : بالعكس ما طولت وايد قطعت اجازتي
ميثاء : هيه صح انتي قلتي ان 3 اشهر وييتي قبل شو مليتي
ساره : لا مب جي السالفه بس اشتقت لج وللشغل


ميثاء : وععععععععععع حد يشتاق للتعب وللشغل
ساره : تعرفيني اموت بالغشل وبالذات لاني الكل بالكل بهالقسم
ميثاء : ما تنلامين رئيسة قسم
ساره : اللي يسمعج يقول رئيسة قسم على الاداره كلها .. يا دوب رئيسة قسم على هالقسم الصغير
ميثاء: المهم انج رئيسة قسم
ساره : زين خلينا عن الشغل الحينه شحالج وشحال الخطيب ( تغمزلها )
ميثاء استحت : والله تمام الحمد لله
ساره : ومتى ان شاء الله الملجه ( كتب كتاب )
ميثاء : يريب ان شاء الله بعد اسبوع تقريبا
ساره : بعدين بنشوفج كله سرحانه
ميثاء ويها احمر : ليش يعني
ساره : علينا .. لانج اربع وعشرين ساعه بتفكرين بكلامه لج اخر الليل وبشكله
ميثاء تضرب ساره : ايه استحي لا تقولين جي .. واكيد انتي مجربه
ساره بخاطرها ( لا والله ما جربت اني اسرح وافرح لاني ماخذيته عن حب )
ميثاء : بلاج ليش تضايجتي
ساره : ولا شي يالله عن اذنج بشوف الشغل
هند تتصل في نوره
هند : صباح الخير
نوره توها قايمه من الرقاد ( النوم) : منو هند
هند : بسج رقاد قومي
نوره : والله انج حشره يا هند شتبين صباح الله خير موعتني
هند : بس حبيت اذكرج ان اليوم لازم اتين حق زهبتي ( تجهيزات العرس* ) مب تنسين ترى صدق ماباجي شي
نوره : يعني لازم تقوميني من الصبح وتقوليلي هالكلام ما صبرتي على الاقل بعدين
هند : لا
نوره : والله انج متفيجه
هند : نوروررره مب تنسين
نوره : اولا احترمي عمرج اسمي نوره مب نوروووه
هند : نوره ولا نوررووه المهم انتي نفسج
نوره : اقول جلبي ويهج وخليني انام تعبانه يالله باي
هند: زين كلتيني .. باي

هند وايد مستانسه لان عرسها ما باجي شي عليه ..

################################

والعصــــر..

ام محمد يالسه تتريه محمد يطلع من غرفته
محمد مر وهو متبلس يبى يطلع ..
ام محمد : محمد
محمد صد : لبيه
ام محمد: تعال شويه ابي ارمسك بسالفه
محمد اقترب من امه ويلس عندها : خير يا امايه
ام محمد بابتسامه ووبصوت واطي : انا رحت عند شيخه اليوم وكلمتها
محمد فتح عيونه واتوتر وايد : زين وبعدين
ام محمد : وحبيت اعرف اذا حد لعب براسها عسب ترفضك .. بس عرفت منها انها هي اللي اختارت هالشي ومحد لعب براسها ولا شي ..
محمد ابتسم وارتاح : ما قلت لج انا مالي خص وانا ما اتفقت وياها
ام محمد : ولا بعد انا سالت عن الريم
محمد وميت من الوناسه : والله
ام محمد بابتسامه : والكل مدح فيها وباخلاقها وبدينها والاكثر ( تغمزله ) بجمالها
محمد : يعني موافقه
ام محمد : هيه موافقه وان شاء الله اليوم او باجر بخلي ابوك وخالك وعمك يروحون يتقدمون لها عند عمها وخوها فهد بس اول شي بنتصل في عمها ..
ام محمد : وتعرفين رقم عمها ..
ام محمد : الصراحه لاء ..انت تقدر اتيب رقم عمها
محمد : بييب الرقم وبييت ابو الرقم بعد .. بتصل في خالد وهو ما بيققصر .. وبييبلج اليوم ان شاء الله بس ترى عمها في بوظبي
ام محمد : مشكله بعيده بوظبي
ام محمد : بس عادي بنخلي عمها اييه بيتهم عند فهد وهناك اتقدمولها احسن على الاقل اييون بيت الريم

ام محمد : ان شا ءالله بنتصرف المهم انت ييب الرقم
محمد وقف ويحب راس امه : فالج طيب يا امايه ومشكوره ما قصرتي عساني ما نحرم من ام مثلج
ام محمد بابتسامه : حبتك العافيه يا وليدي وعسى الله يهنيك..
محمد طبعا على طول اتصل بخالد وخبره السالفه
خالد : زين زين والله يا وجاسم واخيرا حلمك بتحقق ان شاء الله
محمد وهو طاير من الفرح : تصدق يوم الوالده قالتلي شويه ابي اطير من الفرحه
خالد بنبره كلها حزن ":: حاس فيك ..تذكرت يوم امايه قالت انها بتخطبلي ساره وان ساره وافقت قلت لها نفس الكلا م
محمد : الحينه انا متصل عسب تستانس ويايه مب تضايج
خالد : اكيد ما بخرب عليك وناستك ..
محمد : خالد طلبتك يا خويه
خالد : عطيتك ..اطلب اللي تباه
محمد : ما قصرت .ابيك اتييب رقم عم الريم
خالد : ممممممممممممممم يعني لازم اطلب من ساره عسب تقول حق الريم
محمد : اي طريقه انا ما يهمني بس ابيه اليوم الله يخليك
خالد : افا عليك اصلا هاي احسن فرصه عسب اكلم الحب
محمد : شقصدك ترمس ساره تتصل فيها
خالد : طبعا
محمد : شو انت خبل تتصل في وحده متزوجه لا بعد وقبل كنت خطيبها
خالد : ماعليك الحينه مب تبى رقم عمها خلاص
محمد : هيه والله اهم شي عندي عسب على الاقل اليوم او باجر ان شاء الله بالكثير نتقدم حق الريم
خالد : خلاص الحينه باخذ الرقم .. وبتصل فيك




خالد ما صدق على طول اتصل بساره وللاسف مايعرف باللي يسويه انه غلط وحرام

خالد وهو يتصل فيها
ساره كانت في الصاله ويا الريم وفهد ويوم شافت الرقم توترت
ساره وقفت : عن اذنكم
الريم تصد : وين
ساره بتوتر : بروح ارد على ربيعتي
فهد : يعني ما يستوي تردين الحينه وجدامنا
ساره : والله عندي سوالف وياها وما بي حد يسمعها

ساره راحت غرفتها وردت عليه : الو
خالد : هلا بصاحبة الو
ساره تشوف يمين يسار: خالد بعد اتصلت ما قلت لك لا تتصل
خالد : والله ابي اقولج شي ضروري وتعرفين مرسال الغرام نوره ما تسويلي سالفه الحينه فلازم انا اللي اتصل
ساره : وتخيل فهد شاف الرقم ولا شي
خالد : خلا يولي مالت عليه ..
ساره : ومب بس عسب فهد بس انا والله ما احب اكلم حد غريب لاني بذمت ريال ولا تنسى هالشي
خالد : لا تعورين قلبي اكثر .. المهم بقولج ترى اهل محمد يبون يتقدمون للريم
ساره استانست واتششقت من الفرحه : والله
خالد : هي والله وابيج يا ساره تاخذين منها رقم عمها لانه هو الاكبر
ساره : خلاص ولا يهمك باخذ الرقم من الريم .لان فهد اذا طلبت منه بيسال الف سؤال
خالد : ويوم تعرفين الرقم طرشيلي مسج اوكي
ساره : اطرشلك انت
خالد : هيه انا عيل منو .. لا تنسين
ساره : خلاص فالك طيب
خالد : فالج ما يخيب .. عيل اخليج
ساره : بحفظ الله

ساره استانست وايد من هالخبر ..
ساره راحت الصاله وبابتسامه ..الريم تعالي بغيتج
الريم : شو مستوي ؟ وليش مستانسه هالكثر
فهد : والله حق ناس وناس تبتسم اما يوم تشوفني بس تبوز وتتحرطم
ساره شافته بنظره وطنشته
الريم : ويه الحينه بتضاربون
ساره : شو يالريم بتين ولا
الريم: زين بييه

الريم وساره راحو الغرفه
ساره : يلسي
الريم يلست ..: خير شو فيه
ساره باتسامه حلوه : يمكن تعطيني رقم عمج
الريم مستغربه :وليش
ساره : لانه اهل محمد يبون يتقدمون للانسه الحلوه الريم

الريم استحت وابتسمت : صدق
ساره تلقدها : هيه صدق
الريم متوتره من الحياء ..
ساره : بعدين استحي .. عطيني الرقم بسرعه بس لا تقولين لفهد
الريم : وليش لازم اخويه يوافق وحتى لو عمي وافق وفهد ما وافق ما برضى تعرفين اهم شي عندي اخويه
ساره : وليش ما يوافق .. اصلاوين بتحصلون حد شرات محمد بطيبه واخلاقه ودينه ..والله محمد ونعم الرياييل
الريم : مبين عليه
ساره : يا ويل حالي بدى الحب ..
الريم : عاد ساره بدت تلعوزني الحينه
ساره : المهم عطيني الرقم بسرعه
الريم : اوكي الرقم *******
ساره : خلاص مشكوره .. وان شاء الله نسمع خبر عن خطوبتج
الريم استحت ونزلت راسها
(( الريم من شافت محمد وهي معجبه فيه وبالذات يوم الكل مدح باخلاقه وبطيبته وبشخصيته ))

ساره طرشت مسج لخالد وعطته الرقم ..
وابو محمد اتصل في عم الريم واتفقو ان باجر اييون بيت فهد عشان يتقدمون للريم وطبعا اكيد بوجود عم الريم

فهد يكلم عمه : زين ومنو ومن اي عايله
عم فهد : اسمه محمد خليفه بن *****
فهد : ونعم العايله
عم فهد : وهم باجر بيتقدمون لاختك ان شا ء الله وانا قلت خلا يكون في بيتكم احسن اجرب حقهم بدل ما ايون بوظبي شرايك ؟
فهد : على خير ان شاء الله..


نوره وهي تفكر كيف تقنع عبدالله عسب يفحص
عبدالله ياي من عند ربعه وشاف نوره سرحانه بغرفتها
عبدالله : مساء الحب لاغلى حب
نوره تبتسم : مساء النور هلا حبيبي ماشاءالله ييت بسرعه
عبدالله يلس عندها ومسك ايدينها : ليش انا اقدر اودر زوجتي حبيبتي بروحها في البيت
نوره : لا عادي خذ راحتك
عبدالله : لازم اكمل سهرتي وياج ما يستوي اخليج بروحج
نوره : اقول عبدالله حبيبي
عبدالله : عيون عبدالله
نوره بخجل وبتوتر : شرايك باجر انا وانته نروح للعياده عسب الفحص
عبدالله : ليش مب انتي رحتي وقالولج ما فيج شي
نوره : هيه صح بس ابي اطمن زياده ومره وحده نروح انا وانته نفحص .عسب اثنينتنا نكون ويا بعض
عبدالله : الله يهديج انا حاس ان ما في شي وانتي ليش توسوسين
نوره : مب وسواس ولا شي بس ابي اطمن اكثر وعسب امك تطمن يحليلها اكيد تحاتي
عبدالله استغرب : ليش هي قالت لج شي
نوره تبى تغطي السالفه : يعني لازم تقولي عسب نفحص ..لا والله هي ما كلمتني عسب الفحص ولاشي بس انا ابي اطمن .. بس طبعا اذا هالشي يضايقك عادي مب لازم
عبدالله بابتسامه : فالج طيب حبيبتي بس ما ابي اشوفج دايما تحاتين ومتضايجه بنروح نفحص عسب تطمنين اوكي يالله اتلبسي عسب نطلع ونغير شوي جو
نوره استانست وابتسمت : اوكي ولا يهمك دقايق واكون جاهزه ..

نوره استانست لان عبدالله بيفحص وياها بس هي متوتره وايد من النتيجه

###############################

اشواق وهي ماسكه الموبايل تفكر كيف تكلم فهد طبعا لانها ماخذه الرقم ..
فكره ترسل له في البدايه مسجات ..

اشواق دورت مسج وطرشته ..
والمسج هو :
حبيتك من اول نظره
مدري هو حب ولا اعجاب
بس اللي ادري عنه انك بقلبي وبروحي
فهد كان بغرفته وكان يبى يطلع عسب يقول لساره والريم ان اهل محمد بيتقدمون للريم وشاف المسج
واستغرب وقال بنفسه : اول مره اشوف هالرقم .. اكيد مغلطين
وطنش السالفه


فهد راح عند الريم وشافها بغرفتها ويا ساره
فهد : زين حصلتكم ويا بعض
الريم اتوترت وعرفت ليش فهد ياي : هلا اخويه حياك
فهد يلس عند ساره .. ساره ابتعدت شوي ..
فهد : حبيت اقولكم ان في واحد يبى يتقدم للريم باجر ان شاء الله
ساره تستعبط : والله زين وهو شو اسمه ومن اي عايله
فهد : اسمه محمد خليفه بن *****
ساره : ونعم العايله والله
الريم استحت وماقالت شي
فهد : يالله كيف الحلوه مستحيه هذا وهم بعدهم ما يو وما خذيت رايج ..بس بعد ما ايون ان شاء الله وبسال عن الريال واذا طلع ريال محترم وزين بقولج مبروك يا احلى اخت بالعالم ...
الريم قامت اونها استحت
فهد : وين بتروحين
الريم ويها محمر :ها ممم بروح بروح المطبخ بشربلي ماي وبييه
فهد يضحك : هههههههههههه قولي مستحيه وتبين تشردين (وهني وصل لفهد من اشواق مسج ثاني ))
المسج هو :
ودي بس ودي تحس باشواقي وحبي
ودي بس ودي تكون لي يا اغلى ناسي

فهد مستغرب : وبعدين وياهم
الريم : منو
فهد : وصلي مسج من رقم غريب
الريم : يمكن متلخبطين
فهد : يمكن بس هذا المسج الثاني
الريم : زين اتصل وشوف منو
فهد : اذا طرشو مره ثانيه بتصل فيهم وبشوف
الريم تنغز : يمكن معجبه يديده
فهد يشوف ساره : يمكن ليش لاء على الاقل حد يحس بوجودنا
ساره قامت : تصدق يبالك وحده تكون معجبه فيك يمكن شوي تودرني بحالي
طلعت ساره من الغرفه

فهد معصب واصل حده : بذمتج في زوجه تقول هالكلام هذا بدل ما تغار وتنقهر
الريم : يمكن هي تسولف
فهد : ما شفتي كيف ترد عليه بكل جراه ..
الريم : ماعليه اخويه هد اعصابك ..واكيد هي ما كانت تقصد
فهد والحزن بعيونه : بلا هي تقصد يالريم ..هي تحاول قد ما تقدر تقلل من وجودي ..مع اني وايد استحمل كلامها ومع هذا كله ما اييه بعينها شي .
الريم : يالله ما ابيي اشوف الحزن بعيونك .. يالله عسب خاطري
فهد بابتسامه : عسب خاطرج ياا احلى اخت بالعالم بغير مزاجي اليوم
الريم تحضن اخوها : وعسى الفرحه بممشاك وبدربك يا فهد ..الريم تمت تصيح ..
فهد : بلاج يالريم
الريم : ماعرف بدونك شو كان بيستوي فيه ..انت كنت بمثابة الابو والام ..والاخ وكل شي ..عمرك ما ضايقتني ولا قصرت فيه .. والله ماعرف شو كنت بسوي بدونك
( تمت تصيح ))تذكرت الريم امها وابوها ..
فهد ماسك ايدها : بس يالريم دموعج غاليه ..وانا بعد ماعرف شو كنت بسوي بدونج انتي بعد كل شي بالنسبالي ..يالله مسحي دموعج .. ما ابي اشوف هالدموع بحياتج
الريم تهز راسها / : ان شاء الله

الريم وايد متعلقه باخوها فهد .. لان فهد بالنبسالها كل شي بعد وفاة وواليدنها ..
هند وهي تكلم سالم
هند معصبه : يعني شو هذا كله تلفونك مشغول ..تعرف من اكثر من ساعه وانا اتصل فيك
سالم : شو اسوي حبيبتي الكل يباني اليوم
هند : والله وانا مب لازم تعطيني من وقتك
سالم : يالله خلاص ما ابي اشوفج معصبه حقج عليه
هند : ساكته
سالم : شو وين رحتي اليوم
هند : طلعت ويا نوره عسب تجهيزات العرس
سالم : شو تشريتي عدل
هند : يعني رحت هني وهناك ودورتلي مصمم ويا دوب قال بيفصلي .. لاني متاخره
سالم : صح ما باجي شي على عرسنا ان شاء الله
هند : صدق الايام بسرعه تمر
سالم : يالله الاهم نكون لبعض ..وصدقيني حياتنا بتكون من اروع اللحظات
هند بدلع : واثقه من هالشي ..لاني خذتك عن حب وقناعه

####################################

وفي اليوم الثاني

عبدالله ونوره راحو يفصحون ..والدكتوره قالت ان باجر النتيجه راح تكون
عبدالله بالسياره : ها استانستي ..رحنا العياده وفصحنا
نوره : هيه الحمد لله .. وان شاء الله نتيجه الفحص تكون سليمه
عبدالله : ان شاء الله ما يكون فينا شي .. على الاقل ما تحاتين
نوره : وانت يعني ما تحاتي
عبدالله : واثق برب العالمين .. وبقدرته وبحكمته .. والصبر مفتاح الفرج ..وبعدين انا يهمني انتي يا نوره ..
نوره ابتسمت : وان شاء الله اقدر اسعدك لاخر حياتي

نوره استانست انهم فحصو بس طبعا هالشي ما يمنع انها وايد خايفه ومتوتره عسب النتيجه ..


اشواق ما ملت وردت بعد اطرش مسج
المسج :
يا مسج روح يمه وقله ..اني بالحيل مشتاق
وانه هو الوحيد اللي بقلبي
وقله : اني مااقدر على بعده

فهد راد من الشغل شاف المسج
فهد : نفس الرقم . لازم اتصل واشوف شو السالفه

فهد اتصل باشواق وهو مايعرف انها اشواق
اشواق مستانسه : فهد متصل فيه
اشواق ردت عليه وبرقه : الو
فهد : السلام عليكم ..
اشواق : وعليكم السلام
فهد : اختي اسمحلي بس حبيت اعرف منو صاحب هالرقم
اشواق : انا وليش
فهد : لان من البارحه كم مسج وصلي ..وقلت يمكن حد قاصدني او متخربط بالرقم
اشوق بكل جراه : لا مب لخبطه ولاشي .. نحن قاصدينك
فهد استغرب : ليش منو تكونين
اشواق : انا انسانه صريحه وايد ومعجبه فيك لاخر الحدود
فهد : اكيد انتي متلخبطه يمكن تتحريني حد من اللي تعرفينه
اشواق : لا انا اعرفك عدل انت فهد .. صح
فهد استغرب : يعني تعرفيني
اشواق : هيه اكيد اعرفك ليش في حد مايعرفك
فهد : يمكن اعرف انتي منو
اشواق : انا اشواق ربيعة فاطمه اللي يينا بيتكم
فهد فتح عيونه ويقول بنفسه : صدق قويه عين يعني رييعة ساره ومتصله فيه..
اشواق : ليش ساكت
فهد : شوفي يا اشواق انا ما بصك على ويهج احترام لانج ربيعة زوجتي بس حبيت اقولج لا طرشين هالمسجات مره ثانيه ..
اشواق : وليش ؟ ترى كل مسج من قلبي يا فهد
فهد : اسمحيلي الحينه لازم اصك يالله باي
صك فهد التلفون وهو مستغرب من جراه اشواق
اشواق وهي ماسكه الموبايل : هذا ويهي اذا ما كنت لي اصبر يا فهد عليه

فهد يكلم نفسه : معقوله انها معجبه فيه .. معجبه بانسان متزوج بعد .. صدق يوم قالو بييه زمان البنات يلحقون ورا الشباب .. ولا على حظي انا بعد الله المستعان على هالزمان ...
واهل محمد يو بيت فهد وطبعا فهد وعمه موجودين
وابو محمد طلب ايد اخته لولده وعم فهد قال انهم بيسالون عنهم وبيردون الخبر لهم طبعا بعد ما يسالون راي البنت

ساره والريم بالصاله يتريون الاخبار من فهد
ساره : يالله اتاخرو متى بيطلعون
الريم تبتسم : اللي يشوفج يقول انهم يايين حقج
ساره : ترى انا وانتي انتي بمثابة الاخت يا الريم وانا مستانستلج وايد بالذات لانكم تليقون لبعض محمد انسان ما في منه وانتي بعد
الريم : تسلمين يا ساره

عم فهد راح بعد ماسلم على الريم وساره

فهد يشوف الريم مستحيه : تقدمو مثل ماقالو وان شاء الله من باجر بسال عن الولد بس اسم الولد مب غريب عليه كاني سامع هالاسم واللقب
ساره بكل ثقه : ليش انت ماتعرف محمد ..هذا محمد ربيع خالد من الطفوله
فهد فتح عيونه : محمد ماغيره الا اربع وعشرين ساعه ويا خالد
ساره : هيه .وهالشي من صالحنا لانا نقدر نعرف عن الولد زين لانه ربيع خالد . ومحمد اعرف عن اخلاقه وصفاته من زمان ..لانه دايما يتردد على خالد يعني كاخوه
فهد : زين عرفت عيل .. عيل من الحينه اقول ان مستحيل ارضى بمحمد لاختي
ساره عصبت : وليش ان شاء الله
فهد : لانه ربيع العدو اللي مخرب حياتي
ساره : اول شي صلح عبارتك انت اللي مخرب حياته ..وبعدين محمد شدخله بالسالفه ..خالد وعرفنا انك ما تحبه بس محمد شدخله ..يعني عسب ربيعه ترفضه شو هالتفكير
فهد : ما ابي شي من صوب خالد سمعتي
ساره : ترى انا بعد استوي بنت خالته يعني من صوبه
فهد : انتي غير وبعدين ..يمكن خالد يبى ينتقم مني باختي عن طريق ربيعه محمد
ساره : شقصدك
فهد : يعني خالد يبى يقهرني وينتقم مني لاني خذتج ويخلي ربيعه يتقدم للريم .. عسب يخلي حياتها سوده .. وهني يكون صدق انتقم مني لان اللي يمس اختي يمسني
الريم استغربت من كلام اخوها وراحت غرفتها وهي متضايجه
ساره : شو هالتخلف يا فهد ..شو هالتفكير .. انت شو تقول
فهد : عيل محمد شعرفه بالريم
ساره : والله الدنيا صغيره يمكن هو يدور له وحده وحد رشحه بالريم ..او يمكن لانه خالد يعرف الريم عدل لانها ربيعتي من الطفوله قال لمحمد ..
فهد : المهم ما ابي شي من طرف خالد
ساره : ليش محمد ولد خالد مثلا عسب تقول ما ابي شي من طرفه ولا اخوه هذا ربيعه ما يخصه بالسالفه ..
فهد : هاللي عندي .. وخلا يمر كم يوم وبرد عليهم بالرفض
ساره : بس صاحبة الموضوع هي الريم مب انته
فهد : ومستحيل الريم تاخذ واحد من دون رضايه
سار ه عصبت : توني اتاكد ان تفكيرك مثل اليهال
ساره راحت غرفتها وهي معصبه ..

اما فهد فمقتنع ان ما يبى محمد للريم ..وفهد مايعرف ان الريم بالنسبه لمحمد كل دنيته ..وانه سوى المستحيل عسب ياخذها ..

الريم راحت غرفتها وهي متضايقه لانها وايد معجبه بمحمد بس بعد هي مستحيل تزوج اي شخص من دون رضى فهد لان فهد هو كل شي بالنبسالها ..

ساره طرشت مسج لخالد وقالته السالفه باختصار بس قالت انها بتقنع فهد بمحمد طبعا بعد ما يسالون عنه اكثر..

خالد تضايق وايد لان محمد سوى المستحيل عسب ياخذ الريم .. وما حب يقوله لانه مايبى يخرب عليه يومه ..
خالد بخاطره : اتمنى يا محمد تاخذ اللي بخاطرك وما يستوي لك مثل ما استوالي

[دموع العاشقين]

الجزء الثامن والاربعين



بعد رفض فهد للمحمد ..



الريم تمت بغرفتها متضايجه توقعت انها بتسعد ويا محمد وانه بيكون رجل حياتها ..



ساره دخلت غرفتها وشافت الريم منسدحه على السرير

ساره : الريم يمكن اكلمج

الريم يلست : اكيد

ساره يلست عندها : شو رايج بكلام فهد

الريم مربعه ريولها وبحزن : اللي اقدر اقولج اياه يا ساره ان راي اخويه هو الاهم

ساره بجديه : يعني تتوقعين ان محمد متقدم لج عسب خالد قايله عسب ينتقم له

الريم : ما قلت جي ..وبعدين انا ماعرف كيف تفكيره .. بس

ساره : لا بس ولا شي انتي تذكرين كيف نظرات محمد يوم يشوفج والله حرام تعرفين انه عايلتهم كانت شوي تبى تتشتت عسبج

الريم مستغربه : ليش

ساره : لانه من الصغر هو لبنت عمه ويوم شافج غير رايه وقال لبنت عمه عسب ترفضه تتخيلين هالشي .. والام زعلت من ام شيخه اللي هي بنت عمه يعني زين ما كبرت السالفه واخر شي ماياخذج حرام

الريم نزلت راسها وتضاجيت اكثر ..

ساره : الريم انا فاهمه محمد اكثر منج تعرفين ليش

الريم : ليش

ساره : لاني مريت تقريبا بنفس التجربه ..تخيلي هو يحبج ويباج وحلمه انج تكونين شريكه حياته واخر شي كل شي يروح عنه والله شي يضايج

الريم : بس مب بايدي شي والله بعد ما اقدر يا ساره اقول لاخويه ابيه والله مب حلوه

ساره : اعرف ..بس المهم انج تبينه صح

الريم منزله راسها وبكل خجل : محمد ما يتعوض

ساره مسكت ايد الريم وبابتسامه : بحاول المستحيل عسب تكونون لبعض

الريم : هذا كله لانج تبين محمد يكون لي

ساره : اول شي لان محمد ما يتعوض وبعدين لاني حاسه بمحمد واحس كيف بيكون شعوره اذا خسرج

الريم : اذا الله كاتب لنا النصيب صدقيني كل شي راح يتم على خير

ساره : ونعم بالله ..خلاص اخليج تنامين



الريم معجبه بمحمد وزاد اعجابها اكثر يوم عرفت ان محمد رفض بنت عمه وسوى المستحيل عسبها ..



وفي اليوم الثاني

خالد ما قدر ينام من كثر ما يفكر في ربيعه محمد وقرر يتصل في ساره

ساره وهي راده من الدوام وهي بسيارتها خالد اتصل

ساره : الو

خالد : مرحبا

ساره مستغربه : مراحب ..خالد بعد اتصلت

خالد : قلت بتصل بج الحينه والله ما اقدر اتريه اكثر من كثر ما افكر بربيعي محمد .. ها بشري ما شي اخبار يديده

ساره : والله ما شي اخبار ..حاولت ويا فهد بس هو مصمم اللي براسه

خالد بعصبيه : شو هالتفكير المتخلف ..حرام والله محمد يحب الريم ..

ساره : ادري بس هو ما يبى

خالد : بس هو ما يرفضلج طلب

ساره : ما احب اترجاه اكثر ..

خالد : حاولي وياه اكثر حرام ربيعي محمد رفض بنت عمه ..صدق يكسر الخاطر

ساره : قلت لمحمد ان فهد رفضه

خالد : الصراحه ما اقدر اقوله ..ما ابي اجرحه

ساره : شو نسوي

خالد : عندي حل ..شرايج اروح اكلم فهد واقنعه ان محمد ماله خص

ساره : لا لا لا الله يخليك لا تروحله

خالد : ليش

ساره : تعرف فهد ما يدانيك ولا يحبك ..وبهالطريقه راح يعاند اكثر

خالد : الحينه انا اللي اموت عليه انا مب رايح عسب ( عشان ) سواد عيونه
ساره : خذ مني ولا تروح عنده اسمع كلامي والله لو رحت بيعاند اعرف تفكيره
خالد : يعني شو نخلي محمد يتعذب مثل ما اتعذبنا
ساره : عندي حل احسن من حلك
خالد : ها قولي
ساره : شرايك تقول لمحمد يكلم فهد ويقنعه بالطيب والزين ومن بعد ما يكلمه انا بعد بكلمه وبحاول اقنعه
خالد : تتوقعين راح يقتنع فهد
ساره : نحن نحاول ما بنخسر شي
خالد : خلاص اوكي بتصل بمحمد وبقوله
ساره : الله يسر امورهم

#############

خالد قال لمحمد الخبر ومحمد من سمع هالخبر تم ساكت
خالد : محمد وينك
محمد شوي والدمعه بتنزل : يعني الريم ما بتكون لي
خالد : لا تفقد الامل يا محمد
محمد : انت تقول ان فهد معاند كيف راح يقتنع .. زين ما تعرف ليش ما يباني
خالد : اونه يقول اني ابي انتقم من فهد عن طريقك .. يعني انا قلت لك تزوج اخته الريم عسب انته تنكد حياة اخته وتعيشها بكدر ومشاكل وهني الريم بتتعذب واكيد فهد بيتعذب بعذاب اخته شفت التخلف
محمد : الصراحه تفكيره مب متخلف
خالد فتح عيونه : انت شو تقول ..
محمد : صح يا خالد شي بهالزمن ناس جي
خالد : يعني في واحد متفيج ياخذ وحده عسب ينتقم شو نحن بمسلسل مكسيكي او فلم هندي
محمد : ترى بواقعنا اكثر .. يعني هو خايف على اخته مني لاني ربيعك وايد .. لا تستبعد هالشي
خالد : اعتقد سبب رفض فهد لك ..خلا تفكيرك مثل تفكيره ..الحينه خلا ندور حل
محمد : اي شي راح اسويه بس ما ابي الريم تروح لغيري والله اني اعشقها يا خالد اعشقها
خالد : حاس فيك يامحمد والله حاس .. اصعب شي عند الانسان انه ينحرم من اللي يحبها ..
محمد : زين وشو اسوي بموت ااذا ما خذتها
خالد : باسم الله عليك ..انت شو تقول .. لا ان شاء الله ما بيستويلك شي .. انت روح عند فهد وكلمه اليوم واقنعه بطريقتك الخاصه
محمد : وتتوقع بيطيع يكلمني
خالد بعصبيه : تخسي الا هو .. ليش هو وزير عسب يقرر يكلمك ولا لاء. المهم روحله اليوم وكلمه
محمد : مستعد اسوي اي شي .. الا اني اخسر الريم
خالد : يارب الريم تكون من نصيك يا محمد وحظك ما يكون مثل حظي
محمد : قصدك النصيب ..لان بهالدنيا كل شي مكتوب مب بالحظ ..
خالد : يارب الريم تكون من نصيك يا محمد وحظك ما يكون مثل حظي
محمد : قصدك النصيب ..لان بهالدنيا كل شي مكتوب مب بالحظ ..
خالد : صدقت والله

والنتيجه باليوم الثاني
نوره وعبدالله راحو يشوفون النتيجه ..

نوره وهي عند الدكتوره : ها يا دكتوره بشري
عبدالله : اعصابج
نوره : ما اقدر لو تشوف قلبي كيف يدق
عبدالله يضحك : ليش قبل ماكان يدق..عيل كيف كنتي تعيشين اخاف عندج مصدر ثاني بدل القلب
نوره : عبدالله احر ماعندي ابرد ما عندك اسكت شوي خلا الدكتوره ترمس ( تتكلم ))
الدكتوره تشوفهم بابتسامه بعد ما قرت التحاليل : اقدر اقولكم مبروك ما فيكم شي ..والتحاليل كلها سليمه
نوره شوي حلجها بينشق /والله
عبدالله مبتسم : ما قلت لج بس انتي وسواس الخناس
نوره : متاكده يا دكتوره
الدكتوره : اكيد متاكده انتي وريلج ما فيكم شي الحمد لله
نوره / عيل شو سبب التاخير
الدكتوره : التاخير من عند رب العالمين مب شرط اذا وحده تاخرت بالحمل يعني فيها شي ..
نوره : الحمد لله الحمد لله
الدكتوره : يالله عقبال ما نشوف عيالج ان شاء الله
نوره : ان شاء الله مشكوره دكتوره

نوره وعبدالله بالسياره
نوره تدمع
عبدالله : افا ليش هالدموع
نوره : وايد مستانسه
عبدالله : اللي يسمعج يقول انج حامل يعني لو حملتي اخاف تسوين لنا بحر من الدموع
نوره تبتسم : بلاك اليوم وايد تستعبط
عبدالله : ما ادري عنج
نوره : وايد كنت متوتره
عبدالله : ها شو الحينه مستانسه
نوره : وايد وايد وفرحتي بتكبر ((تأشر على بطنها )) اذا الله رزقنا بياهل
عبدالله : ان شاء الله .. الله يرزقنا بذريه صالحه ومايحرم اي ام بهالشعور
نوره : امين

نوره استانست وايد بهالخبر ..على الاقل اطمنت انها تقدر اتكون ام بيوم من الايام

##########################

اشواق وهي مصره على فهد ...
اشواق تتصل في فهد ..
فهد توه ياي من الشغل وهو يالس يغير ملابسه
اشواق وهي مصره على فهد ...

اشواق تتصل في فهد ..

فهد توه ياي من الشغل وهو يالس يغير ملابسه

فهد يشوف الرقم ومعصب : لا حول ولا قوه الا بالله ..صدق ما تستحي على ويها ماعرف شو اسوي فيها

فهد يرد من غير نفس : الو

اشوق برقه : مرحبا

فهد بجديه : مرحبتين

اشواق : شحالك فهد

فهد : اشواق شوفي ما احب اجرح حد ..بس والله عيب اللي تسوينه ..انا ريال متزوج وما يستوي تكلميني وحتى لو مب متزوج بعد ما يستوي انا غريب بالنسبالج ..اشواق: والله يا فهد غصبن عني . والله انا انا ( مستحيه ) انا

فهد : انتي شو

اشواق : انا احبك يا فهد

فهد مفتح عيونه ويقول بنفسه (( زوجتي اللي هي زوجتي عمرها ماقالت لي هالكلمه والله دنيا وحده ما يخصها فيه تتغزل فيه وزوجتي مب مسوتلي اي اعتبار ))

اشواق : فهد صدق انا احبك ..ومن شهر العسل ما قدر اشلك من بالي

فهد : يعني شو تبيني اودر مرتي واخذج

اشواق : حبكم مب متبادل ..ليش تعيش ويا انسانه ما تحبك

فهد بعصبيه وبصريخ : وانتي شدراج شو على كيفج اتيبين هالرمسه

اشواق : هي قالت انها خذتك من دون خاطرها وانها تحب خالد (( عاد ساره ماقالت نفس الكلام بس اشواق اتييب شوي زياده من عندها ))

فهد عصب : شو هي قالت

اشواق : عيل انا اييب هالرمسه من عندي اسالها اذا تبى

فهد صك على ويه اشواق وعلى طول راح عند ساره بغرفتها
فهد يفتح الباب وشوي بيكسره
ساره واقفه توها تبى تتطلع : باسم الله بلاك انت
فهد ماسك ساره من جتفها : انتي ما تستحين على ويهج تقولين للناس عن حياتنا
ساره مستغربه : اول شي هد ايدي
فهد هد ايدها : تفضلي ارمسي
ساره : ليش انا شو قلت
فهد : قلتلي لفاطمه واشواق انج خذيتيني عن غصب عنج وانج تحبين خالد
ساره : انا ما قلت جي .. فاطمه سالتني كيف اني في المدرسه كنت لو لد خالتي وبعدين خذتك انت ..وقلت ان ما شي نصيب ..وبعدين تعال من وين عرفت
فهد اتوهق بلع ريجه : ها من مصادري الخاصه
ساره رافعه حوايبها : اي مصادر .. او انك ترمس فاطمه او اشواق
فهد : ليش وانتي يهمج
ساره : يعني تكلم حد منهن صح
فهد يبى يقهر ساره : هيه اكلم اشواق وهي تموت فيه وتباني
ساره فتحت عيونها : صدق والله انت اللي ما تستحي على ويهك
فهد بعصبيه : ساره بلا اهانات
ساره : عيل في ريال متزوج يكلم ويغازل .. لا ويدعي انه يحبني ويموت فيه ..اي حب هذا وما شي اخلاص
فهد : ليش تغارين
ساره : بالعكس مستانسه يمكن تحبها وتفكني من شرك بس انا حبيت اقولك ان حبك جذب لان الاخلاص دليل الحب
فهد : بس انا ما اعطيها ويه هي اللي تتصل فيه وساليها بعد .مب عسب شي .. بس لانه حرام اخون زوجتي حتى لو هي حارمتني من حقوقي ومن كل شي
ساره : عيل خذها عسب تعطيك كل الحقوق
فهد : قصدج تبين اودرج وانفصل عنج
ساره : هيه ابيك تطلقني يا فهد
فهد : والله كنت عارف انج تسوين هالحشره كلها عسب الطلاق بس ماراح اطلقج يا ساره لو شو تسوين لو اخذ على راسج وحده ثانيه ما بطلقج سمعتي انتي مستحيل تكونين لغيري ..
ساره بعصبيه : يعني انا ما احبك ما ادانييييييييييييييك غصب اكون وياك اف
ساره طلعت من الغرفه وهي معصبه
اما فهد فكلام ساره مثل السجين بقلبه اول مره تطلب الطلاق واول مره تقوله انها ما تحبه بهالجرأه
فهد بكل حزن : لو بايدي يا ساره اخليج واودرج جان من زمان ودرتج بس والله ما اقدر ما اشوفج يوم واحد لو اتمين ويايه بجفاج يمكن استحمل بس اذا ابتعدتي عني هو بالنبسبالي موتي . المشكله حبج بدمي وبدونج ما اقدر اعيش .. ومستحيل اكون لغيرج لا اشواق ولا غيرها يقدرون ياخذون مكانتج بقلبي اااااااااااااااااااااه يا ساره لو تقدرين بس تحسين انتي شو بقلبي وحياتي ..

ساره وهي بغرفتها بخاطرها تقول : وي انا شقلت ..اول مره اعطيه في الويه .. شو اسوي قهرني .. بس معقوله اشواق تحبه وتباه ..الريم قالت ان نظرات اشواق غريبه .. والله صدق ما تستحي على ويها تغازل ريل ربيعتها عفان الله من هالبنات ..بس يمكن تحبه صدق وتخليه يودرني .. معقوله فهد يقدر يودرني ويكون لاشواق احسه صعبه .. فهد يموت عليه اوووووووووووووه وانا ليش مهتمه خلا يحب اللي يباه

(( ساره يمكن تقول انه عادي عندها اذا فهد حب غيرها بس اذا صدق صار هالشي اكيد بتحس بالغيره او الانانيه ))
###########################
محمد وهو متلبس يبى يطلع امه دخلت غرفته
ام محمد : ها يا محمد ناوي تطلع اليوم
محمد وهو مستعيل ويعدل الشماغ : هي والله يا امايه خير بغيتي شي مني
ام محمد : لا بس حبيت اسال عنك وما اشوفك اتيه عندي ولا خلصت اتمصلحت ويايه وخذت اللي تباه
محمد راح عند امه : افا عليج يا امايه مستحيل اتخلى عنج وبعدين دعواتج يالغاليه .. ادعي الريم تكون من نصيبي
ام محمد : وليش هي تقدر ترفضك
محمد ": بهالدنيا كل شي جايز
ام محمد : لا ان شاء الله ما بترفضك اصلا مستحيل اتحصل شراتك ..
محمد يبتسم : السبال بيعون امه غزال
ام محمد : اول مره اشوف في واحد يسب عمره ..
محمد يضحك ..
محمد يحب راس امه : يالله امايه من رخصتج
ام محمد : عسى ربي يفتح لك ابواب الخير والسعاده يا ولدي .. وكل امنياتك تتحقق ..
محمد بخاطره : امنيتي بهالدنيا اكون للريم يا امايه

محمد راح عند فهد
ساره والريم بالصاله وساره تعرف ان محمد بييه
اما فهد فهو يالس يشوف المباراه ومندمج ..
دقو الجرس
ساره توترت اكثر
الخدامه يت : you sir fahad some one wants
فهد يصد :whose
الخدامه : I don’t know
فهد مستغرب : منو ياي
فهد طلع وهو عند الباب شاف محمد
محمد : السلام عليكم
فهد فتح عيونه : هذا انت
محمد بابتسامه : جيف حالك فهد
فهد من غير نفس : بخير
محمد : شو توقفني عند الباب
فهد : تفضل

فهد ومحمد بالميلس
محمد منزل راسه مايعرف كيف يبتدي
محمد : الصراحه يا فهد ماعرف شو اقولك بس حبيت اقولك انت سالت عني ؟
فهد : الصراحه ما وحالي وقت اسال عنك اكثر بس يعني سمعت ناس يمدحونك
محمد : يعني مب رافضني شخصيا
فهد عاقد حوايبه : ليش حد قال انا رافضك
(( فهد استغرب كيف محمد عرف ان فهد ما يباه ))
محمد يبى يغطي السالفه من عنده طبعا بعد تخطيطه مع خالد : الصراحه هيه مرتك قالت لنوره ونوره قالت لخالد وطبعا ربيعي خالد قالي انك ما تباني

فهد : زين عيل يوم عرفت
محمد: انت تتوقع اني ابي انتقم لخالد باختك ..انت لو سالت عني اكثر بتعرف اني عمري ما اذيت حد ..اذا الشخص طبعه الانتقام وخراب بيوت صدقني سمعته ما بتكون زينه او يمكن تسمع عنه شي مب زين .. انا ما امدح نفسي بس الحمد لله انا ملتزم وماعندي هالسوالف وامشي صح .. يعني اخرب حياتي مثلا بزواج انا ما ابيه عسب ربيعي .. وبعدين البنت شلها خص.. اذا ابي انتقم او اذا خالد يبى ينتقم ما بنسير صوب اختك بنروح صوبك باي طريقه كانت او بنتقم باختك من دون طلب الزواج .. ترى وايد شي طرق عسب ننتقم مب بس بالزواج ..وبعدين خالد يوم عرف اني باخذ اختك تفكيره ماكان نفسك مع ان الريم اختك بالعكس قالي ان الريم انسانه خلوقه ودينه ..
فهد ساكت
محمد : احلف باللي ما اقدر احلف بغيره احلف برب العالمين والله يحاسب على كلمتي ان خالد ماطلب مني هالشي .. واني انا خترت الريم من رضايه وانا شارنها والله .. ومستحيل اذيها يا فهد .... فلاتحرمني من الانسانه اللي اخترتها من رضايه يا فهد
فهد سااااااااااكت
محمد : وانت اسال عني اكثر اذا سمعت اني كانسان ما اصلح لاختك او سمعت عني شي لا على دين ولا على اخلاق صدقني ما بلومك بالرفض بس ترفضني لانك تتوقع اني ياي انتقم فاحب اقولك شيل هالفكره من راسك لان والله نيتي زينه .. ومع الايام راح تعرف اني مب قاصد اللي تتوقعه ..وبعدين خلا البنت تصلي استخاره واذا انا انسان نيتي شينه اكيد الله ما بيوفقني .. وهي اذا ارتاحت اكيد بيكون فيه الخير ان شاء الله لانها شاورت رب العالمين قبل اي حد ..
فهد : على خير ان شاء الله
محمد وقف بابتسامه : يالله عن اذنك فهد
فهد : ما شربت شي ولا تقهويت
محمد : لا مشكور ان شاء الله يوم الخطبه
فهد وقف عسب يسلم عليه : ان شاء الله
محمد راح وهو مستانس لانه قدر يوصل اللي بخاطره لفهد
اما فهد فاقتنع بمحمد .. لان محمد سمعته حلوه بين الناس

ساره وهي تراقب الاوضاع
فهد دخل الصاله
ساره : ها منو كان
فهد : تعرفين منو ..قايله لنوره كل شي
ساره بخاطرها (( اشوه ماعرف اني انا اللي قايله لخالد جان يا ويلي ))
الريم راحت غرفتها لانها مستحيه
ساره : ها يا فهد شو قالك محمد
فهد معصب لين الحينه من كلام ساره بالذات انها قالتله انها ما تحبه
وساره ما تبى تكلم فهد بس غصبن عليها عسب تعرف شو رايه بمحمد
فهد : بسال عن الريال اكثر ..واذا سمعته زينه الله يقدم اللي فيه الخير
ساره ابتسمت : يعني شليت فكره الانتقام
فهد : هيه شليت هالفكره ..وبخلي الريم تصلي استخاره بعد ..
ساره : خلاص انا بخبرها هالشي
فهد يشوف ساره مستانسه ويقول بنفسه (( ياريت تحبين تسعديني كثر ما تحبين تسعدين الغير ))

ساره طرشت مسج لخالد ان فهد اقتنع بمحمد وطبعا فرحة خالد ما توصف ..
ساره تكلم الريم وقالت ان فهد اقتنع
الريم تبتسم : سبحان الله غير رايه بيوم واحد
ساره : يالله بعض الناس ابتسمو بس يوم سمعو عن محمد وبعد تنكر تقول انها مب معجبه فيه
الريم ويها احمر: ساره عاد بس
ساره : المهم صلي استخاره..والله يقدم اللي فيه الخير
الريم مسكت ايد ساره : مشكوره ساره على كل شي صدق وقفتي ويايه مب كمرت اخ وقفتي ويايه اكثر من الاخت نفسها
ساره: لان غلاتج بقلبي شي كبير..انتي ربيعتي وكل شي يا الريم المهم لا تنسين تصلين استخاره
الريم برقه : ان شاء الله


وبعد مرور الايام



فهد وافق على محمد وتمت خطوبة الريم وقررو الملجه تكون بعد كم شهر ..وسعادة محمد ما توصف لان فهد وافق عليه وانه واخيرا بيكون للريم وهو يعد الايام عسب المجله تمر على خير ويقدر يكلم الريم ويبين لها حبه الكبير ..والريم بعد فرحتها كانت كبيره لانها كانت معجبه بمحمد من مده طويله يعني حب من طرفين بس كل واحد يخفي عن الثاني



اما هند .. فما خلت شي بالسوق اشترت كل شي عسب عرسها .. لان عرسها باجر
هند وهي ترتب اغراضها لانها بتعيش ويا سالم في بيتهم
ام خالد دخلت غرفتها : ها يا بنتي تجهزين اغراضج
هند : هيه يا امايه ..تصدقين الايام بسرعه مرت
ام خالد والدمعه بعيونها : يعني بتودريني انتي بعد
نوره دخلت : شو تسوون
ام خالد تصد : هلا ببنيتي
نوره : ليش زعلانه امايه
هند : لاني بودرها
ام خالد وهي تمسح دموعها : انتي يا نوره رحتي وتزوجتي والحينه هند بتزوج ان شاء الله .... محد عندي غير خالد
نوره " فديتج امايه .. انا دومي وياج وبعدين ام ساره ما تقصر اتييه بيتنا .. واصلا انتي لازم تتعودين على بعد هند ..ليش نحن كنا نشوف هند اربع وعشرين ساعه بغرفتها
هند معصبه : نورووه شو قصدج يعني وجودي من عدمه
نوره تضحك : تصدقين اكثر شي راح نشتاقله حق حشرتج .. بس مب تحشرين ريلج جي ..ترى الريال يحب الحرمه المطيعه مب اللي تنكد حياته
هند حاطه ايدها على خصرها : شقصدج
ام خالد : وييييييي الحينه بتضاربون دخيلكم ما بي حشره
نوره : لا ما بنتضارب .. باجر عرس هند محد يخرب فرحتها
هند : واخيرا محد بيدخل فيه ..
ام خالد : ليش ريلج بيدخل فيج
هند : هيه بس مب مثل خلووود الحشره
نوره : خالد مب خلوود بعدين خالد يغار علينا عسب جي .. ومستحيل تحصلين حد بطيبة اخوج خالد
هند : والله زين زين يمكن تخليني اجهز اغراضي
نوره : يالله نشوف العروس باجر كيف تكون
هند بدلع :طبعا اميره من الاميرات
نوره : قلت يمكن يريب عرسها تتغير بس نفس الشي .. خلا اروح قبل ما تخربين راسي
هند تبتسم
ويا هاليوم اللي تحلم فيه هند
وهند تغيرت بعرسها وايد لانها صبغت شعرها واول مره تخلي فل مكياج ومكياجها بدرجات البني والذهبي يعني مكياج الناري وكان حلو عليها
ونوره وساره والريم ويا بعض يشوفون هند العروس على الكوشه وهي متوتره
ساره طبعا دومها كشيخه لبست لبس اسباني ويابت شعرها على صوب وكله رولات وشعرها عسلي بلون عيونها ولبست اللون الذهبي .. وكانت قمر

ساره : شوفي هند يحليلها والله واخيرا يا هاليوم اللي تحلم فيه
نوره : عاد ان شاء الله تعقل
الريم تضحك : يحليلها والله
ساره تصد تشوف الريم : وان شاء الله عقبال ما نشوفج عروس يا احلى الريم
الريم : ويييييه تو الناس توني مخطوبه بعدني ما ملجت
ساره : توج انخطبتي واربع وعشرين ساعه تفكرين فيه عيل لوملجتي شو بيستويبج
الريم ويها احمر : ساره بلا فضايح
نوره : لا ما فضحتج عادي ..ترى نحن مرينا بهالتجربه
ساره من دون نفس : بس انا ما مريت (( قصدها يوم ملجتها ويا فهد )
نوره تضرب ساره وبصوت واطي : لا تنسين ترى الريم اخت فهد ويمكن تفهم قصدج
ساره سكتت
الريم : يالله متى المعرس بييه
نوره تشوف الساعه : الحينه اعتقد
الريم : اقول هو ما عنده الا اخت وحده
نوره : هيه وهي توها مخلصه المدرسه اسمها عاشه
الريم: اها .. يالله الله يسعد هند يارب
نوره : اتمنى هالشي
ساره تاشر على منى : اقول مب هاي منى ربيعة هند
نوره من غير نفس : هيه ما احب هالبنت
الريم : ليش
نوره : تصرفاتها ما تعيبني ..لا بعد تمشي بتكبر تقولين هي صاحبة هالعرس
منى رايحه الكوشه عند هند
منى تحبها وهي منقهره لانها عرست قبلها : يالله مبروك
هند بابتسامه : الله يبارك فيج وعقبالج
منى : ان شاء الله امين

هند : شو انا متغيره ومحلوه

منى طبعا تغار من هند .: .: هيه ..

هند : يالله ان شاء الله نشوفج جريب عروس

منى : اقول وين بتروحون شهر العسل

هند : والله بخاطري سويسرا بس هو يبى لندن

منى : لندن ما فيها شي ..

هند: بخاطره يروحلها .. يقول ربيعه راح هناك ومدحه

منى : بس بعد حظج حلو وداج مكان راقي وحلو

هند : هيه الحمد لله

(( منى غيرانه منها وايد لانها ما توقعت ان هند تزوج سالم .. ولان هند اصغر منها بكم سنه .. ))





هند وايد فرحانه بهاليوم .. حست انها بتعيش بسعاده وان كل طلباتها راح تتنفذ ومحد يقدر يتحكم فيها



وانتهى عرس هند وسالم بفرح والكل مستانس على هاليوم وبالذات هند .

[دموع العاشقين]

الجزء التاسع والاربعين




وبعد عرس هند وفرحة هند بهاليوم اللي حست انه بيكون بدايه لسعادتها





ساره والكل رد بيوتهم من بعد هالعرس



وطبعا ساره جمالها كان فايق مثل كل مره

وفهد وهو بغرفته ماسك الورقه والقلم ويكتب خاطره لحبيبته وزوجته ساره

ساره دخلت غرفة فهد لان باجي اغراضها هناك وطبعا بدون سلام ولا كلام يعني كانه محد موجود بالغرفه

ساره وهي تاخذ اغراضها

فهد يشوف ساره بابتسامه وقالها: ماشاء الله شو هالجمال كله .. صدق يوم قلت ان القمر ماخذ من حلاتج

ساره شافته بنظره وطنشت

وفهد وهو يقرى الكلام اللي كاتبنه لساره

فهد يعدل صوته : احم احم

ساره صدت تشوفه وتقول بخاطرها (( بلاه لا يكون يبى يغني ))

فهد وهو يقرى الكلمات

(( لا يصيــبك شك يا عمري اني بخونك او بنساك

كيف اقدر اشوف غيرك

وعيوني ماتشوف الا انـــــت

وقلبي ما ينبض الا بوجـــودك

وحياتي ما تبــتـــسم الا بشــوفتك

يا عمري ويا أغلـى ما أملــك

كافي جفى وكافي عذاب

ارحم الحبيب اللي ميت عشانك

ولا تتوقع يا نظر عيني ان ببعدك تقدر تخليني انســاك

لأنــي متــيــم بـــــــــك

..( كلمات الكاتبه .. فاتنة دبي))





ساره صدت تشوف فهد وماعلقت على اي شي

وطلعت على طول وراحت الغرفه الثانيه

ساره وهي متسانده على الباب

ساره وهي مستغربه : معقوله يا فهد لين الحينه تحبني مع كل اللي سويته .. هذا دليل انه صدق تحبني وتموت عليه .. يعني صعب تودرني ..



فهد يوم ساره طلعت قال : مستحيل اهدج (أتركج) يا ساره .. مع ان كلامج مثل السجين وكل ما اتذكر قسوتج ازعل اكثر واتعذب بس بعد اهون عندي من اني اتركج



###########################











وفي اليوم الثاني

في لنـــــــــــــــــــــــ دن ( بشهر العسل )



هند وسالم

هند وهي تتلبس تبى تطلع ومستانسه اخر وناسه تقدر تروح اي مكان بدون تسلط اخوها خالد

سالم وهو بالغرفه ..

هند بعد ما تكشخت : ها يا سالم شرايك بكشختي

سالم يصد : والله حلوه

هند فتحت عيونها ووقفت مكانها : سالم انت شو تسوي

سالم (( ماسك الجكاره (الدخان ) بايده ) : شو اسوي يعني ادخن

هند معصبه وراحت عنده : انت تدخن

سالم بكل جرأه : هيه وليش عندج مانع يعني

هند : بس انت ما قلتلي انت تدخن ولا عمري شفتك تدخن بايام الملجه

سالم : الله يخليج ليش نحن كنا نطلع في الملجه يا دوب مره بالشهر لا وبس ساعتين .. وبعدين ليش بلاه التدخين .. وانا من مده ادخن ..

هند بحزن : ما احب ريحة الدخان

سالم بابتسامه : راح تتعودين .. المهم يالله نطلع ترى الرحله بتفوتنا

هند بحزن : يالله
هند بخاطرها (( الله يعين يا سالم شو مخبي عني وشو عندك من ورايه بس ان شاء الله ما يكون اكثر من التدخين ))



###########################



ام خالد وهي تكلم خالد ونوره

ام خالد : وينه ريلج يا نوره

نوره : ساعة زمان ويوصل ان شاء الله

ام خالد( تتنهد) : ايييييييييييييييييييه صدق مكان هند خالي

خالد : قصدج مكان حشرتها

نوره : ههههههههههههههههه هي والله بس صدق لها وحشه

خالد : هذا اذا تذكرتنا مسودة الويه ما تصلت فينا صدق ماشايفه خير

ام خالد : عسى الله يهنيها

خالد ونوره : امين

ام خالد تصد تشوف خالد : والفال لك يا خالد وان شاء الله جريب اشوفك معرس

خالد تضايق ووقف: يالله من رخصتكم

نوره : ليش وين بتروح ..

خالد : لا شويه وبرد تذكرت ان محمد يباني وبرد بسرعه وخلا عبدالله ما يروح ما بنتاخر

نوره : خلاص اوكي بس بسرعه تعال



محمد وخالد وهم يتغذون في احدث المطاعم

خالد : ها بو جاسم جيف حالك

محمد بابتسامه : بخير يسرك الحال

خالد : ما اسمع حشرتك الحينه وكل دقيقه تتصل فيه تقول منقذ اجتماعي

محمد : هههههههههههههه هي والله صدق ما بغيت اخطب

خالد : ومتى الملجه ان شاء الله

محمد : ان شاء الله جريب ..

خالد : تستاهل تستاهل يا محمد

محمد : ما قصرت يا خالد بفضل الله ثم بفضلك انا استويت للريم ..

خالد : افا عليك يا خويه ما سويت الا الواجب

محمد: خالد ابي اقولك شي بس لا تزعل مني

خالد عقد حواجبه : شو مستوي

محمد : مب مستوي الا الخير ..اقول خالد ساره من مده متزوجه الحينه والكل تزوج الا انت شرايك تخطب خالد عصب: شو تقول يا محمد لو حد ثاني جان عذرته بس انت تعرف شكثر حبي لساره واني مستحيل اكون لغيرها

محمد : بس ما شي فايده فهد مستحيل يودرها

خالد : لا ان شاء الله بيمل وبيودرها

محمد : والله انا عندي لك بنت والنعم فيها ويا خوفي تخسرها ترى هي بنت عوايل

خالد : منو

محمد : شيخه بنت عمي

خالد فتح عيونه : شيخه ما غيرها الا كنت بتاخذها قبل

محمد : هيه .. والله انسانه اخلاق ودين ..وانا متاكد انها راح تسعدك

خالد بعد لحظات صمت : محمد انت ليش ماخذت شيخه

محمد : والله كنت باخذها بس يوم الريم دخلت بحياتي ما قدرت اشوف الا الريم

خالد : شفت انت يوم الريم دخلت بحياتك ما قدرت تاخذ الا الريم.. عيل انا شو اقول ..ساره هي كل حياتي وهي الحب الاول والاخير كيف تباني احب غيرها او اتزوج غيرها انت بنظره وحده وحبيت الريم وكيف انا ومن الطفوله وياها.. انت اكثر واحد لازم تحس فيه ..وبعدين مب حرام أظلم انسانه ثانيه .. وانا متاكد اني ماراح اعطيها لا حب ولا شي .. اتعذب بروحي ولا اعذب انسانه ثانيه ويايه

محمد : زين لين متى

خالد : لين ما ساره اتيه عندي وتقولي انها ما تباني ..بس مدام حبنا متبادل راح اترياها العمر كله حتى لو ما تزوج غيرها

محمد : والله اني اتمنى لك السعاده يا خالد

خالد بابتسامه : والله ادري فيك.. ما تقصر يا محمد



خالد حبه لساره مب حب عادي ..حب الطفوله وحب الاول وحب كل لحظه تم وياها ..

#####################



اشواق وهي معصبه وواصله حدها

فاطمه : يمكن اعرف انتي شبلاج شابه نار جي

اشواق بصريخ : هذا مب انسان حشى كل هالحب والمسجات ومطنشني ولا يعبرني

فاطمه : تستاهلين ..قلت لج الريال متزوج ويحب مرته بس انتي عنيده

اشواق : متاكده ان ساره ما تباه زين ليش يتعذب انا احبه واموت عليه ليش ما يحاول يحبني ويكون لي

فاطمه : والله واحلف بربي ان هالمسلسلات اثرت فيج ..يا ماما اصحي هاي مسلسلات مب واقع وين تبين تاخذين واحد متزوج

اشواق طنشتها وراحت عنها وبعصبيه : الكلام ضايع معاج



(( اشواق اصراها كل مره يزيد بفهد وهي مصره تكون له))



########################

الريم مع ساره

الريم وهي تشوف المجلات : ماعرف شو بختار لملجتي

ساره : ممممممممممممممم افضل تروحين المصمم وتختارين بنفسج

الريم : بخاطر ي موديل غريب

ساره: قولي للمصمم الفكره وهو بيرسملج الموديل

الريم تبتسم : يالله اتمنى فستاني يطلع غاوي ( حلو)

ساره : اكيد بطلع غاوي مدام انت بتلبسينه

الريم تلوي على ساره ( تحضنها ) فديتج يا ساره ما قصرتي ..

ساره : والله اني اتمنى لج السعاده ولمحمد

الريم: وانتي مب مستانسه بحياتج

ساره نزلت راسها وماعرفت شو تقول : انا

الريم : ساره ترى انا اشوف كل شي واعرف انج لين الحينه ما تحبين اخويه الدليل انج تنامين بغرفه ثانيه ..ساره اخوي يعشقج ويموت عليج لاتعذبين عمرج وتعذبينه اكثر ..

ساره وقفت تبى تطلع : الله كريم يا الريم ..



################################



ساره وهي بالشغل

ساره : ها ميثه شحالج

ميثاء وهي تشوف الملفات : اي حال الله يهديج شوفي الشغل شكثره

ساره : هيه والله عانج الله

مدير الاداره ..( مانع )

مانع : السلام عليكم

ساره وميثاء : وعليكم السلام

مانع يصد يشوف القسم : عيل وين باجي البنات

ساره : راحو يتريقون ( يفطرون)طويل العمر ..بغيت شي

مانع : هيه والله عندي موظف توه يديد ودي يا ساره تعلمينه شوي عن الكمبيوتر والحسابات والايرادات ..بما انج مسؤولة هالقسم

ساره: ان شاء الله

مانع يزقر( ينادي ) الموظف اليديد (( عبيد ) تعال

عبيد دخل وبكل احترام : السلام عليكم

الكل : وعليكم السلام

مانع ( مدير القسم ) : تفضل الاخت ساره بتعلمك الشغل هاليوم وبعدين بتروح قسم ثاني



ساره تاشر على الكرسي: تفضل اخوي عبيد

عبيد يلس وساره واقفه شوي بعيده عنه تعلمه الشغل ..



وعلى حظها منو دخل فــــــــــــــــــهـــــ ــد



فهد كان يبى يسوي مفاجاه لساره وبخاطره يشوف وين تشتغل

ويوم دخل دخل بابتسامه وشاف ساره ويا واحد وتعلمه الشغل مع ان ساره ماكانت يالسه عنده يعني بعيده عنه

فهد : السلام (( وسكت )

ساره وميثاء وعبيد : وعليكم السلام

ساره فتحت عيونها استغربت يوم شافته : فهد
فهد شاف عبيد)( الموظف اليديد) شاف ساره باحتقار وطلع على طول

ميثاء خذت ساره على يمب ( صوب ) : منو هالغاوي

ساره من غير نفس : هذا ريلي فهد

ميثاء: هذا فهد اوووووووه سوري ما عرفت انه ريلج

ساره : لا عادي ما قلتي شي

ميثاء : قلت انه غاوي ما زعلتي

ساره تصد تشوفها : وليش

ميثاء : يعني يمكن تغارين لاني قلت انه غاوي

ساره : لا حبيبتي ما اغار ولا شي

ميثاء : ماشاء الله ما قلتي ان عندج ريل بهالجمال كله يا بختج ( تغمزلها )

ساره بخاطرها : على شو

ميثاء : زين وليش طلع

ساره : مادري عنه .. المهم خلينا بالشغل احسن



فهد وهو يسوق بسرعه والغيره ماليه قلبه وهو معصب

فهد : ماشاء الله الريال واقف عندج .. وتقول اني ما اتعامل وايد ويا الشباب ..الكلام معاج بالبيت



ساره بعد ما وصلت البيت

وفهد طبعا يترياها يروح يمين يسارواقف في الممر اللي بين الغرفتين

ساره دخلت وشافته وطنشته وراحت الغرفه الثانيه

فهد : تعالي وين بتروحين

ساره دخلت الغرفه : رايحه الغرفه عيل وين

فهد : يمكن اعرف منو اللي كان واقف وياج

ساره سكتت ..

فهد بصريخ : اكلمج انا

ساره: منو يعني موظف مثل ما شفت

فهد : انتي ما قلتي انج ما تتعاملين وايد ويا الشباب

ساره : اللي نسيته اني مسؤولة قسم

فهد : قلتي مسئوله بين البنات شو ياب هالريبال عندج

ساره : مدير القسم قالي لازم اعلمه الشغل بما اني مسؤوله واعرف الشغل وبعدين انت ليش ياي شو تبى تجسس عليه

فهد: انا كنت ابي اشوف قسمج واسويلج مفاجاه وياريت ما ييت

ساره : زين عرفت ..مره ثانيه لا اتيه عيل

فهد : يعني محد يعلمه غيرج ..واقف عندج بعد

ساره : بينا مسافه اول شي..وبعدين كيف تباني اعلمه يعني انا بشارع وهو بشارع كيف راح يفهم

. وانت ترى مكبر السالفه

فهد : يوم ريال يغار على حرمته يعني مكبر السالفه

ساره : انا ما وقفت ولا كلمت ي ريال بس جي .. انا كلمته عسب الشغل

فهد : وهالشغل متى بتودرينه

ساره تأشر على عقلها : متى ما انا ابي سمعت يعني بلا صدعة وحشره و دخليك فارج (يعني اطلع )

فهد يشوفها بعصبيه : .. وطلع ماقال شي

ساره : اففففففففففففففففففف ويهالحاله ..متى يودرني ياربي متى مليت مليت



فهد وهو بغرفته ماسك راسه ومنقهر ..

اااااااااااااااااااااه مليت والله ياربي شو اسوي اعتقد اني بستخف اكثر وبتينن ..



#################################



هنـــد وسالــــــــــــم :

هند وسالم وهو يتشروون بالاسواق

هند ماسكه القميص: الله شو شوف حلاته يا سالم

سالم : اووووووووه وبعدين لين متى بنتم بالسوق حشى مب شهر عسل هذا يالله مليت

هند : زين لش تصارخ انت اللي وديتني

سالم : عاد قلنا دقايق مب ساعه

هند : والله انا متعوده ويا هلي اتشرى كل اللي بخاطري

سالم : حبيبتي انتي قلتي بيت هلج مب ويايه ترى اكره شي عندي السوق يالله خلصينا

هند معصبه فرت الاغراض : زين



هند تتوقع ان سالم كل شي عادي عنه بس شافت انه ما يعيبه اي شي

هند بخاطرها ( هذا بشهر العسل وجي الله يعين ))
############################



ساره وهي بغرفتها

ساره ترتب اغراضها وملابسها حق الدوام رن موبايلها

ساره ترد : الو

خالد : مرحبا بهالصوت اللي يرد الروح

ساره بصوت واطي : خالد

خالد : هيه خالد اللي يترياج العمر كله

ساره خايفه حد يسمعها : خالد دخليك قلت لا تتصل اذا في شي مستوي انا اللي بتصل ما فيه على المشاكل

خالد : ما اهتم بشي اللي ابيه انتي ساره ترييت وايد يالله متى بنرد لبعض

ساره: والله يعلم بالحال .. اني اقسى من الحجر نفسه بس هو مب طايع يودرني

خالد: اقولج خلا اتفاهم وياه

ساره : المشاكل راح تزيد اذا كلمته

خالد : يعني شو بنتم على هالحال لين متى

ساره بحزن : اذا انت مليت عادي اتزوج يا خالد وشوف حياتك

خالد : حياتي مالها طعم من غيرج ..ساره

فهد دخل عليها وشاف ساره ترمس بصوت واطي

فهد يشوف ساره ومستغرب ويوم دخل ساره توترت وصكت الخط

ساره وهي تبلع ريجها وماسكه الموبايل ومتوتره وايد

فهد مستغرب هاي ثاني مره تتوتر جي : بلاج

ساره : مافيني شي انت اللي بلاك وليش ياي

فهد : مريت وشفت الغرفه مفتوحه شو تكلمين منو بهالوقت

ساره : اكلم اللي اباه وشدخلك

فهد : وليش صكيتي الخط يوم انا ييت

ساره : خلصت المكالمه

فهد بنظره : لا والله يعني المكالمه ما انتهت الا يوم انا دشيت

ساره : هيه ... ومره ثانيه بلا هالحركات اونك تبى تراقب طالع لنا محقق ..

فهد شاف ساره بنظره وراح



فهد بخاطره(( اكيد في شي .. الوضع مب عايبني .. انا ما ابي اشك فيها بس حاس انه في شي))



########################



اشواق وهي تحاول تتصل الف مره وفهد طبعا ما يرد عليها

\اشواق وهي معصبه فرت الموبايل : انت شو ما تحس افففففففففففففففففف



( اشواق كل مره تحاول تتقرب بس مب قادره ))

##################################


فهد ما يعرف كيف يتصرف ويا ساره وقرر يكلمها ويوصل معاها هالمره لاخر قرار ..

فهد يبى يدخل غرفتها بس شاف ساره مب موجوده

فهد كان يبى يطلع بس موبايل ساره رن

فهد استغرب منو المتصل وشاف ان الموبايل بعده يرن

فهد راح صوب موبايل ساره وشاف رقم غريب مب مكتوب اسم الشخص

فهد اول ماكان يبى يرد هالشخص صك الخط

فهد يبى يطلع.. سمع صوت المسجات

فهد فيه فضول يبى يقرى المسجات بالذات لان من كم يوم حركات ساره غريبه فقرر يقرى المسجات

واول ما فتح المسج قرى

(( ساره حبيبتي انا ماراح اودرج مهما يصير ومتاكد ان فهد بيمل من جفاج وبيودرج وبنرجع لبعض وبترجعين خطيبتي مثل قبل..واعرف انج بعد تحبينبي كافي انج لين الحينه تحتفظين بالقلاده اللي عطيتج..اللي بحرفي وبحرفج .. )) ))

فهد وقف مكانه مب مصدق عمره : شو السالفه اي حب واي قلاده

فهد راح صوب المكالمات المستلمه وشاف نفس الرقم ويوم شاف المسجات شاف بنفس الرقم مسجات حب وغزل .بين خالد وساره .

فهد وهو مب مصدق السالفه ..راح يدور القلاده اللي بحرف ساره وما خلا مكان واخر شي لقاها بصندوق صغير ويوم شاف القلاده شاف حرف ساره وحرف خالد

فهد والدموع تنزل منه غصبن عنه : هالقلاده اللي كانت تلبسها دوووم وحرف خالد يعني المتصل هو خالد لا لا لاااااااااااااا مستحيل ساره تخوني ..

فهد مسك الموبايل واتصل بنفس الرقم عسب يتاكد فهد اتصل

خالد يرد : هلا بساره ها وينج ليش ما رديتي

فهد وقلبه مجروح ..ساكت من الصدمه

خالد : ساره بلاج انا خالد بلاج لايكون ماعرفتي صوتي

فهد وقف مكانه وصك التلفون بدون ما يقول اي شي

وقف منصدم ما يتحرك لا يمين ولا يسار كل اللي صار له ان دموعه اربع اربع

فهديكلم نفسه ونبرة صوته متقطعه من الصدمه والحزن : ساره تخونيني ليش ليش.. ( فهد يلس مكانه وماسك راسه ) لا لا مستحيل مستحيييييييييل



ساره وهي توها داخله غرفتها شافت فهد ماسك راسه ويالس ساره استغربت

ساره وهي مستغربه : فهد

فهد وعيونه حمر ومعصب والغضب بعيونه اتقرب منها اكثر ..وفجأه صفعهــــــــــا ..

ساره من الصفعه طاحت على الارض وشعرها على ويها وهي ماسكه خدها ومستغربه

ساره : انت بلاك اتخبلت ليش تضربني

فهد مسكت جتفها وقومها بعد الطيحه وبصريخ

فهد : الضرب شويه عليج لو حد ثاني جان ذبحج ..

ساره وهي ماسكه خدها ومستغره: ليش شو سويت

فهد وهو ماسك جتفها وبصريخ : ليش ليش يا ساره شو سويتلج عسب تخونيني

ساره مستغربه : انا

فهد راح صوب القلاده : من شهر العسل وانتي تلبسين هالقلاده وتقولين ان نوره عطتج واخر شي ( بصريخ ) يطلع خالد حبيبج معطنج ..حتى هنيه وانتي تلبسين هالقلاده .. لا وبعد غير المسجات الحب والغزل مب حرام عليج يا ساره انا اخلصتلج وحبيتج واخر شي تخونيني ليش ليش

ساره منصدمه : انا ما سويت شي

فهد : جذااااااااااااااابه شوفي هالمسجات تبين اتصل واتاكد

ساره : وانت تجسس عليه

فهد : اي تجسس رب العالمين فضحج .. انا ( ماسك جتفها بالقو) انا شو ذنبي عسب جي تعامليني هذا كله لاني حبيتج .. مع اني اقدر اسوي وايد اشياء بس احترام لمشاعرج قدرتج حرمت من نفسي حقوق الزوج ولا لمست شعره منج مع اني اقدر بس احترام لرغباتج .. وانتي ما قصرتي فيه تسبيني وتهينيني وما قلت شي .. بس اللي ما اسمح له انج تكلمين واحد باخر الليالي ولا تنكرين ترى الارقام والاوقات مكتوبه ومبينه ..لا وبعد
تتفقين معاه عسب تودريني ..حرام عليج يا ساره حرااااااااااااام
ساره ما تعرف شو تقول : انا ما اتصل فيه والله
فهد : لبسج قلاده بحرفه هاي اكبر خياااااااااااانه تستقبلين مسجاته بدون ما ترفضينها اكبر خيااااااااااانه تردين على مكالماته اكبر خياااااااااانه .. انا الريال اللي اقدر اسوي اي شي ما سمحت لنفسي اكلم وحده مع اني ادري اني باشاره مني لها اقدر هالبنت تكون لي بس احتراما لمشاعر الاخلاص والعشره اللي بينا بس انتي ولا هامج قولي في ريال بيستحمل هالشي من مده طويله وانتي بأيام الملجه وقاسيه عليه ..في ريال بيستحمل ..

ساره منزله راسها وتصيح
فهد : بس لاني حبيتج ..ياريت ما حبيتج ولا شفتج ..عذبتيني عذاب اكبر من حرماني لامي .. بدل ما تعوضيني عن هالشي (( يصيح من القهر ) عذبتيني زياده بخيانتج يا ساره ..حتى لو ما تحبيني .. هذا مب عذر انج تخونيني ..انتي يا مدينه يا اللي اونج تعرفين الصح من الغلط .. تعرفين شو ذنب وحده تكلم واحد عادي.. شو اثمه فمابالج لو هي متزوجه تكلم انسان غريب وبينهم مسجات وهدايا

فهد هد ايد ساره ودموعه اربع اربع

ساره هي بعد ميته من الصياح

فهد يصد يشوفها مره ثانيه : خلاص ساره ( يحرك راسه وبقهريقول( مستحيل اعيش ويا انسانه رضت بنفسها تكلم واحد غير ريلها يمكن كنت استحمل جفاج وقسوتج الا انج تكلمين غيري وبينكم كلمات حب والله يعين شو مخبين

ساره : لا والله ما صار شي بس هو اللي يرسل مسجات

فهد : المهم انج رضيتي تستقبلين هالاشياء وهاي تعتبر خيانه ..ولين هني وكافي كافي خلاص شو تبين الطلاق

ساره وقفت تشوفه

فهد بعصبيه : متفقه وياه على هالشي ( يصفق بقهر) أهنئج قدرتي تلبين طلبه راح (( وهو مغمض عيونه ودموعه اربع اربع ) راح اطلقــــــــــــج يا ساره وبخليج تعيشين حياتج بدوني .. حتى لو بعد هالشي هو مماتي اي ممات ( يضحك باستهزاء ) انا اصلا شفت اكبر من الموت نفسه بحفاج وقسوتج وخيانتج

ساره مستغربه فهد يبى يطلقها صح هي تتمنى هالشي بس يوم صار كل شي استغربت اكثر

فهد يأشر على الباب : يالله تفضلي طلعي برع ما ابي اشوفج وورقة الطلاق راح توصلج يا مدام

ساره وهي تصيح : فهد انــــــــــا....

فهد بصريخ : ما ابي اسمع شي قلت طلعي برع يا مخلصة الحياه الزوجيه ياللي خليتي ريلج يعيش احلى ايام عمره ياللي عوضتيه عن ايام الحرمان ..

ساره وهي تشوفه تمت تصيح وعلى طول طلعت برع



الريم تشوف ساره وماتعرف شو السالفه

الريم : ساره ساره

ساره ودموعها اربع اربع طلعت وراحت بيت امها




فهد راح صوب العطور وفر كل شي على الارض

وفهد وهو يصيح : ليش يا ساره سويتي هالشي ليش ما قدرتي واخلصتي الحب يا ساره شو ذبني يوم حبيتج شو ذنبي يوم دخلتي حياتي خنتيني يا ساره ..عطيتي كلمات الحب لانسان ما يحل لج وانا عطيتيني السم من شفاتج ليش ليش

فهد طاح على الارض وهو يلومها ويلوم الحب اللي عطاها ودموعه مغرقه الارض



ساره وهي بالسياره ماقدرت تشوف الشارع من كثر الدموع

ساره وهي تصيح : يا ربي انا شو سويت كيف خنته ..حرام والله ما يستاهل ..ياريت ما سويت هالشي ..

صدق الدليل ان فهد متعذب الدليل انه لاول مره يمد ايده عليه ويصفعني مع انه كان يسوي المستحيل وولا يشوف دمعه من عيوني ..يحليلك فهد صنتي وحبيتني ورضيت بكل اللي اسويلك بس انا ما صنتك .. اول مره احس بعذاب فهد دموعه عذبتي وايد .. واكبر دليل على عذابه انه طلب الطلاق

( ساره تمت تصيح بصوت عالي تصيح وهي بالسياره وتلوم نفسها بس بعد شو بعد فواات الاوان )



خالد وهو ماسك الموبايل : غريبه ليش ساره ما ردت عليه .. يمكن شافت فهد وصكت على طول ..الله يستر





فهد بخاطره والدموع بملامحه يقول

(( شــفت عذابي بخيانتــك ..

ياللي ماقدرتي معنى الحب

خنـــتـــينــي بعد ما ضحيت بكل شي

لاجل اشوف بسمه شفاتـــك

مالقيت غير السم تسقيني فيه

والعشق تعطينيه مع غيري



(( كلمات الكاتبه .. فاتنة دبي))

[دموع العاشقين]

الجزء الخمسين






بعد ما فهد طلب من ساره انها تطلع من الغرفه ساره وهي بالسياره تلوم نفسها الف مره على اللي استوى



اما فهد

فهو بعده منصدم من ساره ما توقع انها تخونه وهو ع الارض يصيح من القهر ..

الريم يوم شافت ساره تطلع من الغرفه وتصيح ع طول راحت عند فهد بغرفته وشافته ع الارض

الريم يوم شافت فهد ع الارض راحت عنده ومسكته وبخوف الريم : فهد فهد بلاك

فهد والدموع ماليه ويه : مافيني شي

الريم : ما فيك شي والدموع تارسه (ماليه ))ويهك ..شو مستوي بينك وبين ساره

فهد مع كل اللي سوته ساره فيه بس بعد حب يستر عليها وما يقول للريم انها تكلم غيره : ما سوت شي بس ساره عذبتني بما فيه الكفايه وانا قررت ( يغمض عيونه وبقهر يقول ) قررت اطلقها

الريم فتحت عيونها ووقفت من الصدمه : تطلقها

فهد : هيه بس كافي عذااااااااااااب بس مب قادر استحمل لين هني وكافي

الريم مب مستوعبه كلام فهد : فهد انت بدون ساره مستحيل تعيش اعرفك يا فهد

فهد: وليش حد يقدر يعيش مع انسانه تسقيه العذاب والجفا كل يوم

الريم : شو استوى يا فهد .. اكيد صار شي اكبر مستحيل تطلب انت الطلاق جي ..

فهد : الله يخليج يا الريم خليني

الريم : مستحيل شوف حالتك كيف

فهد يكح بالحيل .. حس فجأه بالاختناق وحس الدنيا ظلمه بعيونه وفهد يحاول يفتح الازرار اللي بكندورته ( الشداشه ) لانه يحس بالاختناق ..

الريم تشوف ويه فهد تغير راحت عنده : فهد فهد بلاك بلاك

فهد يبلع ريجه بصعوبه : ماعرف يالريم احس باختناق بسرعه ييبي ماي

الريم وهي تصيح ما تعرف تتحرك من مكانها ..راحت بركيض اتتيب الماي ..بس فهد من كثر ما هو مدوخ ما يقدر يمسك الكوب ..

الريم ماتعرف شو تتصرف حست ان اخوها راح يموت

فهد مب حاس باللي يستوي فيه ..كل اللي حاس انه ما يقدر يتنفس ..

الريم تصيح وتتصل بالاسعاف ..وفهد ع ريولها وهي تصارخ وتصيح بس محد يسمعها

الاسعاف بسرعه يو ..وودو فهد للمستشفى



فهد وهو راقد ( نايم ) بالمستشفى

الريم وهي ميته من الصياح على اخوها

الدكتور طلع ..

الريم وهي تمسح دموعها : ها يا دكتور شو بلاه اخويه

الدكتور : الضغط عنده ارتفع بشكل كبير عسب جي حس بالاختناق ..وغير الصدمه اللي صارتله لان من شكله مبين انه مصدوم وافضل ان دكتوره نفسيه تشوفه طبعا بعد ماياخذ العلاج من عندنا

الريم: هو عنده دكتوره نفسيه خاصه فيه ..دكتوره ناديه

دكتوره ناديه يت بسرعه بعد ما الريم اتصلت فيها

دكتوره ناديه يلست عند فهد .. اللي ما قدر يرمس ولا شي لان حاطين عليه الاكسجين ..

الدكتوره طلعت وبحزن : شو صارله ليه هيك

الريم : بلاه اخويه

الدكتوره : حالته النفسيه كتير زادت ..هاد مب فهد اللي بعرفو .. شوفي كيف صار وجه ..كتير نحف ..شو صارله احكي يالريم

الريم : والله ماعرف شو استوى فيه .. اخوي تعذب اكثر توقعت اني ما بشوف الحزن والعذاب بحياته بس ( وهي تدمع ) الله يسامح من كان السبب

الدكتوره ناديه : خلاص حبيبت ألبي ما بتبكي .. ان شاء الله بعد ما بيصحى راح احكي معه ..بس ديرو بالكم عليه ترى فهد محتاج للحب والاهتمام..



الريم ما تبى تدخل عند فهد لانها يوم تشوف فهد وهو بسرير المستشفى تصيح اكثر



ساره بعد ما وصلت في البيت تمت تصيح

امها تدق الباب عليه : يمه ساره شفيج حبيبتي

ساره وهي منسدحه ع السرير: مافيني شي

الام : فديتج ساره فتحي الباب شوي عشان خاطري

ساره وهي تصيح راحت تفتح الباب : خير يمه

الام : ويييييييييي بلاج يمه ليش هالدموع

ساره ماتعرف شو تقول : ها ممم فهد شوي تعبان عسب جي اصيح

الا/ : فهد تعبان وانتي مودرتنه ويايه هنيه

ساره : قلبي يعورني عليه ما قدرت استحمل
الام بابتسامه : هي يا بنتي .. هالحب والخوف اللي ابي اشوفه .. حلاة الحرمه اللي تخاف ع ريلها .. ترى طاعة الزوج اتيه بعد طاعة الرب ..واذا زعلتي ريلج عليج عقاب واثم كبير ..

ساره بعد ما سمعت كلام امها تمت تصيح اكثر لانها ما رضت ريلها ..

الام : بس يا ساره ليش هالدموع ان شاء الله ما بيستوي فيه شي

ساره بخاطرها ( ااااااااااااااااااااااااه يا امايه لو تدرين شو سويت بفهد خليت حياته نكد بنكد يا ويلي من ربي ومن عقابه .. لاني ما صنت ريلي لا وبعد خنته ..يارب عفوك استغفر لك من كل ذنب يارب ))



الام طلعت من عند بنتها



وفي اليوم الثاني

ساره ما قدرت تنام من كثر ما تفكر بفهد

وقررت انها تتصل فيه بس موبايل فهد مغلق فاتصلت بالريم

الريم وهي نايمه بالمستشفى عند اخوها يوم شافت الرقم طلعت برع الغرفه عسب ما تزعج فهد

الريم وبعصبيه : نعم

ساره : الريم شو أخبارج

الريم بعصبيه : اخباري تمام التمام

ساره :وشحال فهد

الريم : توج تسالين عنه ليش انتي اصلا مهتمه فيه

ساره مستغربه : ليش تكلميني جي

الريم : عيل كيف تبني اكلمج يا مداااااااااااام واخويه ف المستشفى بسبتج

ساره فتحت عيونها : شووووووووو فهد ف المستفشى

الريم : هيه واكيد انتي السبب

ساره : اي مستشفى بسرعه



ساره ع طول راحت المستشفى عند فهد

وشافت الريم برع الغرفه

ساره : ها يالريم قوليلي بلاه فهد ووينه

الريم : انا اللي بعرفه انتي شسويتي فيه .تعرفين ان فهد ما طاع يقول شو سبب هالخلاف من القهر اللي بقلبه حس بالاختناق وضغطه ارتفع ودكتوره النفسيه قالت ان حالته وايد زادت ..( تصيح ) شو سوى فيج يا ساره عسب جي تعاملينه توقعت بيلين قلبج عليه بس ماعرفت ان قلبج حجر ( بصبعها تهدد ) شوفي يا ساره صح انج ربيعتي وروح بالروح ويايه بس ااذا استوى في فهد شي ما راح اسامحج سمعتي .. ماعندي الا الله ثم هو .. ماعندي غيره بهالدنيا فهد راس مالي ..واذا صار له شي راح امووووووووووت بدونه فهد اللي حماني وحبني وصاني بعد وفاة امي وابويه وتحمل كل شي عسبي وماراح اسمح لاي شخص يدمره .. بس حرام اللي استوى فيه ..شو القلب اللي عليج .. انتي مب ساره اللي اعرفها ..ساره معروفه بطيبة قلبها وانها مسامحه بس انتي تحولتي لانسانه ماتعرف غير القسوه والصريخ .. وانا قلتج ماراح اسامحج يا ساره اذا استوى في اخويه اي شي ..



الريم راحت من عند ساره وهي معصبه ..

اما ساره فحست بتأنيب الضمير اكثر وقالت بخاطرها (( ما الومج الريم ع الكلام اللي قلتيه صح انا غلطانه واعترف ))



ساره بخطوات بطيئه دخلت غرفة فهد

فهد وهو نايم بالسرير وملامحه متغيره وتحت عيونه سواد من التعب وشكله مصفر وصدق يبين انه تعبان ..

ساره يوم شافته قلبها تقطع اكثر راحت عنده ودموعها اربع اربع ..

فهد حس كانه حد عنده يوم فتح عيونه شاف ساره

فهد يوم شافها استغرب وصد صوب الثاني عسب ما يشوفها وبصوت كله تعب وما ينسمع : انتي هنيه ..يمكن اعرف شو تسوين

ساره : فهد انا آسفه ع اللي صار

فهد : بعد شو ... ولا انتي يايه مستعيله ع الطلاق لا تحاتين بعد ما اطلع من المستشفىراح اطلقج وراح تردين لحبيب القلب ..

ساره : انا مب يايه عسب جي فهد انــــــــا

فهد بقهر : انتي انسانه ماتعرف الرحمه ولاتعرف تجازي المعروف .. انتي ولا شي

ساره انصدمت مب هذا فهد اللي كلامه حب وغرام اللي عمره ماقال لها كلمه تضايجها

ساره وقفت منصدمه

فهد يصد يشوفها: شو جرحتج هالكلمه

ساره وهي تصيح منزله راسها

فهد : ذوقي المر والكلام السم اللي كنتي تقوليلي ..اذا كلامي اليوم جرحج عيل انا شو اقول وانتي اشهر وانتي تطعنين فيه ولا حاسه تتحرين اني نسيت كلامج الجارح لا حبيبتي انا اتذكر واتعذب بداخلي بس اقول يالله يا فهد اصبر اكيد البنت بتحس بغلطتها بيوم بس لا اشوف زادت اكثر ..والاحلى انها تخوني
ساره: انا ما خنتك يا فهد

فهد يأشر بايده : بس كافي .. تعبت وايد عسبج وما ابي اتعب زياده خليني يا ساره وطلعي وما ابي اشوفج ..

ساره مستغربه ومنصدمه فهد تغير وايد ..

ساره طلعت وهي منصدمه ..معقوله فهد يقولي هالرمسه ( هالكلام )معقوله ؟ معقوله فهد يكرهني



سار بعد ما وصلت غرفتها تمت منصدمه ومنقهره والدموع ما تفار ق عيونها ..

ساره ما قدرت تستحمل اكثر اتصلت ف نوره عسب اتيه بيتهم ويوم نوره يت شافت حالة ساره استغربت وساره قالت لها كل شي

ساره وهي تصيح : ماعرف ليش جي سويت

نوره مستغربه : يعني انتي ندمانه

ساره : اتصدقين اني مستغربه من نفسي انا كنت اتمنى اييه هاليوم وفهد يطلقني بس يوم ياهاليوم اللي طلب الطلاق حسيت بصدمه كبيره .. حسيت اني بخسر كل شي .. ويوم شفت الريم وهي معصبه تعذبت اكثر ودخول فهد بالمستشفى زاد عذابي انا يا نوره سبب بعذاب ناس ماحصلو غير العذاب بحياتهم وزدت عليهم انا ..والريم هي ربيعتي من الطفوله وانا السبب بعذابها وبعذاب اعز ناسها ..

نوره : يعني انتي ما تبين الطلاق

ساره : الصراحه لا ...يوم حسيت اني صدق بفقده عرفت ان فهد مب انسان عادي بالنسبالي

نوره : سبحان الله الشخص ما يعرف بمعزة الثاني الا يوم يفقده ..او يحس ببعده

ساره : ماعرف شو اسوي

نوره : شوفي يا ساره انا صح اخت خالد..بس انا بوقف ويا الحق كاني مب اخته ولا شي ..اللي سويته غلط بغلط وفهد ما ينلام ع اللي يسويه فيج الصراحه انتي ما قصرتي فيه خنتيه .. وفهد تعرفين حالته وانه من الصغر وهو متعذب واعرف انج انتي وخالد مالكم خص بحياته وبعذابه واعرف ان خالد يحبج .. بس يمكن لانج قسيتي على ريلج وعذبتيه الله ينتقم منج عادي تشوفين خالد يتخلى عنج بسهوله ..اللي ما تصون ريلها ما تصون اي حد .. وانا كوحده متزوجه ما برضى ريلي يخوني فمابالج خيانة الزوجه

ساره : بس انا ما خنته

نوره : حبيبتي انتي يوم تكلمين خطيبج السابق حتى لو كان ولد خالتج بدون رضا ريلج هاي خيانه تعتبر بالذات ان كلامكم عن الحب .واعرف ان خالد هو اللي يبتدي بس انتي كان عليج انج تمنعينه او ما تردين عليه مب تسايرينه صح

ساره........ سكتت

نوره : فكري عدل انا ما بقولج كوني لفهد ولا لخالد بس بقولج فكري بالعقلوبسالج سؤال .. انتي تقدرين تكملين حياتج من دون فهد

ساره : ماعرف

نوره : انتي الحينه بعيده عنه شوفي اذا قدرتي ولا ..بس اقولج ترى اذا خسرتي فهد هالمره مستحيل يرضى ياخذج ترى كرامة الريال اهم من الحب ومن كل شي..

ساره ..سكتت ما قالت شي
وبعدر مرور يومين





ساره ما طلعت من غرفتها ابد ..

اما فهد طلع من المستشفى بس بعده الحزن ما تفارق عيونه

ساره استوت هاديه وكله تسرح ..

ساره قبل ماتام : تذكر كلام فهد الحلو وابتسامته ..

ويوم تقوم بعد تذكر فهد .. يوم يكتب لها الخواطر

ساره بخاطرها : ماعرفت اني بيوم راح اشتاقلك صدق الشخص مايعرف جيمة الشخص الا يوم يحس انه بيفقده .حياتي صعبه بدونك .. احس ااني انسانه ثانيه يمكن مب حب بس تعودت عليك يا فهد تعودت على كلامك المعسول وع اهتمامك .. ومستحيل حد يستحملني مثلك ..انا صدق انسانه غريبه سويت المستحيل عسب يطقلني ويوم بغى يطلقني حبيته واشتقتله ..يمكن انا احبه من زمان بس مب حاسه في عمري بس شو فايدة هالكلام ..خلاص فهد ما يباني ..بس الفرصه بعدها عندي فهد ما طلقني لازم اكلمه واكيد هو يحبني وما بيودرني ..



فهد وهو بغرفته طبعا كله سااااااااااكت وما يسولف مثل قبل .. وكله يتخيل ساره وتواجدها ..

ساره راحت بيتهم وهي بالصاله شافت الريم ..وبخجل

ساره : الريم

الريم تصد تشوف ساره ..وطنشتها

ساره راحت عند الريم ومسكت ايدها : اسمحيلي يالريم .. اعرف اني غلطانه بس والله ما حسيت بمعزة فهد الا يوم ودرته

الريم : الحينه حسيتي بهالشي

ساره : ساعديني يالريم فهد يبى يطلقني

الريم: يعني تبين تردين له

ساره : هيه

الريم: حاولي تكلمنيه مره ومرتين بس شكله معصب ..

الصراحه اثنينتكم تغيرتو انتي استويتي اطيب وهو اقسى عن قبل يعني يبالج صبر وطولت بال

ساره : بحاول قد ما اقدر ..بس هو وينه

الريم : بغرفته

ساره : عيل بروحله

الريم: هيه والله تسوين خير ..واعليه فهد ماذاق طعم الراحه من بعد ما صار له ..



ساره دخلت غرفته وشافته يالس على الكرسي الهزاز وصاك عيونه ..

ساره يوم شافته حست بالشوق له وبكلامه الحلو وبرقه : فهد

فهد فتح عيونه ووييوم شاف ..شاف ساره واقفه عند باب غرفته ..

فهد مستغرب : ساره

ساره دخلت وهي منزله راسها ومستحيه : فهد انا

فهد وقف من ع الكرسي : بعد ييتي ..شو تبين ..مب كافي اللي صار منج

ساره : فهد والله ما كنت قاصده اخونك افهمني .. وانا حسيت بغلطتي

فهد : يعني قصدج تبين نرد لبعض

ساره بخجل: ليش انت ما تبى هالشي

فهد معطي ساره ظهره: لا

ساره انصدمت : ما تباني يا فهد ..مب انت تحبني

فهد : عفت الحب وكرهته ..انتي استويتي عاديه بالنسبالي

ساره تدمع : مستحيل اعرف انك تتجذب عليه انت تباني

فهد صد صوبها وبعصبيه : جي تتحرين الناس لعبه جدامج متى تبينهم اتين ومتى ما تبينهم تودرينهم ولا ااستغليتي الحب اللي عطيتج اياه ..حسافه هالحب اللي عطيتج ..حسافه الصبر اللي صبرته ..

ساره مستغربه : فهد انت شو تقول

فهد : ليش عندج كلام ثاني

ساره : انا غلطانه واعترف

فهد : يعني انتي تبيني صح وتبين اردلج

ساره : يمكن يوم ابتعدت عنك حسيت بهاالشي

فهد يضحك بااستهزاء : حسيتي انج تحبيبني او محتاجتلي ..

ساره : يمكن يوم ابتعدت عنك حسيت بهاالشي

فهد يضحك بااستهزاء : حسيتي انج تحبيبني او محتاجتلي .. لا تضحكيني

ساره : انا

فهد :بقولج شله او قصيده سامعنها من مده واحب اهديلج وان شاء الله تفهمين الكلام

فهد وبصوته يشل :

: في ذمــتك هذا كلام

كل يوم لك حب وغــرام

منــته صغير أعلمك

الغش بالدنيا حــــرام

حبيت ابين لك واقول

لو تعتبر قولي فضول

من كان سهل بالحصول

مانه قد الهيام

اسمع وخلك صريح

جاوب بقول وصحيح

انت بحياتك مستريح

وكل يوم لك حب وغرام

)((( شلــة باسم بذمتك ))



ساره يوم سمعت هالكلام تمت تصيح : شو قصدك يعني انا اجذب عليك ..

فهد : الشله واضحه .. واذا تبين توضيح راح اقولج في البدايه حبج كان لخالد وانتي بذمتي انا يعني زوجتي ويوم ما بغيتج قررتي ترديلي وتنسين خالد ..جي انا وخالد لعبه جدامج ماعندنا احساس ولا مشاعر ..متى ما تبينا نييج ومتى ما تبينا ترفضينا اذا هو عاي عنده هالشي انا السموحه عندي كرامه وكرامتي ما تسمح لهالشي

ساره : فهد انت مكبر السالفه ..كل هذا عسب الاتصال والمسجات

فهد رافعه حواجبه : ليش هذا شويه اسالي اي ريال اذا مرتك تكلم واحد غريب حتى لو ولد خالتهاطبعا بالاسلام يعتبر غريب ويتغزلون في بعض لا وبينهم هداييا ومسجات شو راح يكون ردت فعله ..

ساره ماقالت شي ..طلعت على طول برع

الريم شافت ساره تصيح برع غرفته

الريم : شو استوى

ساره وهي تصيح : اخوج خلاص عافني ما يباني ما يباني



ساره راحت للمره الثانيه وراحت بيتهم



الريم دخلت الغرفه وشافت فهد يالس ومنزل راسه وحاط ايده على راسه

الريم : فهد

فهد يرفع راسه : هلا اختي

الريم : فهد اعرف ان ساره غلطانه وهالشي ماعليه كلام مع اني ماعرف شو سوت ..بس اكيد الغلطه كبيره واكبر دليل انها يت عندك وطلبت السماح ..اخوي لا ترد ساره .. اذا خسرتها راح تندم ندم كبير بخسارتها

فهد : عادي اصلا انا طلبت الطلاق

الريم راحت عند فهد وحطت ايدها على جتف فهد : لا يا اخويه اعرف انك معصب وتقول هالكلام بس انت مستحيل تعيش بدون ساره.. لاترد ساره ..مدام هي يت لاتردها ولا بتندم بخسارتها للابد .. واعرفك يا فهد اذا حبيت تحب باخلاص

فهد : عيل انا لعبه جدامها متى ما تباني اتتيني

ساره : ماعليه يمكن هالشي لصالحك عسب ساره ترد لك وتحبك .. انت تتمنى من زمااااااان ان ساره تبادلك هالشعور

فهد : منو قال انها تحبني

الريم : ييتها اكبر دليل انها مهتمه دموعها اكبر دليل بحبها اصلا هي من زمان تحبك بس هي مب حاسه بعمرها لاتردها يا فهد ..يمكن تخسرها للابد ..



الريم طلعت من الغرفه و فهد فكر بكلام الريم ..



فهد وبخاطره : صح انا ما سالت عمري انااصلا اقدر اعيش بدون ساره ..بس ما اقدر انسى انها متفقه وياهالنذل عسب تودرني



ساره ماقدرت تنام قررت ترسل له مسجات

ساره ترسل مسجات

المسج

(((( مشتاقتلك .. مشتاقتلك ..مشتاقه لصوتك يالغلا

ياللي بالقلب منزلك ..

يا خلنا انا محتاجلك

وينك ياريم الفلا

نفس الشــــــــعور أبادلــك

وأجدد عهود الوله

شلة ( مشتاقلك ))



فهد شاف المسج مستغرب من كلام ساره بس يبى يجافيها زياده وطرش لها مسج



(( انكتب الوداع يا خلـــي

واشتكت من جرى عيوني

وش حصل بالقلب وش حله

ماهقيت الجرح يحصلي

ليه يا ورد ويا فلي

تجرح الاحساس وظنوني

(( شلة الوداع ))



ساره يوم قرت هالكلام

تقول بخاطرها (( يعني يا فهد خلاص ما تباني معقوله هالحب يروح بثواني ))



ساره ماتعرف كيف تخلي فهد يردلها



اما خالد فمستغرب لانه ساره ما ترد عليه لا باتصال ولا بمسجات

ومايعرف شو السالفه ..



##############################



هند وسالم وهم بشهر العسل



سالم يالس في البلكونه والدخان بايده وحاط ريل على ريل ويشوف الرايح والراد ..

هند معصبه : سالم بعدك يالس يالله متى بنروح

سالم : صبري شوي ..

هند تشوف سالم يشوف الرايح والراد وطبعا الاغلبيه هم بنات هند بعصبيه : وانت ليش تشوف البنات

سالم من غير نفس : يعني شو اسوي اقول حق البنات لا تمرون

هند : سالم تعرف اني ما احب انك تشوف البنات

سالم باستهزاء : ما اقدر الدنيا كلها بنات كيف ما اشوفهم زين هم يطلعون في ويهي شو اسوي

هند : ليش انا ما اكفي

سالم يشوفها : لا تكفين

هند : سالم حبيبي ليش فجاه استويت قاسي عليه

سالم : سالي عمرج طفرتيني باسألتج اربع وعشرين ساعه تتحكمين وتقولين سو جي ولا تسوي

هند / :: تراني اغار عليك

سالم : اذا هاي غيره اقولج ما ابي غيره ولا شي خليني مرتاح سمعتي

هند : اذا انته بشهر العسل جي تعاماني الله يستر

سالم : اي شعر عسل قولي شعر بصل

هند تصيح : ليش ياسالم جي تعاملني .. بدل ما تحبني وتصوني لاني ضحيت باهلي عسبك

سالم : والله يا عمري محد قالج .. وبعدين لا تتطلعين مثل اليهال وتصيحين انتي لازم تغيرين من طبعج ..استويتي حرمه مب ياهل

راح سالم من عندها

اما هند فتصيح من القهر ..بمعاملته



###############################



الريم تجهز حق ملجتها اللي ما بقى شي

الريم تطلب من سار ه اتيه عسب تساعدها

ساره كانت اتييه عند الريم عسب تساعدها

وتشوف فهد بس فهد ما يعطيها سالفه

ساره وهي تودي الاغراض ويا الريم راحت غرفتها

فشافت فهد يبى يطلع

فهد شافها بنظره وطنش

ساره : فهد

فهد وقف : خير

ساره : حتى السلام ممنوع

فهد : ليش يهمج سلامي

ساره : اكيد تراك ريلي

فهد يصد يشوفها : زين حسيتي ان عندج ريل ولازم تصونينه
ساره : بس فهد كافي

وهني اشواق بعد غيبه اتصلت في فهد وفهد ماكان يبى يرد بس عاد الا يقهر ساره ويرد لها القهر والعذاب ..

فهد : الو منو

اشواق عاد استانست وتشققت من الفرحه ان فهد واخيرا رد عليها : انا اشواق

فهد يشوف ساره بنظره : هلا باشواق هلا والله وينج من زمان ما تصلتي

عاد هني ساره شبت نار وفتحت عيونها وبخاطرها تقول (( بهالسرعه نسيت الحب اللي بينا بهالسرعه نسيتني يا فهد ))

فهد طلع من البيت وراح اونه يبى يكلمها



فهد يوم طلع بجديه : ها اشواق شو بغيتي

اشواق مستغربه بخاطرها تقول توه طيب وحنون والحينه جاد ويايه: ما شي حبيت اسلم عليك .لانك ابد ما ترد عليه

فهد : ما اقدر ارد عليج يا اشواق فهمي الله يخليج انا انسان متزوج

اشواق : ومتى ان شاء الله بتودرها

فهد : متى ما انا ابي.. وعن اذنج الحينه بخليج ..يالله باي

اشواق ماسكه الموبايل : دومك جي تصك على ويهي بس ما عليه ..بتعرف منو اشواق



ساره بعد ما راح فهد واقفه مكانها وهي منقهره وتدمع

الريم يت : ها ساره شو رايج بالاغراض

الريم تشوف ساره : ساره بلاج حبيبتي

ساره : الريم فهد من متى يرد على اشواق ويكلمها عادي

الريم : والله ما ادري

ساره : بهالسهوله نسى اللي كان بينا

الريم : مستحيل فهد ينساج بس هو يبى يعذبج

ساره : بس خلاص خذت درس عمري ما بنساه

الريم : بس فديتج مسحي دموعج ..

ساره : عمري ماتوقعت انه ينساني بهالسهوله

الريم : زين يالله انسى الحينه ترى ملجتي باجر ان شاء الله ما ابي حد يكون زعلان

ساره تبتسم : هيه صح ..السموحه خربت عليج وناستج

الريم : لا حبيبتي انتي محليه وناستي ..

ساره تبتسم : يالله باجر ان شاء الله بتشوفين القلب

الريم ويها احمر : سكتي مستحيه مووووووووووت

ساره مستانسه لفرحة الريم لانه باجر ملجتها ..



محمد يكلم خالد : تصدق اني مستانس حدي

خالد بحزن : الله يهنيك

محمد : بلاك خالد ليش زعلان من كم يوم وانت مب ع بعضك

خالد : ماعرف بلاها ساره ماترد على اتصالي ولا مسجاتي تغيرت وايد

محمد : يمكن عندها ظروف ... وبعدين الف مره اقولك لا اطرش مسجات البنت متزوجه مب حلوه

خالد :متى تودر فهد متى ..انا شارنها ..وابيها

محمد : يعني ما تبى شيخه

خالد : الله يهديك بعد يبت سالفة شيخه ..ترضى اتزوج بنت عمك وانا افكر بغيرها

محمد : الصراحه لا ما ارضى عليها شيخه انسانه طيبه ومحترمه وما اتمنى لها الا الخير بالذات موقفها عمري ماراح انساه ..

خالد : عيل لا اتييب طاري شيخه اتعذب بروحي ولا ارضى اعذب غيري ..



ساره وهي ويا الريم يتجهزون لمجلتها

والريم كانت ‘آ يه من الجمال ..لبست اللبس الوردي ورفعت شوي شعرها .وخلت شوي من الكرستال على شعرها ومكياجها كان وايد حلو ..

الريم / ها ساره شرايج فيه

ساره : ماشاء الله ايه من الجمال ربي يحفظج

الريم خذت ايد ساره على قلبها : وي شوفي كيف قلبي يدق بسرعه

ساره وهي حاطه ايدها على قلب الريم: هههههههههههه هي والله كانه حصان يركض

الريم : ههههههههههه تعايبين عليه بعد

ساره: يالله بسرعه الريال اكيد ياي

الريم : يبالي اول شي اوقع

ساره :يعني اكيد موافقه

الريم : اكيييييييييييييد طبعا في انسانه بالكون ترفض محمد

ساره : ها بدى الحب اي بدى قولي خاشه الحب بس اونج ما تبينين

الريم ويها احمر : ساره كشفتيني

ساره : هيه يا ماما مب عليه هالحركات

الريم تضحك



ساره لابسه بدله حلوه وبسيطه بلون البرونزي وفاتحه شعرها العسلي وحاطه مكياج خفيف بنفس لون لبسها ..



فهد دخل وهو مايعرف ان ساره موجوده

فهد : ها الريم جـــ........

فهد شاف ساره

ساره صدت تشوفه ..

فهد كان يبى يطلع بس قال الا يقهر ساره

فهد سار عند اخته وكانه ما شاف ساره

فهد : الله عليج اختي ماشاء الله شو هالجمال كله

الريم منزله راسها : تسلم اخويه كلك ذوق

ساره : شحالك فهد

فهد صد : اوووووووووووه تصدقين ما انتبهت لج

الريم شافت فهد : كيف ما انتبهت

فهد : ما حسيت بوجودها اصلا

ساره وفيها صيحه ..

الريم : ما قلت شرايك بجمال ساره انا قلت حق ساره خلا ما تنزل اخاف تاخذ مني جو الملجه من حلاها

فهد وهو يكلم الريم بس الكلام موجه لساره : الريم ترى الجمال والحلاه مب بالشكل جمال الروح اهم .. هو اللي يتم يمكن نحن غلطنا قلنا اكيد مدام هي حلوه قلبها بيكون صافي وحلو بس شفنا العكس يعني جمالها ما نفعها

ساره عصبت : بس كافي كافي ارحمني يا فهد بس خلاص شو تبى تبى تودرني اوكي يالله طلقني اشوف يالله شو تتريه

فهد وقف ماقال شي ..

ساره : يالله طلقني مب قلبي خايس مب انا خاينه طلقني وافتك مني .. وكون لاشواق وحبها يالله

فهد : ياريت عندج قلب مثل قلب اشواق اللي تحاتيني وتهتم فيه

ساره : زين روح عنده شو شايبك هنيه

فهد : ياي عند اختي .. مب عندج

ساره تحس بجرح كبير: زين ليش ما اطلقني عيل يالله

فهد سااااااااااكت

ساره : شوف انت جذاااااااااااب انت اصلا تحبني بس تبى تبين العكس ..واكبر دليل انك ما تبى تطلقني

فهد يبى يبين العكس : حاااااااااااااضر يا مدام انتي ..

الريم بصريخ : لاااااااااااااااااااااااا اااااااااااااا يا فهد والله ما تقولها فهد

فهد غمض عيونه وسكت

ساره استغربت فهد كان بيطلقها لو ان الريم ما منعته

ساره فتحت عيونها وهي تصيح طلعت برع

الريم : فهد انت شو تخبلت ..تعرف اذا طلقتها ما تقدر تردها

فهد : هي نرفزتني وايد واثقه من عمرها

الريم : فهد دخييييييلك لا تتهور وتندم ع هالشي طول حياتك

فهد : الله يلعن الابليس..

الريم : الحينه ساره تصيح بيوم ملجتي ..يعني لازم تخرب عليه ملجتي يا فهد ..روح راضها

فهد / تخسي والله بعد اللي صار انا اراضيها

الريم : وملجتي يعني ساره ما تحضر

فهد : حضرت ما حضرت كيفها ..يالله نروح تحت وتوقعين لان الملاج يتريه

الريم : هو بيشوفني الملاج ( )

فهد : لا ..بس بتوقعين بغرفه ثانيه بعدين محمد بييه

الريم سمعت اسم محمد وقلبها يدق بسرعه وسكتت ماقالت شي





طبعا الريم نزلت عسب توقع وبعدين دخل محمد اللي انبهر بجمالها

وهم بالغرفه : مبروك عليج يالريم

الريم بحياء ومنزله راسها : وانت بعد مبروك عليك

محمد : انا بحلم ولا علم ..معقوله تحقق حلمي والريم واقفه ويايه ..( يتنهد ) ااااااااااااااااااااااااه لو تعرفين يالريم من متى اتريه هاليوم اللي اشوفج فيه ..

الريم مستحيه منزله راسها

محمد مسك ويها عسب يرفعه : رفعي راسج خلا اشوف هالجمال

الريم رفعت راسها ويوها مثل الطماط ..

محمد : فدييييييييييييت هالجمال والله عساني ما انحرم منج

محمد والريم يلسو شوي ويا بعض بعدين كل واحد راح البيت بس طبعا بينهم مكالمات ..

ومحمد بما انه رومانسي ما قصر طلع كل اللي بخاطره



ساره تمت بغرفتها كل ماتذكر ان فهد كا ن يى يطلقها تصيح زياده ..لانها كانت متوقعه ان فهد مستحيل يفكر يودرها بس بعد ماشافت قسوة فهد .. خاب ظنها ..

[دموع العاشقين]

الجزء الواحد والخمسين




وبعد ملجة الريم ومحمد
طبعا بهاليوم محد قدر ينام من الفرحه



بس شي ناس ما قدرو ينامون من الهم والحزن وهم



ساره لان فهد قسى عليها وايد

وفهد اللي يفكر بساره ويفكر اذا يردها ولا

وخالداللي مستغرب من تغير ساره



###############



وفي اليوم الثاني



ساره قررت تتصل في الريم عسب تحاول ترج لفهد قد ما تقدر وطبعا اتفقو على شي .. بدون فهد مايعرف



الريم : اوكي عيل اتفقنا

ساره :الله يعين



وبعد ساعـــــــــــــــات



فهد كان بغرفته يبى يطلع وهويالس يعدل الغتره (الشماغ) الريم تركض عند فهد

الريم وهي متوتره : فهد فهد

فهد مستغرب: شو فيه يالريم

الريم : ساره ساره

فهد فتح عيونه واتوتر : بلاها ساره

الريم وهي تمثل : ساره وايد تعبانه اغمى عليها البارحه وهي وايد تعبانه

فهد وقف مكانه ما يعرف شو يسوي يروح يمين ويسار فهد : ها شووو ومتى صار هالشي .. يالله بروح

الريم تمسك فهد : وين

فهد وهو خايف على ساره : بروح عندها بعد وين

الريم : ليش بتروح عندها

فهد مستغرب : بلاج الريم توج تقولين ساره تعبانه بروح اشوفها

الريم : يعني مهتم

فهد : مهما كان هاي زوجتي وما احب لها الضرر

الريم : زين انا بعد بروح وياك

فهد : ماعندي وقت ابي اطمن عليها

الريم : زين اصبر..

الريم خذت فهد بالغرفه الثانيه

الريم تفتح الباب : ادخل ودقيقه بييه

فهد : انتي تخبلتي اقولج بروح عند ساره وتقولين ادخل

الريم : زين اصبر دقايق وبرد عليك

الريم صكت الباب ..

وفهد يوم صد شااااااااااااااااااااااف

ساره واقفه ( ساره لابسه بدله غاويه (حلوه) بلون الاحمر والبيج وفاتحه شعرها وكانت قممرررر..

فهد استغرب شاف ساره وعرف انها تمثيليه وهو يبى يطلع

ساره راحت عنده : فهد

فهد معطي ساره ظهره : يايين تتجذبون عليه

ساره : فهد دخيلك ابي اكلمك

فهد : شو تبين .. انا ما ابيج

ساره والحزن بنبره صوتها راحت وتقربت منه : لا انت يا فهد تحبني وكافي انك خفت عليه يوم الريم قالت اني تعبانه ..

فهد :ساااااااكت

ساره : فهد ايلس ابي اكلمك دقايق

فهد معطي ساره ظهره ومطنشها

ساره مسكت ايده : عسب خاطري .. الله يخليك شوي بس وبعدين اللي تبى راح اسويه وبودرك اذا تبى

فهد غمض عيونه يوم ساره قالت انها بتودره

ساره مسكت ايد فهد ويلس وياه بالغنفه

فهد منزل راسه وساره عنده تلعب باصابعها ماتعرف كيف تبتدي

ساره: فهد اسمع اللي بقولك اياه وبعدين ع كيفك احكم

فهد : سااااااااكت

ساره : انا اعترف بغلطتي بس انت السبب خذتني من انسان كان خطيبي بيوم من الايام وخذتني بالغصب وطبعا هالشي مب عذر باني اخونك صح .. بس بعد انت غلطان لانك هدمت حياتي ويحاة خالد .. والعذاب اللي تتعذبه ترى خالد تعذبه

فهد عصب : شو يعني تبين تبررين موقفج

ساره : لا ما ابرر موقفي .. بس انا ما قدرت انسى خالد والمسجات والاتصال اعترف هو اللي يتصل مع اني حاولت امنعه بس هو اصر وانا اعترف اني غلطت ولازم ما ارد عليه .. بس يا فهد كل واحد غلطان والغلطه الاكبر غلطتك لانك خذتني عن خالد

فهد : بس مب مني ..حاولت اشيلج من بالي بس ما قدرت حبيتج يا ساره والله حتى بشهر العسل تعلقت فيج زياده مع انج شوي كنتي تجافيني بالبدايه طبعا ..

ساره : هالشي صح ..ويوم اتذكر خالد اقسى عليك .. وانا كنت اتمنى الطلاق منك

فهد شافها بطرف عينه وبقهر

ساره : تمنيت هالشي بس يوم شفت دموعك وعذابك بهاليوم وكلامك تعذبت اكثر بالذات كلام الريم ودخولك المستشفى واني ما صنت ريلي وخنته يعني رب العالمين حتى مب راضي عليه لان طاعة الزوج واجبه وانا ما فكرت حتى بهالشي .. ويوم شفت اللي استوالك فكرت اكثر بالذات يوم ابتعدت عنك عرفت ان لك غلا بقلبي واني تعودت على كلامك ووجودك واللي يحس بفقد الشخص يحس بغلاته ..

فهد : يعني اونج حبيتيني

ساره : ماعرف احساسي بس اللي اعرفه اني ندمانه واني محتاجتلك .. وعرفت ان الايام اللي عشتها بدونك كانت ايام مره

فهد وقف ومربع ايديه : وتبيني انسى انج خنتيني

ساره وقفت معاه : انا بررت موقفي

فهد : بس انا ما ابيج خلاص

ساره والدموع خلاص بعيونها : شو تبى اكثر اسوي اتاسفت الف مره وكنت صريحه معاك شو تبى اكثر ها قول

فهد ساكت

ساره : خلاص قول انك ما تباني ولا تحبني وانا بخليك بخليك تعيش بدوني يمكن تحصل الراحه وعن اذنك

فهد ..شاف ساره رايحه

ساره صدت : فهد اخر مره اقولك تباني ولا لاء وصدقني اذاما تباني قولي الحينه واوعدك انك ماراح تشوفني موليه(أبدا) .. وراح تنسى ان بحياتك وحده اسمها ساره .. يالله جاوب تباني ولالاء

فهد منزل راسه ساكت

ساره : فهد قول هي ولاء ..

فهد ..مارد عليها

ساره : معناتها ما تباني خلاص راح اخليك تعيش بدوني يا فهد واسمحلي ع كل شي

ساره وهي رايحه

فهد يوم حس ان ساره بتروح من ايديه ماقدر يستحمل اكثر زقرها ( ناداها ) | : ساره

ساره صدت ..تشوفه

فهد تقرب اكثر: مهما تسوين ما اقدر اتخلى عنج

فهد مسك ايدها : لانج بداخلي حتى نزواتج راح انساها لاني انا بعد غلطت بحقج يعني كل واحد غلط بحق الثاني

ساره بابتسامه : يعني تباني وتحبني

فهد بابتسامه تذوب القلوب : اذا انا ما احبج احب منو عيل .. انتي كل دنيتي وعالمي .. اصلا انا من دونج بقايا جرووووووووووح .. انا لج وانتي لي .. انا مجنونج يا ساره انا مجنون ساره

سار ه ابتسمت واستحت ونزلت راسها ..

فهد :بس لازم نبتدي صفحه يديده

ساره رفعت راسها : خلاص اوعدك اني اتغير وانا ببتدي حياتي معاك من اول ويديد

فهد : يعني عادي اتغزل فيج ..

ساره راحت عنه و استحت : هيه بس شوي شوي عليه تراني استحي

فهد : فديييييييييت الحيا منج .. يعني نحن معاريس يداد

ساره برقه: هيه

فهد اييب ساره صوبه : عيل بما انا نبتدي حيانا من اول ويديد من باجر راح احجز لي ولج في برج العرب على احلى وارق غرفه لاحلى وارق ساره بالكون

ساره : باجر

فهد : هيه من باجر خلاص خلا نبتدي حياتنا من اول ويديد وصدقيني راح اسعدج يا ساره وما راح اخليج تعرفين غير اسم فهد .... بس انتي لازم تعطيني فرصه

ساره : الفرصه جدامك

فهد وساره ردو لبعض وكل واحد عرف غلطته .. وساره حاولت تعطي عمرها فرصه ثانيه وتبتدي حياتها من يديـــــــــــــد

..
الريم فرحت بهالخبر وايد .. وحست ان اخوها واخيرا بعيش بسلام وحب وحنان اللي محد قدر يعوض عليه بعد وفاة امه وابوه



بس ساره قبل ما تبدي يا فهد بايام شهر العسل او ايامها الحلوه مع ريلها فهد ..قررت تروح عند خالد طبعا بعد استئذان فهد وتواجه خالد ........





خالد بغرفته

ساره دخلت وسالت نوره عن خالد

ساره دخلت غرفته وطبعا الباب مفتوح ونوره باالصاله

خالد بغرفته وهو يرش العطر يبى يطلع شاف من الجامه ( المنظره )اللي بغرفته ساره

خالد صد وشاف ساره واستغرب

ساره وايد مستحيه من هالموقف

خالد بابتسامه وفرح راح عندها : ساره انتي هنيه انا بحلم ولا علم

ساره رفعت راسها : اشحالك خالد

خالد : حالي قبل ما اشوفج ظلمه بس يوم شفتج رديتي النور اللي بحياتي

ساره وهي متوتره : خالد بقولك شي

خالد : انا اللي بقول وينج يا ساره ليش ما تردين عليه وايد كنت احاتيج

ساره ماتعرف كيف تبتدي : خالد ابي اقولك شي بس الله يخليك افهمني

خالد حس ان السالفه جد والسالفه فيها شي

خالد عاقد حواجبه : خير يا ساره حيرتيني (خوفتيني )

ساره وهي تبلع ريجها : تذكر يوم قلتي مره انك ماراح تتخلى عني الا اذا انا طلبت هالشي

خالد : هي اتذكر لان حبنا متبادل وانا لين الحينه عند كلمتي ..مستحيل اتخلى عنج الا اذا انتي ما تبيني

ساره: : ولين الحينه عند كلمتك

خالد : اكيد .. انا اباج يا ساره وشارنج

ساره: اسمع يا خالد انا قسيت على فهد قد ما اقدر لين ما كشفنا وصارت لي مشاكل .. ويوم ابتعدت عنه حسيت اني غلطت بحقه وبحق الريم ربيعتي وعصيت ربي بهالشي

خالد توتر : والمعنى

ساره وهي منزله راسها : المعني اني قررت ارد لزوجي واكون زوجه مخلصه له وانت الله يوفقك مع غيري

خالد انصدم وقف مكانه وحاول يحبس دموعه وبصوت حزن : انتي شو تقولين قصدج تبين ريلج وتبين علاقتنا تنتهي
ساره ادمعت : اسمحلي ,..اعرف اني غلطت بحقك وانت اترييتني وايد ..بس بعد فهد ريلي وحرام اللي اسويه فيه وهو محتاج للحب والحنان اكثر مني ومنك كافي اللي استوى فيه متعذب 20 سنه من بعد ماصار له .. وهو صاني وحبني واخلصلي يعني المفروض اصونه

خالد صد صوب الثاني يحاول ما يبين انه متضايج : يعني قصدج خلاص نودر بعض

ساره : تذكر يا خالد يوم قلت انك راح تودرني وتزوج غيري يوم انا بييلك وبقولك انساني ..وانا ييت واقولك انساني يا خالد لاني خلاص بكون لزوجي فهد اللي ماشاف مني غير العذاب والظلم والخيانه .. ولازم اعوض عليه هالشي

خالد صد وشافها وبعصبيه : وحبنا يا ساره ؟ووعدج لي

ساره : حب الزوج لزوحته اكبر من اي شي .صح اني وعدتك ..بس اتخلى عن هالوعد اهون من اني اظلم ريلي واخونه واتخلى عنه .. افهمني يا خالد ..وانت انسان طيب ومحترم وكل وحده تباك

خالد بصوت حزين : يعني اخر كلام لج

ساره : اسمحلي

خالد وهو ماسك دمعته : انا قلت لج يا ساره اذا بيوم من الايام حبيتي ريلج ماراح امنعج انا كنت اباج لانج ماكنتي تحبين ريلج .. وما حبيت انج تتعذبين بس مدام حبيتي فهد خلاص ها هو الاهم عندي ترى سعادتج من سعادتي .. ويوم اشوفج مستانسه حتى ( مغمض عيونه وبحزن يقولها )حتى لو مع غيري .. هني صدقيني بستانس اللي يحب صدق يتمنى لحبيبته السعاده واتمنى لج السعاده يا ساره لاني اعرف اذا غصبتج انج ترديلي راح تتلومين في فهد وانا ما ابيج تندمين لانج خذتيني مدام اخترتي هالقرار.. خلاص الله يوفقج .. وانا بحاول انساج يا ساره ..بس بعد بعتبرج بنت خالتي ولا ممنوع

ساره وهي تصيح : لا طبعا لو شو ماصار بتم ولد خالتي اللي يخاف عليه ويعزني

خالد : خلاص يا ساره الله يهنيج وين ما تكونين ..

ساره تشوفه وهي تصيح بوخاطرها تقول ماتوقعت ان قلب خالد كبير وانه بيتمنالي الخير حتى لو مع غيره

ساره بحزن : : يعني اطمن مب متضايج مني

خالد ماسك نفسه ويحاول يحبس دموعه وحزنه : خلاص قلت لج سعادتج من سعادتي ومدام انتي لقيتي شريك حياتج انا بحاول انساج بحاول

سار ه : اتمنى لك كل السعاده يا خالد .. وان شاء الله تحصل وحده احسن مني .. لانك انسان طيب وخلوق

خالد : الله يسعدج يا بنت خالتي

ساره طلعت من غرفته ...



اما خالد فخذ نفس ويلس وهو يصيح والدموع تنزل منه غصبن عنه ..:

خالد والدموع بعيونه : مستحيل احصل شراتج يا ساره انتي حبي الاول وحب الاول عمره ماينسى

وقال خاطره بصوته ودموعه على خده

(( أكذب عليك ان قلت بنساك

ان قلت ببعد خاطري فيك

لا تصدق لو تركنــــــــاك

قلبن يحبك ما يخليك

أحلى الليالي كانت وياك

تهديني اجمل الحب واهديك

( وهني خالد تم يصيح من خاطره لانه عرف ان ساره ماراح تكون له .........وانه فقدها للابد))

شلة ( أكذب عليك ) للشاعر البدواوي

ساره بعد ماردت تمت تفكر بخالد وايد

ساره بخاطرها (( يالله ماعرف اللي سويته صح ولا احس اذا رديت لخالد احس اني ظلمت فهد.. ويوم ارد لفهد احس اني ظلمت خالد..والله الاثنين يغمضون ))





سالم وهند

هند وهي ترتب الشنط وتتحرطم

سالم متلبس ..ومتكشخ وهو يغني

سالم يتعدل جدام المنظره : دان وداااااان اوووه مممم دان وداااان ..

هندمعصبه : والله حرام ما كملنا الا كم يوم هني..وانت تبانا نرد البلاد ليش ماعرف

سالم : عندي اشغال

هند : يالله عاد اونك تسوي عمرك بزنس غصب

سالم شافها بنظره حقد

هند طنشته

سالم : شو يعني مب عايبنج

هند : لا مب جي .. بس ما تميت وايد

سالم : شهر العسل بس كم يوم مب شهر

هند : ليش انت مليت مني

سالم : لا مامليت بس عندي اشغال

هند : يالله ان شاء الله نعوض باجي ايامنا حتى لو بعد السفر صح حبيبي

سالم من غير نفس : هيه اكيد



#############################



نوره وعبدالله

نوره وهي بغرفتها

عبدالله بالصاله ويا امه

ام عبدالله : صبلي القهوه شوي .. ما تقهويت اليوم

عبدالله وهو يصب القهوه : ان شاء الله امايا

عبدالله ماسك الفنجان : تفضلي

ام عبدالله : دام فضلك يا وليدي

نوره هني توها يايه تبى تيلس وياهم بس سمعت اسمها وقفت مكانها من وراء غرفتها

ام عبدالله : ها يا عبدالله .. شو مرتك ما حملت

عبدالله تغيريت ملامح ويه : لا والله بعدها

ام عبدالله : غريبه وايد تاخرت

عبدالله: هالشي مب بايدي ولا بايدها ..التاخير من رب العالمين

ام عبدالله : ونعم بالله ..بس الحينه نحن بنكمل سنه غريبه يعني طولت هالكثر

عبدالله : التحاليل كلها سليمه

ام عبدالله : ودي اشوف عيالك يا ولدي انت اكبر عيالي يعني البجر

عبدالله : ان شاء الله والله كريم



نوره دخلت غرفتها وهي تصيح .. حست انها بتفقد عبدالله ..وخافت يتزوج عليها

عبدالله دخل شاف نوره تصيح

عبدالله بسرعه راح عندها : شفيج يا عمري

نوره تمسح دموعها : مافيني شي

عبدالله: وهالدموع

نوره : بس جي

عبدالله : نوره بلاج قولي انا ريلج

نوره : مافيني شي مافيني شي

نوره راحت عنه اما عبدالله فاستغرب وايد من نوره وقال بيخليها لين تهدى ..

وفي اليوم الثاني

في برج العــــــــــــــــــــــ ـــــرب

اللي العيون مستحيل ما تنبهر بجمال هالبرج من فخامة المكان ورقيه والاماكن المطليه بالذهب .. وكان صدق كل شي فخم وغاوووووووويييييييييي ولا بالاحلام

ساره وهي تشوف البرج من داخل : واااااااااااو خيال

فهد : تشوفين هالمكان كيف روعه

ساره : هيه والله روعه

فهد يشوفها : بس انتي اروع يا بعد هلي

ساره ابتسمت : تسلم عيونك الاحلى

فهد : بعدج ما شفتي الجناح اللي حجزته لنا

ساره دخلت غرفتها في برج العرب ومب كانه غرفه مكان وااااااااااااااسع وفخم وراقي كل شي حلو

ساره وهي تشوف الغرفه : عمر ي ماتوقعت برج العرب بهالحلاه

فهد: يالله شفتيه عن خاطرج

ساره : الصراحه احلى من الحلو

فهد : عيل انا بروح اقولهم خلا يجهزون العشاء

ساره : وانا بروح ابدل ملابسي

كل واحد مسوي مفاجاه للثاني طبعا بدون محد يدري بالمفاجاه

فهد راح ياب كيكه وصورة ساره عليها وحاط شمعه وحده .. وطبعا مع بطاقه حلوه.. ومع اربع ورود حمر



اما ساره فالمفاجاه هي



ساره ا لبست فستان عرسها للمره الثانيه ورفعت شعرها وخلت مكياج بسيط وحلو وتعطرت ..



فهد بعد ما خلاهم يجهزون العشاء وياب الكيكه .. طبعا مع اربع ورود حمر وكل ورده بداخلها بطاقه صغيره ..

فهد وهو يتريه ساره

ساره يوم طلعت من غرفة الملابس بفستان العرس

انبهر فهد وقف مكانه مستغرب معقوله هاي ساره

ساره بخجل راحت عنده : شرايك بالمفاجاه

فهد فاتح عيونه: انتي ساره

ساره تضحك : ليش

فهد : بفستان العرس

ساره : هذاك مب كانه فستان عرس كان يوم عادي او يوم قاسي وعرسنا الحينه ابتدى

فهد مسك ايد ساره وحب ايدينها : يا عساني ما خليت( انحرم ) منج ..

ساره ابتسمت : ولا منك

فهد : تعرفين اتمنى هاللحظه من زماااااااااااان اااااااااااااه يا ساره لو تعرفين كيف السعاده تغمرني بهالوقت

ساره : وانا راح احاول اعوضك عن كل شي .. انت يا فهد ما قصرت فيه صنتني وحبيبتي وتحملتني

فهد : كل شي عشانج يهوووووووون يا اغلى ناسي

ساره شافت الكيكه عليها صورتها

ساره: الله شو هالكيكه ..

فهد : اصلا الكيكه مب حلوه اللي محلي الكيكه صورتج

ساره ابتسمت وشافت شمعه استغربت : فهد ليش حاط شمعه وحده

فهد : لان حياتي ابتدت من الحينه يعني عمري كانه سنه باجي ايامي مالها معنى انا بهالسنه اعيش..وهالشمعه بعد معناتها ان قلبي وقلبج واحد

ساره تشوفه وبخاطرها (( كيف ما حسيت بحبك لي كيف اهملتك انت انسان تنحب من اول نظره ))

فهد مسك ايد ساره ويلسها وعطاها الورود

ساره : اربع ورود حمر

فهد : وكل ورده لها بطاقه صغيره اقري شو المكتوب

ساره خذت الورده الاولى وفتحت البطاقه وشافت حرف ( أ) وفتحت البطاقه الثانيه وشافت حرف ( ح)

والورده الثالثه ( ب) والاخيره ( ج )

فهد قالها بصوت عذب: الكلمه هي احبج يا ساره

ساره استحت وايد ونزلت راسها ..فهد وايد رومانسي

فهد: خذي اقري هالبطاقه بعد

البطاقه مكتوب فيها

(( أحبــــج وبحبج طول حياتي

ياللي الحب ما انكتب الا لاجلج

ياللي كلمة احبج محد يستاهلها سوااااااااج

هيه احبج وبحبج العمر كله

وبنثر ورود العالم باسمج ..لاجل ابين غلاج

ياللي حبج تغلغل بداخلي وبدمي ..

ياللي ما عرفت الحب الا معـــــــــاج

(( كلمات الكاتبه فاتنة دبي))








ساره رفعت راسها وهي مستحيه

فهد : والهديه راح توصلج بعد ايام

ساره : كافي هالشعور كله احلى هديه عندي

فهد تقرب منها اكثر وبصوت واطي : لو اكتب من اليوم لين باجر ابيات شعر وغرام مستحيل اوفي لو جزء بسيط عن اللي بداخلي ..

فهد : ساره غمضي عيونج شوي

ساره على نياتها غمضت عيونها ..

فهد حب ساره على خدها ..

ساره صدت صوب الثاني ويها استوى قوس قزح ..استحت وايد

فهد : بلاج

ساره : فهد .. يالجذاب قلت بتعطيني هديه

فهد : يعني حرام احب مرتي.. ترى انتي قلتي انا معاريس يداد .. ويحليلي ما خليتيني المس شعره من ايام الملجه لين الحينه .ولا بعد ممنوع

ساره بعدها مستحيه : بس انا استحي تعرفني عدل

فهد : خلاص يا عمري .. يالله نيلس عسب نتعشى







ساره بدت تحب فهد .وتحس بغلاته وجيمته ..

وهاليوم يوم لا ينسى لفهد وساره



وهاليوم بداية حياتهم الحلوه ....



##############################



اما هند وسالم بعد ما ردو من شهر العسل او ما اعتقد انه شهر العسل

سالم دخل غرفته بسرعه وهو تعبان يى ينام

هند سلمت على امه واخته

ودخلت شافت سالم نايم

هند : عفان الله مسرع ما نمت توك ياي

سالم : تعبان بلاج

هند : زين ايلس ويايه شويه

سالم : عندج اهلي يلسي وياهم لين ما تبين انا تعبان

هند : هي والله اروح عندهم احسن



هند وهي يا ام سالم واخته الفضوليه عاشه

هند بدلع : الصراحه ميته يوووع ما شي عشاء

عاشه : جي تشوفين فندق .. توج يايه من السفر

هند انقهرت : وانتي جي تكلميني جذي

عشاه : مادري عنج لا سلام ولا كلام

هند : مب متفيجه

عاشه ..طنشتها

ام سالم : شو تبين اقول للخدامه تجهزلج العشاء
هند : بروح روحي اقولها

عاشه : اقول هند شو وين الصوغه ما يبتي لنا شي من شهر العسل

هند تشوفها بنظره : جي انا رايحه عسب اييبلج اغراض .. شوفي اغراض دبي حلاتها خذي اللي تبينه ..وبعدين انا مب رايحه عسب اتشرى حق الغير ..انا رايحه ويا ريلي عسب نستانس ..عفان الله من اول يوم تسالين عن الاغراض

عاشه عصبت : ايه انتي بلاج ..انا اتغشمر وياج وجي كلتيني

ام سالم : بس سكتو ..توه سالم راح ينام

هند : هيه والله بروح عند ريلي احسن

عاشه : روحي راحت روحج ان شاء الله

ام سالم تسكت بنتها

هندبعصبيه / : شو قلتي

ام سالم : ماقالت شي...روحي عند ريلج شوفي شو يبى

هند راحت الغرفه

ام سالم : بلاج على البنت لاتنسين انها حرمة اخوج حشى من اول يوم تضاربون

عاشه : اصلا انا من ايام الملجه ما ادانيها ما احبها شايفه نفسها ما ادري علىشو .. لا احترام ولا شي .. وانا اللي ما يحترمني والله ما احترمه لو شو ما يستوي ...



###################################



محمد وهو يالس ويا امه ..

محمد : ها امايه شرايج بالريم

ام محمد : ماشا ءالله عليها مزيونه انا بس كم يوم رحت بيتهم الصراحه تخبلت عليها صدق عرفت تختاريا محمد بنت عوايل ..

محمد عاد شوي وحلجه بينشق من الفرحه : قلت لج ذوقي حلو

ام محمد : هيه صح ما خبرتك

محمد : خير

ام محمد : شيخه بنت عمك

محمد متحمس : بلاها

ام محمد : انخطبت اليوم ..

محمد تضايج : والله

ام محمد : هيه والله اليوم وبعد اسبوعين الملجه ان شاء الله الصراحه شيخه الف واحد يتمناها

محمد تضايج لانه كان يتمنى شيخه لخالد ..

ام محمد : بلاك محمد ليش زعلت لا يكون ندمان لانك ماخذتها

محمد : لا شوو..الحمد لله مستانس ويا الريم بس الصراحه كنت ابي شيخه لربيعي ..لان شيخه بنت والنعم فيها ..وماكنت ابيها تكون الا لربيعي

ام محمد : خلاص الله ما كتب لهم النصيب الله يرزقه ببنت الحلال

محمد : امين



محمد راح عند خالد وطبعا خالد تغير وايد بعد ماساره ودرته

محمد يحاول يونسه قد مايقدر بس الحب الاول عمره ما ينسى بسهوله.

محمد وهو واقف ويا خالد عند البحر

محمد ماسك كتف خالد : بس يا خالد لين متى بتعذب روحك الحينه البنت بذمة ريال ثاني وانت روحك قلت اذا هي يت وقالت انها ماتباك راح تودرها

خالد مربع ذراعه : هيه صح قلت هالرمسه بس ما توقعت ايه هاليوم وساره تتخلى عني

محمد : بعد ساره ما غلطت

خالد صد شاف محمد

محمد : لاتزعل مني ..بس انت اذا ساره زوجتك حتى لو خذتها بغصب تحب تكلم غيرك وتخونك ..مهما كان هاي عرضك ..صح .. ولازم تخلص لريلها لانه واجب عليها

خالد : وانا كيف بعيش قولي كييييف

محمد : الصراحه كنت اتمنى شيخه تكون من نصيبك بس شيخه للاسف انخطبت

خالد : الله يهنيها اصلا انا ما افكر اتزوج
محمد عصب : لا والله يعني ساره وفهد يستانسون وانت تخرب حياتك .. حياتك لازم ما تتوقف ببعد ساره .. الحياه لازم تستمر

خالد : حياتي مالها اي معنى بدونها .. هي كانت كل املي بهالدنيا

محمد : والله ماعرف شواقول

خالد بحزن: يالله الله كريم .. المهم ترى ما باجي شي على عرسك واذا بغيت اي شي ترى انا حاضر وعلى فكره ترى الكوشه انا بختارها وعليه الحساب ..

محمد : ليش اتعب نفسك

خالد بابتسامه بس حزينه : افا عليك يا بوجاسم انت اكثر من اخو .. عاد مب فهد يكون نسيبك يعني اخو زوجتك تودرني

محمد : افا عليك .. انت بعدك ماعرفت غلاك عندي ..انت يا خالد الصديق اللي عمره ماابيعه لو شو ما يصير مب كل حد يحصل صديق مخلص بهالايام ..

خالد :سلمت يا محمد سلمت



خالد لين الحينه حب ساره بقلبه وبدمه وصح ان قال لساره انه راح ينساها بس هو يحاول بس مب قادر ..



اما ساره فحياتهم من اروع اللحظات ...اللي كل زوج وزوجه يتمنون هالحياه المليئه بالحب والحنان



ساره تراوي الفستان لفهد

ساره ماسكه فستان اللي بتلسبه بعرس الريم : ها يا فهد شرايك بالفستان

فهد : توه الناس باجي شهر

ساره : يعني ما باجي شي

فهد يغمزلها : اكيد حلو مدام انتي مختارتنه وبيكون احلى يوم بتلبسينه

ساره استحت : فهد

فهد تقرب منها ومسك ايدها : ما ابي اسمع اسم فهد

ساره استغربت ..

فهد بابتسامه : ابي اسمع كلمة حبيبي ..مب انا ريلج ومن حقج ادلعيني ولا بس تاخذين الحب والدلال مني

ساره ويها مثل الطماط : فهد عاد استحي

فهد: ليش شو قلت ..ولا بعدج ما تحبيني

ساره : بلا

فهد يبى يحرجها : شوو

ساره : اللي قلته

فهد : ما قلت شي

ساره : فهد عاد

فهد : زين شووو قولي

ساره بكتب استحي اقولها

فهد : زين كتبي

ساره كتبت بالورقه (انا احبك)

فهد : وليش كاتبتنها

ساره حاطه ظفرها بحلجها : استحي

فهد : بس ابي اسمعها منج هالكلمه

ساره : والله استحي

فهد اونه زعل : خلاص اصلا انتي ما تحبيني

ساره على نياتها : لا والله انا احبك

فهد صد صوبها وابتسم : قلتيها

سار ه كانت تبى الارض تنشق وتبلعها استحت : وي شو قلت

فهد : هالكلمه اللي اترياها من زماااااااااااااان ..

واخيرا قلتيها ..

ساره : كله منك جذبت عليه وخليتني اقولها

فهد : رديتي الروح اللي فيه بعد ما قلتي هالكلمه

ساره خلاص قلبها مثلا الحصان حدها مستحيه .قلبها يدق بسرعه .

فهد : اذا انتي تحبيني انا اموت على الهوى اللي تتنفسينه

ساره: فهد بس والله استحي

فهد : خلاص لا تستحين ترى انا ريلج ومابينا اي رسميات

ساره : هيه بس بعد استحي

فهد : يعني صدق صدق تحبيني

ساره صدت صوب الثاني : يعني مب مصدق يعني اجذب عليك

فهد : الصراحه مب مصدق وايد

ساره صدت تشوفه: كيف ابين لك

فهد اونه يفكر : مممممممممممممممم ابيج تقولين كلام من عندج يعني اهداء منج حقي بس الكلام نابع من قلبج
.. يعني الفي كلام حقي مب تعطيني اغنيه ابي كلام من عندج يعني انتي مألفه

ساره : ما عرف اكتب خواطر مثلك

فهد: اللي يحب يعرف يكتب ابيات من الخواطر

ساره : ماعرف

فهد : كيفج ..هذا شرطي ..لو مقطع صغير لو بيت واحد

ساره تفكر :

وقالت بصوت رقيق وعذب

(( يا ويــــــــــل قلبـــي شكثر مغليــك

ألقـــــى كل مره حبك يزيد يوم حد يطرريــــــــــك

ما أعتقـــــــد انساك لو مهما يصــيــر

لانك الوحيـــد اللي ما أبيـــعك لو مهمــا يصـــير..



فهد : الله الله شو هالكلام الغاوي بعد تقولين انج ما تعرفين تعبرين

ساره اونها استحت : والله صدق ماعرف

فهد: من بعد هالكلام مستحيل اصدقج ..كلامج وايد حلو بس معقوله حقي

ساره : اكيد طبعا .. وانا بعد ابي اسالك انا بقلبك لين الحينه ؟

فهد : اذا ودج تتاكدين حفري قلبي وبتشوفين اسمج فيه بس دخيلج لاتأذينه تراج انت فيه

ساره تشوفه بتامل : الله عليك يا فهد وين مخبي هالاحساس والحب كله

فهد مسك ايد ساره عند قلبه : بقلبي يا بعد هلي .. بس انتي ما خليتيني اعبر عن حبي الكبير



ساره تشوف فهد بتامل وكل يووووم يزيد حبها لفهد اكثر





اما خالد طبعا انسان بلا رووح

دايما متضايق وزعلان ..

ام خالد تشوف خالد وقلبها يتقطع اكثر على ولدها

ام خالد راحت عنده ف البلكونه : ها يا خالد شو تسوي

خالد : اشم شوي هوى

ام خالد : خالد تراك مب ع بعضك من اكثر من اسبوعين

خالد ساكت

ام خالد : شوف يا خالد ابي ارمسك بسالفه وما ابيك تعصب

خالد يصد : لببيييه يا امايه

ام خالد : خلاص يا خالد لازم تزوج .. الكل تزوج الا انته وتراك مب صغير يا خالد

خالد صد صوب الثاني : بس انا ما ابي اتزوج

ام خالد : ولين متى يعني بتم بهالحاله ترى اللي تفكر فيها خلاص تزوجت من زمان .. يعني ما شي فايده تترياها

خالد بخاطره ( ياليت اقدر اشيلها من بالي ))

خالد : الله كريم يا امايه ..واذا فكرت اتزوج اكيد بخبرج



اما الريم فتجهز حق عرسها

لان باجر هو عرسها والكل فرحان بهاليوم

حتى خالد مستانس لان عرس ربيعه اللي يعتبره اكثر من الاخو

[دموع العاشقين]

السلام عليكم

في أشيا بالقصة مانزلتها لكم
وانتو تذكروا القصة واربطوها ببعض..
اوكي


بعد ما فهد طلب من ساره انها تطلع من الغرفه ساره وهي بالسياره تلوم نفسها الف مره على اللي استوى

اما فهد
فهو بعده منصدم من ساره ما توقع انها تخونه وهو ع الارض يصيح من القهر ..
الريم يوم شافت ساره تطلع من الغرفه وتصيح ع طول راحت عند فهد بغرفته وشافته ع الارض
الريم يوم شافت فهد ع الارض راحت عنده ومسكته وبخوف الريم : فهد فهد بلاك
فهد والدموع ماليه ويه : مافيني شي
الريم : ما فيك شي والدموع تارسه (ماليه ))ويهك ..شو مستوي بينك وبين ساره
فهد مع كل اللي سوته ساره فيه بس بعد حب يستر عليها وما يقول للريم انها تكلم غيره : ما سوت شي بس ساره عذبتني بما فيه الكفايه وانا قررت ( يغمض عيونه وبقهر يقول ) قررت اطلقها
الريم فتحت عيونها ووقفت من الصدمه : تطلقها
فهد : هيه بس كافي عذااااااااااااب بس مب قادر استحمل لين هني وكافي
الريم مب مستوعبه كلام فهد : فهد انت بدون ساره مستحيل تعيش اعرفك يا فهد
فهد: وليش حد يقدر يعيش مع انسانه تسقيه العذاب والجفا كل يوم
الريم : شو استوى يا فهد .. اكيد صار شي اكبر مستحيل تطلب انت الطلاق جي ..
فهد : الله يخليج يا الريم خليني
الريم : مستحيل شوف حالتك كيف
فهد يكح بالحيل .. حس فجأه بالاختناق وحس الدنيا ظلمه بعيونه وفهد يحاول يفتح الازرار اللي بكندورته ( الشداشه ) لانه يحس بالاختناق ..
الريم تشوف ويه فهد تغير راحت عنده : فهد فهد بلاك بلاك
فهد يبلع ريجه بصعوبه : ماعرف يالريم احس باختناق بسرعه ييبي ماي
الريم وهي تصيح ما تعرف تتحرك من مكانها ..راحت بركيض اتتيب الماي ..بس فهد من كثر ما هو مدوخ ما يقدر يمسك الكوب ..
الريم ماتعرف شو تتصرف حست ان اخوها راح يموت
فهد مب حاس باللي يستوي فيه ..كل اللي حاس انه ما يقدر يتنفس ..
الريم تصيح وتتصل بالاسعاف ..وفهد ع ريولها وهي تصارخ وتصيح بس محد يسمعها
الاسعاف بسرعه يو ..وودو فهد للمستشفى

فهد وهو راقد ( نايم ) بالمستشفى
الريم وهي ميته من الصياح على اخوها
الدكتور طلع ..
الريم وهي تمسح دموعها : ها يا دكتور شو بلاه اخويه
الدكتور : الضغط عنده ارتفع بشكل كبير عسب جي حس بالاختناق ..وغير الصدمه اللي صارتله لان من شكله مبين انه مصدوم وافضل ان دكتوره نفسيه تشوفه طبعا بعد ماياخذ العلاج من عندنا
الريم: هو عنده دكتوره نفسيه خاصه فيه ..دكتوره ناديه
دكتوره ناديه يت بسرعه بعد ما الريم اتصلت فيها
دكتوره ناديه يلست عند فهد .. اللي ما قدر يرمس ولا شي لان حاطين عليه الاكسجين ..
الدكتوره طلعت وبحزن : شو صارله ليه هيك
الريم : بلاه اخويه
الدكتوره : حالته النفسيه كتير زادت ..هاد مب فهد اللي بعرفو .. شوفي كيف صار وجه ..كتير نحف ..شو صارله احكي يالريم
الريم : والله ماعرف شو استوى فيه .. اخوي تعذب اكثر توقعت اني ما بشوف الحزن والعذاب بحياته بس ( وهي تدمع ) الله يسامح من كان السبب
الدكتوره ناديه : خلاص حبيبت ألبي ما بتبكي .. ان شاء الله بعد ما بيصحى راح احكي معه ..بس ديرو بالكم عليه ترى فهد محتاج للحب والاهتمام..

الريم ما تبى تدخل عند فهد لانها يوم تشوف فهد وهو بسرير المستشفى تصيح اكثر

ساره بعد ما وصلت في البيت تمت تصيح
امها تدق الباب عليه : يمه ساره شفيج حبيبتي
ساره وهي منسدحه ع السرير: مافيني شي
الام : فديتج ساره فتحي الباب شوي عشان خاطري
ساره وهي تصيح راحت تفتح الباب : خير يمه
الام : ويييييييييي بلاج يمه ليش هالدموع
ساره ماتعرف شو تقول : ها ممم فهد شوي تعبان عسب جي اصيح
الام : فهد تعبان وانتي مودرتنه ويايه هنيه
ساره : قلبي يعورني عليه ما قدرت استحمل
الام بابتسامه : هي يا بنتي .. هالحب والخوف اللي ابي اشوفه .. حلاة الحرمه اللي تخاف على ريلها .. ترى طاعة الزوج اتيه بعد طاعة الرب ..واذا زعلتي ريلج عليج عقاب واثم كبير ..

ساره بعد ما سمعت كلام امها تمت تصيح اكثر لانها ما رضت ريلها ..

الام : بس يا ساره ليش هالدموع ان شاء الله ما بيستوي فيه شي

ساره بخاطرها ( ااااااااااااااااااااااااه يا امايه لو تدرين شو سويت بفهد خليت حياته نكد بنكد يا ويلي من ربي ومن عقابه .. لاني ما صنت ريلي لا وبعد خنته ..يارب عفوك استغفر لك من كل ذنب يارب ))

الام طلعت من عند بنتها



وفي اليوم الثاني

ساره ما قدرت تنام من كثر ما تفكر بفهد

وقررت انها تتصل فيه بس موبايل فهد مغلق فاتصلت بالريم

الريم وهي نايمه بالمستشفى عند اخوها يوم شافت الرقم طلعت برع الغرفه عسب ما تزعج فهد

الريم وبعصبيه : نعم

ساره : الريم شو أخبارج

الريم بعصبيه : اخباري تمام التمام

ساره :وشحال فهد

الريم : توج تسالين عنه ليش انتي اصلا مهتمه فيه

ساره مستغربه : ليش تكلميني جي

الريم : عيل كيف تبني اكلمج يا مداااااااااااام واخويه ف المستشفى بسبتج

ساره فتحت عيونها : شووووووووو فهد ف المستفشى

الريم : هيه واكيد انتي السبب

ساره : اي مستشفى بسرعه



ساره ع طول راحت المستشفى عند فهد

وشافت الريم برع الغرفه

ساره : ها يالريم قوليلي بلاه فهد ووينه

الريم : انا اللي بعرفه انتي شسويتي فيه .تعرفين ان فهد ما طاع يقول شو سبب هالخلاف من القهر اللي بقلبه حس بالاختناق وضغطه ارتفع ودكتوره النفسيه قالت ان حالته وايد زادت ..( تصيح ) شو سوى فيج يا ساره عسب جي تعاملينه توقعت بيلين قلبج عليه بس ماعرفت ان قلبج حجر ( بصبعها تهدد ) شوفي يا ساره صح انج ربيعتي وروح بالروح ويايه بس ااذا استوى في فهد شي ما راح اسامحج سمعتي .. ماعندي الا الله ثم هو .. ماعندي غيره بهالدنيا فهد راس مالي ..واذا صار له شي راح امووووووووووت بدونه فهد اللي حماني وحبني وصاني بعد وفاة امي وابويه وتحمل كل شي عسبي وماراح اسمح لاي شخص يدمره .. بس حرام اللي استوى فيه ..شو القلب اللي عليج .. انتي مب ساره اللي اعرفها ..ساره معروفه بطيبة قلبها وانها مسامحه بس انتي تحولتي لانسانه ماتعرف غير القسوه والصريخ .. وانا قلتج ماراح اسامحج يا ساره اذا استوى في اخويه اي شي ..



الريم راحت من عند ساره وهي معصبه ..

اما ساره فحست بتأنيب الضمير اكثر وقالت بخاطرها (( ما الومج الريم ع الكلام اللي قلتيه صح انا غلطانه واعترف ))

ساره بخطوات بطيئه دخلت غرفة فهد

فهد وهو نايم بالسرير وملامحه متغيره وتحت عيونه سواد من التعب وشكله مصفر وصدق يبين انه تعبان ..

ساره يوم شافته قلبها تقطع اكثر راحت عنده ودموعها اربع اربع ..

فهد حس كانه حد عنده يوم فتح عيونه شاف ساره

فهد يوم شافها استغرب وصد صوب الثاني عسب ما يشوفها وبصوت كله تعب وما ينسمع : انتي هنيه ..يمكن اعرف شو تسوين

ساره : فهد انا آسفه ع اللي صار

فهد : بعد شو ... ولا انتي يايه مستعيله ع الطلاق لا تحاتين بعد ما اطلع من المستشفى راح اطلقج وراح تردين لحبيب القلب ..

ساره : انا مب يايه عسب جي فهد انــــــــا

فهد بقهر : انتي انسانه ماتعرف الرحمه ولاتعرف تجازي المعروف .. انتي ولا شي

ساره انصدمت مب هذا فهد اللي كلامه حب وغرام اللي عمره ماقال لها كلمه تضايجها

ساره وقفت منصدمه

فهد يصد يشوفها: شو جرحتج هالكلمه

ساره وهي تصيح منزله راسها

فهد : ذوقي المر والكلام السم اللي كنتي تقوليلي ..اذا كلامي اليوم جرحج عيل انا شو اقول وانتي اشهر وانتي تطعنين فيه ولا حاسه تتحرين اني نسيت كلامج الجارح لا حبيبتي انا اتذكر واتعذب بداخلي بس اقول يالله يا فهد اصبر اكيد البنت بتحس بغلطتها بيوم بس لا اشوف زادت اكثر ..والاحلى انها تخوني

ساره: انا ما خنتك يا فهد

فهد يأشر بايده : بس كافي .. تعبت وايد عسبج وما ابي اتعب زياده خليني يا ساره وطلعي وما ابي اشوفج ..

ساره مستغربه ومنصدمه فهد تغير وايد ..

ساره طلعت وهي منصدمه ..معقوله فهد يقولي هالرمسه ( هالكلام )معقوله ؟ معقوله فهد يكرهني



سار بعد ما وصلت غرفتها تمت منصدمه ومنقهره والدموع ما تفار ق عيونها ..

ساره ما قدرت تستحمل اكثر اتصلت ف نوره عسب اتيه بيتهم ويوم نوره يت شافت حالة ساره استغربت وساره قالت لها كل شي

ساره وهي تصيح : ماعرف ليش جي سويت

نوره مستغربه : يعني انتي ندمانه

ساره : اتصدقين اني مستغربه من نفسي انا كنت اتمنى اييه هاليوم وفهد يطلقني بس يوم ياهاليوم اللي طلب الطلاق حسيت بصدمه كبيره .. حسيت اني بخسر كل شي .. ويوم شفت الريم وهي معصبه تعذبت اكثر ودخول فهد بالمستشفى زاد عذابي انا يا نوره سبب بعذاب ناس ماحصلو غير العذاب بحياتهم وزدت عليهم انا ..والريم هي ربيعتي من الطفوله وانا السبب بعذابها وبعذاب اعز ناسها ..

نوره : يعني انتي ما تبين الطلاق

ساره : الصراحه لا ...يوم حسيت اني صدق بفقده عرفت ان فهد مب انسان عادي بالنسبالي

نوره : سبحان الله الشخص ما يعرف بمعزة الثاني الا يوم يفقده ..او يحس ببعده

ساره : ماعرف شو اسوي

نوره : شوفي يا ساره انا صح اخت خالد..بس انا بوقف ويا الحق كاني مب اخته ولا شي ..اللي سويته غلط بغلط وفهد ما ينلام ع اللي يسويه فيج الصراحه انتي ما قصرتي فيه خنتيه .. وفهد تعرفين حالته وانه من الصغر وهو متعذب واعرف انج انتي وخالد مالكم خص بحياته وبعذابه واعرف ان خالد يحبج .. بس يمكن لانج قسيتي على ريلج وعذبتيه الله ينتقم منج عادي تشوفين خالد يتخلى عنج بسهوله ..اللي ما تصون ريلها ما تصون اي حد .. وانا كوحده متزوجه ما برضى ريلي يخوني فمابالج خيانة الزوجه

ساره : بس انا ما خنته

نوره : حبيبتي انتي يوم تكلمين خطيبج السابق حتى لو كان ولد خالتج بدون رضا ريلج هاي خيانه تعتبر بالذات ان كلامكم عن الحب .واعرف ان خالد هو اللي يبتدي بس انتي كان عليج انج تمنعينه او ما تردين عليه مب تسايرينه صح

ساره........ سكتت

نوره : فكري عدل انا ما بقولج كوني لفهد ولا لخالد بس بقولج فكري بالعقلوبسالج سؤال .. انتي تقدرين تكملين حياتج من دون فهد

ساره : ماعرف

نوره : انتي الحينه بعيده عنه شوفي اذا قدرتي ولا ..بس اقولج ترى اذا خسرتي فهد هالمره مستحيل يرضى ياخذج ترى كرامة الريال اهم من الحب ومن كل شي..

ساره ..سكتت ما قالت شي

وبعدر مرور يومين





ساره ما طلعت من غرفتها ابد ..
اما فهد طلع من المستشفى بس بعده الحزن ما تفارق عيونه
ساره استوت هاديه وكله تسرح ..
ساره قبل ماتام : تذكر كلام فهد الحلو وابتسامته ..
ويوم تقوم بعد تذكر فهد .. يوم يكتب لها الخواطر
ساره بخاطرها : ماعرفت اني بيوم راح اشتاقلك صدق الشخص مايعرف جيمة الشخص الا يوم يحس انه بيفقده .حياتي صعبه بدونك .. احس ااني انسانه ثانيه يمكن مب حب بس تعودت عليك يا فهد تعودت على كلامك المعسول وع اهتمامك .. ومستحيل حد يستحملني مثلك ..انا صدق انسانه غريبه سويت المستحيل عسب يطقلني ويوم بغى يطلقني حبيته واشتقتله ..يمكن انا احبه من زمان بس مب حاسه في عمري بس شو فايدة هالكلام ..خلاص فهد ما يباني ..بس الفرصه بعدها عندي فهد ما طلقني لازم اكلمه واكيد هو يحبني وما بيودرني ..



فهد وهو بغرفته طبعا كله سااااااااااكت وما يسولف مثل قبل .. وكله يتخيل ساره وتواجدها ..
ساره راحت بيتهم وهي بالصاله شافت الريم ..وبخجل
ساره : الريم
الريم تصد تشوف ساره ..وطنشتها
ساره راحت عند الريم ومسكت ايدها : اسمحيلي يالريم .. اعرف اني غلطانه بس والله ما حسيت بمعزة فهد الا يوم ودرته
الريم : الحينه حسيتي بهالشي
ساره : ساعديني يالريم فهد يبى يطلقني
الريم: يعني تبين تردين له
ساره : هيه
الريم: حاولي تكلمنيه مره ومرتين بس شكله معصب ..
الصراحه اثنينتكم تغيرتو انتي استويتي اطيب وهو اقسى عن قبل يعني يبالج صبر وطولت بال
ساره : بحاول قد ما اقدر ..بس هو وينه
الريم : بغرفته
ساره : عيل بروحله
الريم: هيه والله تسوين خير ..واعليه فهد ماذاق طعم الراحه من بعد ما صار له ..


ساره دخلت غرفته وشافته يالس على الكرسي الهزاز وصاك عيونه ..
ساره يوم شافته حست بالشوق له وبكلامه الحلو وبرقه : فهد
فهد فتح عيونه ووييوم شاف ..شاف ساره واقفه عند باب غرفته ..
فهد مستغرب : ساره
ساره دخلت وهي منزله راسها ومستحيه : فهد انا
فهد وقف من ع الكرسي : بعد ييتي ..شو تبين ..مب كافي اللي صار منج
ساره : فهد والله ما كنت قاصده اخونك افهمني .. وانا حسيت بغلطتي
فهد : يعني قصدج تبين نرد لبعض
ساره بخجل: ليش انت ما تبى هالشي
فهد معطي ساره ظهره: لا
ساره انصدمت : ما تباني يا فهد ..مب انت تحبني
فهد : عفت الحب وكرهته ..انتي استويتي عاديه بالنسبالي
ساره تدمع : مستحيل اعرف انك تتجذب عليه انت تباني
فهد صد صوبها وبعصبيه : جي تتحرين الناس لعبه جدامج متى تبينهم اتين ومتى ما تبينهم تودرينهم ولا ااستغليتي الحب اللي عطيتج اياه ..حسافه هالحب اللي عطيتج ..حسافه الصبر اللي صبرته ..

ساره مستغربه : فهد انت شو تقول
فهد : ليش عندج كلام ثاني
ساره : انا غلطانه واعترف
فهد : يعني انتي تبيني صح وتبين اردلج
ساره : يمكن يوم ابتعدت عنك حسيت بهاالشي
فهد يضحك بااستهزاء : حسيتي انج تحبيبني او محتاجتلي ..
ساره : يمكن يوم ابتعدت عنك حسيت بهاالشي
فهد يضحك بااستهزاء : حسيتي انج تحبيبني او محتاجتلي .. لا تضحكيني
ساره : انا
فهد :بقولج شله او قصيده سامعنها من مده واحب اهديلج وان شاء الله تفهمين الكلام
فهد وبصوته يشل :

: في ذمــتك هذا كلام

كل يوم لك حب وغــرام

منــته صغير أعلمك

الغش بالدنيا حــــرام

حبيت ابين لك واقول

لو تعتبر قولي فضول

من كان سهل بالحصول

مانه قد الهيام

اسمع وخلك صريح

جاوب بقول وصحيح

انت بحياتك مستريح

وكل يوم لك حب وغرام

)((( شلــة باسم بذمتك ))



ساره يوم سمعت هالكلام تمت تصيح : شو قصدك يعني انا اجذب عليك ..
فهد : الشله واضحه .. واذا تبين توضيح راح اقولج في البدايه حبج كان لخالد وانتي بذمتي انا يعني زوجتي ويوم ما بغيتج قررتي ترديلي وتنسين خالد ..جي انا وخالد لعبه جدامج ماعندنا احساس ولا مشاعر ..متى ما تبينا نييج ومتى ما تبينا ترفضينا اذا هو عاي عنده هالشي انا السموحه عندي كرامه وكرامتي ما تسمح لهالشي

ساره : فهد انت مكبر السالفه ..كل هذا عسب الاتصال والمسجات
فهد رافعه حواجبه : ليش هذا شويه اسالي اي ريال اذا مرتك تكلم واحد غريب حتى لو ولد خالتهاطبعا بالاسلام يعتبر غريب ويتغزلون في بعض لا وبينهم هداييا ومسجات شو راح يكون ردت فعله ..
ساره ماقالت شي ..طلعت على طول برع

الريم شافت ساره تصيح برع غرفته

الريم : شو استوى

ساره وهي تصيح : اخوج خلاص عافني ما يباني ما يباني



ساره راحت للمره الثانيه وراحت بيتهم



الريم دخلت الغرفه وشافت فهد يالس ومنزل راسه وحاط ايده على راسه

الريم : فهد

فهد يرفع راسه : هلا اختي

الريم : فهد اعرف ان ساره غلطانه وهالشي ماعليه كلام مع اني ماعرف شو سوت ..بس اكيد الغلطه كبيره واكبر دليل انها يت عندك وطلبت السماح ..اخوي لا ترد ساره .. اذا خسرتها راح تندم ندم كبير بخسارتها

فهد : عادي اصلا انا طلبت الطلاق

الريم راحت عند فهد وحطت ايدها على جتف فهد : لا يا اخويه اعرف انك معصب وتقول هالكلام بس انت مستحيل تعيش بدون ساره.. لاترد ساره ..مدام هي يت لاتردها ولا بتندم بخسارتها للابد .. واعرفك يا فهد اذا حبيت تحب باخلاص

فهد : عيل انا لعبه جدامها متى ما تباني اتتيني

الريم : ماعليه يمكن هالشي لصالحك عسب ساره ترد لك وتحبك .. انت تتمنى من زمااااااان ان ساره تبادلك هالشعور

فهد : منو قال انها تحبني

الريم : ييتها اكبر دليل انها مهتمه دموعها اكبر دليل بحبها اصلا هي من زمان تحبك بس هي مب حاسه بعمرها لاتردها يا فهد ..يمكن تخسرها للابد ..



الريم طلعت من الغرفه و فهد فكر بكلام الريم ..
فهد وبخاطره : صح انا ما سالت عمري انااصلا اقدر اعيش بدون ساره ..بس ما اقدر انسى انها متفقه وياهالنذل عسب تودرني



ساره ماقدرت تنام قررت ترسل له مسجات

ساره ترسل مسجات

المسج

(((( مشتاقتلك .. مشتاقتلك ..مشتاقه لصوتك يالغلا

ياللي بالقلب منزلك ..

يا خلنا انا محتاجلك

وينك ياريم الفلا

نفس الشــــــــعور أبادلــك

وأجدد عهود الوله

شلة ( مشتاقلك ))



فهد شاف المسج مستغرب من كلام ساره بس يبى يجافيها زياده وطرش لها مسج
(( انكتب الوداع يا خلـــي

واشتكت من جرى عيوني

وش حصل بالقلب وش حله

ماهقيت الجرح يحصلي

ليه يا ورد ويا فلي

تجرح الاحساس وظنوني

(( شلة الوداع ))



ساره يوم قرت هالكلام

تقول بخاطرها (( يعني يا فهد خلاص ما تباني معقوله هالحب يروح بثواني ))

ساره ماتعرف كيف تخلي فهد يردلها
اما خالد فمستغرب لانه ساره ما ترد عليه لا باتصال ولا بمسجات
ومايعرف شو السالفه ..
##############################



هند وسالم وهم بشهر العسل



سالم يالس في البلكونه والدخان بايده وحاط ريل على ريل ويشوف الرايح والراد ..

هند معصبه : سالم بعدك يالس يالله متى بنروح

سالم : صبري شوي ..

هند تشوف سالم يشوف الرايح والراد وطبعا الاغلبيه هم بنات هند بعصبيه : وانت ليش تشوف البنات

سالم من غير نفس : يعني شو اسوي اقول حق البنات لا تمرون

هند : سالم تعرف اني ما احب انك تشوف البنات

سالم باستهزاء : ما اقدر الدنيا كلها بنات كيف ما اشوفهم زين هم يطلعون في ويهي شو اسوي

هند : ليش انا ما اكفي

سالم يشوفها : لا تكفين

هند : سالم حبيبي ليش فجاه استويت قاسي عليه

سالم : سالي عمرج طفرتيني باسألتج اربع وعشرين ساعه تتحكمين وتقولين سو جي ولا تسوي

هند :تراني اغار عليك

سالم : اذا هاي غيره اقولج ما ابي غيره ولا شي خليني مرتاح سمعتي

هند : اذا انته بشهر العسل جي تعاماني الله يستر

سالم : اي شعر عسل قولي شعر بصل

هند تصيح : ليش ياسالم جي تعاملني .. بدل ما تحبني وتصوني لاني ضحيت باهلي عسبك

سالم : والله يا عمري محد قالج .. وبعدين لا تتطلعين مثل اليهال وتصيحين انتي لازم تغيرين من طبعج ..استويتي حرمه مب ياهل

راح سالم من عندها

اما هند فتصيح من القهر ..بمعاملته



###############################



الريم تجهز حق ملجتها اللي ما بقى شي

الريم تطلب من سار ه اتيه عسب تساعدها

ساره كانت اتييه عند الريم عسب تساعدها

وتشوف فهد بس فهد ما يعطيها سالفه

ساره وهي تودي الاغراض ويا الريم راحت غرفتها

فشافت فهد يبى يطلع

فهد شافها بنظره وطنش

ساره : فهد

فهد وقف : خير

ساره : حتى السلام ممنوع

فهد : ليش يهمج سلامي

ساره : اكيد تراك ريلي

فهد يصد يشوفها : زين حسيتي ان عندج ريل ولازم تصونينه

ساره : بس فهد كافي

وهني اشواق بعد غيبه اتصلت في فهد وفهد ماكان يبى يرد بس عاد الا يقهر ساره ويرد لها القهر والعذاب ..

فهد : الو منو

اشواق عاد استانست وتشققت من الفرحه ان فهد واخيرا رد عليها : انا اشواق

فهد يشوف ساره بنظره : هلا باشواق هلا والله وينج من زمان ما تصلتي

عاد هني ساره شبت نار وفتحت عيونها وبخاطرها تقول (( بهالسرعه نسيت الحب اللي بينا بهالسرعه نسيتني يا فهد ))

فهد طلع من البيت وراح اونه يبى يكلمها
فهد يوم طلع بجديه : ها اشواق شو بغيتي
اشواق مستغربه بخاطرها تقول توه طيب وحنون والحينه جاد ويايه: ما شي حبيت اسلم عليك .لانك ابد ما ترد عليه
فهد : ما اقدر ارد عليج يا اشواق فهمي الله يخليج انا انسان متزوج
اشواق : ومتى ان شاء الله بتودرها
فهد : متى ما انا ابي.. وعن اذنج الحينه بخليج ..يالله باي
اشواق ماسكه الموبايل : دومك جي تصك على ويهي بس ما عليه ..بتعرف منو اشواق

ساره بعد ما راح فهد واقفه مكانها وهي منقهره وتدمع
الريم يت : ها ساره شو رايج بالاغراض
الريم تشوف ساره : ساره بلاج حبيبتي
ساره : الريم فهد من متى يرد على اشواق ويكلمها عادي
الريم : والله ما ادري
ساره : بهالسهوله نسى اللي كان بينا
الريم : مستحيل فهد ينساج بس هو يبى يعذبج
ساره : بس خلاص خذت درس عمري ما بنساه
الريم : بس فديتج مسحي دموعج ..
ساره : عمري ماتوقعت انه ينساني بهالسهوله
الريم : زين يالله انسى الحينه ترى ملجتي باجر ان شاء الله ما ابي حد يكون زعلان
ساره تبتسم : هيه صح ..السموحه خربت عليج وناستج
الريم : لا حبيبتي انتي محليه وناستي ..
ساره تبتسم : يالله باجر ان شاء الله بتشوفين القلب
الريم ويها احمر : سكتي مستحيه مووووووووووت
ساره مستانسه لفرحة الريم لانه باجر ملجتها ..

محمد يكلم خالد : تصدق اني مستانس حدي
خالد بحزن : الله يهنيك
محمد : بلاك خالد ليش زعلان من كم يوم وانت مب ع بعضك
خالد : ماعرف بلاها ساره ماترد على اتصالي ولا مسجاتي تغيرت وايد
محمد : يمكن عندها ظروف ... وبعدين الف مره اقولك لا اطرش مسجات البنت متزوجه مب حلوه
خالد :متى تودر فهد متى ..انا شارنها ..وابيها
محمد : يعني ما تبى شيخه
خالد : الله يهديك بعد يبت سالفة شيخه ..ترضى اتزوج بنت عمك وانا افكر بغيرها
محمد : الصراحه لا ما ارضى عليها شيخه انسانه طيبه ومحترمه وما اتمنى لها الا الخير بالذات موقفها عمري ماراح انساه ..
خالد : عيل لا اتييب طاري شيخه اتعذب بروحي ولا ارضى اعذب غيري ..


ساره وهي ويا الريم يتجهزون لمجلتها
والريم كانت آيه من الجمال ..لبست اللبس الوردي ورفعت شوي شعرها .وخلت شوي من الكرستال على شعرها ومكياجها كان وايد حلو ..

الريم :ها ساره شرايج فيه
ساره : ماشاء الله ايه من الجمال ربي يحفظج
الريم خذت ايد ساره على قلبها : وي شوفي كيف قلبي يدق بسرعه
ساره وهي حاطه ايدها على قلب الريم: هههههههههههه هي والله كانه حصان يركض
الريم : ههههههههههه تعايبين عليه بعد
ساره: يالله بسرعه الريال اكيد ياي
الريم : يبالي اول شي اوقع
ساره :يعني اكيد موافقه
الريم : اكيييييييييييييد طبعا في انسانه بالكون ترفض محمد
ساره : ها بدى الحب اي بدى قولي خاشه الحب بس اونج ما تبينين
الريم ويها احمر : ساره كشفتيني
ساره : هيه يا ماما مب عليه هالحركات
الريم تضحك

ساره لابسه بدله حلوه وبسيطه بلون البرونزي وفاتحه شعرها العسلي وحاطه مكياج خفيف بنفس لون لبسها ..
فهد دخل وهو مايعرف ان ساره موجوده
فهد : ها الريم جـــ........
فهد شاف ساره
ساره صدت تشوفه ..
فهد كان يبى يطلع بس قال الا يقهر ساره
فهد سار عند اخته وكانه ما شاف ساره
فهد : الله عليج اختي ماشاء الله شو هالجمال كله
الريم منزله راسها : تسلم اخويه كلك ذوق
ساره : شحالك فهد
فهد صد : اوووووووووووه تصدقين ما انتبهت لج
الريم شافت فهد : كيف ما انتبهت
فهد : ما حسيت بوجودها اصلا
ساره وفيها صيحه ..
الريم : ما قلت شرايك بجمال ساره انا قلت حق ساره خلا ما تنزل اخاف تاخذ مني جو الملجه من حلاها
فهد وهو يكلم الريم بس الكلام موجه لساره : الريم ترى الجمال والحلاه مب بالشكل جمال الروح اهم .. هو اللي يتم يمكن نحن غلطنا قلنا اكيد مدام هي حلوه قلبها بيكون صافي وحلو بس شفنا العكس يعني جمالها ما نفعها
ساره عصبت : بس كافي كافي ارحمني يا فهد بس خلاص شو تبى تبى تودرني اوكي يالله طلقني اشوف يالله شو تتريه

فهد وقف ماقال شي ..
ساره : يالله طلقني مب قلبي خايس مب انا خاينه طلقني وافتك مني .. وكون لاشواق وحبها يالله
فهد : ياريت عندج قلب مثل قلب اشواق اللي تحاتيني وتهتم فيه
ساره : زين روح عنده شو شايبك هنيه
فهد : ياي عند اختي .. مب عندج
ساره تحس بجرح كبير: زين ليش ما اطلقني عيل يالله
فهد سااااااااااكت
ساره : شوف انت جذاااااااااااب انت اصلا تحبني بس تبى تبين العكس ..واكبر دليل انك ما تبى تطلقني
فهد يبى يبين العكس : حاااااااااااااضر يا مدام انتي ..
الريم بصريخ : لاااااااااااااااااااااااا اااااااااااااا يا فهد والله ما تقولها فهد
فهد غمض عيونه وسكت
ساره استغربت فهد كان بيطلقها لو ان الريم ما منعته
ساره فتحت عيونها وهي تصيح طلعت برع
الريم : فهد انت شو تخبلت ..تعرف اذا طلقتها ما تقدر تردها
فهد : هي نرفزتني وايد واثقه من عمرها
الريم : فهد دخييييييلك لا تتهور وتندم ع هالشي طول حياتك
فهد : الله يلعن الابليس..
الريم : الحينه ساره تصيح بيوم ملجتي ..يعني لازم تخرب عليه ملجتي يا فهد ..روح راضها
فهد : تخسي والله بعد اللي صار انا اراضيها
الريم : وملجتي يعني ساره ما تحضر
فهد : حضرت ما حضرت كيفها ..يالله نروح تحت وتوقعين لان الملاج يتريه
الريم : هو بيشوفني الملاج
فهد : لا ..بس بتوقعين بغرفه ثانيه بعدين محمد بييه
الريم سمعت اسم محمد وقلبها يدق بسرعه وسكتت ماقالت شي



طبعا الريم نزلت عسب توقع وبعدين دخل محمد اللي انبهر بجمالها
وهم بالغرفه : مبروك عليج يالريم
الريم بحياء ومنزله راسها : وانت بعد مبروك عليك
محمد : انا بحلم ولا علم ..معقوله تحقق حلمي والريم واقفه ويايه ..( يتنهد ) ااااااااااااااااااااااااه لو تعرفين يالريم من متى اتريه هاليوم اللي اشوفج فيه ..
الريم مستحيه منزله راسها
محمد مسك ويها عسب يرفعه : رفعي راسج خلا اشوف هالجمال
الريم رفعت راسها ويوها مثل الطماط ..
محمد : فدييييييييييييت هالجمال والله عساني ما انحرم منج
محمد والريم يلسو شوي ويا بعض بعدين كل واحد راح البيت بس طبعا بينهم مكالمات ..
ومحمد بما انه رومانسي ما قصر طلع كل اللي بخاطره


ساره تمت بغرفتها كل ماتذكر ان فهد كا ن يى يطلقها تصيح زياده ..لانها كانت متوقعه ان فهد مستحيل يفكر يودرها بس بعد ماشافت قسوة فهد .. خاب ظنها ..

[دموع العاشقين]

نتابع مع الجزء الثاني والخمسين




ومن بعد اللي صار بين ساره وفهد وحبهم الكبير لبعض .. الكل كان مستانس طبعا بهالتغير المفاجئ ماعدا شخص واحد الا هو خـــــــالـــــــد..



بيت فهد

فهد وهو يكلم ساره

فهد : ها يا عمري بلاج متوتره

ساره وهي تطلع فستانها وتعطرها : تعرف اليوم عرسك اختك ان شاء الله ولازم اجهز ..

فهد : يحليلها اختي صدق بدونها بيطلع ملل

ساره وقفت : هي والله تعودت عليها

فهد : وينها الحينه

ساره : اكيد بغرفتها تجهز شنطتها ..يارب عسى الله يهنيها

فهد تقرب لساره وبابتسامه: وعسى الله ما يغير علينا يا اجمل حب بهالدنيا

ساره تبتسم : واتمنى هالحب يتم للابد

فهد مسك ايدها: اوعدج ماراح اتخلى عنج .. وراح اكون وياج العمر كله

ساره : يعني لين ما استوي عيوز

فهد يفكر : مممممممم شوفي اذا شكلج بيخوف مثل عيوز ام النار يمكن افكر اخذ غيرج

ساره عصبت تضرب ع صدره : والله يعني من زين شكلك الحين ..عاد انت اللي ما بتتغير

فهد : هههههههههههه الريال ما يبين عليه مثل الحرمه

ساره : والله اذا وحده اهتمت بشكلها بعد ما بتتغير .. وبعدين انته من الحينه جي تقول

فهد : فديييييييييت زوجتي والله اتغشمر وياج اصلا انا مالي بهالدنيا غير شوفتج يا بعد هلي

ساره : صح فهد لاحظت عليك كله تقولي بعد هلي ليش

فهد : لانج انتي هلي ..محد تملي غيرج وغير الريم وانتي يا ساره امي وابوي وكل حد بالنسبالي ..

ساره :وان شاء الله اقدر اسعدك يا فهد

فهد : واثق من هالشي ..هيه صح ما شفتي الهديه اللي قلت بعطيج

ساره عاقده حواجبها : اي هديه

فهد : نسيتي ف برج العرب يوم عطيتج الورود قلت بعطيج الهديه بس مب الحينه

ساره : هيه صح ..

فهد : يالله عسب تشوفين الهديه

ساره تصد يمين ويسار : وين ما اشوف شي

فهد مسك ايدها : تعالي وبراويج

فهد وساره طالعين من الغرفه عسب يراويها الهديه ..

الريم وهي متوتره كانت تبى تكلم ساره شافتهم نازلين تحت

الريم : اييييييه وين بتروحون

فهد: تعالي براويج اشتريت هديه حق ساره

الريم تلحق وراهم : والله شو الهديه

فهد يصد : صبري زين ..صاحبة الهديه مب مستعيله كثرج

الريم : ماعندي وقت بسرعه

فهد : ليش حد قالج تعالي روحج رزيتي ويهج

الريم : فهووووووووود انا اليوم بروح وانت جي تعاملني .. من لقى احبابه نسى اخته

ساره تضحك : حتى المثل غيرتيه ..

الريم اطللع لسانها : شو اسوي اوني ابي الف شي يديد

فهد : تغير الامثال واونها تبى تألف قولي تبني تخربين الامثال ..

ساره : يالله وين الهديه

فهد فتح باب الصاله عسب يطلعها وأشر ع الهديه



والهديه كانت سيـــــــارة لكزس اليديده

ساره فتحت عيونها : واااااااااااااو سياره منو هاي

الريم : اكيد سيارتي ..سياره منو بعد اكيد سيارتج

ساره رايحه صوب السياره : فهد هاي هي الهديه

فهد : هي يا بعد هلي هاي هديتج ..

ساره : ليش كلفت ع نفسك ..حرام

فهد : كل شي يرخصلج يا بعد عمري ....هالخير كله لي ولج وللريم

الريم : الحمد لله ما نسيتني

ساره : مشكور مشكور حبيبي ما قصرت

الريم : بدى الحب بدى واخيرا سمعنا كلمه حب منج يا ساره

ساره نزلت راسها واستحت
فهد معصب: ريييييييموووو .. بلاج ملقوفه اليوم ريال ومرته يتغزلون ليش رازه ويهج .. سيري اتجهزي فارس احلامج اليوم بتشوفينه وبيتغزل فيج لين ما يشبع

الريم توترت زياده: هي والله عرسي اليوم ويييييييييييييي متوتره وايد

فهد : هههههههههههههههه شوفو شكلها كاني قلت لها ريلج بيتزوج عليج

الريم : فال الله ولا فالك تفاول عليه وانا بعدني ما تزوجت

ساره : ههههههههههه فهد حرام عليك خل اختك بحالها ..

الريم وهي ترتب الاغراض عسب تروح الفندق..

ساره قبل ما تروح سارت عند فهد وقالتله بكل حب : تسلم حبيبي ما قصرت الهديه واييد حلوه .. والاحلى انك انت يايبنها

فهد : تستاهلين تستاهلين يا حياتي ..لو تعرفين يا ساره كيف مستانس والله اني اتريه هاليوم من زمان .. غمرتيني بسعاده ماتوصف

ساره : لهالدرجه مستانس

فهد : قولي طاير من الفرح ..حد يشوف هالملاك وما يستانس

ساره: تسم يا عمري

فهد : يالله فديتج نروح عسب ما نتاخر على الريم ..

ساره : يالله



نوره كانت تجهز عسب العرس بس هي بعدها متضايقه وتخاف ماتحمل وعبدالله يتزوج عليها

نوره وهي تجهز الفستان ..

عبدالله : ها حبيبتي .. متى بتروحين الصالون

نوره بحزن: ما بروح راعة الصالون روحها بتيه عندي

عبدالله : هي احسن يالله من رخصتج بروح شوي عندي شغل

نوره :انت من كم يوم تقول عندي شغل وما تيلس ويايه

عبدالله : شو اسوي صدق عندي وايد اشغال ..يالله ان شاء الله بييه عن جريب..مع السلامه

نوره حست ان عبدالله شوي متغير عليها وخافت ان عبدالله يفكر بغيرها ..



################################



هند بعد ما تكشخت ..

سالم بالغرفه ..

هند : احم احم

سالم : بلاج

هند : شرايك بكشختي

سالم : والله حلوه

هند بدلع : دومي جي

سالم : عيل ليش تسالين

هند : كنت ابي اتاكد..هيه صح حبيبي نسيت اقولك ترى ربيعتي منى بتيه ويايه العرس ماعندها حد عادي اتيه ويانا

سالم : ماعندي مانع ..منو منى ربيعتج

هند : هيه ..وبفضلها تعرفنا على بعض

سالم بخاطره (( يعني اكيد هي بعد تغازل مدام عرفتج عليه ))

هند : موافق

سالم : هيه اكيد



منى يت بكامل زينتها طبعا ما غطت ويها ومطلعه نص شعرها بس لابسه عبايتها ..

سالم وهو يبى يطلع شاف منى بالصاله تتريه هند

سالم يوم دخل وقف مكانه .منى جمالها عادي بس يوم تحط المكياج وايد تتغير .. بعد خدع المكياج ..

سالم وقف مكانه : السلام عليكم

منى تشوفه وبدلع : وعليكم السلام

سالم : اكيد انتي منى صح

منى : هيه كيف عرفت

سالم : هند قالت انج بتين ويانا

منى : عاد ان شاء الله ماعندك مانع

سالم : لا افا عليج ..

منى بخاطرها )((( وي هذا سالم تغير وايد وايد استوى احلى عن قبل ))

سالم بخاطره (( واخيرا شفتج يا منى لاصدق حلوووه ومزيونه بعد))

هند يت : هلا والله بمنى

منى : هلا فيج

هند : يالله نروح

منى : يالله

سالم هو اللي يسوق وطبعا منى وراء

وسالم يشوف منى من الجامه اللي بسيارته ومتخبل عليها

حتى منى عايبنها سالم ..



$###############



والكل متجهز على عرس الريم ..

وطبعا اللي ما فارقتها هي ساره تمت وياها ع طول

وبدى عرس الريم ..

والريم وهي نازله ميته من الخوف مستحيه لانه حشد من الناس كانو يايين ..

الريم كانت قمرررررر .. مسويه تسريحه بسيطه ومنزله خصل على يمب ( جنب ) وكانت تبى تغير بلون المكياج حطت مكياج اخضر على زيتي عسب تطلع متميزه .. وكانت صدق ايه من الجمال ..

وساره طبعا جمالها بعد كان ملحوظ ..

والكل كان موجود ومستانس ع هاليوم

ومحمد المعرس يوم دخل .. بعد كان مستحي ..

راح عند الريم وحبها فوق راسها ..

ووقف عندها وقالها بصوت واطي : مبروك عليج يالريم

الريم خلاص ميته من الحياء : الله يبارك فيك

وساره واقفه وتشوف الريم وادمعت لان الريم ما بتكون وياهم ف البيت وهي تمسح دموعها

نوره : بلاج ساره ليش هالدموع

ساره : الريم بتروح يا نوره .. والله ما اقدر ع فراقها من الطفوله وعمرها ماراحت عني .. الريم نفس اختي واكثر

نوره : يالله ان شاء الله بتزوركم وبتشوفينها ..ترى هاي سنة الحياه ..



العرس انتــــــهى و كان وايد غاوي ..ومرتب من كل النواحي ..





#############################



وفي اليوم الثاني

الريم يايه من الصبح لانها بتسافر وتبى تودع فهد وساره ..

الريم وهي تصيح وتحضن فهد : اخويه ما ابي اودرك

فهد : افا عليج يا الريم ..جي انتي وين بتروحين

الريم : عمري ماودرتك يا فهد الا يوم سافرت انته عسب الدراسه ..وما ابي اودرك مره ثانيه ..

محمد واقف عندها ..

فهد : محمد بينسيج اسمي بعد

محمد يبتسم : وين اقدر ..هاي من البارحه تذكرك

فهد : لا يالريم .. خلاص استويتي حرمه وصوني ريلج واسعديه ..وان شاء الله بتشوفيني بعد ما تردين من السفر .يالله اختي بسرعه ترى الطياره بطير .. واخر شي بتيلسون ف دبي

الريم تبتسم : وين ساره

فهد : ساره بغرفتها هاي بعد من البارحه وهي تصيح كل ما تذكرج تصيح ماعرف اسكت عمري ولا اسكتها

الريم : بروح عندها ..



ساره وهي بغرفتها تمسح دموعها

الريم دخلت وشافت ساره وراحت تحضنها

الريم : ساره

ساره تسمح ع شعرها: بلاج حبيبتي

الريم : قلبي يعورني لاني بودركم

ساره وهي تحاول تخبي دموعها : ان شاء الله بتردين من السفر ..وتمين ويانا

الريم : حتى لو رديت ما بعيش وياكم ..بروح بيت ريلي وانا تعودت عليكم

ساره : يالله هاي سنة الحياه ...يالله يالريم لا تصيحين انتي بتكونين ويا حبيب القلب اللي بينسيج اسمج واسم هلج

الريم : مستحيل انساكم .. ساره ما وصيج على اخويه ..اعرف انج ما بتقصرين فيه بس بعد ما اوصيج ترى هو الحينه ماعنده غير الله ثم انتي

ساره تاشر ع عيونها : فهد بعيوني يا الريم

الريم وهي تمسح دموعها : يالله مع السلامه



الريم راحت ويا محمد ..بشهر العسل .

اما ساره وفهد فهم متضايقين لان الريم غاليه عندهم وايد وهي اللي مسويه جو ف البيت ..بالذات فهد فراق اخته بالنسباله شي كبير





هند ومنى

منى يايه بيتهم

منى: اقول وين ريلج

هند : ماعرف وينه طلع

منى : تصدقين ماعرفته تغير وايد

هند : اكيد احلو زياده

منى : الصراحه هيه

هند : لازم يوم تزوجني احلو زياده

منى : زين وشخبارج معاه ..

هند بحزن : تصدقين توقعت حياتي بتكون من اجمل اللحظات بس سالم تغير وايد ف الملجه كان يصبحني ويمسيني بغزل بس مب يوم تزوجنا استوى عادي

منى : اغلبيتهم جي ..بعد ما يضمنون الوحده يطلعون على حقيقتهم

هند : حتى بشهر العسل تصدقين

منى فاتحه عيونها : معقوله

هند : هيه ..اللي ماكنت اعرفه ان سالم انسان عصبي بشكل كبير وبسرعه يتنرفز والدليل ان اخته وامه ما يخافون يزعلونه ..

منى : ويييييييي الله يعينج ..تبين تغيرين من نفسيتج

هند : هي والله عندج حل

منى : افا عليج .. عندي موقع حلو بالكمبيوتر ومره وحده ندخل المسنجر والشات

هند : مسنجر اوكي بس شات لا مب حلوه انا متزوجه

منى :الحينه اللي يسمعج يقول قلت لج غازلي ..امي غيري من نفسيتج شوي .. وليش هم يعرفونج ..على الاقل تنسين اللي فيج

هند : بس حرام انا متزوجه ولو سالم عرف هالشي بيذبحني

منى : ليش منو بيخبره ..وبعدين وايد متزوجين يدخلون الشات ,, وليش اذا دخلتي الشات يعني انتي مب زينه ياما ناس يدخلون الشات ..خلا نلعوزهم شوي

هند بعد تفكير : اوكي

منى : يالله



هند حتى بعد زواجها تفكيرها ما تغير ..وكلمه اتيبها وكلمه توديها..


نوره ما قدرت تستحمل اكثر كل مره تحس ان ريلها متغير عليها
عبدالله لاحظ ان نوره وايد تسرح وكله متضايجه
عبدالله يلس عند نوره : بلاج نوره
نوره وهي ما تصد تشوفه : مافيني شي
عبدالله : من مده وانتي متغيره عليه
نوره وقفت وبعصبيه : انت اللي بلاك انت اللي متغير عليه .. انا اعرف ان امك تضغط عليك عسب العيال .. شوف عبدالله اذا ما تقدر تصبر اكثر تقدر تزوج غيري بس ( وهي تصيح ) بعد ما تطلقني لاني مستحيل اتخيل اني اعيش ويا وحده ثانيه بنفس المكان افضل الطلااااااااااااااق على اني اشوف انك ويا وحده ثانيه
عبدالله مستغرب راح عندها: منو قال اني افكر بغيرج
نوره وهي تصيح : كل مره احس انك تبتعد عني اكثر احس انك مليت مني لاني ما اييب يهال
عبدالله : فديتج نوره اصلا انا مب متغير ولا شي بس والله اشغالي كثرو .. وعمري ما فكرت بغيرج صدقيني وانتي منو قال انج ما اتيبين يهال .. انتي ما فيج شي بس هذا من رب العالمين وانا ما احتجيت ع هالشي وكل شي له ابتلاء .. اذا نحن صبرنا اكيد الله بيجازينا
نوره وهي تشوفه: يعني ما تفكر تزوج عليه
عبدالله : والله العظيم عمري ما فكرت بهالشي نوره انتي بعدج ماعرفتي غلاج عندي .. انتي زوجتي وحبيبتي وانا مستحيل اعيش بدونج ..
نوره : اكيد
عبدالله : افا عليج يا نوره .. ما تثقين فيه .. وانتي بس لاتفكرين وايد ..كل شي وله حكمه .. وخليج واثقه برب العالمين
نوره : ونعم بالله
عبدالله: يالله يا عمري نغير من الجو واوديج المكان اللي تبينه
( نوره اطمنت بعد كلام عبدالله .. وخلت الحمل بايد رب العالمين ..))



منى وهند
هند وهي تعلم منى على الشات
هند وهي تضحك: شوفي الغبي مصدق عمره والله جذبت عليه
منى : قولي كل واحد يجذب ع الثاني
هند : وييييييييي شوفي شو كاتب
منى : شو
هند : يقول يبى يسمع صوتي
منى : اونه
هند : والله صدق متفيج
منى تحاول تخربها :زين عادي
هند تصد : ايه بلاج عاد مب لهالدرجه صح عادي اكلمه بس مب بالصوت
منى : هو ما بيعرف رقمج
هند : كيف يعني
منى : كلميه بالمايك
هند : لا لا مستحيل جي الدنيا فوضه
منى : زين شرايج فيه
هند : وايد رومانسي مب وين اييب هالكلام ما ادري
منى : يمكن حبج
هند : حبه برص .. وكيف يحبني وهو ما شافني .( هند وهي تقرى )) ويييييييي شوفي عطاني اميله
منى : والله زين ليش ماتاخذين اميله
هند : لا لا ما بي
منى : ترى نفس الشي ..ع الاقل تتسلين ..بعد قسوه ريلج
هند : لا لا ما ابي
منى : كيفج ..
منى : اقول عادي اقرى مسجاتج
هند : اكيد
منى تمت تقرى مسجاتها وشافت مسجات سالم
منى : يحليله يكتب لج مسجات
هند : هذا بايام الملجه الله يخليج
منى : بس من كلامه مبين انه رومانسي
هند : بس ايام ..
منى : لهالدرجه ما يتغزل فيج
هند : مب وايد ..نادر .. يعني كله تشوفينه ماسك الموبايل
منى بخاطرها ( يعني بعده يغازل .. )
منى موبايلها رن :
منى : اففففففففففففف امي لعوزتني متى بتين متى بتين
هند : تصدقين احسن شي في الزواج انج تفتكين من تسلط اهلج
منى : هيه والله
هند : يالله عقبالج
منى بخاطرها (( اكلم كم واحد ولا واحد عرض عليه الزواج صدق والله يبالي اتزوج وافتك من تسلط امي وحشرتها .. يبالي اخطط عسب اتزوج وافتك من حشرة اهلي ))



ساره مجهزه لفهد اكبر مفاجــــــــــأه
فهد يوم دخل غرفته شاف الغرفه غير كل شي لون الاحمر ساره غيرت فرش غرفتها
فهد : الله شو هالتغيير
ساره وهي بعد كاشخه ... وتاشر ع الطاوله ) تفضل حبيبي
فهد : شو مستوي
ساره ماسكه ايده : انت تعال ايلس
فهد يلس وشاف كيكه حمراء وعليها 3 شموع
فهد : شو السالفه
ساره : شرايك بالكيكه
فهد :شكلها يشهي بس ليش 3 شموع
ساره بابتسامه : شو لاحظت بهالشموع
فهد : ماعرف شمعتين كبار وبوسط هالشمعتين شمعه صغيره ..شقصدج
ساره : ما فهمت .. 3 شموع شو معناتها
فهد : لا
ساره : ولا الشمعه الصغيره اللي بين الشمعتين الكبار
فهد وهو يفكر : ممممممممممممممممممم
ساره : : الشمعه الاولى هو انته والثانيه هي انا والشمعه الصغيره معناها( خلت ايد فهد ع بطنها وبابتسامه ) والشمعه الصغيره اني حامل يا فهد وبنكون ثلاثه
فهد وهو واقف وماعرف شو يسوي كل اللي سواه انه ادمعه وبفرح : صدق يا ساره انتي حامل
ساره : هيه حامل
فهد شل ساره بايدنه وهو يدور فيها
ساره تصارخ : ايه فهد نزلني بطيح
فهد نزلها : مب مصدق انج حامل واخيرا عايلتنا بتكبر وبيصير عندي عايله مثل باجي الناس
فهد : الله يا ساره لو تعرفين شكثر مستانس بهالخبر يعني بيكون عندي ولد يقولي بابا ..
ساره : هيه ان شاء الله
فهد حضن ساره : واخيرا يا ساره بيينا ولد
ساره مستحيه : لهالدرجه مستانس
فهد : قولي ميت من الوناسه ..
ساره وهي تشوف فهد ما توقعت ان فهد بيستانس لهالدرجه

وحمل ساره فرحه للكل بس صدمه لانسان لين الحينه يحب ساره ويتذكرها الا هو خــــــالد

خالد يبى يروح عند امه

شاف امه ماسكه التلفون ومستانسه
ام خالد : مبرووووك مبروك يا بنتي والله تستاهلين الخير
خالد عاقد حواجبه راح عند امه ..
ام خالد صكت التلفون
خالد : بلاج امايه مستانسه ..حد عرس
ام خالد : ليش منو ياب طاري العرس
خالد : اشوفج تباركين
ام خالد وهي مستانسه : ليش ماعرفت
خالد: شو
ام خالد : ساره ساره حامل
خالد وقف مكانه انصدم : حامل
خالد بنره كلها حزن : عسى الله يهنيها
خالد راح غرفته والدمعه بعيونه : يعني خلاص صدق ساره ما بتكون لي ..وهالطفل بيكون صله بينها وبين ريلها ..ساره خلاص راحت عني خلاااااااااااااااص

#######################

محمد والريم وهم بشهر العسل
الريم تكلم فهد: والله مبروك اخويه .. وايد مستانستلك يعني واخيرا بكون عمه
محمد يشوفها : عمه شو السالفه
الريم : يالله مبروك مره ثانيه
الريم بعد ما صكت من فهد : ساره يا محمد ساره حامل
محمد: والله زين بالبركه ..زين جان عطيتيني فهد خلا اباركله
الريم : والله من الفرحه نسيت.واخيرا بستوي عمه
محمد : يالله بالبركه عليكم
الريم : الله يبارك فيك
محمد : يالله حبيبتي نطلع ترى السياره تتريانا تحت
الريم : والله نسيت الطلعه من زووود فرحي
محمد : افا اخاف تنسيني بعد
الريم بخجل : مستحيل انساك
محمد : يا ويلي على هالكلام وفدييييييييييييت الريم والله وفدييييييييت اللي ضحيت باهلي عسبها وفديييييييييت ..
الريم : محمد صدق ترى الرحله بتفوتنا ..
محمد : ودي ما تغزل في مرتي
الريم تبتسم : تغزل فيه ما قلنا شي بس خلا ننزل
محمد : من عيوني
محمد والريم سعادتهم ما توصف كل واحد متعلق بالثاني اكثر..


فهد يالس ويا ساره وكل واحد يتكلم عن ماضيه وطفولته ..
موبايل فهد رن والمتصله هي
اشـــــــــواق
فهد مايعرف يرد ولا
ساره تشوفه مستغربه :بلاك حبيبي ليش ماترد
فهد يشوفها : تعرفين منو المتصله
ساره مستغربه : منو
فهد : اشواق
ساره تضايجت : اشواق ماغيرها .. ليش بينكم علاقه وانا ما ادري
ساره صدت صوب الثاني وتضايقت
فهد راح عندها : معقوله تشكين فيه .. انتي يوم كنتي جاسيه عليه وانا مافكرت اخونج ولا فكرت اكون لغيرج .وتتوقعين بعد تغيرج بفكر فيها ..مستحيل
ساره تصد تشوفه : عيل ليش بعدها تتصل فيك
فهد: والله هي اللي تلاحقني مب مكان لمكان وانا فهمتها بس ماتفهم .. بس ماعليه انا اعرف كيف افهمها
ساره : ليش شو بتسوي
فهد : بقولها اني ابي اشوفها مكان وبيلس وياها وبفهمها
ساره عصبت : لا والله يعني لازم تيلس وياها
فهد : والله بالتلفون ما شي فايده جربت هالشي
ساره : لا ما ابي
فهد : وفدييييييييييييييت اللي تغار عليه
ساره مطنشه
فهد: تغارين عليه حبيبتي
ساره بابتسامه : اذا ما اغار عليك اغار على منو انت ريلي وحبيبي وكل دنيتي
فهد ماسك راسه : يا وييييييييييييل حالي الحقو عليه بيغمى عليه مب بعد هالكلام
ساره تضحك : فهوووووووووودي
فهد : يا عيون فهود ..
ساره : لا صدق شو بتسوي
فهد : والله بفهمها ع كل شي ون شاء الله بعد هاليلسه ما بتتصل مره ثانيه
ساره : وااذا اتصلت
فهد : واثق انها ما بتتصل ..بس اذا انتي مب راضيه ترى عادي ما بشوفها
ساره : لا حبيبي عادي واثقه فيك وكافي انك صارحتني
فهد : خلاص عيل بتصل فيها وبحدد مكان عسب اشوفها
ساره : اوكي



خالد تضايق وايد وعرف ان مستحيل ساره تردله بعد حملها ..رواح عند امه وبحزن
خالد : امايه
الام : هلا وليدي
خالد بحزن : خلاص امايه بتزوج
الام وقفت مكانها ومستغربه : والله صدق ولا تتغشمر
خالد بجديه : لا صدق ابي اتزوج بخاطره (( يمكن بزواجي اقدر انسى ساره ))

الام تيبب: كلوووولوووش والله احلى خبر سمعته بعمري واخيرا واخيرا يا وليدي بتزوج

خالد : خلاص محد بقى الا انا

الام : والله عندي لك خوش بنت

خالد : يعني حاطه في بالج

الام : هي بنت عوايل والنعم فيها جمال واخلاق ودين حتى اسمها حلو

خالد مطنش

الام : ما قلت شو اسمها

خالد من غير نفس : شو

الام : اليازيه ..شوف اسمها شحلاته

خالد : المهم حبيت اخبرج

الام : خلاص بتصل في الام بسال اذا هي مخطوبه ولاء والله يا ولدي صدق مستانستلك

خالد بخاطره(( يمكن بزواجي اقدر انسى ساره .مع اني حاس ))

[دموع العاشقين]

نتابع مع اخـــــــر جزء من قصة مجنون ساره
مع الجزء الاخيــــــــــــــــــــ ـر





الجزء الاخيــــــــــــــــــــ ــــــــــر

السموحه عالتاخير بس لانه بعد خطوبتي كان عندي امتحان صيفي ويوم خلصت كنت اتجهز حق السفر لاني بسافر ان شاءالله يعني مره وحده انشغلت





نتابع مع الجزء الاخير مع قصة مجنون سار ه






وبعد طلب خالد لامه الزواج الام ما صدقت ع طول اتصلت في ام اليازيه وطلبت انهم يشوفونهم ويتقدمون لليازيه وفرحت ام خالد كبيره ..



اما فـــهد فراح يقابل اشواق مثل ما قال لساره عسب ينهي السالفه .. لان اشواق وايد متعلقه فيه ومستحيل تودره بهالسهوله واتصل فيها واتفق وياها ف مكان واشواق يحليلها تتحرى ان فهد حبها او يباها ما تعرف شو اللي بيصير..



فهد كان قبل الموعد بدقايق .. يالس يترياها ويفكر بالكلام اللي بيقوله ..

اشواق بعد ما تكشخت احلى كشخه ..

اشواق شافت فهد من بعيداستانست ووقفت عند الطاوله ومنزله راسها: مرحبا

فهد بكل جديه ياشر بايده : تفضلي اختي

اشواق يلست وهي تتريبى فهد يرمس ( يتكلم )

فهد: شحالج اشواق

اشواق بكل رقه : بخير مدامك بخير

فهد : اشواق انا يبتج هنيه طبعا بعد ما ساره رضت بهالشي وبعد تفكير ..

اشواق شافته واستغربت ..

فهد : اشواق انا ابيج تكونين صريحه ويايه انتي ليش تلاحقيني ؟

اشواق بجراه : ماعرف يا فهد بس ( نزلت راسها ) بس اللي اعرفه اني حبيتك من كل قلبي وودي نكون لبعض

فهد : لا يا اشواق انتي ما حبيتيني انتي انعجبت فيه يمكن ..بس حب مستحيل اكيد تتوهمين ماصار بيني وبينج شي عسب تحبيني .. وبعدين اللي نسيتيه اني متزوج
اشواق بجراه : ماعرف يا فهد بس ( نزلت راسها ) بس اللي اعرفه اني حبيتك من كل قلبي وودي نكون لبعض

فهد : لا يا اشواق انتي ما حبيتيني انتي انعجبت فيه يمكن ..بس حب مستحيل اكيد تتوهمين ماصار بيني وبينج شي عسب تحبيني .. وبعدين اللي نسيتيه اني متزوج



اشواق : بس انت وزوجتك علاقتكم مب زينه

فهد : منو قالج هالشي ..وحتى لو الكلام اللي قلتيه صح لازم تعرفين ان بحياة اي زوجين لازم يصير خلاف وانتي كربيعه مخلصه لازم تنصحين وتعدلين علاقتنا مب تحاولين انج تاخذيني عن زوجتي صح هذا اذا صدق كنتي ربيعة زوجتي .. وحتى لو ماكنتي ربيعتها اي انسان لازم يصلح ما بين الاثنين وانتي ما حاولتي هالشي

اشواق سكتت...

فهد : اسمعي يا اشواق انا اعتبرج كاخت وبصراحه لاني اخاف ع مستقبلج بس ابيج تفهمين شي انا حتى لو بنفصل عن زوجتي مستحيل اتزوجج او افكر فيج

اشواق شافته بنظره تعجب على جرأته

فهد : اسمحيلي ع جراتي بس لازم افهمج شي واحد .. الريال ما يحب الحرمه اللي تلاحقه من مكان لمكان الريال يحب الحرمه اللي عندها شخصيه والثجيله .. لانه بيشك اذا انتي كنتي بهالطريقه معاه يمكن مع شخص ثاني بعد كنتي تلاحقينه

اشواق : لا والله انا مب ..........

فهد : انا ما قلت انتي جي .. بس قلت لج الريال يحب الوحده الثجيله اللي تصون نفسها .. وبعدين يا اشواق انا ما احب اخدعج انا لو شخص ثاني او لعوب جان استغليت حبج بشي ثاني ترى مب كل الشباب تثقين فيهم اشواق استحت وماقالت شي

فهد : اشواق انا اعتبرج اختي عسب جي اكلمج بكل صراحه .. ترى الدنيا مالها امان . وان شاء الله ربي بيرزقج شخص محترم وخلوق بس مثل ما قلت لج لازم تكونين رزينه وبشخصيه ..هاي نصيحتي واسمحيلي اذا ضايقتج .. وبالنسبه للحب اللي تتكلمين عنه انا واثق انه اعجاب بالذات بسنج يا اشواق وبعد كم يوم بتحسين ان اللي سويته كان سخافه وانه مجرد اعجاب ..

(( فهد وقف)) واسمحيلي مره ثانيه

اشواق ماعرفت شو تقول كل اللي قالته : مشكور فهد ع صراحتك يمكن نبهتي باشياء وايد صح يمكن اذا شخص ثاني استغل حبي باغراض دنيئه بس انت عاملتني كاخ .. مشكور يا اخويه فهد

فهد ابتسم : العفو اختي واذا بغيتي شي تذكري ان عندج اخت ساره واخو اسمه فهد .. وعن اذنج

راح فهد .. اما اشواق فادمعت حست بالاحراج ع الموقف اللي صار وادمعت لانه حلمها ما تحقق ..بس عرفت وتاكدت ان كلام فهد معقول وصح ...



فهد رد البيت وساره قلبها نار طبعا من الغيره

فهد بعد ما رد : ها غناتي اشوفج ف البيت ما قلتي انج بتطلعين

ساره : شو كلمتها

فهد : هيه وفهمت كل شي .. وقلت لها نحن اخوان مب اكثر

ساره : وشو قالت

فهد : حسيتها انها اقتنعت بكلامي .. يالله الحمد لله والله يرزقها بانسان محترم

ساره : اها بس هاللي صار

فهد يبتسم : بلاج ليش متضايجه ..لا تقولين انج تغارين ساره : هيه الصراحه ميته غيره من يوم ما روحت

فهد : افا وانا اقدر اشوف غيرج .. انتي النور اللي اشوفه .. انتي الكون اللي بديتي .. انت اجمل واروع ما خلق ربي

ساره ابتسمت وحطت ايدها على ويه فهد : فديتك فهد وفديت كلامك

فهد مسك ايد ساره وحبها : وفديييييييييييت زوجتي اللي مالي غنى عنها ..وما انسى ولدي الغالي

ساره : ويمكن بنت

فهد : اي شي من عند الله حياااااااااه الله اهم شي ياهل منج

ساره : شو فكرت بالاسم

فهد : الصراحه لين الحنيه ما فكرت بشي

ساره : ولا انا

فهد : شرايج باسم شوق اذا الله عطانا بنت

ساره عاقده حواجبها : شووووووو ما ابي شوق

فهد مستغرب : ليش

ساره : لانه نفس صيغه اشواق ما ابي

فهد ضحك من الخاطر: ههههههههههههه الله ياخذ بليسج .. عاد وين فكرتي

ساره : هيه ما ابي اخاف كل ما تقول شوق تذكر اشواق ..

فهد : تعرفين يا ساره اني مستانس وايد

ساره : ليش

فهد : لانج واخيرا غرتي عليه .. الله لو تعرفين كيف انا مستانس ..

ساره ك ان شاء الله دوم حبيبي

فهد : بوجودج يا بعد هلي وناسي





وبعد مرور كم يووووم

خالد اتقدم لليازيه ووافقو .. والكل مستانس طبعا ماعدا خالد اللي ما حس بالسعاده وقروو ان الملجه تكون بعد اسبوع ..

ساره وهي يايه بيت خالتها عند نوره وامها وام خالد .يالسين كلهم ويا بعض ومستانسين

خالد وهو ياي من عند ربعه والحزن بعدها بملامحه يوم دخل شاف ساره بويهه ..تغيرت ملامحه تذكر كل الايام الحلوه اللي كانت بينهم ..

خالد وبكل حزن وعيونه على ساره : السلام عليكم

الكل : وعليكم السلام

ساره بابتسامه : شحالك خالد

خالد بخاطره (( كيف تبيني اشوف السعاده وانتي خليتيني اعاني مع الزمن )) بخير الله يسلمج

ساره : مبروووم ولد خالتي مبروك مقدما ع الخطوبه

خالد يبتسم بس مب من خاطره : الله يبارك فيج

ساره : يالله عقبال الملجه والزواج ان شاء الله وعسى الله يهنيك

خالد : تسلمين بنت خالتي ..يالله عن اذنكم ..نسيت موبايلي بس اخذه ..



خالد دخل غرفته وقلبه متقطع على ساره وويكلم نفسه

(( الله يا دنياااااااااااااا .. ساره اللي كانت تغار عليه من كل شي ..الحينه عادي عندها خطوبتي وتباركلي بسعاده بهالسرعه نست اللي بينا .. كيف اقدر اشيلج من بالي يا ساره كيف قوليلي كيف ))
وبدت ملجه خالد اللي الكل كان متجهز لهاليوم ..

خالد وهو يتجهز الحزن ما تفارقه ..

نوره تشوفه : الله الله شو هالكشخه صدق ان اليازيه محظوظه فيك

خالد يصد يشوف اخته : هلا اختي

نور ه: ها اخوي واخيرا بتملج ان شاء الله ..

خالد : ان شاء الله

نوره : بلاك اخويه بعدك زعلان ومتضايج ما نسيت ساره

خالد : انساها مستحيل .كل ما اببي انساها اتخيلها اكثر عسب جي قلت لازم املج يمكن اذا وحده ثانيه دخلت بحياتي بقدر اشيل ساره من بالي بس صعب انساها اللي يحب يا نوره باخلاص صعب ينسى ..

نوره : بس لاتنسى انك لازم تخلص لزوجتك وان شاء الله تسعد معاها ..

خالد : ان شاء الله

وبعد كتب الكتاب اليازيه وهي مستحيه دخلت على اهل خالد واليازيه مواصفاتها

(( اليازيه انسانه جديه وايد وحلوه لونها ع البرونزي وعيونها سوووود وشعرها اسود بس ناعم وحلو .. معروفه بذكائها وجديتها وطيبتها وانها ما تسكت عن حقها لو شو ما يصير ))

اليازيه كانت حلوه بهاليوم لبست فستان بسيط وحلو وشعرها الاسود بنص ظهرها والكل مستانس ..

وطلبو من اليازيه انها تكون مع خالد بروحهم

يابو العشاء وخالد متوتر وايد يمكن لانه ما تخيل انه يفكر يتزوج او يملج الا على ساره

اليازيه بعد ما دخلت وهي منزله راسها ومستحيه ما تقدر ترفع راسها

خالد شافها بنظره وهو بعد ما يعرف شو يقول غير : مبروك عليج

اليازيه برقه : الله يبارك فيك وانت بعد مبرووك عليك

خالد ساكت مايعرف شو يقول : امممممممم ان شاء الله اقدر اسعدج ونكون متفاهمين ..

اليازيه : ان شاء الله

طبعا السكوت كان اكثر من الكلام .. مع ان اليازيه فيها جمال بس خالد ما تخبل عليها وايد..



نوره تكلم ساره : الحينه المعاريس بروحهم

ساره : هيه والله عسى الله يهنيهم

نوره: شو اخبار البيبي

ساره تاشر ع بطنها :: تمام الحمد لله

نوره : بعده صغير

ساره : هي توني بشهر الثاني مادخلت الثالث ..بس بعد كم يوم بدخل ان شاء الله

نوره :والريم متى بتيه

ساره : ان شاء الله باجر .تحسين انها طولت بشهر العسل

نوره : هيه والله بتكمل شهر .. ما صدقت.

ساره تضحك : ها نوره نسينا ما كلينا بعد ما استانستي ويا عبدالله الحينه تحسدين الريم ..يحليلها والله الريم

نوره : لا والله ما احسدها ..عسى الله يهنيهم ..تعالي ما قلتي شرايج باليازيه

ساره : ماشاء الله عليها حلوه

نوره : ساره بقولج شي جاوبيني بصراحه

ساره :اكيد

نوره : ما حسيتي بغيره يوم خالد ملج

ساره مستغربه : انا لا والله

نوره : معقوله

ساره : يمكن اذا انا ماكنت متزوجه او اذا انا لين الحينه احب خالد .. نوره خالد اعزه وايد خالد ولد خالتي بس انا متزوجه بفهد وفهد مالي دنيتي وما افكر الا فيه

نوره : سبحان مغير الاحوال تذكرين كيف كنتي تكرهينه

ساره : على قولة المثل ما بعد العداوه محبه ..تصدقين يوم اشوف طيبة وروعه احساس فهد اقول صدق اني غبيه .. كيف ما حبيته وهو يمتلك احلى المواصفات والله يا نوره احس دنيتي ظلمه بدون فهد

نوره : عسى الله يهنيكم يارب ويتمم فرحتكم

ساره : امين يارب والله يسعدج يا نوره



##################################



في اليوم الثاني

الريم يت من السفر وعلى طول راحت بيت اخوها فهد

الريم وهي تسلم عليهم

الريم وهي تسلم على اخوها : فديتك اخوي والله اشتقتلك

فهد : تشتاقلج العافيه .. وانا بعد اشتقتلج والله دوم اقول حق ساره بدون الحشره الريم ملل

ساره تضحك : حيليلها لا تقولها حشره الريم مالها اي ازعاج الريم الهنا كله

الريم : اصلا محد فاهمني وحاس فيه غير مرت اخويه

الريم : فهد يالله اخويه انزل تحت ترى محمد يترياك بالميلس يبى يسلم عليك

ساره : هي هي ما ترضى تخليه بروحه

الريم استحت : ساارووووه بلا احراج

فهد يضحك : لازم حلاته الحرمه تصون ريلها وادافع عنه ..

الريم : زين عيل يالله روحله ..لانا بنروح

ساره : تو الناس

الريم : والله تعبانه ..كرهت الطياره ظهري تكسر ابي ارتاح

فهد : زين عيل انا بنزل عنده

الريم خذت ساره ع صوب : ها اشحال ولد اخويه

ساره : والله بعده صغير

الريم : يالله بسرعه متى بيطلع ابي اشوفه ابيي بسرعه يقولي عمو

ساره : ان شاء الله جريب ..ها اشحالج ويا محمد

الريم اونها تلعب باصابعها : تمام

ساره : اونج استحيتي ..

الريم : الصراحه ما توقعت ان محمد بهالرومانسيه والطيبه يحليله ضحى ببنت عمه عسبي ..

ساره : تستاهلون كل خير ..تعالي عرفتي ان خالد ملج الريم فتحنت عيونها " والله ومتى

ساره : البارحه

الريم : انا يوم روحت انتي حملتي ويوم روحت خالد ملج شو لهدرجه نحسه

ساره تضحك : ههههههههههههه

الريم : عاد اكيد فهد استانس

ساره : يوم قلته استغرب.. بس هو واثق اني احبه وانه محد يهمني غيره

الريم : اكيد استانس وطار من الفرح اخاف من دعاويه ساره : هههههههه يمكن .. بس والله خالد انسان طيب وحبوب وانا اتمنى له كل الخير

الريم :وين وشو مرته حلوه

ساره : هيه حليوه ماشاء الله

الريم : منو احلى خالد ولا هي

ساره : يا حبج لهالاسئله

الريم : قولي



ساره تصد يمين يسار : بخبرج بس لا تقولين حق فهد الصراحه جمال ولد خالتي غير .. صح هي حلوه بس هو ماشاء الله عليه احلى ..

الريم تصارخ : هاااااااااااا لا تقولين ما قلتي بخبر عليج فهد ...

ساره : سكتي سكتي لا والله بيزعل

الريم : لا لا بقول بقول

ساره : يالنذله انتي سالتي ..ويوم جاوبت تبين توهقيني

الريم تضحك بخبث: ماتعرفيني نذله

ساره : والله يوم تزوجتي استويتي نذله والله انا ما احيدج جي ..

الريم تشوف الموبايل : وي تاخرت .. محمد يترياني تحت ان شاء الله بييكم مره ثانيه



الريم ومحمد علاقتهم من اروع العلاقات اللي بنيت ع الاحترام والحب والتقدير لكل من الطرفين



################################



نوره يالسه تتريه عبدالله على اعصابها ..ويوم عبدالله دخل الغرفه شاف نوره منزله راسها ..

عبدالله دخل : هلا نوره هلا والله

نوره بابتسامه حلوه : هلا فيك يا احلى واغلى ريل بالدنيا كلها

عبدالله مستغرب : يا ويلي شهالكلام الحلو شو طاري عليج

نوره والدمعه بعيونها وتاشر على عبدالله : عبدالله تعال شوي

عبدالله مستغرب يلس عندها : هلا فديتج

نوره بابتسامه تبى ترمس بس ما تقدر تقول ..

عبدالله مستغرب يشوف الدموع بعيون نوره ..: بلاج نوره

نوره والدموع اربع اربع : عبدالله انا حامل حامل

عبدالله استانس حضن نوره بالقو : والله

نوره وهي تمسح دموعها : والله اليوم تاكدت من الحمل

نوره وهي تصيح من الفرحه ..

عبدالله : فديتج يا نوره واخيرا واخيرا تحقق حلمنا

نوره : مب مصدقه والله من يوم ماالدكتوره قالتلي وانا ميته من الوناسه يا عبدالله الحمد لله الحمد لله

عبدالله : الحمد لله شفتي قلت لج ان الله مع الصبرين .. وليش ما قلتلي لي قبل

نوره : خفت احط ف بالك هالشي واخر شي ما اطلع حامل بس يوم شفت الاعراض قلت خلا اتاكد احسن

عبدالله : ومنو راح وياج

نوره : ساره راحت ويايه ويحليلها ادمعت من الفرحه ..

عبدالله : خبرتي اهلج

نوره : لا ما حبيت اخبر اي حد قبلك ..

عبدالله: تسلمين حبيبتي ويالله نبشر امايه اكيد بطير من الفرحه ..وبعدين نبروح عند اهلج بس هااااا ما اوصيج شوي شوي عالجنين ترى هالغالي ولد الغاليه

نوره : من عيوني



نوره سعادتها كانت اكبر من سعادة ساره بالطفل يمكن لان نوره تتريه هالشي من زمان ويوم عرفت استانست وايد .. وطبعا فرحة الاهل كلهن مب بس هي



##################################



منى يالسه ويا هند طبعا عالمسنجر والخراب قدرت منى تسيطر عليها انه المسنجر مب معناتها انها تخون زوجها وهند بما انها مب محصله الحب والحنان من ريلها اختارت الشات والمسنجر لان منى قالت لها ان بهالطريقه راح تحصل كل حد مهتم فيها ويحبها ويسمعها الكلمات الحلوه ..

هند : ويييييييييييي شفو شو كتبلي

منى تقرى : وااااو كلماته تينن

هند بحزن : ياريت ريلي يقول كلمة احبج او اي شي من زمان ما سمعتها منه

منى : يالله شتبين فيه .. خلا يولي

هند : كيف وانا ماخذتنه عن حب .. صار عادي ويايه عسب جي اسلي عمري بهالمسنجر والشات مع اني اعرف ان كل واحد يقص ع الثاني بس شو اسوي



منى تسمع صوت الهرن : اقول هذا مب جنه هرن سيارة ريلج

هند : هيه ( توترت ) وويييييييي خلا ابند الكمبيوتر ما فيه

منى : زين انا دقيقه بروح الحمام

(( منى راحت الحمام عسب تتمكيج زياده وتتعطر وطبعا الشيله على جتفها ))

وسالم دخل الصاله .. وشاف هند .

هند : هلا حبيبي شحالك

سالم بجديه : بخير .. اقول هند دخيلج بسرعه جهزي العشاء ترى ميت من اليوع

هند : قصدك اقول للخدامه تجهز مب انا

سالم بعصبيه : المهم اي حد المهم ابي اتعشى ترى صدق يوعان

هند : اوكي ثواني

سالم : اقول وين امايه واختي

هند :ماعرف وينهم . يالله بروح اجهز العشاء

منى دخلت بكل دلع : هلا شحالك سالم

سالم يدور منو هاي اللي عندها هالصوت ويوم صد شاف منى طبعا بكامل زينتها واتخبل : هلا

منى : شخبارك ان شاء الله بخير

سالم : الحمد لله انتي شخبارج ..

منى : بخير عساك بخير ..

سالم : تفضلي ليش واقفه

وبعـــــــــــــــــــــد مرورعدة أشهـــــــر:

ساره وهي حامل بالشهر 9 ..يعني ع النهايه

ساره وهي ماسكه ظهرها : فهد فهد :

فهد بالغرفه الثانيه : لبيه يا عيون فهد ..

ساره : اقول اليوم بخاطري اتمشى عالبحر

فهد : فديتج ما طلبتي شي البحر هو دمي غناتي خلاص الحينه بتلبس وبنروح هناك وبناخذلنا عشاء

ساره : اوكي حبيبي عيل بروح البس ..



ساره وفهد عالبحر ف مكان هادي مب زحمه ..

ساره تشوف البحر : الله شحلات البحر .شوف الجو

فهد وهو يالس عندها : تصدقين كل يوم اشوف البحر انسى ضيجي اذكر يوم كنتي تقسين عليه دايما اتردد عالبحر اشكيله محد فاهمني غير البحر

ساره معصبه : افا وانا وين روحت

فهد : انتي انتي بداخلي وبجوفي وبدمي .. انت الهوى اللي اتنسفه ..يا عساني ما خليت منج

ساره : تصدق فهد عمري ما اتوقعت اني احبك بهالطريقه .. ما اقدر اعيش بدونك وبدون كلامك وابتسامتك ..دايما اقول صدق اني غبيه لاني ما حبيتك من قبل

فهد وهو ماسك ايدها : مب مهم قبل المهم الحينه انج مستانسه ويايه



ساره : قول طايره من الفرح .. حد يعيش وياك وما يستانس .. انته امي وابوي واهلي كلهم ..

فهد : لو تعرفين شكثر السعاده تغمرني .. كافي حبج لي ولو اموت الحينه صدقيني بستانس لان عندي زوجه مثلج وياهل ..

ساره وهي تدمع : لاتقول جي ..لا تطري الموت يومي قبل يومك

فهد : باسم الله عليج حبيبتي انتي تعرفين اذا صار لج انا اللي بموت .. بدونج دنيتي مالها معنى .. انا احبج واموت عليج

ساره : وانا اموت ع الهوى اللي اتنفسه

فهد يمسك بطن ساره : ها وولدي شو يقول

ساره : يقول بسرعه ابي اطلع واشوف ابويه الغاوي ..فهد : ها حبيبتي اخترتي اسم للياهل

ساره : شوف اذا ولد بسمي خليفه واذا بنت بسميها الغاليه.... شرايك

فهد : لا شرايج باسم حمدان ..ولا سلطان ولا..

ساره : ويييييييييي انت عندك مليون اسم .. خلاص يوم بييه الياهل ان شاء الله بنسوي القرعه

فهد : اوكي المهم خلا اييه واكحل عيوني بشوفته ..

ساره : فهد توعدني انك ما تتخلىعني

فهد : افا عليج يا بعد هلي كيف اتخلى عنج وانتي كل دنيتي اوعدج يا غناتي اكون لج العمر كله وما تخلى عنج ..

ساره : فديتك والله هي عرفت ان نوره حامل بتوأم

فهد : والله بتوأم ماشاء الله زين

ساره : سبحان الله صبرت ونالت

فهد : وهي اكيد طايره من الفرح

ساره : قول متخبله كل ما تذكر تدمع

فهد : يحليلها والله تساتاهل اقول جنه فاتحة خير نحن اول شي انتي حملتي بعدين نوره .. ومنو بعد

ساره: والريم بعد شو نسيت اختك ..

فهد : هيه والله ..صدق حامل ولا

ساره فاتحه عيونها : يعني تتجذب علينا

فهد : اشوفها خبله عادي تمشي بسرعه مب مثل باجي الحوامل

ساره : الريم عادي عندها تقول انها ما تحس انها حامل لانه مب مبين عليها بما انها حامل من شهرين يعني توه

فهد : يالله الله يزيد ويبارك ..

ساره : يالله الحمد لله



#############################



نوره وهي تجهز اغراض الياهل..

عبدالله وهو بالسوق وياها: اقول نوره انتي ماتعرفين جنس التوام صح

نوره : لا

عبدالله : عيل اي لون بتاخذين

نوره : باخذ الابيض والبيج وهالالوان اللي يستوي حق الولد والبنت

عبد الله متحمس : الله بيينا توام الحمد لله الحمد لله

نوره هي والله رب عالمين عطانا احلى هديه ..

عبدالله : الحمد لله





اما منى وهند وسالم

زادت علاقة منى وسالم وايد صارو يكلمون بعض بالتلفون ويتغزلون ف بعض طبعا منى حاطه ف بالها انها تكلم سالم عسب تزوجه بما انها تبى تفتك من تسلط اهلها .. اما سالم فقصده اللعب ثم اللعب ..

وهند ولا تعرف شو السالفه ...



هند اللي لاحظت ان منى ما اتيه بيتهم وايد ولا تتصل فيها .. وتغيرت عليها وايد وسالم ما تحصله ابد ودايما يرمس بصوت واطي ويطلع يوم حد يتصل فيه ..



خالد واليـــــــــــازيــه

خالد وهويكلم اليازيه

اليازيه : خالد

خالد : هلا

اليازيه : خالد ابي اقولك شي من زمان بخاطري اقوله لك

خالد : تفضلي قولي

اليازيه : خالد انت تحبني

خالد سكت ماعرف شو يقول ..: ليش هالسؤال

اليازيه : الصراحه من اول ما ملجنا ما احس انك تحبني كلامك وايد عادي وحتى تصرفاتك يعني ما شي حب يا خالد وانا كل مره اقول بتريه يمكن يحس فيني يمكن بس اشوف كملنا اكثر من 6 اشهر ويا بعض وانت مثل ما انت ..خالد انا انسانه معروفه بصراحتي .. واحب اللي يكون ويايه يكون صريح

خالد : صدقيني عادي ما فيه شي

اليازيه : خالد اللي عرفت عنك من بداية علاقتنا انك ما تعرف اتجامل وهالشي الحلو فيك .. وابيك تكون صريح ويايه ..قول بلاك انت ماخذني عن غصب قول ترى لين الحينه ما تزوجنا صح عقدنا قرنا بس بعد ما سوينا حفله عرس

خالد : انتي يااليازيه مكبره السالفه

اليازيه بكل جراه وحزن بنفس الوقت : عيل يمكن تفهمني ليش ما تشتاقلي مثل باجي الرياييل احيانا يمر اكثر من اسبوعين وما تقول ابي اشوفج ليش ما تتغزل فيه .. كلامك وايد عادي ..ليش الحزن دايماتفارقك ليش كون صريح ويايه الله يخليك ..

خالد ساكت

اليازيه : خالد ابيك تعرف انا صعب عليه اني اعيش ويا انسان بهالبرود وماعرف بلاه كيف بتكون زوجي وانت من الحينه ما تصارحني ونحن مب متفاهمين صارحني يا خالد صارحني

خالد بعد تفكير : ماعرف شو اقولج

اليازيه : انت يا خالد تحب غيري او عندك حب جديم صح

خالد توتر ماعرف شو يقول : انا

اليازيه :ما شي الا جي ..قول هيه

خالد: شوفي اليازيه بكون صريح وياج مثل ما تبين انا كنت احب قبل ( خذ نفس ) كنت احب بنت خالتي وكنا لبعض من الصغر بس ماصار بينا نصيب

اليازيه تضايقت : يعني عندك حب جديم .. وانت ودرتها مب من رضاك صح

خالد: كيف عرفتي

اليازيه : ما يبالها شي يا خالد التنهد والنفس اللي خذته كشف اللي بداخلك وعرفت انك ودرتها غصبن عنك وانا ما ابي اعرف الاسباب لان هالاشياء خاصه فيك

خالد : ما حبيت اقولج بس انتي اصريتي

اليازيه : وانت لين الحينه تحبها

خالد يحاول ينكر: لا لا ما احبها

اليازيه : ترددك ف البدايه مبين انك لين الحينه تباها مع ان اللي اعرفه ان ساره متزوجه .. بس اتوقع حبك كان كبير لدرجه ان مع هالايام والاشهر ما قدريت تنساها وقررت انك تزوج لان بهالطريقه يمكن تنساها صح

خالد : ساااااكت

اليازيه : خالد حتى لو تزوجت مب دايما الزواج يقدر يخلي الشخص ينسى حبه الجديم وانت جربت فيه للاسف

خالد : لا ياليازيه والله مب جي السالفه

اليازيه : اللي اعرفه ومتاكده منه انه حتى بعد الزواج بتفكر بساره لاني حاولت اشهر وياك عسب اغيرك بس ما شي فايده .. واسمحلي يا خالد ما اقدر اعيش ويا انسان ما يكن لي اي حب .. انت تحترمني صح بس ما تحبني .. وانا ما ابي اجازف واتزوج بانسان واخر شي اعرف انه مستحيل ينسى حبه الجديم وانا بس كاسم زوجه انا ابي انسان يحبني واحبه ونكون بقلب واحد .. وانا حاولت وياك باكثر من طريقه بس ما شي فايده

خالد : شقصدج

اليازيه : خالد صدقني انا اتالم واقولك هالكلام يمكن لاني تعودت عليك .. ويمكن لاني عزيتك .. بس ما اقدر اعيش ويا انسان قلبه مب ويايه

خالد : سااااكت

اليازيه : خلا نورد بعض احسن مدامنا ع البر لين الحينه احسن من انا نتزوج ويصير بينا مشاكل

خالد ماقال شي

اليازيه بعد سكوت خالد تاكدت ان خالد لين الحينه يحب سار ه ..

اليازيه : اوكي خالد بس ابيك تعرف شي انك ما تجرب على بنات الناس يمكن الريال ما يعيبه شي بس البنت مب حلوه تنفصل او تتطلق يوم تتاكد من انك نسيت ساره بعدين فكرباالزواج مب قبل هالشي عسب محد يكون ضحيه .

خالد : اليازيه انا ما ابي اجرحج

اليازيه : بالعكس زين انك صارحتني بهالشي الحينه ونودر بعض بكل ود احسن بدون مشاكل وعادي انت قول لاهلك انا ما تفقنا ولا نقدر على هالشي وانا بعد .. والله يعوض على كل واحد منا

خالد : يعني خلاص

اليازيه : هيه خلاص وانا متاكده اني ما بندم باختياري بس اببيك تعرف انك انسان طيب وخلوق ومحترم وهالشي اللي عمري ماراح انساه

خالد: تسلمين .. وانتي بعد انسانه خلقوه ومحترمه..

اليازيه : خلاص هاي اخر مكالمه بينا والله يسعدك يا خالد



خالد يمكن كان يبى يقول لليازيه ان علاقتهم صعبه ومستحيله بس استحى يقول هالشي وزعل لانه خسر اليازيه لان اليازيه انسانه طيبه وحلوه وزينه بس استانس بنفس الوقت لانه ما كان يبى يخدعها اكثر لان قلبه لين الحينه بحبه الجديم اللي هو حب ســــــــــاره ..



وطبعا الاهل كلهم عرفو ان خالد بينفصل عن اليازيه والكل زعل .. واكثر وحده انصدمت ساره ما توقعت هالشي .. وبخاطرها تقول ( معقوله لين الحينه تباني يا خالد عسب جي انفصلت عنها .. ))
فهد وهو بغرفته يكلم ساره ومطلع الدفتر

ساره : الله شو هالدفتر الغاوي

فهد : هالدفتر ذكرياتي وياج حبيبتي من اول ما شفتج وانا اكتب خواطر ..

ساره تمد ايدها : عطني اقراه

فهد: لا بعدني ما كملته اول ما اييه الياهل بكتب عنه بعدين اقريه

ساره : اشوف شو العنوان

فهد : لا مب الحينه يوم بقولج بعدين اقريه

ساره : يالله عنيد

فهد : عنيد بحبج يا بعد هلي

ساره تبتسم : ..





#################################

الريم وهي تتلبس تبى تطلع

محمد يشوف الريم

الريم : ها حبيبي شرايك بكشختي

محمد : اصلا في حد شراتج انتي يا قمر

الريم : ممممممممممممم هي انته شراتي

محمد : هههههههههههه اقول الريم

الريم : هلا حبيبي

محمد : انتي حامل صح

الريم مستغربه : هيه ليش

محمد : من شهرين واكثر ما شفت بطنج كبر

الريم : هههههههههههههه مب من الحينه يبين بعد الشهر 4 بينلاحظ لان الياهل بعده صغير

محمد : وانا اقول يالله بسرعه ابي اشوف ولدي

الريم : يالله عاد وحشرتكم يالشباب تقولون متى يطلع ولدي ويوم يطلع تقولون حشره وازعاج وديه داخل ..

محمد: ههههههههههههه لا ما بقول جي

الريم : بس كم يوم يوم بتسمع حشرته بتطردني انا وهو برع الغرفه

محمد : افا وانا اقدر ..مستحيل انتي زوجتي وحبيبتي وهذا ولدي الغالي

الريم : تسلم حبيبي .. وعسى الله لا يحرمنا من بعض ..





هند بعد ما لاحظت تغير منى عليها وايد قررت انها تكلمها

هند وهي ترمس منى بالتلفون

هند : انتي يا منى من زمان ومب ع بعضج من عدة اشهر بلاج عليه

منى بدلع : مافيني شي يعني ما يستوي انشغل

هند : انتي من المدرسه ويايه وعمرج ما تخليتي عني والحينه يا دوب مره بالشهر تكلميني شو صارلج

منى : مشغوله والله اقول عندي خط اوكي باي

هند وهي تكلم عمرها: ماعرف شو استوى فيها ..



سالم دخل الغرفه وشاف هند تكلم عمرها .

سالم : مرحبا ( وف ايده الجكاره )

هند تكح : اول شي طلع هالجكاره اللي بايديك

سالم : بس حلفي...سوري ما اقدر توني مدخن ..

هند: سالم من زمان ما طلعت وياك ليش مانطلع والله لاعت جبدي ف البيت

سالم : ليش ما تيلسين ويا هلج

هند بخاطرها (( من زين هلك الحينه )) لا ابي اطلع وياك مثل ايام الملجه ..الصراحه وايد تغيرت عليه كنت وايد رومانسي

سالم : ليش والحينه شو

هند : مب مثل قبل استويت عصبي

سالم موبايله رن واتوتر : ها زين اكلمج بعدين هند بروح ارد على ربيعي

هند تشوفه وبخاطرها : ما اعتقد هذا ربيعك ..

سالم وايد طول بالتلفون ويا منى طبعا يعني كمل ساعه وهند كل دقيقه تشوف سالم ولا تشوفه يضحك ويوم يشوف هند يغير مكانه ..

هند : الا اكشفك يا سالم واعرف شو بلاك



وبعد ساعتين تقريبا دخل سالم يسبح

هند استغلت الفرصه راحت على طول تشوف موبايل سالم ويوم تشوف اخر مكالمه رقم رقم منو رقم( منــــــــى )

هند فاتحه عيونها مستغربه قالت لا اكيد مب هي ..تروح تشوف المسجات ولا بنفس الرقم واللفظ بين البنت والريال .. يعني شي واضح هند وهي تدمع وتقول

هند : معقوله يا منى يكون ها سبب تغيرج انا اللي اعتبرتج ربيعتي واخر شي تاخذين ريلي مستحيل

هند ما قدرت تتريه لليوم الثاني ع طول راحت بيت منى

منى وهي متلبسه طبعا لازم دايما تطلع الخدامه قالت ان حد يباها فعرفت انها هند وقالت خلا تدخل الغرفه ..

هند وويهامبين انها صايحه والعصبيه مبينه عليها

منى : هلا بهند

هند : يمكن موبايلج

منى : لا سلام ولا كلام شو السالفه

هند : عطيني موبايلج

منى ماسكه الموبايل : خذي الموبايل

هند وهي تشوف الارقام شافت رقم ريلها وهني انفجرت

هند راحت عند منى وصفعتها ..

منى صارخت : بلاج انتي

هند : ايالخاينه ياللي ما صنتي الصداقه اللي بينا تخونيني مع منو مع ريلي هذا بدل ما توقفين ويايه .. ما لقيتي الا ريل ربيعتج تحبينه وتفكرين فيه

منى : بلاج شو تخرفين

هند وهي تصيح : لا تنكرين شوفي الارقام اللي ف موبايلج .. وانا اقول ليش متغيره عليه انا الغبيه اللي فتحتلج بيتي وعاملتج مثل الاخت بس صدقها نوره الربيعه ما تنصح ربيعتها بالشر

منى : والله شو اسوي اذا ماعرفتي تحافظين ع ريلج

هند : ماحافظت عليه ع الاقل قوليلي حاولي تنصحين بينا مب تاخذينه

منى : هو اللي ميت عليه ووعدني بالزواج

هند : لانج مب مقصره دومج طايحه بيتنا وكل يوم لبس

ومكياج وحالتج حاله وانا اقول يحليلها يايه عندي صدق اني غبيه يوم قالو لا تثقون بكل الربع ترى البنات مالهم امان حتى ياخذون رياييل رباعتهم بس ما صدقت .ليش يا منى شو ذنبي مالقيتي الا سالم انا ربيعتج من ايام المدرسه جي تسوين فيه

منى : قلت لج هو اللي ميت علي .. وانا عرفتج عليه واقدر اخذج منه كيفي يعني واذا هو ما يباني عادي ما ابيه قوليله رمسيه بدل ما تكلميني

هند : بعد شووووووووو بعد ما لصقتي فيه ..انتي ربيعه انتي عدو انتي من شياطين الانس

منى : احترمي عمرج ولاتقلين ادبج

هند : اعرف انج غيرانه لاني اتزوجت قبلج وانتي محد يباج كيف يبونج وانتي سمعتج لاخر الدنيا لا ادب ولا اخلاق ولا احترام اصلا انا الغبيه اللي رابعت وحده ماتعرف الاصل والذوق والادب واغلبية الشباب يعروفنج ..

منى عصبت : احترمي عمرج ولاتقلين ادبج يا هند
هند: ويوم عرفتي ان مستحيل من هالشباب يرضون ياخذون وحده شراتج .. فكرتي بريلي قلتي مدام هو خذ عن طريق المغازله عادي بياخذج صح كيف جي تفكرين يااللي تعرفين صدق معنى الصداقه

منى : والله مب مضطره اقولج تبريراتي .. انا اللي اقرر شو اللي بسوي

هند : لازم الوحده اللي مب متربيه تقول هالكلام

منى : احترمي عمرج ولا بتشوفين شي عمرج ما شفتيه

هند بصريخ : شو بتسوين قولي ها ..شي اكثرمن اللي سويته

منى : والله وايد اقدر اسوي اشياء وبعدين شو المانع ريلج يكلم اميه وحده ليش ما تضاربين وياهم يايه عندي

هند : لو يكلم غيرج يمكن اهون من اني اشوف ربيعتي تخوني مع ريلي ..

\منى : لانج ماتعرفين كيف تصرفين انتي اصلا انسانه غبيه وعلى فكره انا كنت ابي اخربج واخلي سمعتج وصخه عسب جي عرفتج على سالم بس ما توقعت ياخذج وعلى شو ...

هند: على الاقل احسن منج يا ام الرياييل

منى ومعصبه : والله لا اردلج يا هند وبتشوفين شو بسوي اذا ما خليتج تصيحين دم ما اكون انا منى

هند : لا تهدديني اصلا انا لا اخاف منج ولا من اشكالج يالحقيره يالنذله .. ( وتف عليج وعلى ويهج ))

منى : ما عليه اذا ما خليتج تندمين على كل كلمه قليتها ما اكون انا منى...



هند طلعت وهي تصيح منصدمه من منى ..وتذكرت كلام خالد يوم قال ان سالم راعي بنات وتذكرت نوره يوم قالت ان الربيعه المخلصه ماتنصح ربيعتها ع الخراب وقفت سيارتها بمكان هادي وتمت تصيح .. تصيح لانها وثقت بمنى واعتبرتها كاخت وربيعه ..



اما منى فحلفت انها تنتقم من هند طبعا بطريقتها ..



منى حفظت اللي دار بين هند ويا شباب المسنجر وعطته لسالم بالسيديه

سالم يتريه هند من زمان لانها تاخرت وايد ع البيت وهو خلاص واصل حده من العصبيه ..

هند وهي يايه البيت شافت سالم معصب ويترياها

سالم بعصبيه : وين كنتي يا مدام

هند وهي تصيح : كنت عند منى

سالم : جذاااااااااااااااابه منى متصله توها وتقول انج ما ييتيها وين كنتي

هند استغربت: والله العظيم كنت عند منى ومنى تتجذب عليك

سالم : والله ( ماشر على السيدي)) ..وهالسيديهات

هند: مستغربه : شو السالفه

سالم : انتي يا مدام كنتي تكملين شباب عن طريق المسنجر صح

هند خايفه : انا

سالم ماسك ايدها : لا تتجذبين قولي

هند : لا لا

سالم صفعها باقوى ماعنده : تتجذبين عليه عندي ادله والصوت اكبر دليل كنتي تكلمين الشباب ع المسنجر عن طريق المايك صح

هند : لا

سالم ضربها مره ثانيه : يالحقيره يالخاينه

هند تصيح لانه سالم يضربها : هدني هدني يا سالم

سالم : اهدج وانتي تخونيني لا واكيد رايحه ويا الشباب وتقولين بروح عند منى وانتي رايحه وياهم

هند : والله العظيم عمري مارحت وياهم

سالم : جذابه مدام كلمتيهم بالسمنجر اكيد طلعتي وياهم انا غلطان يوم خذت وحده عن طريق المغازله صح مدام خنتي اهلج وكلمتيني مب بعيده تخونين ريلج وتكلمين غيره

هند : عاد انت المخلص تخوني مع ربيعتي

سالم : الريال ما يعيبه شي

هند : ما يعيبه شي ..منو قال لو صدق مثل ما قلت جان سمعتك ما وصلت لحد بيتنا انك راعي بنات وما جذبو .. سالم : انا اقدر اسوي اللي اباه بس البنت صعب انها تخون

هند : اصلا انا الغلطانه لاني اتزوجت واحد مثلك انسان مدخن ما يصلي ما يخلص لمرته وخاين انت ما تسوى شي

وهني سالم عصب وصفعها مره ثانيه وتمت هند تصيح

سالم : انتي عيل يالخاينه .. اصلا غلطان يوم خذت وحده شراتج غبيه ماتعرف شي والاحلى انها خاينه

هند : اضربني اذبحني فكني منك ومن شرك

سالم : اصلا مستحيل اعيش وياج لحظه وحده يالخاينه انتي طــــــــــــــالــــق طـــــــــالق طـــــــــــالق وطلعي برع بسرعه ما ابي اشوفج

هند انصمت اكثر وهي تصيح : حسبي الله عليك وعلى منى والله ينتقم منكم ومن عمايلكم .. وانا ما اصيح الا على هالسنين اللي قضيتها معاك

سالم : ما ابي اسمع شي منج طلعي برع

هند وهي تصيح ..راحت بيت اهلها ...



ام خالد تسمع صوت الجرس خالد استغرب منو اييه بهالوقت ويوم يفتحون الباب يشوفون هند شعرها مفتوح وشكلها مبين انها انضرت وهي تصيح

خالد : بلاج بلاج

ام خالد تمسك هند وتحضنها وهند تصيح : بلاج امايه شو فيج

هند وهي تصيح : امايه انا وسالم اطلقنا

خالد انصدم والام اكثر

الام : شووووووووو

هند : كشفت انه يخوني مع ربيعتي ويوم واجهته ضربني

خالد يبى يروووح .

ام خالد : وين بتروح

خالد : بروح ادبه الحقييييييييييير

ام خالد : حلفتك بالله ما تروح .. خلاص مدام طلقها خلا يولي رب العالمين موجود وهو اللي بياخذ حق اختك

خالد معصب: لا شوو يضرب اختي بادبه

ام خالد : والله ما تروح يا ولدي خلا يولي

هند وهي تصيح ... اااااااااااااااااااه امايه يا حسافه العمر اللي قضيتها معاه

خالد وهو معصب: قلت لج قلت لج بتندمين ما صدقتيني ها يالله هذا اخيارج ..تستاهلين

هند تصيح : كافي يا خالد كافي

خالد طلع وهو معصب ... قلبه متقطع على اخته ..

اما هند فتمت تصيح وما قدرت تسكت .

وطبعا الكل عرف بطلاق هند وسالم



##########################



وبعد مرور كم يوم .. ساره حست بالام الولاده

ساره وهي تزقر ( تنادي )فهد : فهد فهد

فهد نايم ما يسمع

ساره : فهد قوم

فهد قام : ها شو مستوي

ساره ماسكه بطنها : احس بالام الولاده بسرعه بموووووووت اتصل بامايه بسرعه

فهد توتر يحليله مايعرف شو يسوي يروح يمين وعلى طول خذ ساره وداها المستشفى ..

ساره وهي بغرفه العمليات

فهد ونوره والريم وام ساره يترون

فهد وايد متوتر وهو اربع وعشرين ساعه يدعي : يارب يارب سهل ولادتها يارب

وبعد مرور الوقت

الدكتوره بشرتهم ان ساره ربت ويابت

( ولـــــــــــــــد))

فهد : مب المهم شو يابت المهم ساره شحالها ما فيها شي

الدكتوره : لا الحمد لله بس هي الحينه نايمه

فهد بروح اطمن عليها

فهد دخل وشاف ساره نايمه والتعب واضح عليها

فهد يحب راس ساره .. ساره فتحت عيونها

فهد : مبروووووك يبتي ولد يا احلى ساره

ساره ابتسمت : ومبروك عليك حبيبي

فهد يمسح على شعرها : يالله ارتاحي

ساره : ابي اشوف ولدي..

فهد : الحينه بييبونه

الدكتوره يت ويابت الولد والولد كانه ملاك يشبه فهد نفس لونه بس شكل العيون على ساره وكان صدق غاوي

ساره وهي مساكه ولدها بحضنها : فديته ولدي شحلاته

فهد يمسح على شعره: الله هذا ولدي ماشاء الله ..

سار ه: هذا ثمر حبنا يافهد

فهد : الله يجمعنا دوووووووم



ساره ردت من المستشفى والكل فرحان بهاليوم ..

وقررو يسمون الولد باسم خليفه



وسعاده فهد ما توصف ..كل دقيقه يلعبه ويكلمه



وبعد مرور اسبوعين من ولادة ساره



ساره تكلم فهد : حبيبي اليوم بروح ويا امايه والريم عسب نتشرى شوي حق ولدي خليفه فديته

فهد : ما خلصتي

ساره : لا والله ابي اخذله شوي اغراض

فهد : وانا بروح ويا ربيعي عيل

ساره : زين يالله عن اذنك

فهد : ساره

ساره تصد : عيون ساره

فهد تقرب منها وحبها على خدها : احبج يا ساره انتي كل دنيتي وعمري ما شفت السعاده الا معاج

ساره : وانا بعد احبك وعمري ما شفت الهنا والحب الا وياك

ساره طلعت ويا امها والريم

امافهد طلع ويا ربعه ..



وبعد ما تشرو .. اغراض الياهل ..

ساره وهي تكلم فهد وهم بالسوق : زين حبيبي نحن رادين البيت الحينه

فهد : اوكي حبيبتي اترياج ..

ساره : انت بعدك ما وصلت

فهد : لا ان شاء الله بعد شويه



ساره : اترياك حبيبي

فهد : ساره ساره بقولج شي

ساره : خير

فهد بصوت واطي : ا ح ب ج ( احبج )

ساره بصوت واطي : وانا بعد احبك

فهد : يالله حبيبتي اترياج اليوم





اما هند فمن بعد طلاقها ويا سالم تغيرت وايد استوت اعقل عن قبل وتفكر بمنطق بس الحزن ما يفارقها كل ماتذكرت انها ضيعت عمرها ويا سالم تتحسر زياده واللي يعذبها زياده ثقتها في ربيعتها ..ودايما تردد حسبي الله عليهم دمرو حياتي..



وساره ونوره والريم وام ساره وهم رادين البيت

ساره شافت حادث بالقو مستوي عند جسر ا لقرهود

ساره مسكت قلبها : يمه شو مستوي

الريم : حادث بليغ اللهم اجعله خير

ساره وهي متوتره : اقول شوفي اي سياره

الريم : السياره مب واضحه بس اعتقد سيارة ****

ساره : الحمد لله يعني مب سيارة بورش

الريم : : وي باسم الله على اخويه لا الحمد لله يالله الله يقومهم بالسلامه ..

ساره : الله يعين اهاليهم ..



وهم رادين البيت ..ساره طلبت منهم انهم يتعشون وياها طبعا بوجود فهد ....

ساره يوم وصلت شافت سيارته عند باب بيتهم

ساره : وي فديييت ريلي ف البيت

الريم : عاد ما صدقت

ساره : يعلني فداااااااااااااااه

ساره دخلت طبعا مع نوره والريم وامها .ساره راحت المطبخ تجهز العشاء ..

الريم : ساره وين فهد

ساره : اكيد يتسبح بغرفته

وهني تلفون البيت رن ..

الريم راحت ترد ...ولا فجأأأأأأأأه الريم تصارخ باعلى صوته

ساره فرت اللي عندها وراحت بسرعه عند الريم

الريم وهي تصارخ وتصيح ما ينفهم شي منها

ساره وقلبها يدق والقشعريره بجسمها : بلاج بلاج

والكل متيمع عندها


الريم وهي ميته صياااح : فهد فهد

ساره فاتحه عيونها: فهد بلاه شو فيه

الريم : فهد سوى حادث من شويه ومودينه المستشفى كان ويا ربعه

ساره من الصدمه ماتعرف شو تسوي كل اللي سوته ان دموعها اربع اربع : فهد ريلي يعني الحادث اللي شفته كان فهد لا لاااااااااااااااااااااااا ا

ساره وهي تصيح : ودوني المستشفى بسرعه الله يخليكم بسرعه

ام ساره اتصلت بالدريول .. والكل كان موجود هناك حتى هند

وساره والريم اكثرو اثنين صاحو

الريم تصيح وهي بالسياره

اما ساره فمثل الصدمه والحلم كل اللي تسويه انها تصيح بهدوء وايدها ع قلبها

وصلو المستشــــــــفى

ساره تركض عند الدكتور : دكتور انا مرت فهد ****

طمني بلاه وينه

الدكتور : والله فهد يا مدام تعرض لحادث بليغ وضربه بالمخ .

ساره وهي تصيح : وشو حالته

الدكتور : الصراحه حالته صعبه الله يستر

الريم وهي تصيح ومحمد ماسكنها : اخويه اخويه بلاه الله يخليكم قولولي

ام ساره ماسكه ساره ..

الدكتوره طلعت مره ثانيه : منو ساره منو ساره

ساره وهي تصيح : انا انا ساره

الدكتوره : فهد يباج

الدكتور : لا ممنوع الدخول

الكدكتوره تكلم الدكتور : يناديها بكل وقت يقول بس دقايق

الدكتور: مدام ساره لاتاخذين وتعطين وياه بس دقايق

ساره : ان شاء الله

الريم : انا بعد بييه

الدكتور : اول شي خلا ساره ما يستوي كلكم

ساره دخلت وشافت حالت فهد اللي تقطع القلب الربطه ع راسه والاكسجين عليه ..

ساره قربت وهي ميته صياح بس بصوت واطي

فهد يفتح عيونه وصوت متقطع : ساره ساره

ساره راحت عنده وهي تصيح :لا ترمس يا فهد ان شاء الله ما بيستويلك شي

فهد: ساره انا احس اني ما بعيش خلاص احس بالموت

ساره : لا يا فهد لا تقول جي .. انت بتم ويايه مثل ما وعدتني بتم للابد ويا ولدنا خليفه

فهد : صدقيني اذا مت ما بزعل لاني شفت السعاده و حسيت بالابوه بمده قصيره وحياتي كانت من اروع اللحظات ويمكن الله يعاقبني لاني حرمت انسان من السعاده

ساره وهي ماسكه ايده : حبيبي فهد الله يخليك لا تقول جي موتك هو موتي

فهد : ساره انا احبج وبحبج حتى بمماتي ..

ساره : فهد

فهد : خليني اكمل ساره شي دفتر ذكرياتي كل اشعاري كتبتها لج .. ما وصيج يا ساره على خليفه ولدي .. لاتحرميه من الابوه .. اطلب منج يا ساره اذا خالد تقدم لج ما ترفضينه عسب ولدي ما يتم بروحه ويكون عنده اب وما يعيش المر اللي عشته وانا متاكد محد بيحبه كثر خالد

ساره : انت شو تقول ..فهد انت زوجي وانت حببيبي محد بياخذ مكانك

الريم دخلت وهي تصيح : فهد اخويه اخويه

فهد : لا يالريم لا تصيحين .. ما وصيج على ريلج وعلى الياهل اللي ف بطنج .. والله عوض علينا السعاده وانا لو مت صدقوني بستانس .. الريم نادي خالد بسرعه

ساره وهي تصيح : فهد لا ترمس

فهد ياخذ نفس بصعوبه : ساره ما وصيج لبي الامانه ما ابيج اتمين بروحج بهالدنيا الغداره واعرفي اني بغار حتى ف قبري بس ان شاء الله نكون من اهل الجنه واكيد وياج بالاخره .. خذت شوي من الدنيا وكنت وياج والاخره ان شاء الله كلها وياج ..ساره احبج

ساره تصيح ..

خالد دخل ومستحي ..

ساره ابتعدت شوي عسب خالد يكلم فهد
فهد وهو يبلع ريجه : خالد اسمحلي اخوي اعرف اني خذت حلم حياتك وصدقني فكرت اخليها لك بس شفت ان حياتي ما بتستمر بدونها.. واقولك اذاتحب ساره لين الحينه تزوجها بعد موتي .. لاني اعرف محد بيصونها غيرك .واسمحلي يا خالد اسمحلي

خالد : مسموح اخويه وان شاء الله بترد بالسلامه

فهد : رايتك بيضه والله ..

خالد طلع ..

ساره : فهد ..

فهد مغمض عيونه وياخذ نفس : ساره اودعج لبي الامانه

الريم تصارخ : اخويه شو تقول انت بتم ويانا

فهد : الريم اختي الغاليه احبج يا اختي ..ساره انتي كل اهلي يا ساره احبج واحب ولدنا خليفه ..

وهني حالة فهد ساءت اكثر

ساره تشوف الموت بعيون فهد تصارخ تنادي الدكاتره ساره والريم يطلعونهم برع

ساره امها ماسكتنها

محمد ماسك الريم

والكل على اعصابه

الدكتور يطلع بعد فتره ..

ساره : ها دكتور شو

الدكتور منزل راسه وبحزن : البقــــــــاء لله

ساره والريم : لاااااااااااااااااااااااا ااااااااااااااااا

الريم يغمى عليها ..وع طول محمد شلها ..

ساره طاحت من الصدمه وع الارض تصيح : لا مستحيل فهد يموت فهد وعدني يتم وياايه فهد ما بيخليني لااااااااااااااالا ااااااااااا

ام ساره تحاول تشل ساره : بس يا امايه

ساره تصارخ والشيله طاحت من راسها : ما ابي ..ابي فهد امايه الله يخليج قولي اني احلم

نوره تمسك ساره ..بس ساره ما تقدر توقف ..

ساره قامت وبسرعه تبى تدخل غرفة فهد بس الدكاتره يمنعونها ..

ساره : امايه ابي فهد ..فهد ماماااااااااااااااات لا لا مستحيل فهد زوجي فهد كل دنيتي ..فهد ما مات لا مستحيل مستحيل

وهني ساره اغمى عليها

ساره وهي بالغرفه حاطين عليها الاوكسجين ..

خالد طلع برع المستشفى وهو بغترته يمسح دموعه

هند : خالد تصيح

خالد : قطع قلبي فهد ..وساره شفتي حالتها اول مره اشوفها بهالحاله

هند : يعني زعلان

خالد : صح اني كنت ضد فهد وما كنت احبه بس عمري ما تمنيت الموت له .. يعلم الله اني يوم عرفت ان ساره مستانسه تمنيت السعاده لها وخليتها تعيش حياتها ..يحليلها ...

ساره بعد ما قامت من الطيحه

ساره تشوف امها عندها : امايه امايه

ام ساره : ارتاحي يا ساره

ساره اول ما نشت ( قامت ) حست كانها تحلم

ساره مسكت ايد امها : امايه ابوس ايدج قولي اني كنت احلم صح انا احلم فهد فهد موجود صح

الام تصيح : ..

ساره : قولي امايه فهد موجود صح يترياني و قال بيترياني في البيت وينه ابي اشوفه اشتقتله ابيه وينه

الام : بس يا بنتي اطلبيله الرحمه مب زين تعذبين روحج

ساره : لا لا فهد مامات فهد بس طاح ف المستشفى

ساره قامت بسرعه ع الغرفه اللي فهد مرقد

الام تلحقها

ساره يوم وصلت شافت من المنظره الصغيره اللي بالغرفه شافت دكاتره داخل وغطاء مغطي ويه فهد

ساره تحرك راسها : فهد فهااااااااااااااااااد

الام تمسكها : بس بس يا ياساره رحمي حالج

ساره : فهد ما ماااااااااااات فهد موجود ..فهد ..اااااااااااااه يا امايه راح عني حبيبي

ام ساره تمسكها يالله يابنتي خلانرد البيت

ساره : لا ابي اروح بيتي هو بيت فهد ..

ام ساره : مب زين اتمين بروحج

ساره : ما ابي ما ابي

ام سراه : خلاص بييه وياج

الريم ويا محمد .. والريم كل دقيقه تصيح تذكر ايام طفولتهم



ساره يوم دخلت غرفتهم شافت صورة فهد مع صورتها ..ادمعت ودخلت شافت الشموع ..

ساره وهي تصيح : فهد فهد مكانك خالي

ساره تشوف غرفتهم تذكرت ايامهم تذكرت كلام فهد الحلو وتذكرت كل لحظه وياه ..

ساره تذكرت دفتر الذكريات .. تذكرت ان فهد قالها خلا تقرى تمت تقرى اول خاطره بعنوان ((مجنون ساره)) وطبعا دموعها اربع اربع واخر كلام كتبه

احبج يا ساره وبحبج حتى بعد موتي

ساره ما نامت واربع وعشرين ساعه تصيح مب مصدقه عمرها .. ساره مسكت ولدها تمت تصيح

ساره وهي حاضنه ولدها : ااااااااااااه يا ولدي ما شفت ابوك .. الا ايام .. ما بتتهنى بعطفه وبقلبه الكبير .. بس الحمد لله ان عندي ثمره منك يا فهد عندي ذكرى منك عندي ولدنا الوحيد ...والله أشم ريحة ابوك ..



وف اليوم الثاني الصبح ام ساره راحت غرفة ساره

شافت ساره نايمه عند ولدها وشكلها مبين عليها التعب تحت عيونها شي انتفاخ ..ساره وهي نايمه تناديه فهد فهد

ام ساره تمت تصيح وتقول : فديتج يا بنتي استويتي ارمله بصغرج ..الله يرحمك يا فهد ..الله يرحمك



ساره حالتها مب مثل قبل دايما يوم تضايج تروح صوب البحر وتصيح على فهد .. وقررت ان تغير اسم ولدها من خليفه الا اسم (( فــــــــهــــــــد)))

وهي تشوف ولدها تذكر فهد



الريم بعد دايما تصيح يوم تذكره ..فهد غالي ع الكل



هند مع نوره وام خالد

خالد دخل عليهم وهو متوتر : السلام عليكم

الكل : وعليكم السلام

خالد : هند ما عرفتي شو مستوي

هند : لا خير

خالد : سالم ومنى مسوين حادث وحالتهم صعبه

هند فتحت عيونها : شوووووووو

خالد : هيه والله سالم اللي اعرف عنه ان صار له شلل نصفي بس بيتعافى بالتمارين الطبيعيه ..يعني يباله اقل شي 6 اشهر ومنى سفروها برع .. ويقولون نص ويها اتشوه لان جامة السياره يت على ويها

ام خالد : لا حول ولا قوة الا بالله

هند : رب العالمين ما يودر الظالم

خالد : لا يا هند لا تشمتين ..حرام

هند : ما تشمت .. بس هو نسى ان الله يشوفه خاني وضريني واهاني وظلمني وماكان ويا ربه ..اما منى تفتخر بجمالها شوف شوصار ..

ام خالد : الله يعافيهم ..روح يا ولدي زور سالم مهما كان هذا كان نسيبك ف يوم من الايام ..

خالد : قلت بروح قالو حالته النفسيه صعبه

ام خالد : سبحان الله يمكن يتوب بعد هالحادث ..

خالد : وعسى ان تكرهو شيئا وهو خيرا لكم

وبعد مرور عدة اشهر من موت فهد ...

فهد الصغير كبر واستوى عمره 6 اشهر تقريبا وملامحه على ملامح فهد

ساره تغيرت وايد اكثر من الريم لا تضحك ولا تبتسم استوت اكثر جديه وهدوووووء وكل يوم تصيح على ريلها ..

خالد يكلم امه : امايه ساره خلصت العده من زمان ابي اتزوجها

ام خالد : استخفيت ريلها من شويه مات

خالد : وصية فهد .. بعدين لين متى بتم بهالحاله والله شكلها يقطع القلب ..

ام خالد : اخاف افاتحها بهالسالفه اخاف تعصب ترى ساره استوت عصبيه وايد

خالد : كلميهم وشوفي



ام ساره تكلم ساره

ام ساره : يمه ساره بقولج شي بس لا تعصبين

ساره بهدوء وهي ماسكه فهد الصغير ولدها : خير

ام ساره خايفه من ردت فعل ساره " ساره خالد متقدم لج

ساره قامت وعصبت : شوووووووو هذيله شو يتحرون اللي مات مب زوجي اللي مات قلبي ..قلبي يا امايه وقلبي ما ت من بعد موووووووووت فهد

ساره تمت تصيح : لالا فهد مامات فهد بقلبي واحساسي وكياني اااااااااااه يا فهد احبك واحب كل اللي يذكرني فيك

ام ساره : بس

ساره : امايه خليني جي احسن ما ابي حد يكلمني ساره طلعت من الغرفه وهي معصبه

ساره بخاطرها (( ااااااااه يا فهد لو تعرف كيف دنيتي بدونك تذكرت ساره كلمة يا بعد هلي .. محد يسواك يا فهد لو الف الدنيا كلها محد يسواك ))
وبعد مرور سنه ونص على موت فهد ...


اللي صار ان نوره ربت ويابت

احلى توام (( سيف , وغيث)) وهم اصغر من ولد ساره ب3 اشهر



والريم ربت ويابت بنت اسمها العنـــود وكانت تشبه الريم بحلاتها ... وبنتها صغيره يعني بعدها ما تمشي ..





سالم تعافى من بعد الحادث بس اللي تعلم من بعد الحادث شي واحد حديث الني كما تدين تدان ).. لانه ماطاع ربه وخان زوجته والله انتقم منه بخيانة زوجته ..وهالشي خلاه يتوب ويطلع انسان صالح وتايب وندم ع كل شي سواه



مــــــــــنى: من بعد الحادث ماتغيرت وايد .. بس منقهره ان نص جمالها راح .. واللي ماعرفته ان الجمال جمال الروح مب بالشكل .. وطبعا عمها يوم عرف عنها انها طالعه ويا واحد غريب طلب من امها ان منى اتم عنده عسب يادبها ويمنعها من اي ظهره ..





اشواق : عرفت بموت فهد وصاحت عليه ودايما تدعيله .. وهي بعد تزوجت من كم شهر وعرفت انها كانت معجبه بفهد لا اكثر..



اما ســـــــــــاره فحياتها كله مع ولدها فهد كل ما يكبر تذكر فهد .. فهد يمشي الحينه ويقول ماما ..

ساره بعدها تعاني ..ببعد فهد



خالد مصر على ساره وكل مره يتقدم وهي ترفضه وقرر هالمره ايييه عندها ويكلمها

ساره : ما ابي اشوفه يا امايه

ام ساره : خلا يكلمج دقايق .. يالله الريال يترياج عيب يالله تعالي الميلس

ساره : ما ابي ما بي

ام ساره : والله لو ما رحتي عنده ما اعرفج ولا تعرفيني





ساره يلست ويا خالد ..

خالد لين الحينه يحب ساره ويموت عليها

خالد : شحالج بنت خالتي

ساره مطنشته وبجديه : بخير

خالد : ساره انا اتقدمت اكثر من مره لاني اباج وتعرفين اني ضحيت بهالسنوات كلها عسبج يا ساره وعمري ما فكرت بغيرج .. وانا لين الحينه شارنج

ساره بجديه : نسيت اني لين الحينه احب زوجي

خالد : اعرف هالشي .. كافي حالتج كيف استوت من بعد موت فهد الله يرحمه

ساره ادمعت

خالد : بس لا تنسين فهد وصاني عليج ووصاج انتي بعد هاي امانه والامانه برقبتنا نحن الاثنين ..

ساره تذكرت ان فهد طلب منها اذا خالد تقدم لها ما ترفضه عسب ولدها ما يتم بروحه بدون ابو

خالد : ساره انا اعرف انج تحبين ريلج ..ومب يعني اذا تزوجتي غيره انج ما تحبينه ..فهد مات الله يرحمه يعني لو تزوجتي غيره ما بيحس لانه بينه وبين ربه الحينه ماعنده غير الحساب ..

ساره تدمع ...

خالد : وهو طلب هالشي لا تنسين وانا اعرف انج تحبينه وما بعارض ع هالشي ومتاكد مثل ما اخلصتي لريلج فهد ..اكيد بتكونين زوجه مخلصه لي وما اطلب انج تنسين فهد .. لان عندج ذكرى فهد بوجود ولدج الصغير والله اني اعتبر ولدج مثل ولدي والحقد مب بقلبي

واوعدج اني اعاملج بكل طيبه وحب وما بمنعج من ذكرى ريلج .. بس ع الاقل لا تحرمين عمرج من الفرصه ترى انتي بعدج صغيره يا ساره .. ما تبين ولدج يكون عنده اخوان ولا تبينه بروحه مثلج ..

ساره سكتت

خالد : وانا قلت لج ما بمنعج من فهد .. اعرف غلاته عندج ..

خالد وقف : بعطيج فكره تفكرين .. واللي تبينه راح اسويه
ساره بعد تفكير اتذكرت وصية فهد

بان ساره تزوج خالد .. واتذكرت ان ولدها بيكون وحيد .وان محد بيستحملها وبيستحمل ولدها غير خالد لان خالد قبل كل شي ولد خالتها يعني اكيد بيصونها ..

وبعد اصرار امها وافقت ساره ع الزواج من خالد بس بشرط ما شي عرس وحفله بس كتب كتاب وخالد هاليوم عنده من احلى ايام عمره يتريه من سنين ووافق وتزوجت ســــــــاره خالد .

. بس ذكرى فهد لين الحينه موجوده بقلبها بالذات بولدها فهد الصغير بس خالد متفهم وايد وعمره ما حسسها بالضيق .. ساره غصبن عنها تذكر فهد وهي تعرف ان مستحيل تحب اي حد شرات فهد ..بس هالشي ما يمنعها انها تحترم خالد وتعزه وما تبين انها لين الحينه تذكر فهد ..



وهند ....... تقدم لها واحد اسمه سلطان ..من عايله معروفه مدين وخلوق وهو مطلق بعد والسبب زوجته الاولى وتسلطها وافقت هند لان الريال سمعته زينه ..

وبعد مرور سنتين

الكل طلعو

الرياييل صوب

والحريم صوب



صوب البحر بمكان هادي



الحريم

هند ونوره والريم وام ساره وام خالد وساره

ساره و هي ماسكه فهد ولدها : تعال حبيبي لا تروح هناك

فهد الصغير : ابي بهر بهر ( بحر ))

الريم : فديته يحب البحر شرات ..( سكتت)) تذكرت اخوها

ساره : ها وين بنتج

الريم : هذي ويا البشكاره تلعب

نوره : ماشاء االله تشبهج حلوه مثلج

ساره : ها نوره وين التوام

نوره : ويا ابوهم

ساره : كيف تفرقين بينهم نفس الشكل

نوره : من الشامه اللي بويهم ..

هند : سبحان الله دنيا ..تذكرون يوم كنا صغار

نوره : الحمد لله ريلج ما لحق على خبالج

هند : هههههههههههه هي والله استغرب يوم اتذكر صدق كنت خبله

ساره : زين تذكر بعد

ساره : وشو ريلج وياج

هند : يحليله سلطان طيب وخلوق

نوره : يالله الحمد لله كل حد عنده ياهل ومستانس

ساره تمسك فهد: فديت هالولد ..اللي بدنيتي كل شي

الريم : ماشاء الله غاوي غاوي ( تمسك عمرها تذكر اخوها ))

نوره : هيه ساره تعالي انتي اي شهر حامل

ساره : توني بالرابع

الريم : وشو ببطنج

ساره : ما ادري يوم جيكت قالو احتمال بنت

الريم : الله بتاخذ حلاج زين شو حاطه ف بالج تسمينها

ساره : الغاليـــــــه

نوره : حلو





الشباب الكل وبا بعض

محمد وسلطان ( ريل هند ) وخالد ويا بعض يسولفون ويضحكون

خالد يصد من بعيد يشوف ساره طرش لها مسج

ساره شافت المسج مكتوب : احبج يا ساره اعشقج

ساره ابتسمت ..

نوره : منو

ساره : خالد مطرش مسج

نوره : يا عيني عالحب

ساره قامت ..

الريم : وين

ساره : يباني اروح عنده يبى يقولي شي..نوره مسكي فهودي

نوره : من عيوني



ساره ويا خالد ..

خالد : هلا بساره هلا بعمري كله

ساره : هلا فيك

خالد : تصدقين اشتقتلج

ساره : والله دقايق ابتعدت عنك



خالد : كل ثانيه اشتاقلج

ساره ابتسمت

خالد : شرايج اتفقت ويا الشباب كل واحد ومرته يطلعون ع العشاء بروحهم ويا عيالهم طبعا

ساره : فكره حلوه

خالد : يالله حبيبتي خبريهم





ساره خبرتهم



وكل واحد ويا مرته

###############################

هند ويا سلطان ف بداية حياتهم ..يتعشون برع بروحهم

سلطان ريل هند : ها هند ان شاء الله استانستي

هند : هي اكيد مدامك معايه

سلطان : الصراحه احس بالسعاده وياج .. يقول خالد انج فوضويه يوم كنتي ف المدرسه وعنيده

هند تضحك : فضحني اخويه هيه ما لحقت عليه كنت عنيده وايد وشوي خبله

سلطان : زين عيل ما لحقت .. الحمد لله خذتج الحينه

هند : ههههههههههه لا شو قصدك

سلطان : مب قصدي شي حبيبتي..اسولف وياج .. يالله نطلب لنا عشاء



#############################



نوره وعبدالله ومعاهم توام سيف وغيث

نوره وهي تطلب عشاء

نوره : شو تبى حبيبي

عبدالله : على هواج ..

نوره : وي امسك غيث بيطيح

عبدالله : غيث اشطن من سيف ماشاء الله يبالهم بشكارتين

نوره : ههههههههه فديتهم والله

عبدالله : وانا

نوره : اكيد انت ابوهم ..انت الغالي انت حبيبي

عبدالله : يا عساني ما انحرم منج

نوره : ولا منك ومن عيالي






الريم ويا محمد وبنوتتهم الصغيره العنود

محمد ماسك العنود

محمد معصب: اقول العنود خيستني

الريم : هههههههههههه قلت لك بشيلها قلت لا انا باخذها باحضاني

محمد : فضيحه خيستني

الريم : وي فديت بنتي لا تعصب عليها

محمد: الحينه انا الضحيه وتتفدين بنتج

الريم تضحك : وفديييت ريلي ولا تزعل ..

محمد : اذا جي اوكي .. بروح اغسل كندورتي اوكي حبيبتي

الريم : اوكي حبيبي..اترياك ..






واخيرا ســـــــــــــــــاره ويا خــــــــالد ويا فهد الصغير



ساره تاكل فهد ولدها ..

خالد يشوف ساره بتامل

ساره تشوفه : بلاك حبيبي ليش ماتاكل

خالد : مب مصدق انج واخيرا زوجتي

ساره : يحليلك يا خالد ضحيت عسبي

خالد : هي والله ما فكرت الا فيج .. بعد تعرفين حب الاول هو الحب الحقيقي والدايم

ساره : مستحيل انسى وقفتك ويايه بالذات بداية زواجي منك احترمتني وصبرت عليه مشكور مشكور ياخالد

خالد: افا عليج يا نور عيوني .. تشكريني يعلم الله اني سويت هالشي من خاطري بعدج ماعرفتي غلاج عندي .. انتي النور اللي اشوفه بحياتي انتي حلم طفولتي انتي حبي الاول والاخير

ساره تبتسم : تسلم حبيبي الله يخلينا لبعض

خالد :امين يارب

[دموع العاشقين]

ساره تحب خالد ..لان خالد ما قصر وياها وهي بعد ما تقصر وياه ... بس ساره لين الحينه تدعي لفهد بالخير وتشوف فهد بولدها الصغير .. ودايما تذكره ..لان فهد هو اللي علمها الحب المخلص ...بس هي اكيد مخلصه لخالد لانه ريلها



ساره وخالد قصتهم من اروع القصص

وساره ربت ويابت بنت وسمتها الغاليه

يعني خالد وساره عندهم (( فـــهد والغاليه*))

وعاشو حياتهم باروع اللحظات ..

وذكرى فهد موجوووووده مع الكل ...





النهـــــــــــــــــــــ ــــــــايه




ان شاء الله القصه عجبتكم

وانا كاتبه القصه اتمنى اي حد ينقل قصتي يكتب لقبي (( فاتنة دبي)) ويمكن القصه تعجب ناس وماتعجب حد .. يالله ساره ما زعلت حد خذت فهد وخذت خالد ..والقصه خياليه من ابداعي بس يبت من قصص واقعيه بالذات قصه محمدوالريم وهند وسالم يعني نص الخيال ونص الواقع .. وهاي اول قصه اكتبها واتمنى انها نالت اعجابكم ..والسموحه عالتقصير بس يعلم الله بظرووفي




وكثير طلبو بطاقتي الشخصيه اقولهم

اسمي : ساره ولقلبي فاتنةدبي

عمري: 20 سنه

طالبه في الجامعه

والحاله الاجتماعيه مثل ماتعرفون بدايه خطوبتي

والهوايه : كتابه الخواطر والرسم

واخر كلمه : اتمنى ان القصه تعجبكم ..



والى اللقاء .....

اختكم فاتنة دبي

[قرموشة]

تسلمــــــين عـ النقــل يالمنــسيــه ..
حراااااااااااااااااااااام يااربي .. فهــد غمضنـــــــــــــي .. (.:* *:.)
شوووبيرقــدني بالــليل .. وحــليلي بســرعــه أتأثــر ..

^__^

وتسلمـــين again

[دموع العاشقين]

العفووو قرموشه

[الدمعة الحزينه]

وين وصلتوا

تسلمين اختي

بس عقب بقراها لاني واصله يمكن في الجزء 32

والحينه انا مسطله ماروم اشوف شي عقب بقراها انشالله

سلام
الدمعة الحزينه

[أمرين]

تسلمين الغالية ع القصة الحلوة

نتريا غيرها




كل الود
أمــــــريــــــــن