**مجنون ساره**

[دموع العاشقين]

الجــزء الثــالــث عشر


بعد حفلة نوره الكل كان مستانس لان صدق كانت الحفله روعه وأكثر وحده كانت طايره من الفرح هي أكيد نوره لانها انخطبت من الانسان اللي كانت معجبه فيه من أول يوم شافته ..


وفي يوم الثاني كانت الريم قاعده تقص أظافرها في الصاله ومعاها فهد اللي كان قاعد على الغنفه ومنزل راسه وماسك ايدينه وكان صدق حزين .شافته الريم وحست ان اخوها في شي وانه متضايق .

الريم وهي صاده لفهد : فهد اخوي شو فيك ؟
فهد اللي كان منزل راسه رفع راسه وشاف الريم وتنهد : ااااااااااااااااه يالريم .
الريم : بسم الله عليك من الآااااااااه يا اخوي ... شو فيك ليش زعلان .
فهد ونبرة صوته كلها حزن : اقول الريم شو أخبار ساره من مده ما أعرف عنها ؟
الريم : والله ساره الحمد لله تمام بخير
فهد : اقول الريم ساره ما قالت شي عن سالفتي
الريم : أي سالفه يا اخوي
فهد : أي سالفه بعدغير سالفتي.
الريم : قصدك يا اخوي سالفة طلبك لساره وطلب زواجك منها .
فهد : هيه طبعا
الريم : ما رمستني عن هالسالفه.
فهد راح عند الريم وقعد عندها: اقول يا الريم
الريم : هلا يا اخوي
فهد: اتصلي في ساره وقوليها اذا هي فكرت بالزواج مني.
الريم : ان شاء الله يا اخوي بتصل فيها بس ( بتردد) واذا رفضت ؟
فهد وقف من مكانه وعصب : اذا رفضت قوليلها والله وأنا على قد تهديدي اذا رفضت قوليلها انها راح تنحرم من اغلى ناسها اللي هم امها وخالد والله لأخلي حياتهم عذاب مثل ما حولت حياتي الى عذاب .
الريم شافت عصبية اخوها وخافت عليه : فهد شو فيك اخوي توك هادي ..أنا ما قلت هي بتقول جذي ..اقول اذا قالت .
فهد : اذا قالت قوليلها هالكلام .
الريم : يعني يا فهد حتى لو تزوجتها بيكون حب من طرف واحد .
فهد : ما يهمني اذا هي ما تحبني اهم شي انها تكون لي وملكي ويمكن يوم من الايام اخليها تحبني .
الريم : والله ماعرف شو اقولك يا فهد بس فالك طيب الحين بتصل فيها
فهد : اوكي يالريم اتصلي فيها الله يخيلج وانا الحين بروح غرفتي وردي علي اذا كلمتيها اوكي
الريم" ان شاء الله يا خوي انت روح ارتاح
فهد بنبرة ضيق: راحتي ويا ساره .. ما بشوف الراحه الا وياها
الريم : ساكته .
راح فهد غرفته ...أما الريم راحت اتصلت في ساره.

ساره كانت يالسه في الكرسي الهزاز وسرحانه ورن موبايلها وشلت الموبايل .
ساره : الو
الريم : هلا بربيعتي وحبيبتي ساره.
ساره ابتسمت ابتسامه رقيقه : هلا فيج يالريم يا الغاليه .
الريم : شو قاعده تسوين يا ساره؟
ساره : ما قاعده اسوي شي ...ملانه
الريم : أقول ساره بقولج شي بس لا تضايقين .
ساره : خير يالريم شو فيج
الريم : خير بويهج ..( بارتباك ) ابي اقولج شو سويتي عن سالفة فهد
ساره رفعت حاجبها وعصبت : أي سالفه ؟
الريم : طلب فهد الزواج منج
ساره : الريم فهد اللي طلب منج الاتصال صح ؟
الريم بتردد : هيه
ساره : شو قالج فهد يالريم ؟
الريم : فهد قالي اتصلي في ساره وقوليلها اذا هي موافقه انها تزوجني ولا لاء؟
ساره بغضب: والله هو يعرف اني ما اباه .
الريم : هي يعرف بس فهد يموت فيج ويعرف ان الحب من طرف واحد وهو راضي بهالشي
ساره : واذا قلت اني ما ابيه وما ابي اتزوجه ؟
الريم : الصراحه يا ساره هو قالي اذا ساره رفضت قوليلها اني راح أحول حياتها الي جحيم واللي بتأذون أكثر شي هم .(خافت الريم تقول وسكتت)
ساره بعصبيه : هم منو ؟
الريم تبلع ريجها : هم امج وخالد ..اغلى ناسج.
ساره يوم سمعت امها وخالد حست ان شوي وبيغمى عليها
ساره بعصبيه والدموع بعيونها: وليش يعذبهم هم مالهم خص ..هذا فهد ليش جذي يسوي فيه (صاحت ساره بالحيل )
الريم : ساره فديج لا تصيحين
ساره : كيف ما تبيني اصيح يالريم اخوج معذبني يباني اتزوجه بغصب .. واذا ما تزوجته يبى يعذب اغلى ما املك اللي هم امي وخالد.
الريم : يمكن هو قال هالكلام لانه معصب
ساره والدموع بعيونها : والله فهد يسويها ..لين الحين أتذكر يوم كان يبى يذبح خالد عند البحر ..
الريم ماتعرف كيف تهدي ساره : بس يا ساره لا تسوين في عمرج جذي
ساره بعصبيه شديده: والله يالريم اذا تزوجت فهد راح اخليه يتعذب اكثر والله لحول حياته الى جحيم راح يعرف ساره منو مثل ما هو بيحرمني من حب خالد راح اخليه يتعذب وبتشوفين وهو اللي بيطلب الانفصال بعدين
الريم مستغربه أول مره تشوف ساره تهدد لان ساره انسانه خلوقه وطيبه : ساره شو قصدج
ساره وهي تمسح دموعها : بتعرفين قصدي عدل مع الايام .. بس الحين كيف اواجه خالد وامه كيف كيف؟
الريم : شو رايج يا ساره نروح اليوم بيتهم وأول شي نتفاهم ويا نوره وبعدين ويا خالد
ساره : الله يعيني من خالد والله اذا عرف خالد اني بتزونج فهد واني رضيت فيه اكيد بيكرهني هو بيتوقع اني احب فهد وو مايعرف اني يمكن اتزوج من فهد بس بدافع الشفقه ولاني اخاف على خالد وعلى امي .
الريم : الله كريم ..والله بيسهل علينا ..الحين يا ساره بخليج والمغرب تقريبا بنروح بيت خالتج اوكي
ساره والدموع بعيونها : الله يعيني على هاليوم
الريم: توكلي على الله
ساره بحقد : عمري ماراح اسامح فهد .
الريم زعلانه من كلام ساره لان مهما كان هذا اخوها الوحيد بس تعرف ان ساره من حقها تعصب : اوكي ساره يالله مع السلامه
ساره بحزن: مع السلامه

صكت ساره من عند الريم وهي منهاره وحزينه لان اليوم آخر يوم بقصتها وحبها مع خالد والسبب طبعا فهد.

أما سالم فكان محتار هل يتزوج من هند لان يبى يفتك من حشرة امه ولأن سالم يبى يلعب ويستانس ويغازل على كيف كيفه وكان وياه ربيعه جاسم وهم كانو بالمطعم قاعدين يتغدون وجاسم مندمج بالأكل ..أما سالم كان يفكر بسالفته ..
شاف جاسم سالم واستغرب من سكوته: بلاك سالم .. شو تفكر فيه .
سالم رفع راسه وتم يشوف جاسم : ما بلاي شي .. بس قاعد أفكر .
جاسم : شو تفكر فيه ؟
سالم : عن سالفتي ويا هند ..
جاسم : ليش شو صار
سالم : تعرف ان امي تباني اتزوج لاني البكر يعني اكبر عيالها وانا اعترف اني مب صغير عمري الحين 26 فهي دوم تلح علي بالزواج والاستقرار .
جاسم : زين وشو المشكله
سالم : المشكله اني ما ابي اتزوج عشان ابي العب واستانس .
جاسم وهو يفكر: ممممممممممممممممم ..زين اتزوج مثل ما قلت لك قبل (يفكر) شو اسمها ..
سالم : قصدك هند
جاسم : هيه هيه هند اتزوجها واستانس مثل ما تقول انها على نياتها وينقص عليها بسرعه ما شي يا سالم الا هالطريقه..
سالم : هيه تراني افكر من الصبح بهالحل ..وافكر اني اتصل في هند عشان احدد اليوم االلي ايي واخطبها
جاسم وهو يضحك : يا سلام ..بتطلع معرس يعني
سالم : أي معرس .. هالزواج ما اعتبره زواج صدقي .. لاني ما اخترت الانسانه اللي حبيتها .. يعني لعب
جاسم : يالله الله كريم .. عيل اتصل فيها ..واكيد البنت بطير من الفرحه مسكينه بتتوقع انك تحبها ما تعرف ان هالزواج لعبه بالنسبه لك .
سالم بخبث: ههههههههههههههههه طبعا لعبه.

سالم كان تفكيره كله باللعب وياالبنات مب الزواج عشان جذي فكر بالساذجه هند .. وهند طبعا ساذجه لانها صغيره وبعدها بسن المراهقه.
في بتكم نوره .كان الكل متيمع عشان الغده
كانت الام تجهز الاكل ونوره وياها .. اما هند قاعده تنتظر الغدى ومعاها خالد ... بعد ما الكل اتيمع على الطاوله الطعام .
الام : يالله سمو باسم الله وكلو
هند وخالد ونوره : باسم الله
هند : اقول يمه
الام : خير يمه
هند : وين ابوي ابد ما نشوفه ولا تقولون عندي ابو
الام : ابوج تعرفينه كله مسافر ..لانه رجل اعمال ومصدر رزقه بهالسفر .
نوره : بس ملل والله كله مسافر ..انتي ما تملين يا امي ان ريلج ما يكون عندج .
الام : لا يا امي لاني اعرف ان هذا شغله وما اقدر اسوي شي . وبعدين ابوكم ايي كل شهرين مره .
خالد : وين يا امي يتم بس اسبوع ويروح
الام : بعد احسن من ولا شي
خالد : ولا اخاف ( يبتسم ) متزوج من هناك وانتي خبر خير
الام ترفع حاجبها : وي باسم الله على ريلي .. لا تفاول يا خالد
نوره وخالد وهند : ههههههههههههههههههههههه
نوره : وي خافت على ريلها
الام : طبعا اخاف عليه .. وانتي يا بنتي يوم بتزوجين بعد بتخافين على ريلج .
نوره ويها احمر وسكتت.
هند : ويييييييييييييييييييي شوفو ويهه نوره استوى احمر
خالد (يضحك) ههههههههههههههه بلا ويهج تقولون عصير طماطه؟
هند : ههههههههههههههههههههههه
نوره معصبه : ايه عاد بسكم لا تحطون علي ..
خالد : زين زين خلاص ما بنزعلج مب عشان شي ..بس لانج بعد 3 اشهر ان شاء الله بتزوجين يا احلى اخت
هند تشوف اخوها من طرف عينها : ايه لو سمحت بلا غلط
خالد يصد لهند :ليش في شو غلطت يا انسه هند
هند تلعب في شعرها : لانك قلت انها احلى اخت .. وهالكلام غلط .لاني انا احلى وحده فيكم ..وجمالي ورقتي محد يقدر ينافسهم
خالد : يالله يالله ..منو انتي احلانا .. لا غلطانه انتي صدق حليوه بس مب احلى من نوره
نوره مغمضه عيونها وبدلع : احم احم ..عندي محامي
هند انقهرت : لا حبيبي انا احلاكم اصلا زين .
خالد : والله اتمنى يا هند ايي واحد ويخلصج من هالغرورو والكبرياء اللي عندج
هند : بالعكس بيزيدني حلا وغرور..لانه فخور انه اتزوج وحده مثلي.
خالد : بنشوف
الام : بسكم ..انتو داشين حرب .
نوره : هي والله اكثر اثنين يتضاربون هم هند وخالد
خالد : هاي اختج شايفه عمرها على فاضي
الام : زين يمكن تاكلون وانتو ساكتين
هند : انا بسكت عنك يا خالد لاني يوعانه
خالد : هئ هئ قصدج ما عندج رمسه
هند صاده صوب ثاني ومنقهره وساكته
نوره : خالد بسك عاد .. اسكت عنها
خالد : بسكت خلاص

والعصر كانت هند تبى تنام ومسانده على السرير سمعت صوت موبايلها يرن .. وهند يوم شافت الرقم .فتحت عيونها على آخر حد
هند وهي مستغربه وبتردد: الو
سالم بابتسمامه :يا احلى الو
هند : ما اصدق سالم
سالم : هي سالم وليش مستغربه يا هند
هند : لاني قلت اكيد انت نسيتني
سالم : افا وانا اقدر انساج بس الظروف يا هند..ليش اشتقتيلي يا هن
هند استحت وسكتت
سالم : ليش ساكته .. شو تستحين تقولين انج اشتقتيلي
هند : انت تعرف ردي ومب لازم تحرجني
سالم : خلاص ما بحرجج .. بس عندي لج الدليل اني ما نسيتج واني بعدني احبج
هند : وشو الدليل ؟
سالم بخبث : الدليل على حبي لج هو اني بيي أخطبج من اهلج
هند قامت من عالسريروبفرح وبتعجب :شوووووووووو
سالم : شو فيج مستغربه .
هند : ما توقعت
سالم : ليش ما توقعتي قلت لج اني احبج واباج.
هند وهي فرحانه وطايره من الفرح : والله احس كاني احلم
سالم : والحلم راح يتحقق بس انتي عطيني يوم عشان اكلم ابوج
هند : ممممممممممممم شوف ابوي الحين مسافر اتريه يرجع من السفر
سالم : ومتى ان شاء الله بيرجع؟
هند : تقريبا بعد اسبوع ان شاء الله
سالم : خلاص على خير ..
هند بخجل : ان شاء الله
سالم : اوكي يا حبيبتي اخليج الحين واشوفج على خير
هند : مع السلامه يا سالم
سالم : بحفظ الله
هند كانت طايره من الفرح ..واخيرا حلمها تحقق .. وكانت تناقز على السرير وتغني وتصارخ . توقعت ان سالم يحبها وان حلمها تحقق وقصتها راح تكون مثل المسلسلات
دخلت عليها نوره يوم سمعت صريخها .
نوره تشوف هند تناقز على السرير : ايه انتي شو فيج ينيتي
هند وهي تناقز : هي ينيت .. ومن حقي
نوره مستغربه : زين شو فيج يالخبله
هند نزلت من عالسرير وراحت عند نوره : حلمي راح يتحقق
نوره رافعه حاجبها : أي حلم .. ترى احلامج ما تخلص
هند بدلع وبغرور: سالم اللي قلتي عنه انه يقص علي وما يحبني بس يبى يلعب علي
نوره : شو فيه
هند : اتصل فيه الحين عشان بيي يخطبني
نوره استغربت وااايد : صدق هو قالج جذي
هند : هيه طبعا .. شفتي ان كلامج ما طلع صح
نوره : شوفي يا هند بقولج شي
هند : بدت الفيلسوفه ..تفضلي قولي
نوره: الواحد يوم يكلم الوحده عن طريق المغازله .الاغلبيه منهم يقصون عليهم وما يتزوجوهم بالعكس ياخذون اللي يبونه ويروحون ويفرونها مثل الجلاب
هند : بس هو غير
نوره : هيه غير عن هالنوع .. بس شي النوع الثاني اللي الشخص ياخذ الوحده عن طريق المغازله يعني عن طريق حراااااااام ويوم يتزوجها حياتهم ما تسمر .لان حياتهم كلها راح تكون بشك وبمشكال وواحد بالميه من هالنوع اللي حياتهم بتستمر عادي
هند : لا لا انا غير
نوره : على راحتج بس اقولج المغازله كيف .. لان هم اتزوجو عن طريق حرام وشي يغضب الله وانتي راح تشوفين هالشي
هند : بس سالم يحبني ويموت فيه
نوره : حتى الشباب اللي تزوجو عن طريق المغازله كانو يحبون بس حياتهم ما استمرت لانهم بيتمون يشكون في كل شي .. لانهم يقولون مدام الوحده خانت اهلها اكيد راح تخون زوجها فهمتي علي
هندبعصبيه : ما ابي افهم شي.. كل اللي أفهمه ان سالم يحبني ويباني وانا احبه اوكي

راح هند عن نوره وهي مصره بحب سالم لها
..اما نوره فكانت خايفه على حياة اختها ..
بعد مكالمة سالم ويا هند وتحديده موعد خطوبتهم .. هند كانت فرحانه وااااايد وحست ان حلمها تحقق .. وانها بتعيش أروع قصص الحب والغرام..

وفي المغرب راحت ساره بيت الريم عشان كلهم يروحون بيت نوره .. لان ساره راح تنهي آخر حلمها وعلاقتها مع خالد .. واول وحده راح تقولها عن انفاصلها عن خالد بسبب فهد هي نوره بنت خالتهم عشان تساعدهم شوي وتفهم اكثر وبعدين .. بتخبر خالد ..

في السياره ساره متوتره وخايفه والريم تشوفها.
الريم : ساره شو فيج ؟؟ ليش هالتوتر كله
ساره بضيق : أفكر يالريم كيف أواجه خالد اليوم
الريم : هو اكيد بيفهمج .
ساره : لا لا لا ما بيفهمني ..اعرفه خالد .. (بحزن شديد) هو بيتوقع اني اخترت فهد لاني احبه ولاني ما ابي خالد.
الريم : لا ما اتوقع هو يفكر جذي.
ساره : ماعرف احس جذي .. الله يعيني على هاليوم .. صدق اصعب يوم بيمر بحياتي
الريم : الله يسهل علينا كل شي. ويسعدج يا ساره
ساره باستهزاء : كيف أسعد وأنا مب مع اللي احبه.
الريم : سكتت ماعرفت شو تقول .

وبعد ما وصلو بيتكم نوره ..ساره نزلت من السياره أما الريم بعدها في السياره .
ساره وهي صاده للريم : الريم شو ما تبين تنزلين
الريم : لا بنزل بس بعد دقايق.
ساره : ليش
الريم : بتصل في عفاف .متصله فيه الاف المرات وتوني اشوف رقمها .
ساره : ليش مساعه ماسمعتي يوم اتصلت
الريم : لا ما سمعت لاني كنت حاطه موبايلي على السايلنت
ساره : خلاص اوكي انا الحين بدخل بيتهم .. وانتي يوم تخلصين مكالمتج تعالي اوكي
الريم : اكيد بيي .. لا تخافين ماباخذ سيارتج.
ساره بابتسامه رقيقه: مممممممممممم يمكن بعد تاخذينها وتخربينها واخر شي تردين علي
الريم : افا لهالدرجه انا نذله يعني
ساره : ههههههههههههههه من زمااااااااااااااان
الريم : هههههههههههههههههههه زين ساروه براويج
ساره : اقول بلانا مثل الهنود واقفين برع نتكلم .
الريم : هههههههههههههههههه
ساره : اوكي يالريم انا بدخل اوكي اترياج
الريم : خلاص بعد شوي بدخل

راحت ساره داخل البيت ..اما الريم فتصلت في ربيعتها عفاف .

ومقابل بيت خالة ساره اللي هو بيتكم نوره .. كانت سيارة خالد .. وخالد كان طالع من سيارته ومتساند على السياره .. وربيعه محـــمد مجابلنه وكانو يرمسون ويضحكون ..
خالد : اقولك يا محمد تصدق افكر اغير سيارتي
مــحمد مجابل بيتكم نوره .يعني يشوف الداخل والخارج : افا ليش
خالد : بس جذي مليت من سيارتي
محمد : حشى عليك . من سنه مغير سيارتك .
خالد : هي صح بس تعرفني بسرعه امل
محمد: يا خوفي بعد تزوج أربعه
خالد فتح عيونه: بلللللللللللل ..ليش شو تشوفني الحاج متولي
محمد يضحك : ههههههههههههه .. لا بس لانك بسرعه تمل عشان جذي قلت يمكن تمل من زوجتك بعد
خالد باروع ابتساماته وتنهد: اااااااااااااااااااه مستحيل أمل واضيج من الروح اللي سكنت روحي .. أصلا انا بدونها جسد بلا روح .
محمد : يا سلام هالكلام كله حق خطيبتك يعني
خالد : يعني حق ويهك اكيد حق خطيبتي
محمد يضحك : هههههههههههههه والله صرت رقيق مع اللي تحبهم وصرت دفش ونذل معاي
خالد : هههههههههههههه انا ما اقول الكلام الحلو اللي حق ساره بس حقها
محمد : ونحن
خالد : الكلام العادي
محمد : الله يعينا
خالد : انزين خلك بسالفتي الحين والحين شو رايك
محمد بتعجب : رايي في شو
خالد : يا كثر من تنسه. اقولك ابي اشتري سياره يديده شو رايك
محمد : والله لو قلتلك لاء بتاخذ اللي في راسك .
خالد :طبعا باخذ اللي في راسي
محمد : عيل ليش تسالني
خالد : ابيك تختارلي سياره عشان اشتريها
محمد (يفكر ): مممممممممممممم
خالد بعد تفكير: شو رايك بسيارة (بورش) رووعه صح
محمد وهو يفكر كان صاد لبيتكم خالد وفجأه شاف ..شاف اللي سلبت عقله وطيرت النوم من باله .. شاف الريم وهي نازله من سيارة ساره عشان تدخل بيتكم خالد .
محمد ما قدرت يتكلم غير انه سرح فيها وفي قلبه يقول( ااااااااااااااااااه يالريم من زمان ما شفتج والله هاليومين اللي شفتج فيهم .. خليتيني عاشق ولهان ..
خالد يشوف محمد ومستغرب لان شافه ما يرد عليه .
خالد وهو يضرب ويهه محمد : اييييه بلاك
محمد : هاااا... م .. م ..مافيني شي
خالد : أي مافيك شي الله يهداك .. اشوفك طاير بعالم ثاني
محمد : اااااااااااااااااااااه يا خالد لو تعرف اللي بقلبي
خالد : مدامك تنهد اكيد في شي
محمد : تعرف يا خالد الريم ربيعة ساره اللي مره شفناها في المركز ومره تعشينا وياهم في البستان
خالد بابتسامه : اكيد بعرفها .. كافي انها ربيعة اعز انسانه مرت في حياتي .
محمد : خالد والله تصدق من ذيج المره اللي شفتها وشفت نظره عيونها اللي تخلي العالم يذوب وجمالها ورقتها . والله اني ما افكر الا فيها..
خالد يشوف محمد من طرف عينه ويضرب على راسه : ويالدب ليش ما قلتلي انك عاشق.
محمد بخجل : احم احم .. قلت اخاف تعايب عليه
خالد : ليش
محمد : تقول هذا شاف الريم من يومين وانعجب فيها .. واخاف ماتصدقني
خالد : شوف يا محمد .. الحب مايعرف اليوم ولا الوقت ولا السنه .. ويمكن هذا يسمونه الحب من اول نظره
محمد بابتسمامه : يمكن
خالد : زين ليش ماتخطبها
محمد نزل راسه وتضايق وحزن
خالد : شو فيك يا محمد شو قلت انا
محمد : ما اقدر اخطبها لانه .......

خالد : لان شو
محمد صد لخالد: شوف يا خالد انا بقولك السالفه بس مب الحين اوكي ..خالد : متى بتقولي عيل
محمد :بيوم ثاني .. وان شاء الله تلقى معايه الحل
خالد : افا عليك .. ولا تعال
محمد : خير
خالد : شو اللي ذكرك في الريم الحين
محمد يبتسم : لاني شفتها توها نازله من السياره وراحت بيتكم
خالد كان مجابل محمد ويوم سمع ان الريم نزلت من الساره راح صد صوب بيتهم وشاف سيارة ساره : يا سلام القلب موجوده
محمد فاتح عيونه : أي القب ومنو تقصد
خالد يصد لمحمد : ساره خطيبتي .. لان هاي سيارتها
محمد : زين عيل بتدخل داخل
خالد يفكر: ممممممممممممممم شوف نحن بنتعشى برع الحين بعدين بروح البيت
محمد : يا ويلي عالحب
خالد يضحك: هههههههههههههههه هي طبعا ما صدقت هي يت بيتنا عشان اشوفها
محمد : زين يالله نطلع عشان تلحق عليها
خالد : اوكي يالله نروح.

طلع خالد ويا محمد .. وهو مايعرف شو اللي ينتظره داخل ..
اما محمد فمن أول ما شاف الريم وهو صدق حبها بالذات يوم عرف صفاتها وطيبتها من خالد .. لان خالد يعرف اليم من مده لانها ربية ساره من الطفوله..بس محمد كان يخفي شي وهو عنده شي يمنعه من التقدم للريم . وهالشي راح تعرفونه مع الايام.

أما ساره قالت لنوره انها بتفسخ خطوبتها من خالد والسبب طبعا فهد .. الريم كانت يالسه وياهم اما نوره فاستغربت وااايد من كلام ساره لانها تعرف حب ساره لخالد.
نوره وهي متضايقه وقاعده على الغنفه ومنزله راسها.
ساره بحزن: ها يا نوره كيف اكلم خالد بهالسالفه.
نوره رفعت راسها : والله شوفي ياساره أنا من ناحيتي عاذرتنج .. لان اعرف ان اللي بتسوينه عشانج خايفه على حياة خالد وامج .
بس؟
ساره : بس شو ؟
نوره : بس خالد ما اعتقد انه بيفهم هالشي
الريم : ليش يعني؟
نوره : لان خالد يموت على ساره من هو صغير وكان يحلم انه يتزوجها وبعد هالانتظار كله اتي ساره وتقوله انها بتزوج غيره . والله صعبه
ساره والدمعه بعيونها : بس ما عندي حل ثاني . وهو يعرف اني بعد احبه بس الظروف
نوره : والله ماعرف .. يمكن بيفهمج .
ساره بعبيه: هالتعاسه والمشاكل اللي صارت لي كله من فهد .. والله اني اكره اكره.
الريم تضايقت من كلام ساره وسكتت.
نوره لاحظت ان الريم تضايقت وراحت عند ساره وكلمتها بصوت واطي : ساره عاد مب جدام اخته .
ساره لاحظت زعل الريم وراحت عند الريم ومسكت ايدها : الريم سامحيني والله مب قصدي اضايقج .. بس غصبا عني ..
الريم : لا حبيبتي عادي .. انا حاسه فيج . وانا اللي اعتذر بدل فهد .
ساره : انتي مالج خص يالريم.
الريم : ادري .. بس مستحيه منج .. لان كل اللي يصير لج بسبب فهد.
ساره رفعت راسها : الله يسامحك يا فهد .. بتحرمني من الانسان اللي حبه قلبي.

وكان الكل قاعد في الصاله وساره كانت تتنتظر خالد عشان تقوله السالفه ..

الريم : اقول نوره ؟
نوره صدت للريم : خير يالغاليه
الريم : وينها اختج هند..أبد ماتنشاف
نوره : هاي هند والله ولا تقولون انها اختي
ساره : افا ليش
نوره : هي تفكيرها غير عني وكلامها وكل شي .. وكله بينا ضرابه
الريم : الخوات اغلبيتهم جذي
نوره : لا بس هاي غير ضربت الرقم القياسي ..واااايد مغروره
ساره : يمكن لانها بعدها بسن المراهقه .. عشان جذي تحسين تفكيرها غير .
نوره :والله يمكن
الريم: اقول نوره .متى ملجتج .
نوره بخجل : ممممممممممم بعد شهرين ونص ان شاء الله
ساره : وعرسج..
نوره : والله ام عبد الله قالتلي ان عبد الله يبى الملجه والعرس بيوم واحد .
الريم فتحت عيونها : لا جذي صعب .
ساره هي صح صعب جذي تحسين ما بيكون بينكم تفاهم
نوره : هي اكيد ..لان على الاقل في الملجه نقدر نتفاهم اكثر .. ويوم في العرس ما بيصير بينا وايد مشاكل لاني بكون اعرف عنه زاعرف هو شو يحب واعرف اخلاقه .
الريم : صح عشان جذي الملجه لها دور كبير .. ثاني الله حلل انج تشوفين ريلج في الملجه.
ساره : هي والله ..انزين يا نوره شو بتسوين الحين ؟.
نوره : لا انا قلت حق ام عبد الله ( بدلع) قصدي عمتي
ساره والريم : هههههههههههههههه
نوره : قلت لها اني على الاقل ابي بعد الملجه شهرين
ساره : بل مب وايد
نوره : لا وايد ولا شي ..
الريم: يعني أي شهر
نوره : شهر سبعه
الريم: ها زين وامتحانات هند بالثانويه العامه شهر 5
ساره : هي صح ناسيته ان هند بالثانويه العامه الله يعينها
نوره : والله ولا هي مهتمه .. زين منها اذا نجحت.

وهم قاعدين يرمسون ويسولفون
دخل عليهم خالد ..
خالد : السلام عليكم
الريم ونوره وساره : وعليكم السلام
خالد دخل وابتسم وشاف ساره : اشحالج يا ساره
ساره بخجل : الحمد لله يسرك حالي وانت شو اخبارك
خالد : بخير الله يسلمج
خالد صد للريم : اشحالج يالرييم .
الريم : الحمد لله بخير
خالد قعد عالنغنفه وكان قاعد عند نوره .

الريم طبعا تستحي تقعد مع خالد وبالذات هاليوم اكثر لان السالفه راح تكون عن اخوها فهد .
الريم قامت من مكانها: عن اذنكم
نوره تصد للريم : وين بتروحين
الريم: بروح عند هند .. من زمان ما قعدت وياها
نوره : خلاص حبيبتي روحي ونسيها.
الريم صعدت وراحت غرفة هند ..
اما ساره فكانت متوتره وايد لانها ماتعرف كيف اتفاتح خالد بهالسالفه.

خالد لاحظ توتر ساره : شو فيج ساره ..
ساره بارتباك : ها ...مم....ما فيني شي
خالد : احسج متوتره .
ساره تبلع ريجها : خ..خ.خالد
خالد : خير يا ساره
ساره : بقولك شي
نوره صدت لساره: ساره مب الحين عاد ..
ساره : خلا اقوله وارتاح .
خالد اتسغرب: شو فيكم .. عن شو تبون تكلموني
ساره وقفت من عالغنفه وبتوتر : خالد بقولك شي بس الله يخليك افهمني
خالد رافع حواجبه : خير شو في
ساره تلعب باصابعها : انا ..انا ..
خالد : شو فيج يا ساره.انتي شو
ساره بحزن : انا قررت اني افسخ خطوبتي منك.
خالد أول ما سمع هالكلمه قام من مكانها وراح عندها وبغضب: شوووووووووووو انتي شو تقولين يا ساره ..
نوره : الله يهديك يا خالد .. هد اعصابك
خالد : كيف اهدي اعصابي .. وساره ما تباني
ساره : لا يا خالد .. انا ما قلت جذي
خالد: عيل ليش تبين تفسخين خطوبتنا ليش ليش؟
ساره منزله راسها: لاني أبي اتزوج (بتردد) فهد
خالد وقف مكانه وكان يتمنى ان الارض تنشق وتبلعه : تبين تزوجين فهد
ساره : هيه ..
خالد بعصبيه وصريخ: ليش ليش يا ساره .. ليش تبين تزوجين فهد .. لا يكون عنده شي انا ما عندي ولا خلاص مليتي مني ..
ساره : لا والله يا خالد بس انت هد اعصابك عشان تعرف السالفه
خالد صد عن ساره : أي سالفه ؟؟ انا ما ابي اسمع شي كافي اللي قلتيه
نوره : خالد ساره ما بتزوج فهد لانها تحبه
خالد : لا والله عيل عشان شو
ساره : شوف يا خالد .. اذا تزوجنا ماراح نستانس بحياتنا
خالد : وليش ان شاء الله
ساره : لان فهد هددني اذا ماتزوجته راح يدمرني ويحرمني منك ومن امي ( والدمعه بعيونها ) وأنا ما ابي شي يصير لكم . وانت تعرف فهد عنده مرض نفسي وعادي والله بيسويها .
خالد راح عند ساره : ساره انا أفضل الموت ولا اشوفج عند غيري
ساره تصيح : بس انا اتمنى اني اتزوج أي حد غيرك ويصير لي أي شي ولا أنحرم منك يا خالد ما انحرم من شوفتك
خالد بحزن :يعني تبيني اتخلى عنج عشان تهديدات فهد
ساره : اقولك اذا ماتزوجته راح يخلي حياتنا جحيم .
خالد : وانا وانا ما خفتي علي ؟؟ كيف بعيش بدونج
ساره : انت على الاقل انسان عاقل .. واعرف ان صعب عليك .. بس على الاقل ماراح يصير لك شي واهم شي ان فهد ما بيأذيك ..
ثانيا يا خالد انت اذا فقدني عند امك وابوك وخواتك الله يخليهم لك ..بس فهد فاقد حنان والديه واذا خسرني راح ينهار
خالد بغضب: والله يعني تاخذينه عشان الشفقه
ساره : مب بس عشان الشفقه .. والله بعد عشانك انت وامي والله اني اخاف عليكم .. انت لو سمحت تهديداته
خالد : اه يا النذل بس انا والله أراويه
ساره وعيونها محمره من الدموع : الله يخليك يا خالد لاتروح عنده.
خالد : لا بروح الحين عنده عشان مره ثانيه ما يهدد بنات الناس
ساره وهي ماسكه ايدينها وقاعده ترجى خالد: خالد أترجاك لا تروح عنده ..أعرف اذا رحت راح تصير مشكله. وفهد ما يحس باللي يسويه واخاف يأذيك.
خالد : انا ما يهمني ولا اخاف منه
ساره وهي تترجاه : خالد باسم الحب اللي بينا الله يخليك لا تروح عنده.
خالد صد لساره وشافها صدق منهاره والدموع بعيونها ورفق عليها : خلاص مابروح عشانج يا ساره
ساره تمسح دموعها : تسلم يا خالد
خالد : ساره فكري مره ثانيه الله يخليج .. لا تتركيني ترى والله بنهار ..ساره انا احبج انتي واخترتج انتي من يوم كنت صغير
ساره بحزن وضيق : والله مب بايدي غصبا عني
خالد : لا تهتمين له ..ساره ما اقدر اعيش بدونج
ساره تصيح : ولا انا بس ما عندي حل ثاني افمني افهمني يا خالد .
خالد بعصبيه : ما ابي افهم شي .. (يأشر على ساره) شوفي يا ساره اذا اخترتي فهد .. لا أعرفج ولا تعرفيني وراح اعتبرج غريبه ..حتى السلام ما ابي منج
ساره : لهالدرجه يا خالد صرت قاسي علي
خالد : بس مب اقسى عنج مثل ما بعتي حبي لج .. انا بعد بعاملج نفس الشي
ساره : بس هالشي غصبا عني
خالد : ماعندي كلام ثاني .. مثل ما تخيلتي عني .. انا بعد راح اعاملج مثل الغريبه وراح احاول انساج مثل ما نسيتيني .
ساره : انا ما نسيتك
خالد : آخر كلام يا ساره تبيني انا ولا فهد
ساره تفكر اذا ماخذت خالد صح راح تفقده بس هو ما بيصيرله شي ولا بيتأذى .. بس اذا تزوجت خالد ..حياتهم بتدمر ويمكن فهد يقتله ..
ساره خذن تفس والدموع بعيونها : اسمحلي يا خالد بس هالشي غصبا عني .
خالد : يعني اخترتي منو
ساره بتردد وحزن : فهد
خالد : خلاص عيل اليوم آخر يوم اكلمج وآخر يوم تكون بينا علاقه .
خالد راح عن ساره وكان يبى يدخل غرفته .وسمع ساره تناديه ووقف مكانه.
ساره والدموع بعيونها : خالد والله اني ما احب فهد والله اني أباك انت ..والله..
خالد ما قدر يستحمل اكثروراح غرفته ..وصك على عرمه الباب
وخلى راسه على الباب وأول مره خالد الدمعه تنزل من عيونه.
خالد : ااااااااااااه يا ساره ااااه كيف اعيش بدونج يا ساره وانتي الهوى اللي اتنفسه كيف .
خالد كانت حالته صعبه ..
ساره ما قدرت تستحمل اكثر راحت حضنت نوره وهي تصيح .
ساره : راح عني خالد راح يا نوره .
نوره تمسح على شعر ساره: بس يا ساره لا تصيحين قطعتي قلبي
ساره : احلامنا تبخرت وراحت والسبب كله من فهد .. ربي لا يهنيه ولا يسعده مثل ما حرمني من السعاده.
الريم نزلت وشافت ساره حاضنه نوره وتصيح ..وعرفت ان ساره قالت لخالد ..
الريم نزلت عند ساره تحاول تهديها.
الريم : قومي يا ساره نروح البيت .
نوره تصد للريم : كف ساره تسوق وهي بهالحال
الريم : لا انا اللي بسوق وبوصلها بيتهم .
مسكت الريم ساره وحاولت تهديها لان ساره كانت منهاره لانها فقدت خالد وحست ان خالد كرها .

[قرموشة]

تسلمين ونتريا التكمله ..

[دموع العاشقين]

الجزء
( الرابــع عشــر)



بعد ما قالت ساره لخالد انها قررت تنهي اللي بينهم من علاقه عشان خوفها من فهد انه يؤذيهم ..

الريم راحت توصل ساره بيتهم لان ساره طول الطريج وهي تصيح .. لانها عرفت ان احلامها الحلوه ماتحققت ..لانها خسرت الانسان الوحيد اللي صدق حبته من الطفوله..

دخلت ساره البيت وهي منهاره وفتحت الباب وشافت امها قاعده في الصاله ..
ساره وهي تصيح وتركض عند امها: امايه امايه ..خلاص خلاص راح خالد .
الام مستغربه وهي تحظن ساره : شو بلاج يا ساره ..
ساره وعيونها وارمه من الصياح : امايه انا قلت لخالد اني بنهي اللي بينا عشان فهد .
الام : وشو رد عليج
ساره : ما فهمني .. توقع اني ما ابيه ..
الام وهي تمسح على شعرساره: لا يا بنتي اكيد هو بيفهمج .. بس هو قال هالكلام لانه معصب ..
ساره : بس انا والله يا امايه ما احب فهد ..انا سويت كل هذا لاني اخاف علج وعلى حياة خالد .
الام : ادري ادري يا بنتي .. والله فاهتنج .. بس انتي لاتسوين في عمرج جذي ..
ساره بعدها تصيح ..
الام : بس يا ساره ماعرفت انج ضعيفه لهالدرجه.
ساره وهي تصد لامها: كيف كيف يا امايه بعيش ويا انسان انا ما احبه .الام : لا يا ساره انا اعرفج عدل .. قلبج طيب .. وانتي ماتكرهين حد
ساره بعصبيه : عمري ما كرهت حد صح .. بس فهد غير..انا صدق اكرهه لانه دمر مستقبلي انا وخالد ودمر سعادتي.. والله راح يندم .
وراحت ساره غرفتها وهي معصبه وتصيح ..
الام قلبها نتقطع على ساره .. لانها عمرها ماشافت ساره بهالحال ..


اما بيتكم خالة ساره ..
هند ونوره كانو قاعدين بالصاله ويا امهم .
ونوره قالت لامها السالفه كلها ..
الام وهي زعلانه : والله دنيا .. يا سبحان الله كنا نتوقع ان حياة ساره وخالد بتكون من اروع القصص ..
نوره : يحليلها ساره .
هند بعصبيه : ليش يحليلها ساره .. قولي خالد المسكين .
نوره : لا تنسين ان اصعب شي على الانسان ان يعيش مع شخص ما يحبه وقلبه مع غيره .
هند : والله محد قالها تسوي جذي.
نوره وهي منقهره من كلام هند: والله تعرفين ليش ساره وسيت جذي ما يحتاي اعيد وأكرر يا انسه هند
هند : سااااكته
الام : لا والله ساره طلعت أصيله .. صدق كبرت في عيني
نوره رافعه حواجبها ومستغربه : يعني يا امايه انتي مب زعلانه من ساره .
الام " لا يا بنتي ليش ازعل منها .. بالعكس اللي سوته ساره شي افتخر فيه .. صح ان قلبي يعورني على ولدي خالد .. بس ساره بعد ضحت بحبها لانها ماتبى خالد يتأذى .. وهذا صدق دليل الحب يا بنتي
نوره : هي والله صدق تحبه .. بس شو فايدة الحب الحين
الام تدور على خالد : نوره
نوره : خير يا امي
الام : وينه خالد ما اشوفه
نوره تتنهد : ااااااااااه .. يا امايه ..
الام قامت من مكانها ومسكت قلبها : وي باسم الله على ولدي شو فيه
نوره : لا لا يا مايه ما فيه شي .. بس خالد من بعد ماقالتله ساره انها بتنهي اللي بينهم وهو في غرفته ما طلع منها .
الام : ولله .. عيل خلا اروح اشوف شو فيه .. اخاف يستوي في خالد شي
نوره : باسم الله على اخويه .
الم راحت ونوره وهند وياها .. وراحو غرفة خالد .
الام تدق على باب غرفته : خالد خالد يا امي افتح الباب
خالد هو متساند على السرير وعيونها تدمع يذكر كل لحظه بحياته مع ساره تذكر يوم كانو صغار ..كان كله يدافع عنها يوم أي حد يضاربها ..كان معروف بحبه لها من الصغر.. ويوم كبر احلامه كبرت وحبه زاااد ...
خالد وهو يكلم عمره : كيف يا ساره بعيش بدونج ..وانا رسمت احلامي وحياتي ومستقبلي معاج ..تخيلتج تكونين الحبيبه والصديقه والزوجه ..وهو( يضرب على الوساده) وكل شي راح راح راح ..
الا بعدها تدق الباب : خالد خالد
خالد صد صوب الباب وحس ان احد يناديه وراح مسح دموعه لانه ما يحب يبين لحد انه منهار ..
خالد راح فتح الباب وحالته صدق كانت صعبه: خير يا امي
الام تشوف خالد وقلبها تقطع على خالد .. لاول مره تشوف حالته جذي شكله متبهدل ..وعيونه فيها الف لوم وحزن .
الام ما قدرت تقول شي غير : خالد .. الدنيا بعدها مستمره يا ولدي
خالد : يا امي .. الدنيا مستمره معاكم ..بس بالنسبه لي الدنيا مب مستمره من بعد ساره
نوره ما قدرت تستحمل اكثر وبالذات يوم شافت اخوها على هالحال وعلى طول ادمعت .وحاولت انها تخفي دموعها.
الام : خالد قوم يا ولدي اطلع من الغرفه وروح تعشى وبعدين ارتاح ونام
خالد وبنرة حزن : يا امي الله يخليج .. ما ابي شي خليني بحالي
الام : ما اقدر يا ولدي اخليك بهالحال .
خالد : امي عشان خاطري .. ما ابي اكلم حد ..خلووووووني بروحي .
نوره مسكت امها : امي خليه بروحه .. لين ما يهدى شوي
الام تشوف خالد : خلاص يا ولدي راح اخليك على هواك .. بس كل دقيقه بيي بطمن عليك
خالد : الله كريم ..وعن اذنج يا امي .
وراح صكر الباب ..ورد غرفته وهو متضايق ..
الام دمعت عيونها ...نوره راحت عند امها ومسحت دموع امها .
نوره : لا يا امايه .. لاتضعفين جدام خالد ..
الام : ما اقدر يا بنتي اشوف حالة اخوج واسكت ..شكله يقطع القلب
نوره : ادري ادري ..بس ايام ان شاء الله وبتمر على خير
الام : على خير ان شاء الله ..
الام : يا يالله يا بنتي انا بروح غرفتي ارتاح .
نوره : اوكي يا امي .
نوره تصد لهند : شو فيج سرحانه .
هند بتردد: ها ...ممم..ما فيني شي بس بروح غرفتي يالله باي .
هند كانت تفكر كيف سالم بيي هالاسبوع وبيخطبها .. والبيت متقلب ..
وفكرت انها تكلم سالم وتقوله خلا يتاخر شوي وما يخطبها هالاسبوع لين الاوضاع تستمر بخير..

أما فهد كان بغرفته والساعه تقريبا 11 ونص مساء ودخلت عليه الريم من بعد ما وصلت ساره البيت وكانت الريم متضايجه بحالة ساره وخالد .
الريم تشوف فهد بحزن : اشحالك فهد

كان قاعد يشوف التلفزيون وأول ما شاف الريم ركض عندها : هلا الريم زين ييتي .
الريم مستغربه : ليش ؟ في شي
فهد : الصراحه كنت بقولج .. اشحال ساره ..ما شي اخبار عنها
الريم : قصدك اخبار عنك
فهد ابتسم : فاهمتني يالريم
الريم : كيف ما افهم اخويه
فهد : في شي يديد
الريم تتنهد : اااااااااااااااااااه .. قول في اشياء
فهد : اشياء تفرح .
الريم : والله هالاشياء تزعل العالم كله بس تفرح ...
فهد : تفرح منو
الريم : تفرحك يا فهد
فهد مستانس : والله ليش شو صار
الريم: ساره قررت انها تزوجك وانفصلت نهايئا عن خالد
أول ماسمع فهد هالسالفه تم يناقز وصارخ وكان صدق طاير من الفرح وراح حضن الريم من الفرحه ..
الريم : فهد فهد شوي شوي بطيحني
فهد : واخيرا واخيرا يا الريم تحققت احلامي ..ساره فديتها ساره بتكون لي.
الريم كانت مستانسه لان اول مره من يوم فهد رد من السفر وهي تشوفه مستانس .
الريم : يعلني يا اخوي مانحرم منك (وادمعت )
فهد يشوف الريم بتعجب: افا يالريم هذا وقت الصياح .
الريم وهي تمسح دموعها : لا يا اخوي هاي دمعه الفر ح .. اول مره اشوفك ابتسامتك .
فهد يبتسم ويحب الريم على راسها : تسلمين يالغاليه .. يا اختي الحبيبه .
فهد ماسك عقاله وغترته .. ويبى يطلع .
الريم : وين وين بتروح هالوقت.
فهد مستعيل : بروح عند مروان ربيعي بقوله احلى حدث صار بحياتي .
الريم تشوف ساعتها : بهالوقت ؟
فهد : الحين تقولين الساعه 4 الفير .. أي وقت المهم ابي اطير بالشارع ابي ابين للعالم اني مستاااااااااااااااااااانس .
الريم : زين شوي شوي عالطريج مب تسرع يا اخوي
فهد : ان شاء الله يا احلى اخت يالله مع السلامه.
الريم : بحفظ الله يا اخوي .

الريم كانت صدق متضاجه على خالد وعلى ساره .. بس يوم شافت ابتسامت اخوها وفرحته ..نست كل شي ..

راح فهد واتصل في مروا ن ..
فهد وهو طاير من الفرحه : مروان اشحالك
مروان : باسم الله .. شو فيك ما شي سلام عليكم ولا شي
فهد : مب متفيج لشي الحين .
مروان : الله يستر
فهد : مروان وينك انت
مروان : توني موصل الاهل البيت .
فهد : خلاص تعال الحين عند البحر
مروان : شوووووووووو .. بهالوقت
فهد : شو فيك بعده الساعه ماصارت 12 ونص يالله
مروان خلاص ياينك الحين .
فهد : اترياك .

راح مروان عند فهد عشان يشوف سالفته .
فهد وهو واقف عند البحر .. ومغمض عيونه ومبتسم .
ومروان وصل وشاف فهد وهو بعالم ثاني .
مروان مسك ظهره : فهد شو وين وصلت
فهد صد لمروان : باسم الله خوفتني
مروان : جي شايفني فلم رعب .
فهد: ههههههههههههه يمكن
مروان استغرب من فرحة فهد : فهد .
فهد وهو مبتسم : خير
مروان : شو اللي خلاك ترد فهد القبلاني ..فهد البشوش المحب والاجتماعي
فهد : مروان ساره ساره .
مروان : شو فيها
فهد : وافقت انها تزوجني وانفصلت عن خطيبها
مروان فاتح عيونه .: والله .. زين زين الحمد لله
فهد فاتح ايدينه : والله كاني ولدت من يديد
مروان : والله يا فهد مب بعد مارديت من السفر ونحن ما شفنى ابتسامتك ولا ضحتك ...والحين ساره خلت كل شي يرد مثل قبل .
فهد : انت ماتعرف غلاتها عندي
مروان نزل راسه : بس يا فهد
فهد : بس شو
مروان : كيف راح تعيش مع انسانه تفكيرها كله في خطيبها .. لاتنسى انهم كانو يحبون بعض من الصغر .
فهد تضايج : ما يهمني شي .. كل اللي يهمني انياحبها وانها صارت ملكي ..ثانيا مب هي الانسانه الوحيده اللي انفصلت عن خطيبها
مروان : بس اللي انفصلو اغلبيتهم صارت لهم ظروف وانفصلو وهم اثنينتهم مقتنعين بالانفصال ..بس ساره انفصلت رغما عنها .
فهد : شوف يا مروان .. اعرف اللي سويته غلط .. بس حاولت اني اعيش بدونها والله والله ما قدرت .. احس ان الحياه ظلمه بدونها .
مروان : ما اقول غير .. عسى الله يهنيك يا فهد .
فهد : تسلم يالغالي ..

وفي اليوم الثاني ..
ساره ماطلعت من غرفتها .. لان يومها قضته كله بالصياح والذكريات الحلوه اللي كانت تتخيلها انها راح تستمر ..

وخالد حالته اصعب ..لانه ما قدر ينام البارحه من كثر ما هو كان متضايج وزعلان .. وحس ان حياته انتهت من بعد حبيبته ساره ..

والصبح الكل قاعد يفطر الا خالد ..
هند : امايه ان شاء الله اليوم ابويه بيي من السفر صح ؟
الام وهي تشرب الحليب : ان شاء الله يا بنتي
نوره : والله اني مشتاقلته مووووت .
هند : وانا بعد .. احس كاني سنه ما شفته .
الام ساكته ومتضايجه.
نوره تصد لامها : امايه شو فيج .
الام بحزن : خالد ما يطيع ياكل شي ولا يفتح الباب .. والله اني خايفه عليه .
نوره : لا تنسين يا امي ان خالد ماكان يفكر الا بساره .. يعني لازم ما يتقبل الامر .
هند : يعني ابي افهم هاي ساره شو سوت فيهم عشان يتخبلون عليها جذي.
نوره : عندها جمال يخلي المينون يصحى .. وعندها اخلاق وطيبى تملى الدنيا وما فيها .. و(تشوف هند بطرف عينها ) وما عندها غيره ولا حقد مثل بعض الناس ...
هند : شو قصدج .
نوره : لا يا اختي ما قصدي شي ..
هند قامت من على الكرسي: عن اذنكم .
الام : وين ما كملتي ريوقج .
هند : لا بس شبعت الحمد لله .بروح غرفتي
نوره : اكيد عندج شي .. والله اني اول وحده اتين تاكلين .. وآخر وحده تخلصين .
هند : وي وي اعوذ بالله منج .. في كل شي تحسديني .
نوره : على شو يا حظي ..
الام : الحين انتو متفيجين تضاربون
هند : خلاص انا بروح فوق بغرفتي ..عشان ما اتضارب ويا حد ..

راحت هند غرفتها وعلى طول مسكت الموبايل واتصلت في سالم وطبعا كلمته بسرعه لانها تخاف نوره تشوفها ..
هند تتصل في سالم: السلام عليكم
سالم توه قايم من النوم : وعليكم السلام .
هند : اوووه اسمحلي .. قومتك من النوم
سالم : لا افا عليج عادي ..
هند : بغييت اقولك شي يا سالم .
سالم : يعني ما شي شخبارك .
هند تبتسم : اسمحلي ..بس لاني مستعيله اخاف نوره اتي وتشوفني .
سالم : لا عادي تفضلي ..
هند : انت يا سالم قلت انك بتي هالاسبوع يوم ابويه بيي من السفر صح .
سالم / : ان شاء الله
هند : بس ابي اقولك لا اتي هالاسبوع .. لان عندنا شوي مشاكل في البيت .. يعني من الاسبوع اللي بعده .
سالم : ممممممممممممم .. خلاص ..ولا يهمج اسبوع الياي ان شاء الله بكون عندكم يا احلى وحده شفتها بحياتي .
هند بخجل : تسلم يالغالي ..
سالم : الله يسلمج حبيبتي
هند : اوكي الحين عن اذنك ..بروح قبل ما نوره اتي اوكي .
سالم : هاي نوره خاطري اشوفها ..اخاف هي رئيسة العصابه وانا ما ادري .
هند تضحك: هههههههههههههههه .. واكثر بعد..
سالم : اوكي خلاص عيل ..اخليج الحين .
هند : يالله باااااي يالغالي
سالم : مع الف سلامه ..

الريم كانت تفطر تحت في غرفة الطعام ودخل فهد وهو مستانس ..
فهد : صباح الخير يا احلى اخت.(وراح باسها فوق راسها)
الريم : شو تشوفني يدتك ..تحبني فوق راسي
فهد قعد على الكرسي عند الريم : هذا وقار واحترام يالخبله .
الريم : توك ما أحلاك .. والحين تسبني .
فهد ( يضحك ): ههههههههههههههه
الريم : عساني ما انحرم من هالضحكه .
فهد : تسلمين يالغاليه
الريم : الله يسلمك يا اخويه
فهد : اقول يالريم .. شو رايج بعد كم اسبوع انروح نخطب ساره
الريم كانت تشرب اللبن وأول ما سمعت كلام اخوها غصت وكحت ..
فهد يضرب على ظرها : باسم الله عليج شو فيج ياالريم . شو اول مره تشربين لبن.
الريم : ما ادري عنك .
فهد : ليش انا شو قلت .
الريم : توها البنت منصدمه من سالفتك .. وزعلانه لانها خسرت خالد.
فهد : والله خلاص كل شي انتهى .
الريم : لا يا فهد .. انتريه شوي كم يوم بعدين بنفاتحها بهالموضوع .
فهد : ما بنتظر اكثر عن اسبوعين .. ابي اضمن انها لي انا وبس ..
الريم : ان شاء الله بتكون لك ..
وفي بيتكم خالد

الساعه تقريبا 12 ونص الظهر رجع أبو خالد من السفر لانه رجل اعمال يعني حياته كلها سفر .. والاهل كلهم قاعدين يستقبلونه ..الا خالد في غرفته لانه نسى هاليوم .

ابو خالد : السلام عليكم يالغاليين
هند ونوره راحو على طول نقزو عليه وحضنوه ..
ام خالد اتي عنده وتبتسم .
ابو خالد : شوي شوي عليه .. بطيح .
هند وهي تحضن ابوها : فديتك ابويه والله اشتقتلك
نوره : والله انا بعد يا بويه اشتقلك موت
بو خالد يبتسم ويشوف ام خالد : ها ام خالد شو .. ما شي الحمد لله على السلامه.
ام خالد تبتسم : والله عيالك ما خلوني ارمس .
هند ونوره : ههههههههههههههه
ام خالد : الحمد لله على سلامتك يا ابو عيالي .
بو خالد : الله يسلمج .
بوخالد يدور في الصاله : ولا وينه خالد ..
نوره طالعت امها ونزلت راسها .
بو خالد : شو بلاكم ..وينه خالد
ام خالد : هو في غرفته يمكن نايم.
بو خالد فتح عيونه : نايم لهالوقت غريبه .
ام خالد : يمكن البارحه كان سهران وتعب .
هند : ابويه ها شو يبتلي من لندن .
نوره : عفان الله صبري .. توه ياي ..
هند : لا بس ابي اعرف فكر فيه هناك ويابلي شي.
بو خالد يبتسم : واذا انا ما افكر فيكم يا عيالي ..أفكر في منو .
هند تغمز لامها : يمكن حصلتلك وحده حلوه هناك نستك اهلك .
ام خالد تشوف هند بطرف عيونها .
بو خالد يضحك : ههههههههههههههههه .. حشى عليج يا هند تبين اليوم انام في الصاله .
نوره : افا ليش يا ابويه .
بو خالد : ما تشفوين امج كيف صار ويها ..أخاف تطردني من الغرفه .
ام خالد : لا فديتك انا واثقه فييك .. بس هاي هند لو شوي أقدر أقص لسانها .
هند : وي باسم الله عليه .
بو خالد : والله سوالفكم ما تنمل ..بس انا الصراحه تعبان وبروح غرفتي وان شاء الله بنجتمع ونسولف بعدين .
هند : لا تنسى الهدايا .
نوره تضرب هند : بس استحي على ويهج .. خلا يرتاح شويه.
بو خالد : ولا يهمج يا بنتي .. خلا ارتاح وبتشوفين شو يايبلكم ..
نوره : تسلم يا ابويه ...وانت روح ارتاح .
بو خالد : زين يوم خالد بيقوم من النوم .. خلا ايي غرفتي .. تراني مشتاقله.
ام خالد : ان شاء الله يا بوخالد.

راح ابو خالد غرفته يرتاح من السفر ..
نوره قعدت على الكرسي: اقول امايه ..
الام : خير يا بنتي
نوره : مب فضيحه خالد ما ياي يسلم على ابويه.
الام : يحليله خالد ما يدري ان ابوج بيي اليوم أو نسى .
هند : هاي ساره ماعرف شو سوت فيه.. خلته ينسى كل شي.
نوره : الحب ..
هند : بدت تتفلسف ..انتي ااذا تزوجتي .مب تنسينا.
هند : ليش قالولج انا هند ..
هند : شو قصدج .
نوره : مب قصدي شي .. الحين انا بروح غرفتي وبتصل في ساره .. بشوف اخبارها.
هند : روحي عند اخوج أول شي.
نوره قامت من مكانها : خالد لو أدق عليه الباب مليون مره ما بيفتحلي أعرفه .

راحت هند تتصل في ساره بس ما حصلتها لان ساره غالقه موبايلها .

والكل كان يالس في الصاله ولا فجأه سمعوا جرس الباب وراحت الخدامه تفتح الباب ودخلت عليهم ..

الخدامه : where is khalid: .
نوره تصد للخدامه: why?
الخدامه: His freiend Mohamed wants him
نوره تشوف هند: اقول هندوه .. الحين ربيعه يبى خالد شو نقوله
هند تلعب بأظافرها: روحي قولي لخالد بعد شو تسوين .
نوره : خالد حالته حاله وين له نفس يشوف حد.
هند رفعت راسها تشوف نوره : بس لا تنسين ان هذا محمد أغلى ربعه يعني الانسان الوحيد اللي يفهم خالد.
نوره : ماشاء الله من وين هالمعلومه.
هند : يعني ماتعرفين ان محمد من زمان ربيع خالد .. واخوج اربع وعشرين ساعه يمدح في هالريال ..
نوره : زين شو اسوي ؟
هند: روحي قولي لخالد يمكن محمد يقدر يغيرمن نفسيته .
نوره: اول مره تقولين شي منطقي.
هند رافعه حواجبها: ليش ان شاء الله كل مره شو اقول كلام ميانيين .
نوره : لا مب ميانين ..كلام ( تفكر )مممممممم كلام فاضي ماله أي لزوم.
هند : والله انا الغبيه اللي قاعده اسولف وياج.
نوره : ههههههههههههههههههه .. محلاج وانتي معصبه.
هند: نوروه يوزري عني ..ورحي قولي لخالد يستقبل ربيعه ..ترى يحليله نقع برع .
نوره: هي والله نسيته.
هند : طبعا تنسينه .. لان تفكيرج ماعرف وين.
نوره تدلع: طبعا في خطيبي ..فديت عمره .
هند : يالله .. هذا صار خطيبج وتفدينه .. لو تزوجتيه شو بتقوليله .ز
نوره : اممممممممممممممممممممم .. بكتب له ابيات غرام وشعر ..
هند : طبعا هاي اول سنه زواج .. بعد السنه الثانيه أنواع السب.
نوره : باسم الله عليه .. شو تشوفين دفشه مثلج.
هند : اقول نوره الريال نقع برع روحي فضحتينا .
نوره وقفت : هي والله بروح اشوف خالد.

راحت نوره تدق على باب خالد عشان تقوله ان ربيعه محمد يايله.
نوره : خالد افتح الباب شويه.
خالد بعصبيه : شو تبين ؟؟
نوره : ربيعك محمد يباك .
خالد : محمد؟
راح خالد فتح الباب ومستغرب.: محمد ياي بيتنا
نوره : هي يا اخويه شو اقوله.
خالد : طبعا خليه يدخل .
نوره : اوكي خلاص الحين بقول لميري ادخله.

راحت نروه قالت لخدامتهم عشان يدخلون محمد الميلس ..
خالد دخل الميلس وحالته حاله .. خالد دومه كاشخ وحلو ومرتب ..بس هالمره غير شكله متبهدل وحالته تكسر الخاطر وعيونه متورمه من قلة النوم .
شافه محمد واستغرب وفتح عيونه ووقف مكانه: خالد
خالد وصوته كلها حسره وحزن: هلا فيك يا محمد..تفضل استريح ليش واقف.
محمد فاتح عيونه وراح عند خالد : أي استريح الله يهديك ..شو بلاك ليش جذي حالتك شو صار لك ..
خالد منزل راسه : ما فيني شي .
محمد : أي ما فيك شي الله يهديك .. شكلك مبين ان صار لك كارثه .
خالد اقعد واستريح ..
يلس محمد عند خالد وهو زعلان على حالة خالد ..
محمد : قولي بلاك وليش غالق موبايلك .. انا من البارحه اتصل فيك وانت غالق موبايلك ..
خالد ماسك ايدينه ومنزل راسه ..
محمد : خوفتي يا خالد قولي شو فيك .
خالد رفع راسه وشاف محمد : ساره يا محمد ساره .
محمد : بلاها ساره .. شو صار فيها ..
خالد: ساره تخلت عني والسبه هالنذل فهد .. الله لا يبارك فيه .
محمد : أفا ليش شو صار قولي تراك قطعت قلبي ..

وطبعا خالد قاله كل السالفه وقاله ليش ساره تخلت عنه..
خالد : شفت يا محمد شو صار فيه .. احلامي كلها راحت وتبخرت خسرت الانسانه الوحيده اللي كنت احلم انها تكون لي ..
محمد منصدم من اللي صار : ماعرف شو اقولك يا خالد .. بس الزواج قسمه ونصيب..
خالد بعصبيه : أقولك نحن كنا لبعضنا من صغرنا وآخر شي ما تكون
ساره لي .. تكون لانسان ثاني مستحيل مستحيل (ونزل راسه ودمعت عيونه).
محمد يمسك يد خالد : لا يا خالد مب انت اللي تدمع ..انت يا خالد ريال والريال لازم يكون ما يدمع ولا ينهزم بهالسهوله.
خالد والدمعه بعيونه: يمكن لانك يا محمد ماعرفت الحب .. وماتعرف ان اصعب على الشخص ان يخسر الانسانه اللي حبها من الطفوله والي كان يحلم انها تكون له .. والاصعب ان الحب متبادل ..وكيف تتصور ان ساره اللي بنيت احلامي معاها .. ما تكون لي .. ماتكون زوجتي وشريكة حياتي ..
محمد : خلاص يا خالد لازم تتعود على اللي بيصير وتتحمل .. وخلاص انت مب لساره وانتهت السالفه حاول انك تسناها.
خالد صد لمحمد وبجديه وعصبيه : شو نتقول انت .. انت يا محمد ماتعرف كيف احب ساره والله اني اموووت فيها .. ساره هي الهوى اللي أتنفسه ..ساره هي الروح اللي سكنت بداخلي ..ساره مب بس الحبيه لا .. ساره هي كل شي بالنسبالي ..انت يوم تقول اني انساها كأنك اخترت موتي .. لان ساره هي الامل الوحيد بحياتي .
محمد : لهالدرجه تحبها .
خالد حاط ايدينه على ويهه: وأكثر يا محمد واكثر..بس الحب راح راح ..والحبيبه راحت راحت يا محمد ..
محمد : يا خالد .. بس خلاص والله قطعت قلبي.
خالد : هي اللي قررت هالشي ..وهاللي حاولت تنساني ..باعت الحب اللي بينا ..
محمد : ساره ما باعت شي ..ساره لانها تحبك قررت هالقرار افهمها يا خالد .
خالد : بس خلاص ما ابي اسمع اسمها .. هي اصلا ما تستاهل افكر فيها ..مثل ما باعت الذكريات الحلوه ..وباعت حبنا ..أنا بعد بحاول انسى كل شي ..كل شي..
محمد يعرف ان خالد مستحيل ينسى ساره .. لان خالد يوم يحب الشخص مستحيل ينساه ..ويعرف ان هالكلام صدر منه لانه معصب ومنفعل .

وظهر محمد من عند خالد ..وقلبه متقطع على ربيعه ..كان محمد بيشكيله الحال وبيقوله عن حبه للريم وكيف هو ما ينام الليل من كثر ما يفكر فيها ..وشو السبب اللي ماتسمح له ان يتقدم للريم ويخطبها ..بس طبعا كيف يقوله وكيف يشكيله الحال..وخالد حالته اصعب من حالة محمد بألف مره .. لان الحب متبادل .. أما محمد فحبه غامض ومن طرف واحد.. لان الريم ماتعرف بحب محمد لها .

خالد كان متضايق بعده ..بس من القهر قرر انه يطنش ساره ويقهرها ..لانه متوقع ان ساره تخلت عن خالد بهالسهوله وانها باعت الحب عشان فهد.. وهو مايعرف ان ساره متعذبه أكثر منه..لانها قررت انها تعيش مع انسان دمر حبها الوحيد .,,وأصعب على الشخص ان يعيش مع انسان يكون سبب في تعاسته ..

ساره كانت ما تطلع من الغرفه ولا فطرت ولا تغدت حالتها كانت صعبه ..
امها دخلت عليها في الغرفه وشافتها طايحه على السرير والدموع بعيونها : ساره يمه.
ساره ماتصد لاي حد لانها كانت ميته من الصياح.
الام راحت عند ساره : ساره لين متى بتمين بهالحال ..خلاص انتي اللي قررتي هالشي .. ولازم تكونين قويه ..
ساره وصوتها متقطع من الصياح والقهر والحزن: انا قررت هالشي غصبن عني يا امي .
الام : ادري يا بعد عيني ..بس خلاص كل شي انتهى بينج وبين خالد ولازم تنسينه.
ساره بعصبيه: مستحيل يا امايه انساه .. حتى لو تزوجت فهد بس قلبي يا امي وحبي راح يكون لخالد للابد.
الام : ما يستوي جذي يا مي .. تزوجين شخص وتفكيرج مب له وقلبج لانسان ثاني ..ما يستوي جذي.
ساره : والله خلا يحلم اني احبه بيوم من الايام ..وانا اللي بخلي حياته جيحم مثل ما دمرني .
الام : ساره حبيبتي ..انتي تعرفين ظروف فهد يعني لازم تقدرين اللي سواه.
ساره بصياح : ما ابي اقدر أي حد ..ما ابيه ولا احب فهد ..
الام : زين خلاص لا تحبينه ..بس انتي قررتي انج تنفصلين عن خالد يعني خلاص خليج عاديه والله يا بنتي بيسهل عليج ويسعدج.
ساره ماردت على امها لانها كانت تصيح وزعلانه ومنقهره..

ابو خالد نزل عشان يصلي صلاة العصر وشاف هند في الصاله .
ابو خالد : هند حبيبتي وينه اخوج خالد ؟
هند : بعده في غرفته يبى .
ابو خالد : الله يهديه يارب ..بروح اشوفه لاني مشتاقله موت.
ابو خالد راح دق الباب على خالد:
خالد طلع من غرفته وشاف ابوه وفتح عيونه لانه ماعرف ان ابوه ياي من السفر واستانس وعلى طول حضن ابوه.
خالد : فديتك ابويه ..متى رديت من السفر .
ابو خالد : والله من الظهر بس انت ولا في الدنيا .
خالد متضايق: اسمحلي ابويه والله ما دريت .
ابو خالد : مسمحوح يا ولدي .
خالد : والله اشتقلك وااايد يا ابويه ..
ابو خالد: وانا اكثر يا خالد .. انت شو اخبارك .
خالد بحزن: الحمد لله .
ابو خالد : زين يا خالد قوم توضأ وروح ويايه المسيد ترى أذن..يالله تعال وياي ..
خالد : ان شاء الله يا ابويه ..الحين بتلبس وبطلع وياك..

راح خالد غير ملابسه عشان يروح الصلاه.
هند راحت عند ابوها: والله زين سويت فيه وطلعته من غرفته ..لاني اعرف خالد ما يرد لك طلب يا ابوي..
ابو خالد : عسى الله يهنيه ويسعده يارب ..
هند : اممييييين جميعا..

وراح خالد ويا ابوه المسيد عشان يصلون صلاة العصر.


فهد كان طالع ويا الريم رايحين يتمشون بالسياره.
فهد : اقول يالريم ؟
الريم تصد لفهد: اعرف شو بتقول (هي تقلده) شو اخبار ساره .من زمان ما عرف عنها .
فهد يضحك: ههههههههههههههههه ..حسبي الله على ابليسج وبعد تقلديني ..
الريم تبتسم : اعرف سؤالك ..انت ما تسولف الا عنها .
فهد : شو اسوي يا الريم: ساره خذت قلبي وسحرتني ..
الريم : هي والله ساره الصراحه تنحب ماشاء الله عليها فنانه وحليوه وطيبه ..
فهد : بس لا تمدحينه روحي متعذب ومشتاقلها .
الريم: هههههههههههههههه .. انت حبيتها وهي عمرها ما ابتسمت في ويهك ولا راوتك طيبتها ..عيل لو شفت حلاها وطيبتها وسمعت سوالفها شو بتسوي..
فهد (يتنهد)اااااااااااااااه انا وجذي ومتخبل عليها وذايب في حبها ..
فهد : زين يالريم اتصلي في ساره شوفي متى ايي اخطبها .
الريم : فهد ..قتلك ساره بعدها متضايجه من السالفه .اصبر عليها ..
فهد : ما اقدر ما اقدر ابي اعرف شو ردها ..الله يخليج روحي بيتهم اليوم وحددي وياها يوم الخطبه وبعدين طبعا راح نحدد يوم الملجه والعرس.
الريم : الله يعيني والله اخاف تذبحني ساره.
فهد مستحيل ساره تموت فيج ..يالله روحي عشان خاطري
الريم: والله يا اخويه ما اقدرارفضلك طلب .. وان شاء الله بروح اليوم عندها والله يعيني .
فهد : فديت اختي اللي ماترفضلي طلب.
وفي المساء راحت الريم عند ساره..
ساره كانت بغرفتها متسانده على السرير وسرحانه وكانت صدق متضايقه وزعلانه..
الريم دخلت غرفة ساره : ساروووونه وينج.
ساره صدت وشافت الريم واقفه عند الباب : الريم .تفضلي تعالي .
الريم راحت سلمت على ساره وشافت ويهه ساره مصفر ومتغير مبين عليها التعب وقلبها تقطع على ربيعتها : ساره شحالج.
ساره بحزن: وكيف تبين يكون حالي وانا خسرت حبي الوحيد.
الريم : بس يا ساره خلاص انسي السالفه لين متى بتعذبين عمرج.
ساره : المهم انتي شو اخبارج .
الريم: تمام الحمد لله ..اقول ساره شو رايج نطلع اليوم نتعشى برع .
ساره : مالي نفس يالريم خليني جذي احسن.
الريم: ساره لازم تغيرين الجو .
ساره : ما ابي اطلع والله يالريم انا جذي مرتاحه.
الرريم : خلاص ما بغصبج على شي ما تبينه.
وهني موبايل الريم رن وكان المتصل اخوها فهد..
الريم ردت على فهد: خير شو تبى .
فهد : شو قلتيلها .
الريم ترمس بصوت واطي: لا بعدني .
فهد : يالله قوليلها ..انا قايلج تروحين عندها عشان تقوليلها عن سالفتي .
الريم: اصبر شويه علي ..
فهد : شوفي يالريم اليوم تقوليلها .
الريم : زين زين ..
فهد : يالله باي .
الريم: باي ..

ساره شافت الريم ترمس بصوت واطي ..
ساره : في شي يا الريم .
الريم متوتره: ها.......ما في شي.
ساره :عيل شو فيج ترمسين بصوت واطي أخاف عندج اسرار.
الريم تبستم: ليش وانا عندي حد غيرج اقوله عن اللي بداخلي .
ساره : حبيبتي والله يالريم .
الريم: ساره ببقولج شي ..بس( بارتباك) بس لا تزعلين مني .
ساره : مستحيل ازعل منج يالريم ..
الريم تبلع ريجها: فهد .
ساره تضايقت يوم سمعت اسمه وبعصبيه : شو فيه فهد.
الريم : فهد يقول متى ايي ويخطبج رسمي يا ساره .
ساره بضيق: انا ما يهمني متى ايي ..حتى لو يتزوجني باجر عادي عندي ..
الريم فتحت عيونها
ساره : أنا ما يهمني يالريم متى اتزوج فهد او متى الخطوبه..لاني انسانه بلا روح ..ما يهمني شي .. لان هالزواج كانه مب زواجي ..يعني يوم خطبتي ويوم زواجي من اخوج ما يهمني.. لانه هذا يعتبر زواجه بالنسبه له مب لي .
الريم : وليش مب مهتمه يزواجج يعني ولا بخطبتج.
ساره : لاني ما بتزوج الانسان اللي احبه ..عشان تقولين باختار يوم للخطبه وبعدين الملجه عشان أتعود على اللي بتزوجه ..ما يهمني خلا يخطبني هالاسبوع اذا يباه أو بعد سنه كيفه..وقوليله ان ما ابي حفله ولا شي وحتى الملجه بس كتب كتاب يعني الملجه عاديه أو تكون الملجه والعرس بنفس اليوم احسن عشان افتك .
الريم مستغربه: بس احلى ايام الملجه يا ساره انج تقعدين ويا ريلج وتزهبين وتستعدين لعرسج وتتكشخين ..
ساره : اذا كنت ماخذه الانسان اللي احبه اكيد بخلي ملجتي فتره لان الملجه من احلى الايام وعشان استعد للزواج من اغراض ..بس انا ماخذه انسان ما ابيه ولا شي ولا ابي اعيش وياه هالفتره..
الريم تضايقت من كلام ساره : وكيف بتعيشين ويا انسان ما عاشرتيه ولا قعدتي وياه لان الملجه تساعد ياساره على الاختلاط ويعودكم على بعض ..
ساره : وانا عشان جذي ما ابي الملجه ..لاني ما ابي اختلط وياه .
الريم : بس هذا راح يكون زوجج.
ساره : هو بيعترني زوجه ..بس انا ما بعتبره زوجي ..بعتبره انسان عادي .. لان قلبي وتفكيري لخالد وبس .
الريم : بس خالد خلاص راح من حياتج يا ساره .اذا تزوجتي فهد لازم تكونين زوجه مخلصه وقلبج له.
ساره : شوفي يالريم بكون وياج صريحه ..حتى لو تزوجت فهد ..مابعامله اوكي ما اقدر ..كل ما بشوفه بذكر اللي سواه فيه ..مستحيل احبه..ومستحيل اعامله كزوج.
الرريم: عيل كيف بتعيشين وياه
ساره: بعيش وياه كاني غريبه سؤال وجواب وبس ..من غير حب وخرابيط
الريم : بس هالشي ما يصير
ساره بحزن والدموع بعيونها: كيف تبيني اعامل الانسان اللي فرق بيني وبين اللي اموت فيه .. كيف تبين احترم الانسان اللي هددني ودمر سعادتي واحلامي ..مب بس دمرني أنا ..دمر خالد ..وخلا خالد يكرهني .

الريم ماعرفت شو تقول وشو ترد على ساره ..لان تعرف ان ساره كانت تموت في خالد وتحبه من الصغر وكان خالد كل شي بالنسبالها..

راحت الريم من ساره وهي متضايقه على ساره وخالد وبنفس الوقت
خايفه على حياة اخوها ..لانها متأكده ان زواج فهد وساره ماراح يعدي على خير .. لان الحب من طرف واحد ..ولان قلب ساره مب لفهد..

[دموع العاشقين]

جزء ( الخامس عشر)

مع احداث جديده




وبعد ما طلعت الريم من عند ساره وهي خايفه على حياة اخوها فهد وعلى حياة صديقتها ساره لانها تحس ان حياتهم ماراح تستقر بالذات لان حب فهد من طرف واحد..

وراحت الريم البيت وأول ما فتحت باب الصاله شافت فهد قاعد ينتظرها واول ماشافها فهد على طول راح عند الريم ووقف عندها...

فهد وهو واقف عند الريم ومتوتر: هالريم بشري .. شو ردت عليج ساره..
الريم تشوف اخوها وبحزن: ساره تقول أي يوم انت تختاره ..
فهد (وابتسامته العريضه على شفاته) : والله يعني وافقت ..
الريم : هي بس قالت ما تبى حفله ..
فهد : افا عليها فالها طيب .. أي شي هي تبى انا حاضر لها ..
الريم : وقالت الملجه اذا تبى نفس يوم العرس يكون افضل ..
فهد تغيرت ملامحه: افا غريبه ..أحلى الايام أيام الملجه .كيف ما تباها ..
الريم : فهد لا تستعبط يا اخويه.. تعرف ان ساره مغصوبه على الزواج .. يعني باختصار هي مب مهتمه في زواجها..
فهد تضايق: بس لازم تنسى خالد ..خلاص انا بكون زوجها ..
الريم راحت ويلست على الغنفه: يمكن تكون زوجها صح .. بس القلب يا اخويه بعده مب ملكك ..
فهد عصب: الريم شو فيج اليوم يايه تضايقيني ولا شو سالفتج .
الريم : يا اخويه انا خايفه عليك وعلى حياتك..
فهد : أنا اعرف كل شي .. وانا مقتنع بهالشي ..ومرتاح الاهم تكون ساره لي ..
الريم : وقلبها يا اخويه مب لك .. واهم شي بالزواج هو القلب والحب ..
فهد : ان شاء الله بخليها تحبني وتنسى خالد..
الريم : والله اني اتمنى هالشي ..
فهد : المهم عيل ان شاء الله عقب باجر يعني بعد يومين بنروح نخطبها..وباخذ مممممممممممممم ريل عمتي ..
الريم فاتحه عيونها : بس ريل عمتي مب في الامارات ..
فهد : ادري انه مب موجود بالامارات وانه مسافر برع ..بس بخلي ايي ويخطبلي ساره .. بس كم يوم وهو اكيد يوم بيعرف اني بخطب وراح يستانس ..
الريم : على خير ان شاء الله ..




وفي بيتكم خالة ساره .

نوره قاعده عالسرير وتفكر بفارس احلامها او بخطيبها .. ونتفكر بمستقبلها..
هند ماسكه جدول امتحاناتها للثانويه العامه..
هند منقهره : افففففف متى افتك من هالامتحانات ..
نوره صدت لهند : مب أهم شي تفتكين ..أهم شي تبيضين ويوهنا واتيبين نسبه حلوه.
هند : لا حبيبتي انا مب مثلج اهتم بالنسبه وخرابيطها ..اهم شي عندي النجاح..
نوره : بعد البنت الكسلانه ما تفكر الا بالنجاح..
هند : والله كسلانه ولا شاطره أهم شي عندي انجح..
نوره متضايقه ..
هند تشوف نوره : نوروووه ..شفيج متضايقه؟
نوره : ما باقي على ملجتي الا شهر بالضبط وانا للحينه ما جهزت شي
هند : انتي باقيلج شهر على ملجتج وانا شهر ونص على بلوتي يعني امتحاناتي
نوره : ماعرف اسوي حفله ولا بس كتب كتاب يعني بيناتنا ..
هند : والله على راحتج ..
نوره : احسن شي اسوي حفله صغيره بيناتنا يعني اهلي واهل المعرس وتكون الحفله في بيتنا شو رايج..
هند : هي احسن .. لان في حفلة خطوبتج العالم كله ياي .. خليه جذي حفله بسيطه احسن .. بس الحفله بتكون بيتنا ولا بيت اهل المعرس..
نوره : والله اكثر شي يسوون الحفله في بيت اهل العروس..
هند : عيل لازم تختارين باسرع وقت المصصم ..لانه ما شي وقت .
نوره : عشان جذي انا احاتي ..
هند : زين ما دام تقولين ان حفله بسيطه ليش ماتاخذين فستان جاهز وتفتكين مب احسن .
نوره : امممممممممممممممممممم .. والله فكره يبالي جي اسوي .. لاني لين الحين مب مختاره القماش ولا المصمم ..يبالي اختارلي فستان حلو وغريب وبسيط بنفس الوقت ..
هند تدلع: شفتي افكاري الذهبيه
نوره : يالله عليج الحين شو قلتي ..
هند : بعد ربج تراني ذكيه..
نوره : اقول استخدمي هالذكاء في امتحاناتج ..
هند : لا استخدم الذكاء بالاوقات اللي احبها ..
نوره : خلا اروح الحين عند امايه عشان اقولها خلا تجهز على ملجتي لانه ما بقالنا شي ما باقي الا شهر ان شاء الله ..

راحت نوره تتفق ويا امها عشان الملجه والحفله والبوفيه وكل شي ..



اما الريم اتصلت لساره وقالت لها انهم بيون بعد باجر ..

وساره راحت قالت لامها ..
ام ساره كانت في المطبخ..
ساره راحت عند امها وبحزن: امايه ..
الام : عيوني.
ساره: ان شاء الله بعد باجر بيي فهد عشان يخطبني ..
الام تفاجات : شوووووو
ساره : هي يا امي بيي يخطبني لانج تعرفين ان فهد مسوي هالمصايف عشان يتزوجني .. وهو بيي ويا ريل عمته والريم عشان يخطبوني ..
الام : وانتي موافقه يا بنتي ..
ساره والحزن بصوتها : غصبن عني يا امايه اوافق ما عندي خيار ثاني..
الام : زين وانتي تبين حفله لخطوبتج ولا ..
ساره : ما ابي حفله ولا شي ..
الام : ما يصير يا بنتي ..ماشاء الله على نوره شفتي مسويه حفله حلوه..
ساره والدمعه بعيونها: لان نوره ماخذه الشخص عن اقتناع مب غصبن عنها ..وانا قلت للريم ما ابي حفله ولا شي .. ما ابي شي..

راحت ساره من عند امها وهي متضايقه واااايد ..لان حياتها ادمرت بسبب فهد..

وراحت ام ساره اتصلت في اختها ( ام خالد ) عشان تقولها ان خطوبة بنتها بعد باجر وان ساره ما تبى حفله ..بس ام ساره طلبت من اختها وبناتها انهم ايون هاليوم عشان ما تحس ساره انها وحيده ....
ام خالد صكرت التلفون من عند ام ساره وكانت متضايقه وايد على خطوبة ساره .. لانها تحاتي صدمه خالد .. لان خالد للحينه مب مستوعب فقدان ساره..

نوره شافت امها متضايقه وراحت عندها..
نوره تشوف امها: خير يا امايه ليش متضايقه..
الام : بعد باجر يا بنتي خطوبة ساره ..
نوره: انصدمت : والله بهالسررعه.
الام : تعرفين فهد .. يباه ساره باسرع وقت .
نوره تتنهد: اااااااااااه .. الله يعينج يا ساره ..
الام تصد لنوره: قولي الله يعين اخوج ..
نوره : والله اخويه يعرف ان ساره راحت عنه ولازم يقتنع بهالشي..
الام : والله اني اخاف اخبره .
نوره : شوفي يا امايه محد يخبره اذا هو سالنا بنقوله واذا ما سال ما بنخبره..
الام :زين هو وينه الحينه.
نوره : شفته من شويه طالع ويوم سألته وين بيروح قالي بيروح عند ربيعه محمد..
الام : الله يوفقك يا خالد ويسعدك ..
وهني ادمعت ام خالد لانها متضايقه على ولدها لانها تعرف حب خالد لساره من طفولته..
راحت نوره تحصن امها وتواسيها: لا يا امي لا تصيحين فديتج دموعج غاليه ..
الام تمسح دموعها : احاتي على خالد ..والله أخاف يستخف ويتينن..
نوره : لا يا امي ..ما بيصير له الا الخير ..واهم شي انج تدعيله ترى دعاء الام مستجاب..
الام : والله اني ادعيله بكل سجود..
اما خالد فما يعرف عن خطوبة ساره وراح عند محمد .. لان خالد يحاول ينسى ساره بأي طريقه عشان جذي هو دايما يطلع بس مهما طلع وغير الجو والمكان ..حب ساره بعده في قلبه..

خالد ومحمد رايحيين المطعم عشان يتعشون..
محمد : شو رايك يا خالد نطلب اليوم وجبه بحريه ..
خالد : يا حبك يا محمد للأكلات البحريه..
محمد : والله ما شي احلى من الربيان وأم الربيان ..ممممممممم لذيذ..
خالد : خلاص على ذوقك اليوم بنطلب أكلات بحريه..
محمد يشوف ملامح خالد الحزينه.: خالد
خالد رفع راسه : هلا يا محمد..
محمد : بعدك زعلان ..
خالد : طبعا زعلان ..ليش اللي صار فيه شويه.. بس المهم غير السالفه ولا تكلمني عن ساره عشان ما أتضايق اوكي ..
محمد : خلاص على راحتك يالغالي ..
خالد : هي صح تذكرت ..مره قلت لي انك بتقولي سالفه عنك ..
محمد: أي سالفه..
خالد : انك تحب الريم بس ما تقدر تزوجها لان شي يمنعك من هالشي وللحينه ما خبرتني ..
محمد : والله زين اتذكرت سالفتي ..
خالد : السمحوحه يا محمد بس تعرف الظروف الصعبه اللي مرت عليه ..
محمد : لا يالغالي ..مسموح افا عليك ..
خالد : زين شو سالفتك وشو اللي يمنعك من الارتباط بالريم ..
محمد : اسمع سالفتي .. انا من صغري يقولون اني لبنت عمي ..وهي بعد من صغرها قايليلها انها بتكون زوجتي ..ونحن تربينا على هالشي .وانا طبعا ماعارضت على هالشي لان بنت عمي انسانه طيبه وخلوقه ومب انا اللي اقول هالشي ..كل العايله يمدحون فيها ..
خالد : زين وشو المشكله.
محمد: قبل ما تطلعلي الريم..ماكان شي أي مشكله ..لاني كنت موافق على هالشي .أو اصلا ما اقدر اقول هالشي لان راح تكون مشكله.. وأناماعارضت لانها انسانه محترمه وزينه بس...
وسكت محمد ..
خالد : وبس شو يا محمد ..كمل..
محمد : بس من أول ما طلعتلي الريم .والله يا خالد ما قدرت افكر الا فيها واحس اني اذا ما خذتها راح اتخبل واتينن..
خالد : يعني انت خاطب بنت عمك ..سويتو خطوبه .
محمد: لا لا بس كلام ..يعني كلام الاهل بس مب أكثر
خالد : ممممممممممممم ..والحين انت ما تبي بنت عمك ..تبى الريم صح .
محمد : هيه ..ما اقدر بدونها والله اني صرت ما احلم الا فيها والله حبيتها يا خالد حبيتها ..واذا عشت ويا بنت عمي راح أظلمها ..
خالد : وليش تظلمها؟
محمد : لان اذا تزوجتها تفكيري ماراح يكون لها وقلبي راح يكون متعلق في الريم ..
خالد : مممممممممممممممم شوف عندي الحل البسيط ..
محمد : والله ياريت تساعدني ..صدقني ماراح انسى جميلك..
خالد : بكل بساطه روح عند أمك وقولها اللي في قلبك وقولها انك حصلت على الانسانه اللي انت اخترتها ..مب اهلك اللي اختاروها ..لان القلب يوم يختار غير يوم الاهل يختارون ..
محمد فتح عيونه :شو تبى امي تذبحني
خالد: ليش امك عصبيه..
محمد : لا مب جذي ..بس تعرف اذا رفضت بنت عمي.. راح تصير مشكله كبيره بين العايله..
خالد : والله خلا تصير مشكله ولا انك تخسر الانسانه اللي حبيتها .
محمد : يعني من رايك اكلم الوالده
خالد : هي كلمها انت مب خسران ..وشوف الرد ..
محمد : اعرف ومتأكد انها بتعصب..
خالد : تعصب ولا متعصب اهم شي تفهمك وانت حاول تقنعها ..
محمد : على خير ان شا ء الله ..بكلم الوالده بأقرب وقت وان شاء الله تفهمني ..
خالد : ان شاء الله ..

ومحمد كان متردد يكلم امه لان يعرف ان امه مارح توافق انه ياخذ غير بنت عمه .. لان المشكله راح تكبر اذا رفض ..


************************

راحت ام ساره عند ساره بغرفتها وشافت ساره على الكرسي الهزاز وتفكيرها بآخر عالم..
ام ساره : ساره يا امي .
ساره : ماجاوبت لانها سرحانه..
ام ساره بصوت اعلى : سااااااااره ساره ..
ساره من صوت امها قامت من أحلامها: هلا
ام ساره: يا كثر ما تسرحين يا ساره.
ساره : ما بقتلي يا امايه خير الاحلام.(وصدت لامها) : خير يا امي شو بغيتي .
الام : كنت بقولج ان فهد بيي بعد باجر عشان يخطبج .
ساره : زين شو المشكله.
الام : تعرفين ان لازم يكون عندنا محرم وما يستوي اكون بروحي ..
ساره : هي والله راحت عن بالي هالشي..
الام : ماعندنا الا نقول لعمج ناصر
تغيرت ملامح ساره: شوووووووووو ناصر لا لا .
الام : ليش يا بنتي ..ترى ما عندج الا هالعم.
ساره : اصلا هذا ما يستحق يكون عمي .. ما همه غير نفسه وما يهتم غير في مصالحه واعماله وفلوسه..ويوم ابويه الله يرحمه توفى ..ماسال عنا ولا زارنا الا مره في العيد ..
الام : تعرفين ان هالشي مب منه ..من مرته ..مرته المتسلطه .
ساره : اعرف ان عمي على نياته ..وأعرف ان الغلطه من مرته المتحكمه اللي ما تفكر الا في كشختها ومركزها..بس بعد الريال لازم ما يكون سكان مرته وما تكون عنده شخصيه..
الام : المهم يا بنتي نحن نحتاجه ..ما يستوي فهد يدش بروحه بدون ريال ..
ساره بغضب: والله انا ما ابي اشوف هالعم اللي تخلى عنا ..بس شو اقول للضرورة أحكام ..
الام : زين روحي اتصلي فيه..
ساره : لا لا ما ابي ..ما ابي اكلمه ولا شي ..روحي انتي اتصلي فيه ..
الام : انا كيف اتصل فيه..
ساره: اتصلي في زوجته وخبريها المهم اني ما ابي اكلمه يا امايه.
الام : خلاص بتصرف انا ...

راحت الام عشان تتصل في زوجة ناصر يعني مرت عم ساره ..

بعد ما تفقت ام ساره ويا عم ساره اللي هو ناصر اتفق انه اييه واستانس على خطوبة بنت اخوه الوحيده..






***************************
وفي يوم الاربعاء يوم خطوبة ساره

بنات خالتها كانو موجودين بس للحينه خالد مايعرف ان اليوم خطوبة ساره..
وكان الموجودين ريل عمة فهد والريم وعم ساره اللي اسمه ناصر والكل وافق واتفق ناصر عم ساره على المهر وكل شي وحددو يوم الملجه اللي بتكون في شهراغسطيس(شهر 8) يعني عن قريب ساره اما العرس فخلو هالشي على العروسين واي يوم يبون ..

وبعد ما اتفقو على كل شي قرر ناصر عم ساره ان .ينادي ساره لان في الخطوبه لازم الخطيبه اتيي والخطيب يشوفها نظره شرعيه طبعا بشيلتها وعباتها يعني مغطيه شعرها وجسمها .. ..بس ساره عارضت هالشي وقالت ان فهد شايفنها اكثر من مره المهم انها رفضت بشده ..

وفهد ما قال شي لانه يعرف ان ساره معصبه لين الحينه على اللي سواه فهد فيها .. بس فهد سعادته كانت اكبر من أي شي .. لان ساره صارت خطيبته ..

والام طلعت من الميلس وباركت لساره وهي فرحانه وبنات خالتها نوره وهند وام خالد اللي عيونها تدمع لان ساره راحت عن ولدها ..الكل بارك لساره ..بس ساره ماكانت حتى تبتسم لانها كانت تحلم ان خطيبها وزوجها يكون خالد ومحد غيره بس شاءت القدر وغير احلام ساره وخالد.

وطبعا ما سوت ساره حفلة لخطوبتها لانها ما بغت هالشي.. بس بنات خالتها كانو موجودات والريم طبعا كانت فرحانه لان ربيعتها راح تكون مرت اخوها ..

نوره تسلم على ساره : مبروك يا ساره ..عسى الله يهنيج ..
ساره والدمعه بعيونها: أي سعاده اللي بشوفها مع فهد.
نوره : ساره اليوم يوم خطوبتج لا تفكرين في اللي يضايقج.
ساره : خالد يعرف ان اليوم يوم خطوبتي
نوره : لا الصراحه محد قاله ..
ساره : اكيد بيكرهني اكثر.
نوره : لا مستحيل يكرهج ..تعرفين خالد يوم يحب ما يكره حد ..
ساره تحاول انها ما تصيح في هاليوم عشان ما تضايق امها ..بس ما قدرت تخفي حزنها اللي الكل لاحظ هالشي..
يت ام خالد عند ساره وحضنتها : مبروك يا بنتي يا ساره ..الله يوفقج .
ساره يوم شافت خالتها اللي كانت بتكون عمتها يعني ام زوجها صاحت.
ام خالد : لا يا ساره لا تصيحين ليش هالدموع ..
ساره : اسمحيلي يا خالوه
ام خالد: افا عليج يا بنتي ..وانتي شو سويتي عشان اسمحلج.
راحت نوره تواسي ساره ..

لان ساره بالنسبه لها هاليوم عزه مب كانه خطوبتها..

وام خالد وبناتها ردو البيت واول ما وصلو شافو خالد في الصاله ..هني الكل توتر ..
خالد صد شاف امه وخواته..
خالد وهو يشوف امه: زين وصلتو..وين كنتو ؟؟
نوره بلعت ريجها .. ماتعرف شو تقول .
خالد شاف توتر الكل : خير شو فيكم ..؟
محد رد ..
خالد بعصبيه : شو فيكم ..اقولكم وين كنتو ..؟ليش ما ترمسون .
هند : اوووووووووووووه ..انا اللي بقول عشان نفتك من هالمصيبه ..نحن يا خالد كنا (تشوف خالد) كنا في خطوبة ساره ..
خالد اول ما سمع ان اليوم يوم خطوبة ساره حس كان احد طعن بقلبه وقف مكانه وماعرف شو يقول ..
الام راحت عند خالد يوم شافت الصدمه على ملامحه..
خالد ما قدر يستحمل على طول طلع برع البيت ..
ام خالد تناديه: خالد خالد يمه وين بتروح في هالوقت ..
خالد مارد على حد لانه كان مصدوم ..
صح ان خالد عرف ان ساره ما بتكون له ..بس كان عنده أمل انها تغير رايها وما توقع ان بيي هاليوم اللي راح تكون ساره لغيره..

[دموع العاشقين]

نتابع مع
(الجزء السادس عشـــر)





بعد ماعرف خالد من اهله ان ساره انخطبت اليوم ماعرف كيف يواجه هالشي .. فعلى طول طلع برع ..

خالد طلع وراح المكان المفضل عنده اللي هو البحر . لانه انصدم بهالخبر يوم عرف ان ساره انخطبت صح كان يعرف انها ما بتكون له بس توقع انها يمكن تغير رايها او يمكن يصير شي عشان ترد له .. حس ان حلمه تبخر وان حلمه ماراح يتحقق لان ياهاليوم وراحت حبيبته منه راحت ساره ..
راح خالد عند البحر وكانت دموع الحسره والقهر تذرف من عيونه .. وقرر انه ينساها ويتجاهلها لانها باعت الحب اللي كان بينهم ..

اما ساره بعد ما غيرت ملابسها بعد خطوبتها ..خلت راسها على الوساده وحست ان اليوم كان آخر حلم بالنسبالها مع خالد وكانت منقهره اكثر من خالد .. لانها تفكر كيف تعيش مع انسان دمر حياتها.وكيف راح تبتعد عن حبيبها وحلمها خالد.


********************
نوره وهند وامهم كانو قاعدين في الصاله ينتظرون خالد لانهم خايفين عليه لانه طلع وهو معصب..

الام (وهي تشوف الساعه) " : خالد تأخر وايد .
نوره وهي خايفه: هي والله ..ان شاء الله يكون خير .
الام : ياريت ما قلناله ان اليوم خطوبة ساره.
هند تصد لامها : اذا اليوم ماعرف باجر بيعرف .
نوره : صح يا امايه خلا يعرف ان ساره خلاص مب له . احسن له عشان ما يتعذب أكثر.
الام بعد ما اتصلت على خالد..
نوره : ها امايه شو رد عليج ..
الام : لا موبايله مغلق ..الله يستر ..

أما ساره فتحاول تنام بس ما قدرت تنام لانها كانت متضايقه وكانت تذكر اروع الذكريات مع خالد ..وحلمها بانها تكون له ..نزلت دمعه من عيونها والقهر بقلبها .
.وقالت لنفسها والحسره بصوتها: خلاص يا خالد انتهت قصة الحب اللي كانت بيتنا ..انتهينا يا خالد انتيهنا..


**************
وخالد رد البيت وقرر قرار انه ينسى ساره ..بس بقلبه اكيد شي ثاني لان اللي يحب صعب انه ينسى ..
خالد فتح الباب ..
وأهله قاعدين يتريونه..
الام أول ماشافت خالد .راحت عنده : خالد يمه وينك ..
خالد وهو معصب وزعلان.: شوفو انا قررت قرار
نوره وهند وامه ساكتين ومستغربين : شو .
خالد : ما أبي اسمع اسم ساره على لسانكم اذا كنت موجود .
نوره : خالد صح ساره ما بتكون زوجتك بس لاتسى انها بنت خالتك ..
خالد : لا ما أبي اعرف شي ..ما ابيها تكون بنت خالتي ولاشي ابي انساها وما ابي اسمع طاريها يوم اكون موجود سمعتو[
ودخل خالد غرفته والحسره بقلبه..وراح فتح الدرج وشاف صوره مع ساره يوم كانو صغار يعني بأيام الطفوله ..
وشاف صورة ساره وهي بأيام الروضه وعندها خالد .
شاف الصوره وادمع وقال : خلاص يا ساره انتي ماراح تكونين لي ..كل شي راح يا ساره ..
ولانه كان منقر خذ الصور ومزقهم كلهم والدموع بعيونه...لانه ما يبى شي يذكره بساره ..

*******************


وفي الليل يعني الساعه 3 ..الوقت كان متأخر .
الريم ما يالها نوم فراحت عند فهد لانها كانت ملانه.
الريم دخلت على فهد : فهد يا اخويه .
فهد ماسك قلم ودفتر ذكرياته وأشعاره.: نعم يا الريم
الريم دخلت تشوف فهد ماسك دفتر : فهد شو تسوي
فهد : قاعد أكتب التاريخ وكلمات بسيطه توصف فرحتي بهاليوم .
الريم : قصدك فرحتك بخطوبتك .
فهد :مب بس خطوبتي ..هاليوم أحلى يوم بحياتي ..اليوم يوم سعادتي يالريم .
الريم فرحانه لسعادة اخوها: يا سلام لهالدرجه انت مستانس ..عيل لو تزوجتها شو بتسوي ..
فهد : يمكن اتينن ..انا الحين ومتخبل ..كافي انها صارت ملكي ..
الريم: والله يافهد من زمان ما شفت هالفرحه وهالابتسامه على شفاتك ..عسى الله لا يحرمني من هالفرحه
فهد وباتسامه حلوه: ولا منج يا الغاليه .
الريم : تصدق يا فهد ان ساره محظوظه لأنها بتزوجك.
فهد : ليش يعني ؟
الريم : ماشاء الله عليك وسيم وسيم وسامتك اتخلى الكل يتعجب بوسامتك وملامحك الحلوه وعليك جسم حلو واخلاقك عاليه وكافي انك تحب باخلاص وتضحي ..
فهد يبتسم : لا عاد مب لهالدرجه..
الريم : والله يا اخويه ما أجامل .اتذكر يوم اتسوق وياك بالمحلات كل البنات يبحلقون فيك وكلهم عيونهم عليك
فهد : احم احم لهالدرجه يعني انا حلو وأنا ما ادري.
الريم : من حقك تدلع يا اخويه .ما في شي ناقصنك ..ماشاء الله عليك .
فهد : يعني اذا في واحد مثلي ياي يتقدم لج بتوافقين .
الريم : الصراحه اذا بوسامتك وبحلاك وبشخصيتك والله هيه
فهد : خلاص بكتب سيرتج الذاتيه بالجرايد والمجلات عشان أدورلج ريل .
الريم : لا والله شو تشوفيني ما شايفه خير ..أصلا الشباب اللي ايون عندي .مب أنا أدورهم .
فهد": طبعا كل الشباب يتمنوج يالريم ..تراج تاخذين العقل ماشاء الله عليج قمر ..
الريم (استحت ): تسلم يا اخويه .
الريم (بابتسامه) : أقول اخويه مب كأنه اليوم يوم المدح .
فهد :ليش
الريم : كل واحد اليوم يمدح الثاني
فهد( يضحك): ههههههههههههههههههههه ..هي والله
وفي اليوم الثاني
قامت نوره من الصبح وهي تحاتي ..
هند : شوفيج يانوره .
نوره : والله ماعرف وين اسير اشتري فستان لملجتي .
هند : هي والله ما باقي الا اسبوعين .وشهر بالضبط على امتحاناتي الثانويه العامه ان شاء الله .
نوره : ان شاء الله خير .
هند ": زين نحن بنروح البستان واذا ما حصلنا شي بنروح الستي سنتر شي محل ما تذكر اسمه شي فساتين حلوه.
نوره : انا ابي شي بسيط ..لان يوم ملجتي بتكون عاديه وما بيكون زحمه.
هند: زين نحن بنروح هناك وبنشوف شو اللي يعيبج ومره وحده باخذلي شي بسيط بعد.
نوره ": زين منو بيودينا .
هند : منو بعد خالد .
نوره : خالد حالته حاله وين يقدر يودينا مكان
هند : عيل الدريول.
نوره : بروحنا ما بيخلونا .الا اذا امي كانت ويانا
هند : خلاص بنرمس امايه اليوم عشان نتسوق .
نوره : خلاص على خير ان شاء الله ..

(* ما باقي على ملجة نوره الا اسبوعين ..أماعلى ملجة ساره ما باقي الا (شهرين ونص) تقريبا..*.)

محمد ربيع خالد كان يفكر بكلام خالد انه يكلم امه ويقولها انه ما يبي بنت عمه اللي اسمها (شيخه) لانه من اول ما شاف الريم وتفكيره فيها وبالذات يوم عرف انها تمتاز بأخلاق عاليه وطيبة القلب ..ولكن هل امه بتوافق على هالشي ..لانهم من الصغر قايلين انهم لبعض .. يعني بس رمسه ما في شي رسمي ..

محمد كان محتار واايد بس قرر انه يكلم امه وينهي هالتوتر.
ام محمد كانت متلبسه عشان تطلع .
محمد شاف امه متلبسه وتبى تطلع ."
محمد : امي وين بتروحين .
ام محمد وهي تعدل شيلتها : بروح بيت اختي عازمتني عالغده.
محمد : اها الحينه.
ام محمد : هيه الحينه
محمد : زين يا مي أبي اقولج شي.
ام محمد : الحينه بهالوقت ..اتريى يوم ايي من بيت خالتك.
محمد : اعرف اكيد بتين وقت متأخر .
ام محمد : ليش شو في يا محمد .
محمد" : ابي اقولج شي ..بس باخذ من وقتج دقايق .
ام محمد : خلاص يا ولدي ..قول اللي عندك
الكل قعد على الغنفه وام محمد تبى تعرف شو سالفة محمد
محمد قاعد ومنزل راسه ..مايعرف كيف يبدي بالسالفه
ام محمد : محمد شو بلاك ..انت ياي عشان تسكت .
محمد رفع راسه: امايه بقولج شي بس اتمنى انج تراعيني .
ام محمد : قول اللي عند ك يا محمد وترتني .
محمد : انتو من الصغر قايلين اني لبنت عمي شيخه صح ؟

ام محمد : صح زين شو المشكله.
محمد: وانا وبنت عمي بعدنا ما نخطبنا يعني بس رمسه .
ام محمد : لوين تبى توصل يا محمد.
محمد : الصراحه يا امي أبا اقولج اني ما باخذ بنت عمي .
ام محمد ( فتحت عيونها واستغربت ) شووووو انت شو تقول ليش شفت على بنت عمك شي.
محمد : لا والله بنت عمي محد يقدر يرمس عنها ماشاء الله اخلاق ودين وجمال بس انا ما ابيها .
ام محمد بعصبيه: ليش قبل ما قلت انك ما تباها ليش ألحينه غيرت رايك ؟
محمد: الصراحه ياامي بقولج باختصار ..أنا كنت أباها قبل بس ألحينه ما اباها لاني مختار وحده ثانيه والوحده انا متعلق فيها وايد وابيها يا امي والله مب متخيل اني ما أتزوجها.
ام محمد : وهالبنت من وين تعرفها لا يكون كنت تغازلها وتبى تزوجها.
محمد : لا مستحيل اتزوج بنات من هالنوع .
ام محمد : عيل منو ؟
ام محمد " هاي ربيعة بنت خالة ربيعي وشفتها وعجبتني يا امي والكل يمدح باخلاقها العاليه ..
ام محمد : يا محمد كانك ناسي انك لبنت عمك شو تبى تفضحنا .
محمد : بس ماصار شي رسمي يعني رمسة أهل .
ام محمد : بس رمسه من الصغر ..والكل يعرف هالشي ..وهي رفضت وايد ناس عسبك انت .
محمد : بس ما يستوي اتزوج انسانه ما ابيها ولا أحبها.
ام محمد : بتحبها مع الوقت يا محمد لا تفضحنا يا محمد ..وعمك راح يزعل اذا رفضت بنتهم وراح تصير مشكله بالعايله ..
محمد : بس انا ابي الريم يا امي ..افهميني ..
ام محمد : لا الريم ولا غيرها .. انا ما ابي مشكله تصير بالعايله والسبه نكون نحن.\
محمد : يعني اذا هي رفضتني عادي .
ام محمد: على الاقل أهون اذا هي رفضتك مب انك ترفضها .
محمد : بس يا امي....
ام محمد : لا بس ولا شي ..خلاص انا قلت انك ما بتاخذ الا شيخه بنت عمك ..الا اذا هي ما بغتك هذا شي ثاني ..وما أبيك تفتح معايه هالسالفه مره ثانيه .


راحت الام من عند محمد ..
أما محمد اتضايق برمسة امه .. وما يعرف شويسوي لانه صدق يحب الريم ومتعلق فيها بس شو يسوي امه رافضه هالشي ..ومحمد مايعرف كيف يتصرف بهالمشكله ..


***************************

هند ونوره راحو يتسوقون عشان ملجة نوره ..ونوره حصلت فستان بسيط وحلو ولونه فوشي على وردي يعني على الموضه..اما هند فخذت فستان حلو وأبسط من فستان اختها وكان بعد حلو.
وهم رادين البيت ..سالم طرش مسج لهند وقالها خلا تتصل فيه ضروري .
اول ما وصلو البيت على طول راحت هند غرفتها عشان تشوف شو هالشي الضروري .
هند بصوت واطي عشان محد يسمعها : الو
سالم : يا هلا بناعم الصوت
هند : هلا فيك ..اشحالك يا سالم
سالم : بخير يا عمري .اشحالج انتي
هند : بخير الحمد لله ..خير شو هالشي الضروري
سالم : شو ليش مستعيله.
هند : لا بس انا يوم اسمع شي ضروري أحاتي وااايد ..
سالم : بغيت اخبرج اني باجر بتقدملج ان شاء الله انا واهلي بنيي.
هند فتحت عيونها وقلبها دق بسرعه من المفاجاه وسكتت.
سالم : وينج يا هند
هند : متفاجاه .
سالم : انا قلت لج اني بيي من زمان بس انتي قلتيلي عشان اتريه لانه عندكم مشكله في البيت ..
هند بخجل: هيه صح
سالم : وباجر ان شاء الله بيي مع اهلي .
هند : باجر يا سالم
سالم : هيه ولا تقولين اتريه ما اقدر اتريه اكثر ..امي بتاكلني كل دقيقه تقولي تزوج تزوج
هند : يعني بس تبى تزوج عشان امك يعني انت ما تباني
سالم بخبث: لا طبعا اكيد أباج ..وتعرفين اني احبج واتمنى انج تكونين لي .
هند استحت وما قالت شي.
سالم : خلاص عيل باجر ان شا ء الله بيي اوكي.
هند برقه: اوكي

هند بعد ما صكت التلفون من عند سالم كانت فرحانه وسعادتها كبيره لانها كانت تتنظر ايي هاليوم وسالم يتقدم لها ..عشان تبين للكل ان سالم ما يخدعها ..وانه يحبها ..
ولكنها ماتعرف ان سالم يبى يتزوجها عشان يكمل لعبه ومغازلته..

============================================


مع جزء

( الســـابع عشر)



وبعد اتصال سالم لهند وتحديده موعد قدومه لخطبتها ..هند ما عرفت كيف تصرف وكانت طايره من الفرح لان حلمها راح يتحقق وراح تزوج الانسان اللي حبته ..

أما محمد فما قدر ينام بعد ما سمع كلام أمه ورفضها للريم وإجباره انه يتزوج بنت عمه شيخه .. وكان محتار ما يعرف هل يطيع قلبه او امـــــه..



وفي اليوم الثاني ..
في بيتكم خالد....
الكل كان نايم ومرتاح الا هند م قدرت تنام الا ساعه من كثر التفكير

.. خالد كان نايم بسابع نومه ..لان البارحه هو بعد ما قدر ينام لانه اكيد يفكر بساره والقهر مالي قلبه ..
خالد وهو نايم محمد اتصل فيه ..

خالد يرفع السماعه وهو تعبان ونايم ..
خالد من غير نفس وتعب :الو
محمد ( متضايق): الو خالد
خالد: خالد عيل ابوه
محمد: اشحالك يا خالد
خالد : كيف تبى يكون حالي وانت مقومني من النوم...
محمد : اسمحلي خالد بس اتحريتك واعي
خالد وما يقدر يتكلم عدل لانه فيه نومه: ليش الساعه كم ألحين ؟
محمد يشوف ساعته : الساعه 8 ونص
خالد فتح عيونه: بلللللللللللللللل الساعه 8 ونص وانت مقومني ليش؟؟
محمد: ما قدرت أنام يا خالد
خالد : زين يوم انت ما تقدر تنام ..خلني أنا على الاقل انام ..أنا ما صدقت ان اليوم الخميس عشان أنام زياده..
محمد : خااااااااااالد والله أبي اقولك شي .. خلا النوم عنك الحين.
خالد قام وقعد عالسرير : خير شو في
محمد : انا قلت لامي عشان سالفة الريم واني ما ابي بنت عمي
خالد : أنا قول ليش ما قدرت تنام ...زين شو قالت ؟
محمد: بضيق وحزن: ما وافقت وعصبت ..
خالد : اكيد بيكون ردت فعلها جذي.
محمد : زين شو الحل يا خالد..
خالد : والله ماعرف شو اقولك ..بس تعرف شو
محمد : شو \
خالد: خلا السالفه شويه تمر ..وبعد اسبوع تقريبا فاتحها بالسالفه مره ثانيه ..عشان تعرف انك مصر على رايك
محمد : ما اعتقد توافق
خالد: انت حاول مره ثانيه وثالثه وان شاء الله خير
محمد: جذي رايك يعني
خالد : ما عندي والله حل ثاني ..والله يسهل امورك
محمد: تسم يا خالد ..واسمحلي خربت نومك..يالله الحين كمل نومك
خالد : خلاص انت طيرت النوم من عيني وين تباني انام ..بس بعد بحاول انام لاني تعبان .
محمد: زين السموحه يا خالد بس ما قدرت ما خبر حد عن اللي بقلبي
خالد : لا عادي يا محمد ...ولا تفكر ولا تحاتي اذا فيه الخير صدقني ربنا راح ييسر كل شي
محمد " على خير ان شاء الله ..اوكي خالد مع السلامه
خالد : بحفظ الله .


وصك خالد من عند محمد ..وهو يحاتي ربيعه وبقلبه يقول ( يحليلك يا محمد تحب وحده وما تقدر تزوجها .. اللي صار لي صار
وصك خالد من عند محمد ..وهو يحاتي ربيعه وبقلبه يقول ( يحليلك يا محمد تحب وحده وما تقدر تزوجها .. اللي صار لي صار لك ..بس والله انا اصعب منك .. لان الحب متبادل ..آآآآآآآآه يا ساره كيف اهواااااج وما اقدر على نسيانج .. بس لازم احاول نسيانج لازم..


***********************
أما في بيتكم فهد..
فهد كان بالصاله يلعب play station ..يت الريم وشافت اخوها يلعب ..
الريم تدور في الصاله ملانه..
الريم : فهد
فهد وهو مندمج بلعبه : خير
الريم : ملانه يا فهد
فهد: شو تبيني أرقصلج ولا أغنيلج
الريم : فهد ولا صدق ملانه تعال اقعد ويايه
فهد: والله متفيجه ..انا من زمان ما لعبت ..
الريم : افففففف ..ما منك فايده ..تعرف ششو
فهد مندمج بلعبه وما يرد عليها..
الريم تصد لفهد: بروح اكلم ساره احسن من القعده وياك
فهد أول ما سمع ساره صد عند الريم وابتسم : بتكلمين منو ؟؟
الريم تشوفه باحتقار : الحين تعطيني سالفه ..
فهد : قلتي اسم الهوى اللي اتنفسه كيف ما تباني أسمع ..
الريم : والله محد بينني غيرك ..خلا ارح اكلمها احسن
فهد : اقول الريم ..سلمي عليها واااااااااااااايد وقوليلها فهد يموت فيج ..ويحب التراب اللي تمشين عليه
الريم وهي تبى تروح غرفتها: انت يوم بتملج عليها قولها هالكلام ..
فهد ابتسم من كلام الريم ..

..

وتقريبا العصر ..
والدة سالم اتصلت في ام خالد عشان تقولها انهم بيون اليوم بيتهم طبعا عشان يتقدمون لهند..
وام خالد رحبت فيهم بس هي مستغربه من قدومهم وثانيا هي ما تعرفهم ..

ام خالد تروح عند نوره وهند وتشوفهم في الغرفه ..
نوره ترتب الغرفه ..
اما هند قاعده تمشط شعرها ...

ام خالد دخلت عليهم وهي مستغربه من سالفة ام سالم..
نوره لاحظت ان امها مب طبيعيه : امايه شو تفكرين فيه
ام خالد صدت لنوره : والله يا بنتي الحين وحده اتصلت فيه وقالتلي انهم بيون بيتنا اليوم عشان خطوبة احد من بناتي ..
هند قلبها دق وبلعت ريجها وعرفت ان اللي اتصلت هي ام سالم.
نوره : خطوبة احد من بناتج اكيد ( وصدت لهند) اكيد حق هند .لاني مخطوبه..
ام خالد : تصدقين ما اعرفها ولا شي ..كيف تعرفني وتعرف احد بناتي
..
نوره صدت لهند وعرفت السالفه : يا امي الدنيا صغيره ..واليوم بنعرف السالفه.
ام خالد وهي طالعه برع الغرفه: بروح اخبر ابوكم عشان يتم في البيت اليوم وبقول لخالد بعد..

بعد ما طلعت الام من الغرفه ..هند كانت منزله راسها ..ونوره راحت عندها وتمت تشوفها من فوق لتحت ..
نوره : اللي متصله في امايه هي.. ام حبيبج اللي تكلمينه صح ؟؟
هند منزله راسها وساكته
نوره عصبت : اقولج صح ولا ؟؟
هند رفعت راسها : هي هي صح شو يعني ..مب انتي قلتي خلا يتقدم لي ..والريال بيتقدم لي وهذا دليل انه يباني ..
نوره : يعني انتي بعدج مصره على سالم ..
هند: هيه اباه يعني اباه..
نوره : وانا قلت يمكن عقلتي بهالايام
هند: ليش اللي يتزوج مينون
نروه : اللي يفكر بتفكيرج ويتزوج عن طريق المغازله بنظري مينون لان بنى حياته على طريق الحرام والمغازله ..
هند : خلاص هو بيي اليوم ..واسلم انسان محترم وطيب ..
نوره : بنشوف شو اللي بيصير..

نوره كانت عاقله اكثر من هند ..وتعرف ان زواج عن طريق المغازله راح تكون صعبه لان حياتهم بتكون بشك وغيره ويمكن خيانة احد الطرفين ..ولكن هند طبعها عنيد وما تعرف شو تفكر ..


وفي المساء سالم ووالده يو بيتكم خالد ..عشان يتقدون لهند..


خالد وابو خالد وسالم وابوه كانو قاعدين بالميلس ..
وطبعا اللي بدى بالرمسه هو ابو سالم وطلب سالم لهند..
ابو خالد استغرب في البدايه لانه ما يعرفهم
ابو خالد : والله مثل ما تعرف يا ابو سالم ان البنت بعدها صغيره وهي عندها ثانويه عامه..
ابو سالم : ادري يا بو خالد ..بس نحن بس نبى خطوبه والباقي ان شا ءالله بعدين .وطلباتكم راح تتنفذ والمهر اللي تبونه راح نعطيكم..
ابو خالد: لا لا تقول جذي تعرف نحن مب طمعانين بهالشي ونحن مب بايعين بنتنا .. بس ان شاء الله خير..
ابو سالم : يعني موافقين
ابو خالد: مثل ما تعرف يا ابو سالم لتزم نسال عنكم أكثر ونسأل البنت بعد ..ترى الراي رايها ..
ابو سالم : اكيد وهذا من حقكم ..


وبعد ما سالم وابوه طلعو من عندكم خالد..
خالد استغرب منهم وقال في خاطره : هذيله شو عرفهم في هند ..
..
ابو خالد راح عند ام خالد وقالها السالفه..
ام خالد : وانت تعرف عنهم شي..
ابو خالد: والله كل اللي اعرفه ان ابو سالم انسان محترم وسمعته زينه بس عن ولده والله ماعرف شي..
ام خالد : لازم نسال عن الولد زين ..بس انت قلتله ان البنت بعدها تدرس..
ابو خالد: هي قلت له بس هو قال بس خطوبه لمده معينه وبعدين راح يتفاهمون..

خالد راح عند هند عشان يقولها السالفه..
خالد دق باب هند..
هند قلبها دق: منو
خالد: انا خالد
هند راحت وفتحت له الباب وقلبها يدق بسرعه من الخوف : خ خ خ خالد..خير يا خالد شو بغيت ؟
خالد دخل الغرفه وقعد على السرير : تعرفين يا هند ان اليوم في واحد تقدم لج ..
هند تبلع ريجهاومنزله راسها: ها مممممممم لا شو عرفني
خالد: واحد اسمه سالم عبد الله التميمي..
هند ما قالت شي..
خالد : ابي اعرف هو كيف يعرفج .لان امي ماتعرف شي عنهم ..
هند توترت وخافت ان خالد يعرف عن علاقتهم ..
خالد: شو يا هند ..تعرفين شو السالفه
هند : يعني يا خالد كل ما الواحد يتقدم للوحده لازم يعرفها ..
خالد : لا مب لازم ..بس امي ما تعرف عن الام ولا عن العايله ولا ابويه ..
هند :: ما عرف شي صدقني..انا روحي متفاجاه
خالد: المهم حبيت اقولج ..ونحن \طبعا راح نسال عن الريال عدل ..
هند ويها محمر ..
وظهر خالد من عند هند..واستغرب من توترها بس قال في خاطره اكيد هي مستحيه من هالخبر..


هند كانت خايفه وااايد ان خالد يعرف سالفتها وعلاقتها مع سالم ..لان اذا خالد عرف اكيد بيذبحها..وغلقت موبايلها لانها خافت ان سالم يتصل في هالوقت ..وان حد من اهلها يشوفها..

****************************

وفي اليوم الثاني ..
راحت ام ساره عند ساره وشافتها تقرى مجله..
ام ساره : ساره يمه
ساره تصد لامها : خير يا امي
الام : ساره حبيبتي اليوم بنروح عند خالتج ..
ساره قلبها دق واتوترت ..لان من بعد ما انفصلت عن خالد وهي ما راحت بيتهم ..لانها ما تقدر تشوف خالد..
الام : شو بتين يا ساره ..
ساره : ليش شو المناسبه
الام : ما شي بس خالتج شوي تعبانه .. فقلت بنسال عنها ..
ساره : ما ابي ايي يا امي
ام ساره : لين متى بتشردين عن بيتهم ..لازوم تروحين ..وتسالين عن خالتج .
ساره : بس ..
ام ساره : لا بس ولا شي ..خلاص انتي صرتي مخطوبه ..ولازم ما تتوترين ولا شي ..
ساره نزلت راسها وكانت متضايقه ..
يت امها وباست خد ساره : فديتج ساره ما ابيج تزعلين .. يالله غيري الجو ..وروحي عند بنات خالتج ..عشان تتسلين اوكي ..
ساره رفعت راسها : ان شاء الله امي


راحت ساره اتلبست بس هي كانت تتمنى انها ما تشوف خالد ..لان لين الحينه ما تقدر تحط عينها بعينه ..

وفي بيتكم خالد .الكل كان قاعد في الصاله ..وطبعا خالد قرر انه يسال عن سالم اكثر واكثر ..حتى ابو خالد ..
خالد وهو قاعد يسولف وينكت ..
وفــجاه سمعو جرس ..
ام خالد تعرف ان ساره وامها يايين بس كانت تبى تسوي مفاجأه ..لانهم من زمان ما يو ..
نوره : غريبه منو ياي ؟
خالد: ممممممممممم ..يمكن خطيبج ..مشتاق لج
نوره ويها احمر : خالد عاد يوز عني
خالد (يضحك )..ههههههههههههه
دخلت اول شي ام ساره وبعدها ساره ..
ام ساره وساره : السلام عليكم
الكل استانس بس خالد يوم شاف ساره فتح عيونه واتضايق..
ساره اول ما دخلت شافت بعد خالد في ويها شافته بنظره شوق وحزن بنفس الوقت ..
ام ساره وساره سلمو على الكل ..
خالد سلم على ام ساره ..
وساره يت صوب خالد عشان تسلم عليه
ساره وهي متوتره : اشحالك خالد
خالد شاف ساره بعصبيه وما رد عليها ..كل اللي سواه انه طلع من برع البيت ..لانه ما يبى يشوف ساره ولا ييلس وياها ولا دقيقه..
ساره استغربت من ردت فعل خالد وكانت متضايقه واااايد..
بعد ما دخلت ساره مع نوره الغرفه ..
ساره كانت متضايقه وبخاطرها تصيح من القهر ..
نوره :شو فيج ساره ..ليش كل هالزعل
ساره ونبرة صوتها حزن : معقوله يا نوره خالد يكرهني لهالدرجه..معقوله تحول الحب للحقد ..
نوره مستغربه من كلام ساره : افا ليش تقولين جذي ..
ساره : لان خالد ما يبى يشوفني ولا يقعد معايه ..مع ان قبل كان يتمنى اني اكون موجوده..
نوره : هو متضايق للحينه يا ساره ..بس صدقيني مستحيل ينساج ..
ساره وهي تمسح دموعها : بس انا استاهل..انا اللي عذبته .
نوره : لا مب انتي الغلطانه ..بس يا ساره ما اباج تزعلين ..ابى اشوف ساره اللي اعرفها ساره المرحه واللي البسمه بشفاتها..
ساره ابتسمت : وانتي شو اخبارج واخبار تجهيزاتج
نوره : والله خايفه ..ما بقت على ملجتي غير ايام ..
ساره : هي والله ان شاء الله عقب باجر الملجه صح
نوره : هيه ان شاء الله
ساره : صدق الايام بسرعه تمر
نوره : هي صدقتي ..وبعد شهرين ان شاء الله ملجتج ..
ساره : اف اخس يوم عندي ..
نوره : تعالي عرسج في شهر اغسطس (8)صح
ساره من غير نفس : هي للاسف ..
نوره : انا بلحق على عرسج
ساره : ليش متى عرسج .
نوره : ممممممممم قولي في شهر يوليو يعني شهر (7 ) ان شاء الله
ساره : اها يعني بتلحقين على مأساتي ..
نوره : قصدج عرسج ..ساره اذا تميتي جذي ..ترى بزعل
ساره باتسامه: ولا زعل العروس


أما خالد طلع برع البيت .. لانه ما يقدر يشوف ساره ..لانه بس شاف ساره نسى كل اللي سوته ..وتعذب اكثر ..وعرف ان نسيان ساره من أصعب ما يمكن ..
بعد ما شاف خالد ساره في بيتهم .. ما قدر يستحمل وطلع برع وكان متضايق ... وهو في السياره اتصل فيه ربيعه محمد ..
خالد وهو متضايق / : الو
محمد : هلا والله بخلود
خالد : هلا فيك
محمد استغرب من صوت خالد : خالد خير شو فيك ..ليش صوتك حزين
خالد : ما فيني شي
محمد : خالد .. لا تجذب عليه .. اعرفك يوم تكون زعلان ..شو بلاك
خالد : والله توني شفت ساره بيتنا وما قدرت على طول طلعت ..
محمد : وسلمت عليها
خالد : هي سلمت عليه وانا ما رديت السلام
محمد فتح عيونه : ولييييييييييش..
خالد : ما ابي اكلمها ولا ابي اشوفها
محمد : شو اقولك غير الله يهيدك .. بعدك معاند
خالد: والله يا محمد اول ما شفتها نسيت كل اللي سوته .. والله ما اقدر اعيش بدونها
محمد : ما توقعت انك تحبها جذي.. من اللي بيقول ( يقلد صوت خالد)بنساها بنساها
خالد معصب: محمد لا تقلدني وتتمصخر عليه
محمد : ما ادري عنك .. اصلا انا كنت متأكد انك ما تقدر تنساها ..
خالد : والله الود ودي اشيلها من تفكيري بس ما اقدر ..
محمد : الله يرزقك باللي احسن منها
خالد يتنهد: ااااااااااااه .. محد احسن من ساره ..وعمري ما راح احب غيرها
محمد : زين زين مدامك بالدرب ..تعال بيتنا عشان اطلع وياك ..
خالد : خلاص اوكي الحينه بمر عليك
محمد : اترياك اوكي
خالد: اوكي يالله باي
محمد : باااااي\
وساره كانت مع بنات خالتها ..كانو يسولفون .. بس تفكير ساره كله في تصرفات خالد..
نوره شافت ان ساره سرحانه : ساروووووه وين وصلتي
ساره ... : سرحانه ..
نوره تضرب على ويهه ساره : سارووووووووووه
ساره خافت : باسم الله شو فيج مثل الجنيه ..
نوره : انتي من الصبح مب ويايه .. في اي عالم ..
ساره : ليش انا عندي عالم غير عالم خالد
نوره عصبت: ساره بس عاد ..الله يخليج انسيه ..انتي مخطوبه لغيره ما يستوي تفكرين فيه ..
ساره :شو تبيني افكر في فهد عيل
نوره : هيه ليش مب خطيبج وبيكون زوجج
ساره منقهره : اولا ما اعتبره انه خطيبي ..وما اتمنى انه يكون زوجي
نوره تحاول تغير السالفه عشان تغير من نفسية ساره : انزين ما قلت لج عن آخر الاخبار
ساره : ما شا ءالله صايره cnn من ورانا
نوره تشوف ساره من فوق لتحت : سارووه لا تستهبلين عليه ..ترى والله ما اقولج
ساره : خلاص سوري سوري ..يالله قولي اللي عندج ..
نوره : تعرفين هند ..
ساره تصد يمين ويسار: هيه صح وين هند ما شفتها
نوره منقهره : والله انج تقهرين انا ابي اقولج عن سالفه ..وانتي ادورين على هند
ساره تضحك : هههههههههههههههه .. لا والله بس توني تذكرتها..يالله قولي .
نوره : تعرفين ان في واحد تقدم لهند
ساره مستغربه : والله ..ومتى ؟
نوره : البارحه ..تقدم لها واحد اسمه سالم التميمي
ساره : اونه ..وكيف يعرفكم ؟
نوره ما تبي تفضح اختها : ممممممممممم ماعرف ..
ساره : زين وشو الرد
نوره : خالد وابويه بيسألون عنه
ساره : الله يقدم اللي فيه الخير .
نوره : ان شاء الله

ساره سمعت امها تناديها عشان بيروحون البيت ..
ساره : امي تناديني الحينه ..خلاص نوره اخليج
نوره : تو الناس
ساره : اي تو الناس شو في ساعه كم الحينه ..
نوره : توه الساعه 12
ساره : زين الوقت تاخر ..
ساره اقتربت من نوره وقالت لها بصوت واطي : سلمي على خالد
نوره : ساره ..بعدج
ساره : الله يخليج امانه سلمي عليه وقوليله ساره ما توقعت منك هالحركه..
نوره : خلاص ان شاء الله بقوله

* راحت ساره البيت .. بس هي متضايقه من حركة خالد وكيف طنشها ولا رد على سلامها ..بس هي عاذرتنه ..
وحاسه فيه

*************************

اما خالد بعد ما ظهر ويا محمد رد البيت شوي متأخر وطبعا نوره اترينه عشان توصل الامانه ..

خالد دخل البيت ..
نوره واقفه في الصاله تترياه : الحمد لله على السلامه
خالد يشوف نوره : باسم الله انتي بعدج واعيه
نوره : هيه اتريه السيد خالد
خالد : خيرشو في
نوره : يمكن تيلس ..بقولك امانه لازم اوصلها ..
خالد استغرب : اي امانه
نوره : انت اقعد تراني تعبت من الوقفه ..
بعد ما خالد ونوره يلسو عالغنفه ..
خالد : خير
نوره : خالد عندي امانه من ..( ترددت )
خالد : من منو
نوره : من ( بتردد) من س س ساره
خالد تغيرت ملامحه : لا ترمسيني عنها
نوره : بس الامانه امانه
خالد ساكت ينتظر كلام نوره ..
نوره : ساره تسلم عليك ..
خالد اول ما سمع ان ساره تسلم عليه حس باحساس غريب حس بالشوق لها وتذكر كل شي ..
نوره : تسلم عليك وتقولك هي متضايقه من الحركه اللي سويته اليوم ..
خالد بضيق: غصبن عني والله .. ما اقدر اشوفها ما اقدر ..
نوره : بس لا تعاملها جذي ..حرام عليك البنت متعذبه اكثر منك
خالد : محد متضايق اكثر مني .. محد المتعذب اكثر مني
نوره : بس عاد لا تعذبها ..ارحمها
خالد : احاول اسوي جذي عسب انساها ..( منزل راسه ) بس نسيانها صعب ..
نوره: حاول يا اخويه ..
خالد رفع راسه وشاف نوره : نوره بقولج شي بس تجاوبيني بصراحه
نوره : اكيد يا اخويه ..
خالد : ساره بعدها تحبني ولا تحب ( بغضب ) ولا تحب فهد؟
نوره : لا يا خالد ساره بعدها تحبك وتذكرك كل لحظه ..أما فهد هي ما تحبه ولا شي ..وانت اكثر واحد تعرف سبب ارتباطها بفهد
خالد بابتسامه: يعني بعدها تحبني وتذكرني
نوره : يا اخوي .. اللي يحب صعب ينسى ..وساره ما نستك ..خالد والحسره مالي قلبه : مشكوره يا نوره على الامانه وعلى صراحتج..
نوره : وين بتروح ..
خالد : بروح انام ..
نوره قامت من مكانها : خلاص اوكي ..انا بعد بروح انام ..تصبح على خير
خالد : وانتي من اهله يا نوره ..
خالد راح غرفته بس حس انه فرحان وايد لانه ما توقع ان ساره بعده تذكره وتحبه ..بس بنفس الوقت تضايق ..لان حبهم ما استمر ..


***********************


في اليوم اللي بعده ..طبعا خالد وابو خالد .. كل واحد منهم راحو يسألون عن سالم ..وطبعا الدنيا صغيره ..والشخص اذا سمعته ما كانت زينه .. يكون سهل على الناس انه يعرفون عنه ..

خالد سأل ربعه ..واخوان ربعه ..المهم لين ما عرف لو معلومات بسيطه عن سالم ..
وكانت المفاجأه ..
خالد رد البيت بعد ما عرف عن سالم وراح على طول الصاله لان الكل كان قاعد هناك ..
خالد دخل الصاله : السلام عليكم
هند ونوره وابو خالد وامه : وعليكم السلام
خالد قعد عند ابوه : ابويه سألت عن سالم
هند شافت خالد وكانت صدق متوتره ..
ابو خالد : ماشاء الله متى سألت الريال ما كمل يومين وهو متقدم لاختك
خالد : والله سويت تحريات ..وبعدني ما كملت .. بس تعرف يا ابوي دبي صغيره ..
ام خالد :ها بشر شو سمعت عنه..
خالد يشوف هند : للأسف ما يشرف يكون خطيب اختي ولا زوجها ..
هند حست ان شوي بيغمى عليها وما قدرت تتكلم ..
ابو خالد : ليش شو سمعت عنه ؟؟
خالد : والله سمعت يقولون ان راعي بنات ..ومب مخلي وحده الا ومكلمها ومغازلنها ..وانا ما ارضى على اختي ان تاخذ واحد مشهور بالمغازله ..
ام خالد : الله يهديك تحريت انه يشرب ولا عنده سوالف كبيره ..
خالد : هذا وانا ما اعرف كل شي عنه بعدني ما سالت وايد .. ثانيا يا امي شو تتحرين الشخص اذا كلم وحده شويه
ام خالد : بس شباب هالايام كلهم جذي..
خالد : سالم الكل يعرف عنه ..ثانيا شو يضمنا انه بعد الزواج الريال يتوب ..يا ما ناس تزوجو وبعد الزواج خانو حريمهم ..والخيانه يا امي مب شويه ..
هند ما قدرت تستحمل اكثر على طول راحت غرفتها ودموعها بعيونها ..
الام تشوف هند ومستغربه : بلاها هند
نوره : ما فيها شي .. بس يمكن تفاجأت بالخبر ..
خالد : انا بعد بسال عن الريال اكثر واكثر ..
نوره راحت عند هند تشوفها ..
هند مقفله باب غرفتها ومنسدحه على السرير وتصيح ..
هند تكلم عمرها ودموعها على خدها : والله انك جذاب يا سالم ..قلت انك ما تكلم بنات ..واني الاولى بحياتك ..جذبت عليه ..
نروه تدق الباب : هند افتحي الباب ..
هند بصريخ : ما ابي اشوف حد خليني ..
نوره :هند ابي اكلمج ..
هند : نوره الله يخليج اتركيني لحالي ..
نوره حست ان هند اليوم منقهره ومن حقها ..لان وثقت في انسان ما يستاهلها ..
هند ما قدرت تستحمل مسكت موبايلها ودموعها كله على الموبايل وقررت تواجه سالم ..
هندتتصل في سالم وصوتها رايح من الصياح: الو
سالم : هلا ومليون غلا
هند : اي غلا اللي تتكلم عنه
سالم مستغرب : شو فيج هند ليش تصيحين ..
هند بعصبيه : جذبت عليه يا سالم ..كلامك كله جذب ووهم
سالم : بلاج يا هند ..
هند : انت قلتلي اني الوحيده بحياتك وانك مب مكلم غيري .. ويوم سالنا عنك ..الكل قال انك مشهور بمغازلتك مع البنات
سالم ماعرف شو يقول وكيف يدافع عن نفسه : هند ..كيف تصدقينهم ..هم يقصون عليج .
هند : لو واحد بقول يمكن يجذب عليه .. بس اخويه سال وايدين وكلهم قالو نفس الجواب ..ليش ليش ياسالم خدعتني ..
سالم يحاول يدافع عن نفسه : انا يا هند بصارحج .
هند قاعده تصيح ..
سالم يدور جذبه : هند افهميني ..بقولج شي بس اتمنى انج تفهميني
هند : شو تبى تقول
سالم : انا بعترف لج ..انا صح مكلم بنات قبلج ...
هند : يعني تعترف
سالم : هي صح مكلم بنات قبلج .لاني كنت ادور على الانسانه اللي بتدخل قلبي واللي بتكون شريكة حياتي ..وصدقيني بعد ما دخلتي انتي بحياتي ودرت الكل وقلت هالانسانه اللي قلبي اختارها
هند : وليش يوم سألتك اذا انت مكلم غيري قلتلي اني الاولى ليش ليش ؟
سالم : عشان ما أخسرج يا حبيبتي ..صدقيني انا احبج ..والدليل اني ودرت كل بنت وما اكلم غيرج .. واكبر دليل اني بتزوجج انتي مب غيرج.
هند ماعرفت شو تقول.. صدقته طبعا
سالم : هند انا احبج صدقيني ..وانا ما اكلم غيرج خلاص ودرتهم كلهم..
هند : وشو عرفني انك صادق
سالم : الايام بتثبت هالشي .. وانا تقدمت لج انتي واخترتج انتي تكونين شريكة حياتي ..وهذا مب كافي
هند تمسح دموعها : حتى لو انا رضيت وسامحتك ..اهلي كيف بيقتنعون ..
سالم : انتي اقنعيهم ..اذا طبعا صدق تحبيني وتبيني .
هند : ماعرف شو اسوي
سالم : حاولي يا هند .. لا نخسر حبنا عشان ماضي ..اقنعيهم عشان خاطري ..وانا متاكد انج تحبيني وتبيني مثل ما اباج صح ..
هند : يعني انت تحبني صدق
سالم : طبعا يا هند ..احبج واموت فيج بعد..
هند : خلاص انا بحاول اتصرف
سالم : هند لا تودريني
هند : الله كريم ..
سالم : اوكي حبيبتي واسمحيلي على كل شي
هند : اوكي يا سالم مع السلامه

هند فكرت بكلام سالم ..وصدقت سالم .. ومن كلام سالم حست ان سالم يحبها والدليل انه يباها كزوجه.. وطبعا هي ما تعرف شو سبب سالم ..

نوره دخلت على هند بالغرفه بعد ما هدت هند..
نوره : هند
هند تشوف نوره : خير يا نوره شو بغيتي
نوره : شو كنتي تصيحين ؟
هند: هيه كنت اصيح ..بس الله يخليج لا تكلميني عن هالسالفه.
نوره : اوكي موافقه ..ما بكلمج بالسالفه الا بعدين لان باجر يوم ملجتي وابيج تكونين فرحانه .
هند بابتسامه: اكيد بفرحلج يا نوره
نوره راحت عند اختها وابتسمت : تسلمين ويالله خلا انام بسرعه ..عشان لازم من وقت نروح الصالون .
هند " : ان شاء الله ..

ان شاء الله تستانسوا

[قرموشة]

تسلمين ..

وأتريا التكمله ..

^__^

[الدمعة الحزينه]

اي جزء وصلتوا
او شو الاحداث قولولي عشان اتبع اكمل معاكم ولا لأ

[قرموشة]

الجــــــزء السابـع عشــر ..

خطبـة سارة من فهـــد ..

[الدمعة الحزينه]

ايوا لا بعدني مب الحينه
ههههه

يسلموو حبوبه

[دموع العاشقين]

(( الجزء الثامـــن عشر)




وفي اليوم الثاني كانت ملجة نوره .. اللي الكل كان ينتظر هالييوم لان نوره غاليه على الكل ..
ونوره وهند قامو من الصبح عشان الكوافيره اتي بيتهم ..

اما ساره فكانت في سابع نومه ...
والريم طبعا كالعاده لازم توعيها من الصبح ..
موبايل ساره يرن ..ساره بتعب : الو
الريم : هلا بربيعتي
ساره ما تقدر تفتح عيونها من التعب : ريمو انتي لازم تخربين عليه رقادي ..
الريم بابتسامه: طبعا لازم ..نذاله
ساره : توني اعرف ان النذاله بدمج .
الريم تضحك : هههههههههههههههههه .. اقول ساروه
ساره : خير
الريم : متى بتقومين عشان تروحين الصالون .
ساره : ليش اروح

الريم : ساره بلا عبط شو نسيتي ان اليوم ملجتج نوره .
ساره : لا طبعا مستحيل انسى ..بس انا بييب الكوافيره تسوي شعري والمكياج انا بسويه ..لان اليوم محد بيي بس بيناتنا يعني اهلنا .. واحب احط مكياج خفيف
الريم : زين وشعرج ؟ شو بتسوين فيه
ساره : بفتح شعري ..
الريم: وانا شو اسوي
ساره : افتحي شعرج ..احلى ..لان الملجه في البيت ..
الريم : خلاص اوكي ... بفتح شعري.
ساره : خلاص العصر تقريبا تعالي بيتنا .
الريم : خلاص اوكي ..اشوفج اليوم ان شاء الله ..

وبعد ما صكت الريم من عند ساره راحت ادور على فهد اخوها ..
الريم تدور على فهد: فهد فهد وينك
فهد توه قايم من النوم : خير يا الريم شو تبين من صباح الله خير ..
الريم رايحه عند اخوها بدلع : اقول اخويه ..
فهد : هالدلع معناتها تبين شي صح
الريم بابتسامه : طبعا .
فهد : بعد تعترفين ..زين شو تبين
الريم : اباك توصلني اليوم .ز
فهد :لا اليوم مب متفيج معزوم اليوم ويا الربع .
الريم بخبث : بس اليوم يوم مميز ..لان اللي بتكون هناك حبيبة القلب .
فهد اول ما سمع حبيبة القلب فتح عيونه وراح عند الريم :والله ساره بتكون هناك .
الريم : اعرف نقطة ضعفك
فهد يضحك : هههههههههههههه ان كيدهن لعظيم
الريم : ههههههههههههههههههه
فهد : زين وين تبين تروحين
الريم : الله يسلمك بروح عند ساره عشان ويا بعض نروح ملجة نوره
فهد تغيرت ملامحه : قصدج اخت خالد
الريم: فهد نوره ما يخصها بخالد ..ولا تربط كراهيتك لخالد بنوره .
فهد: ادري .. بس يوم سمعت نوره تذكرت خالد..
الريم : المهم بتوصلني .
فهد بابتسامة خبث: اي شي يتعلق بالهوى اللي اتنفسه اكيد بسوي ..
الريم : عسى الله لا يحرمك منها
فهد يرفع يدينه للسماء : آمييييييييييين




وبعد المغرب الكل كان كاشخ لهاليوم ..
ونوره كانت فرحانه لان اليوم بتشوف فارس احلامها بتشوف عبد الله وكانت صدق قمر ...لبست السماوي على التركوازي ..ورفعت شعرها السايح بطريقه حلوه .. وكان مكياجها ناعم لان الملجه بتكون عاديه ..

دخلت ساره والريم على نوره وهند ..
ساره والريم وهم فاتحين الباب : السلام عليكم
نوره صدت : وعليكم السلام ..
ساره رايحه تسلم على نوره : ماشاء الله عليج يا بنت خالتي طالعه قمر اليوم والفستان والمكياج لا يقين عليج ..
الريم بنظرة دلع : يا بخت اللي بياخذج .
نوره ويها احمر : تسلمون ..والله اخجلتوني ..
هند : وشو رايكم فيه
ساره : ايكد حلوه طالعه على اختج ..
نوره : وانتي بعد ياساره مه ان حاطه مكياج طبيعي وخفيف بس طالعه حلوه ماشاء االله عليج ..
_(( ساره كانت فاتحه شعرها العسلي ..وحاطه مكياج بسيط وردي على بنفسجي ..ولابسه بدله حلوه فيها تطريز بسيط بلون الوردي والبنفسجي..وكانت صدق حلوه)..

نوره تشوف الساعه ومتوتره ..
ساره : بلاج نوره ليش هالتوتر
نوره : امي بعد شويه بنزل ان شاء الله وخايفه
ساره : ليش خايفه اليوم مب زحمه بس بيناتنا يعني مب وايدين
الريم تغمز لنوره : لا هي خايفه ومتوتره لان بتشوف الحبيب اليوم.
نوره استحت ونزلت راسها وتلعب باصابعها : الريم بلا احراج ..
ساره : هيه صح نسيت ان هو بيي آخر ربع ساعه عشان ييلس ويا العروس ..
نوره : هي والله صدق متوتره كيف أيلس وياه والله فضيحه.
ساره : لا فضيحه ولا شي .. اصلا هو بيكون ريلج يعني حلال عليج تشوفينه وتيلسين وياه ..وخلا حلمج بيتحقق اخيرا ان شاء الله
نوره تقرى على عمرها اونها تخاف من الحسد .
ساره تضرب على كتف نوره : ايه ما بحسدج عفان الله ..
نوره والريم وهند : ههههههههههههههههههه

ومرت ملجة نوره اللي كانت بسيطه وحلوه بنفس الوقت والكل مدح جمالها ورقتها ..بس طبعا عيونهك كله على ساره لان هي اللي ماخذه الجمال بهاليوم ..والكل تمناها لاحد من اولادهم بس زعلو يوم عرفو انها مخطوبه

وخالد بعد ما عرف ان أغلبية الناس روحو البيت ..اتصل في نوره عشان يقولها خلا تروح الميلس لان عبد الله ريلها يبى يشوفها ..
نوره خايفه ويها محمر واقفه مكانها ..
ساره شافت توتر نوره وراحت عندها : نوره شو فيج ليش متوتره
نوره تبلع ريجها : ساره خالد متصل فيه توه ويقولي ان بعد الله يترياني بالميلس ولازم اقعد وياه ..
ساره بابتسامه : زين وشو المشكله ..من حقه يشوفج وييلس معاج
نوره : والله مستحيه وخايفه..اقول ساره هاتي العبايه والشيله بغطي شعري وجسمي ..
ساره فاتحه عيونها : اولا لبسج مب عاري وااايد ..ثانيا بلاج استخفيتي ..هذا استوى ريلج يعني حلال شو فيج ..
نوره : لا لا استحي ..زين على الاقل هاتي الشال بغطي كتفي ساره : على راحتج ...

وراحت نوره مع اخوها خالد الميلس عشان تشوف عبد الله اللي كانت معجبه فيه من زمان ..
عبد الله كان قاعد في الميلس ويتريه يشوف اللي دخلت خاطره ..
نوره وهي شوي بتصيح من الحياء ..الس الس الس السلام عليكم ..
عبد الله اول ما سمع هالصوت رفع راسه ولا يشوف حبيبته واللي حلم فيها بابتسامه تشرق على شفاته : وعليكم السلام ..
خالد : عن اذنكم عيل بخليكم على راحتكم.
نوره ماسكه كندورة خالد وبصوت واطي : وين بتروح تعال لا تخليني بروحي .
خالد يضحك : يالله باي
وطلع خالد اما نوره منزله راسها وميته من الحياء ..
عبد الله حس بفرحه كبيره لان واخيرا شاف نوره ..: نوره تفضلي قعدي ليش واقفه
نوره ما قدرت ترفع راسها : ها ..ممممم ..لا انا جذي مرتاحه
عبد الله : زين قعدي ..بتتعبين من الوقفه .تعالي قعدي ..
نوره قعدت بس بعيده شي عن عبد الله ..
عبد الله : شحالج يا نوره
نوره بخجل : الحمدلله بخير..
عبد الله ما يعرف شو يقول : زين شو اخبار الدوام
نوره : الحمد لله اوكي
عبد الله : مب في خاطرج تقولين شي يا نوره
نوره بعدها منزله راسها وقلبها يدق بسرعه من الخوف : لا سلامتك ..
عبد الله : طبعا اللي تبينه انا راح انفذه وابشري باللي تبينه ..
نوره : تسلم كلك ذوق ..
عبد الله ماسك البطاقه وراح عند نوره : تفضلي
نوره رفعت راسها وشافت بطاقه : شو هالبطاقه
عبد الله : رقمي مكتوب على هالبطاقه ..وانا اعرف رقمج .. عشان نكلم بعض ونفهم بعض قبل العرس ..
نوره ما قالت شي ولا خذت البطاقه ..
عبد الله : نوره خذي البطاقه ..نحن الحين كانا متزوجين يعني حلال اني اكلمج لأنا ملجنا يعني عادي اكلمج
نوره برقه خذت البطاقه ..
عبد الله : يالله عن اذنج ..الحين اترخص اوكي
نوره قامت من مكانها : خلاص على راحتك ..
عبد الله بابتسامه : مع السلامه يا نوره .. وان شاء الله بكلمج باقرب وقت ..
نوره بابتسامه رقيقه : مع السلامه يا عبد الله

بعد ماراح عبد الله وقفت نوره مكانها وماسكه البطاقه ومبتسمه .. لانها صدق حبت عبد الله من اول يوم شافته ومن شخصيته ..


راحت نوره الصاله وشافت اهلها ..
ام نوره راحت عند نوره وحضنتها : الف مبروك يا نوره وعسى الله يهنيج ..
نوره : الله يبارك فيج ..
خالد بعد راح عند نوره وباسها على خدها : الف مبروك يا اختي والله تستاهلين كل خير..
نوره : تسلم يا اخويه ..وعسى الله يسعدك ..
خالد : تسلمين يا اختي ..وترى اقولج ان عبد الله ونعم الريال وله شخصيه ..وبعد غاوي ماشاء الله عليه
نوره مستحيه : وطبعا اهم شي دينه واخلاقه ..
خالد : وجماله بعد ..انتو البنات اهم شي عندكم واحد حلو
..واخر شي تفكرون باخلاقه
نوره : هههههههههههههههههه .لا والله مب كل البنات نفس الشي .. بس يعني نحن نبى شخص بدينه واخلاقه ومره وحده يكون حلو
خالد : حشى يعني 3 اشياء مره وحده
نوره : زيادة الخير خيرين
خالد ونوره : ههههههههههههههههههه

/أما هند كانت فرحانه لاختها ..بس في بالها الحينه سالم ومشكلته وكيف تقنع اهلها فيه ...
وخالد كان يصد يمين ويسار وطبعا هو يدور على ساره ..لان ساره دايما اتم آخر شي ..
ام خالد لاحظت ان خالد يدور على حد: خالد بلاك يمه ادور على منو
خالد توتر : ها../ممممم...ولا حد
نوره تنغز اخوها : ولا حد ولا ادور على ساره .
خالد : لا طبعا وانا شو يخصني فيها
نوره : المهم اذا كنت ادور عليها ترى اقولك ان ساره راحت البيت
خالد : نوروه ..انتي ما تيوزين حتى في يوم ملجتج ..
نوره : هههههههههههههههههه


ساره وهي تسحي شعرها كانت متضايقه لانها كانت تفكر بخالد ..لان اليوم ما شافته .. بس بعد ابتسمت لانها تذكرت حركات نوره يوم خالد ناداها ..
ساره تكلم عمرها : صدق يا نوره راح أفقدج اذا تزوجتي ..

اما عبد الله فكان خاطره ان يكلم نوره بنفس اليوم ..بس لانه عرف ان نوره مستحيه وايد ويمكن تكون تعبانه فأجل مكالمته لنوره بيوم ثاني .. وطبعا هو كان فرحان اكثر من نوره ...لانه صدق كان معجب فيها
*******************************
وفي اليوم الثاني الكل طبعا كان قاعد في الصاله الا هند ..لان هند كانت متضايقه بسالفة سالم وتحاتي كيف تقنع اهلها ..
ام خالد : نوره ..وين اختج
نوره : والله ما عرف يمكن نايمه
بو خالد : معقوله تنام لين ساعه 12 ..ثانيا خلا تقوم ما بقى على امتحاناتها الثانويه الا اسبوعين
ام خالد : هي والله عاد ان شاء الله تفرحنا بنسبه حلوه
خالد: هاي من صغرها ما تهتم بمذاكرتها ..ماعرف طالعه على منو
ام خالد : اقول نوره سيري شو اختج وينها ؟ ..
نوره : انا دقيت عليها الباب بس هي ما ردت عليه ..
خاالد : والله هند البارحه مب طبيعيه ..احس فيها شي
ام خالد : يمكن عشان اللي تقدم لها
خالد بعصبيه : واصلا ليش تفكر فيه ..هي ما تعرفه ..ثانيا سالم ما يشرف يكون اختي ..
نوره قامت من مكانها : انا بروح عندها ..
ام خالد : هي يمه شو في شو بلاها .

نوره راحت غرفة هند وشافتها ماسكه الكتاب بس سرحانه..
نوره: ماشاء الله الاخت ماسكه الكتاب وهي بعالم ثاني
هند صدت لاختها : ما اقدر اذاكر يا نوره
نوره استغربت وراحت يلست عند هند: ليش بلاج
هند: بقولج شي ..بس رجاء بلا محاظره ولا عصبيه
نوره : شو عندج
هند: انا ابي سالم وابي اتزوجه ..وموافقه عليه .
نوره فتحت عيونها: بس
هند : اعرف شو بتقولين بس هو مرمس بنات ..ادري هالش وهو اعتذر ووعدني ان ما يكلم غيري وبعدين وايد شباب مرمسين بنات يعني شو المشكله
نوره : بس هو معروف انه لعاب ويا البنات ومب مخلي وحده الا مكلمها ويمكن في شي ثاني ونحن ما نعرف
هند : لا ما في شي ثاني .. وهو بعد ما عرفني ودر الكل ..والدليل انه يباني
نوره : والله انج غبييه لانج تصدقينه
هند : هي اصدقه لاني احبه والله احبه ..واباه وراضيه فيه
نوره : والله بتندمين
هند :لا ما بندم صدقني ..( هند راحت تمسك ايدين نوره وتترجاها ) : الله يخليج يا نوره ساعديني
نوره مستغربه لاول مره تشوف هند بهالحاله ..لان هند معروفه بغرورها ..
هند والدمعه بعيونها: والله ما بنسى جميلج اذا ساعدتيني
نوره : في شو تبيني اساعدج
هند: حاولي تقنعين اهلي انهم يوافقون على سالم .
نوره : مينونه ..هم بيستغربون بيقولون ليش هي مصره عليه وبيعرفون ان بينكم علاقه من زمان
هند : لا بقول ان سالم اخو ربيعتي ..لان سالم عنده اخت ..وبقولهم ان محترم واي شي المهم اني آخذه ..
نوره : بس انا ما ابيج تاخذين سالم
هند : نوره انتي خذيتي الانسان اللي بخاطرج لاتحرميني من اني اخذ اللي اباه
نروه : بس انا ما خذيت عبد الله عن طريق المغازله والحرام
هند : المهم خذيتي اللي بخاطرج ..ترى اذا ما خذيت سالم ما باخذ غيره ..ولا بذاكر ولا شي ..
هند كسرت خاطر نوره ..لان اول مره تشوف هند بحالة حزن والدموع بعيونها وعرفت ان هند للاسف وقعت بحب الزائف لسالم .. بس هي حطت واحد بالميه ان يمكن سالم يكون كلامه صح ويتغير..
هند : بتكلمينهم صح ..بتساعديني صح
نوره : والله بحاول اني اكلمهم مع اني ضد هالفكره بس عشان خاطرج يا هند ..
هند وهي تمسح دموعها : تسلمين يا اختي ..ماتقصرين

وهند حست بالسعاده لان احد بيكون وياها لانها صدق متيمه في حب سالم وما تفكر تزوج غيره ..



هل نوره راح تقنع اهلها انهم يوافقون على سالم ؟؟
وشو اللي ينتظر ( ساره وخالد وفهد ومحمد والريم ونوره وعبد الله )
هند بعد اقناع نوره بانها تزوج سالم وحبها الكبير له .. فكرت نوره انها تساعد اختها مع انها مب مقتنعه في سالم .. بس قالت يمكن يتغير بعد الزواج ..راحت نوره عند اهلها في الصاله عشان تقنعهم ان هند تبى تزوج سالم ...

نوره وهي نازله في الصاله ..

ام خالد : ها نوره شو قالت هند ؟؟
نوره تشوف الكل وساكته ماتعرف كيف تبتدي
خالد مستغرب من سكوت نوره : بلاج نوره
نوره قعدت عندهم وخذت نفس ...
ابو خالد : بلاج بنتي تاخذين نفس ..
خالد : كانج بتدخلين على حرب
نوره : خالد انته دايما ويا تعليقاتك..
خالد يبتسم ...
ام خالد : انتو صدق متفيجين انا بسالفه وانتو بسالفه ثانيه ..نوره بلاها اختج .
نوره بعد ما خذت نفس:بصراحه هند ( ارتبكت ) هند تبى تزوج سالم وموافقه عليه ..
خالد معصب : والله شو اختج تنكت .. وهي ماتعرف انه راعي بنات ..
نوره : هي تعرف بس مقتنعه ان وايد شباب جذي وهي تقدر تغيره ..
ام خالد : بس مب كل الشباب يتغيرون
خالد : وهي ليش مصره عليه .. لا يكون تعرفه ..
نوره خافت على اختها وتبى تستر عليها : لا بلاك يا خالد ليش جذي شكاك ..
ام خالد : خالد يمه لا تفاول على اختك ..
خالد : ما ادري عنها ..اشوفها مهتمه ..
بو خالد : نوره سيري نادي اختج عشان نعرف السالفه منها ..
نوره : يمكن تستحي تنزل
خالد : خلا تستحي بعدين ..ازقريها الحينه ..
نوره : اوكي بروح عندها
لا

راحت نوره عند هند وقنعتها انها تنزل عشان مصلحتها ..وهند بعد تردد كبير وافقت انها تنزل لانها مستعده تسوي كل شي عشان سالم ..

هند راحت عندهم ومنزله راسها ..
خالد واقف مكانه وعاقد حواجبه من العصبيه : ها يا هند شو يقولون انج تبين سالم ..
هند تبلع ريجها من الخوف : هي موافقه عليه
ام خالد : بس يا بنتي انتي تعرفين ان سالم راعي بنات
هند : بس يمه ..وايد شباب جذي وبعد الزواج تغيرو
ابو خالد : وانتي شو ضمنج انه يتغير يا بنتي
هند : متاكده من هالشي .. وانا مرتاحتله
خالد : ليش لا يكون تعرفينه ولا عندج علاقه وياه من ورانا
هند قلبها يدق بسرعه خافت انها تنفضح : ها ..لا ..شو ..مستحيل
خالد : عيل شو عرفج فيه ..؟
هند : سالم اخو ربيعتي وهي تمدحه دوم وقالت انه تغير ويفكر يستقر ..
خاالد : اكيد ان ما بينكم علاقه ..ترى والله اذا عرفت ان بينكم حتى لو مكالمه والله لا ادفنج وانتي حيه

هند من الخوف راحت عند نوره : خالد شو فيك انا قلت لك الصراحه..
خالد : بس انا ما اتشرف يكون ريل اختي ..
هند بعصبيه : بس يا خالد انا اللي بتزوج وراضيه فيه وخلاص محد يخصه فيني ..
خالد : شو محد يخصه فيج شو انتي عايشه في امريكا ..
هند : يمه يبه .. قولوله اني راضيه فيه ..واذا ما خذته ما بذاكر للاممتحان وبرسب وما باكل شي..
خالد : لا تذاكرين انتي اللي بتفضحين عمرج .. وترى اصرارج لسالم يخليني اشك زياده..
ام خالد : بس اخاف تندمين يا بنتي ويبهدلج
هند : لا لا ما بيبهدلني ..ربيعتي قالت كل شي عنه
ابو خالد " طبعا يا هند اخته لازم بتستر على اخوها
خالد : ما بتاخذين سالم يعني ما بتاخذينه ..
هند والدموع بعيونه : اذا ما تزوجته ما بتزوج غيره وانا حره باللي اختاره ولا بذاكر ولا شي ..

وراحت هند وهي تصيح غرفتها والكل ما يعرف شو يقول وخالد مستغرب من هند وايد.

نوره : امي خلا على الاقل يكون بينهم خطبه ..ومن الملجه هي بتعرف عنه اشياء واذا ماصار نصيب نقدر ننهي علاقتهم
خالد : اقولج يا نوره هذا لعاب يعني يعرف كل البنات



نوره : زين يمكن يتغير ..وايد شباب كانو جذي
ام خالد : وانا اخاف هالشي يأثرفي دراستها وما ابي تفضحنا وترسب ..

خالد ماعرف شو يقول وسكت وراح غرفته ..


اما هند فتمت تصيح بغرفتها لانها ما تبى الا سالم ..وهي صدق فكرت انها ما تذاكر ولا تاكل شي الا يوم يوافقون طبعا تفكيرها لازال مثل اليهال ...


***********************************


محمد وهو مايعرف كيف يقنع امه عشان يتزوج بالريم وهو صدق متعلق في الريم وايد وقرر انه يكلم امه للمره الثانيه عشان يقنعها انه ما يتزوج شيخه بنت عمه ..

محمد شاف امه قاعده في الميلس ترتب الاغراض عشان ضيوف بيونهم ..
محمد واقف عند الباب : يمه
الام قاعده ترتب الغنفات : هلا يمه
محمد والحزن بعيونه : يمكن اكلمج دقيقه
ام محمد : انته ما اتي الا يوم اكون مشغوله ..
محمد : امي بس دقيقه ..
ام محمد يلست على الغنفه : يالله يلسنا خير يا محمد شو عندك .؟
محمد يلس عند امه وهو يشوفها : امي بقولج شي بس لا تعصبين ولا شي انا ياي عشان اتفاهم وياج ..واهم شي عندي رضاج
ام محمد : قول اللي عند ك .. شو بلاك
محمد : امي انا مصر ابي الريم وما ابي بنت عمي ..لا تزوجيني غصب
ام محمد عصبت : انت قلت انك تبى رضايه صح
محمد " طبعا يا امي ..لان رضا الوالدين اهم من كل شي
الام : عيل انا اقولك انك ما بتاخذ الا شيخه وبلا فضايح يا محمد ..
محمد بعصبيه : يعني اذا البنت رفضتني عادي ما شي فضيحه بس انا اذا رفضتها فضيحه
ام محمد : هي طبعا فضيحه ..لاني انا اللي قلت انك حق بنتهم مب هم .. وهم بيقولون ليش انت غيرت رايك وبتفضحنا .وانت ما ترضى فضيحتي يا محمد ..
محمد : بس انا ما ابيها ولاأحبها
الام : هذا تفكير يهال ..اذا تزوجتها بتحبها لان الحب بعد الزواج يا ولدي
محمد : بس امايه فكري فيه
الام : صدقني اذا انا ماقلت لهم من زمان انك حق بنتهم ..كنت بوافق على الريم بعد ما اشوفها واعرف اصلها وفصلها بس خلاص قلت لهم يا محمد ..
محمد : بس..
الام : لا بس ولا شي خلاص انا قلت اللا عندي ولا تفاتحتي بهالسالفه مره ثانيه سمعت ..

محمد راح من عند امه وهو حاس باليأس والضيق ..وطبعا ما عنده الا ربيعه خالد عشان ينقذه من المشكله اللي فيه



محمد وهو متضايق :الو خالد
خالد وهو في السياره : هلا والله بو جاسم هلا بمحمد ..
محمد : خالد عندي مشكله ومتضايق..
خالد : انا من عرفتك وانت عندك مشاكل
محمد : خالد بلا مزح ..
خالد : والله من صوتك مبين صدق متضايق خير شو فيك
محمد " : كلمت الوالده مره ثانيه عن الريم
خالد : والله شو قالت ؟
محمد : رفضت وقالت ما يصير نحن نغير راينا .. لان فضيحه حقها ..
خالد : والله صدق مشكله ..؟
محمد : شو اسوي يا خالد
خالد : خذ بنت عمك يمكن تكون زينه وتنسيك الريم
محمد : انت وياي ولا ضدي
خالد : اكيد وياك بس شو اسوي مدام امك معانده
محمد : بس انا تعلقت في الريم وسمعت عنها كل خير وعايبني صفاتها واخلاقها خالد الله يخليك ساعدني
خالد : والله انا كاني مصلح اجتماعي اساعد الناس ولا أساعد عمري
محمد يضحك: هههههههههههههههههههههههه .. ضحكتني وانا متضايق
خالد : عسى الضحكه دوم ما تفارقك
محمد :تسلم حبيبي ..ها شو عندك حل
خالد قاعد يفكر ..
محمد : حشى مب تفكير ..اخاف قاعد تفكر تحل قضية فلسطين
خالد : ويا ويهك اسويلك خير وتستهبل عليه ..
محمد : ههههههههههههههههههه ..اسولف وياك
خالد بعد تفكير : ممممممممممممم ..عندي حل وحيد ..
محمد استانس والابتسامه على شفاته : والله شو قول بسرعه
خالد : الحل الله يسلمك ...انك تقول حق بنت عمك انك تبى تزوج وحده ثانيه لانك ما تحب تخدعها ..
محمد فاتح عيونه من الصدمه : خالد اخاف استويت مينون ولا شي .خالد : ليش انا شو قلت
محمد : شو تبى اجرح البنت حرام ..لاتنسىانها بنت عمي وما عليها قصور
خالد : والله يا حبيبي ما عندي الا هالحل ..انت لا تقولها بطريقه جارحه بين لها انك ما تحب تخدعها او انك تزوجها وقلبك مع وحده ثانيه وطبها هذا حرام وظلم انك تزوج انسانه وتفكيرك بانسانه ثانيه
محمد : اخاف اضايقها وثانيا انا ما عرف رقمها ..
خالد : والله تقدر تاخذ رقمها عن طريق اختك ولا امك بس بطريقه غير مباشره طبعا الاهم ان امك ماتعرف باللي يصير ويتحرون ان الرفض ياي من عندها ..وبهالطريقه راح يسهل عليك انك تزوج الريم ..شو رايك بتفكيري الحلو
محمد : والله تفكير اعتقد بييب لي المشاكل ..
خالد : وليش المشاكل
محمد : تخيل تقول للاهل اني رفضتها وامي اذا عرفت عادي ما ترضى عني ..ولا تكلمني
خالد : اولا البنت تستحي تقول ان الولد ما يباها لان تحس ان يقلل من مستواها ..ثانيا ما دام تقول ان بنت عمك انسانه فاهمه ومحترمه اكيد بتفهمك ..
محمد : والله ما دري احس انها صعبه
خالد : والله هالحل الوحيد الا عندي ..اختار يا تقولها نفس كلامي يا انك تودر الريم وتزوج بنت عمك
محمد : لا لا ما اقدر بدون الريم ..


خالد : عيل ما عندي الا هالحل وانت فكر بالسالفه
محمد :: بحاول افكر ..والله يسر اموري واحصل على رقممها وما أتبهدل
خالد : موفق يا محمد
محمد : تسلم ياخالد ..عسى الله يسعدك ويزيل همومك مثل ما حاولت تساعدني
خالد : لا شكر على واجب ..وانا ما سويت شي .. لو بايدي اسوي اكثر صدقني ما بقصر
محمد : عساني ما انحرم منك يا خالد ..ونعم الصديق
خالد : اوكي يا محمد انت فكر عدل .. وقولي شو راح تسوي
محمد : خلاص ان شاء الله وبصلي مره ثانيه استخاره ...
خالد: على خير ان شاء الله ..اوكي اخليك يالله مع في امان الله
محمد : في امان الرحمن ..


( محمد يفكر بكلام خالد مع انه يحس بالاحراج لشيخه بس ماعنده الا هالحل ويفكر اذا يقولها ولا لاء)


وساره وهي ترتب اغراضها عشان الدوام فجأه تذكرت ان ما بقى شي على ملجتها ويا فهد يعني تقريبا شهر ..وهي طبعا زعلانه ..لانها بتملج على فهد ..وقررت ان الملجه ما تكون طويله عشان تفتك بسرعه من الملجه وما تحب اطول زياده.. وهي طبعا لين الحينه تفكيرها وقلبها لخالد وبس ..وقررت ان الملجه تكون بس شهر وعلى طول العرس .. لان تعرف ان الملجه احلى ايام العمر
وهي ما تبى تكون وايد ويا فهد ..وعندها امل ان فهد يمل من تصرفاتها وينفصل عنها لان ساره مستحيل تبادله الحب ..


وعلى أذان العشاء ..ام خالد زعلانه ومتضايقه ..
نوره وهي تشوف امها بهالتوتر : يمه شو بلاج
ام خالد : هند لا فطرت ولا تغدت من الصبح وهي بهالحاله بدون اكل واقولها شو تبين على العشاء تقول ما ابي شي ..ماعرف شو اسوي في هالبنت والله اخاف انها تموت ..
نوره وهي رايحه عند امها : لا امايه.. لا تحاتين بس هي معانده لانها ما تبى الا سالم ..
ام خالد : من وين ياي هذا سالم وخلا بنتي بهالحال..والله اخاف مسويلها عمل
نوره : هههههههههههههه ..كل ما صار شي قلتو عمل او سحر او عين ..
ام خالد : عيل بلاها استخفت
نوره : خليها هي تبى تسوي اللي براسها ..بس الصراحه لاول مره اشوفها جاده بهالطريقه ..
ام خالد : يعني اذا ما خذت سالم بتذبح عمرها لا اكل ولا شي
نوره : والله ماعرف شو اقولج يا امايه
ام خالد : خلاص انا موافقه عليه بس خلا هي تاكل شي ..
نوره : وخالد وابوي
ام خالد : انا بقنعهم ..ما يصير هي تكون بهالحاله ..نوره يمه روحي كلميها وقولي الله كريم وان شاء الله اذا الله انهم يتزوجون راح يتزوجون


نوره : خلاص يا امايه على هواج بروح اكلمها


راحت نوره عند هند وهي تحاول تقنعها انها تاكل شي وتذاكر لان ما بقى الا اسبوعين على امتحاناتها ..

هند : ما ابي اذاكر ولا اكل شي ..خلا يوافقون على خطوبتي بعدين بتغير
نوره : كيف ؟؟ تنخطبين وعندج امتحانات
هند : خلا يوعدوني انهم يخطبوني بعد الامتحانات على طول حق سالم ويكلمونهم عشان أتاكد وبعدين برتاح وبكمل مذاكرتي ..
نوره : والله صدق انج عنيده
هند: هي عنيده .. وما ابي الا سالم ..صدقيني احس اني بعيش بعالم الحب والسعاده والهنا..
نوره تحرك راسها يمين ويسار : صدق انج مراهقه درجه اولى والله
هند : هي مراهقه وكل شي ..
نوره : خلاص انا بخليج على راحتج
هند ما قالت شي لانها معصبه ومعانده..

راحت نوره غرفتها وهي مسانده على السرير وسرحانه ولا موبايلها يرن ويوم تشوف رقم غريب ..
نوره مستغربه : الو
المتصل هو عبد الله :السلام عليكم
نوره : وعليكم السلام منو ؟؟
عبد الله : افا ما حفظتي رقمي في موبايلج ..
نوره مستغربه من الصوت : منو انت
عبد الله : انا اللي ملجت عليج من البارحه شو نسيتيني ..
نوره بكل رقه : عبد الله
عبد الله : هي عبد الله
نوره حست بسعاده وخجل بنفس الوقت وما قالت شي..
عبد الله : شو ما تعرفين رقمي ..مع اني عطيتج البطاقه
نوره : عندي البطاقه بس نسيت اخزن الرقم
عبد الله : المهم شو اخبارج يا نوره
نوره برقتها : الحمد لله يسرك الحال وانت شحالك؟
عبد الله : مدام سمعت صوتج انا بخير ..
نوره ويها احمر من كلام عبد الله ..
عبد الله : ممممممممممم بنتم ساكين جذي..
نوره : شو اللي بخاطرك قول ..
عبد الله يتنهد : ااااااااااااه ..اللي بخاطري وايد ..والاهم اللي ابيج تعرفينه انج دخلتي خاطري من اول ما شفتج بأدبج وبشخصيتج وبرقتج واكيد جمالج..\
نوره ميته من الحياء : تسلم
عبد الله : وطبعا بعد ما عجبتيني سألت عنج وايد والكل مدح باخلاقج ودينج وبشخصيتج .. والحمد لله حققت اللي في خاطري وخطبتج ..
نوره ما تقول شي .. تحس انها في حلم
عبد الله : وان شاء الله حياتنا يا نوره تكون بسعاده بسعاده..
نوره : ان شاء الله ..
عبد الله : وانتي مب في خاطرج تقولين شي ..ولا صح اكيد مستحيه ما تقدرين تقولين شي ..صح ؟
نوره : الصراحه اكيد مستحيه ومستحيه وايد
عبد الله : يا محلاته الحياء من البنت ..بس ان شاء الله بتتعودين عليه وبتقولين كل اللي بخاطرج ..
نوره : اكيد مع الايام كل شي بيتغير ..



عبد الله : وان شاء الله للاحسن يا نوره ..المهم اذا بغيتي مني اي شي انا حاضر..واتمنى تتصلين فيه باي وقت لانا خلاص نحن مالجين يعني حلال علينا نكلم بعض.. وكل اسبوع بنخلي يوم عشان نطلع على الاقل ساعه او ساعتين عشان نتعود على بعض اكثر..
نوره : ان شاء الله خير
عبد الله : اتمنى اني اقدر افرحج ..
نوره :الصراحه انا أكيده بهالشي (( بخاطرها تقول نوره انك فرحتني من اول ما خطبتني بس هي مستحيه ما تقدر تقوله ).
عبد الله : خلاص يا نوره اخليج الحينه .. اكيد عندج دوام ما ابي أأخرج واكيد راح نكون على اتصال دوووم ..اتفقنا
نوره : خلاص اتفقنا ..
عبد الله : يالله تصبحين على خير ..
نوره : وانته من اهله ..

بعد ما صكت نوره من عند عبد الله حطت موبايلها على صدرها وخذت نفس مع ابتسامه على شفاتها ومغمضه عيونها وحست ان احلامها كلها راح تتحقق ويا عبد الله ...وكانت صدق ميته من الوناسه ..وتمنت سعادتها تدوم ..
وبعد اتصال عبدالله لنوره وكانت طبعا المكالمه الاولى ..
نزلت نوره وهي طايره من الفرح عند امها عشان تسولف وياها وشافتها قاعده مع ابوها وخالد وتكلمهم بجديه ..
ام خالد : بس يا خالد لازم نحن نوافق عليه ..
خالد بعصبيه : بس ليش يا امايه نوافق على سالم بس عشان ان هند ما كلت علها ما كلت شي ..
ابو خالد : خالد هد اعصابك
خالد : والله يا بويه هاي هند مدلعينها وايد..
نوره نازله من فوق وشاركتهم القعده : خالد ..
خالد صد لنوره : نعم
نوره : شو رايك ياخالد نحن نوافق على خطوبة هند ..بس خطوبه يمكن تغير رايها بعدين ونحن بنسال عن الريال اكثر
خالد : بس انا سائل عنه يا نوره ..
ام خالد : زين نحن بنخلي خطوبتهم بعد امتحاناتها مثل ما وعدناها واذا كانت الملجه قربيه يكون احسن عشان هي بتعرف كيف صفاته وكلامه من هني بنعرف اذا هي مرتاحه ولا لاء..
نوره : واذا ماارتاحت بنخليهم ينفصلون قبل الزواج ..
خالد: شو الانفصال صارت لعبه عندكم
بو خالد : بس ما عندنا اقتراح ثاني
ام خالد بحنيه : خلا نوافق يا ولدي عشان تذاكر ترى ما بقى على امتحاناتها الا اسبوعين وبعدين هي بعدها صغيره ما تعرف شو تسوي ..
خالد : سوو اللي تبونه انا مالي خص .. واذا يت يوم من الايام تصيح وتشتكي انا اللي بتشمت فيها وبضربها بعد ..
نوره ماكانت راضيه في سالم بس كل اللي تسويه عشان اختها ..
ام خالد : روحي يا نوره قولي حق هند انا وافقنا وخطوبتها بعد امتحاناتها .ونحن بنتصل في امه باجر اذا الله احيانا
نوره : ان شاء الله امايه ..

راحت نوره عند هند عشان تبشرها بهالخبر اللي اكيد عندها احلى خبر..

نوره تدخل على غرفة هند بدون ما تدق الباب .
نوره بابتسامه : مفاجاه
هند من غير نفس وهي طايحه على السرير :ما سامعه ان من الاحترام ان الشخص قبل ما يدخل يدق الباب
نوره عقدت حواجبها فوق تحت : احمدي ربج يايبتلج احلى خبر بمليون درهم ..
هند بتعجب: صدق ولا تتغشمرين كعادتج
نوره بدلع : والله صدق
هند نقزت من على السرير وراحت عند نوره : شو بسرعه قولي ..
نوره : كم بتعطيني ..
هند : اول شي قولي الخبر واذا كان الخبر اللي في بالي بعطيج اللي تبينه
نوره : شو اللي في بالج
هند بابتسامه: لا تقولين خالد وابويه وافقو اني اتزوج من سالم
نوره بابتسامه حلوه : هي وافقو واخيرا اقنعناهم
هند من كثر الفرحه نقزت على اختها وتمت تحضنها وتصيح : مشكوره يا نوره عمري ماراح انسى خدمتج لي ..
نوره تمت مستغربه وهي خاضنه هند لان لاول مره هند تحضن نوره لان هند مب وايد وياها وعرفت ان هند صدق مستانسه ..
نوره : لا افا عليج انا ما اتمنى الا سعادتج ..بس اتمنى انج ما تندمين على ارتباطج في سالم
هند بابتسامه : لا مستحيل اندم ..بالعكس انا بتم سعيده لين اخر يوم بحياتي ..
نوره : ان شاء الله هاللي اتمناه ..
هند تتنهد: واخيرا الحينه اقدر اذاكر واكل اللي اباه والله ارتحت ..
نوره : يالله روحي عند امايه ترى قلبها متقطع عليج
هند : ان شاء الله الحينه بروح عندها ..

نوره تمت تشوف فرحة هند وتمت فرحانه بفرحت اختها بس بعدها خايفه على حياة هند..



وفي اليوم الثاني ..
اتصلت ام خالد بام سالم مثل ما وعدت هند على موافقتهم لولدهم وان الخطوبه بتكون بعد امتحاناتها اما الملجه بعدين بيحددون ..

واكيد خالد ماكان راضي عن هالشي بس عشان خاطر امه ولان شاف اصرار هند وما بغى يكبر السالفه ..خلا الايام تثبت كل شي ..


محمد اللي كان محتار وايد انه يتصل في بنت عمه شيخه ويقولها الصراحه واخيرا فكر ومالقى غير انه يتصل في شيخه ويصارحها مع انه مستحي وايد وخايف على مشاعرها بس ماعنده حل ثاني ..بس المشكله الحينه كيف اييب رقم شيخه من وين ..
وبعد تفكير طويل ما لقى الا انه ياخذ موبايل امه وحس ان اكيد امه عندها اغلبية ارقام العايله ..
ومحمد شاف امه في الصاله وفكر كيف ياخذ موبايلها ..
محمد رايح عند امه : امي
ام محمد تصد تشوف محمد : شو تبى يا محمد ؟
محمد بتردد ممممممممم ابي موبايلج
ام محمد استغربت اول مره يطلب محمد هالطلب: ليش وين موبايلك
محمد : موبايلي قطعو عشان جذي ابي اتصل في ربيعي ضروري
ام محمد : اكيد بيقطعونه من كثر ما تسولف على الموبايل ..
محمد : زين الله يخليج عطيني الموبايل بس دقيقه
ام محمد : روح غرفتي بتشوف حاطه موبايلي على المستوليت ..

محمد استانس وعلى طول راح خذ موبايل امه وبالدس طبعا راح يدور اسم شيخه وهو يدور بين مية رقم ..ولا اخيرا حصل رقم شيخه وحس ان قلبه يدق بسرعه من التوتر ..وعلى طول ياب موبايله وحفظ رقم شيخه ..

محمد استانس ان حصل رقم شيخه بدون تعب ولا شي ..وعلى طول اتصل في خالد عشان يخبره ..

محمد وهو يتصل في خالد: الو
خالد : هلا بو جاسم
محمد : شحالك يا الغالي
خالد : يسرك الحال وانت اخبارك
محمد : والله مستانس وايد
خالد : ان شاء الله دوم مب يوم بس شوسالفتك فرحنا وياك
محمد : واخيرا واخيرا يا خالد حصلت الرقم
خالد بعبط : شو حصلت رقم امير الامراء ولا رقم فرعون عشان تزوره
محمد : خااااااااااااالد بلا عبط
خالد يضحك : ههههههههه اسولف وياك ..شو حصلت رقم بنت عمك صح
محمد بفرح :هيه هيه واخيرا
خالد : الحين اللي يسمعك يقول انك خلاص بتخطب الريم مب كانك حصلت الرقم
محمد : ترى هاي اول مهمه
خالد: حشى حشى مهمه والله اخاف ناوي على جريمه
محمد : هههههههههههههههههه ..والله انت والعبط اخوان
خالد: هههههههههههههههههههههه
محمد : زين شو اسوي الحينه
خالد: شو تسوي اكيد تتصل فيها عيل ليش ماخذ الرقم عشان تخلي ببرواز..
محمد : وي استحي
خالد: محمد كون ريال وبلا سوالف بنات ( يقلد كلام محمد ) استحي
محمد : احس ان فضيحه
خالد : توكل على الله بعد شو بتسوي ماعندك حل ثاني
محمد : خلاص بتصل فيها الحينه احس الوقت مناسب ..لان العصر اكيد تكون في البيت
خالد: اوكي عيل اخليك تتصل فيها
محمد : ادعيلي
خالد بابتسامه: الله يوفقك يا محمد

محمد بعد ما صك من خالد حس بالارتباك كيف يفاتح شيخه بهالسالفه بس يوم تذكر الريم نسى توتره وقرر انه يتصل فيها ..

محمد مسك موبايله وحس انه مرتبك وايد وهو قاعد يتصل يبلع ريجه لانه حاس بالاحراج ..
شيخه كانت بغرفتها قاعده تذاكر لانها بالتقنيه ..شيخه شافت رقم غريب استغربت بس قالت اكيد حد من رباعتها متصل على تلفون ثاني ..
شيخه بتعجب : الو
محمد بارتباك : الو السلام عليكم
شيخه يوم سمعت صوت ريال استغربت : منو ويايه
محمد : انا محمد
شيخه : اي محمد
محمد : محمد ولو عمج ناصر ..
شيخه استغربت لان اول مره محمد يتصل فيها وحست بالاحرا ج.
محمد : شحالج يا بنت عمي
شيخه برقه وخجل : بخير يسرك الحال ( وبخاطرها مستغربه من اتصاله )
محمد مايعرف كيف يبتدي بالسالفه : اكيد طبعا مستغربه من اتصالي
شيخه : بصراحه هيه
محمد : ابي اقولج شي بصراحه تامه ..لاني من النوع الصريح بس اتمنى يا بنت عمي تفهميني وما تضايقين
شيخه استغربت من كلام محمد : خير يا محمد ؟
محمد مرتبك : اه ..مممم...ابي ابي اقول ..ممممممم
شيخه : شو فيك يا محمد قول اللي عندك
محمد : زين توعديني انج تفهميني وما تضايقين مني وهالشي يكون سر بيني وبينج .
شيخه رافعه حواجبها من كثر ما هي مستغربه : اكيد اوعدك
محمد : شيخه مثل ما تعرفين ان الاهل قايلين انا لبعض من صغرنا
شيخه مستحيه وما ردت .
محمد : وانا طبعا ما عندي ما نع اني ارتبط فيج لانج انسانه طيبه وخلوقه وما عليج كلام وكافي انج بنت عمي
شيخه مستغربه ومستحيه ويوها مثل الطماط
محمد : وانا كنت موافق عليج بس انا من مده قصيره شفت انسانه والصراحه عجبتني وايد وطبعا ما بينا علاقه لا والله بس انها عجبتني وايد والصراحه اباها
شيخه حست بالاهانه وبعصبيه : زين خذها وانا شو دخلني
محمد : المشكله يا شيخه ان امي ما تباني اخذ الا انتي... تقول ان فضيحه ارفضج لان امي اللي بغتج وقالت اذا الرفض ايي منها عادي بس مب مني .
شيخه منصدمه صح انها ما تكن لولد عمها باي حب لين الحينه بس مستغربه من جرأته .
محمد : لا تزعلين مني يا شيخه والله اني اعزج كاخت غاليه وانا ما يهون عليه اني اتزوج وانا افكر بانسانه ثانيه مثل باقي الشباب هالشي حرام وظلم والله ما يرضى عليه وانتي انسانه طيبه وما تستاهلين هالشي .
شيخه بحزن: والمطلوب مني
محمد : اللي اتمناه منج يا شيخه ان اذا اتقدمت ترفضيني .لان الرفض اذا ياي منج عادي بس ما يكون مني لان امي بتزعل عليه .
شيخه : بس شو سبب رفضي لك يا محمد لا تنسى انك ولد عمي .
محمد : مممممممممممممم قولي انج صليتي استخاره وما رتحتي او اي شي
شيخه : بس يا محمد اخاف امك تزعل عليه
محمد : لا امي مب من هالنوع اللي مل اول اللي يزعلون اذا ما صار نصيب لا عادي .
شيخه قاعده تفكر شو تقول لاهلها
محمد : شيخه
شيخه : نعم
محمد : اتمنى انج ما تزعلين مني
شيخه : لا يا محمد بالعكس انت صارحتني بالحقيقه قبل ما يصير اي شي احسن من باقي الشباب الا بعد عرسهم تشوفهم مع وحده ثانيه ويعترفون لزوجاتهم بانهم مغصوبين .
محمد : يعني مب زعلانه ولا متضايقه ..
شيخه : لا يا ولد عمي ..اسلوبك نبيل
محمد : والله طلعتي ونعم البنت..وعمري ماراح انسى جميلج يا شيخه
شيخه : لا افا عليك ..كافي انا اهل
محمد : تسلمين يا بنت عمي ..اوكي اخليج الحينه واسمحيلي مره ثانيه
شيخه : مسموح يالله في امان الله ..

محمد حس كان انجز شي كبير وحس بالراحه وتم مستانس ورافع ايده ويحمد ربه ان بنت عمه اتفهمته وان حل هالمشكله..وطبعا على طول اتصل في خالد وقاله وخالد فرحله وايد ..

اما شيخه فالبدايه اتضايقت لانه حست شوي بالاهانه بس تذكرت موقفه وصراحته وانه ما يحب يخدعها فعرفت ان هالشي خير لها وانه الله ماكاتب نصيب بينهم ..

**********************************
وبعد مرور شهـــــــــــر..


وبعد شهر خلصت هند امتحانات الثانويه وكان يوم النتيجه اللي الكل كان ينتظرها ..

وهند كانت قاعده على الكمبيوتر تشوف نتيجتها وكانت خايفه.. ولا فجاه شافت النتيجه وتمت تصارخ ومستانسه وراحت على طول تحت عند اهلها اللي ينتظرون نتيجتها ..
هند تصارخ : امايه امااااااااااااااااااااااا يه
الام : ها بشري شو ان شاء الله بيضتي ويهنا
هند وهي تغني وترقص
نوره : والله متفيجه الحينه قولي شو نتيجتج بعدين تخبلي
هند وهي تناقز : امي باركيلي نجحت نجحت
ام خالد : زين النتيجه كم نسبتج كم
هند : 72 ..
ام خالد يوم سمعت النسبه وقفت مكانها : شو 72 صدق طلعتي مسودة الويه فضحتينا
هند : والله اهم شي نجحت وافتكيت
نوره : والله وايد وايد عليج النسبه لانج ما كنتي تذاكرين
ام خالد : والله فضيحه اختج يابه في التسعينات وبنت خالتج وغيرج من الاهل وانتي
نوره تصد لامها :امايه هند من صغرها مب شاطره ولا تذاكر كل مره نسبتها في الستينات واحيانا الخمسينات بعد..
هند وهي مستانسه : هي والله يعني حمدي ربج هالمره اكثر ..
نوره : الحمد لله ما فضحتنا ورسبت
ام خالد : هي والله الحمد لله
هند : واخيرا خلصت الحينه بحرق كتبي بفتك منهم
نوره : حشى حشى مجرمه ما صدقتي انج خلصتي .
هند / اكره الدرااااااسه ..بروح ابشر ابويه واقوله خلا يجهزلي الهديه
نوره : شو طالبه الاخت
هند : طالبه طقم الماس يا اختي
نوره : بل مره وحده ..لوطلعتي الاولى بالدوله شو بتطلبين ..
هند : والله ما فكرت ( تصد لامها ) امايه ابي منج ممممممممممم اتيبيلي هديه ساعه ماركه وتكون الماس يعني اقل شي جيمتها 20 الف
ام خالد : اول مره اشوف وحده تختار الهديه .. ثانيا انا وابوج واحد
هند : لا في الهدايا مب واحد
نوره : ههههههههههههههههههههههه ..اللهم سكنهم في مساكنهم .
هند : شو تشوفيني مينونه ولا ينيه
نوره : ههههههههههههههههههه من زمان ..

خلصت هند امتحاناتها اللي الكل كان يتريه نجاحها ..وطبعا قررو ان الخطوبه تكون مده وبدون حفله ..وخلة الحفله والعزيمه في يوم ملجتها اللي لين الحينه مب محددين لانهم مشغولين بعرس نوره الا ما بقى على عرسها الا شهر ..


ساره اللي استوت انسانه ثانيه من بعد ما تركت خالد صارت ما تضحك الا نادر ولا تطلع من البيت .
.راحت تشوف تقويم التواريخ وبحزن تقول لنفسها : واخيرا ياهاليوم اللي ما اتمناه ..باجر بملج على فهد وماعرف كيف بتعامل وياه ..( تتنهد ) ااااااااااااه يا خالد .كل شي راح ..

وساره كانت تدمع لان يوم ملجتها قربت لان باجر بيكون يوم ملجتها ..
واما خالد فمايعرف ان باجر ( غدا ) يوم ملجة حبيبت القلب ..

[دموع العاشقين]

الجزء التاسع عشر




نفس يوم نتيجة هند واخبارها بالنجاح .. الكل كان مستانس الا ساره كانت غير لان باجر بيكون عقد قران ساره وقفهد يعني ملجتهم وطبعا لين الحينه خالد ما يعرف .

والكل كان يتكلم عن ملجة ساره ويفكرون شو يلبسون ..
نوره وهي قاعده : والله ما عرف شو البس باجر
الام تصد لنوره : والله يا بنتي البسي شي بسيط لان محد بيي غيرنا يعني بيناتنا .
هند : بس ليش ما خلت حفله عوده او على الاقل العزيمه اكبر مثل مجلتج يا نوره
نوره : لان ساره ما تبى هالشي لا تنسين انها مغصوبه على هالزواج
هند : والله هاي ساره صدق مينونه ..
الام مستغربه : ليش
هند : حد يشوف واحد بجمال فهد وشخصيته وما يتزوجه
نوره : ليش الاخت وين شايفتنه ؟
هند : مره فهد وصل الريم بيتنا يوم ملجتج انا بالصدفه شفته وهو بالسياره ..بس ماشاء الله عليه وسيم والله اني اول مره اشوف واحد بوسامته
نوره : عيل خذي احسن
هند بدلع : والله لو ياي قبل سالم كنت باخذه بس خلاص انا الحينه لانسان ثاني
نوره تسوي مالت بايدينها حق هند : مالت عليج اصلا منو قال هو بيودر ملكة جمال العالم وبياخذج.
هند باحتقار : منو ملكة جمال العالم ان شاء الله
نوره : بلا استعباط اكيد ساره ..
هند : عاد المبالغه مشكله
نوره : ومشكله اللي يغارون

هني خالد دش عليهم وهو مستانس ولا يعرف شو السالفه
خالد : السلام عليكم
الكل : وعليكم السلام
خالد سار صوب امه وباس فوق راسها : شحالج امايه عساج بخير
الام : بخير الله يسر حالك
هند وهي تشوف خالد:غريبه الاخ فرحان اليوم ..
خالد : وليش يعني ماافرح
هند متعرف ان خالد مايعرف بملجة ساره : لان باجر ملجة حبيبتك السابقه يعني تحريتك بتزعل .
خالد اول ما سمع ان باجر ملجة ساره وقف مكانه واستغرب.وصد لنوره بعصبيه : صدق يا نوره ان باجر ملجة ساره
نوره بخوف : هيه
خالد بعصبيه كبيره : وليش محد قالي
الام : الله يهديك ياخالد يعني اذا قلنالك شو بيتغير ..
خالد : حتى لو ما تغير شي اهم شي اعرف
خالد على طول طلع وهو معصب..
نوره لحقت وراه :خالد خالد
خالد وقف : نعم خير
نوره : وين بتروح
خالد : بروح عند ساره
نوره فتحت عيونها : عند ساره وليش ؟
خالد : هالشي ما يخص حد الا انا وساره ]
نوره : بس عيب تروح بيتنهم
خالد : ليش عيب شو نسيتي انها بنت خالتي ..
نوره : بس
خالد : عن اذنج باي

راح خالد عند ساره وهو معصب ومنقهر ..يمكن بملجتها حس بفقدانها للابد ..

نوره وهي زعلانه : الله يستر بس
هند : روحي اتصلي في ساره عشان تعرف ان خالد بيي
نوره : هي صح
نوره راحت تتصل على موبايل ساره بس موبايلها كان مغلق واتصلت على البيت بس محد يشيل..

خالد وصل بيت ساره وتردد بالدخول بس يوم تخيل ان ساره بتروح من ايده للابد قرر يدخل..

خالد دق الباب وهو مستحي لانه اول مره يدخل بيت خالته بدون اهله ..
وساره كانت بالصاله تشوف التلفزيون بس هي باخر عالم وسرحانه ..وسمعت صوت الباب نادت على خدامتها بس مافتحت لانها انشغلت فهي راحت تفتح الباب بعد ما غطت شعرها ..
وساره اول ما فتحت الباب فتحت عيونها وما قدرت تتكلم .
خالد يوم شاف ساره تذكر ايامهم وبابتسامه : شحالج يا ساره
ساره والحزن بعيونها وبخجل : الحمد لله بخير الله يسلمك ..تفضل ادخل .
دخل خالد وهو بالصاله يصد لساره : ساره وين امج
ساره : امي بغرفتها لحظه عشان اناديها .
خالد : لحظه يا ساره ..انا ابي اكلمج لو سمحتي بشي ضروري واستحي اقولها جدام امج ...
ساره استغربت من جرأة خالد اول مره اايي بروحه واول مره يقعد وياها بروحهم .
ساره : بس...
خالد : ما بطول وايد بس دقايق
ساره : تفضل اقعد .
خالد : لا انا مرتاح جذي..ساره
ساره وهي تستحي تشوفه : خير يا خالد
خالد : صح ان باجر يوم ملجتج
ساره بغصه وقهر : هيه للاسف
خالد : ساره امنعي هالشي الله يخليج فكري مره ثانيه
ساره فتحت عيونها : خالد ما اقدر وانت تعرف السبب وثانيا ما اقدر اغير شي خلاص باجر ملجتي ما اقدر ..
خالد: زين يا ساره مدام ان صعب عليج انج ترفضينه خلي هو يرفضج ويمل عشان تقدرين تنفصلين عنه بدون تهديدات
ساره مستغربه من كلام خالد : خالد شو قصدك وضح
خالد استحى يقول قصده :ساره بقولج شي بس اتمنى ما تزعلين وتفهيميني
ساره : قول اللي عندك ؟حيرتني يا خالد
خالد: سمعي يا ساره انا اعرف ان صعب عليج انج ترفضين هالزواج لان فهد ما بيودرج بحالج .. بس شورايج ان بعد زواجج او في ملجتج تعاملينه بجفاء وقسوه عشان روحه يمل منج وينفصل عنج وبهالطريقه اقدر اتزوج بدون اي مشاكل
ساره مستغربه : يعني تباني اطلق يا خالد معقوله
خالد : ما يهمني تطلقين ولا شي ..الاهم عندي انج تكونين لي
ساره : وانت بتاخذني بعد ما نفصل عنه ؟؟ معقوله
خالد : هي والله عادي عندي ..مع انها صعبه عليه بس عادي كل شي ..الاهم تكوننين لي بالنهايه ..ساره انتي ما تعرفين كيف انا احبج .ما تخيل وحده غيرج تكون زوحتي وشريكة حياتي ..ساره حبي لج من الصغر وكبر هالحب كل ما كبرت موافق على كل شي اهم شي تكونين لي
ساره : بس صعبه هو يودرني لانه يحبني
خالد : اذا شاف ان الحب مب متبادل اكيد بيودرج
ساره : بس شو بيقولون عني الناس اذا عرفو اني مطلقه
خالد : ما يخصج بالناس ..والناس يعرفون ان مب كل مطلقه الغلطه تكون منها..واهم شي حبنا يستمر يا ساره الله يخليج فكري
ساره استغربت من كلام خالد بس عرفت ان هالحل الوحيد عشان يستمرون ويابعض
ساره : الله كريم يا خالد واكيد ما اقدر اعامله بحب وحنان لانه مب هو اللي بقلبي
خالد : يعني اطمن انج ما بتحبينه
ساره : مستحيل احبه .. وانت تعرف السبب
خالد : اتمنى ايي هاليوم واشوفج ملكي
ساره بخاطرها ( واتمنى تكون ملكي يا خالد ).
خالد : بس اتمنى هالشي يكون بيني وبينج يا ساره
ساره : خلاص اوكي
خالد : يالله مع السلامه
خالد وهو يبى يطلع ساره نادته ..
ساره :خالد
خالد يصد لساره : نعم
ساره : يعني انت بتترياني
خالد بابتسامه : بترياج لآخر العمر
ساره ابتسمت واستحت

بعد ما طلع خالد حس بالراحه لانه كلم ساره وصارحها ...اما ساره فاستغربت من كلام خالد بس تعرف ان هالشي دليل على حب خالد الكبير لها عشان جذي قال هالكلام وهي اقتنعت بكلامه وقررت انها تحاول المستحيل عشان يمل فهد منها ..مع ان بقلبها ما شي غير الرحمه والحنان بس بتحاول تغير من طبعها عشان خالد


***********************************
واليوم الثاني الكل فرحان لان هاليوم هو ملجة ساره وفهد.. اما اللي متضايقين هم ساره وخالد ..وسعادة فهد غير بهاليوم كان صدق فرحان ..
فهد وهو واقف عند المنظره ومبتسم : الريم شو رايج بكشختي ووسامت اخوج
الريم : فديتك محد بيي بجمالك مسكت الكل .
فهد : صدق لهالدرجه انا حلو
الريم : اكيد طبعا حلو ..
فهد : والله يا ريم احس اني بموت من الفرحه واخيرا بملج على ساره وبقدر اكمها واطلع وياها ..كاني احلم
الريم بابتسامه كلها فرح : وعسى هالفرحه تدوم يا اخويه ..
فهد : تسلمين حبيبتي وعقبالج
الريم : استحت ..
ساره ونوره وهند قاعدين عند ساره فوق بعد ما راحت الكوافيره ..
ساره كانت احلى من الحلوين ..فستانها احمر على عنابي ويايبه شعرها على صوب مع ورده طبيعيه حمراء ومكياجها بسيط وكانت ملاك تاخذ العقل بس للاسف الحزن بملامحها .

نوره : ساره اليوم صايره قمر ماشاء الله .. اذا اليوم قمر ماعرف كيف بتطلع يوم عرسها
ساره بعالم ثاني..
نوره : اقول ساره
ساره سرحانه
نوره بصريخ : ساروووونه
ساره انتبهت : ها شو فيه
نوره : اللي ماخذ عقلج
ساره بحزن : اللي ماخذ عقلي بعيد
نوره : سارووه حبيبتي متى عرسج
ساره بعصبيه : اف لازم تذكريني
نوره غمزت لساره عشان تفهمها ان الريم موجوده ..
الريم حاولت اطنش ..
ساره : بعد عرسج بشهر
نوره : يعني باقي على عرسج شهرين ان شاء الله ..لان عرسي بعد شهر ..
ساره : هيه
الريم : يالله ساره ننزل لان اكيد فهد موجود ..
ساره ويها تغير : بس هو ياي عشان يوقع صح وانا بوقع وخلاص .
نوره : اي خلاص الله يهديج ..لازم يشوفج وتشوفينه وتيلسين وياه ولو دقايق..
ساره : ما ابي اشوفه ولا شي
الريم بحزن : ساره ما كنتي جذي شو فيج تغيرتي صرتي عصبيه مب انتي ساره اللي كلامج كلها حنيه وطيبه شو صار لج ؟
ساره : غير طبعي اخوج يا الريم غير كل شي فيني
الريم : عسى الله يهديج وربي يهنيكم
نوره ترفع ايدينها : امين

ام ساره نادتهم كلهم ؟؟

وهم نازلين والكل استانس وحطو اغاني وربشه مع ان محد كان ياي يعني بيناتهم مثل ما بغت ساره ..
والكل هنى ساره ..اما ساره فحست بالحزن اكثر لانها ملجة على فهد..
والكل قاعد ومستانس وفجاه يت ام ساره ونادت ساره ..
ام ساره ترمس ساره بصوت واطي : ساره يمه فهد يبى يشوفج
ساره : ما ابي اشوفه خلاص نحن ملجنا شو يبى
الام : ساره بلا عناد .. كل اللي يملجون يشوفون حريمهم ..دخلي ولو دقايق
ساره : ما بي والله ما ابي اشوفه
الام : دخلي يا ساره لاتفضحينا
ساره : زين ومنو داخل غيره
الام : محد طبعا قعدو على راحتكم خلاص حلال عليكم ترمسون بعض.
ساره : بس امي انا ما ابي ..
الام بعصبيه : ساروووه يالله دخلي
ساره بغضب: اف زين زين ..متى افتك منه

فهد قاعد في الميلس وهو ميت يبى يشوف ساره ..
ساره طبعا خذت الشال وخطت كتفها لانها تستحي .ومن غير نفس دخلت : السلام عليكم
فهد كان منزل راسه يوم سمع صوتها رفع راسه وشافها وما قدر ينزل عينه من حلاها ..
ساره انعجبت بملامج فهد لان اول مره تشوفه على قرب بس ما حست بحلاته ووسامته لان شخص ثاني بحياتها ..
ساره قعدت بس شوي بعيده عنه وما قالت شي ..
فهد كان سرحان فيها : ممممممم..شحالج ساره
ساره : الحمد لله بخير
فهد :مبروك يا ساره
ساره : الله يبارك فيك
فهد : عسى الله يسعدنا ونكون للابد ويا بعض حبايب
ساره ماقالت شي..
فهد حس بجفاء ساره بس طبعا ما يقدر يلومها ..
فهد : ساره اتمنى في يوم تفهين التعامل اللي تعاملت وياج بس تعرفين هذا لاني متيم فيج يا ساره
ساره شافته بنظرة حزن وعصبيه ..: فهد غير السالفه .
فهد : بس حبيت اوضحلج يا ساره اني احبج والله
ساره ما غيرتها هالكلمه وماقالت شي..
فهد : ساره يمكن اخذ رقمج
ساره بضحكة استهزاء : ليش تسال اكيد عندك
فهد حس بخجل : زين ابيج انتي تعطيني وبعطيج رقمي
ساره : انا باخذ من الريم وانت بعد خذ رقمي منها
فهد بكل ادب واحترام : يمكن اكلمج اليوم
ساره وقفت مكانها : اسمحلي ما اقدر اليوم اكلمك انا تعبانه وايد من الصبح قايمه عشان الكوافيره اقدر اكلمك يوم ثاني
فهد قام من مكانه وحس بالضيق من كلامها : خلاص على راحتج باجر ان شاءالله بكلمج .
ساره : اذا الله راد
فهد : عن اذنج يا ساره بترخص انا ..واعرفي ان اليوم احلى يوم عندي
ساره بخاطرها تقول ( واتعس يوم عندي والله لاني مب زوجة خالد).

فهد طلع من عندهم وتضايق وايد من كلام ساره بس فرحته بهاليوم خلته ينسى كل شي ..لان الاهم ان ساره ملكه وهو واثق انها بتتغير لانه يعرف قلب ساره بس اللي مايعرفه شو اللي مخططينه هي وخالد..


ساره بعد ما قعدت وياه وبعد ما الكل راح راحت غرفتها وادمعت وتذكرت كلام خالد ان لازم تكون قاسيه عشان ترجع لخالد اللي ماخذ قلبها واللي غيراخلاقها وصفاتها وطيبتها ..

اما خالد فما قدر ينام هاليوم لانه تخيل ان حد غيره يقدر يتغزل بساره وبجمالها وحس بالقهر والحزن ..
========================

(( الجزء العشرين ))
وبعد قران ساره مع فهد .. طبعا بنفس اليوم كان فهد يبى يكلم ساره بس هي رفضت هالشي ..فقرر انه يكلمها باليوم الثاني ..


وفي الصباح ..
ساره قامت من النوم وهي تفكر بمستقبلها مع فهد وكيف راح تخليه ينفصل عنها لانها تعرف بحب فهد الكبير لها ..

ام ساره دخلت على غرفة ساره والابتسامه في ويها : صباح الخير يا احلى عروس
ساره عقدت حواجبها وبتعجب : عروس ؟؟ بس توني مالجه بعدني ماعرست
ام ساره تبتسم : تراج صرتي زوجته خلاص
ساره بقهر : امايه لا تذكريني وتزيدين قهري
ام سراه عصبت : ساره بلا دلع بنات خلاص ما ابي اسمع اسطوانة خالد سمعتي ..انتي الحينه صرتي بذمت انسان ثاني
ساره طبعا ما قالت لامها عن نيتها هي وخالد والخطه اللي راسمينها عشان تنفصل من فهد وترجع لحبيب قلبها..
ام ساره : شو رايج يا بنتي نروح اليوم بيت خالتج لانها عازمتنا على الغده ..
ساره : لا امايه ما ابي تو الناس شو رايج نروح في المساء احسن
ام ساره : على راحتج يا حبيبتي..


وفي بيتكم فهد ..
فهد يصارخ : الريم الريم
الريم ظاهره من غرفتها : باسم الله انت شو فيك استخفيت ..
فهد بابتسامة عبط :ليش ؟
الريم : بعد تسأل تصارخ كاني بامريكا مب كان غرفتي عند غرفتك ما بينهم الا شبر .
فهد : بعد تعرفين احب ألعوزج
الريم : زين خير شو تبى
فهد ياي عند الريم ويغمزلها : ابي رقم مرتي
الريم: بل مره وحده زوجتك اصبر بعدك ما تزوجتها
فهد : خلاص عقدت قراني وياها يعني صارت زوجتي
الريم : زين وانت ما عندك رقمها ..كم مره متصل فيها قبل وملعوزنها بتهديداتك
فهد يضحك : هههههههههههه بعدج تذكرين
الريم : حد ينسى ذيج الايام
فهد : لا والله ماعرف شو سويت برقمها
الريم : زين بعطيك الرقم.
بعد ما الريم عطت لفهد الرقم ..شافت فهد منزل راسه ومتوتر
الريم مستغربه : فهد بلاك
فهد: اقول الريم اذا بتصل فيها شو اقولها ..
الريم : هههههههههههههههههههه ليش تستحي يا فهد والله انت تخوف ولا تخاف
فهد منقهر : ريمان اصطلبي ... ما قلت اني استحي ولا اخاف بس اول مكالمه بعد ملجتنا شو اقولها
الريم : ليش انا متزوجه عشان اقولك عن تجربتي ..تراني مثلك ما عرف شو يقولون
فهد : وكيف ابتدي وياها
الريم تشوفه بعصبيه : فهوووووووود ..اقولك وانا شو عرفني ..قول اللي بقلبك
فهد ينهد : ااااااااااااااااااه اللي بقلبي وايد
الريم : لا الله يخليك مب تقول كل شي عاد خلا حق يوم ثاني ..يعني بالقطاره مب كله مره وحده .
فهد بابتسمامه : زين الحينه بروح اكلمها .. والله اني متوتر
الريم: حشى اذا الريال جذي ما الوم البنت
فهد صد يوم سمع كلام الريم : حبيبتي لو انسانه ثانيه متزوجها جان عادي بس لانها الحلم اللي احلم فيه عشان جذي متوتر ..
دخل فهد غرفته وقرر انه يتصل في ساره ..
ساره قاعده في غرفتها وهي تقرى مجله ..رن موبايلها ..طبعا ما عرفت ان المتصل فهد ..
ساره بصوتها العذب: الو
فهد بتوتر: صباح الخير ..
ساره مستغربه : منو ويايه
فهد : انا فهد ..زوجج المستقبلي
ساره عقدت حواجبها وتضايقت وماقالت شي
فهد: شو اخبارج يا ساره
ساره : الحمد لله بخير
فهد سكت ما يعرف شو يقول ...
فهد: تصدقين يا ساره مب مصدق عمري ..والله اني طايرمن الفرحه لاني مالج عليج ..والله ان هذا حلم حياتي
ساره : ساكته
فهد : ساره اعرفج انج بعدج متضايقه مني ..بس شو اسوي غصبن عني والله اني ما اقدر على بعدج
ساره : يعني تبني سعادتك على تعاسة وحزن الاخرين
فهد مستغرب من كلام ساره : ما قصدت احزنج والله بس هالشي غصب عني وان شاء الله اقدر اخليج تحبيني ولو جزء بسيط من حبي لج ..
ساره : الحب مب بايدنا ومب نحن نقدر نتحكم فيه ..
فهد : بس مع الايام كل شي بيتغير ..
ساره : الله كريم
فهد : زين شو رايج اليوم نطلع ونتعشى برع .
ساره بعصبيه : شو
فهد : خلاص عادي اطلع وياج ..وهالشي حلال ..وبعدين انا ماقلت بنتأخر بس بنتعشى مع بعض وبنرد
ساره : اسمحلي ما اقدر اظهر وياك ..
فهد : زين باجر ؟
ساره : والله بشوف اي يوم أفضى ..والحينه عن اذنك بروح عند امي اوكي
فهد بضيق : اوكي ..على راحتج..
ساره : مع السلامه ..
فهد : بحفظ الله

فهد ما توقع ان ساره تكون بهالجفاء وكان متضايق ..
الريم دخلت على فهد وبازعاج
الريم وهي تفتح الباب فهووووووووود..
الريم شافت اخوها ماسك الموبايل وهو قاعد على السرير ومتضايق..
الريم راحت عند فهد وقعدت عنده : فهد شو بلاك .. شو ما كلمت ساره ؟
فهد رفع راسه وبصوت كلها حزن : بلى كلمتها
الريم : كللمتها وانت بهالحزن ؟؟ليش شو صار
فهد : احس انها قاسيه شوي معايه ما تعبرني ولا كاني صرت زوجها .. ويوم قلت لها اني ابى اطلع وياها على الاقل نتعشى برع رفضت ..
الريم : لازم يكون موقفها جذي ..انت اصبر عليها ولا تنسى انها اول مكالمه بينكم بعد عقد قرانكم طبعا .. وانت تعرف سبب قساوتها .فهد بحزن : يعني بتم جذي طول حياتها
الريم : شوف فهد انا بالبدايه قلت لك انت الحب بيكون من طرف واحد بس انت عاندت ووافقت على هالشي..
ففهد : بس ما حسيت اني بتضايق جذي
الريم : انت والله مكبر السالفه ..وانا متاكده انك بتغير ساره وبتخليها ساره القبلانيه باخلاقك وشخصيتك ورقة قلبك واكيد حبك الكبير لها وويمكن بتحبك اكثر من حبك لها
فهد بابتسامه استهزاء : مستحيل حد يحب شخص مثل ما انا احبها .. وانا راضي بجزء من هالحب ..اهم شي ما طنشني
الريم : لا افا عليك اخويه .. كل شي راح يتغير ..بس انت عاد اصبر عليها .. مب من اول يوم تبى كل شي يتصلح
فهد بابتسامه حلوه : ان شاء الله خير .. وان شاء الله اقدر اسعد ساره واخليها تحبني ..وتسلمين يا اختي الغاليه على وقوفج الدايم بمحنتي
الريم بابتسامه رقيقه : افا عليك اخوي ..لا تقول جذي ..نحن اخوان قبل كل شي وانا من لي غيرك اقعد واسولف وياه ..انت اخوي وابوي وامي وكل شي ..
وهني ادمعت الريم تذكرت والدينها .

فهد يرفع راسها: لا يالريم ما ابيج تضعفين ..الله يخليج لي ..وربي يرزقج بزوج صالح يعوضج عن كل شي ..
الريم : الوالدين عمرهم ما يتعوضون يا فهد
فهد : صح واكيد هالشي .. بس يوم تحبين يالريم باخلاص وصدق ..تحسين شوي بالراحه والاطمئنان وتحسين بروعة هالحياه
الريم : وانا اشهد على كلامك والدليل انك حاولت تتخطى المك لامي الله يرحمها من يوم حبيت ساره
فهد : بس ان شاء الله ساره تحس بهالحب ..

نوره بغرفتها قاعده تكتب شو لازم تشتري حق زهبتها لان ما باقي على عرسها الا شهر تقريبا وهي تحاتي كيف بيكون عرسها ..
وهني اتصل فيها عبد الله ..وطبع استانست نوره يوم شافت رقم عبد الله لانها تعلقت فيه بشكل كبير وايد ..
عبد الله : الو يا مرحبا باغلى انسانه عندي
نوره حاطه القلم بفمها وبخجل : يا هلا فيك يا الغالي
عبد الله : شو اخبار الحبيبه اليوم
نوره بكل رقه : تمام الحمد لله وانت شو اخبارك
عبد الله : بخير الله يعافيج .. ها شو تسوي الحلوه ؟
نوره استحت تقول شو كانت تسوي : مممم ما شي كنت بغرفتي قاعده ..
عبد الله : اها .. زين وبعد اخبار اهلج
نوره : تمام الله يسلمك ..واخبار امك واختك مريم
عبد الله : هاي مريم من اول ما تزوجت ونحن ما نشوفها الا مره بالشهر ..وتعرفين بعد من يوم يابت ولد ..ما تحصل وقت المسكينه اتي
نوره : تراها ساكنه بابوظبي ..وتعرف الدر ب
عبد الله : هي والله
عبد الله : اقول نوره
نوره : هلا
عبد الله : شو رايج نطلع اليوم
نوره : ممممممممممم ( بدلع ) وين ؟
عبد الله : نروح بحر الممزر وبعدين نتعشى برع
نوره : ما دري بكلم الوالده
عبدالله : الحينه انا ريلج وكلمتي اللي تمشي
نوره : بس لا تنسى اني قاعده ببيت اهلي ..
عبد الله : زين قوليلها ما بتأخر اكثر عن ساعتين
نوره : خلاص بكلمها ان شاء الله وبرد عليك
عبد الله : اوكي ..وحني عليها تراني مشتاق اشوف الحلوه
نوره ويها احمر وسكتت ..


نوره راحت عند امها قالت لها انها بتطلع ويا عبد الله.
الام : زين يا بنتي بس لا تتاخرين وايد
نوره : الا هي ساعة زمان وتشوفيني موجوده في البيت
الام : على خير ان شاء الله
نوره : اقول امايه
الام : خير يا نوره
نوره : شو عن ملجة هند
الام : توهم مخطوبين
نوره : هيه بس متى الملجه ؟
الام : والله يمكن نخليها بعد زواج ساره يعني بعد 3 اشهر ..
نوره : مب بعيده

الام : عيل متى تبين
نوره : خليها بعد عرسي على طول والعرس بعد 4 اشهر ..لين تعرف عنه ويعرف عنها اهم شي الملجه شوي تكون طويله يعني اطول من ملجتي
الام : ليش
نوره : عشان نعرف عن الريال اكثر ونعرف طبعه وتصرفاته ..ولا تنسين انه قبل كان راعي بنات وما فينا نتوهق ..
الام : بس يوقولون تاب
نوره : وما عندنا دليل ..عشان جذي خلا شوي الملجه تكون على الاقل 4 اشهر
الام : ان شاء الله خير بكلم امه اليوم وبشوف شو يقولون ..


هند وهي بغرفته تكلم ربيعتها منى اللي من زمان ما كلمتها عشان تهديد..
هند وهي طايره من الفرح لانها خطيبة حبيبها سالم .
منى : زين عيل يالقاطعه اتصلتي
هند وهي منسدحه على السرير : بعد تعرفين اختي وحركاتها
منى : وشو تغيرالحينه
هند : قبل كانت تقول يمكن تاثرين فيني وماعرف شو ..بس الحينه خلاص انا مخطوبه يعني اعرف شو اسوي
منى : تصدقين استغربت يوم عرفت انج انخطبتي من سالم
هند وهي تلعب باصابع شعرها وبدلع : ليش هو يقدر يشوف وحده بجمالي وبأناقتي وما يتزوجني ..واصلا انا ما كلمته الا لاني اعرف انه بيتزوجني ..
منى كانت مستغربه لانها تعرف ان سالم لعاب وايد وما توقعت هالشي : زين يالله بالبركه ومتى العرس
هند : وييييييييييييييه ..قولي متى الملجه
منى : ليش مب محددين
هند : لا والله بعدنا ..تصدقين يا منى احس اني بحلم واخيرا باخذ الانسان اللي دخل خاطري واللي خلاني ما ااعرف الا اسمه..
منى من غير خاطر وبغيره : زين تستاهلين
هند : تسلمين حبيتبي وكل الشكر لج لانج عرفتيني على سالم
منى : لا افا عليج انا قلت لج سمعي كلامي وما بتخسرين
هند : صدق والله ما خسرت ..



الريم بعد ما شافات حالة اخوها كسر خاطرها وقالت انها يمكن تكلم ساره وتتفاهم وياه
الريم راحت عند ساره وشافتها لابسه تبى تطلع ..
الريم : اوه ساره بتطلعين ..السموحه ما اتصلت فيج ..بس كنت ماره وقلت بسلم عليج
ساره وهي رايحه عند الريم..مسكت ايدينها : لا افا عليج حبيبتي حياج الله تفضلي
الرريم : دام فضلج يا ساره ..وما باخذ عن وقتج الا دقايق
الريم /: لا تقولين جذي ..خذي الوقت كله انتي الريم الغاليه
الريم بابتسامه : تسلمين كلج ذوق يا ساره ..شو وين الحلوه رايحه ؟
ساره : والله بروح بيت خالتي ..عازمتنا اليوم
الريم : اها ..ساره ابي اقولج شي
ساره بضيق: اعرف شو بتقولين يا الريم .الله يخليج انسي السالفه
الريم : ما اقدر ..شفت اخوي تضايق بعد ما كلمتيه
ساره : والله والله مب بايدي كل ما اسمع صوته او شاوفه اتذكر كل شي
الريم : بس خلاص هو زوجج وبيكون لج للابد يعني انسي خالد.
ساره بينها وبين نفسها : منو قال بكون وياه للابد
الريم : شو قلتي يا ساره
ساره : ها لا مم مما شي ..بس اقول الله كريم ..وهالشي مب بايدي والحب ما نقدر نتحكم فيه
الريم : صح بس ..تقدرين تتحكمين بعصبيتج وبقسوتج شوي
ساره : ماعرف يالريم شو اقولج
الريم : خلاص ما باقي الا شهرين وبتعيشين وياه بالحلوه والمره ..ولازم تقتنعين بهالشي
ساره كان عندها امل انها بهالفتره تخلي فهد يمل منها عشان تنفصل عنها قبل عرسها واكيد هاي فكرة خالد اللي اقنعها ..

وبعد كلام الريم ..ساره ظهرت بيت خالتها ..وما عطت اهميه لكلام الريم لانها مقتنعه باللي تسويه ..

اما خالد فكان عنده امل اكبر ان ساره تنفصل عن فهد وقرر انه ما يتزوج الا ساره ..

[دموع العاشقين]

جزء الواحد والعشرون

بعد ما راحت ساره ويا امها بيت خالتها ام خالد الكل كان يترياهم وبالذات خالد اللي كان متخبل يشوفها لانه من مده ما شافها ..
ساره بعد ما دخلت الصاله الكل سلم عليها لانهم صدق مشتاقيلها وساره كانت مستانسه باستقبالهم ..

ام خالد وهي ماسكه ايدين ساره : وينج يا بنتي صدق لج وحشه .
نوره تغمز لساره : هاي وهي توها مالجه وما تبين ..لو معرسه متى بنشوفج ..
ساره اتضايقت ونزلت راسها وما قالت شي ..
اما خالد فكان معصب والعصبيه مبينه في ملامحه ..
خالد وهو يبتسم لساره : ساره شحالج ..صدق من زمان ما شفناج
ساره بخجل : والله الظروف
ام خالد : لين متى بتمون واقفين تعالو يلسو ..
الكل يلس ونظرات خالد ما ما تفارق ساره ..اما ساره فهي تحاول تتجنب نظراته بس قلبها طبعا يدق بسرعه لان خالد موجود معاهم ..
****
اما فهد فهو استغرب لانه ساره ما تصلت فيه ولا اعتذرت لانها لغت يوم ظهورهم ..واتصل فيها ..
ساره تشوف الرقم ويوم شافت رقم فهد طنشت وخلت الموبايل في الشنطه ..
نوره لا حظت هالشي : ساره ليش ما تردين
ساره بتوتر: ها ..لا ..مب متفيجه ارد
هند بدلع : لا يكون حبيب القلب ريلج وانتي تستحين تكلمينه جدامنا .
ساره انحرجت صدق.
خالد شاف نظرات حقد لهند وبعصبيه : هند بلا حركات
هند خافت من نظراته : شوووووووو انا ما قلت شي ..
نوره مسكت ايدين ساره وسحبتها : ساره تعالي بقولج شي
ساره ونوره قامو من مكانهم: عن اذنكم
خالد يشوف ساره وهو سرحان فيها ومنقهر لانها ضاعت منه ..

نوره وهي بغرفتها بعد ما قعدت ساره .
نوره : ساره بلاج ليش هالحزن كله ..
ساره والحزن مالي عيونها : تعرفين شو فيه
نوره : زين شو صار بملجتكم ..مرت الحينه تقريبا اسبوعين على ملجتكم شو ظهرتو ويا بعض كلمتو بعض ما صار شي
ساره : لا ولا شي ما اكلمه الا مره في اليوم وهو اللي يتصل فيه بعد مب انا
نوره فتحت عيونها : مره وحده بس غريبه
ساره : انا مب متفيجتله اصلا
نوره : بس ما باقي شي على عرسج الا شهر ونص يالله اتجهزي ما باقي شي
ساره : انتي اللي تجهزي ما باقي على عرسج الا اسبوعين ان شاء الله
نوره بتوتر : هي اتصدقين اني ميته خوف وتوتر ما عرف شو اسوي
ساره : شو خلصتي تجهيزاتج
نوره : تقريبا الفستان جهز وباقي اشياء عاديه ..
رن موبايل ساره مره ثانيه وبعد ما ردت لان المتصل هو فهد .
نوره : ساره منو اللي يتصل فيج
ساره ما قالت شي
نوره : فهد صح ؟
ساره : هيه فهد وانا ما ابي ارد عليه والله يخليج لا تقولين ردي عليه وحرام وماعرف شو ..
نوره ماعرفت شو تقول : على راحتج ..
أما فهد معصب على اخر يتصل في ساره وماترد عليه وهو يحليله خايف عليها .
الريم راحت تدور على فهد ولا تشوفه ماسك الموبايل واقف ومعصب ومتوتر ..
الريم وهي مستغربه : فهد شو فيك ؟؟
فهد : اتصل في ساره من الصبح وهي ما ترد عليه اخاف صاير لها شي.واتصل على غرفتها وبيتهم بس محد يرد
الريم : بس ساره محد اصلا
فهد فتح عيونه : محد وين سارت
الريم : راحت بيت خالتها
فهد بعصبيه ويه محمر من القهر: بيتكم خالد ..( بصريخ ) وليش ما تقولي كاني مب ريلها ولازم تقولي
الريم خافت : بس بس اخويه هي ماراحت مكان ...يعني بين الاهل
فهد : بس بعد لازم تقولي شو لا يكون مب معتبرتني زوجها ..
الريم تحاول تهدي فهد : فهد الله يهديك هد اعصابك
فهد يضرب بايده على الوساده : قهر والله قهر ..احس انها ما بتبادلني الحب يالريم
الريم : انت من الينه ومليت
فهد : ماعرف شو اسوي عشان اراضيها
الريم : البنت يا اخوي تحب الكلام الحلو والمعامله الطيبه والاحترام .فهد / والله بعطيها الل يتبى بس هي ماتعطيني فرصه اكلمها ولا اتغزل فيها ولا تباني اظهر وياها كيف تبيني اغيرها كيف ؟
الريم : معلي يا اخوي كل شي بيتم على خير


بعد ما ظهرت ساره من عند نوره ..الكل راح يتعشى في الميلس وساره تبى تدخل الميلس بس شافت خالد واقف في الصاله يترياها
ساره منزله راسها تستحي وتبى تمر ..
خالد بصوت واطي عشان محد يسمعهم : ساره ساره
ساره رفعت راسها وبخجل : هلا يا خالد خير
خالد يصد يمين يسار عشان يشوف اذا حد موجود : شو سويتي عن سالفتنا
ساره : والله ماعرف شواقولك بس انا مثل ما وعدتك والله اني اجافيه بس ماعرف شو اسوي اكثر
خالد : وهو ما عصب ولا قال شي ..
ساره : لا والله هو هادي بس اكيد بيمل ..
خالد وهو يتأمل عيون ساره : ساره حاولي تنفصلين عنه عشانا يا ساره ما اقدر بدونج والله بموت بدونج
ساره استحت ما عرفت شو تقول كل اللي سوته انا راحت عن خالد وقلبها يتالم اكثر وبقلبها تقول ( بحاول اكون جاده وقاسيه عشانك يا خالد )..

...............................

بعد ما قعدت ساره وياهم واستانسو راحت البيت وعلى طول راحت غرفتها لانها كانت تعبانه ..
وهي متسانده على السرير وحاطه ايدينها خلف وتفكر بكلام خالد ..رن تلفون غرفتها وشلت من غير نفس ..
فهد بعصبيه : الحمد لله على السلامه
ساره من غي نفس : الله يسلمك
فهد : ما بغيتي تردين ليش ما تدرين عليه يا انسه ساره
ساره مستغربه من اسلوب فهد : والله كنت مشغوله عند بنات خالتي
فهد : ويعني ما يستوي تردين وبعدين ليش ما قلتيلي انج طلعتي
ساره بجديه : وليش انا ردت مكان غلط ومب لازم اقولك على كل شي انا واعيه واعرف شو اسوي ووين اروح
فهد : بس انا زوجج ومن حقي اعرف طلعاتج حتى لو بيت خالتج
ساره : والله ما اقدر وين ما اروح اتصل فيك اسمحلي ما تعودت
فهد خلاص معصب بس حاول يهدي عمره عشان حبه الكبير : ساره لين متى بتكونين جذي
ساره : والله اذا مصر تباني ترى اوقلك انا مابتغير
فهد :انا لين اخر حياتي ابيج وحتى لو تجافيني راضي بهالشي لاني احـبج .
ساره يالها احساس غريب يمكن لانها سمعت كلمه احبك وصدق استحت ..
فهد : ساره بحاول اسوي المستحيل عشان تحبيني بس انتي عطيني فرصه
ساره تذكرت وعدها لخالد ولازم تكون قاسيه : والله هالشي مب في ايدي.
فهد : الله يهديج يا ساره ويغيرج
ساره : الله يهدي الجميع
فهد : صح تذكرت ساره انتي تبين نحن نعيش في بيتنا ولا ..لان مثل ما تعرفين الريم بروحها ..وانا حاط لج الصاله اللي فوق كلها حقج والريم غرفتها بتكون تحت شو رايج
ساره : عادي عندي ...
فهد : زين وين تبين شهر العسل عشان من الحينه احجز ..
ساره بضيق: ماعرف كيفك ..ولو انتم هني بعد احسن
فهد اتفاجئ وحس بالحزن : ما يستوي شو تبين الناس تقول عنا
فهد : شو رايج نروح فرنسا اسبوع بعدين بلجيكا اسبوع وبعدين مممممممممممم سويسرا اسبوع و النمسا اسبوع
ساره : بل بل شو تبى نسافر شهر مستحيل
فهد : وليش
ساره ادور على حجه : ما اقدر اسافر بعيده عن امي اكثرمن اسبوعين
فهد : خلاص بخليها اسبوعين
ساره : مب وايد
فهد خلاص شوي يبى صدق يتضارب وياها : ساره اسبوعين وايد ..
ساره : خلها تقريبا 10 ايام وبس
فهد : بس ابي اوديج وايد اماكن
ساره : انا شايفه نص اوربا
فهد : خلاص على راحتج
ساره : عن اذنك الحينه بروح انا م
فهد : خلاص حبيتي ..اقدر قولج تصبحين على خير يا اغلى حبيبه بحياتي يا....
ساره تقطع كلامه عشان ما يتغزل فيها اكثر : يالله فهد باي
فهد حس بالاحراج : خلاص مع السلامه

فهد حس باقهر حس كان سجينه تقطع قلبه ويقول لنسه : معقوله يا ساره صرتي قاسيه جذي ...( رافع ايدينه للسماء ) يارب خل ساره تبادلني ولو بجزء من الحب يارب اسعدنا ..

ساره تضايقت من تصرفاتها ويا فهد بس ما في ايدنها اي حل عشان تخلي فهد يمل منها وكانت واثقه انه فهد اكيد بيمل لان محد يقدر يستحمل تصرفاتها ..

محمد طبعا بعده مصر على الريم وهو فرحان لان شيخه راح ترفضه لانها فهمته بس هو يفكر كيف يقنع امه ان شيخه خلاص ما بتكون له وانه مصر على الريم وطبعا اكيد مخطط عدل بعد اسابيع وكله عشان الريم والريم ماتعرف بحب محد الكبير ..

وفي الفطور.
محمد وهو يشوف امه : امايه ..
الام : هلا يا محمد
محمد : ابويه وينه من كم يوم ما شفته
هيفاء بدلع وحقد : زين ما راويتينا صورة خطيبج اللي من الصبح تمدحين فيه ..
هند ماسكه شنطتها وبفرح وبحسن نيه : لا بلى يايبه صورته اصلا ما اقدر ما اشوفه ..
هند وهي تطلع صورة سالم وعطت لهيفاء الحقوده عشان تشوفه وطبعا محد كان غير هيفاء ومنى وزميله وياهم والباقي قاعدين ياكلون ..
هيفاء يوم شافت الصوره استغربت وابتسمت ابتسامة استهزاء ..
هند استغربت من ابتسامتها : بلاج هيفاء شو الصوره فيها شي يضحك
هيفاء وهي حاطه ايدها على شفايفها وباستهزاء هاللي تموتين عليه صدق ما عندج سالفه
منى : ليش شكله مب حلو يعني
هيفاء : اصلا هذا من سنه تقريبا كان يغازلني ويكلمني بعد بس انا ودرته لاني مليت منه ومن كثر ما يجذب ويقص عليه ..
هند حست كان احد طعن بقلبها : شو هاي غشمره يديده يا هيفاء
هيفاء وهي رافعه حواجبها : والله ليش اتغشمر يعني ..كنت اكلمه وهوكان ميت بس عشان يكلمني وانا قلت بكلمه بشوف شو يبى مني ولا اشوف صدق معجب فيه ومتخبل عليه وانا ما ألومه حد يقدر يشوف جمالي وما يتغزل فيه
منى : وانتي ما صدقتي
هيفاء : عدال عاد عليج يا منى ..لا تخليني ارمس تراج مب مقصره تاخذين الهدايه منهم ..
منى استحت وما قالت شي
اما هند فالدموع سالت على ويها وحست بالقهر والضعف وعلى طول اتصلت في الدريول عشان ياخذها ..
منى تحاول تواسيها : هند لا تصيحين اكيد هي تتغشمر
هند وهي تمسح دموعها : اخوي قالي انه راعي سوالف بس ماعرفت لهالدرجه ..خدعني خدعني
منى : لا لا اكيد هو يحبج ..بس عاد لا تصيحين
هند : ابي اروح البيت عشان اتكلم وياه واتفاهم وياه ..



هند بعد ما وصلت البيت على طول راحت غرفتها وهي ميته من الصياح وطبعا شافتها اختها نوره لانها كانت يايه من السوق ..
نوره تدق الباب : هند هند بلاج ليش تصيحين هند فتحي الباب
هند منقهره وهي متسانده على السرير ومغطيه ويها من الصياح ..
نوره : هند شو فيج
هند ما تبى تقول لنوره لين ما تتاكد وعشان محد يشمت فيها : ما فيني شي خليني بروحي
نوره : زين شو فيج

هند بصريخ : نوره الله يخليج قومي عني ..خليني بروحي
نوره استغربت وخافت على اختها العنيده بس عرفت ان هند ماراح تفتح الباب لانها معصبه ..

اما هند فتمت طول الليل تصيح وما قدرت تكلم سالم لانها قررت تكلمه بيوم ثاني وبهدوء اكبر عشان يقدرون يتفاهمون ..
===================================
جزء الاثنان والعشرين





هند بعد ما سمعت كلام هيفاء عن سالم حست بالقهر بالذات لانها واثقه تماما في حب سالم وهي اصلا ما تعرف سالم وسوالفه وتمت طول الوقت تصيح وما تعرف شو تسوي ..

اما فهد مثل ما تعرفون ما قدر ينام الليل هو بعد من القهر اللي فيه ومن جفاء وقسوة حبيبته ساره بس لانه يموت فيها حاول يستحمل ..

***************************


فاليوم الثاني ..
ما ظهرت هند من غرفتها لانها كانت مصدعه من الصياح وقررت تكلم سالم ..

نوره اول ما قامت من النوم راحت غرفة اختها هند لانها خايفه عليها ..وتمت ادق الباب بس هند ما فتحتلها فقالت في نفسها اكيد هند نايمه بعدها .. بس هند واعيه بس هي ما تبى تكلم بهالوقت غير سالم ..

هند وهي تمسح دموعها خذت الموبايل وراحت تتصل في سالم ..
هند وصوتها فيه نبره من الحزن والقهر : الو
سالم : هلا والله بالخطيبه الغاليه وينج من زمان ما سمعت هالصوت الحلو ,..
هند والقهر بقلبها : سالم ابي اقولك شي
سالم تفاجأ من نبرة صوتها ومن جديتها : خير شو صار
هند : سالم ابي اقولك شي بس قولي الصدق مهما كان
سالم في قلبه يقول ( كاني اكتشفت ) : اكيد طبعا وانتي تعرفيني اني صريح ..
هند : انت تعرف وحده اسمها هيفاء
سالم ما يتذكر الاسم من كثر ما عرف بنات : اي هيفاء
هند : هيفاء هي توها مخلصه الثانويه العامه ..
سالم يستعبط : لا ما اعرفها ليش شو صار
هند والدموع بعيونها : يوم روحت عند رباعتي البارحه هي قالت انها تعرفك وانك تعرفها وكنت تغازلها .
سالم توتر وحاول يقص عليها : انا مستحيل ...اصلا انا شو عرفني وهي كيف عرفت اني خطيبج وهي ما شايفتني
هند : راويتها صورتك وعرفتك .. (بعصبيه) انت تعرفها يا سالم
سالم : لا طبعا ما اعرفها هي تتجذب عليج
هند : وهي ليش تتجذب عليه شو مصلحتها اصلا
سالم بدى باللعب : اسمعي حبيبتي ..اول شي انا اعترفت لج اني اعرف بنات قبل بس ممب لهالدرجه وبعدين قلتلج اني ودرتهم كلهم عشانج ..وثانيا شي بنات من الغيره لانج انخطبتي قبلهم يحاولون يدمرون مستقبلج وفرحتج عشان جذي يطلعون اي جذبه ..صدقيني وايد
بنات جذي .. وانتي عاد لا تخلينهم يفرحون بدمار حبنا ..ولا تصدقين غير كلامي
هند ارتاحت : يعني معقوله من الغيره اتيب هالكلام
سالم : انتي اول رباعتج تنخطبين صح
هند : هيه
سالم : شفتي يعني التجربه عليج .وهي منقهره لانج صغيره وانخطبتي قبلها
هند : اكيد يا سالم انت ما تقص عليه
سالم : افا يا حبيبتي تشكين في حبي لج وصراحتي ....وانتي تعرفين اني صريح وايد وما اجذب عليج يا اغلى انسانه والايام بتبين هالشي..
هند للاسف صدقت هالشي وحست بالراحه : يعني الحمد لله طلع كل هالشي جذب وغيره والله انك ريحتني يا سالم
سالم : ابيج يا عمري كل ما تسمعين شي ما تصدقينه الا يوم تكلميني وتسمعين مني عشان ما يكون بينا اي زعل وضيق..
هند والابتسامه على ويها :/ ان شا ءالله ..واسمحلي لاني شكيت فيك مره ثانيه
سالم بخبث: لا عادي يا حبي ..وانا اعرف هذا دليل الحب والغيره
هند : اكيد طبعا ..والحينه عن اذنك بروح عند نوره لانها كانت تحاتيني
سالم :اذنج معاج ..بس لا تقولين عن ربيعتج ..تعرفين اختج يمكن تصدق وتخرب علاقتنا
هند : لا اكيد ما بقول لحد
سالم : يالله عيل مع السلامه
هند وهي مستانسه : مع السلامه

هند حست بالراحه بعد ما سمعت كلام سالم وصدقته طبعا لان كلامه كان معقول وهي تعرف غيره البنات في هالشي بس اللي ما تعرف ان سالم صدق راعي بنات وما تاب عن هالشي ..

هند وهي نازله من غرفتها ومستانسه وتغني ..
نوره في الصاله ويا امها ..نوره فاتحه عيونها مستغربه من فرحة هند لان البارحه هي متضايقه
هند وهي نازله من فول وفرحانه وراحت تحب راس امها ..
هند : صباح الخير يا احلى ام
الام : صباح الخير يا بنتي الغاليه
نوره فاتحه عيونها : انتي تخبلتي ولا شو ..البارحه انتي متضايقه ومسوتلنا سالفه واليوم فرحانه
هند : يعني الانسان ما يتغير بين يوم وليله وانا بنت اليوم
نوره : سبحان مغير الاحوال
هند : المهم يا العروس يالله بعد يومين عرسج ان شاء الله ..ها شو الاخبار عندج
نوره متوتره وايد : وي سكتي انا احاول انسى
هند : لا مفر لهذا اليوم
ساره حست بالاحراج : يا اهلا
فهد : شو اخبار القمر عندنا اليوم
ساره : الحمد لله بخير
فهد : ساره بقولج شي بس قولي تم
ساره : والله حسب الطلب يا فهد
فهد : طلب صغير وعادي واول مره اطلب شي
ساره : والله وايد طلبت اشياء بس انت مب حاسس
(ساره قصدها يوم فهد طلب انها تكون له وتنفصل عن خالد )
فهد ما فهم قصد ساره : شو قصدج
ساره : ولا شي
فهد : المهم أبي اظهر وياج اليوم عشان نتعشى ويا بعض لان نحن ولا مره من يوم ملجنا طلعنا ولا شفتج
ساره : لا ما اقدر اظهر وياك بروحنا
فهد : بس انا ملجة عليج يعني انا اعتبر زوجج مب غريب يا ساره
ساره ادور حجه : هيه اعرف بس امايه ما تخليني اطلع وياك بروحنا
فهد : زين بناخذ الريم ويانا وما بنتاخر بس ساعه وحده على الاقل
ساره : ما اقدر
فهد بحزن : ساره الله يخليج لا تعذبيني اكثر
ساره بخاطرها بعذبك مثل ما عذبتني انا وخالد: ما اقدر
فهد :اذا عن امج بكلمها واكيد بتوافق
ساره ما تبى فهد يكلم امها لان تعرف ان امها بتوافق وبتعصب اذا ساره رفضت لان ام ساره ماتعرف بجفاء وقسوة ساره لفهد وانها مب سعيده بحياتها : لا لا شو تقولها تبى تفضحنا
فهد : لا فضيحه ولا شي
ساره عشان ما تكبر السالفه : زين بنظهر بس ويا الريم
فهد وهو طاير من الفرح : فالج طيب
ساره : وما ابي اتاخر وايد بس ساعه
فهد: اوكي مع ان الساعه الوحده ما تكفي عشان اكحل عيوني بشوفتج بس احسن من ولا شي
ساره بضيق: اوكي عيل بروح اخبر امايه
فهد : خلاص يا حبيبتي الغاليه ..وانا بروح اكلم الريم
ساره : اوكي يالله باي
فهد : بااااااي

فهد كانت فرحته ما توصف راح على طول عند الريم وخبرها والريم تفاجأت لان ساره وافقت ..بس قالت يمكن ان ساره فكرت انها تتغير وكانت الريم فرحانه لسعادة اخوها ووافقت انها اتي وياهم .

اما ساره فراحت عند امها عشان تقولها انها راح تطلع مع فهد ..
ام ساره بغرفتها تقرى الجريده
ساره تدق الباب : امايه يمكن ادخل
الام تصد للباب : تفضلي يا ساره
ساره بابتسامه وقعدت عند امها : امايه
الام : خير يا ساره
ساره بخجل ومنزله راسها : مممممممم اليوم بطلع انا ويا
الام : ويا نوره اكيد
ساره : لا ويا ممممممممممم فهد
الام رفعت حواجبها استغربت لان تعرف ان ساره ما تحب فهد : والله واخيرا ما بغيتو
ساره : يعني انتي موافقه
الام : اكيد يا بنتي انا مب من الاهل اللي وايد متشددين ..وفهد عقد قرانه عليج يعني حلال تظهرين وياه ..بس حد بيكون وياكم
ساره : هيه الريم ويانا
ساره : يعني اذا الريم محد ما بتوافقين
الام : لا مب جذي بس سالت
ساره : هي الريم ويانا وبنظهر اليوم بس ما بنتاخر بس ساعه وحده ..
الام : بحفظ الله ان شاء الله والله يسعدج يا بنتي .
ساره : امين يارب ويخليج لي يا امي الغاليه ..




اما في بيتكم شيخه بنت عم محمد ام محمد اتصلت في ام شيخه عشان تطلب ولدها لبنتها واكيد ام شيخه رحبت في هالشي لان من الصغر هم لبعض بس هم ما يعرفون اللي بقلب كل واحد منهم ..

شيخه وهي قاعده تذاكر دخلت عليها امها .
شيخه تشوف امها سرحانه وكانه في خاطرها شي
شيخه ودرت الكتاب اللي في ايدينها : امايه شو فيج
ام شيخه : ها ولا شي بس ابي اتكلم وياج في سالفه مهمه
شيخه كانها حست ان شي يخصها ويخص محمد وتوترت : خير امايه
الام قعدت عندها : يا بنتي انتي مثل ما تعرفين انج لولد عمج من الصغر فام محمد اتصلت وبغتج لولدها واذا وافقتي راح يكون كل شي رسمي
شيخه منزله راسها ومتضايقه وما تعرف شو تسوي : بس هذا قبل من الطفوله ومحد الحينه يا امايه يفرض الزواج غصب صح
الام : اكيد يا بنتي مستحيل ازوج غصب نحن ما عندنا هالعادات بس ما اعتقد ان محمد شي يعيبه هو ما عليه قصور واخلاقه دوم عاليه والكل يمدح فيه
شيخه : اكيد يا امايه بس مب يعني اذا رفضنا حد يعني يكون فيه عيب ومحمد اكيد ماله عيب ولا قصور
الام : من كلامج كانج رافضه
شيخه عشان ما تنكشف : لا لا مب جذي ..بس انا بصلي استخاره وبشوف ..والاهم انا نكون اهل
الام : اكيد طبعا بس انتي فكري عدل ..ترى ما بتحصلين احسن من محمد ولد عمج
شيخه : ان شاء الله يا امايه انا بفكر عدل
الام : وابوج بفرح بزواجج مع ولد اخوج
شيخه ما قالت شي ..وهي تحاتي ان رفضها يكون نتيجه تففك العايله ..

اما محمد فهو اكثر خوف وتفكير وما كان عليه الا الدعاء..


اما ساره فتلبست مع انها كانت لبسها بسيط لهاليوم لانها ماكانت متفيجه لهالظهره ..بس طبعا لان جمالها طبيعي وهي ما خلت وايد مكياج بس كحلت عيونها وخلت لمعه بسيطه على شفاتها يعني خلت شكلها طبيعي بس كانت قمر ..

اما فهد فما قصر بهاليوم لبس احلى لبس وتكشخ وهو يعدل غترته(شماغ ) دخلت الريم وتشو فهد وهو يعدل عمره جدام المنظره ويغني
فهد وهو يغني ( من قدنا في فرحنا ..من قدنا يا بختنا ..ممممممممممممم )
الريم وهي متكشخه بعد : يا سلام على الصوت الحلو
فهد وهو يبتسم : احم احم
الريم : الصراحه طالع اليوم قمر قمر قمر يا اخوي ..
فهد : اشكرج على المدح يا اختي
الريم : وربي ما اجامل ماشاء الله عليك يا بخت ساره عليك اصلا هي لازم ما تشوف حد ..لان عندنا اوسم واحد في العالم
فهد : اف اف اف وايد تبالغين
الريم : ابالغ شوف البنات كيف يبحلقون ..بس والله انت وساره لو يبتو عيال بتيبون احلى عيال في العالم لان الام حلوه والابو بعد يخبل ..
فهد : كلج ذوق يا اختي وانتي بعد جمالج ملحوظ
الريم : زين يالله بسرعه تاخرنا
فهد وهو قاعد يتسبح بالعطر ..
الريم تكح : اح اح اح ..ذبحتنا بالعطر ..
فهد : احلى يوم عندي لازم اتكشخ ..هاليوم اللي كنت احلم فيه
الريم : عسى الله يسعدك
فهد : تسلمين يا اختي

ان شا الله تستانسوا

[قرموشة]

نااااااااااااااااااااايس ..


وأتريا التكمله ,, ^__^

[دموع العاشقين]

الجزء الثالث والعشرون


وبعد ما ساره وفهد والريم تلبسو وكان فهد بمنته الفرحه لان اول مره ساره تطلع وياه وصدق صدق كان فرحان .. المهم بعد ما وصلو بيتكم ساره اتصل فيها وقالها ترى نحن برع نترياج ساره لبست عباتها وشيلتها وطلعت اما فهد فهو وقف عند سيارته عشان يستقبلها ..
ساره ظهرت وشافت فهد واقف عند سيارته وهو بكامل زينته صدق كان وسيم وريحة العطر فايحه لين بيتهم ..ساره استحت بعد لانها اول مره تطلع ويا واحد ..
فهد بابتسامه : يا سلام شو هالجمال كله يا ساره صدق تخبلين ..
ساره وهي محرجه : وين الريم
فهد : الريم في السياره قلت لها ما تطلع عشان اعرف كيف امدح فيج
ساره تبى تركب وراء ..
فهد مسكها: وين وين
ساره وهي مستغربه : بركب بعد شو
فهد : ركبي جدام ترى انتي مرتي ما يستوي الريم تركب جدام وانتي زوجتي تركبين وراء
ساره بتكبر: يوم بيكون زوجتك نهائيا بعدين بضر اني اركب جدام بس الحينه ابي اركب وراء
فهد بحزن : بس ساره
ساره وهي حاطه ايدينها على بعض : شوف اذا ما تبى عادي مب لازم نطلع
فهد حس بالضيق وايد بس لانه يباها فاستحمل : خلاص عيل ركبي وراء على راحتج
الريم ظهرت من السياره وسلمت على ساره ..
الريم وهي مستغربه : سارروه ما بتركبين جدام
ساره بجديه : لا يالريم انتي ركبي يالله تاخرنا
الريم هرفت قصد ساره وما علقت على شي..
بس فهد ما يفوت شي تم يشوف ساره من المنظره اللي جدام وتم يشوفها وهي ولا تعرف ..
فهد : ساره وين تبينا نروح ؟
ساره من دون خاطر : على كيفكم
فهد : يعني مب في خاطرج مكان معين
ساره لا عادي
الريم : شو رايكم نتعشى برع وبعدين نروووح ممممم
فهد : بعدين نروح صوب البحر يا سلام روعه
الريم : يا حبك يا اخوي للبحر
فهد : سكتي سكتي عادي اكون بحار من حبي للبحر
الريم : ساره تعرفين ان اخويه عشقه وموته البحر
ساره : مبين عشان جذي اول ما فكر يتضارب ويا خالجد اختار البحر .
فهد حس بالضيق لان حتى وهي وياه تفكر بخالد بس ما قال شي..

بعد ما وصلو لافخر واحسن المطاعم في دبي واختار فهد مكان للعوايل ..
اختار مكان عشان يجابل ساره
فهد وهو يالس يتأمل في ملامح ساره ويقول بخاطره : ااااه يا ساره صدق تسحرين القلب قبل العين والله انج قمر
الريم تشوف فهد سرحان بساره وساره منزله راسها .
الريم تدق على الطاوله : ايه ايه فهد شو ما تبى تعشينا ولا يايين بس عشان نتامل ..
فهد ضرب ايد الريم ويقولها بصوت واطي : سكتي فضحتيني
الريم تضحك :هههههههههههه
ساره رفعت راسها : بلاج يا الريم
الريم : ها ...ممم ...ولا شي بس تذكرت شي
فهد : شو تطلبين يا ساره
ساره : على كيفكم
الريم : شو كله على كيفنا وكل مره يوم اتين المطعن تتحرطمين وتتشرطين
ساره : اليوم مب متفيجه
الريم تضحك :هههههههههههه
ساره رفعت راسها : بلاج يا الريم
الريم : ها ...ممم ...ولا شي بس تذكرت شي
فهد : شو تطلبين يا ساره
ساره : على كيفكم
الريم : شو كله على كيفنا وكل مره يوم اتين المطعن تتحرطمين وتتشرطين
ساره : اليوم مب متفيجه
فهد تأكد ان ساره مغصوبه عليه وان لين الحينه ما تكن له اي مشاعر بس ما يقدر يقول اي شي لانه طبعا هو المسؤوول عن كل شي.
فهد : شو رايكم نطلب اكلات بحريه ترى هالمطعم مشهور باكلاته البحريه
الريم: واااااااااااااااااو لذيذ
فهد : ها ساره وافقتي
ساره : انا الصراحه ما احس بيوع بس ابي سلط
فهد بعصبيه : ساره عاد كلي اي شي جاملينا على الاقل
ساره : خلاص ابي اي شي المهم انا ما نتاخر
الريم قلبها عورها على اخوها فهد لانها تاكدت هي بعد ان الحب لين الحينه من طرف واحد وخافت ان ساره ما تسعد اخوها وان اخوها يتم بضيق وحزن طول حياته بس هي طبعاما تقدر تلوم ساره لان تعرف ساره كيف كانت تتمنى ايي اليوم وترتبط بخالد ..

بعد ما تعشو وخلصو .
فهد : الحمد لله صدق الاكل كان لذيذ واللي محلي المكان كله وجود ساره
ساره ما قالت شي يمكن حست بالاحراج
الريم : زين الحينه وين بنروح
ساره: طبعا البيت بعد وين ..؟
فهد : لا ياساره تو الناس بعد الساعه 9 .. بس بنروح البحر بس دقايق وبعدين بوديج اوكي
ساره ما تبى اتم : بس انا وعدت امي اني ما اتاخر
الريم : بس نحن بس كملنا اقل من ساعه يا ساره يعني ما تاخرنا يالله ساره خلا نروح البحر روعه بالذت الحينه الجو روعه
ساره ما قدرت تقول شي: اوكي خلاص
وقبل ما تقوم راح بسرعه فهد وسحب الكرسي بكل ادب عشان تقوم ساره
الريم بابتسامه : يا سلام على الفلم الهندي
ساره ما قدرت تعلق على شي لان فهد بمنتهى الادب والحنان ..

المهم بعد ما طلعو من المطعم راحو البحر المكان المفضل لفهد
فهد والريم وساره واقفين عند البحر
فهد يستنشق الجو وصاك عيونه مستانس
ساره تذكرت خالد على طول لان بهالمكان صارت الضرابه
الريم عشان تخلي ساره وفهد يتكلمون على راحتهم: فهد انا بروح شوي عند هذيج الحرمه
فهد يدور : اي وحده
الرمي : هذيج اللي تبيع المكسرات هناك ..
فهد : الريم يمكن حد من الشباب يمر صوبج
الريم : لا لا تحاتي دقايق وراده
فهد ماعرف قصد الريم : خلاص اوكي بس لا تتاخرين
فهد صد لساره ويبتسم : ساره
ساره صدت لفهد وقلبها تم يدق بسرعه لانها واقفه ويا فهد بروحهم وحست بالاحراج ..
فهد : تعرفين يا ساره انتي مثل شو
ساره : ساكته
فهد : انتي مثل اللولو اللي في البحر
ساره بتعجب : الولو ليش؟
فهد : مب اللؤلؤ في اعماق البحر
ساره : زين وشو يخصني انا
فهد : مثل ما اللولو في اعماق البحر انتي بعد بأعماق قلبي محد يقدر ايي مكانج يا ساره
ساره نزلت راسها واستحت من كلام فهد لان فهد رومانسي وايد واول مره تسمع هالكلام
فهد : ساره انتي غاليه عليه وايد صدقيني والله انج الوحيده اللي حبيتها ..وبحاول اسعدج طول حياتج بس انتي عطبيني فرصه ولا تجافيني
ساره / ما قالت شي.. وتذكرت وعدها لخالد انها تكون قاسيه على فهد وانها ما تضعف ..ولان ساره يمكن لانها ما تحب فهد فهي ما حست بروعه كلام فهد ولو وحده ثانيه اكيد بتفرح ان زوجها يحبها هالحب كله ..
ساره : زين يالله نروح تاخرنا
الريم وصلت: شو تاخرت عليكم
فهد : والله نسيت انج ويانا
الريم: بل بل بل صدق ما تستحي على ويهك نسيت اختك بعد
فهد يضحك..
الريم : ما تنالم والله قول زين ما نسيت عمرك
ساره حست بالاحراج : يالله نروح
فهد : على امرج حبيبتي
الريم رافعها ايدينها للسماء : يارب احصل واحد يحبني مثل حب فهد لساره او جزء من هالحب يارب ..
فهد: والله ما تستحين جدامي وتدعين بعد
الريم : يعني ما اتمنى.

مسكينه الريم ما تعرف ان في واحد متيم في حبها ويسوي المستحيل عشان يرتبط فيها بس هي خبر خير..

بعد ما انتهت الظهره ..فهد كان ميت من الوناسه مع ان ساره ما بادلته بالمشاعر بس كان مستانس لانه قدر يعبر لو شويه عن حبه الكبير لساره ..
اما ساره فيمكن تاكدت ان فهد متيم في حبها بس طبعا ماراح تتنازل عن حبها لخالد ..لان خالد بقلبها من الطفوله.


وياهاليوم اللي الكل ينتظره اللي هو عرس نوره لعبدالله ..الكل كان مستانس لان نوره غاليه على الكل وتستاهل كل خير وسعتدة عبدالله بعد غير لان نوره دخلت خاطره
من البدايه وزاد حبه يوم ملج عليها لان عرف ان نوره تتمتع باجمل الاخلاق..
نوره كانت متوتره وايد وفستانها كان بمنتهى الروعه كان يمتاز بالبساطه بس كان كلاسيك وحلو ومكياجها كان ناعم وكان لونه على درجات الذهبي وكانت حلوه ..وساره طبعا كانت في غايه الجمال لبست الفستان السماوي على الفضي وكان روعه والكل تخبل على العروس وكان يسؤلون عن ساره وكل واحد تمناها لولدها بس زعلو يوم عرفو انها مالجه ..
هند كانت فرحانه لاختها بس يوم شافت عبدالله واقف عندها على الكوشه وهم يتصورون دمعت عيونها لانها عرفت انها بتم وحيده بدون اختها .. صح دايما يتضاربون بس هند متعلقه في اختها لانها الوحيده .. وحتى الام بعد دمعت لان بنتها الكبيره تزوجت والام دايما تعتمد بقرارتها مع نوره لان نوره تفكيرها كان منطقي وافكارها حلوه..والاكثر ساره اللي ما قدرت تمسك عمرها انعزلت عن العرس وراحت تصيح لانها متعلقه وايد ويا نوره لان نوره مب بس بنت خالتها بل اختها بعد لان ساره الوحيده لا عندها اخ ولا اخت فنوره مثل اختها كل ظهراتها واسرارها مع نوره ..ويت الريم تواسي ساره لانها تعرف بمعزة ساره لنوره

انتهى العرس اللي كان فيه الفرحه والحزن على غياب نوره..

اما ساره فتذكرت ان عرسها ما بقى عليه الا اسابيع قليله وهي لين الحينه ما قدرت تخلي فهد يمل منها ولا ينفص عنها مع كل هالجفاء والقساوه..
وخالد بعد متوتر وايد لانه توقع ان ساره بتنفصل عن قريب من فهد بس لين الحينه ما سمع شي وهو قاعد بالصاله وسرحان دخلت امه وتمت تناديه : خالد خالد
خالد صد : خير يا يمه
الام : شو تفكر
خالد : ها مممم ما شي
الام قعدت عند خالد : خالد ابي اقولك شي
خالد : خير يا امايه
الام : مثل ما تعرف ان نوره الله يحفظها عرست الحينه ..
خالد : والقصد؟
الام : يعني انت بعد يا خالد لازم ادورعلى وحده تزوجها
خالد وقف من مكانه بعصبيه : بس اناما افكر بالزواج
الام : ليش يا خالد انت مب صغير نوره اصغر عنك وعرست خالد خالد: بس انا بعدني صغير عمري 23
الام : زين على الاقل اخطب والله ياخالد انا عندي بنت ماشاء الله عليها جمال واخلاق وطيبه وكل شي وهي بنت ربيعتي واعرف كل شي عنها والله يا خالد ما تتعوض واخاف تروح من ايديك
خالد : محد احسن من ساره يمه
الام : طبعا اكيد ساره بنت اختي ما عليه قصور بس هي مالجه خلاص وباقل من شهر ان شاء الله بتعرس
خالد بصعبيه وحزن: امي الله يخليج لا تذكريني
الام : انت بعدك تفكر فيها ..خالد خلاص انسى ساره ساره بتعرس عن قريب
خالد : بس انا مابي غيرها يا يمه ما بي ..وانتي تعرفين كيف كنت احبها من الصغر ولازم تحسين فيه.كنت اتمنى اخلص دراستي بسرعه واشتغل بس عشان اخطبها ويوم خطبتها راحت راحت عني
الام : هذا قضاء الله وقدره ..
خالد: زين امي لا تكلميني عن غيرها خلاص انا مابي غير ساره واذا ساره ما كانت لي ما باخذ غيرها.
ظهر خالد من عند امه وهومتضايق
الام : والله شكله هالجيل تفكيرهم محدود ما اقول غير الله يهيدك يا خالد ويسعدك ..

اما شيخه فهي ادور على حل لمشكلتها ويا محمد تخاف ترفض وعمها ومرت عمها يكرهونها ويتوقعون انها هي اللي رافضه مب محمد اللي يبى وحده ثانيه .. فقررت انها ترد على امها بيوم ثاني لانها بتقولها انها مب مرتاحه لمحمد .. بس هي خايفه من النتايج ..
اما محمد فيدعي ليل ونهار ان الريم تكون من نصيبه ..

خالد قاعد يتصل في محمد وهو كمتضيق: : الو محمد
محمد المكسين روحه يحاتي : الو
خالد : شو اخبارك يا بو جاسم
محمد : ااااااااااه والله متضايق
خالد : افا ليش
محمد : افكر بشيخه بنت عمي كيف بتقنع اهلها برفضها لي واخاف تصير مشاكل في العايله
خالد يضحك مع انه متضايق:هههههههههههههههه
محمد مستغرب: ليش تضحك
خالد: اوني متصل عشان اقولك همومي واشوفك انت روحك عندك هموم
محمد : هي والله صدق نحن ربع بكل شي نفس شي عفان الله ياريت شي حلو بعد
خالد: هي والله
محمد : هاشو اخبار ساره
خالد: ماعرف والله ما بقى على عرسها شي والله اني احاتي
محمد : من شو تحاتي
خالد: اخاف نستني وحبت فهد
محمد : لا ما اعتقد انها تنساك بهالسهوله انت ما تقول انن حبكم متبادل
خالد: هي بس خايف.. والله بموت اذا راحت من ايدي
محمد : والله حاس فيك اصعب على الشخص انه يفقد اللي يحبه وبالذات اذا كان الحب متبادل صدق الله يعينكم
خالد: الله يعيني
محمد : اتصل فيها وسالها
خالد: في شو
محمد : اتصل وشوف شو سوت عن فهد وهل مصر عليها
خالد: تتوقع بترضى اتصالي
محمد : للضوره زين
خالد : فكره بتصل فيها روحي مشتاق لها
محمد : انا ما قلت اتغزل فيها وتفضحنا بس اسالها وبند من عندها انت عاد ما تنعطى ويه
خالد: ههههههههههههه شو اسوي احبها
محمد : صدق يوم قالو ان الحب يجنن الشخص
خالد: عيل بتصل فيها الحينه وبسالها
محمد : خلاص اوكي يالله باي
خالد: باي

نوره وعبدالله كانو في استراليا والجو كان روعه وسعادتهم ما توصف كل واحد يعبر عن شعوره من اول ما شافو بعض بس نوره كانت متضايقه لانها تذكرت اهلها وهي اشتاقتلهم مع انها ما كملت الى يومين من سفرتها ..

اما هند فهي مثل ما هي تموت في سالم وهم يقرروون متى يكون ملجتهم .. اما هند فزادت علاقتها مع منى بالذات لان نوره محد وهي لين الحينه ما تعرف ان منى انسانه ماتعرف الدين ولا الاخلاق..
وبعد ماظهرت ساره وفهد والريم .. ساره راحت وغيرت ملابسها وهي تقول في خاطرها : معقوله ان فهد يحبني لهالدرجه والله ما توقعت .. والا وشوي موبايلها يرن وكان المتصل ؟؟..
ساره : الو
خالد بكل شوق : هلا بحبيبتي البعيده
ساره وهي متوتره : خالد
خالد/: ايه خالد شو لا يكون نسيتيني
ساره : انت تعرف يا خالد اني مستحيل انساك
خالد : فديتج والله
ساره استحت : خالد عاد
خالد: اوووه سوري نسيت عمري والله
ساره :خير يا خالد
خالد : حبيت اسال شو سويتي ويا فهد ان شاء الله بيودرج
ساره : مب بهالسوله ياخالد
خالد بعصبيه : بس ما بقى على عرسج الا شهر ..
ساره بضيق: والله اني حاولت اغير طبايعي وصفاتي واكون قاسيه عليه بس هو بعده مصر
خالد : خلاص ساره ما شي الا ارو ح عنده واتفاهم وياه او بالطيب او بالشده .
ساره مسكت قلبها: لا لا ياخالد..الله يخليك لا تروح عنده
خالد: انزين ليش
ساره : اخاف يسويلك شي وتكبر السالفه ..انت نسيت ان فهد عصبي وما يحس باللي يسويه
خالد : خلا يذبحني على الاقل احسن من العيشه بدونج ..
ساره : لا باسم الله عليك لا تقول جذي يا خالد.. لا تعور قلبي اكثر
وتمت ساره تصيح لانها هي السبب في عذاب اعز انسان عندها ..
خالد قلبه تقطع على صياح ساره : ساره حبيبتي ليش تصيحين
ساره : اصيح لاني السبب في عذابك واصيح لانا صعب نكون لبعض ولان احلامنا كلها تبخرت
خالد : انتي مب السبب في شي هذا النذل فهد هو السبب ..بس انتي لا تصيحين عشاني
ساره وهي تمسح دموعها : اوكي يا خالد بس عشان خاطري لا تروح عند فهد
خالد : خلاص عشانج ما بروح
ساره : توعدني
خالد : اوعدج يا ساره بس اهم شي ما ابي اشوف دمعتج .
ساره : اوكي يا خالد بخليك الحينه
خالد : اوكي حبيبتي الله يخليج لا تنسين وعدنا وحاولي قد ما تقدرين انج تجافينه
ساره : عشانك مستعده اكون قاسيه القلب
خالد : تسليمين يا اعز انسانه ..اوكي يالله تصبحين على خير
ساره : وانته من اهله

خالد للاسف مستحيل يخلي ساره تذكر بروعة احساس فهد لانه دومه يذكرها بالوعد وذكرياتهم الماضيه وهالشي يخلي ساره تنسى كلام وحب فهد لها..

اما خالد فطمن شويه لان عرف ان ساره مازالت تحبه..وكان عنده ولو امل بسيط ان ساره تكون له في يوم من الايام ..

اما فهد ..فمكسين صدق فهد اول مارد راح غرفته وهو يتامل القمر ويقول في نفسه : انتي يا ساره القمر اللي بحياتي كلها وانتي النور اللي بقلبي والله احبج يا ساره بس ماعرف متى بتبادليني بهالشعور متى ؟.

***************

ساره ام ساره راحت غرفه ساره وشافت ساره ترتب غرفتها ..
ام ساره / ها يمه وصلتي ماشاء الله
ساره راحت تحب راس امها : هي امايه وصلت توني
ام ساره : ها..شو كانت الظهره اليوم ان شاء الله استانستي..
ساره تحاول تخبي اللي بقلبها: هي الحمد لله
ام ساره وهي تحاول تذكر : ممممممممممممم..شو كنت بقولج ..
ساره : خير يا امايه
ام ساره : هي تذكرت اتصلي في فهد وقوليله امي تعزمك على الغداء باجر
ساره بضيق: لا امايه شو
ام ساره استغربت : ليش في وحده ما تبى ريلها يتغدى عندهم .
ساره : بس اليوم شفته انا
ام ساره : وشو يعني ..وبعدين يا ساره انا ولا مره عزمته فضيحه مب حلوه في حقنا يا بنتي
ساره : زين خليها على العشاء مب احسن
ام ساره : خلاص على راحتج بس انتي اتصلي فيه الحينه وقوليله امي تعزمك ..
ساره : الحينه يا امي
ام ساره مستغربه : سارووووه بلاج ..هي الحينه عيل متى ؟
ساره وهي منقهره: زين على امرج الحينه بتصل فيه
ام ساره : زين عيل بخليج بس قوليلي اذا بيي ولا لاء
ساره من غير نفس : اكيد بييه
ساره خذت موبايها اتصلت فيه وهي منقهره لانها ماتبى تكلم فهد ولا تشوفه .
فهد وسرحان ويفكر بساره راح يشوف منو المتصل ولا يشوف رقم ساره استانس وايد وهو مبتسم : يا هلا براعيت هالصوت والله
ساره من غير نفس : اهلا فيك
فهد : تصدقين ساره هاي اول مره تتصلين فيها كل مره انا اللي اتصل
ساره :هالمره ابي اقولك شي
فهد : قولي اللي تبينه ولو تطلبين عيوني ما ترخصلج يا بعد عمري
ساره صدق استحت من كلام فهد / : فهد خلني ارمس
فهد: شو اسوي ما اقدر اسمع هالصوت وما اقدر اعبر
ساره : اقول ولا
فهد خلاص خلاص قولي
ساره : امي عازمتنك على العشاء باجر
فهد : باجر ..ممممممممم ..مع اني معزوم ويا ربعي باجر
ساره : اذا ما تقدر عادي ..اليوم اللي عقبه
فهد : لا ما يصير ارفض طلب امج مب حلوه وبعدين نفاذ ربعي وكل حد الاهم اني اشوفج ..
ساره : اليوم شفتني شو نسيت
فهد : اانا لو اشوفج كل لحظه ما بمل من شوفتج والله ..
ساره تحاول تغير السالفه : يعني بتي باجر
فهد : ان شاء الله..
ساره : زين عيل برح اقول حق الوالده اوكي
فهد : خلاص حبيبتي يالله تصبحين على خير يا زوجتي الغاليه.
ساره بضيق: وانته من اهله يالله باي
فهد :مع السلامه ..


فهد كان مستانس وايج لانه بيشوف ساره ..
اما ساره فالعكس كانت متضايقه لانها بتشوفه ...


خالد كان في خاطره ان يشوف ساره وانها تتعشى وياهم فراح عند هند لان نوره كاتمة اسراره مسافره فراح عند هند
وشاف هند تلعب في موباليها .
خالد دخل على هند بعد ما دق الباب : هند
هند مستغربه لان خالد نادر ما ايي غرفتها
خالد يلس عند هند : هند شخبارج
هند رافعه حواجبها مستغربه : بخير..
خالد مايعرف كيف يرمس
هند : خير يا خالد شو بغيت تقول.
خالد : الصراحه ابيج يا هند تتصلين في ساره وتعزمينهاباجر على العشاء في بيتنا
هند : بس انا علاقتي مب وايد وياساره وانت تعرف هالشي.
خالد : والله اللي اعرفه انها بنت خالتج بعد يالله اتصلي ولا تردين اخوج.. بس لا تقولين اني قلت لج زين
هند : وانت يا حظي ليش ما تتصل فيها
خالد : ما يستوي انا اللي اعزمها وبعدين اكيد بترفض يالله هند بلا دلع
هند : زين

هند اتصلت في ساره وعزمتها بس ساره اعتذرت لانهم عازمين فهد ..
خالد : ها شو قالت ان شاء الله وافقت
هند باستهزاء : لا
خالد بعصبيه : لييييييييش
هند بدلع : لانهم عازمين حبيب القلب
خالد : منو
هند : منو بعد اقولك حبيب القلب فهد

خالد عصب وطلع من الغرفه وعلى طول خذ موبايله واتصل في ساره

خالد بعصبيه : ماشاء الله عليج ساره كيف تبين فهد يمل منج وانتي تعزمينه عندكم
ساره مستغربه: شو فيك يا خالد شو تقصد
خالد : شو اقصد بعد عازمين فهد عندكم وتبينه يتضايق منج ويودرج
ساره : والله العظيم مب انا اللي ابي اعزمه امايه اللي قالت اعزميه لان ولا مره عازمينه
خالد : والله صدق قهر بس انا براويه
ساره بخوف : شو بتسوي يا خالد
خالد : ولا شي لا تخافين بس يمكن اطلب منج طلب
ساره : اكيد يا خالد انت آمر
خالد : ابيج اول ما تعرفين ان فهد في الدرب عندكم تتصلين فيه مس كول او اطرشيلي مسج المهم ابي اعرف
ساره : وليش تبى تعرف
خالد : بعدين بتعرفين
ساره : خالد انت وعدتني انك ما تسويله شي
خالد : والله ما بأذيه بس انتي سوي الله قلت عليج عشان خاطري
ساره : خلاص عشانك بسوي اي شي
خالد : تسلمين حبي يالله مع السلامه
ساره وهي بعدها مستغربه : بحفظ الله

ساره لين الحينه ما تعرف شو قصد خالد ..


وفي اليوم الثاني ...( وفي استراليا )
عبدالله ونوره طبعا لين الحينه في شهر العسل
عبدالله وفي ايديه ورده حمراء وراح عند نوره وهي نايمه وحطاها على ويها ..
نوره حست ان في شي على ويها واروحت ريحه حلوه ويوم فتحت عيونها ولا تشوف عبدالله وهو ماسك الورده الحمراء ..
عبدالله بابتسامه : صباح الخير يا احلى نوره
نوره بخجل : صباح النور يا احلى عبدالله
عبدالله : يالله قومي يا كسوله الوقت تاخر
نوره : ليش وين بنروح اليوم
عبدالله : والله لين الحينه ما ادري بس بشوف دفتر السياحه وبنختار احلى الاماكن وبعدين بوديج السوق اعرف ان الحريم يموتون على السوق
نوره : هههههههههههههههههههههه . هي والله ابي اشتري حق امي فديتها واخويه واختي وساره الغاليه
عبدالله : ما خليتي حد ولا بعد ما قالت حق ريلي العزيز
نوره : ههههههههههههه ..تراك موجود ويايه
عبدالله : زين زين يالله قومي حبيبتي عشان ما نتاخر
نوره بخجل :على امرك يالغالي

عبدالله ونوره سعادتهم ما توصف لانهم ماخذين بعض عن قناعه وعن حب


ام خالد بعد ما يالها اتصال راحت عند هند
الام : هند يمه بقولج شي
هند وهي تسحي شعرها : نعم امي
الام : البارحه بنت جارنا اتصلت فيه بس انا نسيت اقولج
هند : شو تبى
الام : تباج حق ولدها
هند فتحت عيونها : امي شو هي ما تعرف اني مخطوبه
الام : لا ما كنت تعرف انا قلت لها بس تصدقين يا هند اتمنى تاخذين ولدها ماشاء الله عليه ملتزم ومحترم وماعليه اي قصور وهم عايله وايد محترمه
هند بعصبيه : بس يا امي انا مخطوبه شو نسيتي..
الام :لا ما نسيت بس بعدج مخطوبه يستوي تاخذين غيره وبالذات اذا هالشخص احسن عن سالم اللي نعرف انه عنده سوابق واخاف يعذبج يا بنتي
هند : لا تخافين يا امايه انا بكون اسعد انسانه وما ابي غير سالم وانا مرتاحتله وخلاص
الام : زين وهو متى بيي بيملج عليح ولا مستانس بالخطوبه الطويله ترى نحن ما نحب الخطوبه الطويله ..
هند : بيي ان شاء الله عن قريب
الام : يعني مصره على كلامج ما تبين ولد جارتنا
هند : هي يا امي ما ابيه ولا ابي غيره ..انا مقتنعه في خطيبي ومرتاحتله
الام وهي مب مرتاحه لسالم : ما اقدر اغصبج على شي بس اتمنى لج السعاده يا بنتي
هند : ان شاء الله بكون اسعد انسانه
الام وهي ترفع ايدينها للسماء : امين
اما شيخه ومحد فحالتهم حاله شيخه خايفه تقول انها رافضه محد تخاف عمها يكرها وتصيرمشاكل ويتحرون انها هي الرافضه وما يعرفون ان محمد في باله وحده ثانيه ..
محمد وايد يحاتي حاول يتصل في شيخه بس موبايلها كله مغلق فقرر يتصل بعدين ..

وجريب المساء ساره فاتحه خزانتها وكانت تختار اللبس لان فهد بيي
وامها معاها
ساره : والله يا امي ما اعرف شو البس
الام : اونج مهتمه
ساره : لا مب جذي بس ما احب البس اي شي حتى لو الشخص ما يهمني
الام صدت لساره : شو ما يهمج شو قصدج
ساره خافت تنتفضح : ها ....لا مب قصدي شي ..اسولف وياج
الام : لبسي بدله بدل من المغربي نوعي يعني شو رايج
ساره : مممممممممم ..هي والله مليت من المغربي خلاص بلبس البدله السماويه
الا : هي وايد حلوه
بعد ماساره تكشخت واتلبست وحطت مكياج وايد خفيف ولبست شيلتها
الام بعد اتلبست وراحت عند ساره واستغربت : ساره
ساره وهي تعدل شيلتها : هلا يمه
الام : ليش مغطيه شعرج ..شو نسيتي انه محرم علينا عادي تطلعين شعرج
ساره : هي بس استحي ما عرف بس بطلع شوي من قصتي يعني شوي من جدام
الام : اونه عاد ساروووننه تستحي
ساره بابتسامه : ليش ما عندي احساس يعني
الام : لا فديتج زين يالله ترى الريال في الدرب خلا ننزل ..اقول يبتي البخور
ساره : اوووووووووه لازم يعني
الام : هي طبعا ييبي البخور ودخني الميلس
ساره: ان شاء الله يمه

وتذكرت ساره ان لازم تتصل في خالد..فاتصلت فيه وقالتله وهي ماتعرف شو يباه خالد ..

والساعه 8 ياي فهد وبالاستقبال طبعا ام ساره وساره اللي كانت قمر حتى وهي مغطيه شوي من شعرها ..وفهد دخل وسلم على ام ساره وطبعا استغل الموقف يعرف ان ساره ما تقدر تقوله شي لان امها موجوده فمد ايده لساره
ساره طبعا ما قدرت ما تسلم عليه لان امها بتشك فاضطرت انها تسلم عليه باليد .
فهد مستانس وما هد ايدينها وحس باحساس غريب لاول مره من يوم ما ملجو يلمسها وهو قاعد بس يتامل بملامحها وساره تحاول تنزل ايدها من ايد فهد بس ما تقدر لان فهد ماسك ايدها بالحيل ..

الام وهي تاشر على الغنفات : تفضل يا ولدي اقعد لين متى بتم واقف
فهد اونه استحى : دام فضلج يا عمتي
الام : ساره قعدي ويا ريلج لين ما ايي
ساره وهي منقهره : ان شاء الله
فهد قاعد على الغنفه وساره على الغنفه الثانيه وهو مستانس وبس يتامل في ملامحها الحلوه ..
فهد : شحالج يا ساره
ساره : بخير
فهد : اتصدقين اشتقتلج
ساره : البارحه شفتني واليوم اشتقتلي
فهد : القلب ما يمل من شوفتج ..ووده يشوفج كل ثانيه
ساره ما علقت على شي..

وبعد ما فهد شرب البارد وقعدو شوي ياي وقت العشاء

الام : تفضل يا ولدي
قام فهد وساره والام على طاولة الطعام وساره كانت مجابله فهد ..وهم ياكلون ويسولفون ولا حد دق الجرس ..

الام : غريبه منو ياي الحينه
ساره قلبها دق عرفت انه خالد ..
الخدامه فتحت الباب ولا دخل خالد ..
خالد : السلام عليكم
ساره انصدمت وما قالت شي
والصدمه الاكبر لفهد اللي تم يشوفه بنظرات حقد وغيره ويشوفه من فوق لتحت ..
راحت الام سلمت على خالد وخالد راح سلم على فهد اللي ميت من القهر ..
والحينه دور ساره وخالد متعمد يقهر فهد اليوم ..
ساره منزله راسها ومتوتره .
خالد وهو يشوف ساره بابتسامه كلها حب : اشحالج يا بنت خالتي
ساره تبلع ريجها: الحمد لله ..وانت اشحالك
خالد : بخير مدام شفتج وشفت عمتي طبعا
وفهد يشوفه باحتقار ومنقهر
الام تفضل اقعد تعشى ويانا ..
خالد بعد ما قعد ..: هو الصراحه انا ياي بس عشان اسلم بس معلي بقعد دقايق وبروح ..(وهو يشوف ساره)تراني اشتقت للقعده وياكم
سار ه منزله راسها ومتوتره على اللي بيصير؟
اما فهد وهو بس يشوف خالد باحتقار
خالد : اقول فهد
فهد بعصبيه : نعم
خالد : متى عرسك
فهد : بعد اسابيع يعني قريب وايد
خالد : هي ان شاء الله على خير يعني بنت خالتي بتروح عنا ...المشكله تعودنا على شوفتها بس معلي بنشوفها عن قريب مع ان اصعب عليه ان ايي بيت عمتي وما اشوفها بس شو نقول
فهد خلاص وصل حده شوي يباه يضربه ..
خالد صد لساره : ساره
ساره بتوتر : ...ن...نعم
خالد : اتصدقين يا بنت خالتي عيني عليج بارده اليوم محلوه اطيرين العقل شو هالجمال والاناقه الصراحه تسحرين الواحد اللي يشوفج غصبن عليه ما ينساج ويتخيلج كل لحظه ..
فهد قام من مكانه : خالد انت ما تستحي على ويهك شو نسيت ساره معرسه
خالد قاعد وباستهزاء : لا ما نسيت بس انا ما قلت شي
فهد معصب: هذا كله وما قلت شي من الصبح قاعد تمدح فيها ما بقى لا تكتب بيت شعر
خالد يضحك باستهزاء : ليش قلت شي يديد ..اصلا منو قال اني ما كتبت عليها بيت شعر
فهد يبى يروح عنده عشان يتضارب وياه
الام مسكت فهد : فهد صل على النبي شو فيكم عيب عليكم
فهد يصد لعمته : ما تشوفين يا عمتي شو يقول هو اصلا اللي ما يستحي على ويه
خالد : اللي ما يستحي هو انت اللي فرقت قلبين
فهد :ادري انك منقهر لان ساره بتكون ويايه وبتكون شريكة حياتي غصبن عليك
خالد حس بالغيره : شو فايده بتكون وياك وقلبها ويايه انا وبس
فهد صد لساره اللي مادافعت عن فهد ولا قالت شي
ساره ما تقدر تقول شي بس هي حاطه ايدها على قلبها تخاف يصير شي
الام : خالد يمه الله يخليك اسكت عن السالفه
خالد قام من مكانه : انا بروح يا عمتي وان شاء الله بيي بايام ثانيه بس حبيت اوضح ان مب بزواجه يقدر يمتلك قلب ساره ..وان الحب بيكون من طرف واحد ..(خالد شاف فهد باحتقار ) ..وبنشوف منو اللي بيندم بالنهايه

وبعد ماراح خالد ...فهد ما قدر يملك اعصابه وهو مسك غترته ( شماغ ) عن اذنج يا عمتي بروح البيت
الام : بس انت ما كليت شي يا ولدي
فهد والله شبعت مشكوره على كل شي وان شاء الله بييلكم مره ثانيه والسموحه
را ح فهد وهو متضايق اكثر شي لان ساره قعدت ولا دافعت عنه ولا علقت على كلام خالد اللي وضح له ان صدق كلام خالد .. اللي بين ان في قلبها بس اسم واحد وهو خالد.

الام / : والله فضحنا خالد ابي اعرف هو شو عرفه ان فهد هني ( تصد لساره ) انتي قلتيله
ساره بتوتر : هه...ها ..لا لا ما قلت شي
الام : فضحنا الله يهديه

ساره ارتاحت ان ماصار شي اكبر لانها خافت ان السالفه تكبر وتضايقت بعد لان كل اللي يصير هي السبب فيه ..

اما خالد فبرد قلبه شوي واستانس لانه قدر يقهر فهد ويبين له ان ساره في قلبها بس خالد ..

اما فهد فراح مسرع بسيارته وهو منقهر على كلام خالد

===================================

الجزء 24

وبعد ظهور فهد من عند ساره وهو زعلان ومتضايق من اللي سواه خالد وطبعا فهد اللي قاهرنه اكثر ان ساره كانت هاديه ولا ردت على كلام خالد وهاللي اكدله ان ساره بعدها متعلقه بخالد ..

فهد رد البيت وهو معصب اما الريم فقاعده تشوف تلفزيون وفي ايدنها مكسرات ويحليلها مندمجه في الفلم ولا فجاه يدخل فهد البيت ويبند الباب بالحيل والريم من الخوف نقزت وشافت فهد معصب وحواجبه شوي بيوصولن لعيونه من العصبيه وراح على طول فهد فوق في غرفته بدون سلام ولا كلام والريم ولا قالت شي بس فاتحه عيونها مستغربه من فهد

والريم ما قدرت تتريه اكثر على طول راحت غرفته ولا تدق الباب وفهد ما يرد ..
الريم وهي واقفه عند باب غرفته : فهد اخويه شو بلاك
فهد ساكت
الريم بعدها تدق الباب : فهد الله يخليك رد عليه
فهد بعصبيه : الريم الله يخليج روحي الحينه تراني مب متفيج لحد
الريم : زين انا مب اي حد انا اختك فهد عشان خاطري افتح الباب
فهد طبعا ما يقدر يرد اخته الريم الغاليه عليه ..فتح الباب
الريم شافت حزن فهد وقهره
الريم بعد ما دخلت وهي تشوف فهد : خير شو صار
فهد وهي يمشي في غرفته يمين ويسار وماسك ايدينه من العصبيه : هالحقير هالنذل
الريم : منو
فهد : في حد غيره خالد طبعا
الريم : ليش شو صار
فهد : تخيلي انا رايح بيتكم ساره ولا فجاه دخل وقعد يقهرني ويتغزل بساره وجدامي
الريم مستغربه من الموقف: والله؟
فهد : واللي قاهرني اكثر يالريم ( نزل عيونه والحزن بنبرة صوته ) ولا ساره ولا علقت على شي كانه عايبنها الموقف
الريم : شو تباها تقول يا اخويه اكيد هي متفاجاه مثلك
فهد : على الاقل يالريم لو سكتت خالد او علقت على كلامه عشان احس اني غالي عندها او ان كلام خالد مب صح
الريم : ماعرف شو اقولك يا فهد بس انت تعرف ساره وطبعها
فهد : لين متى بتم جذي
الريم وهي تبلع ريجها : شوف يا اخوي بقولك شي اذا انت ما تقدر على العذاب لا تاخذها
فهد صد للريم وفتح عيونه : شو تقولين ما اخذها انتي نسيتي ان ساره نبض قلبي وبدونها انا بموت
الريم : باسم الله عليك يا اخويه ..بس اخاف ما تستانس بحياتك
فهد : شو اسوي بصبر ... ما اقدر اسوي شي وبدعي ليل ونهار ان الله يلين قلبها
الرريم : امين
فهد طلع من غرفته ونسى موبايله
الريم : فهد ..موبايك
فهد : اغلقي موبايلي وخليه عندج ما ابيه
الريم مستغربه لان فهد دومه يتصل قبل ما ينام في ساره وهالمره ما يبى موبايله وعرفت ان فهد صدق منقهر ومتضايق
الريم وهي تكلم عمرها : الله يعينك يا فهد ويسعدك ان شاء الله


اما ساره فقبل ما تنام شافت موبايلها ما شي مس كول من فهد ولا شي مب لانها مشتاقتله ولا تعودت على سماع صوته بس استغربت لان فهد دومه يتصل فيها الا هالمره وعرفت ان فهد واصل حده
وقالت في خاطرها : يمكن من حركة خالد فهد يقرر ان ينفصل عني والدليل انه ما اتصل فيه
في اليوم الثاني
فهد قام من رقاده وحس بالضيق يمكن لانه تعود على سماع صوت ساره قبل ما ينام ..فهد قلبه وايد كبير ومن كثر حبه لساره ينسى نزواتها وقرر يتصل فيها بعد ما يفطر

في اســـتــراليا
نوره وعبدالله نزلو عشان يفطرون في الفندق
نوره وهي تشرب العصير: تصدق حبيبي اني اشتقت لاهلي وايد
عبدالله : يالله ما بقى شي الا وتشوفينهم
نوره : الايام بسرعه مرت
عبدالله : دايما الايام الحلوه تمر بسرعه
نوره : هي والله ..يعني بعد اسبوع ان شاء الله بنرد .
عبدالله : ان شاء الله ..وبنرد مع ايامنا الحلوه اللي قضيناها ويا بعض
نوره : صدق كانت اسعد ايام عمري
عبدالله :ان شاء الله ايامنا تكون حلوه مب بس في شهر العسل ان شاء الله في كل حياتنا
نوره : اخاف بعد ما نرد تنسى كل شي.. ترى اغلبية الشباب جذي يملون بسرعه
عبدالله : افا والله .. تتوقعين انا من هالنوع انا اضحي بعمري عشانج ولا ارضى على حزنج واشتري سعادتج وهذا كله وتقولين انا بمل منج مستحيل
نوره ابتسمت ابتسامه خجل وفرح بنفس الوقت ودعت ربها ان سعادتنا ما تنقطع والحب يكون دايم


هند وتكلم امها وخالد قاعد وياهم ..
هند : اقول ما بجى شي على رجوع نوره
الام : قولي ان شاء الله
هند : ان شاء الله
خالد: صدق اشتقت لنوره البيت بدونها ظلمه
هند تشوف خالد باحتقار : ليش وانا مب ماليه عينك
خالد : لا ماليه عيني بس مستحيل اتين مثل نوره
هند وهي معصبه : دومك جذي دفش في الكلام ما عندك كلام حلو تقوله
خالد: والله الكلام الحلو حق اللي يستاهلونه مب انتي
هند ومنو هاي تعيسة الحظ قصدي سعيدة الحظ
خالد : انتي ما يخصج
هند : امايه قولي حق خالد خلا ما يلعوزني
الام : اوووهووو ما ادري متى بتيوزون عن الضرابه
خالد : هاي بنتج المتكبره ( وهو رافع ايدينه في السماء ) يارب ايلج واحد ويخليج تنسين الدلع والتكبر
هند باستهزاء ودلع : هه هه حبيبي ريلي بيدلعني وبيخليني ملكه
خالد : هي ملكه الميانين
الام تضحك : هههههههههه ضحكتني والله يا خالد
هند : والله شوفو هذا بدل ما تدافع عني ..
خالد : حبيبتي دافعي عن عمرج
خالد قام من مكانه : يالله عن اذنكم بروح ويا ربيعي محمد
الام : الله يحفظك يا خالد

خالد ظهر ويا محمد لانه من زمان ما ظهر وياه


اما في عائلة شيخه ..
شيخه كانت في غرفتها وهي وايد تحاتي لانها ما تعرف شو تقول حق امها وكيف ترفض محمد وتخاف على المشاكل ..
ام شيخه : هلا ببنتي بلاج سرحانه
شيخه قامت من مكانها : هلا امايه تفضلي
شيخه : شوفي يا شيخه تراني يايه اسالج عن ردج لزواجج عن محمد ترى كملتي اكثر عن اسبوع ها شو قلتي ترى مرت عمج دومها تتصل .
شيخه والتوتر بملامحها وبتردد : انا فكرت في الموضوع وصليت استخاره والصراحه مممم
الام : شو اكيد موافقه
شيخه وهي منزله راسها : لا يا امايه مب موافقه
الام انصدمت وفتحت عيونها : شوووووووووو وليش
شيخه : صليت استخاره وما ارتحت
الام : كيف ما ارتحتي محمد انسان خلوق وملتزم وبعيد عن الحركات يعني مب مثل باجي الشباب والله يا بنتي ما يتعوض
شيخه : زين بس مب مرتاحتله


************ ( هاللي نسيت انزله لكم )
الام : شيخه الله يخليج لا تفضحينا
شيخه : ما اقدر ما اقدر
شيخه ما قدرت تستحمل اكثر هي منقهره لان الام ما تعرف ان محمد ما يباها ويبى انسانه ثانيه ولو عاشت وياه بتنظلم وايد وما بتحس بالسعاده فتمت تصيح ..وكسرت خاطر امها
الام قلبها عورها على بنتها : شيخه فديتج لا تصيحين
شيخه والدموع بعيونها: الله يخليج امايه لا تغصبيني على شي انا مب مرتاحتله اذا تبين سعادتي صدق لا تغصبيني
الام : خلاص يا شيخه ما بغصبج والزواج قسمه ونصيب اهم شي عندي سعادتج وراحتج حتى لو كان على حساب الحساسيه اللي بتكون بينا وبين ام محمد ..

طبعا ام شيخه ما قدرت تشوف دمعه شيخه وعرفت ان شيخه صدق ما تباه وهي مب مرتاحتله بس هي خايفه كيف بتقول حق ام محمد اللي من هم صغار وقايلين حق بعض وطبعا هاي مشكلة اكثر العوايل ..


فهد ما قدر يستحمل اكثر لان البارحه ما سمع صوت ساره وعلى طول خذ الموبايل واتصل فيها
ساره على اللابتوب وقاعده تكلم رباعتها عالسمنجر ولا تشوف رقم فهد استغربت وايد توقعت ان فهد زعلان وما بيكلمها
ساره بدون نفس كالعاده : الو
فهد : هلا باللي سكنت قلبي وعقلي بدون استئذان
ساره : هلا بيك
فهد : اشحالج حبيبتي
ساره مستغربه فهد مب معصب توقعت ان فهد بيعصب عليها
فهد : بلاج ساره
ساره : هه لا لا ما في شي
فهد : شو رايج حبيبتي نطلع اليوم برع ونتكلم عن زواجنا لان ما بقى الا 3 اسابيع على زواجنا ان شاء الله
ساره : اسمحلي ما اقدر لا تنسى ان العروس اذا قرب يوم زواجها ما تطلع عشان شكلها اونها يتغير
فهد: اييييييييييه على هالخرابيط انا ما يهمني
ساره : بس انا يهمني وبعدين انا بعدني ما تجهزت وباقيلي وايد اشاياء ما اشتريته يعني وايد مشغوله
فهد : زين كيف اتفاهم وياج يعني
ساره : بالتلفون شو تبى قول
فهد : مممممممممممممممم شو نسوي بعد زين بالنسبه للبيت شو عادي عندج نسكن في بيتنا لان الريم بتم بروحها حرام وبخلي الطابق الاول كله لج وبنغير الاثاث وتحت حق الريم عشان تحسين بالاستقلاليه شو رايج
ساره : عادي عندي
فهد : زين والاثاث مب لازم نروح ويا بعض نختار ترى كل المعاريس جذي يسوون
ساره : انت اختار ولا ذوقك مب حلو
فهد : لا افا عليج انا ذويق بس يعني لو رحنا ويا بعض
ساره : قلتلك ما اقدر
فهد: خلاص اوكي وبالنسبه لشهر العسل ترى حجزت وان شاء الله بنروح بلجيكا وبعدين بالقطار بنروح فرنسا تراهم جراب عن بعض
ساره وكم يوم حجزت
فهد : 3 اسابيع
ساره بعصبيه : شووووووووووو انا قلت لك وايد وايد 10 ايام
فهد : بس شويه
ساره : انا ما ابي اكثر عن 10 ايام ..لا تنسى ان امي بتم بروحها
فهد عرف ان ساره محتجه بامها ويعرف ان هي اللي ما تباه بس ما قدر غير انه يراضيها
فهد : على راحتج اوكي
فهد : وساره شو عن ششغلج مب احسن انج تودرين
ساره : اسمحلي ما ابي اودر شغلي تعودت عليه
فهد : بس انا بعوض عليج ضعف الراتب
ساره بعصبيه : ليش منو قال اني اشتغل عشان الراتب شو نسيت نحن قوم منو الحمد لله ما علينا قصور اصلا نحن نحصل بالاف بالشهر الواحد شو نسيت ..وبعدين مب كل حد يشتغل عشان الفلوس لا ..البعض عندهم خير بس عشان الملل او حبهم للشغل
فهد : بس حبيبتي انتي ما بتفضين لشي بتكونين عروس
ساره : انا خذت اجازه شهر ونص يعني عادي
فهد : بس
ساره : شوف فهد اذا انا بودر شغي ترى من ذاتي لااتم تغصبني انا ما احب حد يتحكم فيه ..واذا ما عايبنك ترى بعدنا في البر يعني تقدر تنفصل عني
فهد اتضايق وايد من كلام وجفاء وقسوة ساره بس ما يقدر يسوي شي..
فهد: على راحتج
ساره انقهرت هي تبى تسوي اي شي عشان تخليه يودرها وبالعمد تقسي عليه وتشرط شروط غريبه بس هو يراضيها بكل شي
ساره : زين عيل بخليك تراني مشغوله
فهد : اوكي حبيبتي يالله مع السلامه
ساره : باي

ساره متضايقه لانه فهد بعده مصر عليها يعني خطتنا ما نجحت
ساره ترمس عمرها: يالله كيف اخليه يمل مني شو اسوي ..


الريم من مده ما زارت ساره فقررت انها تزورها اليوم عشان تساعد ساره بتجهيزاتها لزواجها من اخوها

الريم وساره وهم يكتبون تجهيزات ساره
الريم : زين وشو عن فستانج
ساره : فستان عرسي خلاص اخترته
الريم : عند منو بتفصلين
ساره : عند المصمم زهير مراد
الريم مستغربه :هذا في لبنان
ساره : زين يا حلوه سويت طلبيه على الفستان شفته في الكاتلوج وعيبني
الريم : وشو عن القياس
ساره : بروح لبنان كم يوم باخذ اغراض من هناك ترى اغارضهم حلوه وايد ومره وحده بخليه ياخذ القياس وبختار انا وياه عن الموديل
الريم : بس ما بقى شي
ساره : لا تخافين اتفقت وياه
الريم : ويا منو بتروحين
ساره : ويا امي بس 3 ايام
الريم : زين زين


*******************
وبعد كم يوم
ساره سافرت لبنان وياامها وخذت اغلبية اغراضها من هناك

اما نوره فسوت مفاجأه وردت من السفر بدون ما تقولهم وعلى طول راحت بيتهم

خالد وهند وامهم قاعدين يتعشون
هند: شفتو المتفيجه راحت لبنان
خالد منو
هند : ساره بعد منو
خالد : والله وليش
الام : عشان اغراض عرسها
خالد عصب وايد لانه ما يعرف اصلا متى زواج ساره
هند : حظها والله
خالد ودر الاكل وقام من مكانه
الام : ما كملت اكلك يا خالد
خالد : امايه متى عرس ساره
الام : بعد اسبوع انشاء الله
خالد فتح عيونه : شوووووووووو بهالسرعه
الام : اي سرعه يا خالد هم من اكثر عن 3 اشهر مالجين
خالد انقهر وايد وكان يبى يطلع بس سمع حد يدق الجرس


ولا المفاجاه نوره وعبدالله يايين
خالد استغرب شاف اخته نوره : نوره اختي
الام وهند سمعو خالد ينادي نوره على طول راحو يشوفون منو ياي ولا شافو نوره ..الام وايد متعلقه في بنتها نوره لانها اكبر بناتها
الام راحت تحضن نوره : فديتج يا نوره اشتقتلج وايد
خالد يسلم على عبدالله : الحمد لله على السلامه ياالنسيب
عبدالله : الله يسلمك ..
هند راحت تحب اختها نوره : نورووه صدق اشتقتلج ما توقعت باشتاقلج لهالدرجه
نوره : وانا اكثر والله اشتقتلكم وايد
الام : تفضلو قعدو
نوره : ما بنطول وايد لانه تونا يايين من السفر وبنروح بيت عمتي ام عبدالله
خالد : وليش ما قلتولنا عشان نستقبلكم في المطار
عبدالله : بعد اختك تموت الا وتسوي مفاجاه
الام : بس صدق مفاجأه حلوه
نوره : والله اشتقت حق ساره ابي اشوفها
هند : ساره سافرت عشان تفصل فستان في لبنان
نوره : حسافه كنت ابي اشوفها ..ومتى بترد ؟
هند : يمكن باجر او اللي عقبه


وبعد ما قعدت شوي نوره وياهم وسولفو راحت نوره عند عمتها ام عبدالله


*********************
اما ساره فردت من لبنان بعد ما فصلت الفستان وخذت وايد اغراض من هناك .. بس اكيد تاخذ اغراض وهي تتخيل ان اللي تاخذه خالد ودايما تقول في نفسها ( لو انت يا خالد اللي باخده كنت بكون اسعد انسانه في العالم)..
وساره ما تعرف برجوع نوره من السفر

[دموع العاشقين]

الجزء 25


وبعد رجوع ساره من لبنان .. وساره ماتعرف برجوع نوره من السفر ..

في اليوم الثاني :
نوره على طول راحت بيت ساره لانها صدق اشتاقتلها وكانت تبى تسويلها مفاجأه ..
ساره وهي تجهز الاغراض بعدها ولا تسمع حد يدق باب غرفتها فهي فهي قالت اكيد امها لان محد في البيت غيرهم ولا يوم نوره تدخل
نوره بصوت عالي : مفاااااااااااااااااجأه
ساره تصد ولا تشوف نوره ( ساره فاتحه عيونها ) وعلى طول فرت البدله اللي كانت في ايدينها وراحت بسرعه حضنت نوره وهي تقول: فديتج نوره اشتقتلج والله اشتقتلج موت
نوره : والله وانا اكثر ما توقعت اني بشتاقلج لهالدرجه
ساره تنغمز نوره : علينا علينا
نوره مستغربه : شو فيج
ساره : اونج اشتقتيلنا ..ليش انتي فكرتي في حد اصلا ..
نوره تضرب ساره : ساروووه بلا حركات
ساره : انتي اصلا ما فكرتي في حد كيف تفكرين في حد وفارس احلامج وياج ..
نوره تقعد على الغنفه: لا حبيبتي انا مب من النوع اللي انسى حبايبي
ساره : بنحاول نصدق ...تعالي متى يايه
نوره : البارحه وسالت عنج قالولي مسافره
ساره : هي والله رحت لبنان كان في خاطري اروح هناك تعرفين بعد اغرب الاشياء في لبنان
نوره : زين شو شاريه راويني
ساره طلعت الاغراض والماركات وكل شي
نوره وهي مندهشه: واااااااااااااو الصراحه ولا احلى الاغراض تخبل ولا ( تاشر على الشنط ) ولا هالشنطه ديور مانزلت عندنا بعدها .
ساره : هي ترى في ديزاينات تنزل في لبنان قبل دول الخليج.
نوره : ذوقج رووعه
ساره : ما يغلى عليج حبيبتي
نوره : تسلمين كلج ذوق
نوره فجاه سرحت وفي خاطرها تقول شي
ساره لاحظت ان نوره في خاطرها تقول شي..
ساره : نوره بلاج شو فخاطرج قولي
نوره : لا وووولا ..شي
ساره : عليه قولي تراني فاهمتنج
نوره : بقولج بس لا تفهميني غلط
ساره : لا افا عليج قولي
نوره : ساره انا اللي اعرفه انج ما تحبين فهد ..بس اللي تسوينه يبين انج مستانسه وتحبينه
ساره ملامحها تغيرت والحزن بدى فملامحها : قصدج لاني روحت لبنان وتشريت من هناك يعني اني مستانسه لعرسي صح
نوره : لا تضايقين من كلامي انا ..
ساره : اعرف قصدج .. صح اني رحت لبنان عشان اتشرى بس هذا مب يعني اني مستانسه بس والله احاول اسلي عمري بهالاشياء .. بعدين انا احب اتلبس وأتكشخ واهتم في عمري حتى لو انا ما احب هالشخص ..
نوره : يعني بعدج ما تحبين فهد
ساره : لا طبعا ما احبه ولا بحبه في يوم
نوره : غريبه ما قدر يغير طبعج حتى في الملجه ..ليش هو مب رومانسي
ساره : بالعكس كلامه وايد حلو وعذب واي وحده بتستانس من هالكلام الا انا لان قلبي لانسان ثاني ..
نوره : الله يهديج يا ساره ويسعدج
ساره تبى تغير السالفه : ولا تعالي يا الشيطانه شو عن شهر العسل شو استانستي
نوره ويها احمر : اكيد بستانس لان اللي تمنيته كان ويايه
ساره : ربي يهنيج
نوره : وبعرف اخبارج ترى ما بقى على عرسج شي ..ان شاء الله باجر عرسج
ساره : صدق الايام بسرعه تمر
ساره : نوره كوني ويايه في عرسي في كل خطوه اوكي
نوره : من دون ما تقولين .. كيف ما اكون ويا اختي
ساره : فديتج والله ..

ساره تحاول تسلي عمرها في الاغراض وفي اي شي ..بس هي لين الحينه مب متخيله كيف بتعيش ويا انسان ما تحبه ..

اما خالد فهو متضايق على الاخر لان كل يوم يمر وهو يتخيل ان ساره بتنفصل عن فهد ..بس الايام مرت وفهد بيكون لساره ..
خالد قرر ان يتصل في ساره ويعرف شو السالفه ..
ساره كانت توها راده من الصالون ولا تسمه موباليها يرن
ساره : الو
خالد بحزن وشوق : شحالج ساره
ساره يوم سمعت صوت خالد تضايقت مره ثانيه لانها ما بتكون له : ساره بحزن ورقه: خالد
خالد : هي خالد ليش ما توقعتي اتصالي صح
ساره : خالد قلت لك لا تتصل ما فيه على المشاكل
خالد : ما يهمني شي ..بس ابي اعرف ليش ما وفيتي بوعدج
ساره : والله حاولت بكل الطرق عشان ينفصل عني وجفيت معاه وغيرت اخلاقي وكنت جافه وياه بس ما شي فايده شو اسوي
خالد بعصبيه : والحينه بتكونين وياه ..قولي ( بصريخ ) كيف بعيش بدونج كيف اتخيل انج لانسان ثاني ..كييف كيف
ساره والدموع بعيونها : خالد كافي لاتعذبني اكثثر والله اني متعذبه اكثر منك بس شو اسوي قولي شو ؟؟
خالد : عند يحل
ساره : حل مثل شو ؟
خالد بجديه : شو رايج ...( متردد) نشرد
ساره فتحت عيونها: شوووووووووووووووووووو
خالد : هيه نشرد ونتزوج بدون ما يعرف فهد يعني بس اهلنا وبعدين يوم بيعرف انج متزوجه غيرج بيودرج
ساره : انت وايد متاثر في الافلام الهنديه
خالد : ليش منو قال ان وايد من قصص الافلام والمسلسلات منواقعنا بس نحن ولا ندري
ساره : الله يهديك شو نشرد ..ما سوينا شي .. شو نسيت تهديدات فهد ما فيه على المشاكل والصراحه خايفه عليك وعلى امي من فهد
خالد بعصبيه : خلا يولي ..ما اخاف منه اصلا .
ساره : لا تعصب خالد ما بي احس اني السبب في عذابك
خالد : ساره يعني ما شي فايده ... حتى لو تزوجتيه بعد حاولي تكونين اخس من قبل يعني اقسى عشان يودرج وانا اوعدج اني باخذج
ساره : يعني اكون مطلقه
خالد : شو فايده اتكون انسانه متزوجه بس بتعاسه ومع انسان ما تحبينه وبعدين انتي ما بتكونين مطلقه لاني باخذج ..
ساره : وانت ما بتزوج غيري وبتترياني
خالد : اوعدج اني ما بتزوج حتى لو طول حياتي وبترايج لين ما انتي تقولين انج ماتبيني
ساره : مستحيل اقول اني ما اباك .مستحيل وبعد حرام انك ما تزوج عشاني ما ارضى عليك
خالد : افا يا ساره قولي كيف باخذ انسانه وقلبي معاج وقلبي ما ينبض الا باسمج ..
ساره استحت : خالد .
خالد : ما اقدر يا ساره لازم اعبر عن حبي لج ...سنين وانا اباج وبخاطري اقول وايد اشياء وكنت انتظر عشان نتزوج واقولج اللي قي خاطري.. بس حرمني منج هالنذل
ساره : خالد خالد الله يخليك بس
خالد : ساره بتودين موبايلج في السفر
ساره : ليش
خالد : بس ابي اعرف
ساره : هيه بودي موبايلي على الاقل اتسلى
خالد : لا تنسين انج تقسين عليه عشان يودرج وتكونين لي
ساره : اوعدك يا خالد ان اغير طبعي واكون قاسيه لاخر حدود بس عشانك يا خالد ..
خالد : اوكي يا ساره وانا بترياج العمر كله

ساره مستحيل تتقرب من فهد لان خالد دايما يذكرها بالوعد وبالحب اللي كان بينهم ..


*****************

اما في بيت شيخه..
ام شيخه راحت عند شيخه وهي متردده تفاتحها بالسالفه
ام شيخه : شيخه يمه بقولج شي لا تتضايقين
شيخه حست باالسالفه : خيريمه
ام شيخه : بعدج يا يمه مب مرتاحه لمحمد
شيخه متضايقه : هيه يمه ما ابيه مابيه خلاص
ام شيخه : ماعرف كيف افاتح مرت عمج اخاف تزعل
شيخه : هذا زواج .. والزواج قسمه ونصيب ..ومرت عمري انسانه فاهمه ومستحيل تقطع الصله عشان هالسالفه
ام شيخه : الله يعينا يارب

************************

وفي المساء ساره وايد تحاتي لان ما بقى شي على عرسها وهي وايد خايفه ..
فهد اتصل في ساره وهو ميت من الوناسه لان واخيرا بيجتمع مع ساره ..
ساره من غير نفس : الو
فهد : هلا اللي باجر بتكون ويايه طول العمر
ساره ماردت وهي منقهره
فهد : تصدقين مااقدر انام من الفرحه
ساره في خاطرها ( وانا ما اقدر انام من القهر )
فهد : تعرفين سار ه اني حجزت لالمانيا وبلجيكا ترى فرق شويه بينهم يعني بننتقل بين المانيا وبلجيكا بالقطار وفرق بينهم ساعتين
ساره : اوكي
فهد : اتصدقين اني اشتقتلج موت من زمان ما شفت ويهج القمر
ساره : بتشوفني باجر شو ما تقدر تصبر يعني
فهد : كيف اصبر على الروح اللي سكنت روحي
ساره من غير نفس : فهد بخليك الحينه ابي انام تعبانه
فهد : خلاص يا عمري بخليج وترى احلى يوم عمري هو يوم اشوفج
ساره : يالله مع السلامه
فهد وهو مستانس : مع السلامه حبيبتي

فهد ماسك الموبايل وحاطنه عند قلبه والابتسامه بشفاته : فديتج يا ساره والله اني اموت فيج
اما ساره فالدموع في عيونها لانها ما بتكون لخالد
وياهاليوم اللي هو احلى يوم عند فهد واخس يوم عند ساره
ساره من الصبح قايمه وهي تجهز على عرسها
والريم وهي طايره من الفرح لسعادة اخوها ولان مرت اخوها بتكون اعز رباعتها اللي هي ساره
ام ساره مستانسه وايد لان بنتها الوحيده بتزوج وهي ما تعرف ان ساره مب مستانسه بهاليوم ..وزعلانه بنفس الوقت لفراقها
ولا فهد الله على فهد يتريه متى يستوي المساء بس عشان يشوف ساره
اما الريم فلبست الفستان الفوشي وحاطه ورده بنفس اللون على ينب من شعرها ..وهي ويا العروس ساره ونوره بعد متكشخه مع الفستان الاسود مع التطريز الاحمر وكانت بعد حلوه.. وهم يشوفون ساره لين ما يخلصون شعرها ومتخبلين عليها ومع مكياجها
الممكيجه اللبنانيه : بعملك شعراتك على شكل رولات وانتي ما بتعرفي حالك عن جد تغيرتي يا ساره
ساره تبتسم : يالله اتريه اشوف عمري
نوره : هي بدون مكياج حلوه والحينه صدق ماشاء الله تخبلين
الريم : يا حظ اخويه فيج

والحينه الساعه 10 ونص وقت العروس عشان تطلع ..وساره مسويه حركه حلوه يايه على عربانه كانها سندريلا مع الحصان صدق على شكل سندريلا وهي داخل العربانه ونوره والريم يمشون مع العربانه والكل مستغرب من الحركه الحلوه .. اما الكوشه فلا احلى على شكل طبيعه وشلالات واصوات العصافير ونزلت ساره من العربانه وكانت احلى من الحلى نفسه .. شعرها صابغتنه بلون العسلي مع الهايلات الشقر ورافعتنه شوي مع رولات نازلين على كتفها والفستان كان بسيط وحلو فستان الابيض وشوي مع التطريز الذهبي كانها اميره.. ومكياجها على درجات البني والذهبي وياي على شكل الاسموك .. وعيونها طبعا طبيعيات عسليات ..وكانت حلوه ومتغيره واااايد وساره وهي تمشي بروحها طبعا مع ابتسامه حلوه مع غمازاتها والكل منبهر بجمالها وكل اللي يشوفها يذكرون الله لانهم يخافون يحسدونها..
ساره بعد ما وصلت للكوشه وباتسامتها الرقيقه قعدت والمغنيه تغني باحدث الاغاني ويايبين رقاصات وسالفه ..

ام ساره وهي تكلم ام خالد والدموع بعيونها : فديتها بنتروح عني
ام خالد : هاي سنة الحياه .. نربي عيالنا ونتعب عليهم وسبحان الله اي واحد جاهز مجهز وياخدها
ام ساره : اهم شي يكونون متفاهمين وعلى حب
ام خالد : الله يهينهم..
ام ساره : امين


الريم وهي تروح عند ساره عشان تصور وياها ..
الرريم يالسه عندها : ساره تصدقين ان رباعتي متخبلين عليج
ساره بابتسامه : والله ...
الريم : يقولون شكلها كانها اميره مع الفستان والمكباج
ساره : يحليلهم والله كلهم نظر
الريم : وانا عاد مستانسه اوني فخوره
ساره : ههههههههههههه ..عاد انتي ما صدقتي
نوره يايه ركض عندهم: سارووه
ساره : هلا
نوره شوي شوي ترمس : ساره قريتي على عمرج
ساره : وايد متفيجه انتي يايه من هناك عشان جذي
نوره : كل ما امر عند طاوله الكل يمدح فيج والله اخاف يضربونج بعين ترى العين لها حق
ساره : والله نسيت
نوره : انا بقرى عليج
الريم : هههههههههههههه
نوره : بلاج
الريم : اول مره اعرف ان شي وحده تعترف انها بقره
ساره :ههههههههههههههههه ..ايه لا تضحكوني فضيحه الكل بيشوفنا بيقولون بلاهم هالخبال
نوره : هههههههههه اعترفتي انج من الخبال يعني
ساره : لازم من عاشر قوم ............ كملوها

الناس والكل توقعو ان ساره مستانسه بهاليوم لانها خدعت الناس بابتسامتها الرقيقه .. وهم ما يعرفون بلي بداخلها ..

وياوقت دخول فهد ...
وطبعا العروس لازم توقف تتريه المعرس وساره قلبها يدق ومتوتره وايد والحزن مالي قلبها ..
اما فهد متصل في الريم
فهد : تعالي برع الريم اترياج
الريم: وانا شو خصني انت ادخل بلاك
فهد : استحي
الريم : متفيج والله
فهد : دخلي ويا ويهج
الريم : سب بيوم عرسك عفان الله
فهد : الريم
الريم : زين يايتنك ..
فهد متوتر واااايد ومستحي لانه داخل على الحريم بس هو متشوق يشوف حبيبة عمره اللي من مده ماشافها وهو ميت يبى يشوفها
المغنيه : تغطو يا الحريم ترى المعرس ياي
وفهد ويا بشته يمشي وهو مستحي منزل راسه بس فهد صدق بهاليوم بعد يخبل لانه مستحيل حد يشوفه وما يتخبلون على شكله..( عيونه وساع وشعره سايح واسود وخشمه مثل السيف ولونه حنطاوي يعني لا ابيض ولا اسمر وعليه جسم وطول).. يعني صدق لايقين على بعض..
دخل فهد وساره منزله الطرحه على ويها ومنزله راسها ومتوتره
فهد راح عند ساره وقف ورفع الطرحه وبابتسامه باس فوق راسها من الوقار ووقف عندها
والمصوره تصورهم ..
والكل تخبل على فهد وبالذات بالبنات لانه غااااااوي

الريم وهي ترمس هند : ماشاء الله عليهم اثنينتهم غاوين
هند : هيه
نوره : صدق ساره قمر و...( استحت ما كملت )
الريم: ادري اخويه بعد غاوي الكل يمدح بجماله
هند : حتى خالد اخويه حلو وايد الكل يقول انه وسيم
نوره : هي صح خالد اخويه حلو ماشاء الله عليه بس كلمة الحق تنقال ان فهد اوسم عنه
هند مستغربه : ايه هذا اخوج
نوره : زين يعني اخويه لازم اجذب ... انا اقول ان خالد غاوي وايد بس فهد اوسم عنه ..شو يعني
الريم: انتو ايه شو داشين تنتخبون ملك جمال الكون ولا شو ؟
نوره : اذا عن الانتخاب انا بتنخب ريلي فديته
الريم : بدت تتغزل فيه الحينه منو بيسكتها
هند ونوره : هههههههههههههه

فهد بعد ما قعد ويا ساره على الكوشه وهو يهمس لها بابتسامه حلوه
فهد : ساره مبروك عليج
ساره بضيق: الله يبارك ....
فهد متخبل على ساره : ساره طالعه اليوم احلى من القمر
ساره ما تصد حتى صوبه : تسلم

وام ساره حالتها حاله الدموع بعيونها لان وحيدتها بتروح وام خالد اللي هي اختها تواسيها
ام خالد : بس يا ويخيتي قطعتي قلبي
ام ساره واالدموع بعيونها : هاي بنتي الوحيده هي اللي منوره البيت كيف بتم بدونها
ام خالد: بس كم يوم وشهر عسلها مب اكثر عن اسبوعين وان شاء الله باجر بتي قبل ما تروح وبتسلم عليج ..
ام ساره : فديتها بنتي بتروح عني
ساره وهي تفكر بامها وتشوفها من بعيد وقلبها متقطع عليها ..
وبعد ما الاغلبيه روحو والحينه دور العروسين
ساره نزلت من عند الكوشه وراحت صوب امها وهي تحضنها وتصيح : امايه فديتج بروح عنج
ام ساره : لا تصيحين حبيبتي ان شاء الله بشوفج دوم
ام ساره : ما اقدر بدونج يا امايه
ام ساره : عيب روحي ويا ريلج الحينه لا تخلينه واقف يالله روحي
ساره وهي حاضنه امها : لا ما بي اروح ابيج انتي
ام ساره: بلا فضايح ساره يالله روحي حبيبتي وعسى الله يهنيكم يارب
ساره راحت ويا فهد والدموع بعيونها ..

وبعد ما نوره والريم سلمو على ساره وفهد
ساره ويا فهد راحو الغرفه في الفندق طبعا والمصوره تترياهم عشان تكمل باقي الصور ..
وساره بعد ما مسحت دموعها وشوي عدلت مكياجها ..
المصوره تقول لساره انها تتقرب من فهدشوي عشان التصوير..
ساره بعصبيه : بسنا تصوير من الصبح ونحن نتصور
المصوره : ايه بس الصور مش طالعه حلوه كتير لانك ما بتتأربي من جوزك كانه غريب ..
ساره : والله انا على راحتي
المصوره : بس هيك الصور ما بتطلع حلوه كلها عاديه اول مره اشوف عروس ما بتتارب من جوزها هيك الالبوم ما بيطلع حلو يعني بس صور عايلتكن
فهد حس ان ساره متضايقه : ماعليه خليها هي شوي متضايقه بسنا صور
المصوره : على راحتكن المهم الف مبروك ان شاء الله تتهنو .
ساره : تسلمين

وطبعا الحينه محد غير فهد وساره في الغرفه
ساره واقفه مكانها وهي مستحيه لانها ويافهد بروحهم ..
فهد يكلم ساره وساره منزله راسها : الف مبرك يا ساره
ساره بحزن : الله يبارك فيك
فهد : تصدقين يا ساره اني مب مصدق عمري اني وياج واخيرا يهاليوم اللي تكونين زوجتي وملكي
ساره مب قادره تعلق على شي ..
فهد يرفع راس ساره : وهالجمال كله بيكون لي صدق اليوم متغيره وطالعه مثل الاميرات
ساره كانت واقفه عشان تتهرب شوي قعدت ..
وفهد راح عندها : ساره ابي اقولج اني اسعد انسان في العالم واوعدج اني راح اسعد ج قد ما اقدر ولو اعطيج روحي ما بترخصلج واتمنى تعطيني فرصه
ساره ما تقدرت تكلمه ولا تحط عينها بعينه لانها متضايقه وشوي تبى تصيح ..
وفهد شاف ان يايبين العشاء والكيكه على طول ياب صوب ساره
فهد : تفضلي يا زوجتي
ساره طبعا ميته يوع بس عشان ماتبى تاكل ويا فهد قالت انها : مب يوعانه
فهد : افا كيف مب يوعانه وانتي من الصبح مب ماكله شي.. تعالي كلي على الاقل قطعه
ساره قربت عشان تاكل شوي ..
فهد مسك الشوكه عشان يأكل ساره ..
ساره بجديه مسكت الشوكه ..فهد استغرب : بلاج
ساره : اعتقد اني اعرف ااكل عمري
فهد مستغرب : بس حبيبتي انا بخاطري أأكلج
ساره : بس انا ما ارتاح جذي .. باكل بروحي
فهد بضيق: على راحتج
ساره كلت كم لقمه وقفت مكانها
فهد يشوفها : وين ما كلتي شي
ساره: شبعت
فهد وقف وياها ...ومسك ايدنها : ساره انا
ساره بعصبيه ..( هدت ايدينه ) لو سمحت فهد بقولك شي
فهد مستغرب : خير
ساره: بقولك شي واتمنى انك تفهمني ..انت قايل انك ما تبى تزعلني صح ؟
فهد : اكيد
ساره وهي رافعه حواجبها :اولا انا ما ابيك تلمسني ابدا
فهد مبطل عيونه مثل البومه : بس انا زوجج ويحق لي
ساره : انا ما اتكلم عن الحقوق بس انا ما ابيه وتعرف السبب ..
فهد : لا ما اعرف السبب يمكن اعرف ؟
ساره : لاني ماخذتنك عن غصب يعني ما ابيك تلمسني
فهد ماسك عمره ويحاول ما يقول شي عشان مايزعلها من اول يوم
ساره بكل ثقه : ويمكن لو سمحت تنام باي مكان يعني مب ( بخجل ) مب عندي
فهد : ساره كاني غرييب بلاج انا زوجج
ساره : ادري بس ما ابي انا وياك ..بنام على الغنفه وانت نام على السرير..
فهد والقهر مالي قلبه : وبعد شو اوامرج
ساره : وهالحال حتى في شهر العسل اباك تاخذ شقه مب فندق عشان كل حد بغرفه عشان محد يعرف وننفضح
فهد : ساره انتي شو تقولين ما في وحده في العالم جذي تقول حتى الحريم اللي يستحون من رياييلهم ما يقولون هالكلام
ساره بحزن : بس انا وضعي غير( بعصبيه ) ..انا ماخذتنك غصب فهمت فهمت
فهد يحاول يلبي طلباتها لانه متوقع ان ساره منصدمه لين الحينه ومستحيه ويمكن تغير رايها في السفر : على امرج
ساره : اتمنى تكون عند كلمتك
فهد بحزن : اوكي يا ساره اهم شي عندي راحتج
ساره : والحينه عن اذنك بروح ابدل ..
راحت ساره في الحمام عشان تبدل ..اما فهد فهو منصدم من طلبات ساره .. بس عنده امل ان ساره تتغير في يوم من الايام ..بس اللي مفرح قلبه ان ساره زوجته وبتكون له للابد ودايما بيكحل عيونه بشوفتها لان فهد ميت فيها ..

طلعت ساره من الحمام وهي لابسه بجامه بس قطعتها حلوه وفخمه بس مستووووره ولا كانها عروس وفتحت شعرها السايح بعد ما خوزت المكياج ..

فهد : ساره انتي نامي على السرير وانا بنام على الغنفه
ساره : ليش عادي بنام انا على الغنفه
فهد : ما ارضاها عليج ..عروس وتنام على الغنفه بس عطيني وساده عشان انام فيها وشي لحافين رفيع وغليظ عطيني الرفيع اوكي ..
ساره عطته اللي يباه ..
راح فهد وجهز الوساده واالحاف على الغنفه
اما ساره فهي على السرير بس بعد مستحيه لان فهد معاها بنفس الغرفه حتى لو هو بعيد شوي عنها بس بعد مب ماخذه راحتها ..
فهد بكل رقه: تصبحين على خير يا عمري
ساره : وانت من اهله
ساره مستيحه مغطيه شوي باللحاف على ويها ..
اما فهد فهو يترقب حركات ساره ويبتسم ومستانس مع جفاء ساره لانه بيمسي وبيصبح على ويه ساره وعلى وجودها..
وبعد زواج ساره ..



ساره طبعا نامت على السرير وهي مستحيه اما فهد فنام على الغنفه ..

والصبح :
فهد قام قبل ساره طبعا من الوناسه ويوم قام شاف ساره نايمه بكل برائه وحلاوه على السرير وفهد ابتسم وراح وقف عند سريرها وهو يتأمل ملامحها ويقول في نفسه : فديتج يا زوجتي والله اني اموت فيج ومب مصدق انج صرتي لي بروحي .. وملامحج ما تبين انج بهالقسوه .. بس اتمنى تتغيرين عليه وتحبيني لو جزء بسيط .
.وراح فهد عشان يطلب الفطور وغير لبسه وكل شي
ساره قامت وشافت فهد متلبس ومتكشخ وهو قاعد على الطاوله يتريه ساره تقوم عشان يفطر وياها ..
ساره قامت شافت فهد استحت وقامت من مكانها ..
فهد بكل رقه وابتسامه حلوه : صباح الخير يا احلى عروس بالعالم كله
ساره وهي منزله راسها ومستحيه : صباح النور
راحت ساره عشان تغسل ويها .
وبعدين وقفت مستحيه
فهد بابتسامه وهو يأشر على الفطور / تفضلي يا زوجتي الغاليه ..
ساره بجديه وعناد : لا ما ابي
فهد مستغرب: شو ما تبين الله يهديج تعالي حبيبتي ترى مستحيل افطر بدونج ..
ساره : بس انا ما ابي
فهد : يالله تعالي يبت لج احلىوألذ الانواع .
ساره لانها يوعانه قعدت وفطرت وهي مستحيه ..
اما فهد فميت من الوناسه حس كانه في حلم وهو يشوف ساره كيف تاكل برقه ..
فهد وهو يتامل في ملامح ساره : تصدقين ساره ماشاء الله عليج بدون مكياج وانتي اطيرين العقل ملامحج كلها طفوله وبرائه .
ساره اونها ما سمعت شي ..
فهد : يالله بعد الاكل بنروح بيت اهلج عشان بعد صلاه العصر تقريبا بنروح المطار ان شاء الله ..
ساره يوم سمعت المطار ما كملت اكلها اتذكرت انها بتكون ويافهد وانها بتودر امها
فهد شاف ضيج ساره : ساره بلاج ليش تضايقتي
ساره : ما شي تذكرت امي .
فهد : يالله حبيبتي كلي وان شاء الله الحينه بنروح عندها ونحن ما بتطول في السفر وايد ..
ساره قامت من مكانها عشان تتلبس وتتكشخ ..
ولبست في يوم صباحيتها لبس مغربي روعه عل شكل بنطلون مطرز بلون الفضي والقميس ياي طويل لين ركبتها تقريبا ومفتوح ومطرز بلون الوردي والفضي وفلت شعرها العسلي السايح واتمكيجت مكياج خفيف علىوردي وفضي وكانت حلوه وعيونها طبعا روحها عسليات وكانت صدق حلوه ..

فهد كان برع ويوم دخل شاف ساره بكامل زينتها وقف مكانه مب مصدق ان ساره بهالجمال ..
ساره وهي تتكشخ شافت من المنظره فهد مبطل عيونه واقف مكانه صدت تشوفه : بلاك
فهد راح عندها : ماشاء الله عليج يا ساره مع ان مكياج البيت ..بس الصراحه حرام كلمت قمر عليج .. صدق اني محظوظ ..
ساره في قلبها مستانسه من مدح فهد بس هي مبيه العكس ولا علقت على شي وكملت زينتها ..
فهد : يالله يا بعد عمري نروح
ساره :اوكي يالله

وفهد طبعا وهو كاشخ لابس اللبس الاماراتي كندوره بلون الابيض والغتره حمراء وكان صدق غاوي ..


وظهر ويا ساره ووصلو بيت ساره
وطبعا بيت ساره الكل كان ينتظرهم نوره وهند وامهم وحتى الريم واكيد اول وحده هي ام ساره اللي مانامت البارحه عدل من كثر صياحها على بعد وغياب ساره ..

ساره بعد مادخلت بيتهم شافت الكل ينتظرها وعلى طول حضنت امها والدموع في عيونها
ام ساره وهي تحضن بنتها وتمسح على شعرها : فديتج بنتي مشتاقتلج وايد
ساره : والله انا اللي مشتاقتلج اكثر يا امايه
نوره : بلا مناحه الله يخليكم
ساره ابتسمت وراحت عند خالتها اول شي وسلمت عليها .. وسلمت على كل حد
ام ساره : وين ريلج ياساره
ساره : راح يقول عنده شغل عشان السفر واستحى يدخل قال اكيد كل اهلي موجودين
نوره : ومتى ان شاء الله بتسافرون
ساره : بعد صلاة العصر تقريبا بنروح المطار
ام ساره : انا بيي وياكم
ساره : لا يا امايه لا تعبين عمرج خليج
نوره : ونحن بعد
ساره : ليش والله ماله داعي كافي تواجدكم هني
ام نوره : لا يا بنتي لازم نودعج تراج غاليه على الكل
ساره باتسامه : تسلمين خالو
نوره : ماشاء الله عليج يا اساره كنتي البارحه احلى من الحلى نفسه صدق اطيرين العقل
ساره مستحيه: لا عاد من لهالدرجه
هند منقهره لانها من الصغر تغار من جمال ساره : بس ما تغيرتي وايد
نوره تصد لهند : حرام عليج اذا ساره ما تغيرت عيل منو تغير
وبعد السواف رن موبايل ساره وشافت الرقم فتحت عيونها وراحت شوي مكان بعد عن اهلها : عن اذنكم
ساره مستغربه من اتصال ..........خالد
ساره : الو
خالد الحزن بنبرات صوته والدموع بعيونه : ساره
ساره متوتره : خالد
خالد : هيه خالد .. خالد اللي متعذب الف مره عشانج ..خالد اللي ما يقدر يمحيج من باله ولو لحظه ..خالد اللي محترق لانج ويا انسان ثاني مب وياه
ساره ادمعت : خالد الله يخليك كافي عشان الحب اللي بينا
خالد : اسمحيلي يا ساره والله غصبن عني يوم اتخيل ان احلامنا تبخرت انقهر ..انا اللي كنت اتخيل انج بتكونين شريكة حياتي اترييتج متى تتخريجين عشان اخطبج ويوم خطبتج حسيت اني مالك الدنيا لانج حلم طفولتي واختياري الوحيد وبعد هذا كل شي يختفي.. ليش ليش قولي شو ذنبي انا قولي كيف اقدر استحمل قولي كيف ؟
ساره : وانا بعد شو ذنبي ..وانا عيل شو اقول وانا متزوجه بانسان هو السبب بتدمير حياتي .
خالد : ساره بطلب منج طلب واتمنى ما ترديني
ساره : اطلب يا خالد باللي تباه اهم شي ما اشوفك متعذب
خالد : سمعي انا بيي بيتكم بعد دقايق بعطيج شي وبروح
ساره مستغربه : شو ؟ لا مستحيل كيف اطلع برع صعبه وايد
خالد : ساره انا ما اقدر ادخل وتعرفين السبب وبعدين ابي اعطيج شي تذكار الله يخليج لا تضايقيني اكثر بس بعطيج وبروح
ساره : بس اذا حد شافنا
خالد : دقايق والله ساره اذا صدق تحبيني وافقي
ساره طبعا من زود حبها لخالد " اوكي يا خالد انته طرشلي مسج اذا وصلت وانا بطلع بس دقايق اوكي
خالد :حتى لو ثواني الاهم اني اشوفج واعطيج التذكار
بعد ما صكت ساره من خالد وقلبها تقطع اكثر بسماع صوت خالد وهو متعذب ويعاني واكيد الكراهيه لفهد زادت لانه هو سبب كل عذابهم

وبعد دقايق مثل ماقال خالد واقف عند باب بيتكم ساره وطرشلها مسج

ساره يالسه ويا اهلها سمعت صوت المسج وقفت
نوره : على وين ؟
ساره بتوتر : ها ممم راجعه بروح المطبخ وبيي
ام ساره : ليش يا بنتي شو اللي تبينه قولي للخدامه بتيبه بدقايق
ساره : لا عادي ثواني وراده لكم
ساره ما قدرت تطلع من باب الصاله لانهم بيشكون ليش طالعه عشان جذي طلعت من باب الخارجي اونها رايحه المطبخ
ساره بعد ما لبست الشيله وتغطت طلعت
خالد نزل الجامه من سيارته وشاف ساره وكان يشوفها وهو مستانس لانه واخيرا شافها لانه صدق كان مشتاقلها..
ساره وقفت عند سيارته ويوم خالد نزل الجامه شافته وتذكرت ايامهم واحلامها وقلبها تقطع ..
خالد بكل حب وشوق: شحالج يا اغلى ناسي
ساره منزله راسها : تمام ..خالد الله يخليك بسرعه اخاف حد يشوفني
خالد : ان شاء الله ( خذ من سيارته علبه صغيره ) تفضلي
ساره : شو هذا
خالد : هاي تذكار مني لج اتمنى دوم تحتفظين فيه عشان ما تنسيني وبالذات وانتي مسافره
ساره : بس ما اقدر
خالد: ساره الله يخليج اقبلي مني هالهديه البسيطه عشان احس انج تذكريني
ساره : ليش اللي يحب بسرعه ينسى
خالد : اخاف هالوغد ينسيج وعودنا
ساره : مستحيل هالشي يصير والله اني اقسى عليه قد ما اقدر
خالد: واتمنى الله يجمعنا يا ساره
ساره : اوكي خالد مشكور والحينه عن اذنك ما فيه اتاخر
خالد : بحفظ الله يا ساره
ساره روحت ..
خالد : ساره
ساره صدت :نعم
خالد بكل حزن: لا تنسين حبنا ولا تنسين وعدنا بانج تكونين قاسيه وانا بترياج العمر كله
ساره بابتسامة حزن : اكيد وانا بكون عند وعدي

بعد مادخلت ساره راحت من الباب الخلفي وراحت غرفتها وفتحت الهديه ولا تشوف سلسله فيها قلب من جدام فيه حرفها ومن وراء القلب فيه حرف خالد ومنقش عليه من الجوانب بالماس .. وبطاقه من خالد كاتب عليه :
مستحيل احب غيرج .. لان قلبي مايقدر يحب غيرج ..
واخر شي كتب : اتمنى تلبسين هالقلاده دايما..
وساره ادمعت يوم شافت القلاده .. وتاكدت ان خالد يحبها ومستحيل يتخلى عنها ..
ساره نزلت والحزن بملامحها ..
نوره : وين كنتي ساروونه وايد تاخرتي
ساره سرحانه
ام ساره : ساره بلاج ؟
ساره : ها ووو ولا شي
نوره : اقول وين كنتي
ساره : رحت المطبخ وبعدين رحت اممممممممممممممم غرفتي شوي
نوره : يالله ما بقى شي على سفرتكم ان شاء الله جهزتي اغراضج
ساره : هي من زمان ..
الريم : فديته اخويه متى بيي ابي اشوفه البارحه صحت لين ما قلت بس والله البيت بدونه ظلمه .تصد لساره ).متى بيي فهد
ساره بعصبيه : وانا شو دراني عن اخوج
هند : ليش مب ريلج
ساره : هيه ريلي بس عاد مب لازم اعرف كل شي عنه
الكل سكت وما علق على شي..
وبعد دقايق اتصل فهد
ساره من غير نفس : الو
فهد : هلا بحياتي
ساره : خير
فهد : اقول ساره جهزي اغراضج حبيبتي لانا الحينه بنروح ( اتضايقت ساره وايد ) .. اوكي وانا بسلم على امج برع عشان حريم داخل
ساره : اوكي
ساره وقفت : امايه خلا البشاكير يشلون الشنط ويودونه برع لانه الحينه بنروح المطار ..
ام ساره زعلانه : والله الحينه
ساره : هيه والله للاسف
الريم : الله يعني اخويه فديته الحينه بيي واخيرا بشوفه
ساره تصد لامها : امايه يمكن اطلب منج طلب
ام ساره : فديتج بنتي طلبي اللي تبيه
ساره : تسلمين ..اقول رقدي بيت خالتي لين ما اايي
ام ساره : لا ليش
ساره : حرام بتمين بروحج
ام نوره ( اخت ام ساره ) هيه والله انا من متى اقولها بس ما تسمع كلامي
ام ساره :/ يعني ياساره انتي بتمين بيت ريلج ان شاء الله للابد تبيني انام بيت خالتج للابد
ساره : على الاقل فترة سفري.. وبعدين عادي لان ان شاء الله مرتين في الاسبوع بنام عندج
ام ساره مستانسه : والله صدق ..كلمتي ريلج
ساره : مب لازم وبعدين اذا هو ما يبى ينام كيفه انا بنام كل اربعاء وخميس
ساره : زين الحمدلله
ساره : زين امايه عشان خاطري ترى محد في البيت غيرج وغيرالبشاكير
ام ساره: خلاص عشانج يا ساره عشان ماتحاتيني هناك ..عيل بروح البس عباتي عشان اروح وياج المطار
ام نوره : وانا بتصل في بو خالد عشان ياخذنا

والكل تجهز عشان يروحون المطار وساره على طول لبست القلاده مثل ما طلب منها خالد ..
وساره راحت بدلت ولبست بنطلون واسع وقميص طويل لين الركب بس فيه مديل حلو وغريب وقصات ولونه احمر ولبست شيلتها وعباتها ومسحت المكياج وبس خلت جلوس ( لمعه) وكحل ..

وفهد ياي واقف برع لانه استحى يدخل وسلم على ام ساره اما الريم فنقزت على اخوها
الريم : فديتك اخويه ..والله اشتقتلك موت
فهد : والله انا بعد وكنت احاتيج البارحه
الريم ترمس فهد صوت واطي : ما اعتقد كنت تحاتيني لانك اصلا ما قدرت تفكر بحد لان حلم حياتك وياك... عليه يا الجذاب ..
فهد يضحك : حسبي الله على بليسج يا ريمان ما تيوزين ..معلي يوم بتزوجين بلعوزج
الريم استحت ..
فهد : اقول الريم
الريم : خير يا اخويه
فهد : سمعي انا اتصلت في عمي وقلت له عشان ترقدين بيتهم لين مارد من السفر
الريم : شوووووووووووووو ما ابي اصلا انا ما اشوفهم الا في المناسبات وهو ما يتذكر حتى ان عنده بنات اخو
فهد : الريم تعرفين انه مب منه من زوجته وبعدين ما اقدر اخليج بروحج ما يستوي
الريم : ويايه البشكاره
فهد : ما يستوي بعد لازم اتمين ويا حد من الرياييل .. وبعدين هناك محد غريب ترى بنات عمج معرسات ومافي غير عمج ومرت عمج
الريم : ما ابي
فهد بجديه : ريم بلا دلع يالله ترى عمي بيمر بعد ساعتين تقريبا
الريم : يعني بروح بوظبي
فهد : هيه يالله عشاني
الريم: كل شي عشانك يهون يا اخويه
والكل راح المطار وقاعدين يتريون الطياره
وحان وقت السفر
ساره بضيج : اويه دورنا
نوره تضحك : والله كانج بامتحان اخر السنه
ساره : نوروه لا تضحكين عليه ..احر ماعندي ابرد ما عندج
فهد بعد ما خلص تجهيزات السفر : يالله ساره مشينا
الكل وقف يسلم على ساره
نوره تقرص ساره : بنشوف الحلوه كيف بتتغير
ساره : نوروه يوزي
نوره : تذكرين يوم لعوزتيني يوم تزوجت
ساره تضحك
وام ساره والدموع بعيونها : ساره فديتج والله كيف بقدر ايلس بدونج
ساره دموعها اربع اربع : امي لا تعورين قلبي انا اللي كيف بتم هناك بدونج ..اقول ما يستوي اتين ويانا
نوره : ههههههههههههههههههههه الحمد لله والشكر امي انتي بشهر عسل شو نسيتي ولا تناسيتي
ساره : اي شهر عسل الله يخليج
ام ساره : يالله روحي ترى ريلج يترياج
فهد : شربي شي على الاقل
ساره : فهد الله يخليك خلني على راحتي يوم ابى بزقرها زين
فهد يعرف ان ساره متضايجه بس هو يحاول يونسها ويغير مزاجها قد مايقدر..
فهد ساكت ولا يقول شي
ساره تذكرت شي: هيه صح اقول فهد سويت مثل ما قلت لك
فهد : شو
ساره : ان بناخذ شقه فيها غرفتين مب فندق
فهد : ما حصلت شقه بدايه قلت يوم واحد بناخذ فندق وبعدين بدور
ساره بعصبيه : بس انا قلت لك ما ابي
فهد : ادري ادري فاهم شو بتقولين بس ما قدرت بالذات في بلجيكا اكثر شي عندهم فنادق ..بس يوم واحد لاتحاتين وانا بنام على الغنفه زين
ساره ما قالت شي سكتت وهي منقهره ..
ساره حطت راسها ونامت شوي لانها تعبانه ..اما فهد فهو حاط راسه بس مب نايم ..
ولا فجاه |................الطياره اهتزت لانها مرت بمطبات هوايئه وصدق الكل قام من الزياغ وساره خافت ولا لا اراديا ايد ساره لامست ايد فهد
فهد صد فجاه واستغرب من سلوك ساره : بلاج
ساره حست ان ايدها تلامس ايد فهد ويها احمر مثل الطماط واستحت : ها ولا شي بس كنت نايمه وحسيت كانه الطياره اهتزت
فهد يبتسم : لا عادي حبيبتي اكيد الطياره مرت بمطبات ..غريبه خفتي مع انج وايد تسافرين
ساره مستحيه : ادري بس هالمره كنت نايمه عشان جذي.. يعني نقزت
فهد : لو ادري ان اهتزاز الطياره بيخليج تلمسين ايديني كنت من زمان دعين ربي ان الطياره كل دقيقه تمر بمطبات
ساره نزلت راسها واستحت وماقالت شي ..روحها استغربت كيف لمست ايد فهد ..
اما فهد فحس بشعور غريب وكان مستانس .. يحليله فهد ما ينلام ..

=============================================

الجزء 26
وان شاء الله يعجبكم


وفهد وساره في الطياره ساره ما قدرت تنام بعد الاهتزاز خافت انها تلامس فهد بالغلط .. اما فهد فمستانس واااايد لانه بيتم بروحه ويا حبيبة العمر .. وعنده امل بسيط ان ساره تحبه مع ان هالشي صعب لان ساره وايد صعبه .

ساره تصد لفهد : فهد
فهد يصد لساره : هلا عمري
ساره : متى بنوصل والله تعبت
فهد : والله ما باجي شي لان من الامارات لبلجيكا تقريبا 6 ساعات ونص يعني جريب ان شاء الله ..
ساره : اف الله يعين

بعد نزول الطياره لمطار بلجيكا
فهد يصد لساره : ساره حبيبتي وصلنا
ساره سرحانه وهي بضيق : واخيرا صدق تعبت
فهد ماسك الشنط وساره قامت وهي تعبانه لانها مانامت من الصبح

بعد نزولهم للمطار وانتهائهم من اجراءات الوصول ..
ركبو فهد وساره تاكسي عشان يوصلون لاحدث وافخم فنادق بلجيكا
وكان عندهم هناك الساعه 9 مساء
ساره قاعده في السياره تتامل بمناطق بلجيكا
فهد يشوف ساره ويبتسم: شو رايج في بلجيكا
ساره من غير نفس : ليش انا نزلت ولا تميت هناك
فهد : لا قصدي بمناظرها
ساره : مبين عليها حلوه وايد
فهد : طبعا بالذات لانا نحن في منطقة بروكسل ..وهالمنطقه وايد حلوه .
ساره : ليش انت رايح بلجيكا قبل
فهد : الصراحه لا ..بس ربعي رايحين وهم اللي مدحولي

بعد وصول فهد وساره للفندق فهد كان متفق ويا اصحاب الفندق ان يسوي لساره مفاجاه داخل الغرفه
فهد فتح باب الغرفه : تفضلي يا احلى عروس
ساره دخلت ولا شافت غرفه وسيعه واثاث راقي وفراش السرير مغطاي بالورود الطبيعيه الحمراء وشي بالطاوله كيكه حمراء مكتوب عليها I love you وشموع حمر وباقه ورد كبيره ..ساره تفاجات لان صدق كل شي حلو وراقي
فهد بابتسامه : ها شو رايج بالمفاجاه ..عشان جذي انا كنت ابى فندق في هاليوم ..تراني مرتب كل شي
وفهد عشان يكمل المفاجاه طلع قلاده مطرزه كلها بالالماس على شكل فراشه ووسط الفراشه حرف ساره .. وكانت حلوه واحلى من قلادة خالد ..
فهد : افتحي الهديه
ساره : فتحت الهديه ولا تشوف القلاده وصدق تخبلت عليها ..
فهد : ان شاء الله تعيبج ..يالله يمكن تخليني البسج
ساره تذكرت انها لابسه قلادة خالد ...ومسكت قلاده خالد ..
فهد : بلاج
ساره : ما اقدر البسها الحينه لاني لابسه قلاده ثانيه
فهد : عادي حبيبتي لبسي قلادتي وبعدين لاحقه على هالقلاده
ساره بعصبيه : لا مستحيل
فهد عاقد حواجبه : ليش شو سالفة هالقلاده يعني
ساره توترت خافت انها تنكشف : ها لا بس هاي هدية اممممممم نوره وانا وعدتها اني ما اعق هالقلاده لمده على الاقل
فهد : زين لبسي قلادتي على الاقل جامليني
ساره غيرت مكانها وبعصبيه : اوووووووووه قلت لك ما ابي غصب .. يوم ثاني بلبسها ..خلاص لا تنكد عليه من اول يوم بعدين ابي انام يمكن
فهد منقهر واااااااااايد ومنزل راسه وما علق : كيفج ..بس كلي قبل ما تنامين تراني مجهز لج الذ الماكولات
ساره : ما اشتهي انت بروحك كل


فهد عصب: ساره
ساره تصد : خير تبى تقول شي
فهد ماسك اعصابه وهو منقهر من سلوك ساره : ساره حبيبتي كلي حرام عليج انا مجهز كل شي عشانج زين على الاقل الكيكه
ساره تفكر : خلاص اوكي بس قطعه
فهد بابتسامه : اوكي حياتي على راحتج يالله تعالي
قعدت ساره مع فهد ..فهد قطع الكيكه وخذ الشوكه عشان يأكل ساره
ساره مسكت ايد فهد : فهد بروحي باكل
فهد وهو ماسك الشوكه : حرام عليج ساره في خاطري تاكلين من ايديه ..ذيج المره ما كليتي هالمره عاد لا تزعليني
ساره : بس انا ما ابيه خلاص ترى ما باكل
فهد زعلان : خلاص اوكي .. اهم شي تاكلين شي
ساره كلت كم قطعه
اما فهد فهو منقهر من اول يوم بجفاء ساره ..


********************************
وفي بيتكم ام خالد الكل قاعد في الصاله مع ام ساره طبعا
ام خالد : بلاج يا ويخيتي كله زعلانه
ام ساره : افكر في ساره ماعرف وصلو ولا لاء
نوره : اكيد بتتصل يوم بتوصل
هند باستهزاء : هه يمكن تنسى لانها في شهر العسل شو نسيتو .. هي ويا الغاوي فهد وين تذكر حد ..
خالد شاف هند كانه يبى يبلعها وبصريخ : هند يمكن تسكتين
هند خافت : وي باسم الله اناشو قلت
خالد: ما قلتي شي ..بس سكتي ترى اللي فيه مكفيني
هند فهمت قصد خالد
خالد منقهر وايد هو يحاول يبين انه مستانس وناسي ساره بس كل ما يتذكر ان ساره وفهد بروحهم ينقهر واايد وقلبه يتقطع اكثر.
ام خالد : يالله يا ام ساره خلا نروح انام

ام ساره : لا لا ما بنام لين ما اطمن على ساره ..اول مره تسافر بدوني
ام خالد : لا تخافين هي ويا ريلها يعني بامان ان شا ء الله
ام ساره : عسى الله يسعدهم
خالد ماقدر يستحمل اكثر حس بالغيره والضيج قام من مكانه
نوره : خالد وين بتروح
خالد بقهر : بروح انام تصبحون على خير
نوره عرفت بقهر اخوها
نوره قامت من مكانها : يالله امي بروح الحينه وايد تاخرت .
ام خالد : ليش عبد الله ريلج ياي
نوره : هي هو برع الحينه
هند : نشوفج بعد مب تقاطعينا
نوره : ان شاء الله


اما في بلجيكا
ساره بعد ما كلت وطلعت اغراضها
فجاه تذكرت شي
ساره : فهد
فهد : نعم يا عمري
ساره : ابي اتصل في امي قبل ما انام الساعه كم عندهم في الامارات
فهد يشوف ساعته : اممم اذا نحن عندنا 9 ونص يعني عندهم 1 ونص
ساره : يعني راقدين
فهد : انتي اتصلي وشوفي
ساره :اوكي
ساره تتصل في امها ..وطبعا امها مستحيل تنام لانها تفكر بساره وتحاتيها

ام ساره حاطه موبايلها عندها ويوم شافت رقم الخارج استانست .
.ام ساره بفرح : الو
ساره : اماااااااااااااايه
ام ساره والدموع سبقت كلامها : فديتج بنتي شحالج
ساره والدموع بعيونها : بخير انتي شحالج امي اشتقتلج
ام ساره : وانا اكثر والله كانج شهر هناك مب اقل من يوم
ساره : صدقتي والله
ام ساره : شو وصلتو بالسلامه
ساره : هي نحن الحينه في الفندق قلت بتصل قبل ما انام
ام ساره : زين طمنتي قلبي
ساره : زين امايه بطمن عليج كل يوم وديري بالج على نفسج
ام ساره : وانتي بعد يالله يابنتي بحفظ الله
ساره بعد ما صكت من امها كانت تتدمع
فهد راح عندها : بلاج يا عمري ليش كل هالدموع
ساره : كنت ابي ارمسها اكثر
فهد : زين ليش ما رمستيها
ساره : ما اقدر اذا طولت وياها بصيح جدامها وانا ما ابيها تحس اني اصيح عشان ما تزعل وتحاتيني
فهد قعد عندها : ما عليه حبيبتي ان شاء الله عن جريب بتكونين وياها يالله ما ابي اشوف هالدموع عورتي قلبي .
ساره قامت من مكانها عشان تغسل ويها وتغير لبسها

ساره راحت تلبس بجامه بس بجامه هالمره احلى بواااايد صح انها بجامه بس حلوه كلها مطرزه باللون الاحمر على شكل بسيط بس رووعه وهي شارتنها من لبنان وطبعا كالعاده مستووووووووره ..
بعد ماساره لبست.... فهد كان يرتب الغنفه عشان ينام ..
ساره مستحيه وااااااايد ..
فهد يوم شاف ساره صد صوبها وشافها بجمالها الطبيعي وفاتحه شعرها السايح
ساره استحت من نظرات فهد على طول راحت صوب سريرها اونها تبى تنام
فهد وهو مبتسم : تصدقين ساره انج قمر ..وكل يوم تزيدين من الحلاه يا حظي فيج صدق
ساره ويها احمر ماقالت شي
فهد شوي راح صوبها ..ساره خافت ..
فهد : ساره
ساره زايغه: ها ..شووو شش شو تبى
فهد : ملامحج ما تبين انج بهالجفاء والقساوه ..انا اعرف ان ملامحج مثل قلبج مافيه غيرالرقه والبراءه بس انتي تصنعين هالشي وانا متاكد من احساسي ..
ساره توترت لان فهد كشفها : فهد ابي انام يمكن ؟
فهد بكل رقه لحظه شوي ..راح فهد خذ ورده حمراء من الباقه اللي يايبنه ..
فهد ماسك الورده الحمراء وبكل رقه وابتسامه : ابي امسيج بهالورده
ساره مستغربه من تصرفات فهد .. ساره بعد ماخذت الورده : مشكور
ساره بعد ماحطت راسها بالوساده مستغربه من فهد لانه وايد رومانسي ورقيق وياها مع قسوتها وجفائها ..
ساره بخاطرها : والله يا فهد طلعت صعب وايد..كيف بخليك تكرهني وتتخلى عني وانت بهالرومانسيه والحب
اما فهد فهو مستانس بهاليوم وهو حاط راسه على الغنفه طبعا اوامر ساره ..


اما خالد فغصبن عنه الدموع بملامحه الحزينه وهو يضرب الوساده ويقول: كله منك يا فهد خربت حلمي اني اكون ويا الحلم اللي حلمته .. والله لا اخليك تندم يا فهد ..اااااااااااااااااااااه يا ساره حبج كبير بقلبي صعب انساج صعب حتى لو انتي لشخص ثاني
خالد كل ما يتذكر ان ساره خلاص صارت ملك انسان ثاني يتعذب اكثر وغصبن عنه يذرف الدموع ..


ان شاء الله تستانسواا