.. موبـــايل مســـروق ..

[شوق القلوب]

الســـلام عليـــكم...

بغيـــت أسأل.. اذا الواحد انسرق موبايله... شو يسوي عشان يسترده..؟؟

سمعت انه الشرطه يرومون يعرفون وين مكان الموبايل.. او انه الاتصالات يعرفون هالشي..

وعن سالفه الارقام اللي في البطاقه.. الاتصالات ما تقدر اتطلعها..؟؟

.
.

اللي عنده خبره في هالشي.. ياليت يعطينا معلومات..!

[أمرين]

وعن سالفه الارقام اللي في البطاقه.. الاتصالات ما تقدر اتطلعها..؟؟




أي أرقام تقصدين .....؟

[شوق القلوب]

أمرين .. أرقام تلفونات الاشخاص اللي امخزنه.. !

[حبوبه دبي]

انســـرق تلفــونج !!

:sadwalk:

انـــا اللي اعـــرفه انه الاتصـالات اتروم اطلـٌع الارقــام ،،

اتصــلي فيــهم واســألــي ،،

بــس مــاظـن انه يــنرد :no0:

[شرجاوي]

التلفون مستحيل يعرفون مكانه و الارقام كذلك ما تنرد

[دمعة شوق]

مادري سمعت انهم يعرفونـه ،، إذا انبـاع .؟!!

[شرجاوي]

بعد ما بيعرفون ... الا اذا عندهم سيريل نمبر و واحد يدور على محلات التلفونات و يدور التلفون مسرق ( مستحيل طبعا )

[الحساس]

اصلا اتصالات فاشلين !!!!!!!!!!!!

شركة T mobile يوم كنت ادرس برع سرتلهم قتلهم بغير بطاقتي بس المشكله ان كل الارقام بالبطاقه.. قالوا ولا يهمك بالكومبيوتر نروم نظهر كل الارقام الي على بطاقتك!!

مادري لي متى هالمذله ويا اتصلات الممله...

بالنسبه لسالفه ان الشرطه تساعدج.. هي يرومون بس في حاله وحده..

ان رقم تلفونج ( السيريل) يعني الي مكتوب وين البطاريه هذا لازم تعطينه لهم.. وبعدين اذا حد استخدم التلفون المسروق يرومون يحددون موقعه او بطريقه معينه يعرفون منو هو..

[بلوة حلوة]

شـووق القلووب

جلبتـي المواااجــع ..

موبايلي ضااع يوم الحـاادث ..

وعسب يعـرفون وين مكاانه .. خـذوا السيريال نمبـر ماله وعرفـوا انه يرن فـ الشارجه

وعقب قطـعوا بطاقتي عسب يركب بطاقه ثانيه ويعرفـون كم رقمهـاا وعقب يطلعونها باسم منو ..

بس الحبيب خسس فينـا وما ركب بطاقة ثانيه لان الموبايل للحيـن *مغلق* .. \\ تقدرين تقولين جنه مراقب

وراااح موبايلي عني ..

بس قولي يالله مب مستخـدم الميموري كاارد .. بيضيع مستقبلي كيكيكي



هاي شغلة .. الشرطه \\ وزارة الداخليه *طووط* \\ وماعرف وين بعد نسيت ..

وعن الأرقـااام ماعرف بس بسأل اخوي

[الدمعة الحزينه]

مثل ما قالوا اخواني عن التيلفون لازم اتعرفين رقم السيريال

وانشالله بتلقيينا

والسموحه

[بلوة حلوة]

تعـاالي رقم السيريال نمبـر .. بتلاقينه مكتـوب بعـد على العلبه مال الموبايل ..
سيري جلبيها كيكيكي ^.^"

[الصامت]

بالنسبه اختي لموضوع ممكن يعرفوا امنو الي سرق التلفون فيه امل انه يطلعونه بس الاجراءات طويله شوي يعني تقدمي بلاغ في الشرطه ونفس ما قالوا الاخوان انه عن طريق السيريال حق التلفون

واضن فيه طريقه ثانيه انج تسيري الاتصالات وتقولي لهم انه تلفونج انسرق بس اضن لازم تكوني عارفه متى اخر مكالمه اجريتيها من التلفون واضن يقدروا يساعدونج

وبالنسبه للأرقام المخزنه في البطاقه الله يعينج ماشي طريقه اطلع لج الارقام مره ثانيه يعني انسيهم



والسموحه

[عاشق عباديات]

السلام عليكم

الصراحة في وايد ردود وما فيني اقراها

المهم

في خدمة اسمها تحديد الموقع يمكن بتشوفون البرنامج في بعض التيلفونات
ها البرنامج الي يحدد ها الشي
بس الخدمة مب موجوده في الاتصالات
واتصالات ما يبغون ينزلون كل الخدمات عشان ارباحهم ما اتقل

وبخصوص سرقة التلفونات لازم كل واحد فينا يحط برنامج والله ما اذكر شو اسمه
المهم البرنامج شغلته اذا البطاقة اتبدلت ... اتكون حاط مثلا رقم اخوك ولا رقمك الثاني في البرنامج ... التيلفون تلقائي يرسل مسج بالرقم اليديد الي في البطاقة يعني اذا الحرامي اول ما يحط بطاقته عشان يستخدم التيلفون اتشوف مسج منه بدون لا يحس وبالتالي وصلت للسارق ......

والطريقة الثانيه هي لازم اتعرف رقم السيريال مال التيلفون عشان اذا انسرق التيلفون اتروح للوكيل وهو يسكر التيلفون طول عمره يعني تقريبا يسكره برقم سري لين ما يرجع للوكيل

بس في مصيبه اكبر
بطاقة الميمري ( الذاكره )
لازم كل واحد يحط رقم سري للبطاقه
مثلا اذا انت سويت كل شي اذا التيلفون انسرق
بس الميمري اذا حطه في تيلفون ثاني يقدر يطلع كل شي

فالاحسن اتحطون رقم سري في الميمري عشان اذا حطه مكان ثاني عشان يشغله ما يقدر الا عن طريق التيلفون الي استوى فيه الرقم السري وانت اذا سكرت التيلفون كيف بيقدر يشغل الميمري

وفي شي ثاني

بخصوص بطاقة sim card
لازم كل واحد فيكم يسوي pin يعني الرقم السري>> عشان اذا بغى يستخدم البطاقه ما يقدر واذا لعب بالرقم السري تتحترق البطاقه


وفي شي ثالث

لازم الكل يحط برنامج اسمه handy photo الي يحفظ الصور بالرقم السري

وايد زين ها البرنامج
كيف
انا نزلت برنامج ثاني يدخل على ها البرنامج وسحبت الصور الي في البرنامج handy photo مع اني امسوله رقم سري

اتعرفون شو استوى
ما اشتغلت ولا صورة

نزل فايل ما ينقرااااا

وشكلي طولت عليكم


وعندي وايد اشياء للسيفتي بس ما اذكرها

والي عنده اي شي او اي استفسار عن اي تيلفون او اي شي يطرشلي على ها الايميل وانا انشاء الله برد عليكم

وسامحوووووني على التقصير
dubai_m_2003@hotmail.com



مع السلااااااااااااااااااااا ااااااامة

[الرحيل]

باي باي لندن