الشي اللي لازم ندركه انه هالفئه العمريه تحتاج جل الاهتمــام و الرعايه.. و عدم تركها تتخبط بالايام.. هالفئه انجذابها سريع لكن محتاجه من يستغل هالنقطه و يدفعهم لحب أسمى من مجرد مشاهير.. أو بالاحرى وهــم لا أصول له..
ما تحتـاج للرعـاية والاهتمـام كثـر حاجتهـا للقـدوة اللي جـدامهـا ..
والقـدوة الأسـاسيـة هي الأم ، الأم كيـف أثـرت على بنتهـا ؟ كيـف وجهتها ؟ بالضرب والعصبية أو بالاجبــار ( تنفذ أوامـرهـا غصب ) ؟
وكيف تتعامل معها ؟ عاطتنها الخيط والمخيط ومخلتنهـا تسـري ع كيفهـا ؟!! أو توافه الأمور في هالحياة أشغلتها عن بنتها لدرجة التجـاهـل ؟
هذي القـدوة ( 1 ) بالتـأكيد بذورهـا ( بنتهـا ) بتكون فاسـدة على المجتمع وآثارها السلبية بتكون ظاهـرة وواضحة ومنهـا ظاهـرة " الإعجـاب بكـل شي "..


ولكـن البعض قدوتـه صالحة في المجتمـع ، ولكـن نواتــج القـدوة (1) ، اللي هي البنـت بتكـون قـدوة لزميـلاتهـا من حولهـا اللي بيتأثرن فيهـا في الغالب ، وهذا اللي ظاهـر في مجتمعنا حاليا !
لأن الكثيـر من البنـات من ترابع وحـدة تأثرت بها وبصفاتهـا ، وهو الغالب جي إنه الصديق يتأثر بصديقه لدرجة إنه تتقارب أشكـالهم أحيانـاا !

هذا سبب واحــد ، والقائمة تطول ..

والحل من الأم نفسهـا ، إذا كل أم كانت قدوة صالحة لبنتهـا ما بنقول إنه ما بيكون فيه ظواهـر شاذة في مجتمعنـا ، بتـوجـد لكـن أقـل بكثييييـــر من اللي نشوفه الحين ..

بانتظـار ثمـار موضوعـكـم الحلو هذا .. نبـا نهايـة رسايلكم خخ ما شاء الله إعجـاب علني لول :puppyeyes:

تسلم يدينــكم على الفكـرة الحلوة خـواتي شوق القلوب وحلم الطفـوله .. للأمـام دايمـا