الدرس الثالث في التصوير الضوئي (كيفية عمل آلة التصوير)

**الحاضر الغايب** · 17-03-06 ||, 05:19 PM

السلام عليكم ...

درس اليوم ما بثقل فيه عليكم وان شاء الله تستفيدون منه نفس الدروس اللي قبله

قبل ما نتعرف على اساسيات ومبادىء التصوير لازم نعرف كيف الكيمرة تصور

ما بطول عليكم وايد ... عندي فلاش يوضح هذه العملية حصلته في موقع كانون

الميزه في هذه الكاميرات المرآتية (SLR) انك تصور اللي تشوفه ... الكاميرات القديمه كان فيها اخطاء في التصوير ... يعني انت تشوف شي والصورة تطلع شوي على اليمين اكثر ... وهذا الخطأ كان بالاساس من ديزاين الكاميرا نفسها ...

الاولى للكاميرات التقليدية (بوفلم )
والثانية لكاميرات الديجيتال

[flash=http://marames.com/media/35.swf]WIDTH=450 HEIGHT=400[/flash]

مثل ما تشوفون ... الضوء كيف يدخل الكاميرا وتنعكس الصورة في شي مثل المرايا عسب نحن نشوفه ... ومن نضغط على زر التصوير ... ترتفع المرايا على فوق ... ويروح الضوء على الفلم ...

[flash=http://marames.com/media/d35.swf]WIDTH=450 HEIGHT=400[/flash]

والثانية نفس طريقة العمل ... والفرق الوحيد انه هذه الكاميرات بدل الفلم فيها السينسر واللي بعد ما يدخل عليها الضوء تودي الصورة على الميموري ...

اذا في اي استفسارات اتفضلوا اسألوا ... والدرس الياي بيكون شوي دسم اكثر من هذا ... ويباله تركيز اكثر ...

اتمنى انكم استفدتوا ...

والسموحه تأخرت في الدرس هذا ... المفروض يكون الاسبوع اللي طاف ...

**حلم الطفوله** · 17-03-06 ||, 05:29 PM

ومنكم نستفيد أخوي.شكرا على هالمعلومه المفيده

**الحاضر الغايب** · 17-03-06 ||, 05:36 PM

العفو اختي حلم :)

**قرموشة** · 17-03-06 ||, 06:04 PM

شكرا ..

ومنكم نستفيد ..

قرموووشة

**أمواج** · 17-03-06 ||, 06:22 PM

وعليــكم السـلام . .
:smartass: شكــرا معلمــي :smartass:

**راعي الزعـامه** · 17-03-06 ||, 06:29 PM

مشكور اخوي عالدرس

الصراحه انا قبل كنت اشوف التصوير شي ممل

لكن بعد اشتراكي في الواحات ومتابعتي لصور الاعضاء وتصويرهم الرائع

اتحمست .. وشكلي باخذلي كيمرا وبيلس أطبق درروسكم ..

تحياتي ،،

**ذنـيـنـي** · 17-03-06 ||, 08:14 PM

ما قصرت يالحاضر,

و في انتظار الدرس القادم,

تسلم,,,

**العجيبة** · 17-03-06 ||, 09:17 PM

شكـرا ما قصـرت ..

بانتظـار الدسـم ..

**الاسطوري** · 17-03-06 ||, 11:25 PM

السلام عليكم ..

وأخيرا نزلت الدرس الثالث ،،
بطيت علينا وايد
:negab:

انزين دام أن عملية التصوير تقريبا نفسها ليش الوضوح
يختلف بين الكيمرتين ؟ هل بسبب أنها تخرن
الصور على المموري ولا في
أسباب ثانية ؟
:kkk:

يثبـــــت

الاســـطـــوري
أخوكم

**لمّــاح** · 18-03-06 ||, 03:45 PM

تسلم عالدرس ^_^

**عفاريتووو** · 19-03-06 ||, 01:45 PM

نتريا الدرس الرابع

,, تسلم اخوي على جهودك

**أتمنى** · 19-03-06 ||, 07:58 PM

و عليكم السلام و رحمة الله و بركاته

الله يعطيك الف عافيه يا اخوي

على مجهودك الرائع :)

عندي اضافة بسيطه بعد اذنك ..

بداية عصر الكاميرا و التصوير كان

المصور يشوف الصورة مقلوبة تماماً

يعني لما يصور البورتريت مثلاً يشوف

الرأس مقلوب :puppyeyes:

لكن بتطور الكاميرات تم وضع مرآة عاكسه

أمام العدسة مباشرة

فساعد المصور

انه يشوف الأشكال بشكل صحيح

مع اختلاف بسيط جداً .. الى ان تم التوصل لمكان

المرآة بشكل دقيق جداً يساعد المصور يشوف

الصورة مماثلة لما سيتم طباعته

يعني الله يعينهم من جد المصورين القدامى

أجمل التحايا :)