ساعدونــــي ف الاختيــار

**قرموشة** · 17-03-06 ||, 03:22 AM

من رايي .. الـ انفينيتي fx45

**راعي الزعـامه** · 17-03-06 ||, 04:09 AM

الرنج مب نسائية
يعني شكلها مب حلو للبنات

انصحج بالمرسيدس .. واختاري هناك اكثر من سيارة مرسيدس حلوه
ونسائية .. وفخمه ولها هيبتها وشخصيتها مهما مر الزمان

**الاسطوري** · 17-03-06 ||, 05:30 AM

السلام عليكم ..

الـ FX 45 حلوه بس أحسها سبورت وشبابيه
وفي إحتمال تتغير خلال الفترة
اليايه والرنج بصراحه
مايسوى

إذا عادي عندج تصبرين أنصحج بالـ LS 460 يمكن أتطول
شويه بس تستاهل على المواصفات اللي
فيها وانتي شوفي وقارني
واختاري

وهاي صورها 1 ، 2

هذا من رايي الشخصي
والسموحه

الاســـطـــوري
أخوكم

**المزوحي** · 17-03-06 ||, 09:16 AM

بالنسبة للوكبية شي مرسيدس سي ال كي .. وشي اس ال لكن الثانية طبعا أغلى .. أما الياباني أنفنيتي
كوبية ..
أما بالنسبة للبي أم .. أكس فايف جميلة لكن ماظن تقتنعين بها كونها ( جديمة ) على راي وااايد من الناس لكن أفضل عن الرنج والبوورش ..
وفكرت لج بلكزس جي اس لكن ماتبين صالون ( 4أبواب ) بعد فنانه ..

**الحساس** · 17-03-06 ||, 10:03 AM

الشباب ماقصروا حطولج بعض اسماء المواتر..

عليج الحين تزورين المعارض وتطلعنين على المواتر هاي عن قرب حدريها وشوفي الي يناسبج

....

لا تاخذين موتر صالون الي حجمه عود شرات المرسيدس s لان هالموتر بالذات عوود وماييصلح للسواقه .. الا بالدرويل!!
وجان بتفكرين بالمرسيدس عليج بال CLS شكلها فريد وغاويه وتصلح للبنات..

....

ومثل ماتفضلوا الي قبلي ... الانفنيتي والمورانوا حلوة.. اما الرنج من وجهة نظري شبابيه اكثر ..

وعند الكايين حلوة بعد...

.....

ومبروك مقدما ... :)

**العجيبة** · 17-03-06 ||, 03:35 PM

البي أم الفئة السابعـة فظييييييعــــة

تخبـل بـي هاااي ، خاصة يوم كانوا يحطون إعلانها كل أسبوع في ملحق السياييـر ..

الحمدلله على سلامتـج .. ما تشوفين شـر..

**الرحيل** · 17-03-06 ||, 06:17 PM

ماتشوفين شر يالغاليه وحمد الله ع السلامه

اممم انا اشوف انه البي ام330 الكوبي بيكون لايق عليج

بس هذا سعره مابيعدي 200

ومش لازم تكون السياره بحدود ال 300

في سيارات احلى تكون بحدود 150 الين 250

او لكزس اليديد بس رنج مانصحج فيه

والسموحه

**بحر الموده** · 17-03-06 ||, 10:15 PM

سلام عليكم
الحمدلله على السلامه خيتووو والله يكفى الجميع من شر الحوادث ومعوضه ان شاء الله

انا اشوف الانفينتى fx 45 fx35 والمورانووو وايد حلووووين تناسبج

واذا فكرتى بالصالوون انتظرى انفينتى الاميره وايد حلووو شكلها M45

والسموووحه

**عيون الليل** · 18-03-06 ||, 09:23 AM

:mar7aba: " يديد هالـ emoticon ف حبيت أستخدمه عيبني لـول

عاشق القلم

المرسدس هممم ما ادري بسير بشوفها .،.،.، مشكور اخويه على ردك الكريم

الاسطوري

لا اللكزس لا .،.،بقولك ليش .،.، لانه انا الي سمعته انه ما فيها ثبات على الشارع .،.، وبعدين عوده عليه احسبها :kkk: .،.،.، والانفنتي ما ادري الكل يقولي شوفيه .،.،.، شكراً اخويه على إضافتك الكريمه

المزوحي

أنفينتي الكوبيـه هممم .،.، حلوه هي بس واحد من اهلنا هاذوه بيبيعها مع انه توه شارنها ! ما ادري ليش بسأله .،.،.، والاس أل شبابيه وايد وايد وعندنا وحده ف البيت واسوقها وعجيبه وايد بس شكلها شبابي ويوم آخذها مع انها مخفي .،.، الكل عافدلي ف ويهي .،.، ف بلادنا ماشي الوحده تاخذ شويه راحتها .،.، يعني في شباب يصنفون البنت على حسب السياره !! وهذا أكبر غلط .،.، الله يهديهم إن شالله .،.،.، وشكراً على ردك يا اخويه

الحساس

بالفعل ما قصروا .،.،.، ونخدمهم إن شالله .،.،.،
أما عن الـ CLS ف زوجي قالي عنها وخبروني انها وايد ضيقه من داخل .،.،.، يبالنا انسيـر انشوفها
مشكور دكتورنا على إضافتك

العجيبة
الله يسلمج عزيزتـي .،.،.، والشـر ما أييج إن شالله
والبي أم الفئه السابعه هممم ما اتشوفينها عوده شويه ! أحس أبها انه من الافضل أنه يسوقها دريول أو أتكون الحرمه أكبر سنن منـي .،.، هذا رايي وهذا رأيج وتشكريـن عليــــه وما قصرتي يا الغاليه على الاضافه الكريمه .،.،.، ولا تتخبليـــن :harhar1:

الرحيــل

الله يسلمك أخويه .،.، بالفعل فيه سيارات اتكون أقل من الـ 200 وحلوه وانا ما عندي خلاف إني آخذ من هالسيايير بس يوم بحصل المناسب .،.،.، وانا حطيت هالسعر"300 وشوي" بس عشـان أحصل آراء واختيارات أكبر وأختار المناسب .،.،.، البي أم الي خبرتني عنها خاطري فيها لكن ما ادري من عقب ما غيروا الشكل ما حبيتها .،.، لـكن ولا يهمك بسير وبشوفها .،.،.، وشكراً على ردك الكريم

بحر الموده

الله يســلمك يا اخويـــه .،.، والحمدلله يوم أني سلمت وما ياني شي .،.، كل من شاف صور الحادث أستغرب .،.،.، الحمدلله على كل شي .،.، درس واتعلمناااه .،.، أنه السـرعه ما تيب غير المصايب والبلاوي
رايك بآخذه وبدرسه .،.،.، وبسير بشوف هالسياره .،.،.، وشكراً على ردك الطيب

مشكوريـــــــــــن جميعاً وما قصرتوا .،.،.، ونخدمكم إن شالله ف أي وقت .،.،.، الحيـــن أنا بسير بآخذ جولــه ميدانيـــة .،.،.، على خياراتكم .،.، وأدعوا لي بالتوفيج وأن الله يسهل الامور وما أحتار وايــد .،.،.،

السموحـــــه منكم

**كـلـكـلـووش** · 18-03-06 ||, 09:57 AM

مـــبـــروك عــليج المـــوتــر مقـــدما . . .

تشـــوفيــن خـــيــره و يكـــفيج شــرهــا . . .

و عــن الســـرعــة .. ^_^ ..

**الاسطوري** · 18-03-06 ||, 02:55 PM

لو اللكزس مافيها ثبات جان ماكنت موجود
وياكم اليوم وأشارك
:ice:

**عيون الليل** · 27-03-06 ||, 12:56 PM

خـــلاص .،.،.،

وأخيرا قررت ورحت وطلبت السياره الي أباها
وإن شالله بتوصل قريب

السيــاره هي رنج سبورت الـ HSE شفتها بناتيه أكثر من السوبر جارج .،.، من ناحية القزوز ونوعية جلد السيتات .،.،.، يعني بختصار تصلح لي أكثر من السوبرجارج .،.،.، وسواقتها حلوه جداً .،.، ما تحتلف عن الرنج السوبرجارج بأي شي .،.، ماعدا بعض الاشياء الي ذكرتها

وكل الشكر لكل من عطاني راييه .،.،.، ما قصرتوا والله