آخـــر الــمــواضــيــع

صفحة 1 من 3 123 الأخيرةالأخيرة
النتائج 1 إلى 15 من 35

الموضوع: آنسه توتر ...وجيرانها!

  1. #1
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    آنسه توتر ...وجيرانها!

    السلام عليكم ورحمة الله وبركاته

    آنسه توتر

    انسانه شاءت الأقدار والصدف الثجيله إلي يبالها ضرب ساعات ...إنها تجابلني بدوامي دوووم ...
    يعني لزقة عنزروت ما تفج ؟؟ مهما حاولت ...نووووووو ويه ...وراي وراي ..ياربي حتى بالبريك وراي
    هالآنسه توتر....دوووووووووووم متوتره وتوتر إلي ما يتوتر ......إلا تزيد من توتره
    وازيدكم من الشعر بيت لو تبون
    متشائمه لأبعد الحدود .... انسانه غريبه عجيبه ...تشوفينها تعتقدين إنها العقل كله
    تكلمينها ...تزيدج اكتئاب وتوتر وتبتدين ساعتها تشكين بنسبة التشاؤم إلي زادتها بشخصيتج...
    تقولي: خاطري أتفاءل مثلج ....اللهم لا حسد ...كنت بقولها دشي الواحات وبتتفائلين؟
    تدرون ؟؟ قلتلها إياها بويها كم مره ؟؟ إنتي واااااااااايد متشائمه ..طبعا بأسلوب حلو وما يزعل
    استانسي... حبي الحياة عشان تحبج ... ركزي بدوامج وانسي توترج إشويه ...بس لا حياة لمن تنادي؟؟
    وأخيرا ...واليوم تحديدا ...نطق الحجر ...الحجر طبعا أنا ؟
    المهم ...لقيت الحل بس ما بخبركم؟!

    دريول باشا

    صدق إنه باشا ...........ومن حقه يرفع راسه وخشمه وراتبه والعلاوات وبدل السكن ويمكن يكون له الحق بالقروض ومنح الإسكان ؟ الله يستر بس
    لدريول باشا هو المسؤول الرسمي عن توصيل لعيال لمدارسهم وشيل شنطهم لباب الفصل تحديدا
    وهو الراعي الرسمي والشخص المناسب لأخذهم لاماكن الألعاب في المولات ...بالتعاون مع الليدي ميري طبعا
    هو المحتكر الرسمي لأسواق الخضره والسمج ويفاصل بالسعر بس الزياده كلها بجيبه
    لدريول باشا ...طول لسانه على أربابه ... بس الحاجه بنت حرام ؟؟ بنصبر ...وين بنحصل دريول شراته يعرف البيت أكثر من أصحاب البيت...
    وبعدين المثل يقول : اصبر على مينونك لا إييك أين مثله ؟؟ تدرون منطق غريب عجيب
    صدق إنه باشا والاجر على الله

    ثقافة على الدنيا السلام

    انتقلنا من ثقافة العقول لثقافة العيون ؟؟
    انتقلنا من شمس الأربعاء وانتظار ماجد وموزه ورشود وكسلان وزكيه وشملول ...
    لموقع بلي ستيشن وآخر ألعاب دمار العصر ... بس تفق ونط ولف ودور ...
    وكل هذا وانته يالس بمكانك وبتجيم اللعبة بسرعه
    ركز ركز ركز ....وأكيد بتلبس نظاره من كثر ما تركز ....لانه النظاره دليل على تميزك باللعبه؟
    قصة آخر الليل ودروها .... لأنه سندريلا اعتزلت الفن وصاحبة الرداء الأحمر كلاها الذيب هي ويدتها والكل نساهم ...لأنه يقولون والله أعلم إنه حمارة القايله وهي لعبة بليه ستيشن اليديده ستكتسح الأسواق قريبا
    الموضه الحين ... حط ام بي سي 3 الغير مشفره بس مدمره طشونه وانته والخير رباعه؟؟
    رضاء اطفالكم ودمار أخلاقهم هدفنا ...اتصل الآن وانتظر .... لأنه كله بأجره...
    ولا تخبرون أهلكم عشان ما ينازعونكم!ويمنعونكم من الاتصال فينا ...

    إليسا فاشن

    لا تحتارين وادورين على آخر صرعات الموضه لسنة 2007 ...
    تفضلي وزوري الجناح المصري والسوري بالقرية العالمية ...بتلقين فستان إليسا وجلابية نانسي وبيجامة روبي وزنوبة هيفاء ....بس لا تشترين إلا بآخر يوم عشان تضمنين الخصومات النهائية
    ولا تنسين تواكبين الفاشن الإماراتي بالعبايه والشيله الوطواطيه أقصد عباية الفراشه:alien
    ترى الوارات محدوده والمتر بألف بس ببداية الاكتتاب عقب بينزل لخمسميه كحد أدنى...
    حتى الأسهم رابعه ورانا هنا؟ قلبي ويا المساهمين شدو حيلكم ؟ ولا يهزكم نزول الأسهم ...
    خلكم رياييل وما تهزكم ريح ..أقصد تسونامي الأسهم

    إمارات بلا مواطن ؟؟

    عموه : ليش ما أشوف مواطنين ببلادنا ؟؟ هالكلام قاله لي بالصيف
    حلم: أغلبيتهم مسافرين ...صيف وتدري إنه الحريم والرياييل ما يصدقون يشردون من الحر
    عموه : تدرين من الصبح وأنا أراقب السيايير وتمنيت مواطن يمر بسيارته ...مستحيل
    حلم : راقدين العصر ....تعبانين من الدوام والشغل ويريحون بالبيت ويا عيالهم ؟ صدقوا عاد
    عموه: كله سعوديين .... وين الإماراتيين .... شكلها لبلاد ما فيها غيرنا ...
    حلم: ... بخاطرها طبعا ...نحن الوافدين ببلادنا ...
    قلتلك شغل ودوام وسفر وأسهم وعقارات مشغولين الله وياهم
    عموه : يقولج عدد سكان الإمارات --مليون ؟؟
    مكتوب بكتابنا لا تعاييني ( شافني أعاييه الظاهر)
    وينهم ؟؟ كلهم مسافرين ؟؟
    حلم : فديتك الغالي شو بلاك ماكل بعمرك ؟؟ يوم بتكبر اشتغل بالتعداد السكاني واتاكد روحك من عددنا
    صدقني بيزيدون عقب أسهم اتصالات كل واحد بيحط أربع ...عشان الاتصالات تكرم ألف عين

    تدرون ...شر البلية ما يضحك ....هالسوالف ما طلعت إلا من ورى اليلسه مع آنسه توتر ...الله يعين
    مواقف شبه يوميه ...شخصيات تمر مرور الكرام ولكنها حتما تترك انطباعا بقلوبنا ...أحداث وقائع حتما استوقفتكم .... موضوع مفتوح ...حط كل إلي بخاطرك بس بلا تحديد وبلا تجريح ...
    ونصيحه أخويه ....ابتعدوا عن آنسه توتر وربعها ...ما إيي من وراهم إلا مثل هالمواضيع المتوتره


    ااا

  2. #2
    أحسن عضو الصورة الرمزية ريم العين
    تاريخ التسجيل
    Apr 2004
    المشاركات
    1,689
    قوة التمثيل
    327

    رد: آنسه توتر ...وجيرانها!

    ههههههههههههههههههههههههه ههه
    ما اقول غير الله يعينج موضوعج وايد شيق وحلو
    لا تخليها تدش الواحات بتشوف الموضوع وبتسويلج سالفه ههههههههههههههههههه

  3. #3
    عضوية البكالوريا الصورة الرمزية الجنيه
    تاريخ التسجيل
    Jul 2003
    المشاركات
    2,182
    قوة التمثيل
    361

    رد: آنسه توتر ...وجيرانها!

    حلم الطفوله ...

    صياغه رائعه والله يعينج على ما أبتلاج ... الحل الوحيد أنج أتقابلين توترها بتوتر يعني يوم اتشوفينها متوتره وتريها زياده لين اتحس انج أتبالغين والسالفه ما يبالها شي صدقيني بتيوز عنج واسألي مجربه فديتني شريره ..

    دمتي بود غناتي
    لو حلفت انك تبيني ،،،
    وميت وهيمان فيني ،،،
    بأعتبرها ألف كذبه،،،
    طحت من قلبي وعيني ،،،

  4. #4
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: آنسه توتر ...وجيرانها!

    ريم العين

    ما تهون علي الواحات تتوتر .... شاكره مرورج عزيزتي

    الجنيه

    وناستي لكبيره رجوعج للواحات وردج على موضوعي ...
    وآنسه توتر استخدمت وياها خطه .... نجحت

  5. #5
    عضوية الماجستير الصورة الرمزية هزاايم
    تاريخ التسجيل
    May 2005
    المشاركات
    2,486
    قوة التمثيل
    354

    رد: آنسه توتر ...وجيرانها!

    حلم الطفووله
    أحلى تحيه حلوه شراات راعية إلي قدمتها<<< كيفي ردي وكيبوردي بمدح نفسي

    المهم
    والله إنيه حبيت الموضوع و الصرااحه ماعليج زوود صياغته روعه وتجذب بالوااحد
    رااح أدخل معااج بالتناتيف إلي حطيتيها إهني

    آنسه توتر
    تقهرني يوم توصل مع استااذ الرياضيات تقعد تسوولف وماتخليني اركز>>>يابنت الحلال انا ماأقر بالبلاد خلينيه افهم شي من ريااال قبل ماأحصليه هزبه
    يدخل بالتكامل والمساحه وجيب الزاويه تكاملها....وهي تسألني ليه اطلعين صوت بقلمج...؟؟تتخقيقن به..؟؟رياال شكله عنده قرطاسيه ف مافي داعي...؟؟تنهدنااا قالت لنا منقوود يطلع حسج تحركنا تقول عيييييييييييب محد يتحرك في كلاس الرياضيات لو تكلمنا مع الأخو تقول وليش ماتخلوون الإستااذ يشاركم بالحدييث

    صج إنج متشوطه قصدي متوتره


    البااشا إلي عندنا دوومه يتشكى من الأخو
    والمشكله إنه قصير والأخو ربي يحفظه....لورمست الله معااك
    هو شكله بس يتحكم بالسيكاان والدووس والأخو متولي الباقي يحطي له على الإن وال....مااعرف الباجي
    ولوطلعتي معااهم طلعت رووحج لين مانوصل المكاان..كل وااحد يتفلسف على ثاني
    والباشا احيانا يكوون مشتط ويعطي بالويه لكن سرعاان مايتحول إلى مره قال للأخو ليه ماإنت تسووق وانا يقعد مكان إنته وطبعا الأخو مايقصر بنظراات


    انا اتحدااج لو بنت إختيه شمااس ماخذت الدكتوراه والماجستير في تسمييع حلقاات ام بي سي 3 حتى عفانا الله قصدي مااشاء الله عليها من كثر ماهي فااالحه تتحدانا إن نقطع الصوت وتسمع الأدواار
    وبهذي المناسبه ابارك للخال وللأبو و كل من يعز أخوي وولد الخال إنهم راح يشاركوون بلعيبة المنتخب في الوينغ إليفن فلا داعي للإحترااف الخارجي ولاتحرطم على الحكم ولا غيااب الجمهوور ولا هذا اللعب الأجنبي مش قد المستوى


    تريد تشووف عياال البلاد
    سجل عندك المكان
    كيرومويل-لندن-المملكه المتحده
    من بدااايه السنه لنهايتها
    تلقااهم وتلقى معاهم طباايعنا
    المشااوي والذباايح وكل يووم جمعه تسمع الخطبه والصلاه
    وعسى ربي لاإييب مكرووه لشخص
    وربي يشفي مرضانا ومرضى المسلمين أجمعيين

    ودمتي يالشيخه يالفاضله على الطاعه
    والمزيييد من هذي المواضييع الفرفووشيه
    والسمووحه عالإطاله
    وإذ بدر منا قصووور
    التعديل الأخير تم بواسطة هزاايم ; 19-03-06 || الساعة 05:57 PM

  6. #6
    عضوية الدكتوراه الصورة الرمزية أمواج
    تاريخ التسجيل
    Sep 2004
    المشاركات
    3,087
    قوة التمثيل
    392

    رد: آنسه توتر ...وجيرانها!

    آنســـه توتــر . .
    الصــراحه كســرت خاطري . . يعني معقـوله تتشائم منيــه والدرب . .
    لازم في شي مضايقنــها . .
    ممكن توصلين لها كلاام من عندي ؟؟. .
    قوليلها تقولج المتفيزره عالعرقووب : محــد يستـــاهل وخليــج كووول . .

    دريــول بـاشا . .
    عجـــيب هالانســان . . ولا بعد يكــاسر ؟ .. لوول . .
    مابيشتغــل عدنا . . .؟!

    ثقــافه على الدنيــا الســلام . .
    احس اختلط الحابل بـ النابــل . .
    ولاتعليــق . .

    إليســا فاشــن . .
    لازم تشتركين في اللجنــه مال الاعــلانات >> شكلج تنفعين في الاعلانات وخاصه إعلانات
    عن القريــه العالميــه . .

    إمــارات بلاا مواااطن . .
    تصدقين من يوومين اتكلم ويا ربيعتي عن هالازمه اللي ماريــن فيها . .
    ياختيــه البلااد لو تسوين إحصائيه عن نسبه المواطنين بتلقين قلييل والباجي هنود ، بنغاليه و مادري شو و زلماات . .
    يعني نسبه الموااطنين ضئيــله . ..
    اخااف بعديــن يطالبوون بالامارات كوون عدد الوافدين أكثر ( لاسمح الله )
    .
    .
    هنــا
    [ مفتــرق ]
    الطريــقــ .. !!
    .
    .
    شكــرا ً

  7. #7
    مـراقـبـة واحة التصاميم و الفنون التشكيليه الصورة الرمزية طير الغرام
    تاريخ التسجيل
    Jun 2002
    المشاركات
    7,537
    مزاجي
    Fine
    قوة التمثيل
    643

    رد: آنسه توتر ...وجيرانها!



    تقرير موجز
    وماشاءالله عليج

    قدرتي اتوصلين الفكره لنا
    أسلوب ولا أروع

    ويعجز قلمي المتواضع عن الرد بشي يضاهي مستواج

    ربي يوفقج ^_^











  8. #8
    عضو ممتاز الصورة الرمزية دانة حتا
    تاريخ التسجيل
    Apr 2005
    المشاركات
    1,028
    قوة التمثيل
    282

    رد: آنسه توتر ...وجيرانها!

    انا تحسبت تقصديني
    انا متوتره بس مب جيه وبعدين تعلمت اضبط عمري الحمد الله
    وجان ع التشاؤم الله يعينج وبعيد عنا ان شاء الله
    mbc3 .....حدث ولا حرج ..الا بسالكم هذا حسن شو اصله؟؟

    والدريول عاااااااش الصراحه.. لا تعليق

    اما يطويلة العمر البلاي ستيشن انا مثاال حي
    مدمنه العب حربيه وقتل ورعب ومجيمه فوق العشرين لعبه
    مب طول حياتي هذا بس ايام المدارس في الصيف غييير
    و حاليا عاااشقت سيارات

    والنظااره لازم دليل التفوق
    الله يعيني صح

    ثانكس ع الموضوع

  9. #9
    عضو متميز الصورة الرمزية وعد
    تاريخ التسجيل
    Jan 2006
    المشاركات
    598
    قوة التمثيل
    251

    Talking رد: آنسه توتر ...وجيرانها!

    الله يخليج حبيبتي عطيني الخطة ابي اجربها علي واحد معاي بالدوام
    وعلي طاري البلاستيشن
    احلي شئ يوم اغلب ولد اختي يوم العب معاه
    هههههههههههههه عذاب له المسكين
    مو بس هو اي صبي او ريال غلبيهم بلعبة البلاستشن وتعالي شوفي ويهم ههههههه نكته
    التعديل الأخير تم بواسطة وعد ; 16-03-06 || الساعة 01:11 PM
    راقِبْ أفكارَكَ لأنها ستُصبِحُ أفعَالاً
    راقِبْ أفعالَكَ لأنها ستُصبِحُ عادات
    راقِبْ عاداتَكَ لأنها ستُصبِحُ طِباعاً
    راقِبْ طِباعَكَ لأنها ستُحدِّدُ مصِيرَكَ

  10. #10
    عضوية البكالوريا الصورة الرمزية عنود الريف
    تاريخ التسجيل
    Jan 2002
    المشاركات
    1,934
    قوة التمثيل
    366

    رد: آنسه توتر ...وجيرانها!

    مرحبا بج الغاليه حلم
    ويييييييييييييييييييييه ثرج تعانين من ناس كثيرة
    الله يعينج عليهم بس
    انا اختي انسه توتر يوم تسير السوق
    عشر مرات تطالع اللي بتشتريه وقبل ما تظهر من المحل اتقول برده مب عايبني
    شو اسوي بها ؟؟ تنرفز اللي ما يتنرفز ..

    اما دريول باشا .. ما يروم يقول شي .. صالبينه اللي عندنا بس مرة قهرني غير الاذاعة على كيفه ..

    واذا على قناة mbc 3 ما عندنا يهال في البيت . بس نحن ساعات نغدي يهال ونتابع توم وجيري المسا ..
    بس عندي اخويه من ربع البلاي ستيشن .. قصري شويه على الصوت .. شوفي شو يستوي به .. تشوفين تنين يطالعج ..
    اما المواطنين فحدث ولا حرج ..

    تسلمين اختي حلم
    اسمحولي عالغيبه ..

  11. #11
    بروفيسور متميز الصورة الرمزية العجيبة
    تاريخ التسجيل
    Aug 2004
    المشاركات
    3,801
    مزاجي
    Cool
    قوة التمثيل
    430

    رد: آنسه توتر ...وجيرانها!

    آنسه توتر

    إنسانة تزورني بين فترة وثانية ، مرات تحصل ويه مني ، ومرات أحاول ألبسها لكن ما تطلع على مقاسي فاتركها في حال سبيلها إلين ما تولّي عني

    دريول باشا

    باشا عند الكثيرين ، لكن عندنا ما يعرف شو يعني باشا ، عالعموم يرحم أياااامــه ..
    ما قدر يستحمل العيشة بدون لقب باشا فتركنـا وحمدنا الله إنها يت منه

    ثقافة على الدنيا السلام

    هالثقافــة حاولت إنها تشدني صوبهـا ، وما أخيب ظنها .. نفسي تشدني لها يوم ويومين ، وبعدها أسويلهـا أحلى طااااف ..

    إليسا فاشن

    هههه بعـدني ما شفت بنات الفراشات ، أنا بلبس عباة الوردة عيل ! خخخ عشان أذلهن على الرحيق و جلابية نانسي فتنتني خطوطها واشتريتهـا وعاااد عقب يوم تميت ألبسها البعض كان يزقرني نانسي فكنت أقولهم ببراءة ما غيرت اسمي !! الين ما شفت نانسي لابسة مثلي !
    يعني نانسي اللي لبست جلابية العجيبة مب العجيبة اللي لبست جلابية نانسي

    إمارات بلا مواطن ؟؟

    ههه قولي حق ولد أخـوج ، عادي باجر تشوف إنسان لابس كندورة وغترة وعقال - شي يدل على إنه مواطن - ويقول " وتني أنا ، أنا وتنـي " حليلهم المواطنييين يذكروني بعصر الدينصورات اللي انقرض كانت أيااام وأعتقد سبب انقراض المواطنين فلوسهم الزايدة ، اقصد قروضهم وديونهم الزايدة اللي تخليهم يعيشون في سوق الاسهم وأوروبا ..


    لو أدري إنه هذي نتايج اليلسة عند آنسة توتــر ، ما كنت قريت الفقرة اللي تكلمت عن هالآنسة المحترمة ، وساعتها ما كانت بتأثر علي أنا بعــد

    حلم الطفولة
    سلمي على آنسة توتر كتييـر كتييــر
    وقوليلها تسلم يدينــج دامها تخلينـا نستمتع بحلم الطفولة وجديدهــاا
    إن الفقيه هو الفقيه بفعله ليس الفقيه بنطقه ومقاله
    وكذا الرئيس هو الرئيس بخلقه ليس الرئيس بقومه ورجاله
    وكذا الغني هو الغني بحاله ليس الغني بملكه وبماله

  12. #12
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: آنسه توتر ...وجيرانها!

    [CENTER]هزايم

    شاكره لج مرورج الممتع مثلج ....شكلها الآنسه توتر وضواحيها ملعوزينج من الخاطر

    المتفيزره على العرقوب
    ممكن توصلين لها كلاام من عندي ؟؟. .
    قوليلها تقولج المتفيزره عالعرقووب : محــد يستـــاهل وخليــج كووول . .

    حاولت وصبرت ورديت وحاولت واخيرا عيزت ....ماشيء فايده ...توترها توتر دائم

    وهالدريول مقدم سلفا ما يغلى عليج الغاليه.... بس بدورلج غيره
    لانه راعيه متمسك فيه حتى آخر رمق ...
    ترى قلتلج استوى من أهل الدار وجيبه وجيب راعي البيت واحد....

    مرورج بهالموضوع خفف توتره إشوي ....عسى أيامج كلها سعاده ومسرات...ونجاح بالمساقات [/CENTER]

  13. #13
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: آنسه توتر ...وجيرانها!

    طير الغرام

    عزيزتي ... وجودج بحد ذاته وردج على الموضوع بهالعبارات يشرفني ويفرحني بذات الوقت

    مشكوره يا راعية الذوق والله يوفقج بدراستج وبحياتج

    دانة حتا
    تدرين سبب هالتوتر إلي فيج ؟؟ أكييييييييييييد من التركيز بالبليستيشن ...صدقيني لها آثار توتريه قويه
    حلوه توتريه هاي
    المهم ........... خفي إشوي من اللعب ....وأكيد الله يعينج ويوفقج بحياتج عزيزتي

  14. #14
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: آنسه توتر ...وجيرانها!

    إختي وعد

    هالخطه إلي استعملتها ما تنفع إلا لها بالذات وعلشان جيه نجحت

    فكري بخطه ثانيه وأكيد بتنجح ....هاي حالتنا بنتم دوم نخطط...شكلنا توترنا مثلهم

    شاكره لج مرورج

    عنود الريف
    تدرين هالشيء ما يعيبني .........الله يعينج على إختج ....
    تحسين عمرج ادورين بمكان واحد وآخرتها تطلع وما يعيبها شيء ....صدق قهر
    مشكوره الغاليه على المرور وتسلمين على المشاركه

  15. #15
    عضو ممتاز الصورة الرمزية صدى جوفي
    تاريخ التسجيل
    May 2005
    المشاركات
    1,172
    قوة التمثيل
    288

    رد: آنسه توتر ...وجيرانها!

    حــــلم الطفــــولة ،، ســــجلي اعجــــــابي بقلمــــج المتميــــز..
    ءانســـة توتــر .. انســــــــانة تييب لــي الكــــآبة ، تفقـــدني الثقــة بنفسي ،، وتحرمنــي هنى الراحــــة النفسية اللــي أعيشــــها ،، بـــس تظل مــــلازمتني ؛ وأنــــــا مالـي غنى عنـــــها ،، بعـــد مضفيــــة جــو بها الحياة ،، من غــــيرهــا ما راح أحس بوجــود مقتطفـــــات من السعــــادة في حياتي ..

    ثقـــافة وعلى الدنيــا الســــلام .. استحــواذ البلايستيشن وسبيس تون على عقــول الصغــــار
    ليستــهويهم العنف والــــوجوه البشعــة والشخصيـــــات المختلفة وكـــلاهمـــا مكمـــلا لبعض فالآخـر
    يدعـو إلى الأول ،، والاثنــــان يستوليــان على الفــكــر ،، ليتــــــعود على العــنف، المـجــازفة والخ ،،
    والمســـتوى الدراســــي في تدنــي ،، وعن الـقراءة لا تســــألني !!

    كـــــم يــؤلم ذلك الحـــال .. وكم سلــبت طــفولة اولئك الأطفــــال

    إليســــا فـــاشن .. لمــا لا تـــرضى المرأة بأن تقــــلد أولئك الفنــــانات ،، من الفـــن >> هم الذوق
    والفــن <الانحطـاط> ،، جمــــالهن فتــــــان <مرقع> ، هم مروجي الجــمال< الزائف>، الغنج
    <القبيح>، والحب <المبتذل> ،،، ليــرضوا بأنفســـهن بتقـليدهن اذن!

    امـــارات بلا مواطن ،، فـــقد بـدأت هــــوية المواطــن بالتــــــلاشي مع استقطـــاب الوافــــدين للعمـــل
    بشتى المـــجالات،، وبـــــات المــواطن يتــجـرع البطـــالة مع تجــرعه الاغـــتراب في وطنـــه،،
    ويكــــــأننــا نخــــاف من الاقتــراب من بعض الأمــــاكن المزدحمـــة بالأجــــانب وكـــأن البـــلاد
    بــــــلادهم ،، والقلب يعتصـــره الحسـرة على حـــــال ذاك الوطــن ..

    أعــــذريني عالاطــــالة ،،

    كـــل التحـــايــــا لشخصك،،

    صدى جوفي

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. أموت أنا في حبهم
    بواسطة الجنيه في المنتدى واحة القصص و الحكايات
    مشاركات: 210
    آخر مشاركة: 28-12-05 ||, 10:40 PM
  2. آآآآآة يالدنيا عيال عم ولايتعارفون>>قصة ولا أروع<<
    بواسطة ملاك الدوحة في المنتدى واحة القصص و الحكايات
    مشاركات: 190
    آخر مشاركة: 30-09-04 ||, 07:26 AM
  3. فـُـتات أوراقي
    بواسطة بن دبي في المنتدى واحة القصص و الحكايات
    مشاركات: 0
    آخر مشاركة: 18-08-04 ||, 02:53 AM
  4. حـــــــــــــــــب لم يكتمل
    بواسطة ماوحشتك في المنتدى واحة القصص و الحكايات
    مشاركات: 92
    آخر مشاركة: 07-08-04 ||, 04:55 AM
  5. حياتي أنتي ( سهيل وميثاء ) ......
    بواسطة الملكه الدلوعه في المنتدى واحة القصص و الحكايات
    مشاركات: 5
    آخر مشاركة: 12-02-04 ||, 03:11 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •