×متعقدين من العربية×

**الـيـاه** · 29-12-04 ||, 01:55 PM

الـســـلام عـليــكـــم

اللغــة العـربـيــة هـي لغــة الـقــرآن ولغــة الـرســول ( صلـى الله عـليـه وسلـم ) ولغـة أهــل الجـنـة
و واجـبـــنا إنـا نعـــتـز ونحـافـــظ عـليـهــا <IMG src="http://oasis.bindubai.com/emoticons/fa42.gif" border=0>..

بس شـرات مانعــرف أن اللغــة الإنجلــيـزيـة استــوت لغــة العـصــر وإذا مارمسـنـابهـا
مابنمـشـّي حالنـا فـ الجامعـات , المـدارس , الشغــل , حيـاتــنا بشـكــل عــام وتعاملـنـا ويـا الغــــيـر
ويـن ماتســـيـر تـلاقــي أن اللغـة الإنجـلـــيـزيــة هـي اللـي فـارضـــة نفـسهــا

وبعـديــن ربـيــنا وتأسسـنـا عـليـهـا فـ المــدارس <IMG src="http://oasis.bindubai.com/emoticons/fa52.gif" border=0> > حـصـة أو حصتــيـن بالعـربــي فـ اليــوم
والـبـاجـي كلـه إنجلــيـزي وتعـامـلك ويـا المـدرســيـن أو الطــلاب كلــه بالانجلــيـزي !
فـ خـــلاص يعـنـي > مـا باليـــد حيـلـة

وأصلـن لو ماكـنا قاصـديـن نرمس إنجلــيـزي ( نـحـن نرمـس بـدون مانحـس )
حتـى العـيـايــز يـرمســون إنجـلـــيـزي  > شـوف ويايــه هالكـلـمـات <IMG src="http://oasis.bindubai.com/emoticons/fa46.gif" border=0>

سوبـر مـاركــت - تلـفــون - آلــو - بــاص - ليـــت - كمبــيـــوتـر
سبـيــتال - دريـــول - لمـبــة

هــاي كلـهــا كلـمـات إنجـلـــيـزيــة ..
يعـنـي بالعـكـس اللـي يرمـس إنجلــيـزي ويهـتـم بهاللغــة مـب يعـنـي مايفـتـخــر بلغــتـه
بس هاللغـــة <IMG src="http://oasis.bindubai.com/emoticons/fa42.gif" border=0> > بتـفـــيـده وايـــد وبتمـشـيــه فـ دراستــه وغــــيـره ..

وحتـى الإنجلـــيـز ماخـذيــن كلمــات عـربــيـة شــرات أشهــر كلمــة عـلـى سبـيـل المـثـال
اوكـي > هـاي كلـمـة عــربــيـة قـح  <IMG src="http://oasis.bindubai.com/emoticons/fa35.gif" border=0>

مـجــرد راي

**خربوطة** · 29-12-04 ||, 07:54 PM

الله يحفظك حولوها لـ تيك كير


<IMG src="http://oasis.bindubai.com/emoticons/biggrin.gif" border=0>
مألوفه هالكلمة
اني وي 
برد لكم تيك كير<IMG src="http://oasis.bindubai.com/emoticons/biggrin.gif" border=0> أووووووووووووول<IMG src="http://oasis.bindubai.com/emoticons/cool.gif" border=0>

خربوطة<IMG src="http://oasis.bindubai.com/emoticons/fa35.gif" border=0>

**غرشوب** · 30-12-04 ||, 12:02 AM

هجرس الشوق ( الـيـاه )

انا ما اقول لا تتعلمون انجليزي بالعكس انا اقول تعلموا انجليزي و غيرها من اللغات لانها بتفيدنا
لكن انا اقول ليش في اشخاص عندنا في مجتمعنا يرمسون انجليزي او بنقول نص انجليزي ونص عربي فيما بينهم وهم عرب !
هل عشان اللغة العربية فشيلة من وجهة نظرهم ؟ ولا عشان اراوي الناس والله انا شخص حضاري امشي على الموضة
يعني انا ولا مرة شفت بريطاني يرمس اربيعه البريطاني بالعربي ولا مثلا ً يقوله
خلاص انا go وياك tommoro >> <IMG src="http://oasis.bindubai.com/emoticons/fa56.gif" border=0>  سمعتي بريطاني يتكلم جيه ؟؟؟!!!

.
.

ليس مجرد رأي بل حقيقة
<IMG src="http://oasis.bindubai.com/emoticons/fa42.gif" border=0>
تسلمين على المشاركة
 ربي يعطيج العافية

**عذاابة الطاير** · 29-12-04 ||, 06:54 PM

شكرا اخوي على طرح هالموضوووووووع

بالنسبه لي ..

اشوف ان كلمه تطووووور هي اللي اماثره فينا ...
يعني الحين وين ما اتروح ( مدرسه - جامعه - كليات - دوام - مولات ) و غيرهم من الاماكن غصبا عنك بترمس انجليزي...
و اتخيل ان 6 او 7 دوام لصبح و كله ترطم بالانجليزي >>> النتيجه اتكون ان السانك متعود على اغلب الكلمات اللي تلفظها طوال اغلب الوقت >> و هالشي طبيعي من وجهة نظري..لان الواحد لو اتعود على كلمه معينه  اتكون خلاص مربوطه في السانه

 اكيد هالظاهره مب شي ... لان لغتنا العربيه اسهل و افضل و اكشخ بعد ...>> قبل يوم كنت في المدرسه كنت احلم اني ارمس انجليزي عدل و 24 ساعه .. لكن الحين و بعد ما دخلت الجامعه الصراحه بديت اكره الانجليزي لان طول الوقت لازم برمس بالانجليزي

ربي يستر من الجيييييييييييييييييييييي ييييييييييييل الياي ..  دام جيلنا يسوي ريمكس بين العربي و الانجليزي... عيل اللي عقبنا شو بيسوووووووووووون<IMG src="http://oasis.bindubai.com/emoticons/shutup.gif" border=0>

و السموحه

**الغاليه** · 30-12-04 ||, 02:10 AM

صح انه الشي اللي قاعد يصير شي مؤسف ومحزن  ... بس السالفه ومافيها  هو انه نحن لازم نتفهم موقف المتكلم ومانحكم عليه ابسرعه .. لأن شي فئات مختلفة من الناس.. أول فئة هي فئة

الطلاب والطالبات يوم كانوا في المدارس ماكان تعليمهم للغة الانجليزية بمستويات عالية ..

وعقب استوتلهم قفزة تعليمية تتطلب انهم يتقنون اللغة الانجليزية بجدارة  ويتخاطبوون مع اجانب لساعات طويلة من اليوم .. فصار

عندهم تركيز مكثف في اللغة الانجليزية  الشي اللي خلاهم في البداية  او في هالمرحلة بالذات يخلطون وايد في الكلام من غير قصد منهم..

طبعا مب كل الفئات جي . لأنه شي فئة تتعمد استبدال اللغة العربية باللغة الانجليزية كاقتناع منهم انها لغة متطورة أو ماشابه 

وهاي فئة بنظري عندها عقدة نقص شديدة  تبا تظهر للناس انها تعرف تتكلم انجليزي ( يتحرون عمارهم الوحيدين اللي يعرفون

انجليزي!).. وفي فئة منهم هم صدق  يتكلمون انجليزي لان تربيتهم في البيت

كانت تعتمد اللغة الانجليزية في المخاطبة والمحاورة بالرغم من انهم في الاساس عرب .. وهاي فئة باعتقداي فئة مظلومة أو انظلمت من قبل الأهل,, ...

عالعمووم يوم ورا يووم  وبيكون اللي يعرف عربي هو اللي له القيمه وهو اللي له الهيبه  
 
بس للأسف  يعني محد يعرف <IMG src="http://oasis.bindubai.com/emoticons/fa43.gif" border=0>

**غرشوب** · 18-01-05 ||, 09:30 AM

شوق القلوب

وعليكم السلام والرحمة

من خلال خلاصة تعقيبج اقدر اقول بأن الفئة الثالثة و هي الي ماتعرف ! وهالشي مب بيدها فهي الوحيدة الي نقدر نعذرها يمكن كون الام اجنبية..الخ

ام باقي الفئات ف مالها عذر يمكن بس الي متعودين يستخدمون الكلمات الي ذكرتيها مثل home work و غيرها نقدر نقول انه سبب استخدامهم للكلمات الاجنبية هي تداولها قبل وجود كلمة بالعربية يعني على سبيل المثال الكل يقول كمبيوتر مع انه اسمه بالعربي حاسوب لكن اول ما اخترعوا هالجهاز ما كان شي مرادف لكلمة كمبيوتر للغة العربية في هاك الوقت فتم تداول كلمة كمبيوتر بين الكلمات العربية مثل الموبايل و الالبتوب وغيرها من الكلمات الي مرادفها بالعربي ما كان لها وجود وظهرت عقب ما انتشرت بين الناس.

و عن لهجتنا المحلية صدقج .. حتى يمكن نوصل لليوم الي تختفي و تتغير مع مرور الوقت !

.
.
شاكر لج مشاركتج الفعالة ويانا ف الموضوع
ربي يعطيج الصحة والعافية

**شوق القلوب** · 15-01-05 ||, 11:26 PM

السلام عليـــكم...

هلا بن غريشيب...

موضوعك ماشاء الله حفل بالاراء و الاسباب المتنوعه...

ونقدر انقول خلاصتها :

- ناس خقـــاقه : تبا اتبين انها اتعرف انجليزي ، ويعتبرون حقن كلامهم بكمن كلمه انجليزي هذا تطور و رقي..! مثل اللي اتقول فلانه is my best friend

- ناس متعوده  : اجبرتهم ظروف حياتهم ، دراستهم ، تعاملاتهم اليوميه على استعمال الانجليزي ( وبدون قصد ). مثل يوم اتقول عندي  class , project, homework

- ناس ما اتعرف! : للاسف هالفئه اتربوا على الانجليزي ، ومايعرف يتكلم الا به..!

- ناس ترتاح لها : في فئه اتحس انه الانجليزي اسهل لهم في التعبير ، يمكن هالشي صار من كثره سماعهم لهالمصطلحات و قله تداولها بالعربي مثل i miss u , bye , have a nice time , weekend

..
ومثل ما نوهت اخوي.. في ناس عايشه عمر برع ، يوصل لاكثر من 13 سنه يرجع فيها البلاد يكلمنا بلغه خاااااااليه من اي مصطلح انجليزي .

اللغه العربيه للاسف في ضياع.. ومن وراها لهجتنا المحليه ، اللي صارت داااااثره عند البعض واللي ماسمع بكثير منها... واذا سمع كلمه جديمه قال شو يعني..؟؟ <IMG src="http://oasis.bindubai.com/emoticons/look.gif" border=0> او يقولك.. اوووه هاي مال زمن يدي..!!

وفي ظل انعدام القراءه العربية الحره و اللي اتوقع اغلب مخزون ابنائنا منها نابع من المسلسلات المكسيكيه ( للاسف ) او افلام الكارتون و قوم الجوارح و ربعه ، و انجذاب الناس للقنوات الاجنبيه ، لا تستعجب من حال لســــان ابناء هالجيل...

..

لكـــن يظل من يحافظ على قراءة القرآن قوي بأسلوبه و بلغته مهما تكالبت عليه اللهجات.. <img src="http://oasis.bindubai.com/emoticons/smile.gif" border="0" valign="absmiddle" alt=':)'> 

والفئه المنحازه للانجليزيه.. لا ترى و لا تعي جمال لغتنا العربيه .. روعه تعابيرها .. و جمال الحديث بها..
..

و السموووحه ع الاطاله.. <img src="http://oasis.bindubai.com/emoticons/smile.gif" border="0" valign="absmiddle" alt=':)'>

**غرشوب** · 12-01-05 ||, 03:21 PM

هجرس الشوق

دام انه مب خقة ولا تقليل من شأن اللغة العربية . . عيل جيه ما يرمسون عربي ويرمسون انجليزي ؟! ها سؤال يطرح نفسه بنفسه <IMG src="http://oasis.bindubai.com/emoticons/fa56.gif" border=0>
كل شخص يقدر يرمس بلغته من دون اي صعوبة وكل شخص يفتخر بلغته بس ليش هالفئة غير عن الخلق ما يرمسون بـ لغتهم <IMG src="http://oasis.bindubai.com/emoticons/fa44.gif" border=0>

.
.

**روابي** · 27-01-05 ||, 10:02 PM

شيء طبيعي بيدمجون العربي و الانجليزي فالرمسه و لا كيف بيتخققون
يبون يبينون للناس انهم يعرفون انجليزي
و باجر بيينا الفرنسي و اللي عقبه الالماني و اللي عقبه مادري شو

و يمكن بعد مايبون يفضحون عمارهم فعسب جي لو ماعرفوا كيف ينطقون كلمه بالعربي راح ينطقونها بالانجليزي و بجذي راح يستوي تداخل بين اللغات

بس اعتقد ان كلمه ثانكس عادي ننطقها مافيها شيء <IMG src="http://oasis.bindubai.com/emoticons/rock.gif" border=0> صح انها انجليزيه بس من وجهه نظري احس عادي .. جي يعني بدون سبب عادي اعتقد
و حتى البرب و التيت

**غرشوب** · 11-01-05 ||, 05:58 AM

دمع القلم

انا اشوف انه الاكثرية تكون من بين 14-23 سنة يعني جيلنا..
 هالشي مب تطور بالعكس تخلف !
الله يهديهم ان شاء الله..

.
.

العفو الغالي .. و شاكر لك مشاركتك
ربي يحفظك

**روح القمر** · 23-01-05 ||, 03:27 AM

" تحـــــــــــــيه طــــــيبه" <IMG src="http://oasis.bindubai.com/emoticons/smile.gif" border=0>

مــــثل ماقالوا بعـــض الاعضاء...المسأله مب مساله خـــقه..المسأله مسأله تعـــود<IMG src="http://oasis.bindubai.com/emoticons/fa39.gif" border=0>

مــــوقف صار لأمـــيه فالقـــريه العـــالميه..
كنا ندور  مصلي الحريم..فــ سرنا صوب الاستـــعلامات..
وأمـــــيه سألته بالانـــجليزي عن مكان المصلى..
رد عليها بالعربي: انـــــا إمــاراتي!!...والمصلى ع يمينـــج!!
بس الـــصراحه مايبين عــلى شكله...<IMG src="http://oasis.bindubai.com/emoticons/fa52.gif" border=0>

المشكـــله مب اهنــــيه..عادي نرمس مع الغــير بالانجليزي..لكن ويا الأهـــل والربع بالعربي أحسن
الواحــــد هني ماينجبر بالعكـــس يتكلم وهـــو مرتاح<IMG src="http://oasis.bindubai.com/emoticons/fa42.gif" border=0>
،.،..،.،.،.،..

والحمــــدلله انا من النــــوع اللي ماارمس انجــــليزي..الا وقت الحــــايه..

اشكــــــــرك عــ المـــوضوع.,,
<IMG src="http://oasis.bindubai.com/emoticons/cool.gif" border=0>

**كبيرة بعيوني** · 22-01-05 ||, 03:38 AM

مرحبـــا غرشــوب

فـ البدايه أحب أشكــرك على الموضــوع المهــم

ماعندي أي تعليق حاليا > ميهودة ومقفلة لولز

المهــم بس انا واقرى الموضوع تذكرت شي

مــرة كنــت أشتري من البــاسكن روبنز فـ كنت أرمس "الانجليزي"

اللــي يبيــــــع .. بالانجــليزي .. رد علي بالعــربي وجان يقــول لي بعدين

ليش ترمسيــن انجليزي وانتي عربيــة فــ بلاد عربيــة !!

يعنــي سبحان الله .. قفــــــــــطت !! .. قلتله قلت يمكن انته ماتعرف عربــي

قالــــــــي يوم بكون فـ بلاد عربية لازم ارمس عــربي .. نفس يوم تسافرون ترمسون انجليزي!!

والسمــوحة لو طــولت
هاللي بغــيت اقوله
<IMG src="http://oasis.bindubai.com/emoticons/biggrin.gif" border=0>

**غرشوب** · 31-01-05 ||, 01:25 PM

روابي

تكرار كلمة او كلمتين بلغة ثانية بيكون شي عادي . . لكن دمج كلمات اجنبية و الافراط في استخدامها اثناء الحديث مع العرب الاخريين شي مب عادي !

.
.

تسلمين على المشاركة
ربي يحفظج

**تحفه** · 01-02-05 ||, 02:40 AM

أعتقد انك اذا يلست وي بنات شلتنا < بتتعقد من عمرك <IMG src="http://oasis.bindubai.com/emoticons/laugh.gif" border=0>

وعشان اوفر عليك عناء التفكيروجي ..

في كل شعب فئه مخالفه .. مش نحن الوحيدين الي نخلط بالانجليزي بس .. الفرنسيين - ( الالمانيين > وانا اعرف ناس المانيين يرمسون انجليزي و عربي بعد ) - المصريين .. مب بس الخليجيين يعني .. دوله المليون ونصف شهيد اغلبها تتكلم فرنسي

هذا مش عيب ..

ما ادري ليش انتوا تنضرون لهالشي بهالشكل ..
 بالعكس شي حلو الواحد يتكلم فرنسي او ياباني ( بشرط انه ما تقضي على هويته الوطنيه )

يمكن تكون انته الصح بمنضورك الشخصي  .. او يمكن انا بمنضوري الشخصي ..

تحياتي

**ولد الحكومة** · 01-02-05 ||, 03:37 AM

مرحبا الساع ، وهلا وغلا..... <IMG src="http://oasis.bindubai.com/emoticons/smile.gif" border=0> 

شوفي اختي ، اللغه العربيه موجوده موجوده لانها لغة القران الكريم ، ومستحيل حد يغيرها مهما حصل ....<IMG src="http://oasis.bindubai.com/emoticons/fa43.gif" border=0> 

بس في زمنا هذا انعدمت اللغه العربيه الفصحى ، يعني كل الناس قاموا يتكلمون بالعاميه ويفضلونها <IMG src="http://oasis.bindubai.com/emoticons/nerd.gif" border=0>  

وانا عن نفسي ماحب ايني واحد ويتفلس عليه بالانجليزي وخاصه يوم اييك هندي واونه مخلي عمره انجليزي <IMG src="http://oasis.bindubai.com/emoticons/fa38.gif" border=0> 

انا اشوف سبب ان الناس ما قامت تتكلم اللغه العربيه هو كثرة الجنسيات الموجوده عدنا يعني على سبيل المثال :
اتروح السوق فيه هنود....اتروح المحلات ايظا هنود... اتروح الحلاق ......................الخ وانا اشوف الاجانب هم الي خربوا اللغه في بلادنا. <IMG src="http://oasis.bindubai.com/emoticons/crazy.gif" border=0> وبعد الخدم والمربيات  في البيوت لهم دور اساسي جداً ؟؟؟؟؟؟؟؟؟؟؟؟ <IMG src="http://oasis.bindubai.com/emoticons/fa55.gif" border=0> وانا اهنيه احط علامة استفهام

والله ياجماعة الخير انا يوم اسير اي مكان  على سبيل المثال مطعم اتعشى ويا ربعي  وايني واحد ويكلمني بالانجليزي ، والله ارده عليه بالعربي واقوله انا ماعرف انجليزي اعرف بس عربي. <IMG src="http://oasis.bindubai.com/emoticons/laugh.gif" border=0> 

والله انا اشوف ناس والمشكله مواطنين اونهم يتكلمون بالانجليزي امبينهم وخاصه البنات عاده كل وحده تتحرى امها امريكيه ولا بريطانيه،،،،، <IMG src="http://oasis.bindubai.com/emoticons/sad.gif" border=0> وين تبون !!! <IMG src="http://oasis.bindubai.com/emoticons/fa36.gif" border=0> 

على العموم الموضوع ما بيخلص لانه طوووووووويل وانا اتفلسفت بما فيه الكافيه واشكرج اختي غرشوب على الموضوع الحلو وتسلمين والله. 

اخوكم ولد الحكومة <IMG src="http://oasis.bindubai.com/emoticons/fa42.gif" border=0>

آخـــر الــمــواضــيــع

الموضوع: ×متعقدين من العربية×

أدوات الموضوع

عرض

Hybrid View

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة