سؤال عن الســيبا

[شمعة أمل]

السلام عليكم ورحمة الله وبركاته

اليوم وزعو علينا خرابيط السيبا واستوت عندي مشكله .. انه عندي work experience يوم الامتحان وماقدر أفوت هالشغل لانه مهم حق درجاتي .. ف قلت مابســـير السيبا

انا السيبا مب وايد وايد مهم .. لانه أصلن جامعات حكوميه مب أول جامعات ابا اسيرلها .. يعني انا حاطه التقنيه ك إختيار اذا شي غلط يستوي ويا الجامعات الى ابا اسيرلها


قررت ماسير السيبا واسير الشغل .. لانه الشغل احتاجه حق كورسي مال سياحه


لكن


لو شي غلط استوى وكل الجامعات الى اباها مابتقبلني واحتاج ادش التقنيه أو زايد .. يستوي؟ ولا سالفة السيبا فرصه وحده وخلاص

[الدلووووعة]

اختيه شمعة امل انتي تبين تسيرين جامعة بيزات السيبا هم مهم
اما اذا كنتي تبين تدخلين التقنية او جامعة حكومية فلازم تمتحنين السيبا
لنه من دونه ماترومين تدخلين لا جامعة زايد اذا انتي تبين تدخليها ولا التقنيه
لنه هيل اهم شي انج تمتحنين سيبا
بس ماعرف اذا ترومين تمتحنين بعدين
بس نحن خبرونا اذا البنت رسبت فها الامتحان تاريخ 23/3 يوم تخلص
امتحانات الثانويه ويابت نسبه دخلها الجامعة او التقنيه فتروم تمتحن السيبا مره ثانيه
لاكن اذا ماسرتيه وتبين تعيدينه مره ثانيه والله ماعندي فكره بس اذا تبين بسئلج امس وبرد عليج

[شمعة أمل]

هيه بليز سأليلي لانه نحن دخيلج حطيلنا وحده انجليزيه هبله مول ماتعرف شي ويوم قلتلها هالسالفه ماكان عندها جواب ولا بعد شوي تيلي .. عادي خلي ابوج يتصل في الوزاره < شو يخصه!!!!!!! شغلتها هي تهتم وتسأل!!!!

تلوع بالجبد >_<

مشكوره والله

[الدلووووعة]

شمعة امل سئلت المس قالت انه لازم تمتحنين واذا امتحنتي ومايبتي علامة من ا50 وفوق
او 140 اذا كنتي تبين التقنيه المهم
انج فالمره الاولى اللي متحنتي مانجحتي تعيديه لاكن ماتدخلين اول امتحان مايستوي تعيدين

اذا تبين اي سؤال نحن حاظرين

[شمعة أمل]

>_<

انزين وا ا عندنا عذر انه مانروم نسويه في هاليوم؟؟؟؟؟

لانه صدق صدق صدق ماقدر أفوت هالشغل بيأثر على علاماتي >_<

[الدلووووعة]

انزين شمعة امل انتي شو رايج اعطيج الرقم مال شعبة القبول وانتي دقينلهم وتسألينهم
وتخبرينهم انج ماترومين وشوفي شو بيردون عليج

[شمعة أمل]

أوكي طرشيلي الرقم على الخاص

[الدلووووعة]

خلاص فتكينا من السيبا وبلاويه ^_^

[شمعة أمل]

ماسرت
بس قالولي وايد سهل ^_^

[الـيـاه]

لاااااااا مينونـه هالمس والا شووو ؟ حتى جامعة الغرير يبون مال السيبا وبناته امتحنو في تقنيه دبي
واللي بيسيرون AUS امتحنوا في تقنية الشارجه
حتى اعرف حد بيدرس في economic skool of london وسار يمتحن سيبا ..

بس ألا شو مب سهل مال يهاال brgll:

همم السنوات اللي قبل يمتحنونه مره فالسنه لكن هالسنه عسب قرار لازم فوق الـ 150
فـ يمتحنونـه مرتين .. يعني مب مشكله جي والا جي بتوصلهم أوراقج بس لازم تمتحنينه شهر 8

بيقولولج هم يوم بتسيرين ..

[شمعة أمل]

الياه
السيبا مب مهم الا اذا انتي بتسيرين جامعه حكوميه
هم امتحنو السيبا يمكن عشان هم سجلو في الnapo لكنه مب ضروريه
بس انا مستغربه انه الغرير تطلبه :s