زجاجة خمر تعبيرا عن الشكر والعرفان

[قرموشة]

وشكراعلى التوضيح نور الايمان ,, وفعلا مثل ما قلتي ,, كيف ما خافت ,, !!
بس لحظه ليش تخاف ! تراها الفنادق فيها هالاشياء ,, ويمكن أخويه الباز كان بالقرب من واحد منها لاسمح الله ,,

والشي الثاني ,, كيف لها الحق تقول ان شاء الله وهي لا تدين بالاسلام ,

لي عوده ,, بعد ان أرى ردود الاعضاء ,,

والسموحة

[قرموشة]

شي آخر ,, نظرا للوقت ,, الساعه 4 فجرا ,,
والمرأه في الشارع الى ذاك الوقت ,, لا تستبعد منها هـ التصرفات ,,
فأكيد حسبت الباز من الشباب اللي خبركم ,,

والسموحة

[مجموعة إنسان]

تعبااااااااان يا طارق .. لو ماخذ الغرشة وكاسرنها جدامه .. او انك تصبها والله تمووووت قهر ..

يا خوك تلاقي وايد من هاذي الأشكال ..


السموووحة

[أمواج]

الحـــين الموضووع عن :
كيف عرفــت اسمك ( طــارق ) أو إنهــا عطتــه غرشــة خمــر
××××××××××
احس إنهــا عرفت الاسم عن طريــق الصدفـــه . . يعني يمكــن سمعت ربيعه يزقـره طارق . .

[نبراس الليل]

تعبااااااااان يا طارق .. لو ماخذ الغرشة وكاسرنها جدامه .. او انك تصبها والله تمووووت قهر ..

صحيح انها بتموت قهر لكن جذا راح اجيب لنفسي الشبهة


يا خوك تلاقي وايد من هاذي الأشكال ..

الله يبعدنا عنهم
السموووحة

اشكر تواجدك ياخوي

[كـلـكـلـووش]

همممممممم ..

يمكن بطاقة الدوام كانت معلقه ع صدرك و شافت الاسم ..

و بالنسبه للخمر .. عـادي يا خوك لا تستغرب ..

الدنيا كلها و تدمر !

ما اقول غير الله المستعان ..

[طير الحب]

السلام عليكم ورحمه الله وبركاته

ببساطة يمكن سمعت ربيعك يزقرك طارق.

[نور الإيمان]

بسم الله الرحمن الرحيم

السلام عليكم و رحمة من الله تعالى و بركاته اما بعد ..

عذرا للمداخلة .. لكنني احببت ان انوه حول هذه النقطة:

كيف لها الحق تقول ان شاء الله وهي لا تدين بالاسلام

:) .. كونها عربية .. فإنه من المعروف بين العرب قول ان شاء الله و سبحان الله .. و المسيح العرب يقولونها ..لأنها متداولة في بيئتهم .. كما الحال مع الأجانب الهندوس و المسيح و غيرهم ممن هم ليسوا عرب .. فإنهم يقولونها من باب المجاملة .. فقط .. كنوع من محاولة الإندماج و التودد لأفراد المجتمع العربي .. لا غير ..

تعبااااااااان يا طارق .. لو ماخذ الغرشة وكاسرنها جدامه .. او انك تصبها والله تمووووت قهر ..

اما من ناحية هذه النقطة .. فلدي وجهة نظر مغايرة ! .. كون ان هنالك انسان موجود في ساعات الفجر .. فإنه من الخطر التصرف بأي شكل من الأشكال .. و منها مثل هذا التصرف !! .. لأنها امرأة .. و مكرها كبير .. تستطيع ان تمحور المشكلة عليه و توقعه في مشكلات هو في غنى عنها! .. و ان كسر الزجاج او ما شابه ذلك .. فقد يوقع نفسه في شبهة و التباس مع الجهات الأمنية .. و الحمدلله انه لم يحدث لا هذا ولا ذاك :)

بس لحظه ليش تخاف ! تراها الفنادق فيها هالاشياء ,, ويمكن أخويه الباز كان بالقرب من واحد منها لاسمح الله

:) لأن المنطق يقول ذلك .. الخوف مطلوب في تداول الممنوعات .. بمعنى هي فرد موجود هنا و على علم بهذا الموضوع ..

اعتذر عن التعقيب .. فقط رغبت في التوضيح لا اقل او اكثر ..

جزيتم خيراً

[مملوح الوصايف]

السلام عليكم أخوي الباز
اسمحلي على المداخلة البسيطة
أنا لو كنت مكانك باخذ الغرشة منها إو بكسرها بالأرض
عقب بسمعها كم كلمة عل وسعى يكون درس لها
لأن الظاهر الحرمة مسلمة من العبارات اللي استخدمتها في حديثها إو ما أعتقد إن اللي صار مقلب من أحد أصدقائك !!!
لأن الإنسان مستحيل يخطر في باله إنه يسوي مقلب في صديق بهذا المنكر والعياذ بالله
هـذا والله أعلم

[قرموشة]

أشكرك نور الايمان على التعقيب ,, جزيتي خيراا ,,

[الحساس]

ههههههه الله يعينك.. ذكرتي بموقف مشابه شويه يوم كنت ادرس برع..

فازت التشيك بكاس العالم للهوكي وظهروا الحبايب والشعب كله بالشارع من العصر يرقصون ويحتفلون ويشربون سمهم !!
طبعا نحن لفضولنا ظهرنا معاهم بالشارع ويسنا نطمش عليهم.. وفجــاه يانا واحد ضخم سكران وياني انا بالذات .. وقالي اندوك اشرب (غرشه خمر عوده من الحجم العائلي ولا هب مفتوحه بعد)
ابتسمت له وقتله لا مااشرب ولفيت ظهري له عسب مايعور لي راسي ولا يزخني من يديني ويقولي اشرب ادري انك عربي اشرب ولا بييب ربعي لك!!(في خاطري اقول مايحتاي تييب ربعك انت تكفي وتزيد)
هني قلت مافي الا اني اسايسه..
قتله فدييييت خشمك... ييب الغرشه الحلوة.. خذتها.. وسويت عمري فرحان وركضت ابها اونه بحتفل بالفوز... ربعت.. لين اختفيت عن نظهر وحطيت الغرشه ع الارض !! وكملت دربي مشي..
فجاه اشوفه ورايه ويصارخ (طبعا سكران) لين تركتها هاي بفلوس ...

ياما بنشوف في هالحياه اشياء..

الله يعين اليميع

[دانة حتا]

هههههه الحساااس اسميك ذكي
ما من شي دكتوور (ما شاء الله)

سوري ادري برع السالفه

[ألم ترى]

بســم اللـــه الرحــمن الرحــيم
زمــــن العجـــايب

مـــوقفك يمــكن يكــون غـــريب لكــن انهــا تنــاديك بــأسمــك هــاي لهــا لايـــن ثـــاني !
لا تعـــليق الصــراحه واكتفـــي بمتـــابعة الـــردود فـــقط

ربــي يحفــظك

[شمه]

الحين عن شو الموضوع .. ان كيف عرفت اسمك..
ولا ليش قالت جزاك الله خير..
ولا لانها عطتك خمــر..



المهم.. في عرب متأثرين بالذوق الغربي اونه اتيكيتهم جي.. يعني هم عادي هدية النجاح اتكون غرشة خمر مصنوعه 1930 و اتكون من اجود انواع الخمور..
و بما انها عربيه يعني ممكن اتكون من اللي متأثرين بهالثقافـــــه.. وتواجدها في الساعه 4 ما نقدر نحكم عليه .. لان يمكن دوامها بنظام الشفتات...


المهم انها تشكر.. و تدري زين انك ما سويت اي شي..
يمكن صح ان الموقف كان صدفه.. (بس ممكن يكون مدبر.. وانت اعلم بها الامور)..
يعني ابعد عن الشر و غني له..

[عيون الليل]

أخويـــــه لا تستغـــرب حدوث هالشـــي معاك .،.،.،

ما دام هالاشيـــاء قامت تنبــــاع وبكــــل ثقـه .،.،.، وشبابنـــا ماشالله ما يصدقون إي شـي يؤدي للخراب يبـونه ! طبعاً ما أقصد الكـــل

لو رديـــت فسدت التاير جان زيـن لـوول .،.،.، هممم فـي نظـري جـان قلـت لها أنه هالشي غلط وشوفها شو بتقـول .،.، أو جـان خذت رقمهـا وبلغت عليـها بجذي بتسـاهم في أمن بلادك وبيزخونها بدال مب يالسه اتوزع غراش على خلق الله !

ما أقــول غيـــر على الدنيـــــــا الســلام !

أحزنــــــــي هذا الموقـــف وايـــد