أنا أسهر في حالة وحدة إذا كنت مستأجر أفلام فيديو حوالي 6 أفلام أو 7 و كل فلم ساعتين و نص أو ثلاث ساعات فأكون مضطر أبدا الفلم الأول الساعة 7 المغرب هذا تقليد عريق عندي و أتم أواصل فلم بعد فلم لين ما أحس إني بديت أفقد التفاصيل و يبدا راسي يتحرك يمين يسار و مب قادر أركز خلاص إنتهيت هنيه لازم أنام أشوف الساعة تكون تقريبا الساعة 3 ونص أو أربعة الفجر و بعدين أنام لين الصبح و أبدأ من حيث توقف فلم الليلة السابقة و ساعات أرتاح شوي و أرد أكمل الأفلام السبعة لين اليوم الثاني و بعدين أييب غيرهم ... كل هذا في الإجازات طبعا.

في أيام العمل العادية أنام الساعة 12 و أصحى الساعة 7 بالضبط ... سبع ساعات نوم هي أقل قدر من النوم بالبنسبة لي لأني لو قللت ساعات نومي إلى خمس ساعات في اليوم الثاني أحس بآلام رهيبة في راسي و أكون معصب و هذي حالة سيئة ما أحب أكون فيها.

الواحد يقدر يسهر هالشي عادي بس لازم تكون عنده أشياء يسويها إذا هجم عليه النوم و يرجع يركز ... يستريح بشكل دقيق و وقت محدد ... طبعا الناس العاديين صعب يسون هذا الشي ...