اول امس سرت مزرعة يدي
و ما شاء الله اليهال البركه فيهم عددهم تقريبا 14 طفل و طفلة
طلعت بهذه الصور للشخصيات المحببه عندي
عمور و علاوي و سعود و ساره
نبدأها بصور عمر باشا أعقل ولد في العالم
قبل ما اصور هالصورة سمعت صوت واحد يضحك بروحه في الحمام و يزاعق و يرمس عمره باللغة العجيبة,,
فقلت لازم اسير استطلع و اشوف شو السالفة,, يوم دخلت حصلت الاخ الكريم عمر حاط ايده في الماي مال المرحاض و يالس يلعب بالماي
قمت انا و شوي شوي طلعت من الحمام و سرت اييب الكاميرا و دخلت عليه فجأه و زعقت عليه,
عاد هو حليله من الزيغة شل ايده من الماي و سوّا عمره بريييييئ و اونه ما يخصه
حتى شوفوا تعابير ويههخخخخخخخخخ
في هالصور عمر باشا يالس يستعرض ضروسه العجيبه "السنجابية"
و في هذه صورة يالس يرقص على انغام اللعبة الي يهوسون عليها و اتطلع موسيقى هذه اسمها رقصة " البطريق "
================
ننتقل لفرد اخر من العائلة الكريمة الي هو علي
عاد هذا حبيب الشعب,
:ghostface و يعتبر من أشطن ياهل شفته الى هذه اللحظة
ما أدري ليش هالانسان ما يحب يصد صوب الكاميرا
الين الحين ما جد صورته صوره و كان صاد فيها صوبي,,
دومه مطنش
هني كان يلعب بالرمل و مووووووول ماله بارض يتصور
هذه الصورة فيها استعراض عضلات لـ علي و سعود جدام ساره و كل واحد منهم يبغي يثبت انه الاقوى
خخخخخخخخخخخ مب هينين هالصغارية
و عاد هي ما شاء الله عليها مب مسويه سالفة حق حد منهم و يالسة تلعب بالرمل بروحها
ان شاء الله تكون الصور عيبتكم
و تكونون تعرفتوا على المفاليع الصغار
في النهاية حبيت اذكركم بأنه العين حق,,
فـ أذكروا اسم الله
رد مع اقتباس
< اصغر عيالج والا شو ؟ لول .. ثانكس ع الصور العسل
علاوي من النظره الاولى (فديييته ,,
مواقع النشر (المفضلة)