ترررن تررررن

[كـلـكـلـووش]

الســلام عــليكم

تررررن ترررررن .. انا راقد العصر و حاشرني بالتلفونــات و اسمع تيت تيت تيت تيت مسجات ..

شو السالفه ! شو صــاير !

و لا اشوف مسج من المســجات سير شوف دبي الريــاضيه .. قلت خيبه .. شو مستوي .. بينقلون كاس العــالم

و لا اشوف نتيجة مباراة الشعب و الشارجه 4/ 2 .. ياااه .. شو مستوي ..
الشعب مزينين الملعب و النتيجه 4 و حرب كلاميه بين الجمهور ..

و احس المعلق مب رايم ييلس مكانه من الاثاره

اول شي فكرت فيه هو شرجاوي .. كنت اقول يا ليت اشووف الكيمرا عليه .. بس طلع ابروحه مب ساير الملعب لوول .. ~~> لأنه نزل موضوع قلبي كيكيكيكي

و اول ما بدى الشوط الثاني .. و اول ما شغلت التلفزيون .. جان اشوف ضربة جزاء للشعب .. يا اخوان حد يفهني شو سالفة هالطفره

و لا ضيعها سامره .. جان اقول اييييي شييييي

و الشارجه لعب احسن في الشوط الثاني و كانت له هجمات اكثر .. و يابو الثالث و حسيت ان الرابع في الــدرب ..

و ما خابت ظنوني و ييه الرابــع و التعــادل ..

بس الاحساس الاكبر كان ان في هــدف شعباوي ياي .. و كنت حاس ان سامره هو اللي بيبه .. سبحان الله .. الوالده راضيه علي اليوم

و لا ايي جووول .. يااا هووو جووول .. خبلني الصراحه .. قمت اخمس فـ مكاني لا اراديا ههههه

دبل كيك و لا احلى

مبروووووووك للكوماندوز و هــاااردلك للنحــل ..

قدمتو مباراة رووووووعه رووووووعه .. و كنت اتمنى ان اتواجد في ملعب المبــاراه .. بس خسارة .. راحت علي نومه

كل الشكر لجماهير الفريقين ..
تواجدكم اليوم اثبت ان هالديربي غيييير في دولة الامارات .. له حسابات خاصه ..
و طبعا يبقى التفوق في الديربي للشارجه على مره التاريخ

و لكن السنه الشعب اللي فاز في كاس الديربي ..

هاردلك للشارجه و مبرووك للشعب ..

ســـلام
كـلـكـلـووش مخـــترش

[شرجاوي]

يا حيك يالمخترش ... ما سرت النادي عن يرتفع الضغط و انصرع هناك من الاعصاب

[العجيبة]

ههههه مبــروووك تستاااهلـــووون ..

[قرموشة]

وهههههههههههههههههه ,, مرتبش وانت ما سرت الملعب ,, عيل لوو سرت شوو بيستويبك !!!


وهااارد لك للشارجة ,, ومبرووك للشعب ,,

.. كل الود ,,
قرمــ ـ ـ ـ ــــوشة

[كـلـكـلـووش]

شـــرجـــاوي

الله يحييك و يبجييك و يطول اذنييك
احسن لك يا ريــال .. فكــيت عــمرك من الصدعـــه . . .
اليــايــات اكــثــر ^_^

العــجيـــبـة

داااايمــه ..
الله يــبـارك كيكيكيك
عـادي في الحالتين بفــرح .. لول

قـــرمـــوشـه
حيالله بنت قريمييييش
والله احسن لي اني ما ســرت . .
و لا كان صوتي بيرووح ..
و اسألو ذنيني يعرف عني سوم اشووف مباراه هههه

ســلام
واحـــد مــخـتـــرش

[تحفه]

ههههههههههه اتضحك سوالف الاولاد ..

يالله مبروك مبروك معني ماعرف شي في هالسوالف لول

[راعي الزعـامه]

هاردلك للشارجه
انا المباراة شفتها بالغلط
ماكنت ناوي اشوفها
بس كانت الصراحه قمه قمه

مبروووك للشعب والفريقين قدموا مباراة حلوه

مشككور على الموضوع

[كـلـكـلـووش]

ام خـــدود

والله احســن لج ..
راسج ما بيــعــورج و ما تفــيدين شركــة بـنــدول . . لوول

عــاشق القــلم

والله صــدقك ..
قــمه و اثــاره و اهــداف و متعـــه
ليـــتني كــنت في الملــعــب ..

ســلام
واحـــد فيه خـــرشـــه

[حبوبه دبي]

ســالفتكـ ســالفه كلكلـــــــــووشش

مختـــــرش عيــل !!

زيــن انك قــار فـ البيـــت ومــاســرت المبـــاااارااه ،،

صدق انكـ كلكلــــــشش

حســافه مــاشفتهــا انـــا ،،

هـاردلكـ للشــارجــه

ومــبرووك للشعــــب ،،

والسمــوحه

[ألم ترى]

بسم الله الرحمن الرحيم ..

اخوي المخترش ..

ألف مبروك للشعباوية وهاردلك للشرجاوية ..

كل الود عزيزي ع الطرح ..

[وعد]

الحمد الله الشعب يستاهلون
واحنا متعودين مره الفوز لنا ومره الفوز للشارجه
الف مبروك والف مبروك بعد لمنتديات نادي الشعب واعضائها الكرماء

[ذنـيـنـي]

اللهم سكنهم في مساكنهم

جفت ناس يزاعجون و يصارخون لكن ما شفت حد شراتك انته و صاحبنا العيناوي الي كان ويانا يوم سرنا الملعب >> عافانا الله

مبروكين و تستاهلون,, انا اشوف ابويه مستانس و الابتسامة طارة حلجه, خخخخخخخ

طلع كله بسبب الشعب, الحين فهههمت شو الموضووووووع

[رحيل]

كلكلووش عيـــــــــــــــــل خربوا رقــــــــــــــــــــادك ...؟
هــــــــــــارد لكم يالشرجـــــــــــــــــــ ــاوية ..(خسرت شي بسبة خسارتكم)
ومبروووووووووووووك للكوماندوووووووووووز..

السموحة ..
رحيـــــــــل

[الدلووووعة]

مبروك مبروك عليكم الفوز

انا عفكره ماشفت الامباره بس كنت متوقعة انه الشارجة بيفوز بس
ظهرت توقعاتي غلط

وهاردلك للشرجاوة

[كـلـكـلـووش]

حــبــوبه دبـــي

إلا مــب ســالفه وخخخ
هيـه والله احــسن لــي . . .
والله فــاتــتـج . . من زمــان ما شــفت مبـاراه لعبـت فـ اعصـابي شـرات هـذي ..
الله يعـلم شو كـان بيـستوي فينـي لو منتهـيه بالتعـادل

مـحــب الشـيخيـن

هلا والله ..
الله يــبـارك فيك ..
تسـلم ع المــرور

وعــد

الحمــدلله
بس اتــم الافــضليه للــشراجه > حقيقه و واقـع
تســلمين ع المـرور

ذنــيــنــي

هــيه صــح ســـلم عــلى الوالـــد واااايد ..
قــوله الحــين شو شعــباوي اصــلي و لا ؟ هههه
يــا فهـــمك البـــطـــيء
و اللي شــفته في المــلـعب ذاك اليوم و لاشي .. وخخخ

رحــيـــل

مـب مشــكله الرقــاد يتعـــوض لول
و شــو خســـرتــي
و تســلمين ع الــمرور

الــدلوووعــة

انـتـي دووومج ما تشــوفين المبــاريات هههه
بس فــاتــتـج المبـــاراة ..
شــكرا ع المـــرور

في أغلب الدول محد يقدر يسوي إنقلاب على الــمــلـك غير الجيش فكيف لو كانوا كـومانـــدوز ؟

ســلام
كـلـكـلـووش مخـتـرش ~~> بس شوي