أخوي ناصر

لقلوب الطيبه بعالمنا كثيره ...ونفوس أهل الخير تبحث عن محبة ربها وتعمل الخير بدون حساب

يمكن هالطفل كان ثمرة قلوب ما حست بإنه هالياهل محاسبين عليه يوم القيامه
والغلط وارد ...بس تصحيح الغلط يكون بالاعتراف بنسب هالطفل ....
ويمكن هالقلوب إلي نست ربها ونست حق هالطفل البرئ تنسى تعترف فيه وتنسى إنه حكم المجتمع له بالآخر بيكون اسم لقيط بيذله طول العمر ....حتى ولو ما حسسه الكل بهاللقب بينه وبين نفسه بيتعذب
لأنه حكم التبني بالاسلام معروف ...يعني لازم يعرف الشخص المتبني حقيقته من الاسم لأنه أكيد ما بياخذ اسم الشخص إلي اتبناه...

المهم .... انسان متعلم مثقف واعي ...الكل يشهد بأخلاقه وسلوكه المثالي ...بس؟؟
الكل يدري بإنه بيوم من الأيام ويوم كان بوسالم ساير يصلي الفجر شافه عند صندوق الزباله كرمتو
الكل يدري إنه رباه أحسن تربيه شرات عياله ... والكل يدري إنه أم سالم ما قصرت فيه....
والكل يدري إنه كان طول حياته يبرهم أكثر من عيالهم وإنه لين وفاتهم هو الوحيد إلي كان يجاسيهم ويتحمل منهم ...
الكل يدري...بس إلي ما يدري عنه الناس ...إنه بدونهم أصبح وحيد ...وإنه همس الشباب عنه يبدا بعد ما يطلع من الميلس ... وإلي ما يدري عنه الناس إنه خاطره يتزوج من اهل العايله إلي ربته...بس الجواب بيكون الرفض أكيد ...
الناس تنسى كل شيء ....وتتذكر إلي تبا تتذكره عند النسب ...

المهم يا أخوي حبيت أبين نقطه مهمه .... باب البر مفتوح ...والأيتام إلي فقدوا أهلهم بسبب الموت والكوارث واااااااايد ... ويا بخته كافل اليتيم عند الله

بس الطفل على قارعة الطريق ......مهما الانسان فتح له قلبه وبيته ... بيكون فيه جرح كبير بقلبه
جرح صابه من أقرب الناس له أبوه وامه ... وأدعو ربي إنه يلاقي قلوب تحتضنه طول العمر ...
وبعدها الدنيا فيها ناس طيبه ....

موضوعك يعالج قضيه مهمه ....اتمنى الله يجازيك الخير على مواضيعك الطيبه