قاموا الوافدين يتكبرون علينا!!!

[بن دبي]

السلام

اعتقد ان ردود الاعضاء خرجة عن صلب الموضوع !!!

كان الموضوع جميل بس خروج الاعضاء خرب الموضوع ابصراحة

بن دبي

[رحيل]

صدقج والله ..أسميهــــــــــــــــم قوايه هالزلميتـــــــــــــــــ ـــــــــوا ..وانا من ناحيتـــــــــــــــــي ما أحب أحتك وياهم بس شو بنسوي وهم مازرين البلاد..؟؟

[دانة حتا]

اخوي المقاتل مب كل المواطنين يخربوون
لكن بعد مب كل الواافدين والزلماتت خيااس
انا صح ما ادانيهم لكن في وافدين يحافظون اكثر عنا احنا المواطنين

وبعدين مب غلطتهم انهم مازرين البلاد الحين احنا عندنا مدرسة الاولاد مثلا ما فيها غير 3 او 5 مواطنين مدرسين اقصد..عيل منو بيدرس النااس لازم بنيب وافدين
ونفس الشي في اماكن وايد ..يعني احنا شرينا من حلالنا عله ولازم نتحملها

(وصلت لهالشي بعد تفكير عميق)

[ألم ترى]

بسم الله الرحمن الرحيم ..

لكل شيء بداية وانا اللي قلته ماهو اللي بدايه لتعقيبي ..

عذرآ اخت اختي فالرد القبلي مش لئني اطلع برع الموضوع ولا لئني ابي اخالفج بالرأي ولكن كما قلته من قبل ..

ليعلم الجميع اني احترم شخص طارح الموضوع بأسلوبه وسرده وتعاونه الطيب ..

سبحانك اللهم وبحمدك اشهد ان لا اله الا انت استغفرك واتوب ايك ..

[أمواج]

أنــا ما أشووف الزلمــات فيهم شي . . بعالكس واايد طيبــين وحبووبين . .
وانا أحبهم . . واحب اسوي صداقــات وياهم . .

[ولد الحكومة]

أنــا ما أشووف الزلمــات فيهم شي . . بعالكس واايد طيبــين وحبووبين . .
وانا أحبهم . . واحب اسوي صداقــات وياهم . .

انا في هذا الشيء ما اتفق معااااج ، وين يو طيبين !!! الصراحه كلهم مثل بعض ، نفسيتهم خايسه وخاصه على المواطنين ، في نظري الاجانب أخير عنهم

والسموحه اختي هاي وجهة نظري

[طير الحب]

السلام عليكم ورحمه الله وبركاته...

السلبيات موجودة في شريحة سواء من الوافدين او المواطنين...فنرجو النقاش بحيادية تامة.

[ولد الحكومة]

المشكله شغلناهم ورزيناهم واخر شيء اتكبروا علينااااااا ............ والله مصخره ..........

شو نسوي العيب مب فيهم ، فينا احناااااا


مشكورة اختي عالموضوع

[الـيـاه]

سـلااام

أنـا اشوف أن هالشي نسبـي ومـا ينطـبـق على كـل الوافـديـن !!

ماننسى بعـد أن لهـم فضـل عليـنا وعلى الدولـه وتربـيـة أجيــال , يعني بعد ماننكـر أن في بعـض الأماكـن تلاقيهـم متماديـن وايـد بخـصـوص هالمـوضـوع وساعـات والله انهـم يذلـونـه لانـه وافــد ويـبدون المواطـن جـدامـه فـ هالشي طبـيـعـي بيـغـير نفسـيـته

فـي منهـم بالفعـل قــدروا انهـم > يثبتـون نفـسهـم ومانقــدر نلـومهـم
يعني انتو شوفـوا هالشي بمنـظـور ثانـي شـوي بتلقـون انهـم ملتهـيـن بعـمارهم وهاديـن اهلهـم وارضـهم لان ما لقــوا هـاك الـدعـم في بلادهــم ؟

فـ يوا عنا وكل املهم انهـم يحصلون على لقمة العـيـش وبعـضهـم يبا يوصـل لـ ارقى مستوى مطلوب
لانهـم يدورون المكـان اللـي ممكن يحـقـق امالهـم اللي ماقـدرت بلادهـم تحقـقهـا
فـ مب ذنبه أن كانت بلادك المكـان اللـي ممكن يحقـقـله مبتـغـاه ( ولله الحمد )

يعني صـدق !!
في منهـم حاقـديـن عليـنا لكن كله بسبـة المعامـلة السيـئة لهـم
وفي منهـم امبونهـم جي حاقـديـن بسبـة نفـسيتـهـم التعـبانـه


بإختصار في (الزين) وفي (الشين) شراتـنا بالضبط وشـرات ما قلتـوا كـل واحـد وحسب نفسـيـته
والسالـفـة مـش سالـفـة مــواطــن و وافــد ابــد


والسموحــه

.
.
.

[الـيـاه]

نسيت اقول شي ؟؟ بخصوص ردة فعلج

أول شـي حبيت اشـكـرج على اهـتـمامـج وهـا ان نـدل فـ يـدل على حـبجـ لها

لكــن
نحن ( عيال زايــد ) واكـبر من إنـّا ننزل مـن شانـا على هالنـوع من الناس بألفـاظ مب زينـه
مهما كـان هالإنسـان سيىء لان في منهـم صـدق أدب واخـلاق فـ لاتشـوفين اللـي يسوونه هاذيـلا
صفـة لمجتمـعه وأصـله !!

فـ مجـرد اتصال واحـد لأحـد المسؤولـين يكفي إذا ما اكتفى بالنصيـحـه
بيغـرمـونـه وبيأدبـونـه لـكـن إنـّا نراددهــم بأسلــوب مب زيــن مب حلــوه في حقـنا

لانـا نمثـل هالارض ونمثـل أطـباعـنا وشيـمنا فـ مب حلـوه ياخـذون فكره مب زينـه
وسمحيلي اختيه وتسلمـين ع موضـوعـج


.
.
.

[الجنيه]

السلا م عليكم ورحمة الله وبركاته ...

الصراحه أعجبني تصرفج مع الموقف الأول الي صار بس الموقف الثاني صدقيني لو أنا محلج ويها ونعالي (عزكم الله )...

أنا مع الي يقول المفروض ما أنعمم على الوافدين كلهم.. عندي وايد ربيعات وافدات بس محترمات وقمه يعني الحمدلله لليوم ماشفت منهم شي أو تصرف خاطىء ..

بالنسبه لبعض الوافدين الي عايشين في البلاد ويا كلون من خيرها فتلقون الحسد ماكل قلوبهم وعامي بصيرتهم يحسون بغيره فيمشون على المثل الي يقول مال عمك ما يهمك فيسرحون ويمرحون في البلاد على حل شعرهم ,,,,,,

[عيون الليل]

يا جماعة الخيـــر .،.، لا اتقولون رزيناهم وسويناهم !! لانهم هم بنفسهم رزوا عمارهم بتقولون لي كيف؟
بقوللكم .،.، قبــل كم سنــه اعتمادنـا الكلي كله عليـهم .،.،.، شبابنا ما كان يهمهم التعليم كثر ما ايهمهم المعاش ف الكل كان يتجه للجيش ويتركون التعليم .،.، ف الوافدين اثبتوا جدارتهم نعم .،.، واستحقوا ما وصلوا له .،.، الحيـــــن صحى شبابنا من نومه العميق وقاموا يهتمون بالدراسه ويشتغلون إي شغله وحتى لو المعاش ما يرزى .،.، هنيه نحن عرفنا قيمة نفسنا بس .،.،

إذاً نحن ما رزيناهم .،.، تعليمهم وصبرهم وشغلتهم لاي شغله هي الي رزتهم .،.، وبعديـــن في كل بلاد مقبـره .،.،.، في كل بلاد فيـها الصالح وفيها الطالح .،.،.، والوافدين الي يغلطون ف بلادنا تراهم هاييلا يكونون من ادنى المستويات في بلادهم وهذا الكلام خذته من كذا وافد ووافده .،.،. والانسـان الاصيـل ما ينكر .،.، نعم نحن فتحنا لهم بلادنا لــكن هما بعد اثبتوا جدارتهم .،.، وكلٍ ياخذ نصيبه وحصاد جهده

ف لا اتعممون وأنا اعرف كثيـر من الوافدين يعشقون الامارات وأهلـــها وهاييلا هم الناس الاصيليين

وبقوللكم شي ثاني .،.، ترا عيال بلادنا يغلطون كيف ما تبونهم هم يغلطون بعد .،.، القانون شرا ما تبونه يمشي على الوافد لا بد أولاً انه يمشي عليـنا .،.، مثل يوم انسيـر بلاد الغرب ونلتزم بقوانينهم ونربط الحزام ونحترم خطوط عبور المشاة

سووا جدام الزيـــن بيتبعونكم .،.،.، وسووا الشيـن بعد بيتبعونكم .،.، خلونا اولاً نحترم بلادنا وقوانينها وعقب نجبرهم على ذلك .،.،.،

أخت أختي .،.،. اجديتي فيــه هذا السوري .،.،.، ومشكــوره على هذا الموضوع الجميل جداً