قاموا الوافدين يتكبرون علينا!!!

[المقاتل]

يعني إلي فهمته من بعض الردود .. إنّـا نسكت إذا غلطـوا الزلمـات لأن شبابنا غلطوا .. لأن هالشي من المساواة .
بس إذا اشتكوا علينـــا .. لازم انعرف إن هذا من حقهم !!
بس إذا سرنا بلادهم لازم نحترمهم وبالمقابل إييّون لبلاد ويوصخونها ونحترمهم !!
ولأن لمواطنين ياييبين الوافديـن .. لازم نعذرهم !!

نعم من المساواة معاملة الجميــع بالعدل .. !! عسب جذه 90 % من لمواطنين مديونين .. !!

[تحفه]

هههههه يا الذكي انته جيف جي بعد .. جلبت الرمسه

انا كنت افسر الي يصير .. بس عن الـ react لازم تتصرف شرات ما العضوه اخت اختي اتصرفت

[شمعة أمل]

[نعم من المساواة معاملة الجميــع بالعدل .. !! عسب جذه 90 % من لمواطنين مديونين .. !! [/CENTER]

لا تبالغ! شو 90% بسم الله علينا:crosseyed

بعدين المديونين منو؟؟؟
ناس ماكملو دراستهم لانه همهم اللعب.. والحينه يبون يشتغلون بس مابيحصلون غير راتب صغير ومايبوووون لازم 10ألاف وفوق
ناس همهم المظهر .. بليز سيرو جوفو صوب الشعبيات .. بيوت مكسره على الأخر بس السيايير ماشاءالله رنج سبورت، مرسيدس، فراري.. سير جوف تليفوناتهم كل مانزل تليفون يديد اشتروه .. ولا عن البنات ..لازم تفصل عباه من محل غالي عشان ربعها مايقولون عنها cheap لكنها ماتروم تدفع حق هالأشيا ومايستوي تشتري ميك اب من اي مكان .. لازم ديور ولا شانيل!
ولا ناس مدمنين على شي أسمه الخمـــر والمخدرات
ولا ناس مدمنين على شي أسمه الأسهم


الى يجهد في حياته .. الله مابيقصر معاه..

[الحساس]

بعدين المديونين منو؟؟؟
ناس ماكملو دراستهم لانه همهم اللعب.. والحينه يبون يشتغلون بس مابيحصلون غير راتب صغير ومايبوووون لازم 10ألاف وفوق
ناس همهم المظهر .. بليز سيرو جوفو صوب الشعبيات .. بيوت مكسره على الأخر بس السيايير ماشاءالله رنج سبورت، مرسيدس، فراري.. سير جوف تليفوناتهم كل مانزل تليفون يديد اشتروه .. ولا عن البنات ..لازم تفصل عباه من محل غالي عشان ربعها مايقولون عنها cheap لكنها ماتروم تدفع حق هالأشيا ومايستوي تشتري ميك اب من اي مكان .. لازم ديور ولا شانيل!
ولا ناس مدمنين على شي أسمه الخمـــر والمخدرات
ولا ناس مدمنين على شي أسمه الأسهم


الى يجهد في حياته .. الله مابيقصر معاه..

هذا واقع 100 % يسلم هالرد

[دانة حتا]

والله قهـــــــــــــــــــــــ ــــــر
لو انا شو بسوي ما بخلي شي عليهم
عاج انا ملسونه احترم اللي يحترمني بس
والوااافدين وانا طوووول مب رباعه

[اخت اختي]

أنا شكر كل من شارك ولكن رايي وراي اخويه المقاتل واحد..

[اخت اختي]

اخويه المزوحي ليش ما تشتكي على مديرك عند إللي اكبر منه؟؟ مب من حقه جي يقول!!
مشكور اخويه لمّاح، ذنيني، والملهم.. رايي من رايكم

[ألم ترى]

بســم اللـــه الرحمـــن الرحيـــم ..

خــل الــمواطــن يحتــرم نفســه اول عشــان يكــون قــدوه لغيـــره ..

الـــموضوع حســـاس وايــد وخــاصه اذا كــان فيــه جمــع فكــيف بتــكون نظــره الــوافد علينـــا ..

شكـــر ع الطـــرح وفــي انتظـــار جديـــدك ..

[دانة حتا]

اممممممممممممم صح المفروض نكون قدوه
بس شي يرفع الضغط

[اخت اختي]

بس مهما يكون.. الوافد لازم يحترم نفسه.. لأن دولتنا الحبيبة ما شي أطيب عنها.. والله جنها جمعية خيرية.. كل ما صار شي في دولة ثانية>> طرشنا معونات.. ناس تعبانين>> رحبنابهم في دولتنا.. حد نفواه من دولة>> تلقون دولتنا أوّل من رحب بالشخص.. هذا محتاج>> عطوه.. هذاك فقير>> عطوه

الحمدلله رب العالمين
الله يبارك ويزيد ويحفظ دولتنا إن شاء الله :)

[لمّــاح]

السلام عــليكم ..

عفــوا اخويه المقاتل، لكني ما اوافقك الرأي ..

هل تقصد من كلامك انه الوافدين هم الي ضربو المواطن على إيـــده و قالوله سير اتسلف من البنك و طيح في دوامة الديون ؟؟

تــوني ادري !!

لا يــا حــبيبي، الي طايح في دوامة الديون ( هالنوع من الناس غير عن الي عندهم ديون عادية و يسددونها و هم مرتاحين، أنا اتكلم عن الي عندهم ديون و مايقدرون يسددونها ) هــو مثل ماقالت الاخت ام خدود الي فيه نقــص !!
ياخي ليش تتسلف يوم معاشك مايسمح، مد اريــولك على قــد الحـــافك و اجتهد و كمل دراستك لو تدرس مسائي و خلال سنــتين أو ثلاث بتكون وضيفتك مثل اي موضف جـامعي ثـــاني و بتستلم نفس راتبه و بتقدر تتسلف من البنك حزتها و تسدد و انته مرتاح ..

يا جمـــاعه، لاتخلون الغيض أو الغل الي في قلبكم يعمــيكم :)

ام خدود، كلامج صح 100% ..

[المزوحي]

المسوؤل اللي اكبر عنه وافد بعد .. وكلامه نفس الشي عن المواطنين !!

[ألم ترى]

بســم اللـــه الرحمـــن الرحيـــم
رد ع التعقــيب الأخيــر لأختــي الكريمـــة أخــت أختـــي
: : : : : :
دولتنــا ماتقصــر ومــاتقصــر واللـــه يخــلي شيــوخنــا ويبــارك بأعمــارهم
صــح دولتنـــا ماتقصـــر فالــدول المحتــاجه وخــاصه الخليـــج العــربي لكــن نحــن مــاننســى محنــت الــكويت عــام 90
وكيــف كــان الأستقبـــال مــن الشبــاب لبنــاتهم اللــي هــم اخواتنــا ؟
كــيف كــان وشــو اللـــي صـــار ذاك الــوقت ؟
كيـــف تبــونا نــكون قـــدوه لغيــرنــا ؟!

ما ننـــسى اللــي صــار بأخــوانتا العراقيــات مــن تكســع وتــحرش علانــيه مــن شبــاب الإمــارات
لمــا كــان احتــلال جمهــورية الــعراق مـن الصليــب فالشعــب شــردوه والطفــل قتلــوه والشيــخ عــذبوه
والبنــت حــدث ولا حــرج طبــعآ هنــا وهنــاك

شــو اللــي صــار فــ البـــوسنه ؟ شــو كــان يســوي جيشــنا هنــاك ؟
كــان يــدافع او بالأحــرى كــان يحمــي المسلميــن البوسنييــن لكــن الشبــاب اللــي هنــاك كــان العــكس فمــنهم يشــرب ومنــهم اعوذ باللـــه يلعــب بأعــراض النــاس

انــا مــا قصــد الكــل ولــكن القــله اللـــي يالســه تلعــب دور او تحمــل اســم دولــة الإمــارات العربيـــة المتحـــدة
ومـا تعــرف معنــاه او مــاعندهــا ضميــر غيــر انهــا تنتقـــد ان فــلان فيــه وعــلان مــا ادري بــلاه وللأســف هـــم

: : : : : :
عــذرآ فهــذا مــا زادتــه طريحتـــي

[المقاتل]

ريلاكس ريلاكس .. شوي شوي .. موضوع حساس صراحــه .

أحينــــه كل المواطنين يخربون الممتلكات المدرسيه ومن ممتلكات الحكومه ، قبل لا تظلمون لمواطنين بعد شوفوا عيال المزطّـة والزلمــات شو مسويّـن في المدارس ، ولعلمكم الخاص هب كل لمواطنين يخربون هاي الممتلكات ؟؟

لا حبيب قلبي لمّــاح هل تقصد من كلامك انه الوافدين هم الي ضربو المواطن على إيـــده و قالوله سير اتسلف من البنك و طيح في دوامة الديون ؟؟

انا ما قصدت جذه ، بس لأسف اغلبية و اكثرية الوافدين ما يخّيرون لمواطنين ، يهفون ملاييين ويفلّون بلادهم وحق المواطن كالعاده والمشكله إن السالفه ما توقف لهذا الحد ، المشكله إن إلي صارق لفلوس و رجع وسكن في اغلى الشقق وعقب رد لبلاده على حساب منوه ، على حسابه ؟؟

وغير النهب إلي يالس يحصل في البنوك الربويه ، على كيف كيفكـ وعيني عينك يصرقونك .. !! القضيه هب قضية المواطن إن يالس يسلف المشكله إن غيره يسلف على حسابه !!

يا جمــاعة الخير ، لا تلوموني يوم ادافع عن عيال لبلاد وعن لمواطنين ، صراحه هالشي يحز في خاطري ، أشوف ناس تتكلم وتدافع عن الزلمـات وما تيي اتشوف الواقع المرير إلي يالس يحصل ، وانتوا تقولون الدنيـا بخير والناس كلها عايشه في نعمه ، لأسف واجزم هب كل لمواطنين ،لو الدنيا بخير ، جان ما شفتوا بين فتره وفتره مواطـــن تطلع صورته في الاخبار عايش في بيت سقفه طايح .

عيشوا الواقع ( المعذره إن خرجت عن نطاق الموضوع ) .. !!

[اخت اختي]

اسمحلي اخويه نحن مب ل هالدرجة!! أظني الإيجابيات أكثر بكثير من السلبيات!!