ارفع هذا الشعار؟؟

[الحساس]

:

:

:

:

[مجموعة إنسان]

ياخوووك ... مرات تعفد فوووق القانون وينقطع راسك ..
بس تصدق أحسن شي تسوييه يوم تخالف القانون (( عناااااااااد في ناس ))
الله يعينك على الددكاتره اللي عندك " شكلك تعاني وايد من الأكل"

[الجنيه]

السلام عليكم ورحمة الله وبركاته...

حليلك يا الحساس غمضتني من الخاطر الصراحه هالاستشاريه سخييييييييييييفه وأعتقد يكون أفضل لو تطلع من دون لا اتشاورها مره ثانيه بس حاول ما تتأخر سبحان الله يحتاييونك والا يدورون عليك ...

بس أعتقد يحق لك بفترة استراحه محدده في اليوم ومن حقك تستغل بالشكل الي يناسبك طالما أنك ما أتعطل الشغل أو أتضر به ,,,


يعطيك العافيه ...

[تحفه]

هب دوم لازم نمشي على القانون اذا كان مخالفتنا للقانون مابيزعج حد او ياذي حد..

وارفع هذا الشعار.. اعفد فوق القانون ...
........

[شوق القلوب]

الســـلام عليـــكم..

هلا بـ دكتــورنا..

ذكرتني : كنت أبا استشيرك في شي
.
.
الله يسلـــمك.. لو كنت في مكــانك.. ما أظــن بطلــع..!

خاصه انك استأذنت منهم قبل وما رضوا.. لو كنت امسوي هالشي و اعتدت عليه بدون لا تساورهم.. بقولك خذت راحتك..



تدري.. انت الحين توك في بداية الطريج.. و الالتزام شي مهم.. وفي أشخــاص يدورون عليك الزله.. خاصه لو كنت مواطن و مسؤولك لا..!!
فاتحمـــل.. عن يحسون فيك وعقب يقولون تراه طلع و احنا امخبرينه ما يطلع.!!

وما في أخس من انه اتحصل هالناس يشتكون عليك..!
.
.
موضوع المناوبات في البيت.. صح موجوده.. ويطبقونها وايد برع... بس البلاد بعدها.. يبالك تشتغلون على هالمواضيع ويا المسؤولين..

.
.

رأي : خلهم في البيت يطرشولك غداك.. يعني لو عندكم دريول خلي ايي.. و تم في السياره لين ما تخلص غداك.. ورجع و انت شبـــعااان.. و مزاجك عال العال..

[احلى منصوريه]

أفــااا والله حتــى على العيشه حســاب


يا حليلك ..

مشكله الناس الي يشاورون انا راي من راي شووق خل الاهــل يطرشولك غـداك

ولا تطيح بمشاكل مع هالعــالم .. والله يوفقك ان شاء الله

[أتمنى]

مــرااحب

اممم أتوقع سبب رفضهم اذا

جتكم حالة طارئة و استدعت تواجدك

فوجودك في الكانتين يعني عودتك في حوالي

2 الى 5 دقايق

بس وجودك في البيت يعني وصولك في 10 الى 15

دقيقة .. أو أكثر اذا كان فيه زحمة ..

و بعض الحالات ما تتحمل تتأخر دقيقة

:)

يمكن يشوفني البعض أبالغ ..

بس لا سمح الله لو صارت .. الموضوع ما راح

يكون مخالفه من مكان عملك أو مسؤولك

الموضوع راح يكون تأنيب ظمير

،،

الله يعينك دكتورنا .. و كل التوفيق يا رب

:)

أجمل و أصدق التحايا

[وعد]

سوري بس هاالاستشاريه وايد نحيسه حسبي الله عليها
بس دامك استذنت ورفضوا انا اقول تلتزم احسن الحينه
لكن لو ما استذنت وكنت تطلع, عادي كان بيصير الوضوع اوكيه لانهم لو عرفوا عندك حجه
انك ما كنت تدري بس الحين لو صادوك ماراح يكون لك اي عذر
وانا اقول جرب تتغدي مع الدكاتره لانه جيه راح ينخلق بينكم جو من الالفه بعيد عن العمل
وراح تشوفوهم كبشر مو كموظفين او زملاء عمل

[الحساس]

هواجس مشتاق
تطمن من ييت البلاد ومعاناتي مع الاكل اختفت..
وعنادنا في الناس ونعفد فوق القانون هب حل مناسب لهالحاله!!
بس احيانا نحن مجبرين لها الشي!!

================================

ام خدود

================================

الجنيه

الجنيه شغلنا مابه وقت محدد للراحه .. اذا شي شغل نشغل واذا ماشي بديهيا نيلس .. ومعطم القون نشتغل 50 % و50 راحه بس يعتمد هالنسبه وين تكوون خلال وقت الشغل..
الله يعين

===============================

شوق القلوب

صدقتي الحين بعد (الغلطه) الي سويتها بتكون العيوم عليه !! خاصه من صوب هالاستشاريه ... بس هب دوم دوامي يكون مواززي بدوامها فيعني اروم اظهر متى ماابغي يوم حد غيرها يداوم!! والانتباه مطلوب.

===============================

بوزايد

خيبه كبرتني وسويت عندي عيال...

==============================

احلى منصوريه


شفتي عاد.. حتى على اللقمه يدخلون!!

==============================

اتمنى


كلامج صحيح..

وماراح اطلب منهم الاذن الا بعد مااعرف ان شي دكاتره بيغطون مكاني في الحالات الطارئه.. ولا مستحيل اظهر لو اني في موقع يلزمني ايلس لين اجواء المستشفى تهدى..

بس الشي الي يمكن يكون مخفي عن البعض ان نحن الدكاتره اليدد واجباتنا بالمستشفى هب كبيره وماشي حالات مستعجله في شغلنا على الاقل الحين كوني بمستشفى الولاده .. كل شي بالنسبالنا ممنوع .. فمرتاحين الشغل فوق راس الدكاتره ... اما الاشغال الصغيره الي هب مستعجله علينا!!

=====================================

وعد


حرام عليج تدعين عليها هي ماسوت الا الي القانون يقوله.. بس مااخذت الوضع بعين الاعتبار ان ماشي وقتها شغل!!
بالنسبه اني اكل معاهم عسب اتود عليها كلامج نعم العقل ..

[وعد]

[CENTER]

وعد


حرام عليج تدعين عليها هي ماسوت الا الي القانون يقوله.. بس مااخذت الوضع بعين الاعتبار ان ماشي وقتها شغل!!
بالنسبه اني اكل معاهم عسب اتود عليها كلامج نعم العقل ..

لا ما دعيت عليها بس تحسبت

[الــــوردة الحمــــرة]

الحساس هو عادي بس مب دوم
انا اختي اذا كانت عندهم مناوبة ليلة العيد تستأذن لانه ماتحب تفوتها صلاة العيد وعادي كانوا يخلونها لان بيكون حد بدالها بس ولا مرة سوتها انه يت البيت تتغدى وترجع كنا دوم انطرشلها الغداء والعشاء

فاحسن تخليهم فالبيت يطرشولك غداء يعني الاستئذان يكون مثلا حق شي ضروري مثل صلاة العيد لانها ماتتعوض او حاجة ماسة

[طير الحب]

أنا يوم كنت أشتغل...كنت رافعه شعار القانون به ثغرات لازم نستغلها...وبهالشيء وفقت بين راحتي وبين الدوام بدون ما يوجه لي اي شخص اي انتقاد لين ما استقلت

[سفير الخيال]

عزيزي الحساس..

إذا الموضوع ما يضر أحد ولا يتعدى على حقوق أحد فأنا من رأيي إنك تظهر وترتاح

صدقني لو مكانك بحاول أييبهم يمين وشمال إلى ما يلين راسهم

بس إذا ما طاعوا , بهذي الحاله بشوف لي أقرب غرفه وفيها سرير مريح وبـــــــــــــرقد

وجان ما طاعوا بعد , بستغفر ربي الصراحه الين ما تهدا أعصابي وبحاول قد ما أقدر إني ما أمشي بالمستشفى وفي إيدي مشـــــرط

ذليتووووونا ااااااا














السموحة حبوب.. بس تأثرت بقصتي شوي

قهروني

[انامل]

السلام عليكم
مساء الخير دكتورنا
يا حظ بلادنا بأمثالك يا دكتور
الله يعينك ويوفقك
دام الضمير حي يا اخي الكريم لا خوف عيك
المرات اليايه حاسب وحاذر
نحن البشر الواجب نتعلم من زلاتنا وان كانت صغيرة
انتوا فخر وذخر الامارات
بعض الردود تناولت اقتراحات طيبة
من القلب ندعي لك
موفق يارب
كل الود

[نبراس الليل]

عندنا شعار يقول(( دبر حالك))

لكن انت وضميرك تدبير الحال بطريقة لاتضر العمل

وانت اتشطر وافهمها