السلام عليكم ورحمة الله وبركاتــــه..
شوفوا هالوصفــــــــه اكيده و ثنتين من ربيعاتي مجرباتنهـــــا..و وايد فادتهـــــن..
هي وصفة لتطويل الشعر .. وتكثيفــــــه..
بنــات قبل ما اقول لكن الوصفـــــه اللي معرســـه لا اتجربــــها.. الا اذا كان ريلها مسافر..
شوفوا.. هاتوا فص او فصين ثوم.. دقووووووهم عدل ..(لا تتهايزن و تشترنه جاهز و مطحون ..لانه ما ينفع).. انزين و ايبــــن .. كل انواع الزيوت اللي عندكــــــم.. (زيت الخروع.. زيت دابر املا.. زيت زيتون.. زيت جوز الهند.. والـــــخ )..
بس شوفوا في طريقتيــــن.. وحده قالت لي انها ( يابت ملعقتين من كل زيت و سخنتــه ع النار.. يعني مب ساخن جنها بتطبخ .. لا بس بمجرد ما اكتسب السخونــه.. حطت عليه الثوم.. و خلاص.. عاد حطوا الخليط في شعركن و لفنــه لين ما يفتر راسكن... اقصد تقريباً ساعتين .. وبس عقب اغسلوا شعركن
![](http://www.cheesebuerger.de/images/midi/haushalt/l058.gif)
)..
اما الطريقة الثانيــــه احلى اشوفها.. ( انها خذت كمية من زيت جوز الهند.. وكميه من زيت الخروع.. و حطته في غرشـــــة بيبسي.. و حطت عليه الثوم المطحــــون.. ونقعته في الشمس اسبوع..وعقب اسبوع يابت غرشة بيبسي ثانيه وفصلت الزيت عن الثوم.. واستخدمتــه.. وطبعا خلت الغرشه ناقعه في الشمــــــس.. وبس)..
هيه استخدموا الخلطه مره في الاسبوع بس..
هيه نسيت اقولكم اول شي بتحسون ان شعركم وايد يطيح.. بس هذا الشي عادي لانه الشعر ضعيف بس عقب بتحسون بالفرق..
.............................
مواقع النشر (المفضلة)