علاقـــــة $ بـ @_@

[رحيل]

شووو مب الراحة ؟؟ انا عن نفسي أظهر حرتي كلها في المشترى سواء كنت مستانسة او متضايجة ..تقدر تقول ان الشوبينج عندي هوايـــــــــــــــــــة بس ما يهمني اذا كان من الغالي او الرخيص المهم انه عايبني..وعطاري الهدايه اونها لو كانت من الغالي بتكبر في عين اللي امطرش له او انه بيقارن غلاه بغلا هالهدية مثلا..(احس ان الهدية كلما كانت بسيطة ترها احلى وكفاية انك اتذكرته وما نسيته)
السمـــــــــــــــــــــ وحة وكلن له تفكيـــــــــــــــــــــ ـره..

[إسهر معي ليله]

السلام عليكم

مثل ماتقول راحه نفسية،، وما تدري من اي ناحيه

هل هيه راحه انك بذرت؟ او انك خذت اللي في خاطرك

انا عن نفسي ما ابخل على عمري،، لكن ما احب ابذر،، يعني ما باخذ اي شي شفته جدامي احتاجه او ما احتاجه،، اما لو شي فخاطري واقدر عليه ليش ما آخذه؟

خذ هالموقف مثال//

انته يالس في مطعم او كوفي شوب،، طاولة على يمينك وطاولة على يسارك

الطاولة اللي عاليمين يالسين عليها 4 شباب،، طالبين وايد وماشالله عليهم ياكلون،، لين تقريباً خلصوا الأكل ومافي شي ينعق

الطاولة اللي عاليسار يالسين عليها 2،، طالبين شرات اللي طالبينه اللي عالطاولة اليمين ويمكن اكثر،، نتفه من هني ونتفه من هناك،، خلصوا الأكل والصحون مليانه لدرجة انك تتحراهم ما كلوا شي!!

اول طاولة طلبوا شي على قدهم وعارفين انه بيكفيهم،، واذا ما كفاهم بيطلبون عقب شو المانع؟

الطاولة الثانيه طلبوا كل اللي في خاطرهم وهم عارفين انهم ما بياكلون شي،، ما يبخلون على عمارهم الفلوس عندهم،، بس ما فكروا انه حرام هالأكل كله ينعق؟؟ ( هذا هوه التبذير ) ،، ليش ما اتون كل اسبوع مرة في نفس المكان وكل مرة تجربون شي،، من اول مرة تبون تجربون كل شي؟؟

انا ما شفت هالموقف خخخ بس توني الفته،، يعني من هالموقف تقدر تفرق بين اللي ياخذ شي في خاطره ويفيده واللي ياخذ اي شي بسبب وبدون سبب

:: :: :: ::

بالنسبة للهدايا فـ اشوف الهديه مب بغلاتها،، حلو لما تكون في خاطر الشخص اللي نهديه،، واهم شي يكون شي بينفعه
وآخذ الهديه عن ذوق واقتناع انها بتعيبه،، مب لأنها غاليه وبخق عليه

هذا رايي// مشكور عالموضوع اخوي