الكلمه هذه عاديه بس المعنى المقصود في هذا الموضوع هو المعنى الي مب عدل للكلمه

بالنسبة لي شخصيا اشوف انه هالكلمة عادية و احيانا استخدمها لكن بمعناها الاصلي و ليس بالمعنى الي ظاهر حاليا

كلمة الطبجه اتت من طبجة النعال - و انتوا بكرامه - و معناها انه ما يستوي يمشي فلان بدون فلان حالهم حال النعال الله يعزكم ما يستوي تلبس طبجة وحده و تخلي الثانية بروحها

و بضربلك مثال على استخدام هالكلمه,, مرات ابويه يتصل فيني و يسألني انته وين و طالع ويا منو,,
اقوله ويا بو شهاب "كلكلووش" فيقولي الشيبه هيييه يعني ويا الطبجه, بس القصد مش مثل القصد الي شايع بين الناس,, القصد هو انك يا ناصر طالع ويا ربيعك الي دوم وياه


بالنسبة لكلامك عن الذكر الي يحب ذكر فهذه الظاهرة مب يديده و موجوده من زمااااااااان و ياما شفنا ضرايب في المدرسة لأنه فلان يبغي يقردن طبجة فلان و لأنه فلان تضارب ويا طبجة فلان

أحيد كان عندنا ثنين في صفي وصلت فيهم لدرجة انهم يباتون ويا بعض و يسيرون فنادق و يسافرون ويا بعض و يسيرون يتعشون على ضوء الشموع,, اونها يعني رومانسية بين الحبايب,, و للعلم تراهم رياييل و ما فيهم صفات انثوية

ما أعرف شو مشكلتهم في الحياة