{ أحــب الـبر و المزيـــون }

[صريح]

مرحبـــا الســـاع


شحالكم كلن بحاله ؟ ...

هاا اول موضوع لي في واحة التصوير و إن شاء الله يعجبكم ...

سلمكم الله تفقنا في يوم من الايام انه نسيير انخيم في البر و بعد مناقشات حاده اتفقنا على ان لا نتفق هههه "سوالف" .... فرتبنا كل شي و تيمعنا عن نقطة الانطلاق شرات ما نسوي قبل اي رحله "انيوك المزهر" و الرحله كانت لمده يومين

سمينا بسم الله و توكلنا ...


و نبدأ بالصور:



هاي الصوره من تصوير و تصميم المبدع احمد بلهول

...



وعلى انغام ابو بكر سالم بدينا المسير "قال بو محضار قلبي من قديم الوقت سالي"

...



في هاي الصور حاولت اصور كل المواتر بس موتر واحد ما طلع

...



و طبعن طوول الدرب و حنا طاوين العداد ... شو رايكم ببوست التيربو ؟

...



و احنا فالدرب طلعولنا "صلوح و صويلح" المساكين بغونا نوصلهم العزبه بس ما كان عدنا مكان

...



Pose الزمول فيه دلع و عنفوان .... بختصار غييير !!

...



بعد تقريبن نص ساعة وصلنا قريب الفايه و بدينا نربخ (نفّسد) ع التواير

...



و انا ما صدقت وقفنا و بديت اصور

...



صوروني وانا يالس اصورهم " صادوه" .... ههههه

...



و بدا الحماس و التقطيع

...



وصلنا البقعه اللي بنخيم فيها واسمها سيح العقارب (بين الفايه و البداير)

...



الفتك و بـــــس

...



نويت مرباع الغضي سيد الاحباب .. قصدي يزول الجرح زاد التهابه
جيت وبقايا نارهم حول الاطناب .. وبيت الشعر مطوي وباقي زهابه

...

يـتـبـــع

[صريح]

دعاية حق قاهر الصحراء و البراري برادو بو محمد .... خخخخ

...



نزلنا السامان من المواتر و الشباب نزلو فالهور يلعبون

...



وانتو نشوفون هاي الصوره فيه سؤال يطرح نفسه اي واحد من النياسين مال لمــاح ؟ .... لوول

...



وبعد ما خلصوا لعب ريحنا شوي و صلينا المغرب وانا رجعت اصور طبعن ..

...



صوب دار الخل انويت السفـر .. القلب مشتاق واحـث المسيـر
بتبعه لو فـي مهاليـك الخطـر .. والسبب ما بي من الشوق المثير
هام قلبي في هواكـم وانجبـر .. صدقوني كيف اسلا ما يصيـر
يا حبيبي من مصابي في خطـر .. وارحم اللي صار في حبك أسير

...



الغــــــروب

...



محــــاوله فنيه

...



محــاوله لكسر المألوف فالتصوير

...



بت نار الشوق تلعب بي .. ساهرٍ والنـاس هيعيـه
بان مابي لوبها غبـي .. بينـت لعيـون ما بيـه
افضحتني واكشفت نبي .. والله يعلم مقصد النيـة
من سبايب ذاك لمحبـي .. حط لي في القلب ماريه

...



Macro 1

...



Macro 2

...



هاي الصوره اخر صوره صورتها قبل ما نرد لبلاد ..كانت الساعه 5 الفير و لو تلاحظون بعض الشباب بعدهم رقود .. خخخ
للاسف خلص جرج الكيمره و ما صورة شي في اليوم الثاني


حقوق النشر محفوطه لــ صريح و واحات بن دبي فقط !!


و السمــوحه ع القصــــور
صــــــــــريــــــــــــ ـــــــــــــــــــح

[العجيبة]

يا ريت دعاية حق الفتك وبس ! .. سويت دعايه حق مييحــد ، سرت أدور أغنية بت نار الشوق .. خخ

ما شاء الله ، رحلة جميييييله ، اهم شي استانستـو ..

الصورة اللي سألت عن سيارة لماح فيهـا ، أكييد اللي فيها مخفي ..

وتسلم يدينـك يا اخوي ـ تصويرك حلـو ..

[المقاتل]

يــــــــا ســــــــلام

من قــــــــدكـ عاش راعي النيسان

و تصويركـ ماشاء الله رائــــــع

.. اتمنى منكـ الاستمرار في عرض صوركـ ..

:: .. المقاتل .. ::

[بحر الموده]

مرحبتين...*_*

صريح تسلم والدوووم اخوى على هذا التصوير الجميل

والصراحه الصور وايد حلووه مدام الفتكات فيها لووووووول

امممم عن السؤال احتمال يكون لى ماشىء مخفى عليه مال لماح

وان شاء الله دوم نشوف المزيد والمزيد من الصور والرحلات ويعطيك العافيه

اخوكم/ بحر الموده

[بيور]

يااااااااااااااااااي كششششششششخة ,,

عاااد سيره البر بعد ما يبالها كلااااام ,,

والتصووويير فن×فن ,, وعيبتني الصورة رقم 16 17 والاخيرة حسيتها غريبه ,, بس حلوة

شكرااا صريح ,, ولا تحرمنا من يديدك ,,

والسموحة بيور ,,

[صدى جوفي]

تسلم عدسة المصور

:: الـــبـــــــر ::

والتعليقات مــــا عليها كلام

حركـــــات بعد صالح وصويلح

تعيش وتسير البر..

وتصور..

[بنت ناس و عرب]

ياحلاة البر ..
حلوه التصوير و الله يخليكم

[طير الغرام]

يا حافظ ع البـــــــــــر
جو عجيــــــــــــــــــــب
وتصـــــــــــوير ما عليــه كلام

ربي يحفظـكــــــــــــم ^_^

[الاسطوري]

السلام عليكم ..

ماشاء الله رحله حلوه والتصوير أحلى وفيه
جمال فني ولا تحرمنا
من يديدك


يثبت

الاســـطـــوري
أخوكم

[أمواج]

يـــيتو على العووووق والله . .
انا من متى اصيح على اهليه إنسيــر البر . . .
ياســلام عليكم والله . . .
التصويــر إزقرت . .
والبر ماعليه كلاااام والله
والنياسين للبيع ولا ؟؟
بس احلى شي عيبني . . التخميس في الهووور أمووت على الويلات . .
تسلموون على الصور . .

[لمّــاح]

الــــسلام عـــليكم ...

ايــه انتــه ايـــه !!

انا الا من اســـبوع أو اكثر بشويه عرفت انك واحد من الشــلة الـــفـــاسده، للـــعلم يــاجمــاعه تـــرا هـــالــبــني آدم يعـــرف انــي انا هــو لمّـــاح اربيــعــه، من سنتــين أو أكــــثر ، و مــــا خــبرني أنـــا بروحي جـــكيته، أحـــيده كــــتـــب شــي فــــي الــواحات مــــره و ســـألت غـــرشــوب منــو فلان الي في الواحات كاتبلك كذا كذا ؟؟ قــــال لــــي اربـــيعنــــا فـــــلان !!! و انــــا جـــيه اســتــويت
لــو كــنت اعرف ماكنت بـــطلع الفــضايح جــدامك ...

هـــالــرحـــلة عــــجيــــبة كــــانت وايد مواقف استـــوت ..
أخـــــس مـــوقف يــــوم ضــــعت وغـــرزت بــــروحي فليــــل ومـــاكان شـــي ارســــال و تـــميت ادور و امشي لين مالقطت نقــطة ارسال فـــوق الــعرقـــوب اتصـــلتبكم عشـــان تدوروني
و قـــبلها بـــعد كنا ســـايرين اندور بو محمد مضيـــع اضـــني و الي ويايه كان يتفلسف اونه يدل و قال لي خلــني اســـوق، ضــــعنا بـــعد و طــــحنا فـهــــور خـــــايس مـــارمنا نطــلع منه اتريــيـــناكم لــين مايــيــتو و قــلصــتونا !!

البـــقعه زيــــنه لكنها صـــعبه و مســتحيل حد يدلـــها بروحه لازم يكون عنده جي بي اس عشــــان يدلهــا لأنها داخــــل في البر ..

و تـــعال، اشــوفك مـــركز عليـّـــه و على موتريه في الصـــور تقــــريبا معظم الصــــور النيـــسان مالي ضاهر فيــهن، و عـــن ســؤالك يمكن نيــــساني الي عـــليه مـــخفــــي ؟؟

تـــسلم عالموضوع و اتريا ردك يـــالــصــريح ...

[لمّــاح]

هالرد بالغلط نزل ..

[لمّــاح]

شــي صــوره تــضحكنــي، رقــم 21 الي كاتب تحتها محـــاولة لكــسر المـــألــوف في التصــوير، هـــذا الي لابس فـــانيله داخلية و شــورت طالع في الصــورة زقــرتي كل ما اشوفه اضـــحك

إهــــداء ..

[rams]http://5aleej.6arab.com/mee7ad..wail-galbi.ram[/rams]


و بقـــولك شــي، حط جـــايزه حق الي بيجاوب صح على ســؤالك، شمـــه تـــبغي
بنســـوي ســـحب على فــــتك 2006 كلنا بنتشــــارك بنحط 10 بنـــاخذ من كــل واحد عشـــان نشــتري الجـــايزة

[شمه]

التصوير ما عليه كلام..

والرحله شكلها اتجنن..

وعن سؤالك.. اي نيســــان مال لمـــاح.. لو في جايــــــزه بجاوب لو ما شي ما بتعب عمري.. :)