مغامرات ...

[الحساس]

:

:

:

:

[شوق القلوب]

السلام عليكم..

اذا بتســـــــــــــــــــــو ون مغامرات للكبار.. وللبنـــوتات... بنعطيكم أفكـــار شو نبا نلعب بعد
.
.

انزيـــــــن..
- شو رايكـــم بمتــاهة المرايا..! أضني من جريب فاتحين وحده في ابن بطوطه.. و اتوقع انها بتكون حلوه للاطفال.

- لو اتسوون ممم ما ادري شو يسمونه.. مثل معسكر تدريب اللي يتمرنون فيه الجيش.. يعني اتحطولهم تواير.. على يبل صناعي يصعدونه.. على حبال يتعلقون فيها.. يعني أمور من هالقبيل..

- حاولوا اتنظمون مسابقات عائليه.. يعني يكون فريق الوالدين و فريق لعيالهم...

- نظمــوا بطولة للـ Play Station ..

- ممم هاللي طلع في بالي الحين

سؤال.. هالفعاليات بتكون تحت رعايه دائرة الصحه..؟؟

[الحساس]

سلمتي شوق القلوب
نحاول انييب افكار يديده مقارنه بالسنوات لي فاتت!!
هي نعم تحت رعاية دايره الصحه..

[شوق القلوب]

هلا الحســـاس..

في في بالي فكره.. مم مثلا لو اتحاولون اتجمعون مجموعه من المتميزين دراسيا.. يعني اللي في مرحلة الثانويه.. و اتقدمون لهم دورات تعريفيه بالطب و دراسته.. ومهنة الطبيب.. يعني تشرحولهم من واقع تجربتكم..

اتخصصون يوم تاخذونهم ع اقســام المستشفى.. اتودونهم المكتبات.. اتعرفونهم بمواقع الكترونيه طبيه.. يعني.. تعطونهم فكره شامله عن الطب.. عشــان اتساعدونهم في تحديد مستقبلهم الاكاديمي و المهني..

.
.
.

[الحساس]

فكره غاويه يا شوق القلوب.. وفريده من نوعها..

ان شاءالله راح ابحثها مع المسؤول... واذا وافقوا عليها بكتب تحت الفعاليه .. من عمل الطالبه شوق القلوب - واحات بن دبي ذ.م.م

[طير الحب]

ممكن...

مجسم مستشفى مصغر لأنه أكثر الأطفال يحبون المغامرات في الأشياء التي تخص الكبار...

أرض مغامرات تجتمع فيها الإثارة والمعلومة والخوف(مثل غابة فيها مخاطر يبحثون عن معلومات او كنز فيها يعني بيبذلون جهد جسدي وعقلي)


مسرحيات ترفيهية تعليمية ...


تخترعون شخصية كرتونية هي التي تستقبل الأطفال (مثل مدهش) لكنه تمثل الجانب الصحي مثلا أبرة لأنه الأطفال يخافون منها وعن طريق هالشيء بنحببهم في الشخصية والأبرة.

وممكن الجوائز التي توزعها الوزارة عبارة عن حقيبة اسعافات للأطفال.



وإذا ذكرت شيء برد...أتمنى اكون قدمت أفكارة ممكن تطبق.

[ولد الحكومة]

السلام عليكم ورحمة الله وبركااااته

موضوع وايد حلو . . . وأسجل حضوري وياكم،،،، ولي عودة ان شاء الله

السموحه

[العيناويه]

مرحباااااااااااااااابك اخويه الحساس ...
شي طيب انه قامت وزارات الصحة تهتم بهالشي ... وكل هذا يزيل شبح الاهمال الي مسيطر ع الجميع .. اغلب الناس حاطين في بالهم انه المستشفيات في اهمال ...

1) ليش ما تحطون مسابقات شرات من سيربح المليون عبر الكمبيوتر .. حد ينظم الاسئلة وحط يحطهن ..

وربي يحفظكم ويوفقكم ... ان شاء الله لي عوده ..

السمووووووووووحه
عيناويوووووووو

[الحساس]

تسلمون اخواني.. اقتراحاتكم اخذتها للمسؤولين وان شاءالله خير وفالكم طيب..

والمعذره

[العيناويه]

ينزل الموضوع من التثبيت ...

وشكرا

السمووووووووحه
عيناويوووو طويلة العمر